رواية عشقي الطاهر الفصل الرابع4بقلم زهرة الربيع
اهلا بالعروسه ...ايه يا حلوه عجبك عريسك
فيروز بصتلو باستغراب وقالت..انت لسه هنا...انا افتكرتك مشيت
طاهر قال بغضب انا بكلمك ردي عليا..عجبك عريسك
فيروز ابتسمت بخبث وحبت تضايقو واتشوف الغيره في عنيه قالت...هو يعجب اي حد طول بعرض مال وجمال..ومدرس وله مستقبل .وغير كدا بيحبني وعايزني
طاهر شدد قبضتو على دراعها وقال بغضب..لا والله كل ده خدتي بالك منو من الدققتين دول..ده انتي لو هتعملي عليه بحث مش هتركذي كده...عجبك للدرجادي يا هانم
فيروز قالت بخبث...ما قولتلك كويس وبعدين انت مش مشيتو..زعلان ليه..ولا انت غيران
طاهر سابها لما قالت كده وخد بالو من اندفاعو وقال..احم..ايه...غيران...غيران ده ايه لا طبعا...وهغير من مين..من التافهه ده..ده انا مقبلش اشغلو سواق عندي
فيروز ابتسمت ابتسامه جانبيه وقالت...طب كويس اننا رفضناه ..بكره يجي الي احسن منو
قالت كده ولسه هتمشي شدها عليه بقوه وقال...ولا هو..ولا غيرو..انتي مش هتتجوزي خالص..كلامي واضح
فيروز بلعت ريقها بتوتر وقالت..طاهر. فيه ايه سبني بلاش جنان
طاهر كان ماسكها جامد وبيبصلها بقوه قالت بألم ..طاهر سبني وجعتني اوي
طاهر اتنهد وسابها وقال بغضب...ادخلي على اوضتك ولو جدي ندالك تاني تقابلي اي حد..مرفوض..سامعه
فيروز هزت راسها بخوف منو وطاهر نزل بغضب وهيه بقت تبص لطيفه بزهول
طاهر مشي وفضل طول اليوم بره مرضيش يرجع البيت كان مخنوق ومتعصب قوي
بالليل رجع وكان الكل نامو وطلع على طول على اوضه فيروز
بقلم زهرة الربيع
فتح الباب ودخل وكانت نايمه ونام جمبها بهدوء وشدها ليه بحذر
طاهر اتنهد وهو بيفتكر الشاب الي كان جاي يخطبها ونظرات الاعجاب الي في عنيه حاول بنام بس مقدرش كانت الافكار مش سيباه ومش عارف ايه الي مضايقو للدرجادي
لكن نسي انها نايمه وانو ضايقها ذياده فيروز قامت وزقتو بخضه وقعدت على السرير وقالت..ايه ده..انت..انت اتجننت..انت كنت بتعمل ايه
طاهر قال معملتش بس اعمل الي انا هايزه انتي مراتي
فيروز وقفت وقالت..اخرج حالا يا طاهر يلا اخرج من غير مشاكل
بس طاهروشدها عليه بقوه وقال..مش همشي انتي مراتي وهبات هنا
فيروز خافت منو وبقت تزقو ولسه هتصرخ حط ايده على بقها بقوه انا احم..انا اسف...اسف اذا ضايقتك...انا..انا بكره هجبيب المأءذون وهطلقك..وتشوفي حياتك
قال كده ومشي بسرعه وفيروز حطت اديها على وشها وبقت تبكي جامد
في صباح يوم جديد قامت فيروز بتعب وعيونها باين عليها اثر البكا الطويل ...ونزلت دموعها بحزن لما افتكرت الي حصل بينهم الليله الي فاتت.. حاولت تقوى وقامت ودخلت تستحمى
بعد شويه نزلت ولقت الكل بيفطر وجدها قال..صباح الخير يا فيروز اتأخرتي انهارده يعني
فيروز كانت بتبص لطاهر وقاالت...خدتني نومه يا جدي
سليم قال ماما عايز السندوت...
