![](https://blogger.googleusercontent.com/img/b/R29vZ2xl/AVvXsEgTLeEn1wJUat5wTELDUILo8ePJaD_tttP3zwevUgi-ElIi3wpldkBHiHoQzttXYvsWIgFh2cgfyjBNpHGH_I7ENhRkog7C74Ipme-olVVuJOsVguY0F_sjac0RN8eL5xOFA3za7kAr6Y6xbigImJIgsrI09Sqnvj4EQhzH7N3blg_sTHmCR-UzHxtDTOFt/s320-rw/FB_IMG_1701042795934.jpg)
رواية نياط القلب الفصل الخامس عشر15 بقلم حور طه
في منزل جواد بعد منتصف الليل والدنيا شتاء والامطار تنزل بكثره 🌧وكان يتبعها الرعد في السماء لا يتوقف
بيسان وهي في سريرها تستعد الى النوم تنظر الى وتين الذي تقف عند النفاذه قائله:: يا بنتي تعالي نامي بقى... هتفضلي واقفه عندك كده لحد ما يرجع يعني؟!
وتين وهي تنظر من النفاذه بقلق قائله:: الساعه بقت واحده ،وابيه لسه ما رجعش .!وبكلمه ما بيردش على تليفون ؟
بيسان باطمئنان قائله:: عادي يا وتين ابيه جواد اوقات بيتاخر كده بره بسبب شغله... تعالي نامي وهو شويه وهتلاقيه بيفتح باب الشقه ودخل!!
وتين بانفعال يغلفه الخوف والتوتر قائله:: خلاص يا بيسان نامي انت، الله... انا مش جاي لي نوم!
بيسان بنعس تشد اللحاف عليها قائله ::براحتك، افضلي واقفه عند الشباك كده لحد ما يجي عبد الحليم حافظ بتاعك... امال عايزه تسيبيه ازاي وتروحي تتجوزي واحد ثاني.؟! وانت هتمـ ـوتي عليه كده؟!
وتين وهي ما زالت تقف عند النفاذه ويشتد المطر اكثر وتقول بصوت منخفض:: قلقي،وخوفي،وقلبي، وروحي، هيفضلوا ملكه هو...!💔
يقع نظرها علي تلك الخاتم الذي في اصبعها وتتذكر ما حدث قبل ساعات
______ فلاش باااك👇
في منزل جابر في المساء تطلق فريال الزغاريد بفرحه وتضم ابنتها بحب قائله:: الف مبروك يا حبيبتي
نديم يقدم الدبل بابتسامه قائل::وبما ان احنا اتفقنا على كل حاجه وقرانا الفاتحه... يبقى مش فاضل غير تلبيس الدبل، يلا يا عريس لبس عروستك شبكتها!!
ماجد يقترب منها ليقوم بتلبيس الشبكه ويمسك ايدها ويضع بها الخاتم الالماظ وكان في قمه الاناقه قائل :: مبروك يا حبيبتي
وتين وهي لا تطيق قربه منها تسحب ايدها وتلبس الخاتم وتكتفي بابتسامه خفيفه كي لا تلفت الانتباه !
ماجد بمكر يقبل يد فريال ليكسب ثقتها قائل:: انت
جبتي لي هديه لو قعدت عمري كله اشكرك عليها مش هكفيكي... بجد وتين محظوظه لانها عندها ام مثلك
فريال بطيبه تمسح على راسه قائله:: من النهارده انت كمان بقيت ابني ... وانا في مقام امك وكمان تناديني يا ماما ..ربنا يسعدكم يا ابني
ماجد للحظه يدخل الى الفراغ الذي بداخله ليستشعر هذه الكلمه، فقد افتقدها منذ سنين من وقت ما رحلت امه عن هذه الدنيا وهو في عمر الخمس اعوام، فلا يتذكر مته اخر مره قال هذه الكلمه،، عينه تلمع بالدموع ويقبل يدها مره اخرى قائل ::حاضر يا ماما
ناديه كانت تقف بجانب وتين اللي كانت عايزه تجيب ماجد من شعره اللي عامله مثل البنات وتهـ ـرسوا تحت رجلها من شده غضبهـ ـا منه... وانه بيحاول يستغل طيبه قلب امها بكلامه المعسول وشخصيته المهذبه ..!الذي يداري خلفها شخص بشـ ـع بكل تفاصيله المقـ ـرفه...!!
