![](https://blogger.googleusercontent.com/img/b/R29vZ2xl/AVvXsEjQJXTchaDr-2OehOLADrEQSElZC9jSZ4RsB3wjyX3nijyGbECv3oLbeX1MbHfXaDNu1YsjEM-e-CBE9OudimKcJV4nH1ebcJTdbhrBGC54XOJ7npskk_fI6w-W3DjLjaD91R7fe607l9mlRPRPOWL2tciuVaehwajfOi1l1_7PjjaVsVdhfVskYh_4epsY/s320-rw/FB_IMG_1711927479252.jpg)
رواية زهرة وسط اشواك الفصل التاسع عشر19والعشرون20بقلم فريدة احمد
خرجت زهرة من البيت وهي منهارة ومش شايفة قدامها من الدموع اللي مغرقة وشها. كل حاجة بتتعاد في ذاكرتها..
معاملتهم الجافة ليها والكره اللي كانت بتشوفه في عيون امها.. ومعاملة ابوها الباردة. فعلا كل حاجة بتأكد انهم مخلفوهاش وانها مش بنتهم
..
محمد بغضب ل امال اللي كانت قاعدة بالامباة بنفس ملامحها الباردة .... ارتحتي كده. استفدتي ايه لما عرفتيها.. استفدتي اييه
امال بهدوء هي شاردة.... كده كده كان هييجي يوم وتعرف..
وبصتله وقالت... واه ارتحت
وقامت سابته ودخلت اوضتها.
..
مسحت زهرة دموعها ولسه بتفتح باب عربيتها في نفس اللحظة اللي احمد كان داخل بعربيته هو كمان لأن احمد ساكن في نفس الكومباوند اللي اهل زهرة ساكنين فيه
هما اساسا جيران وده اللي خلي زهرة تتعلق بيه لانو دايما قدامها
احمد اول ماشافها وقف العربية ونزل منها وقرب عليها بلهفة
احمد.... زهرة
زهرة مابصتش ليه ولسه هتركب العربية احمد مسك ايدها
احمد.... زهرة. انا اسف. ممكن تسمعيني
بصتله زهرة وبغضب... عاوز ايه
احمد....سامحيني يازهرة. انا لسه بحبك ومش عارف انساكي. انا محبتش في حياتي غيرك.. حتي شيماء عمري ماحبيتها
بص في عيونها وقال بحب... انا ماحبيتش غيرك في حياتي
زهرة بدموع..... خونتني ليه
احمد بندم.... اختك السبب. هي اللي شككتني فيكي
زهرة بملامح جامدة.... الله يرحمها
احمد... تعالي نرجع يازهرة. انا عارف انك لسه بتحبيني
زهرة.... لسه بحبك.
وابتسمت بسخرية ثم اكملت بقوة وقالت...
.. انا قلبي ده لو لسه فيه ذرة حب ليك هطلعه وادوسه برجلي.. انت عارف انت عملت ايه. انت روحت لاقرب واحدة ليا تخوني معاها.. ودلوقتي لما تيجي تقولي نرجع المفروض بقا اقولك ايه.اقولك تمام يلا نرجع ولا كأن في حاجه حصلت. صح
احمد بندم.... سامحيني يازهرة انا فعلا ندمان.
زهرة..... وانا مش عاوزة اشوفك في حياتي تاني. لأني نسيتك ومش عاوزة افتكرك
وسابته وركبت العربية ومشيت
واحمد فضل واقف يبص علي اثرها بشرود لحد مااختفت من قدامه وهو جواه اصرار غريب انو يرجعها ليه تاني
زهرة كانت سايقة وهي بتعيط ومنهارة من كل اللي بيحصلها.. حتي اهلها مطلعوش اهلها!!
فجأة صرخت لماشايفة عربية نقل كبيرة قدامها داخله عليها و هي بتحاول تتفادها
...........................
عند رحيم
رحيم واقف بيشرب سيجارة ببرود وياسمين واقفة قدامة وبتعيط وبتقول بغضب.... عاوز تعمل فيا ايه اكتر من كده
كفااية بقاا.. كفاية انا تعبت. اتجوزتني ليه. علشان تزلني وتعذ. بني براحتك ومحدش يقولك انت بتعمل ايه. صح. انت ايه مش مكفيك اللي عملتو فيا زمان.جاي تكمل عليا دلوقتي.تاني. تاني يارحيم
قعدت علي الارض وكملت بصوت ضعيف..... انت اكتر انسان انا حبيته في حياتي.
زادت دموعها بقهر وقالت..... وانت بردو اكتر انسان اذاني في حياتي.
كملت بحسرة... خدت شرفي وبعدها رمتني زي اي كلبة. خدت اللي انت عاوزه ورمتني. سيبتني مش عارفه اعيش حياتي ومش عارفه اتجوز زي اي بنت
عيطت اكتر بقهر .. ومش عارفة انساك. علقتني بيك وخلتني احبك وجيت بكل بساطة طلقتني و سيبتني ومهمكش
ميل رحيم عليها وقال بملامح جامدة باردة..... وده يديكي الحق تعملي اللي عملتيه. تشاركي معاهم في قـ تل اخويا
ياسمين بعصبية.... قولتلك معملتش حاجة. معملتش حاجة. مش عاوز تسمعني ومش عاوز تصدقني
. احلفلك بأيه اني مظلومة واني مأذيتكش
رحيم قعد قدامها علي السرير وقال بحيرة وتعب... هسمعك. قولي اللي عندك.. قولي. اقنعيني انك معملتيش كده.. اقنعيني ان ده مش صوتك وانك مقولتيش كده
ياسمين بلعت ريقها وقالت بعد مامسحت دموعها... لا هو فعلا صوتي وانا قولت كده.
كملت بصدق... بس والله كل حاجة اتغيرت.. انا مكملتش معاهم..
