الفصل الاول1
بقلم عادل الصعيدي
بعد ما خلص فرح ناديه بنت عمتي لفت انتباهي ان ماما واقفه مع واحد غريب في السن الأربعين راجل عليه
الوقار والهيبه وواضح من لبسه انه راجل ليه مركز وليه كريزما رجال الأعمال كدا
وكمان شكله حلو .
طلع انا بره لقيت ماما بتنادي عليا وتعرفني بيه .
ماما ..
تعالي يا منار سلملي علي مراد
بصراحه استغربت لما لقيتها بتنادي عليه بدون اللقاب وكأنها تعرفه من زمان
او فيه حاجه بينهم ..
سلمت عليه وعرفني بنفسه
مراد .
انا مراد العزام رجل أعمال
بصتله وانا مبتسمه. بصراحه شدتني ليه هيبته ووقاره وطريقه كلامه مهذبه وشيك
شويه وعرض علينا يوصلنا في طريقه
ماما بسرعه وافقت وطلعنا من صالة الأفراح وركبنا عربيته الفخمه ومشينا ومفيش وقت ووصلنا مكان شقتنا.
وماما فضلت تتحايل عليه عشان ينزل يشرب حاجه عندنا بشقتنا
وبعد إصرار منها واقف
وطلعنا معانا الشقه وانا دخلت اوضتي اغير هدومي
وماما راحت المطبخ تعمل حاجه لمراد يشربها
ولما طلعت من اوضتي لمحت ماما كانت قاعده جمب منه واول ما شفتني بعدت عنه
انا عملت نفسي مش واخده بالي
ودخلت المطبخ عشان اعمل حاجه اشربها .
انا منار عندي 20 سنه وعايشه انا وماما بشقه لوحدنا بعد وفاه بابا وماما بتشتغل بشركة طيران .
عملت عصير ورايحه اطلع من المطبخ افتكرت المشهد بتاع ماما لما كانت قاعده جمب مراد
وقفت وراء الستاره بتاعت المطبخ وحاولت ابص عليهم من غير ما حد يشوفني
واول ما بصيت شوفت ماما ..