بس قطع جملتو وحط ايده على بقو وقال بخوف..قصدري قصدي يا خالتو عايز سندوتشاتي
فيروز بلعت ريقها بخوف وطاهر بقى يبصلهم بشك وسهى قالت بسرعه ..حاضر يا حبيبي خالتو هتجهزلك سندوتشاتك على ما البست تعالى معايا
واخدتو وطلعت بيه وفيروز دخلت المطبخ بسرعه
طاهر راح وراها وبصلها بشك من ارتباكها وتوترها الغريب وقال...هو..هو سليم اخو ناسي وخالد...مش شبهم خالص
فيروز قالت بارتباك...وفيها ايه يعني ما انا مش شبه سهى مع اننا اخوات
طاهر قال..اه. معاكي حق...طيب...طيب هو ليه سهى مش بتروح تنيمو مع انو صغير قوي
بقلم..زهرة الربيع
فيروز قالت بارتباك اكتر..لان..لان هم هما كلهم بيحبو اني انا الي انيمهم وبعدين فيه ايه اسألتك كتيره على الصبح
طاهر فال ابدا انتي الي شكل ليلة امبترح مضيقاكي فيروز ارتبكت جدا وطاهر قرب
هنا فيروز وقع الطبق من ايدها اتكسر وهيه اتخصت من صوت وقعتو
طاهر بعد وضحك من قلبو عليها وقال..ايه يا بنتي..هو انا معرفش اخد راحتي معاكي خالص...كل ما اقرب هتبوظي حاجه المره الي فاتت جرحتي ايدك ودلوقتي كسرتي الطبق وقال بوقاحه...كل ده واحنا يادوب بنهزر امال لو دخلنا في الجد هتعملي ايه
فيروز قالت بارتباك شديد...طاهرخليك بعيد واحترم نفسك بقى انت بقيت كده ازاي
طاهر ضحك وقال...معزور...انتي تنطقي الحجر...احلويتي قوي يا فيروز
فيروز قالت بغيظ...مفيش فايده من الكلام معاك اصلا وخرجت بضيق وطلعت على اوضتها
طاهر ضحك على كسوفها وطلع وراها ولسه هيمشي جده قال..طاهر...انا كلمت المأذون...علشان يطلقكم انهارده ونخلص
طاهر اتجمد مكانو وقال...ايه...بالسرعه دي يا جدي
جده قال...اديك شايف يا بني شكلها مفيش فايده..ومدام كده كده وراكم الطلاق خلينا نخلص
ندى قالت بسرعه..هو معاه حق يا طاهر خلينا نخلص
طاهر اتنهد وقال...احم...ماشي الي تشفوه وطلع هو كمان على اوضتو
طاهر بقى رايح جاي في اوضتو بضيق شديد...معقوله هيطلقها..معقوله هيبعد عنها تاني..ولو طلقها هتتجوز غيره.. هتكون لواحد تاني الفكره بس بتقتله طلع بغضب وراح على اوضتها فتح الباب ودخل بغضب من غير استأذان وقال...انتي موافقه على الي بيحصل ده
فيروز قالت بغضب..مش فيه باب قدامك و
بس قاطعها طاهر وقال...سيبك من الباب وردي عليه موافقه على الي قالو جدي
فيروز استغربت وقالت....على ايه مش فاهمه
طاهر قال بغضب...على طلاقنا..جدي هيجيب المأءذن ..انتي راضيه بكده
فيروز حست بحزن شديد بس بس بلعت ريقها وقالت بقوه مصتنعه...طبعا موافقه...دي رغبتي اصلا..خلينا نطلق ونخلص...وبعدين انت مش فاضي عايز تتجوز ..ومش هينفع اعطلك اكتر من كده شوف مستقبلك وانا كمان اشوف مستقلبلي
طاهر قال بضيق شديد..تشوفي مستأقبلك..طب...طب هتبقى مبسوطه لو انا اتجوزت ندى وعشت معاها هتبقى مرتاحه
فيروز كانت حاسه بنار جواها بس قالت.عادي...ميهمنيش ..تتجوز ولا لا انا مليش دخل
طاهر قال...بصي في عيوني وقوليها..قولي انك مش عيزاني..قولي انك عايزه تبعدي عني يا فيروز..بصيلي وقوليها
فيرون رفعت عيونها ليه بدموع وقالت ..انا...انا
طاهر ابتسم وقال....انتي بتحبيني..بتعشقيني يا فيروز متكدبيش على نفسك
فيروز قالت بدموع واندفاع....ايوه..ايوه بحبك بس انا..انا لسه مش قادره انسى الي انت عملتو معايا وبزعل من نفسي قوي لما ..لما بضعف قدامك
كده انا بقيت بكره نفسي بسببك..انا...انامش عارفه بحب واحد غبي زيك ليه
طاهر ابتسم بدموع وقال..معاكي حق..انا فعلا غبي..وغلطت اوي..كنت..كنت طايش...مقدرتش قيمتك..بس بعد ما سافرت..بعد ما سافرت وحشتيتي قوي يا فيروز..وبقيت اشوفك كل يوم وكل ساعه...
حاولت انسي لان ...لان صعب تسامحيني بعد الي عملتو بس مقدرتش..مقدرتش ابدا..وكان كل ما جدي بقولي ارجع اطلقك كنت اماطل معاه مكنتش متخيل اني ممكن امحيكي
من حياتي...انا..انا عارف..عارف ان كل الي بقولو ميغفرليش...بس كمان عارف ان قلبك طيب وهتسامحيني..انا..انا بحبك يا فيروز..بحبك اوي
فيروز اتصدمت من الي سمعتو وقالت ..ايه بتحبني