رواية عذراء الرعد كامله بقلم بسمه ) جميع الفصول حتى الاخير الخاتمه

رواية عمياء في يد الصياد 

الفصل الثاني والثالث 

بقلم اسراء سمير

في مستشفي الصياد

خرج مالك من غرفه العمليات قاصدا مكتبه ولكنه توقف عند هذا المشهد

فتاه جميله ورقيقه تهدي طفلا صغيرا شيكولا وكانت تقبله وتضحك معه،

لا يعرف لما أعجب بها وظل ينظر إليها

وبعد ذلك رحل الطفل مع والدته...

وأثناء ذلك وجد دكتور أدهم يقترب منها ووقف معها وبدأوا يتكلمان ويمزحان فذهب ولم يطل الوقوف

علي الجانب الآخر عندما اقترب أدهم من تلك الفتاه

ادهم:ايه يا مريومه شايفك عرفتي تندمجي هنا ومع الاطفال

مريم:انت عارف يا دومي اني بحب الأطفال جدا علشان كده اتخصصت طب اطفال

ادهم ممازحا اياها:لازم تحبيهم ما انتي اصلا منهم

مريم:ماشي يا ادهم لما نرجع البيت وشوف هعمل ايه

ادهم:ههه خلاص انا عارفك هتبوظي في حاجتي وانا مش ناقص

مريم بغرور مصطنع:كويس انك عارف،وسلام بقا علشان ورايا شغل وانت معطلني

ادهم بتوعد:ماشي يا مريم

♡♡♡♡

في بيت يبدوا عليه الثراء يستيقظ عمر ويغتسل ويؤدي فرضه ويستعد للذهاب الي عمله،خرج عمر من حجرته وتفاجأ بوجود والدته تجلس ومعها ابنه خالته ريتال يتحدثان..

حمحم عمر وقال:السلام عليكم

ردت والدته وريتال عليه:وعليكم السلام

عمر:ازيك يا ريتال

ريتال بخجل:الحمد لله

وبعد ذلك التفت عمر الي والدته واقترب منها وقبل يدها قائلا:

انا خارج يا أمي عندي شغل،مش محتاجه حاجه مني

كل هذا تحت نظرات إعجاب وحب من ريتال فهي تحبه منذ صغرها ولكنه لا يحبها ولا ينظر اليها

والدته وتدعي سلوي:عايزه سلامتك يا حبيبي بس انت مافطرتش

عمر:هفطر في الشغل متشغليش بالك

ثم ألقي السلام عليهم وتركهم

كانت سلوي تراقب نظرات ريتال لابنها نعم هي تعلم مدي حبها له وتتمني ان تصبح زوجه ابنها ولكنها تعلم ان ابنها لا ينظر اليها ويعتبرها اختا له ليس اكثر

♡♡♡♡

في غرفه يعمها الظلام تجلس هي وحيده تنزل دموعها في صمت لتذكرها هذا المشهد...

كانت تجلس في غرفتها ودخل عليها اخيها مالك..

مالك:حبيبتي سامح عايز يشوفك

رسيل بفرحه:بجد اخيرا جي يشوفني

ثم قامت من مكانها وجاءت لتسير إلا انها تعثرت وكادت ان تسقط...

إلا ان مالك قام بإسنادها قبل وقوعها واخذها وتوجه معها حيث يجلس ذلك الشخص ..

اجلسها علي احدي المقاعد وتركها مع ذلك الشخص لكي يتحدثان..

استمر الصمت بينهم لبعض دقائق ثم بدأ هو الكلام...

سامح:بصي يا بنت الناس،الي حصلك دا قضاء وقدر بس بصراحه انا مقدرش اتجوز وأعيش مع واحده عاميه،تخدمني ازاي وهي مش قادره تخدم نفسها

رسيل بصوت مخنوق:يعني ايه؟!..

سامح:يعني من الآخر انا هفسخ الخطوبه الي بنا وكل واحد يروح لحاله

فاقت من شرودها في الماضي علي صوت دقات الباب

فأزالت دموعها بسرعه واذنت للطارق وكان مالك..

مالك:حبيب قلبي عامل ايه

رسيل مبتسمه:الحمد لله

مالك:يا رب دايما،

معلش جيت اطمن عليكي وهسيبك علشان مرهق جدا،

واقبل عليها وقبلها علي جبهتها وقال:تصبحي علي خير

رسيل بإبتسامه: ولا يهمك...

وانت من اهل الجنه

وخرج وتركها تستعيد ذكرياتها تلك الذكريات التي لا تأبي الخضوع او الاستسلام عن الرحيل...