التسجيل اللي معاك مش كامل. اللي بعتهولك قص نص الكلام.... انا اه قولت كده بس لما عرفت انهم ناويين
يقـ تلو يوسف رفضت.. انا لما قولت كده. كنت فكراهم بيدبرولك قضيه يلبسوهالك علشان تتسجن.. وانا بسبب اللي انت عملتو معايا كنت عاوزة انتقم منك بأي شكل.. روحت واتفقت معاهم
ياسمين ابتدت تحكي وهي بتفتكر اللي حصل من سنة
فلاش بااك..
ياسمين قاعدة مع عيلة الشاذلي لانها كنت بتشتغل عندهم
وكانت بتقول بغـ ل.... انا معاكم في اي حاجة تعملوها. انا اكتر واحدة عاوزة انتـ قم من رحيم.. نفسي
اوجعه واكسره. شوفو هتأذوه الزاي. وانا معاكم
واحد فيهم... تمام.. احنا هنقـ تل اخوه. ودي اكتر حاجه هتكسر رحيم الهواري
وده الكلام اللي كان في التسجيل وكان وقف لحد هنا
لكن الحقيقة ان ياسمين وقتها اول ماسمعت كده اعترضت وقالت... لا. قـ تل لا
.... امال انتي كنتي فاكرة ايه
ياسمين... انا كنت فاكرة انكم هتلفقولو قضيه ويتسجن
بسخرية.... وتفتكري لو عملنا كده. رحيم مش هيعرف يخرج منها.. رحيم واصل وليه نفوذه وعلاقاته. يعني لو حبينا نلبسه قضيه رحيم بنفوذه مش هيبات يوم ليلة واحدة في الحجز
ياسمين... بس
قاطعها واحد تاني.... مبسش.. احنا هنـ موت اخوه
كانت قاعدة هيام الشاذلي مع اخواتها واخيرا اتكلمت وقالت.... وانتي اللي هتموتـ يه ياياسـمين. انتي اكتر واحدة بتشوفي الولد. واسمع انو دايما بييجي عندك.هتـ موتيه بالبطيئ كل ماييجي عندك هتأكليه وتكوني حطاله السـ م في الاكل
ياسمين قامت وقفت وقالت بعصبية... انتو ايه معندكوش قلب.. انا استحالة اعمل كده واقـ تل. وكمان طفل مايتعداش العشر سنين مالوش ذنب في اي حاجة.. كملت بغضب... انا مش هعمل كده. ومش هسمحلكو تعملو كده.. عن اذنكو
وقامت ولسه هتفتح الباب وتخرج
واحد فيهم بكل برود اتكلم وقال بتهديد صريح.... انتي هتعملي كده. يااما هتموتي.. ها تختاري ايه
لفت ياسمين ليه وقالت بقوة... مش خايفة منكم. ومش هعمل كده
وخرجت ونزلت من الشركة بسرعة وركبت عربيتها وطلعت بيها وهي في طريقها ل رحيم كانت ريحاله علشان تحذره
لكن للأسف ملحقتش لأنهم بعتو عربية نقل كبيرة وراها
خبطتها
باااك...
ياسمين بدموع.... كنت جايه علشان احذرك واقولك خلي بالك من يوسف. بس ملحقتش.. يومها كانو عاوزين
يقتـ لوني قبل مااوصلك لانهم كانو عارفين اني هعمل كده وهجيلك. وفعلا دبرولي الحادثة دي قبل مااوصلك وفضلت في غيبوبة تلت شهور
كملت وهي بتعيط اكتر ودموعها بتنزل بحزن.... فوقت وعرفت انهم نفذو كلامهم وقتـ لو يوسف فعلا
ياسمين كانت بتعيط اوي ومنهارة وهي بتقول.... والله كنت جاية اقولك خلي بالك.. انا كنت بحب يوسف اوي وربنا اللي يعلم اني كنت بعتبره اخويا. انت متعرفش انا حزنت عليه الزاي. انا قلبي واجعني عليه اوي
وهي بتعيط بحزن
رحيم كان قاعد بيسمعها وساكت ومش عارف ولا قادر يصدقها ودموعه بتنزل علي اخوه اللي كان اغلي حاجة عنده في حياته كان بيعتبره ابنو مش اخوه الصغير
قامت ياسمين قربت منو بدموع ومسكت ايده وهي بتحلف وبتقول بصدق.... والله ماعملت كده. اقسم بالله يارحيم ماشاركت في قتـ له. والدليل اهو انا كنت في المستشفي وقت اللي حصل
رحيم.... دخلتي المستشفى في نفس اليوم اللي يوسف اتقـ تل فيه.. اضمن منين انك ملكيش يد في اللي حصلو. ماهو عادي بتحصل ممكن الواحد يقتـ ل ويتـ قتل في نفس الوقت
ياسمين.... صدقني يارحيم.. صدقني انا. صدق حلفاني
انت اكتر واحد تعرفني. استحاله اعمل كده. انا ياسمين حب عمرك..
كملت بثقة.. انا عارفة انك لسه بتحبني يارحيم. وانك عمرك مانسيتني. حتي بعد اللي عملتو معايا
وهي ماسكة ايده وبتقول.... لسه بتحبني انا متأكده
الله الله وكمان اتجوزتها وانا اللي كنت فاكراك بتاخد
بـ طـار اخوك. اتاريك جايب ست الحسن علشان تتجوزها. حبك القديم اللي مش عارف تنساه
وده كان صوت ليلي مراته اللي دخلت بغضب واول ماشافتهم كده اتجننت وكان الغضب عاميها
ياسمين اول ماسمعت صوتها بعدت وهي بمسح دموعها
ليلي بغضب وعصبية..... يعني اللي عرفته صح. بتتجوز عليا. بتتجوز عليا يارحيم.
