رواية من نظرة عين الجزء الثاني2الفصل الحادي والعشرون21والثاني والعشرون22 بقلم نجلاء فتحي عاشقة الكلمات
مر أسبوع هدأت قدر ورفض زين أبوها الكلام معها بخصوص ظهور أهلها ,,
ودارين تعافت وأطمن عليها زين لأنها مريضة قلب وهيئها نفسيآ لهذة المواجهة وذهب لشركة جاسر وأعطى للأمن أن يوصلوا هذة الورقة لجاسر بية بأى وضع فالأمر فية حياة أو موت حتى يخشى فرد الأمن ذلك ويسلم الورقة لجاسر وبالفعل وصلت الورقة ،،،، وفتحها جاسر وجد رقم جوال ومكتوب ،،جاسر بية أنا زين على ،،،،،،،جاهز علشان أعرف الحقيقة أبعت العنوان إللى نتقابل فية على الرقم دة
جاسر بفرحة/ وربى لخليك زين جاسر بدل زين على
وألتقط جوالة وأرسل الرسالة بعنوان فلتة وقال منتظرك الساعة ٨ بالليل يا أبنى الغالى
أبتسم زين بحسرة ومرار حين قرأ أبن الغالى
___________
وصل جاسر بدون علم زوجتة ولا صاحبة حازم ،شركة رضوان عدوة الأول الذى لم يدخلها من سنين منذو زواجة بأمل ،،
الجميع أنصدموا بوجودة بدون حرس فهو عدو لصاحب العمل كيف يتجرأ ويأتى
السكرتيرة/ جاسر بية أهلا وسهلا ثانية واحدة أدى خبر لرضوان بية
جاسر بغرورة وهيبتة/ هوووووش وسعى كدة ،،،،،،وأقتحم المكتب
أتفرغ رضوان وأعتدل فى وقفتة وقال بغضب ،،مين سمحلك تدخل هنا
السكرتيرة بخوف/ حاول أمنعة معرفتش يا فندم
زق جاسر السكرتيرة برا المكتب وأغلقة وقال:- جملة واحدة أقولها بنتك دارين عارفت طريقها أمشى ولا أقعد لازم تحكم عقلك شوية طول عمرك من أيام الجامعة وأنت زربونة كدة وعايز تاخد إللى فى إيدى سبحان الله السواد إللى فى قلب أبوك ناحية أبويا شربة ليك ليا أظاهر الغل والحقد أجيال بتسلم أجيال عندكم كويس بنتك مش زيك على فكرة طالعة لأمها فى كل حاجة ملاك فاكر اللقب دة يا رضوان
رضوان بتوهان/ بنتى عندك أنطق قول
جاسر / منتظرك فى فيلاتى الخاصة إللى عايش فيها مش بتاعة الحفالات الساعة ٨ بالليل ،،، بنتك هتكون موجودة ومش هى وبس لا حفيدتك كمان وحكم عقلك علشان مش تضيعها منك المرة دى ،،، الفترة الجاية غصب عن الكل هنتعامل مع بعض بينا نسب يا غشيم يا غلاوي، ،وتركة فى دوامة أفكارة
رضوان بتوهان/ بنتى أنا دارين بنتى ظهرت قلبى صح هى عايشة ،،بس نسب أي إللى يقصدة ابن*** إللى كان هنا دة وأي حفيدتك دى هى أتجوزت ولا بنت حرام 🤔🤔🤔
بقلم نجلاءفتحى عاشقةالكلمات
_____
[فى مركب على النيل ]
ذى ما بقولك يا حبيبى كام جرعة كمان وأخلى رضوان دة مش نافع وساعتها يا روحى أمضية على كل أملاكة ليا ونتجوز بقا
الشاب شرق/ كح كح جواز أي يا عسلية خلينا كدة أحسن
زينة/ علشان أكبر منك يعنى واي يعنى أنت محتاج فلوس وأنا قصداها عايزاك تمتعنى فهمت
الشاب لنفسة/ بقرف منك يا عجوزة بس أطول منك الفلوس وأي يعنى أبيع نفسى مش مهم ،،فقال مش أقصد فلوس خايف عليكى يا لوزة
زينة/ متخافش جوزى ذى القرد الدوا إللى بحطة فى الأكل أو الشرب يخلية مش نافع وأدام الطب عوامل السن ههههه