♡♡♡♡

في قصر الصياد

كان والد أدهم ويدعي شريف جالس ينتظر قدوم أدهم ومريم ليخبرهم بما حدث...

فلاش باك..

كان يجلس في شركته الي أن دخلت عليه السكرتيره..

السكرتيره:في ناس عايزينك يا فندم

شريف:ناس مين؟

السكرتيره:هما اتنين صعايده وقالوا ان عايزين حضرتك ضروري

شريف وقد اصابته الريبه فهو يعلم أن قدومهم لا يبشر بالخير:

تمام دخليهم

عندما دخلوا اجلسهم وطلب لهم واجب الضيافه..

أحد الرجال:نحنا جايين علشان نجولك علي الي حوصل عندينا في البلد

شريف:ايه هو الي حصل؟!!وايه داخلي بيه؟!...

الرجل الاخر:كيف وانت من عيله الصياد

والي صار راح نجولك عليه....

الي حوصل من 30 سنه حوصل تاني

شريف بفزع:ايه تاني!!

الرجل:للجسف حوصل وحد من عندينا جتل واحد من عيله السيد ورايدين ياخدوا بتارهم

شريف:مش انتهت المره الي فاتت بالنسب

الرجل:ايوه انتهت بالنسب بين العلتين

لكن ربك ما اراد يحصل بيناتهم خلفه وهما ماتو وبكدا يكون ما عاد في نسب بناتنا وعيله نعمان استغلوا الفرصه ووجعوا بيناتنا

شريف:وايه الحل دلوقتي

الرجل:الحل انه يصير النسب تاني بين العلتين،والمرادي ولدك وبتك هما الي راح يتجوزوا من عيله السيد

شريف بغضب:وليه ولادي هما الي يتحاطوا في النسب دا

الرجل:هما من عيله الصياد وانت عارف أننا مش بيدنا وولادنا كلاتهم في سن صغير

شريف:ومين من عيله السيد الي هتخلوا ولادي يتجوزوهم

الرجل:ولاد عصام

شريف وقد تذكر شيء من الماضي:عصام السيد

الرجل:انت عارف انه عنده ولدين وبنت واكيد هتوافق لأنه كان صاحبك في يوم من الايام

الرجل الاخر:احنا مضطرين نمشي وهنسيبك تفكر وانت عارف كيف التار...،

وابجي دور علي عنوان عاصم نحنا ما نعرف عنه شيء من ساعه ما ساب البلد...

وابجي اتصل علينا عشان نخبر عيلته ويروحو يكلموهم

ثم استأذنوا وتركوه يفكر في ماض مر عليه سنوات...

باك

فاق علي دخول مريم وادهم فتوجهت إليه مريم تحتضنه..

مريم:بابي عامل ايه

شريف:الحمد لله،ثم نظر الي ادهم وقال:

عايزك في المكتب حالا

دخل أدهم وراء والده ليعلم ماذا يريد،وعندما جلس..

شريف:أنا عارف موقفك من الجواز ايه بس الي حصل لازم توافق علي الجواز بأي تمن

ادهم:مش فاهم ايه الي يخليني اتجوز غصب عني

شريف:التار

ادهم:التار!!..تار ايه

شريف وقد حكي له ما حدث....

ادهم بعصبيه:وانا داخلي ايه بالموضوع دا واتجوز واحده معرفش ايه اخلاقها وكمان أختي عايزين تجوزوها لواحد منعرفهوش

شريف:أهدي يا ادهم العصبيه مش هتحل حاجه وبعدين فكر في أختك وفكر ان التار هيتاخد من عليتنا وناس كتير هتموت

ادهم وقد هدأ قليلا:انت عارف موقفي من الجواز واني مش هتجوز تاني

شريف:يا ابني مش كل الستات ذي بعض

فكر يا ابني انت فإيدك تنقذ حياه ناس

وبعدين انا مش مستعد اخسرك

قام ادهم واستأذن وهو يفكر فيما سيحدث وكيف عليه ان يقبل بتلك الزيجه؟..

الفصل التالت

في الجامعه..

كانت جني تجري لتلحق بالمحاضره فهي قد تأخرت عليها وبينما هي تجري

اذا بقدمها تتعثر في شيء وتقع علي الارض فتألمت كثيرا ولكنها تحاملت علي نفسها وقامت وتوجهت الي المدرج،

وعندما دخلت وجدت الدكتور يشرح...