تضغط على ايدها لتهدا قليلا وبنبره منخفضه قائله ::حاولي تهدي انت لحد دلوقتي ماشيه كويس ...خلاص كلها شويه وهيمشوا... اهدي
وتين وهي لا تطيق ذلك الخاتم باصبعها تقول من بين اسنانها::انا مش قادره اتحمل البني ادم ده، اكثر من كده، حاسه اني عايزه اقتـ ـله ...وابوه ده كمان شكله مش كويس نظراته كلها مقـ ـرفه؟
ناديه بنبره توعد قائله::ما تقلقيش كل واحد فيهم هيجي دوره وهيدفع ثمن كل اللي عمله...! اهدي انت بس ،،وعدي الكم ساعه اللي فاضلين دول!!
تقترب عليهم فريال بفرحه وهي تمسح على خد ابنتها بحنان قائله:: الولد باين عليه كويس ومحترم... ربنا يسعدك يا بنتي
انا هدخل اجيب لهم حاجه يشربوها
وتين بانكـ ـسار قائله :: للاسف يا ماما الشخص المحترم ده هو في الحقيقه كلـ ـب سعران ونهش في بنتك بخسـ ـه ونذاله
ناديه تضغط على ايدها لتهدا قائله:: تمام اهدي وحاولي تبتسمي علشان ابوكي بيبص علينا ...خلي كل حاجه تمشي طبيعي
وتين بابتسامه متالمه قائله:: لو كان بابا بيفكر فينا بس شويه يمكن ما كنتش وصلت للمرحله اللي انا فيها دي؟!
جابر بفرحه يحضنها قائل::ليه ما قلتليش انك رفضت الدكتور هشام علشان خاطر ماجد ؟انا كنت هوافق
ما كنتش هقول لا ،الولد غني ومن عيله كبيره واغنى من الدكتور هشام 100 مره ...طلعتي بنت ابوكي صحيح ،وقعتي واقفه
وتين بوجع يشق قلبها بين ضلوعها من كلماته وهو لا يرى تلك الالام الذي تخفيها خلف ابتسامتها لقد فقد الاحساس بابنته ولا يهتم الا بالفلوس ولا يعرف انها تمـ ـوت في كل ثانيه ودقيقه تمر عليها بعد ان اخذت هذا القرار لكنه لا يشعر بكل تلك الالام ...! تخونها دموعها وتسقط بحـ ـرقه ولكن سرعان ما تخفيها تردد بنبره حزينه قائله ::مبسوط يا بابا ؟!
جابر وعيونه تلمع بالخاتم الالماظ اللي ماجد
لبسه لها قائل:: طبعا مبسوط ! شايفه الخاتم اللي في ايدك ده ...ثمنه بس يشتري 10 عمارات زي اللي احنا قاعدين فيها دي...
ولسه الخير جاي لك قدام، كل ده هيبقى بتاعك انت
ما تبقاش تنسي ابوكي؟!!
وتين بانكـ ـسار قائله ::مش هنساك يا بابا ...! تاكد اني عمري ما هنساك!؟
جابر يسيبها ويقدم المقبلات لنديم وماجد بفرحه قائل:: اتفضل يا بيه...
نديم وهو يختلس النظرات الى ناديه بدون ان يلفت الانتباه وبابتسامه ياخذ منه كاس العصير قائل:: احنا خلاص بقينا نسايب... ما ينفعش بقى تقول لي يا بيه ويا حضرتك والكلام ده...؟ تقول لي يا نديم وبس
جابر بضحكه خفيفه قائل:: ونعم النسب انت نسبك شرفنا...
وانا مش هلاقي لبنتي عريس احسن من ماجد !!
ثم يوجه كلامه لماجد:: لازم تخلي بالك من وتين دي بنتي الغاليه اوعى تزعلها؟!
قالها ماجد وهو ينظر لوتين بخبث ::ما تقلقش يا عمي وتين في عنيا
عاصم وهو يحمل ادهم ابنه الصغير قائل:: ما بقاش ليها لزوم الجامعه دلوقتي يا وتين عايزينك تتفرغي تماما لعريسنا ،ولا ايه رايك يا عمي؟!
جابر بلا مبالاه قائل ::والله جوزها بقى هو اللي يقرر لو شايف ان الجامعه هتاثر على علاقتهم بلاش منها يعني هتعمل بها ايه!!
