الفصل الخامس5
بقلم منه محمد
بيفضل "عماد: واقف كتير ع الباب
فتحي : مش يمكن ياباشا مش موجوده احنا نمشي و نبقي نيجي ف وقت تاني
عماد : ابدا انا معرفش هتجيلي الفرصه دي تاني امتي ؟
فتحي : ايوه ياباشا بس احنا بقالنا كتير واقفين ومحدش بيفتح
عماد : اكيد كل ده بتنزل ما انت عارف يا فتحي البيت كبير
و اخيرا بيتفتح الباب
عماد : اخيييييرا
محمود : اهلا يا باشا ازاي حضرتك اتفضل اتفضل
عماد : هو عرف منين اني ظابط !؟
فتحي : هيبته حضرتك يا باشا
عماد : صح عندك حق د و بيدخلوا الفيلا
عماد : اومال الفنانه ليلى
محمود : خرجت يا باشا
عماد : خرجت ، خرجت فين !؟
محمود : مقدرش اقولك يا باشا دي خصوصيات
عماد : طيب
محمود : تحب تشرب ايه يا باشا
عماد : عايزه قهوه
محمود : حاضر ياباشا ، سميحه يا سميحااااه
عنيات : ايوه يابيه
محمود : شوفى البيه يشرب ايه ؟
عنايات وهى بتدارى وشها : ايوه يابيه تحب تشرب ايه ؟
عماد : انت شكلك مش غريب عليا ، مش انت
عنايات بمقاطعه : لا يابيه مش انا
عماد : لا انت
عنايات : لا مش انا
عماد باصرار : لا انت بقى ، انت البنت اللي قابلتك ف المول بس ازاي ده مول غالي
عنايات : يخلق م الشبه ٤٠ يابيه
عماد : لا انا متأكد انه انت
"عنيات" بعد ما بحس ان مفيش امل بستخدم حليتها المشهوره الا و هي المسكنه
عنايات بعياط مزيف :ايوه انا بس ما انا مبقولش على شغلانتى عشان محدش يعايرنى بيها اعمل ايه يابيه مش عشان اعيش ده انا بجري على يتامه كنت عايزنى اعمل ايه اذل نفسى للي يسوء و اللي ميسواش اهييي اهيييي اهييييي
عماد :طب خلاص خلاص بطلي عياط انا اسف ، ممكن تجيبي القهوه بقى
عنايات : حاضر يا بيه
_____________________________________________________________________________
بيحاول "محمد" انه ياكل بالشوكه و السكينه ف بيفشل
ليلى : ايه الاكل مش عاجبك ولا ايه ؟
محمد : ايه لاااااا منا شبعت الحمد لله
ليلى : بس طبقك زى ما هو
محمد : ايييه ده عشان الاتكيت و كده ههههههه
ليلى بخجل : طب مش عايز تقولي حاجه
محمد بغباء : حاجه زي ايه ؟
ليلى : يعني بما انك عزمتني في مكان رومانسي زي ده اه
محمد في سره: ااااههههه انت عايزه كلام مسهوك م اللي البنات بتحبه ، طب عمل ايه النصيبه ده هي
ليلى : بتقول حاجه !!
محمد : لا هههه تمام تمام ، هوووو هو الحمام منين
ليلى بخيبه آمل : معرفش اسأل الويتر
محمد : اوكيه ، و بعدين مشي
ليلى : كان رومانسي اكتر ف شات
____________________________________________________________________________
بيفضل "عماد" قاعد ف بيت "ليلى" فتره طويله و بيكون "محمود" و" عنايات " اتخنقوا منه خصوصا انه طلب مشروبات كتيره اوي
عماد : لو سمحت يا انسه عنايات استسمجك تجيبلي طبق حلويات من ده تاني اصله عجبني اوي
عنيات بغل مكتوم :حاضررررر
عماد : و انت يا عثمان
محمود اللي هو عثمان : ايوه ياباشا عايزه تشرب حاجه تاني
عماد : كوبايه شاي بقى عشان نحبس
محمود :حاضرررررر
فتحي : و اعملي معاك شاي انا كمان يا عثمان
محمود بضيق : حاضررر
و هما ف المطبخ
محمود بهمس : وبعدين هما ناوين يمشوا
عنايات : مش عارفه و بعدين بقاله كتير دي عاشر كوبايه شاي يطلبها
محمود : طب ها نعمل ايه دلوقتي
عنيات : مش عارفه
عماد : يا عنايييييات
عنايات : حاضر جايه ياربيييييي
بعد وقت طوييييييييل
عماد : يلا بينا يافتحي
عنايات بتريقه : ليييييه ما لسه بدري يا بيه ده انتوا ملحقتوش تقعدوا خالص ، و كملت فسرها : هما يا دوب ساعتين بس 😑
عماد : لا خلاص احنا كنا مستنين ليلى هانم بس شكلها هاطول و انا محبش ابقى تقيل على حد
عنايات : لا يابيه كتر خيرك طول عمرك بتفهم ف الاصووووول
عماد : يلا مع السلامه
محمود وعنايات : بفرحه مع السلامه يا بيه ، هتوحشونا
فتحي بعد ما طلعوا من الفيلا : ملاحظتش حاجه غريبه يا عماد بيه
عماد : زي ايه يافتحي اصدقك ديكور البيت ايوه هو فعلا بيسط واضح ان (ليلى) دى متواضعه جدا
فتحي : مش اصدقى الديكور ياباشا اصدقي الخدامين اللى شغالين الفيلا
عماد : مالهم يا فتحي !!
فتحي :حسيتهم ف لهجتهم انهم متوترين و اكنهم خايفين مننا
عماد : طبعا يابني ما دي هيبه الظابط
فتحي : مش اصدقي دي بردو ياباشا اصدقي شكلهم كده زي مايكون مخبي اى حاجه او بيكدبوا
عماد : يكدبوا ايه يافتحي ، انت شكلك بتهأيلك
فتحي بفقدان آمل من انه يفهمه : شكلي كده فعلا
بعدين بيمشوا ،
جوا الفيلا
محمود : و بعدين
عنايات : للاسف ها نأجل الخطه الوقت اتأخر و مش هانعرف نعمل حاجه ، روح يلا رجع كل حاجه مكانها بسرعه خالينا نلحق نطلع من هنا