الشاب بأنبهار/ أستاذة ورئيسة قسم كمان هههههههه
زينة/ طبعآ يا روحى ثم شدتة لفعل ما حرمة الله
بقلم نجلاءفتحى عاشقةالكلمات
_________
(فى المدرسة )
هى حصلت تجى المدرسة
محمود/ وأي يعنى أنتى بنت خالتى ومكتوب كتابنا ولا نسيتى يا جنتى
جنة أبتسمت / لا مش نسيت بس برضو مش عايزة حد يتكلم عليا
محمود بتفهم/ أمشى
جنة بعشق/ لا ،،أ أ أقصد أستنانى فى الحوش ساعة إلا ربع أخلص الحصة وأفضى ليك
محمود/ لا منتظرك فى عربيتى متأخريش عليا ،،،،،انتية لصوت الفون فقال دة بابا وسار لعربيتة وهو يتحدث معة ومضمون المكالمة أن لازم يكون فى البيت قبل الساعة ٨ بالليل لأمر هام
_______
【فى بيت ماسة】
ماسة بغضب/ لسة فاكر ترن وتكلمني يالااااا
محمد بضيق/ لمى نفسك قولتلك المكان إللى فية مفهوش شبكة أحنا فى صحرا
ماسة بعصبية/ أمال كلمتنى أزاى يااااض
محمد بخنقة/ مشيت كتير كذا كيلو وطلعت فوق جبل وعملت المستحيل علشان الشبكة وكلمت أمولا الأول وحاسس صوتها فى حاجة
ماسة/ لا مفيش لو فى خالتى أمل أمك تقول لبابا على طول المهم أنت بخير
ماذا يقول أيقول أن صاحب عمرة من أولى كلية وأشتغلوا مع بعض أستشهد من أيام أيقول أنة حزين والوضع صعب هنا هذا ضد طبيعة عملة ولا يريد أحد يقلق علية فهو يعلم وجميع الضباط فى سيناء أحتمال بسيط يرجعوا لأهليهم فهو على الحدود ولم يعلم أحد ،،،،،أتنهد وقال بمرح كالعادتة الوضع مية مية ذى الفل مفيش أنثى قدامنا ومفيش ذنوب ههههههه
ماسة بضيق/ وأنت عايز الذنوب لية
محمد/ تجاهل ردها ،،،،،بحبك وحشتنى ،أخرجها من كل قلبة وإللى بيخرج من القلب بصدق بيدخل القلب الأخر ،،ومن سكوت ماسة ضحك بشدة وقال أخرسيتى لية
أخذت ماسة نفس حتى تهدأ من فرط مشاعر الاشتياق ولما لا فهو حب طفولتها الذى تحقق وكتب كتابة عليها فى المساء وبعديها بساعات ذهب لمهمة فى سيناء فهى الأن زوجتة فقالت، وحيات أمك لم نفسك
محمد بصدمة/ أنا جوزك يا مجنونة
ماسة بفرحة حاولت تداريها/ لا مكتوب كتابنا مع إيقاف التنفيذ
محمد/ هههههههه كلها أيام والمهمة تخلص بسلام بأذن الله وأرجعلك يا بطل وأفك إيقاف التنفيذ ،،،ثم رفع عيونة للسماء وكأنة يتمنى أمنية بصوت عالى ،،نفسى يا ماسة أعمل ليكى فرح كبير لعلمك أخويا محمود مجبش شبكة لأختك جنة يوم كتب كتابهم
ماسة/ عمى جاسر قال الشبكة مع الفرح بس أنت جبت وكانت مفاجأة
محمد/ علشان دى من حر مالى أنا من فلوس شغلى ولسة مش عايز أبويا يجبلك حاجة فستانك وإللى إللى على العريس متكفل بية هانت كلها أيام ورجعلك يا قلبى نفسى أخلف منك أى حاجة حتى لو عرس وأبراص
ماسة بفرحة / عرس وأبراص لية متجوز عرسة ولا برص ،،،،، بطل غلاسة سلام بقا أتاخرت على الشغل
محمد بعصبية/ بعد كتب الكتاب ،،،قولتلك مفيش شغل كسرتي كلمتى لييييية
ماسة بتوتر فهى كسرت كلمتة وقالت بمراوغة / هو أنا وقتها قولت حاضر
محمد بتذكر/ مش رديتى عليا
ماسة بكذب/ يبقا مش سمعتك
محمد/ وحيات أمك
ماسة/ أتلم ياض وبلاش غلط
محمد/ مش بغلط أمك خالتى وبحبها ،،ودى مش شتيمة