كملت بدموع وبصوت ضعيف قالت..... انا كنت حاسه. كنت حاسه من اول يوم دخلتها البيت.. وان الحكاية مش موضوع اخوك زي مانا كنت فاهمة
رحيم قام وقف وقرب منها .... ليلي تعالي
ومسك ايدها
لكن ليلي شدت ايدها متو بغضب وقالت بقوة..... طلقني يارحيم
رحيم..... انتي مش فاهمة حاجة . تعالي بس
ولسه هيمسك ايدها
ليلي زقت ايده بغضب ومسحت دموعها بعنف وقالت.... بقولككك طلقنيي
رحيم..... اهدي
ليلي بصريخ..... اهدي اييه وزفت ايه..انت بتتجوز عليا وعاوزني ابقي عادي.... انا رايحة عند ابويا
وبصت ل ياسمين بقرف.... واشبع بحبيبة القلب
بصتله وقالت..... ياريت تطلقني بهدوء
ونزلت بسرعة وهي بتعيط
...............
عند زهرة
بعد وقت كانت زهرة وصلت عند شقة حمزة
زهرة مرجعتش عند جدتها لكن فجأة وبدون وعي منها لاقت نفسها واقفة قدام شقة حمزة ومن غير ماتحس طلعت مفتاح الشقة من شنطتها وفتحت بيه ودخلت
زهرة دخلت الاوضة كان حمزة نايم قربت وقعدت جمبه علي طرف السرير وفضلت تعيط
حمزة حس بيها فتح عينه واول ماشافها اتخض وقام بسرعة وهو بيقولها بقلق.... زهرة. في ايه. بتعيطي ليه كده. حصل ايه
بس زهرة كانت بتعيط وبس
حمزة قرب منها وضمها ليه... في ايه. مالك. ايه اللي حصل يازهرة
زهرة وهي بتعيط بشهقات.... مطلعتش بنتهم. مطلعوش امي وابويا
وهي بتعيط اوي ومنهارة
حمزة ضمها ليه اكتر بحنية وقالها... متزعليش
وهو بيمشي ايده علي شعرها وبيحاول يهديها
زهرة رفعت وشها ومسحت دموعها وهي بتبص ليه باستغراب... هو انت كنت عارف.. رد عليا كنت عارف
حمزة هز راسه بهدوء... ايوا
زهرة.... وليه مقولتليش
حمزة.... انا لسه عارف من فترة قريبة
زهرة.... يعني الموضوع بجد بقا.
كملت بدموع بتنزل بوجع... انا لحد اللحظة دي مكنتش قادرة اصدق وبقول يمكن بيكدبو عليا ويمكن في حاجة غلط
مسحت دموعها وقالت بصعوبة.... ومين اهلي بقا الحقيقين. تعرفهم. ولا مليش اهل.. كانو متبنيني من دار ايتام ولا لاقوني قدام باب جامع
حمزة مسك ايدها ....لا يازهرة انتي من العيلة .
اتنهد وقال.... انتي اه مش بنت عمي محمد بس بنت عمي زيدان الله يرحمه. واخت رحيم
زهرة... رحيم.رحيم اخويا. الزاي. انا مش فاهمه حاجه.الزااي
حمزة بدا يحكيلها..... عمي زيدان زمان اتجوز علي مراته من ورا جدي في السر.. ومتجوزش اي واحدة. اتجوز من عيلة الشاذلي العيلة اللي طول عمرها بينها وبين عليتنا
عدواة..جدي لما عرف بجواز عمي من بنتهم اجبر عمي يطلقها. بس هي كانت حامل. وفي اليوم اللي خلفتك فيه بعت حد خطفك من المستشفى و خلي الدكاترة يقولوهم انك مو، تي.وورهوم جثة طفله تانيه
وبعدها جدي خدك واداكي ل عمي محمد ومراته يربوكي علي انك بنتهم. وبما انهم عايشين في القاهرة ومش عايشين معانا في الصعيد محدش شك في حاجة وكل الناس صدقو انك بنتهم بجد
زهرة كانت بتسمعو بدموع وهي مش قادرة تستوعب
حاولت تمسح دموعها اللي بتنزل لكن فشلت لانها بتنزل زي الشلال ومش بتوقف من كمية الصدمات اللي بتتعرضلها
زهرة بدموع.... والزاي رحيم يبقي عارف اني اخته وكان شايف وعارف بكل اللي حصلي ده ومفكرش يبقي جمبي
ليه سابني السنين دي كلها ومحاولش يحميني من الدنيا وقرفها
حمزة..... رحيم مايعرفش انك اخته. محدش يعرف غير ابويا وعمي ومراته. الباقيين محدش فيهم يعرف
زهرة.... واللي المفروض ابويا ليه رماني ل عمي.ولا مكنش يعرف بردو اني بنتو
حمزة..... كان عارف. بس هو كان شايف انك في امان وانتي بعيد. لان امك واهلها كانو هيخدوكي لو عرفو انك موجودة هما اساسا كانو عارفين ان جدي خدك. لانهم مدخلش عليهم حوار انك موتي بس افتكرو جدي اللي قتـ لك
وبعد مافات سنين بقلم فريدة احمد
قاطعته زهرة لما كملت هي وقالت بشرود.... هما اللي
قتـ لوه
بصتله وقالت... مش كده
حمزة.....بعدها بكام سنه وكان كل حاجه اتنست
دبرو حادثة ليه وهو مراته ام رحيم. وماتو.. ورحيم مسكتش. خد بطـ ار ابوه وامه. والحرب بينهم قامت. وبعدها هما كمان خطفو يوسف وقتـ لوه
زهرة بصعوبة .... هيام الشاذلي هي اللي قتـ لته..
