رواية شبيهتي القوية
الفصل الثاني والثالث
بقلم نشوه عادل
-الهانم كانت فين لحد نص الليل اظن انا منبه ان اخر ميعاد للتأخير ١٠ حصل ولا لا
لفت ريهام وملك لمصدر الصوت وكان عم اسراء ماهر اللى ملامحه كانت جامدة ....ملك: معليش ي اونكل انا السبب اصل النهاردة كان عيد ميلاد مرام اختى وانا غصبت ع اسراء تكمل معانا الحفلة للاخر
ماهر بحدة: ع فكرة انا موجهتش الكلام ليكى انا بكلم الهانم اللى بتكسر كلمتى
ريهام : اكيد ي اونكل حقك تضايق انى ارجع ف وقت زى ده بس ي ترى بقى الحكم ده شامل بناتك ولا عليا انا بس!
وقتها اتصدم ماهر من رد اسراء لانها عمرها ما طلع ليها صوت غير اسفة وحاضر ونعم وبس قال بعصبية: انتى كمان هتردى عليا
ريهام بثقة: ابدا ي اونكل انا بس بسأل حضرتك ما هو اكيد خوفك ده مش هيكون عليا انا بس اصل انا مش اعز من بناتك ولا ايه
ف اللحظة دى نزلت رجاء: Bonsoir ( مساء الخير) خير ي جماعة ليه صوتكم عالى؟
ماهر بتمثيل: عجبك بنتك ي رجاء راجعة ف وقت متأخر وكمان بتعلى صوتها عليا عشان خايف عليها
رجاء: الكلام اللى بيقولوا اونكل ده حصل ي اسراء؟
ريهام (اسراء): محصلش انا معليتش صوتى انا بس سألت اونكل سؤال وهو مردش عليه
رجاء: سؤال ايه؟!
ريهام بنظرة تحدى لماهر: ايه ي اونكل تحب اسأل السؤال ادام مامى ولا .........
ماهر بسرعة: خلاص ي رجاء ي حبيبتى متكبريش الموضوع وانتى ي ايسو روحى ع اوضتك اكيد انتى راجعة تعبانة
بالفعل دخلت ريهام مع ملك ع الفيلا وانبهرت بشياكتها وفخامتها صفرت باعجاب وقالت: ايه العز ده كله انا كنت بشوف الحاجات دى ف الافلام وبس
ملك: ي بنتى قولى ما شاء الله
ريهام: ما يحسد المال الا اصحابه ياختى اسكتى
ملك: طب ادامى عشان اوريكى غرفة اسراء يلا
بالفعل دخلتها ملك ع الغرفة وبعدها انفجرت بالضحك ....ريهام باستغراب: انتى شاربة حاجة ولا ايه بتضحكى ع ايه؟!
ملك: ع اللى حصل تحت من شويه انا لحد الان مش عارفة انا مسكت نفسى كل ده ازاى مش قادرة اتخطى ريأكشن اونكل ماهر
ريهام: تؤ خدى من ده كتير ولسه الجاى هيبهرك اكتر
ملك: انا كده بقى هروح وانا مطمنة عليكى اهم حاجة تتعاملى ع انك اسراء ومتنسيش ولا حاجة من اللى علمتها ليكى اوك
ريهام: خلصنا يلا اتكلى
ملك : اتكلى اه ربنا يستر ومتكشفيش ي بيئة
قالت كلمتها وجريت ...ريهام: هتروحى منى فين هنتقابل ي قطة
فى مكان تانى ف شقة ريهام كانت شقة بسيطة ف مكان عادى مش شعبى دخلت ع ام ريهام واسمها مجيدة
اسراء: معليش ي طنط حقك عليا انى اتأخرت
مجيدة بابتسامة حزينة: ولا يهمك ي بنتى هى ريهام كويسة؟
اسراء: اه كويسة وزى الفل متقلقيش المهم انتى اتعشيتى واخدتى علاجك ولا لسه؟
مجيدة: اه الحمدلله بس عاوزة اكلم ريهام اطمن عليها
اسراء: عيونى حاضر
مسكت الفون ورنت ع ريهام واتكلمت مع امها واطمنت عليها وبعدها قفلت
اسراء: ها بقى ي ست الكل اطمنتى؟
مجيدة: شويه
اسراء: انتى قلقانة عليها بس ليه دى بنتك يتخاف منها ع فكرة
ضحكت مجيدة غصب عنها وقالت: ف دى عندك حق هى تقدر تحمى نفسها كويس بس دى اول مرة من يوم ما اتولدت تغيب عنى
اسراء: اومال لما تتجوز بقى
مجيدة: يااااه يسمع منك ربنا ده اليوم اللى بتمناه بس هى عنيدة ومش راضية توافق ع اى عريس وعارفة ان رفضها بسببى انا عشان متسبنيش
اسراء: ان شاء الله ربنا هيبعتلها ابن الحلال اللى يرضيها يلا بقى نوم الوقت اتأخر وعندنا ميعاد بكرة عند الدكتور
دخلت اسراء ع غرفة ريهام وكانت غرفة بسيطة جدا بس رقيقة قربت من الشهادة اللى متعلقة ع الحائط واتصدمت لما عرفت انها خريجة سياسة واقتصاد بتقدير امتياز
فى الفيلا عند ريهام كانت اخدت شاور وخرجت قعدت بالاوضة سمعت الباب بيخبط
ريهام: ادخل
رحاب الخادمة: اتفضلى ي حبيبتى العشا
ريهام: ميرسى انا كنت جعانة اوى
رحاب: تمام يلا اتعشى بقى عشان تاخدى العلاج بتاعك قبل ما تنامى
ريهام: علاج! علاج ايه ؟!