ماسة/ أتربينا أنها شتيمة
محمد بمكر/ أممممم وأنتى علطول تقوليها ليا ماشى أعديها مفيش شغل تانى
ماسة/ لا فى ،،بابا ظروفة صعبة ومكنش عايز يجوزنى أنا ولا جنة دلوقتى لحد متخلص جوازة آية أختنا الكبيرة فجأة أبوك طلب أختى وبدل شبكة كتب كتاب وأنت عملت كدة بقا بابا بدل ميجهز واحدة لا بيجهز ٣ الرحمة حلوة يا سيادة الرائد
،،،،، وبعدين أنا بشتغل فى مكتبة وبقبض حلو وصاحبها راجل عارف ربنا أي المانع أساعد بابا ولا عايزنى أقعد فى البيت وأطلع عين أبويا فى الجهاز لا ولعلمك هجيب الأساسيات بس
محمد لم يعلم لماذا شعر بسعادة ف البنت التى تراعى وتقدر ظروف أبوها ،،تحترم وتقدر ظروف زوجها وتقف فى ظهرة فقال ماشى موافق يا ماسة لحد ماتجي بيتى وبعديها مفيش شغل
ماسة بحب/ مش هكون فاضية
محمد بترقب/ لييية
ماسة بخجل/ أكيد سيادة الرائد واخد كل تفكيري ومش مدينى فرصة حتى أتنفس بحبك أوووى
محمد بصدمة وفرحة ف الأول
مرة تعلن عن حبها لة/ بت قولتى أي
ماسة بتوتر/ مقلتش حاجة سلام
محمد/ أستنى أنتى قولتى بحبك صح
ماسة بخجل/ أنت جوزى عادى
محمد بمكر/ جاية تقوليها فى التليفون يا فقرية عارف لو أدامى كنت بوستك بوسة وعملت حاجة أموت وأجربها
ماسة شهقت/ يا قليل الأدب يا ناقص رباية أتفوة عليك
محمد بتلذذ، تصنع الزعل/ بتشتمى جوزك يا مجنونة قلبى
ماسة بتوتر/ أسفة، من الأخر أنت عارف لسانى وأنت أدبست بقا
محمد بعشق/ أحلى تدبيسة ماسة بطارية الفون هتفصل
ماسة/ هنتكلم تانى
محمد/ صعب أى حد يكلمنى أنا إللى هكلمك لو ربنا أراد
ماسة بحزن/ لا إله إلا الله
محمد تنفس بحزن/ محمد رسول الله وأغلق الخط وجلس على الصخرة العليا فوق الجبل حزين على أستشهاد صاحبة بين أيدة
[[[ وأخر جملة قالها خلى بالك من مراتى وأبنى أمانة فى رقبتك ليوم الدين يا صاحبى هى حامل فى ولد خليها تعلمة أحسن تعليم وتدخلة كلية الشرطة ،،،،لو عايزة تتجوز تتجوز حقها دى صغيرة بس الواد تحافظ علية ،،،قولها مش تزعل منى لأنى نزلت المهمة من غير مأقول ليها مهمتى فى سيناء كانت فاكرة مهمة فى بور سعيد تدريب ،،دى دى دى و و و وصيتى يا محمد]]] ،،،،،ثم قال الشهادة بصعوبة وخرجت الروح بسلام لربها،،،،
تنهد محمد وقال الله يرحمك يا صاحبى أرتاح وحقك هيرجع أنت وإللى زيك يا بطل أبنك أبنى ومراتك أختى لأخر يوم فى عمرى ولو أستشهدت أو مت أخلى أبويا و أخواتى يراعوهم
الصبر يا رب حسبنا الله ونعمة الوكيل فى كل ظالم ،،ثم رجع الوحدة بتاعتة تانى وكل إللى أمامة منظر صاحبة الشهيد وفرحتة هيكون أب وبنى أحلام مع زوجتة وأبنة إللى لسة مشافش النور،،كل هذا ضاع خلاص ومنظر وكلام أصحابة الذين رجعوا القاهرة بجثمان الشهيد وكلام أمة وزوجتة يوجع القلب فهو غصب عنة القائد رفض يجعلة يرحل لسوء الأحوال فى المنطقة
بقلم نجلاءفتحى عاشقةالكلمات
__________
【فى الشركة 】