وتين بصـ ـدمه من رد ابوها فهو يريد ايضا ان ينهي على مستقبلها الدراسي قائله:: انت بتقول ايه يا بابا..؟انا مش هسيب دراستي
ماجد بمكر قائل::انا كمان شايف ان الجامعه ما لهاش لزوم انا ما احبش حاجه تاخد مراتي مني احبها تكون ليا وبس
جابر قائل:: خلاص يا وتين ماجد هيبقى جوزك ولازم تسمعي كلامه ،وبعدين انت بعد الفرح مش هتبقي فاضيه للجامعه، هو بيتكلم صح
ماجد يضع رجل على الاخره بغرور قائل ::انا احب لما اصحى من النوم الاقي مراتي جنبي ...
قال جملته هذه وهو ينظر بطرف عينه لوتين على قدميه !بمعنى انك هتكوني تحت رجلي..
وتين كانت هترد عليه ولكن اوقفها صوت ناديه وهي قائله::وتين هتكمل دراستها، مستقبلها الدراسي اهم بكتير من الجواز
ماجد بنظره حاده لناديه قائل :: وانا مش عايزها تكمل
نديم يحسم الامر قائل:: وتين هتكمل دراستها يا ماجد وما حدش هيمنعها ولو عايزه تعمل دكتوراه في الهندسه بعد ما تتخرج ما فيش مانع برده ...هاي عروستنا مبسوطه كده
قال هذه الجمله وهو ينظر لناديه بابتسامه!! 👆
ماجد بغضب مكتوم قائل:: بس يا بابا...؟
نديم قائل:: الموضوع انتهى خلاص يا ماجد لو واتين حبت تكمل دراستها فين المشكله ،شركتنا محتاجه مهندسين شاطرين ،وانا سامع ان وتين شاطره في دراستها
عاصم ليغير مسار النقاش قائل:: طيب خلونا نسيب العرسان يقعدوا مع بعض شويه اكيد في كلام كثير عايزين يقولوه لبعض
الكل يخرج من الغرفه ولا يبقى بها سوى وتين وماجد واول ما اتقفل عليهم باب الغرفه حاول ان يقترب منها ويبوسها ولكن ضـ ـربته بالقلم قائله ::انت
اتجـ ـننت ،انت بتعمل ايه؟
ماجد يضغط على ذراعها بقسـ ـوه قائل:: القلم ده هحاسبك عليه لكن مش دلوقتي! وبعدين انت واخده الموضوع بحساسيه ليه كده مش احنا عدينا المراحل دي! ولا انت لحقتي تنسي حبيبك
وتين وهي تتالم من مسكته لزرعها قائله:: انت
حيـ ـوان ابعد عني!
ماجد يترك ايدها وابتسامه قائل ::بس بلاش تنكري اني عرفت ابسطك ؟
وتين وهي لا تطيق انفاسه القريبه منها قائله:: انت اقـ ـذر شخص شفته في حياتي
ماجد قائل:: لما شفتك في الحفله كنت فاكرك من البنات اللي بتسهر كل يوم مع شاب ! بس لما قربت منك وعرفت اني اول واحد لمسك ... عجبتيني قوي
وتين بغضب حاولت ان تضـ ـربه بالقلم مره ثانيه على وقحته ولكن امسك يدها بتحذير قائل::: مش عيب كده في بنت محترمه ترفع ايدها على جوزها؟ ايه عايزاني انده لحمايه يجي يشوف بنته بتعمل ايه؟!
ثم يترك ايدها ويجلس ويطلق ضحكات مستفزه قائل::
ما كنتش اعرف ان باباكي طلع بايعك للدرجه دي شكلي هحبه
ناديه تدخل عليهم الاوضه وتسمع جملة ماجد الاخيره وترفع حاجبها قائله:: ابوك مستنيك تحت!!
قالتها وكانها تحدث طفل
ماجد بغيظ من ناديه قائل:: مش عايزك تصطـ ـدمي معايا كتير فاهماني! عشان اختك الحلوه دي ما تدفعش الثمن...
ناديه تطلق ضحكه ساخره قائله:: طب اسمع الكلمتين دول يا ابن ابوك... لو بس فكرت انك تـ ـاذي وتين مش هصطـ ـدم بيك، هدوس عليك... الصغير فهم ولا محتاج حد كبير يشرح له؟!