رحاب: البرشام اللى الدكتور كاتبه ليكى عشان تمشى عليه
ريهام: فين العلاج ده؟!
رحاب: ف الكومودينو
ريهام: طيب روحى انتى وانا لما اتغشى هاخده
رحاب: مينفعش انا بفضل مستنية لحد ما تاخديه ادامى واطمن انك مطنشتيش
ريهام: امممم ماشى
بدأت تاكل لحد ما شبعت وبعدها طلبت منها تجيب ليها عصير نزلت رحاب وفتحت ريهام الكومودينو واتفاجأت ان البرشام اللى جوة العلبة مش مطابق للاسم اللى ع العلبة وبسرعة طلعت برشام مسكن من شنطتها وحطيته مكانه قبل ما رحاب تطلع
رحاب: اتفضلى ي سيتى احلى كوباية عصير بالدنيا
ريهام: تسلم ايدك الا هو مين اللى بيجيب ليا العلاج ده؟
رحاب: انا بنفسى اللى بجيبه كل ما يخلص
ريهام: ومين بقى اللى طلب منك تتأكدى انى باخده باستمرار
رحاب: مامتك
ريهام: اوك
شربت العصير واخدت الحباية ولما نزلت رحاب عملت سيرش ع الجوجل واتفاجئت ان البرشام ده بيجيب اكتئاب وبيسبب هلاوس سمعية وبصرية
فكرت ريهام ايه مصلحة رحاب انها تعمل حاجة زى دى الا اذا كان حد طلب منها تعمل كده ...عدى اليوم وتانى يوم الصبح اتصلت ريهام ع اسراء
ريهام: ماما عاملة ايه؟
اسراء: الحمدلله احنا لسه راجعين من المستشفى واخدنا ميعاد للعملية
ريهام: طب الحمدلله بقولك ايه انتى ليه مقولتليش انك بتاخدى علاج؟!
اسراء: اوبس نسيت
ريهام: هو العلاج ده لايه بالظبط؟!
اسراء: ده فيتامينات وكمان مقوى للذاكرة
ريهام: مين الدكتور اللى كتبه ليكى؟
اسراء: دكتور عصام ده دكتور العيلة وصاحب عمو ماهر
ريهام: صاحب عمو ماهر قولتيلى
اسراء: ليه هو ف ايه؟!
ريهام: فيه ان البرشام اللى بتاخديه ده هو السبب ف التهيؤات اللى كنتى بتشوفيها بليل
-فيه ان البرشام اللى انتى بتاخديه ده هو السبب ف التهيؤات اللى كنتى بتشوفيها بليل وده معناه ان فيه حد هنا عاوز يجننك
اسراء بدموع: ايه الكلام اللى بتقوليه ده يا ريهام وازاى عرفتى؟!
ريهام: العلبة عكس الشريط اللى جوة ده تمويه عشان انتى متعرفيش الحقيقة ولانهم عارفين انك هبلة
اسراء بوجع: عندك حق انا فعلا اكبر هبلة
ريهام: انا اسفة متزعليش منى والله مقصدش انا بس عاوزاكى تفوقى لان الطيبة الزيادة دى مش كل الناس تستحقها ومتقلقيش انا هعرف مين ورا الموضوع وغايته ايه
اسراء: انا متشكرة اوى ليكى ي ريهام وحقيقى بشكر الصدفة اللى عرفتنى عليكى
ريهام بابتسامة: ولا يهمك ي قمر خلى بالك من ماما وسلميلى عليها كتير
قفلت ريهام وقالت بصوت عالى: شكل الحوارات وراكى كتير ي اسراء بس انا هعرف اجيبلك حقك بعون الله
مسكت فونها ورنت ع ملك اللى كانت لسه نايمة ....ملك: كنسلت عليكى مرة افهمى انى مش عاوزة اكلمك وعاوزة انام ي رخمة
ريهام: مش وقت استظرافك فوقى كده عشان ورانا مشوار
ملك وهى بتتعدل: مشوار ايه ان شاء الله؟!
ريهام: هنروح عيادة دكتور عصام
ملك باستغراب: اشمعنا؟!
ريهام: مش هنقعد نرغى ع الفون كتير خلينا نتقابل وهفهمك ف الطريق
ملك: اوك مسافة السكة
بالفعل قامت ملك لبست وراحت لريهام اللى اول ما شافتها قرصتها ...ملك: عاااا انتى حيوانة ايه اللى عملتيه ده؟!