دخلت أمل مكتب جاسر وجدتة ممد على الكنبة الجلد بأهمال ومغمض عيونة حس بيها من ريحة برفانها ومن رزعة الباب بقوة يدل على غضبها لكنها هدأت لما وجدتة مسترخي ترجلت لة وجلست على ركبتها على الأرض ومسحت على شعرة بحنان الأم الذى افتقدة فهو كان يعشق أمة حالة فى هذة اللحظة مثل أى راجل جواة طفل صغير يحن لأمة كان مستمتع بأيدها بتخفف دماغة إللى هتنفجر من التفكير كلها ساعات ويقابل أبنة والماضى يبان
أمل بصوت منخفض / جاسر حبيبى أنت نايم
جاسر ومازالت على وضعة/ داخلة غضبانة لية
أمل رفعت حاجبها/ يعنى مش نايم
جاسر/ لا
أمل بعصبية/ طب قوم يا حليتها نتكلم
جاسر / لو جاية تتخانقى مش قادر بجد
أمل بلهفة/ مالك
فتح جاسر عيونة وأعتدل فى جلوسة ونظر لأمل
ضربت أمل على صدرها من منظر عينة وقالت / يالهوووى عينك حمرا لية كدة أتصل على الصيدليه تبعت حد يقسلك الضغط
جاسر/ ملوش لازمة شكلة عالى
أمل/ أنا مدياك الجرعة الصبح
جاسر/ فكك منى بقا
أمل بعتاب/ أخص عليك ،،خايفة عليك
جاسر/ قولت داخلة غضبانة لية
رجعت أمل وتذكرت ما أتت من أجلة ،،، أةةة صحيح كنت فين من ساعتين جيت مش لاقيتك روحت لحازم قالى معرفش أنت وفونك مغلق خرجت برا الشركة لاقيت السواق بيشرب شاى وقالى أنت خدت العربية لواحدك ومن غير حراسة ،،وضعت إيدها على خصرها وقالت ،،كنت فين يا بية
جاسر/ ملكيش فية
ضربتة فى صدرة بخفة وقالت هتقول ولا أنت عارفنى مش بيهمنى
نفخ جاسر وقال ،،كنت فى شركة رضوان وحكى ليها الحوار الذى تم ذكرة
شهقت أمل/ يا نهار أسود ومنيل من يوم جوازنا وأنت علاقتك أنقطعت بية لية عملت كدة يعنى هو جاى بالليل مع زين
جاسر / أيوة
أمل بعصبية / نهارك مش فايت مقلتش لية لازم أرجع الفيلا حالآ
جاسر بعدم فهم/ لية
أمل/الساعة ٣ لازم أجهز العزومة
جاسر/ هو فرح
أمل/ أبنك جاى
جاسر / مفيش زفت خروج انصرافك الساعة ٥ يعنى ٥
أمل بصدمة/ أنا مراتك يعنى مرات صاحب الشركة
جاسر/ مراتى فى البيت هنا البشمهندسة أمل
أمل بعند / أنا ماشية
جاسر/٠٠٠٠٠٠٠٠٠
الثاني والعشرون
فى الشركة تحديدآ مكتب جاسر شوفوا خاتمة البارت السابق ،
أمل بعند / أنا ماشية
جاسر بهدوء/ قولت ميعاد أنصرافك الساعة ٥ ،،لو مشيتي غياب اليوم كلة يا بشمهندسة
أمل بعصبية/ جاااااسر أناااااا مراتك أخرج وأدخل ذى ما أنا عايزة
جاسر جلس على كرسى مكتبة وتحدث بلهجة أمر وقوة وهدوء ،،،،مراتى فى البيت هنا أنتى البشمهندسة أمل وبس وإللى يمشى على زمايك يمشى عليكى يا بشمهندسة ودلوقتى مش ناقص صداع على مكتبك وأياك تروحى بدرى وهبلغ مكتب الأمضاء يبلغوني أنتى كسرتي كلمتى ولا لا
أمل دبدبت برجليها عملت زلزال بجسدها الثمين وقالت لولا أمك ست طيبة كنت شتمتك بيها يا غتت يا رخم أناااا بتعاملنى ذى باقى الشركة ،،من أمتى يا عنيا
الكنبة والأرض هنا تشهد الكرسى دى يشهد وأوضح كبرت وخرفت يا جاسر ورحمة أمى وأبويا إللى ما شوفتهم الحركة دى ماهى معدية يا أبن******* وأنا خارجة وأروح البيت ورينى بقا هتمنعنى أزاى لو فيها طلاقى منك