"ودي سيدة من اكبر سيدات الاعمال اللي في البلد"
كملت زهرة بصعوبة اكبر... اللي هي تبقي امي الحقيقية
حمزة هز راسه ..... ايوا
زهرة بدموع.... هي واخواتها قتـ لو يوسف. اللي المفروض اخويا.. يعني امي هي اللي قتـ لت اخويا وقبلها قتـ لو ابويا
وهي بتعيط بألم
زهرة كانت بتعيط ومنهارة
حمزة رجع ضمها ليه... اهدي يازهرة. اهدي
زهرة..... مش قادرة استحمل كل اللي بيحصلي ده. والله ماقادرة استحمل
وهي بتعيط بوجع
حمزة رفع وشها وبدأ يمسحلها دموعها بحنية
حمزة.... انا عارف انو صعب. بس اهدي ممكن.
مسك وشها بين ايديه وقال... انا جمبك وعمري ماهسيبك. انا بحبك يازهرة بقلم فريدة احمد
وهو بيبص في عيونها بتوهان اللي من اثر البكاء كانت محمرة وده كان مخلي ملامحها جميله ورقيقة
حمزة بتوهان في ملامحها اللي بتجذبو دايما وبتخليه ينسي العالم باللي فيه كل مايبصلها
حمزة... طول عمري وانا بحبك عمري مانسيتك
وباسها علي خدها ورجع ضمها ليه
كمل وقال... حتي طول السنين اللي بعدتيهم كنتي دايما في بالي. منستكيش
زهرة رفعت وشها وبصتله بتوهان وهي لسه دموعها علي خدها
حمزة بدون وعي قرب يبو، سها
والغريب ان زهرة كانت مستسلمة ليه وكأنها متخدرة .لكن مرة واحدة فاقت لنفسها وقالت بضعف.... حمزة. ابعد. مش هينفع. لا لا
وهي بتحاول تبعد
حمزة .... شش. سيبلي نفسك.. انا بحبك. ومحبتش غيرك
وقرب يبوسها من تاني
وهي رغما عنها استسلمت وبدون وعي منها بعد لحظات كانت اتفاعلت وتجاوبت معاه
محسيتش بنفسها غير وهو بينزل البلوزة من علي كتفها وو
في الحظة دي زهرة قالت... حمزة. لا لا. ارجوك. مش هينـ..
لكن حمزة كان مغيب وهي كانت بتتكلم بضعف
حمزة رفع ايده وبتدا يحركها علي خدها لحد مانزل بصباعه علي شفايفها وقال برغبة... انا عاوزك..ومتاكد انك انتي كمان عاوزاني.
وقرب منها من تاني وكانت هي استسلمت ليه كليا وهي كمان مغيبة
وبعدين.......
......................................................
.......
.........................
تاني يوم في الصباح
رحيم نايم فتح عينه لما حس بحركة رقيقة علي وشة
تلقائي ابتسم اول ماشافها وكانت بنته "كنز" اللي عمرها 4 سنين
كنز.... بابا. صباح الخير
رحيم.... صباح الورد. حبيبة بابا. تعالي
وفتح ايده ليها وهي دخلت في حضنه
رحيم ضمها ليه بعد ماباسها علي خدها.. ايه اللي مصحيكي بدري
كنز اتنهدت بطفولة وقالت... مش بعرف انام غير هنا. مش بعرف انام في بيت جدو. وماما مش عاوزة تيجي هنا
كملت بتساؤل.... بابا هو انت زعلت مامي ليه.
رحيم... ليه بتقولي كده
كنز... علشان هي طول الليل وهي بتعيط.. بابا انا مش بحبك تزعل ماما. ممكن متزعلهاش تاني
رحيم.... حاضر ياحبيبتي.. تعالي
وشالها وقام
........
عند زهرة وحمزة
زهرة قاعدة علي السرير ولفة نفسها بملاية السرية اللي مدارية بيها جسمها وبتعيط وهي حاطة راسها بين رجليها
خرج حمزة من الحمام لاقها كده قرب وقعد جمبها ولسه بيحط ايده عليها زهرة بعدتو عنها بغضب ورفعت وشها وهي بتقول
ابعد عني..متلمسنيش
وهي بتعيط بندم وبتقول... اللي حصل ده مكانش لازم يحصل ابدا..ابدا.
وهي بتهز دماغها برفض... مكانش لازم يحصل
وهي بتعيط ومنهارة
حمزة..... انتي مراتي يازهرة.ولا نسيتي اننا لسه كتبين كتبنا تاني من يومين بقلم فريدة احمد
زهرة مسحت دموعها..... دا قدام الناس بس. و كان كلها سنة وكل واحد هيروح لحاله. احنا متفقين علي كده قدام عمي.ولا نسيت
حمزة.... بس بردو اتفقنا اننا ندي لنفسنا فرصة نقرب من بعض. وانا بحبك وعاوزك يازهرة. واللي حصل ده طبيعي
وزي ماانا كنت عاوزك.انتي كمان كنتي عاوزني..والا كنتي منعتيني..