ريهام: عشان تبقى تقوليلى ي بيئة تانى العلامة دى بقى تخليكى متنسيش انى ريهام مش اسراء
ملك: اعوذ بالله يلا احكيلى
بدأت ريهام تحكى كل حاجة لملك اللى كانت مصدومة ومش مصدقة ...ملك: ي خبر طب مين ليه مصلحة يعمل كده وبعدين انتى رايحة لدكتور عصام ليه؟
ريهام: هتفهمى لما نوصل
اول ما وصلوا ع العيادة وكشف عصام ع ريهام ع انها اسراء ....عصام: عال اوى صحتك احسن كتير وقفى العلاج بقى
ريهام: اى علاج؟!
عصام: كل الادوية اللى انا كنت كاتبها ليكى
اخرجت ريهام العلبة من شنطتها وقالت: قصد حضرتك ع البرشام ده؟
عصام: ايوة
بعدها خرجت شريط وقالت لعصام : طب وده؟!
عصام بصدمة: ايه ده مين اللى كتبلك البرشام ده؟!
ريهام وهى بتراقب ريأكشاناته وكلامه: هو مش حضرتك اللى كاتب ليا العلاج ده؟
عصام: لا طبعا مستحيل اكتب لاى مريض دوا زى ده ي بنتى ده جرعة زيادة منه ممكن تخلى الإنسان يدمنه ويكون سبب ف جنانه وانتحا*ره
ملك بصدمة: ي نهار ازرق ده طلع بجد
عصام: مين اللى خلاكى تاخدى من الدوا ده ي بنتى
ريهام بسرعة: لا مش انا اللى باخده دى ....دى واحدة صاحبتنا وكنت عاوزة اتأكد من حضرتك اذا كان العلاج ده كويس او لا
عصام: اطلبى منها توقفه وكمان تباشر مع دكتور عشان تعرف مدى تأثيره عليها
ريهام: تمام شكرا ي دكتور بس ممكن اطلب من حضرتك طلب؟
عصام: طبعا ي بنتى اتفضلى
ريهام: مش عاوزة حد يعرف ان انا جيت كشفت النهاردة من البيت ممكن!
عصام باستغراب: طب ليه انتى بقيتى زى الفل
ريهام: عاوزة ادلع عليهم شويه واعرف غلاوتى عندهم
عصام بضحك: ماشى ي سيتى حاضر
بعد ما خرجوا ونزلوا ...ملك: تعالى هنا فهمينى انتى جيتى هنا ليه؟!
ريهام: كنت عاوزة اتأكد الدكتور ده متفق معاهم ولا لا وواضح انه ميعرفش حاجة فهمتى
ملك: ي سلام ي اختى وحتى لو كان هو كنتى هتعملى ايه يعنى؟!
ريهام بضحك: معليش مش هعتب عليكى اصلك لسه متعرفنيش يلا ادامى عشان تروحينى
ملك: ايه مش هتقابلى اسراء وتزورى مامتك
ريهام: النهاردة لا عاوزة اروح اقعد هناك من بدرى وامخمخ ليهم
ملك بضحك: ربنا يستر عليهم
عند اسراء كانت نازلة من بيت ريهام بعد ما استأذنت من امها عشان كانت مخنوقة خصوصا بعد اللى عرفته من ريهام لقت شاب عمال ينده عليها بس هى مش سمعاه فمسك ايدها: ريهام لو سمحتى اسمعينى
اسراء وهى بتبعد ايده: ابعد ايدك عنى ي جدع انت وبعدين انا مش ريهام
الشاب باستغراب: مش ريهام ازاى يعنى؟!
اسراء بسرعة بعد ما استوعبت: انت مين وعاوز منى ايه؟!
الشاب باستغراب اكتر: انا مين؟! انتى نسيتى حبيبك خلاص ي ريهام انا عارف انى بقالى سنة غايب عنك تنسينى بسرعة كده
اسراء باستيعاب: لا مش قصدى كده اقصد انت جاى عايز منى ايه دلوقتى؟!
الشاب: عاوز افهمك انا اختفيت ليه وراجع ليه ممكن بس نقعد ف مكان ونتكلم
اسراء باستسلام: اتفضل
راحوا ع اقرب كافيه وقالها: بعد ما انتى عرفتى انى مدمن قررت اعالج نفسى وروحت مصحة نفسية والحمدلله ف تلات شهور اتعافيت نهائى وبدأت اصلى واقرب من ربنا وربنا كرمنى وسافرت الامارات واشتغلت هناك ف شركة وكمان بكمل الماجستير زى ما انتى كنتى بتتمنى انا قررت ابعد فعلا عشان لما ارجع ارجعلك زى ما كنتى انتى عايزانى
اسراء: طب الحمدلله انك اتغيرت لنفسك قبل اى حاجة بس انا مش فاهمة انت عاوز منى ايه دلوقتى يا........
الشاب: احمد ي ريهام واكيد يعنى عاوزك تسامحينى وتعطينى فرصة
اسراء: ايوة بس انا مش ريهام ووووووو.......