رواية تكميم
الفصل الثالث 3
بقلم اميرة سليمان
خليت راجلي سافر درت عملية تكميم من وراءه كرهت كيف يشوف فيه و يقولي كل يوم نقصي و ينق عليه خنبت فلوسه درت عملية أول ما روح من السفر لاحظ عليه اني مش طبيعة كان مفروض نكون في المستشفى نتبع نظام علاجي بس طلعت بكري خفت يكشفني في ليل نضت نبكي من الوجع و اني كل ما يبي يقرب مني نكذب عليه و نقوليه تعبانه لين شاف دم على تيشرت امتاعي قالي شن هذا قتله مجروحه و خشيت نجري للحمام صكرت على روحي بسرعة ابديه جرح إمتاع العملية يصب في الدم كأنه نزيف و الضعف مازال ما اطلعش عليه يبي فترة اقعدت نبكي في الحمام هو يخبط على الباب و اني نقوليه مافيش شي غير طحت و انجرحت اطلعت من الحمام غيرت ملابسي داخل الحمام حاولت نلفه و اطلعت قالي قعده سمينه زي قبل قلت توا بنسافر و نرجع نلقاك نزلتي شويه شبحتله و اسكتت ارقدت على السرير وجع و الم و جرح العملية ينزف بشدة لين نشد في المخده من الالم و نعيط ب سر مانبيشي يلاحظ شي
روح هو مش ملاحظ أنه فلوس الورثه مهناش بكل 💔
كنت نحاول نغطي و يقولي خيرك تباعدي عليه اني مانبيشي يشبح الجرح إمتاع العملية و الصدمة 😧💔
نوضني الصبح قالي اختي اليوم امدايرة حفلة توديع العزوبية في الاستراحة امتاعنا تتصل بيك ما ترديش
ضحك بعتالي ب استهزاء قالي اكيد ماتبيش تمشي على خاطر م عندكش شن يلبسك اسكتت قعدت نشبح ليه لين ضمني و قالي سامحيني با الله عليك اسف مش قصدي
هو يضم فيه و الجرح ابديه ينزف دفتيه خشيت نجري للحمام نغير عليه قبل ما يلاحظ
اطلع قالي توا نجي
جتني زي دوخه اتسطحت لين نوض و الكارثه😧💔 مع ساعة خمسة جاني قالي خيرك نتصل بيك م ترديش شن لازم تمشي الحفلة بتبدا ساعة 8 لازم تمشي تحضري اختي تسأل عليك نضت البست فستان اسود عادي شعري ما قدرتيش نديره شديته مكياج بسرعة درته و البست عبايتي و ارفعني و طريق كلها حاسه روحي بنموت خلاص لين نزلني قدام الاستراحة و اصدمني بكلمت مش عارف حاس تعشن فيه لما تروحي بنتفاهم معاك انزلت و ابتسمت و اسكتت و أبدت الحفلة البنات يرقصوا و جو حفلة توديع العزوبية و الحفلة كانت برا جنب المسبح و ابديه جو المسخره إمتاع البنات اني كنت واقفه جنب بعيد نشبح ليهم لين جت فقرة تقطيع كيكة إمتاع العزوبية جنب المسبح أبدوا البنات في جو المسخره و يدفوا في بعضهم في المسبح لين حسيت حد شدني من ظهري و صدمة تابع ديري متابعة أهنا مش يوصلك الباقي private number