جني:اسفه يا دكتور

محمود:أنا مش قايل المره الي فاتت ممنوع التأخير

جني ما زالت تتالم:اسفه يا دكتور وإن شاء الله مش هكررها تاني

محمود:اتفضلي ادخلي بس دي آخر مره

جني:شكرا لحضرتك

دخلت جني وجلست واكمل محمود الشرح

وفجأه سمع صوت احدا اطلق صرخه عاليه

فالتفت الي الصوت،وايضا كان الجميع قد توجهت انظارهم تجاهه

عندما دخلت جني جلست بجانب صديقتها وبعد زمن قليل داست صديقتها علي قدمها المصابه بغير قصد فاطلقت صرخه عاليه

محمود:ايه الي بيحصل هنا يا اساتذه

صديقه جني:اسفين يا دكتور بس دست بالغلط علي رجليها

محمود بسخريه:حلو أوي وحتي لو دستي عليها ايه الصوت الي طلع دا،

قومو انتوا الاتنين اطلعو برا

وكانت ستعتذر لولا انه أشار لهم بالخروج

تحاملت علي نفسها وقامت واتجهت نحو باب الخروج ولكنها قبل أن تصل كان قد اغمي عليها..

هرولت اليها صديقتها واتجه محمود اليها وعندما وجد علي وجهها الالم لا يعرف لما حزن وشعر بأن الالم الذي تحمله قد انتقل إليه...

نفض افكاره وأمر أصدقائها ان يسندوها الي غرفه الطبيبه وبالفعل توجهوا اليها وتم الكشف عليها..

اخبرتهم الطبيبه بوجود إلتواء في قدمها اليسري ولابد من نقلها الي المستشفي...

اتصلت صديقتها بأحد وبعد قليل حضر أحمد

وعندما اتجه الي غرفه الكشف وكان يبدو عليه القلق...

احمد:جني عامله ايه؟!

صديقتها:هي عندها إلتواء في رجليها وعايزه تتنقل للمستشفي

أسرع أحمد الي الداخل وقد فاقت جنه

احمد:انتي كويسه يا حبيبتي

جني ابتسمت بألم:الحمد لله متقلقش عليا

وبعد فتره قام أحمد وحملها لكي يتوجه الي المستشفي

كل هذا تحت أنظار محمود الذي لا يدري لما أحس بالضيق وقد تذكر انهما هاتان الفتاتان اللاتان كانا يتحدثان اثناء صعوده الي المدرج..

وبعدما أدرك انه من الممكن أن تكون زوجته

تملكه الحزن وغادر المكان

♡♡♡♡

في منتصف الليل في غرفه رسيل كانت ناءمه علي سريرها يبدوا عليها الخوف والانزعاج وجبينها المتعرق الذي يدل علي انها تحلم حلما مزعجا...

الي أن فاقت وهي تطلق صرخه فاق علي اثرها محمود ومالك

وتوجهوا الي غرفتها وعندما دخلوا وجدوها تجلس علي السرير تبكي بكاء حار وتستعيذ بالله من الشيطان الرجيم،

فتوجهوا إليها وجلسوا بجانبها...

محمود وهو يملس علي شعرها:أهدي يا رسيل دا مجرد كابوس

رسيل ببكاء:كل..يوم..أحلم بالحادثه..

مش قادره استحمل..كل ما افتكر ان الحادثه مات فيها بابا وماما....

ثم ازداد بكاؤها

مالك:ربنا يرحمهم يا رسيل،ادعيلهم بالرحمة والمغفره

رسيل ببكاء:ربنا يرحمهم،أنا حاسه اني السبب في موتهم

محمود:متقوليش كدا..الحادثه كانت قضاء وقدر انتي ملكيش ذنب في الي حصل..كل شيء مكتوب

رسيل قد هدأت قليلا واستغفرت ربها

وبعد قليل تحدث محمود:

نامي كويس علشان بكره ان شاء الله تييجي معانا الحفله

رسيل باستغراب:حفله ايه؟!!

محمود:نسيت اقؤلك معلش

بكره يا ستي زمايلي عاملين حفله صغيره بمناسبه اني بقيت دكتور في الجامعه وانتي لازم تكوني موجوده

رسيل:بس يا محمود أجي ازاي وانا كدا..

مالك:هو ايه الي كدا؟

رسيل:أنا عاميه..ازاي عايزني أجي معاكم هناك وسط الناس

محمود:في ايه يا رسيل انتي من ساعه الي حصل وانتي مش بتخرجي من البيت خالص...

ليه كدا؟!