ماجد يخرج وهو يمتليه الغضب اتجاه ناديه
وبعد ما ماجد خرج من الغرفه وذهب الى نديم
اترمت وتين في حضن ناديه ببكاء قائله ::هو كلامه صح بابا باعني لو كان بيسمع لمشاكلنا وبيهتم بينا زي اي اب؟
ما كانش خله واحد زي ده اتجرا عليا
ناديه تضمها بحب قائله ::اهدي يا حبيبتي انا جنبك مش هسمح لحد يـ ـؤذيكي!!
وتين من وسط دموعها وكسـ ـره قلبها قائله ::كلها يومين يا ابله وهبقى في بيت البني ادم ده! وانا مش طايقاه.. مش عارفه هتعامل معاه ازاي؟ انا بقيت بخاف قوي من بكره مش عايزه النهار يطلع!!
ناديه تمسح دموعها قائله:: مش عايزاك تبقى ضعيفه لما تروحي هناك...عايزاك تبقى قويه،واوعي تخلي حد يدوس عليك ،انت فاهمه يا وتين !
وتين تجلس بتعب قائله:: انا اضعف بكتير من اني اقف قدام ماجد بعد كل اللي عمله فيا ،هو بيهـ ـددني بالفيديو اللي معاه يعني انا هفضل تحت رحمته؟
ناديه بتفكير قائله:: اكيد الحيـ ـوان عاصم هو اللي صور الفيديو ده ؟انا مش عايزاك تخافي الفيديو ده انا هوصل له باي طريقه كانت،، هوصل له !!وبعد ما ناخد الفيديو ده هخليه يطلقك غصب عنه
وتين قائله ::انا حاسه ان في كابـ ـوس مش عارفه افوق منه نفسي يطلع كابـ ـوس وكل اللي بيحصل ده يختفي، انا خلاص تعبت
ناديه قائله::هيخلص صدقيني كل ده هيخلص وهترجعي لحياتك تاني وتبداي من الاول!! بس انا عايزاك تكوني اقوى من كده
وتين تستجمع نفسها قائله :: حاضر يا ابله هوعدك اني هكون قويه على قد ما اقدر ...ابله انا عايزه منك طلب ؟!
ناديه تلمس خدها بحنان قائله :: طبعا يا حبيبتي اطلبي اللي انت عايزاه ...
وتين قائله:: انا عايزاك تاخدي اذن بابا اني ابات الليله دي في شقه خالو!!
ناديه تغمض عيونها بالم لقد فهمت انها تريد ان تودع جواد في اخر ليله لها، ترسل تنهيده قائله ::حاضر يا حبيبتي
زي ما تحبي ..هي بيسان ليه ما حضرتش الخطوبه؟!
وتين قائله :: بيسان بعد ما شافت الفيديو وعرفت اللي ماجد عمله معايا ...قالت انها مش هتتحمل تشوف البني ادم ده واكيد كان هيبان عليها حاجه علشان كده رفضت تنزل
ناديه قائله:: انت متاكده ان بيسان مش هتقول حاجه لجواد مش عايزين نعقد الامور اكثر يا وتين ؟!
وتين باطمئنان قائله:: لا يا ابله ما تخافيش بيسان وعدتني انها مش هتقول له
ناديه بابتسامه قائله ::ان شاء الله كل ده يخلص وينتهي وترجعي تبداي حياتك من جديد مع جواد
وتين بنبره حزينه قائله::انا خلاص يا ابله خسرت جواد للابد بالجوازه دي !!
ناديه تاخدها في حضنها وتتالم على الحال اللي وصلت لها فكانت بالامس طفله تجري وتلعب بمرح كانت الدنيا كلها لا تسع تلك الضحكه التي كانت تملا ارجاء المنزل ببراءتها والان تحولت الضحكه الى دموع، حتى تلك البراءه لم يرحموها وقتـ ـلوها، فاصبحت ميـ ـته وهي
ما زالت تتنفس
🖤⭐عوده من الفلاش باك⭐🖤
وبعد مرور وقت غرقت بيسان في نومها...
وهي تقف امام النفاذه ولا تترك مكانها ثانيه واحده... وكلما عدت دقائق الساعه ينتفض قلبها خوف ورعب لعدم مجيئه الى هذا الوقت... لقد اقترب الفجر وهو ما زال في الخارج ولم ياتي....؟ وفي تلك اللحظه ابتسمت وشعرت بالارتياح لقد وصلت سيارته امام العماره نزل منها ولكن
لم يصعد ؟وقف بجانب السياره تحت المطر !! كانت تنظر من النفاذه وشعرت بالقلق لانه يقف تحت الامطار...!!؟