زهرة بصتله بعصبية وقالت.... انت استغليت ضعفي
حمزة قال....لو حسيت انك مكنتيش عوزاني بجد انا كنت هبعد... بس انتي كنتي عاوزاني زي ماانا كنت عاوزك بالظبط. متكدبيش علي نفسك
زهرة مسحت دموعها وقالت بجمود.... غلطة ومش هتتكرر تاني
ولسه هتقوم حمزة مسك ايدها وقال... انا بحبك يازهرة. اديلي فرصة وادي نفسك فرصة
كمل بصدق.... ماحبتش في حياتي غيرك. صدقيني
زهرة كانت بتبصله باستغراب وهي مش مصدقاه وعاوزة تقوله انت كداب
حمزة فهم اللي في دماغها وقالها.... اه عرفت بنات كتير وعملت علاقات كتير
زهرة غمضت عنيها وهي بتفتكر ان ده كان هو السبب اللي خلاها بعدت عنو زمان
كمل حمزة وقال..... بس عمري ماحبيت واحدة فيهم .. انتي مكانتك عندي غير.. غير اي حد يازهرة.. بحبك وبعشقك.. عمري ماحبيت قبلك ولا هحب بعدك.. بحبك بجد
لكن زهرة بصتله جامد وقالت.... احنا عمرنا ماهنفع نكون مع بعض ياحمزة. عمرنا بقلم فريدة احمد
وقامت وهي ماسكة الملاية كويس علي جسمها ودخلت الحمام تاخد دش
وبمجرد مادخلت الحمام وقفلت الباب قعدت علي ارضية الحمام وانهارت وهي بتندم علي اللي حصل وعلي غباءها
وهي بتلعن نفسها انها ضعفت وسلمت نفسها ليه
وبعد وقت وبعد ماخدت حمامها خرجت وهي لسه اثار البكا في عنيها
واخدت هدومها ودخلت تاني تلبس كان حمزة في البلكونة بيدخن
زهرة خرجت بعد ما لبست كان هو بيقفل باب البلكونة بعد مادخل
زهرة من غير ماتبصله خدت شنطها واتجهت ناحية باب الاوضة وبتفتحه
حمزة.... هتروحي فين
زهرة مرديتش عليه
حمزة قرب منها ومسك وشها بين ايديه وقال... خليكي يازهرة متمشيش
زهرة بملامح جامدة.... انا مينفعش افضل معاك
وفتحت الباب ولفت علشان تمشي
حمزة مسك ايدها.... استني بس.. هتروحي فين دلوقتي
زهرة شدت ايدها منو وقالت .... هروح في داهية. ملكش دعوة بيا
وهي بتبصله بغضب
وخرجت ولسه بتفتح باب الشقة لاقت اللي في وشها
والمفاجأة كانت سهر مرات حمزة التانية
زهرة باستغراب.... انتي مين
سهر ... انتي اللي مين.. مش دي شقة حمزة
زهرة.... ايوا. انتي مين
سهر.... انا مراته
زهرة بصدمة... ايه.. مرات مين
الفصل العشرون
فتحت زهرة باب الشقة وهي غضبانة ومش طايقة نفسها ولسه هتخرج لاقت اللي علي الباب في وشها
والمفاجأة كانت سهر مرات حمزة التانية
زهرة باستغراب.... انتي مين
سهر هي كمان ردت عليها باستغراب... انتي اللي مين... مش دي شقة حمزة
زهرة بصتلها من فوق لتحت وقالت .... حمزة
ورفعت حاجبها.. وانتي تعرفي حمزة منين
وهي بتقول في نفسها اكيد واحدة من الزبالة بتوعو
حمزة كان خارج من الاوضة ورا زهرة واول ماشاف سهر اتصدم
حمزة حط ايده علي دماغه وهو بيحرك صوابعه بين شعره وبيقول. يانهار اسود
وقرب علي سهر بسرعة لكن ملحقش يتكلم لأن
سهر هي كمان كانت بصت ل زهرة من تحت لفوق وراحت تدخل وردت عليها و قالت وهي بتدخل .... انا مراتو.. انتي بقا مين و هنا بتعملـ..
قطعت كلامها لما شافت حمزة في وشها
قربت سهر عليه بدلع وهي بتقول..... حمووزي.وحشتني مووت
وحضنتو
حمزة بعدها عنو وهو مرتبك ومصدوم لسه
زهرة قربت عليه بهدوء وهي بتشاور علي سهر وبتقول بزهول.. مين دي
سهر ردت عليها وقالت.... ما قولتلك مراتو.. انتي اللي تطلعي ميين
وبصت ل حمزة... هو انت بتخوني ياحمزة
اما زهرة بصت ل حمزة بصدمة وهي بتقول بنفس زهولها.... مراتك!!!!.
كملت بعصبيه وهي بتحاول تستوعب.... مررراتك.. هو انت متجوززز
حمزة..اهدي و هفهمك
زهرة بجنون .... اهدي ايه وهتفهمني ايه. هتفهمني ايييه.. انت متجوز.. متجوزز... الزاااي
في اللحظة دي اتأكدت سهر ان دي زهرة بنت عمه اللي حمزة اتجوزها
سهر الاول كانت فاكرها اي واحدة حمزة جايبها يقضي ليله معاها ودا خلاها اتجننت لكن مبينتش بس من جواها كانت خايفة لان حمزة اصلا من بعد مااتجوزها بطل يجيب بنات وهي عارفة انو بطل ولما شافت زهرة كانت مش متطمنة وخايفة انو يكون رجع تاني يجيب بنات الشقة لكن رجعت قالت في نفسها يمكن اختو مجاش في دماغها خالص ان دي ممكن تكون زهرة لانها عارفة ان زهرة مش قاعدة مع حمزة في الشقة يعني مش عايشة معاه اساسا
سهر بصت بخوف ل حمزة اللي كان بيبصلها بغضب وبيتوعدلها
بلعت ريقها برعب بعد مااستوعبت انها عكت الدنيا وان حمزة مش هيرحمها
اما زهرة ابتسمت بسخرية بعد ماحاولت تهدي نفسها و
اقنعت نفسها ان الموضوع مش فارق معاها لانها كده كده كانت ماشية وسايباه وبعد مارسمت البرود علي وشها بصتله بقرف واستحقار وقالت.....
طول عمرك رمرام. وهتفضل طول عمرك رمرام
وبصت لسهر اللي واقفة بتتشاهد علي نفسها وقالت بنفس السخرية... انتي بقا كنتي عاوزة تعرفي انا مين.. احب اعرفك بنفسي
وكملت بمرح مصطنع وقالت... انا ضررتك ياعنيا.. مرات البيه. جووززك
وبصت لحمزة وقالتلها.... خلي بالك منو علشان هو مش بيحب الوحدة خاالص
ورجعت بصتلهم الاتنين بقرف وبتلف علشان تخرج لكن حمزة قرب عليها بسرعة... زهرة. استني. هفهمك. انتي مش فاهمة حاجة
ولسه بيمسك ايدها
لكن زهرة شدت ايدها منو وقالت بملامح جامدة... ابعد عني
حمزة.... زهرة مش زي مافهمتي الموضوع ال...