رسيل:أنا مش عايزه اعطلكم وتنشغلوا بيا

مالك:يا حبيبتي انتي اختنا واغلي حاجه عندنا في الدنيا دي وإذا مكناش ننشغل بيكي هننشغل بمين

رسيل بإبتسامه:ربنا يخليكوا ليا

محمود:كدا ملكيش اي حجه

مالك بهزار:فيها عجه..هههه

قام محمود بضربه بالوساده قائلا:

ايه خفه الدم دي..ياختي بطه

قام مالك متصنعا الغضب:لا مسمحلكش انا الدكتور مالك يتقلي بطه..شوف انت بتكلم مين

محمود وقد هم بالقيام...فخاف مالك وهرب الي الخارج،

فرجع محمود الي مكانه

كل هذا ورسيل غارقه في الضحك

محمود:عجبك كدا عمايل اخوكي الكبير المفروض انه عاقل

في تلك اللحظه دخل مالك وقال بدراما:مش عجبك طلقني

رسيل:هههه مش قادره

سعد الاخوان بسعاده اختهما وتوجه كل واحد منهم الي غرفته بعدما اطمأنوا عليها

♡♡♡♡

في مكان هاديء وجميل وسط الورود وأصوات الطيور تغني بلحن عذب تجلس فتاه تغطي اعينها بقماش اسود..ترتدي فستانا ابيض وكأنها ورده بيضاء نقيه وسط أجمل الزهور

كان ادهم يراقبها من بعيد وأراد أن يقترب ليراها عن قرب ولكن كان هناك ما يمنعه لقد ثبتت قدمه في مكانها ولم يعد يستطيع التحرك

وفجأه سمع صوتا من خلفه...صوتا يبغضه بشده يقول:

شايف مش هخليك توصلها ابدا،هههههه

وأخذ يعلو صوت ضحكاتها...

قام ادهم من نومه واستعاذ بالله من الشيطان

وبعدما هدأ أخذ يفكر من تلك الفتاه التي تأتي إليه في احلامه؟!! ولما يراها مغطاه العينين؟!!

استطرد افكاره وقام يتوضأ ليصلي لعله يشعر بالراحه

♡♡♡♡

في الصباح التالي في مستشفي الصياد

بعد انتهاء احدي العمليات خرج ادهم مرهقا بعض الشيء وخلفه مالك

كاد مالك ان يذهب إلا ان استوقفه ادهم قائلا:

دكتور مالك عايزك في مكتبي

ذهب مالك مع ادهم الي مكتبه وجلسا معا

وبدأ ادهم الحديث..

ادهم:أنا عايز اشكرك علي مجهودك الرائع الي بتبذله في المستشفي رغم انك لسه جديد هنا

مالك:دا واجبي وواجب أي طبيب مكاني

ادهم:يا ريت كل...

وكاد ان يكمل إلا أنه تفاجأ ب..

دخلت مريم باندفاع الي الحجره وهي تدفع الباب قائله:

دومي حبي..

وكادت ان تكمل إلا أنها لاحظت وجود شخص مع أخيها فأكتسي وجهها بحمره الخجل

وقالت وعيناها تتأمل ارضيه الحجره:

اسفه..عن اذنكم

كل هذا ومالك ينظر اليها وقد تذكر أنها تلك الفتاه التي رآها مع الطفل تلاعبه

فاق علي خروجها من الغرفه وانتبه لصوت ادهم يقول:

آسف علي الي حصل،أختي دايما كدا

مالك وقد سعد كثيرا بأنها اخته وخفي بصعوبه سعادته:

ولا يهمك يا دكتور ادهم...استأذن انا

ادهم:اتفضل

خرج مالك وبعد قليل دخلت مريم فنظر إليها ادهم في حده وقال:

عجبك الي عملتيه دا

مريم بأسف ودموع في عينيها:اسفه يا ادهم مكانش قصدي

قام ادهم إليها وقال لها:

خلاص متعيطتيش..ايه مبتصدقي

انا مغلطتش لما قولت طفله

مريم وهي تمسح دموعها كأطفال:أنا مش طفله

ادهم:هههه ماشي يا سيتي،قوليلي بقا كنتي عايزه ايه

ابتسمت مريم وقالت:دايما فاهمني،

بص يا دومي صحبتي عزمتني علي حفله صغيره في الكليه عندها وانا عايزه أروح وقولت لبابا وهو وافق

ادهم:طيب انتي قولتي لبابا جايه ليه بقا عندي

مربم:أصل عربيتي عطلانه فعيزاك توصلني

ادهم:قولي كدا بقا..أمشي يا مريم مش فضيلك

مريم بترجي:بليز يا دومي....بليز....بليز....بليز

ادهم:خلاص يا زنانه هوصلك اهدي

مريم بفرحه:yes

ادهم:طفله

                 الفصل الرابع من هنا

لقراءه باقي الفصول اضغط هنا 

تعديل المقال