توقفت أمل قبل خروجها من المكتب وأرتجفت من غضبة فهى حضرتك الوحش أول مرة تنطق كلمة طلاق ،فقال،،،أمممممممممل أنتتتتتتتتتى قددددددد إللى قولتييييييية دة
لفت أمل لية وقالت بتحدى رغم خوفها منة ،،أيوة
أنقض عليها جاسر وأمسكها بقوة ألمتها من زراعها ونظر ليها نظرة مختلة أنقبض قلبها منها فمنذو زواجهم مهما حدث خلاف لم يقرب لها ويأذيها حتى يذوب الخلاف أما الأن ترى جاسر إللى اغتصابها وسجنها زمان وليس جاسر زوجها وحبيبها وأبو أولادها ،هى لم تقدر حالتة إللى رأتة عليها حين دخلت مكتبة ولم تقدر مشاعرة كلها ساعات قليلة ومواجهة أبنة زين حتى مصطفى لم يبلغ أخواتة بظهور أخ جديد لهم كأنة يرفض وجودة رغم الشبة بينة و بين أبوة ،،،،
جاسر بين أسنانه/ بلاش عندك اللحظة دى دماغى هتنفجر من الأحداث إللى فاتت أسمعى الكلمة كلها ساعة ونصف ونروح كلنا فى تسليم فندق الأسبوع الجاي لازم تباشرى علية دة مسؤليتك
أمل بسخرية / هى الساعة ونصف دى هتفرق،،وفشلت فى تحرير زراعها من قبضة إيدة
جاسر/ فتح الباب ودفعها للخارج وقال بغضب من هنا ورايح مكتبى دة مش متاح ليكى غير للضرورة ذيك ذى أى حد فى الشركة ومش بس مكتبى لاااااااا أنتى هنا شغالة عندى وكل غلطة هتتحاسبى عليها ومواعيد حضورك و أنصرافك ذى باقى الشركة ،،نظر لسكرتيرة بشر ،،،،،البشمهندسة أمل ممنوع تدخل هنا غير بأذنى سااااامعة
السكرتيرة بخوف منة /حاضر
أمل وهنا دموعها نزلت وهى تجول بنظرها للسكرتيرة التى أهانها أمامها ولجاسر الذى أغلق الباب بقوة ،جريت لبابة وطرقت علية وبأنهيار قالت،،،جااااااااسر كدة إللى بينا خلصت 😭😭 وجريت لمكتبها تبكى ومش عارفة تعمل أيه
جاسر جلس على كرسية بزعل فهو فى حالة غضب لم تمتص غضبة هذة المرة وبعنادها وصلت نفسها لهذة المرحلة بينهم فى ثانية فقال غبية يا أمل غبيييية بكل التفاصيل
،،،الإنسان من الضغط النفسي والعصبى يجعلة يصدر تصرفات حمقاء يظن البعض أنها حقيقية لكن أحيانا تكون دمار ويحتاج بعدها لسنين ل أصلحها وربما لا تقبل التصليح ،،،من الأخر أمل وجاسر كل منهما يلقى اللوم على الأخر
عزيزى القارئ مين الغلطان أمل ولا جاسر 🤔🤔🤔🤔
بقلم نجلاءفتحى عاشقةالكلمات
________
فى مكان ما أول مرة نذهب لة
وبعدين الطلبية دى تبوظ أتصل علية هو نسى ميعاد التسليم ولا أي عمرة ما عملها
الراجل ٢/ أتصل على أبنة
الراجل ١/ ياساتر لا أبوة أرحم منة
الراجل ٢ بفرحة / أهو وصل أهو
وقال حمدالله على السلامه يا بية ،،،البية الكبير مجاش لية لعلا المانع خير
***/ ملكش فية مش مالى عينك هات الأمانة
الراجل ١ بضيق/ فتح لة الشنطه، ،ثم أغلقها وكل منهما ذهب لطريقة بعد ما أستبدل الشنطتين وهم
المخد رات،،،،،،،بالمال
_______
أتت الساعة ٥ مساءآ ورحل جاسر من مكتبة وأنتظر أمل فى عربيتة فهو علم أنها لم تكسر كلمتة وجدها خرجت من الشركة وبمنتهى الهدوء واقفت أمام الشركة فى الشارع ،،،شاور جاسر للسائق يتقدم لها بالعربية ،،فشاورت أمل لتاكسى وركبت فية وأنطلقت أترك لكم عزيزى القارئ شعور جاسر فى الوقت دة وبعد وقت وصل الفيلا وسأل الأمن لم تأتى أمل دخل الفيلا وسؤال فى ذهنة أين ذهبت بدون علمة المفروض تكون هنا