ولسه هيكمل
زهرة زقته بغضب وعصبية....هتقول ايه. هتكدب.. هتكدب تاني
خدت نفس وقالت.... عموما انا ميفرقش معايا تطلع متجوز تطلع مطلق ميفرقش. انت كلك متفرقش معايا
ومش عاوزة اشوفك تاني ولا اسمع سيرتك
وخرجت بسرعة وهي جواها بركان غضب ومش قادرة وهي حاسه انها هتنفجر من كتر الصدمات اللي مش عارفة تلاحقها
وبمجرد مازهرة خرجت لف حمزة ل سهر اللي واقفة مرعوبة لكن كان في حاجة من جواها مفرحاها وهي ان زهرة عرفت انو متجوز وفي نفسها بتقول ان زهرة اكيد مش هتكمل معاه وهتطلب الطلاق وبكدة تبقي خلصت منها ويفضل حمزة ليها لوحدها
فاقت علي صوت حمزة الغاضب اللي قرب عليها وبيقولها بشر... انتي ايييه اللي جابك هنااا
سهر حاولت متبينش خوفها وقالت بسخرية.... هي دي بقا اللي اتجوزتها عليا ياحمزة بيه. و
قطعت كلامها لما حمزة مسك دراعها جامد بغضب... انا مش قولتلك متجيش الشقة دي ومتخرجيش من البيت .. اي اللي خرجك و جابك هناا.. انطقييي
سهر بتعلثم لما شافت الشر في عينه ... و. والله. مـ مكنت ا. اعرف . انها هنا
كملت بألم من ماسكته... حمزة. ايدي انت بتوجعني
حمزة بغضب وهو لسه ماسكها .... اييييه اللي خرجك
سهر ... ما انت بقيلك كتير مش بتيجي. وو كلمتك كتير مش بترد
حمزة وهو لسه ماسك دراعها بغضب.... ناقصك حاجة في البيت
سهر هزت راسها ب لا
حمزة.... ناقصك فلوس. كنتي محتاجة ايه.. فلوس يعني
سهر... لأ معايا ماانتي بتسيبلي فلوس كتير.. ايدي ياحمزة. بتوجعني
حمزة ساب ايدها بعنف وهو لسه بيبصلها بغضب.. ولما مش ناقصك حاجة ايه اللي جاابك
سهر وهي بتحرك ايدها علي دارعها بتحاول تخخف الوجع قالت بقهر ..... ناقصني انت.. هو لازم يكون ناقصني فلوس او اكل.. انا مراتك وليا حقوق عليك. بقيت رميني مابقتش تسأل عليا
قربت منو جامد وقالت وهي بتبص في عنيه.. انت مكنتش بتستغني عني. ايه اللي حصل.. من يوم مااتجوزتها وانت بقيت متغير معايا. مع اني اللي اعرفه ان جوازك منها مش زي اي جواز وان ابوك اللي صمم علي جوازكو.. وانها اصلا سايباك وقاعدة مع جدتها يعني لا هيا في دماغك ولا انت في دماغها. ايه اللي غيرك. انت حبيتها.؟؟؟..
حبيتها
وهي بتبصله جامد بترقب ومستنية الاجابة
سهر دموعها نزلت.... انت حبيتها ياحمزة
حمزة.... انا بحب زهرة من واحنا عيال صغيرين ياسهر. منسيتهاش ومحبيتش في حياتي ولا واحدة غيرها
سهر دموعها نزلت اكتر بألم
قالت بوجع.... وانا. انا ايه في حياتك. اتجوزتني ليه
حمزة.... ماانتي عارفة انا متجوزك ليه
سهر هزت راسها بدموع.. عارفة.. عارفة
بصتله وكملت بالم.... علشان ابسطك.. متجوزني متعة لمزاجك و بس.. مش ده اللي بتقولهولي كل شوية.. وديما بتفكرني بيه احسن انسي
مسحت دموعها وقالت.... مع انك مكدبتش عليا ولا قولتلي بحبك قبل كده ومعرفني من قبل ماتتجوزني غرضك.. وانك متجوزني متعة وبس... بس كان في احساس جوايا بيقولي انك بتحبني. واللي كان مخليني مصدقة احساسي اكتر. اني من يوم مابقيت معاك انت ملمستش واحدة غيري ودا انا متأكدة منو.... علشان كده لما دخلت دلوقتي وشوفتها معاك ولما افتكرتها واحدة من اللي كنت تعرفهم كنت هتجنن لاني عارفة من يوم مااتجوزتني وانت مستكفي بيا
رقت نبرتها شويه وهي بتحاول تقرب منو.....هو انا مبقتش اوحشك زي الاول..للدرجادي خدتك مني..
هزت راسها وقالت وهي بتقنع نفسها انو بيكدب عليها.. لا انا مش مصدقة انك بتحبها. انت بتحبني انا. انت اساسا عمرك ماجبتلي سيرتها
حمزة مكانش سامعها ولا معاها هو كل اللي فارق معاه زهرة اللي مشيت وهو عارف انها صعب ترجعله بعد ماعرفت انو متجوز واحدة تانيه
حمزة بصلها وبكل هدوء ... امشي
سهر.... امشي فين
حمزة... ارجعي الشقة.. يلا روحي... ولا تعالي اخدك في سكتي.. انا كنت نازل..
ومسك ايدها....يلا. وحسابك معايا بعدين. بس لما افضالك
سهر شدت ايدها منو وبعصبية.... انت بتعمل معايا كده ليه
خايف عليها اوي وعلي مشاعرها.. واناا. انا ايه. منا مراتك.