هل ذهبت لهنادى وحازم أم أختها زينب وجوزها أحمد 🤔🤔
[أتت الساعة السادسة والنصف مسأءآ ]
أمل لم تأتى لبيتها ودة معصب جاسر ،،وقت قليل ورضوان و زين يحضروا قلق جاسر يزيد مش عارف الزيارة تنتهى على أي أعترف لنفسة فهذا أصعب لقاء فى حياتة
،،أتى مصطفى ، خلصت
مصطفى/ كلة تمام والحاجة رجعت مكانها تانى
جاسر/ أتأكدت منها
مصطفى/ أكيد
جاسر/ زين جاى الساعة ٨ هو ورضوان أكيد عارف لية
مصطفى هز رأسة بالموافقة بملامح خالية من أى تعبير ،،،،،أغير هدومى وأخد شاور وأكل وأفضى لبليل دة فين ماما
جاسر بضيق/ مجاتش لسة ،حصلت مشكلة بينا فى الشركة وركبت تاكسي ومجاتش أمك كبرت وعقلها فوت عايشة دور بنت ال١٧ فاكرانى أصلحها أنا فى اي ولا أي بدل متقف جنبى تعمل كدة
مصطفى بترقب / وجد أمل خارجة من المطبخ بملابس الشغل وتحمل فى إيدها الطعام ومعها الخدم بملامح جادة وقالت الغذاء جاهز إللى عايز يطفح أقصد ياكل ياكل ودخلت المطبخ تجهز باقى الطعام
مصطفى وجاسر نظروا لبعض بصدمة
جاسر/ دخلت أزاى من ساعة مدخلت هنا وأنا مرزوع عينى على باب الفيلا
مصطفى / يمكن دخلت من الباب الرئيسي للفيلا ودخلت هنا من باب المطبخ إللى فى الحديقة ممكن
جاسر/ أمك دى فى يوم تجلطني
مصطفى هز رأسة بيأس من أفعال أمة وأبوة وصعد غرفتة
________
[على سفرة الطعام ]
تجلس أمل تأكل بهدوء بعد مغيرت ملابسها فقد جهزت الغذاء عادى رغم الخلاف، ،،،وجاسر عايز يكلمها
مصطفى يأكل بهدوء ومش شاغل بالها بأبوة وأمة رغم فاهم عيونهم وكالعادة محمود يأكل وجودة ذى عدمة
جاسر ينظر لطبقة / دخلتى البيت أزاى
أمل/ جيت بعدك ودخلت المطبخ من بابة الخلفى
جاسر/ مدخلتيش لية من باب الفيلا كنت منتظرك
أمل بعتاب/ عايز تكمل أهانتك ليا أدام عيالك هنا ذى ما عملت أدام السكرتيرتة
جاسر/ تجاهل كلامها ،قولت اتقمصتى وسبتى البيت
أمل بهدوء/ فى دماغى وفكرت ،،بس من أنا إللى أسيب جوزى فى يوم ذى دة حتى لو غلط فيا مش أنا إللى أقصر فى واجباتى كأم عيالك دول طول اليوم بيشتغلوا لازم ياكلوا أكلة نظيفة تقويهم ،،،،
مصطفى لم يفهم ماذا حدث فقال لكى يخفف الجو ،،،،ماما دى بجد عظيمة تسلم إيدك الأكل حلو
محمود/ ياريت جنة زيك
تعصب جاسر وأولادها يمدحون فيها فقال بحدة أرتحت من محمد تطلعولى أنتم الاثنين
أمل/ محمد كلمنى
الجميع انتبة ليها
فقالت بيقول المكان إللى فية صعب حد يكلمة هو إللى يكلمنا وطمنتة كلنا بخير وبس أكيد مش أقول لية حاجة جديدة تدايقة ،،،،فهم مصطفى وجاسر أنها تقصد زين
وكملوا أكلهم بهدوء ومازالت أمل زعلانة من جاسر أووى رغم عملت لية قهوتة بنفسها ،،وقدمت لية علاجة فهو مريض ضغط عالى حتى لا يتعب حاول هو يكلمها وهى ترد على قدر السؤال فقط مما جعل جاسر يشعر بالندم
____
【فى بيت حازم】
يقف حازم يضبط هيئتة أمام المراية.
هنادى/ عايزة أجى معاك
حازم/ لية يا روحى
هنادى/لازم أقف جنب أمل
حازم/ حبيبى قلبة كبير
هنادى بفرحة/ ألبس
حازم / ألتقط فونة وقال لا
هنادى/ لية
حازم/ مشكله عائلية أنا رايح علشان جاسر أنتى تروحى لية معنى كدة إيلن معانا وأنا مش عايزها تحضر الأجواء دى
أنا هنقل ليكى الأحداث لما أرجع بالتفصيل يا مزتى
هنادى بحزن/ حاضر
بقلم نجلاءفتحى عاشقةالكلمات
_______
[أتت الساعة الثامنة إلا عشرة ]
والجميع منتظر زين رن جرس الباب فتح جاسر بلهفة وجد رضوان معة حراستة. كيف للحراسة على الباب الخارجي للفيلا عدم تبليغة بوصولة فقال فاكرتك مش جاى
رضوان/ عارف لو كذبت عليا
جاسر بضيق/ مليش غرض لكدة
،،،أدخل،،،،أستنى الحراسة برااااا دة بيتى ولية حرمة ممنوع حد يدخلة دة مش ذى الفيلا التانية بتاعة الحفالات
رضوان بسخرية/ يكنش جامع وأنا مش عارف نلقع الجزمة بالمرة ونتوضى
حازم/ أووف ياعم أتنيل وأدخل خلى خفة دمك دى للى جاى
،،،،،رضوان دخل وجلس على كرسى
بغرور وقال / فين بنتى
نظر جاسر بتوتر لساعتة وجدها الثامنة إلا دقيقتين معقول زين رجع فى كلامة فقال أسكت شوية
رضوان نظر لأمل ورجع الحنين ليها زمان فهى تغيرت وكبرت ومازالت محتفظة بالجمال الطبيعى الساخن
حازم أخذ بالة فغار على زوجة صاحبة فهو يعلم أنة خطبها فى الماضى ،،،فقال بصوت منخفض، ،،لسة وس*خ
ذى ما أنت عيب جاسر لو لمحك يعلقك البيوت ليها حرمة
رضوان / تجاهل كلامة،،أزيك يا أمل
أمل بعدم أهتمام/ أهلا
زقة حازم فى كتفة وقال / لم نفسك يا رضوان
انتبة جاسر ليهم وهنا قطع الكلام دقات الساعة الثامنة فى المنزل وعم الصمت ورن جرس الباب وفتح جاسر الذى يقف بالقرب منة ،،وهنا ظهر زين وزوجتة دارين وأبنتهم قدر
،
أستقبلة جاسر بالحضن وزين مثل التمثال
قدر شاورت لمصطفى 👋 فأبتسم لها فهى تشعر أتجاهة بالألفة
أمل ترجلت/ أهلا يا دارين نورتى بيت أهل جوزك أتفضلى
محمود نظر لزين نسخة من أبوة فى شبابة مين دة لم يجيبة آحد
رضوان أتنفض فى وقفتة فزوجتة المتوافاة تقف أمامة أو بمعنى أصح هذة الفتاة فيها ملامح منها ،، معنى ذلك أنها دارين بنتة عقلة لم يستوعب الصدمة وأخذ حدقة عينة ترتعش فهو لأخر لحظة أعتقد مكيدة من جاسر لية
فقال/٠٠٠٠٠