.. روحت اتجوزتها عليا.. يعني المفروض تخاف علي مشاعري انا. مش مشاعر الهانم. انت اتجوزتها هي عليا. مش العكس. اتجوزت عليا وبرغم كده انا سكت وحطيت في بوقي جزمة قديمة... بس لأ.. انا مش هسمحلك تيجي عليا..وتظلمني. انا مراتك وليا حقوق عليك.. وليا الحق تتجوزني في النور زيها.. مش تبقي متجوزني في السر وراميني. وتجيلي وقت مامزاجك يطلب. انا مراتك زيها فاهم بقلم فريدة احمد
حمزة بهدوء ... مراتي. تمام..
بصلها وقال بنفس هدوءه.. والنهاردة هتبقي طليقتي.. وبكل هدوء... انتي ط..
لكن سهر بسرعة حطت ايدها علي بوقه وقالت.... لا لأ ياحمزة.. متطلقنيش.
اتجمعت الدموع في عنيها وقالت... انا بحبك. ارجولك لا متنطقهاش
حمزة شال ايدها من علي بوقه وخد تليفونه ومفاتيحه وخرج وقفل الباب وراه من غير مايتكلم
سهر غمضت عنيها
وقعدت مكانها وفضلت تعيط بقهر
....
في الصعيد
ليلي بتعيط في حضن امينة امها وهي بتقول... اتجوزها ياماما. اتجوز عليا
وهي بتعيط ومنهارة
امينه.... اهدي. اهدي ياحبيبتي هيحصلك حاجة
ليلي.... مش قادره ياماما مش قادرة. دا كسرني
امينه.... كسرك دا ايه يابنت الهبلة . لا عاش ولا كان اللي يكسرك. وبعدين انتي متزعليش. يابت دا اتجوزها علشان يزلها. مش بتقولي ليها يد في مـ وت يوسف. هو هياخد بطاره منها دا مش بعيد يقـ تلها بعد مايعـ ذبها.....
و بعدين حكاية الجواز دي مش داخلة عليا اساسا.. دا تلاقيه ورقة مزورها. علشان كان عارف ان امها هتبلغ عنه انو خاطفها.. واكيد عمل كده عشان تبقي اسمها مراتو وميلبسش تهمة انو خاطفها.. وبكده يعـ ذبها براحتو بقلم فريدة احمد
ليلي... ياماما عقد الجوزاز حقيقي مش مزور. هو اتجوزها بجد
امينه وهي بتتوعد لرحيم من جواها بس بتحاول تهدي بنتها ... وافرضي. هو زي ماقولتلك.. يعني متقليقيش.. شويه وهتلاقيه دفنها حية.. دي شاركت في قتـ ل اخوه يعني بالنسبة ل رحيم الله يرحمها
ليلي... بس هي مشاركتش في قـ تل يوسف
امينه... مين اللي قالك.
ليلي ... هي بتقول كده. وهو دلوقتي شكلو مصدقها مش زي الاول..
دموعها نزلت اكتر بوجع وهي بتقول.... رحيم لسه بيحبها انا عارفة
امينه... بطلي هبل.. هو بيحبك انتي. يابت انتي ام بنتو
ليلي وبتمسح دموعها... بس. ام بنتو بس.. لكن رحيم عمره ماحبني لانو عمره مانسيها ولا شالها من دماغه.. رحيم اتجوزني غصب لما عمي اجبرو يطلقها واجبرو بردو يتجوزني..
وهي بتعيط اوي بوجع... انا عاوزة اتطلق ياماما. مش هعيش معاه تاني وانا عارفة انو مبيحبنيش. كفايه اوي كده. وبعدين هو خلاص حبيبة القلب بقت معاه...
انا هقول لأبويا يطلقني منو.. انا مش عاوزه
امينه... لأ طبعا. طلاق ايه ياهبلة انتي. مفيش طلاق
ليلي صرخت فيها.... مبيحبنيش. بقولك مبيحبنبش. ومش بعيد الاقيه هو اللي بيطلقني من نفسو بقلم فريدة احمد
امينه.... رحيم بيحبك وانا متاكدة والدليل انو عمره ما عاملك وحش. هو ما يقدرش يستغني عنك
واذا كان علي جوازه من البت بنت ال***دي انا هخلي ابوكي ييبهدلو ويخليه يطلقها.. لكن مش بنت امينه اللي جوزها يتجوز عليها وتطلق ... لا يطلقها هي ورجله فوق رقبته.. متقلقيش ابوكي مش هيسمحلو يتجوز عليكي ويسكتلو
............
بعد ساعات
زهرة كانت سافرت اسكندرية عند صاحبتها لانها كانت خلاص فاض بيها مكنتش قادرة تستحمل علشان كده قررت انها تبعد و علي قد ماتقدر يمكن تهدي شوية
.......
عند حمزة في المعرض بتاعه..
(حمزة عندو معرض سيارات كبير جدا)
قاعد في مكتبه وهو مش طايق نفسه وبيدخن بغضب
دخلت السكرتيرة.... حمزة بيه في مقابلة النهاردة مع كمال بيه الاسيوطي وشركائو..معادهم كمان نص ساعة وهييجيو علشان تمضي معاهم الصفقة.وده الورق.انا جهزته كله
وهي بتحطه قدامه.
حمزة قاطعها... اجليه دلوقتي
وقام وهو بياخد مفاتيحه
السكرتيرة... بس يافندم.. هما زمانهم علي وصول
حمزة بغضب..... انتي مابتسمعيش.. كلميهم اعتزيلهم. ولا الغيها
السكرتيرة.... ح. حاضر
حمزة نزل وخد عربيته وطلع علي بيت جدة زهرة معتقد انها عند جدتها
بعد وقت وصل
جدة زهرة فتحتلو.... حمزة .. اتفضل يابني
حمزة وهو علي الباب ... انا عاوز زهرة. ممكن تناديلها لوسمحتي
جدة زهرة.... بس هي مش هنا.. مجتش اساسا من امبارح
حمزة.... امال راحت فين بقلم فريدة احمد
جدة زهرة.... مش عارفه هي امبارح مشيت من عندي قالت انها رايحة لأبوها وامها. وحاولت اكلمها بليل لما اتأخرت لاقيت تليفونها مقفول ومن الصبح بكلمها تليفونها مقفول بردو
كملت بقلق... هو حصل حاجة
حمزة مردش ونزل بسرعة
خد عربيته وطلع علي بيت عمه
بعد وقت وصل ودخل علطول خبط علي الباب بعنف
امال فتحتله
حمزة.... زهرة فيين
امال باستغراب.... وانا هعرف منين زهرة فين..
حمزة.... مجاتش هنا النهاردة.
امال.... لأ. هي كانت هنا امبارح ومشيت مرجعتش تاني من ساعت مـ.
وسكتت
حمزة.... من ساعت ماقولتيلها انك مش امها
امال.... كده كده كانت هتعرف
حمزة بضيق .... طيب ممكن تكون راحت فين يعني
امال.... مش عارفه. انا معرفش عنها حاجة.. بس ممكن تكون عند جدتها او حد من صحابها
حمزة.... مين صحابها اللي ممكن تكون راحت عندهم
امال ببرود.... معرفش
حمزة بصلها بغضب ومشي
..........
عند زهرة
كانت واقفة في البلكونه رافعة وشها ومغمضة عنيها وهي بتسنشق الهوا
جات صاحبتها شيري ودي اكبر من زهرة ب 10 سنين بس بينها وبين زهرة صداقة قوية جدا. هي صاحبة امال بس قريبة من زهرة جدا وبتعتبرها اكتر من اختها
وكمان business woman ناجحة جدا
شيري وقفت جمبها... مش هتحكيلي بردو..
زهرة بصتلها وسكتت
شيري.... مالك يازهرة.. فيكي ايه. ايه اللي حصل معاكي ياحبيبتي وخلاكي بقيتي كده وفي عيونك الحزن ده كله
زهرة اتنهدت ورجعت تبص علي البحر اللي قدامها... اللي حصلي
ابتسمت بوجع وقالت.... اللي حصلي كتير. كتيير اووي. مفيش واحدة تستحمله
شيري قربت حط ايدها عليها.... احكيلي يازهرة. يمكن لما تحكي وتتكلمي ترتاحي. فضضي ياحبيبتي
زهرة.... صدقيني مش قادرة حتي اتكلم
شيري.... براحتك طبعا.انا مش هصغط عليكي. بس اتأكدي اني جمبك واي وقت عاوزة تتكلمي اناهسمعك
وقربت حضنتها وفضلت تمشي ايدها علي شعرها بحنان
شيري.... تعرفي يازهرة. انا طول عمري بحس انك بنتي مش صحبتي.
زهرة رفعت وشها من حضنها وقالت ببتسامة.. بنتك. دول كلهم 10 سنين
شيري ببتسامة .... بردو بنتي. عارفة حتي بعد ما كنت بقعد ازعل اني مش هعرف اخلف رجعت وقولت ماانا عندي زهرة. لو خلفت عمري ماكنت هحب بنتي اكتر منك
زهرة... انا كمان بحبك ياشيري.انتي اقرب واحدة ليا.. سكتت ثواني وبعدين قالتلها... شيري
شيري.... ايه ياقلبي
زهرة .... انا مش عاوزه حد يعرف اني هنا ممكن متقوليش لاي حد.. انا عاوزة ابعد عنهم.. مش عاوزة اشوف حد فيهم. ومش عاوزاهم يعرفو مكاني
شيري.... حاضر
زهرة .... انا عارفة ان بينك وبين حمزة شراكة في الشغل وبتتقابلو كتير ومتأكدة انو هيكلمك يسالك عليا.. ااوعي ياشيري
شيري....حاضر ياحبيبي والله. متقلقيش يازهرة.. يلا بقا علشان ناكل. انا طلبتك السوشي اللي بتحبيه
زهرة ... لا ماليش نفس. انا هنام
شيري..... ناكل الاول وبعدين ننام
...............................
عند حمزة
حمزة وهو في العربية افتكر انها ممكن تكون راحت ل رحيم
اتصل عليه
رحيم.... ايه ياحمزة
حمزة بسرعة.... هي زهرة جات عندك
رحيم باستغراب.... هتيجي عندي ليه
حمزة.... يعني مجتش
رحيم... في ايه ياعم. مالها زهرة. وبعدين ايه اللي هيجيبها عندي
ثم اكمل باستفزاز... هي ضايعة منك ولا ايه
حمزة بضيق.... انا قولت دي جاتلك لما عرفت انك اخوها
رحيم باستغراب... اخوها.. اخوها مين.. اخوها الزاي
حمزة.... اخوها.. ماهي زهرة اختك
رحيم.... اختي الزاي يلا.. ولاا يا حمزة انت شارب حاجة ياض
حمزة بملل قال... رحيم زهرة تبقي اختك. زهرة بنت هيام الشاذلي اللي ابوك كان متجوزها
رحيم وهو بيحاول يستوعب
وقبل مايتكلم
حمزة قالو.... رحيم البنت اللي ابوك خلفها من هيام ماماتتش. تبقي زهرة
رحيم بصدمة وزهول... انت بتقول ايه.. الزاي
حمزة قالو كل حاجه
رحيم ببرود.... وانت فاكرني هصدق التخاريف دي
حمزة.... لا دي حقيقة. زهرة فعلا اختك
رحيم بسخرية.... ودي كدبة جديدة من عمي محمد علشان ياخد بيها فلوس ابويا لبنتو. انا عارفه يعمل اي حاجة عشان الفلوس حتي لو هيبيع عيل من عياله..
كمل بعصبية... ايه شايفني عيل بريالة علشان اصدق العبط ده
حمزة.... انت بتقول ايه. زهرة مش بنت محمد فعلا. زهرة اختك بجد
رحيم بغضب وغـ ل..... لو بنت هيام عايشة فعلا انا اللي هاخد روحها بإيدي