رواية تكميم
الفصل العاشر 10 الاخير
بقلم اميرة سليمان
كان ساعتها قريب اذان العشاء و احنا في طريق تلمحت طليقي فايت و مع أصحابه لي خربوا كل حياتنا اقعد نعيط لي راجلي قتله حي عليا حي ولد خوك.
راجلي اضحك و قالي علاش خايفة
قتله كيف مرتاح و بارد هكي حي علينا كان اعرف .
راجلي اقعد يضحك و فجأة في لحظة 😧💔
فجأة نشبح فيه من المرايا جاي يجري بسيارته لين قص على عمه طريق ...
قعدت نعيط و نبكي و نرعش
لين في لحظة راجلي وقف السيارة
أنزل يجري من سيارته و أصحابه قعدوا في السيارة
جاي افتح على عمه الباب قاليه كيف مركبها معاك شن فيه يا عمي علاش راكبه هاذي اني قتلك وصل ليها الحاجات مش تركبها معاك بعتالي وين ماشي بيها في ليل خيرك يا عمي شن فيه خير إن شاء الله
بعتالي وين بوها مركبها معاك ولدي مريض أو فيه حاجة .
عمه اضحك و ابتسم في لحظة اهمس ب بوها مركبها معاي لأنها مرتي و حلالي ..
طليقي ..شن تقول يا عمي شن تقول
عمه..زي ما قتلك المرآه هاذي لي ما خليت مادرت فيها توا مرتي ..
جاي بيضرب عمه
عمه دفه جابه ملوح قاليه دير اي حاجة و اقسم با الله نقلب الدنيا فوق رأسك و انت تعرف شن نقدر ندير و اركب و أمشينا
و سمعت عيطة قوية كيف عيط هو مرمي في الشارع 💔 و مصدوم
عاينت ولدي و اني لي خشيت في حالة انهيار و الممرضات يشدوا فيه لين اعطوني مهدي من خوفي لين ابديت نخرط و قعدت
نقوليه طلقني با الله فكني من المشاكل ...
و اعرفت راح تنقلب الدنيا روحت لي حوشي إمتاع الايجار و اني لين زرقت من الرعب و كل ما نسمع صوت نقول اهو جاي بيهجم عليا
ما فيش حد من العيلة تكلم الكل يخافوا من ولدهم هذا بوه و أمه سكتوا وخوه لي هو بوه طليقي 💔 بروحه ماقدرش لا يعارك لا يتكلم
لأني راجلي فارض قوة شخصيته و الكل يخافوا منه عارفينه ما يلعبش بكل 💔💔
و الكل أبدوا يتكلموا كيف اخديت عن راجلي رغم هو حلال مافيش حرام في الموضوع هي صح رزينه بس الدنيا نصيبات 💔 و الكارثه💔
قعدت في حالة و يهدي فيه راجلي ويقولي مستحيل ايدير اي شي مستحيل يقدر عليه و يطلع و نشد فيه من الخوف قتله بلكي تصير لينا حاجه يقعد يقولي و الله ما يقدر يرعش مني هو اصلا و صدقت فعلا بس مكنتش نعرف أنه قهر الرجال يوصل مرات لي حاجات تصدم 😧 فات يوم و يومين و قعدت نفكر علاش اسكت كنت متوقعة يقلب الدنيا علينا و ما يخلي شي علينا و يقتل عمه امشيت عند اهلي اسبوع مش نقعد في حضن أمي كنت زي طفلة لي ضايعة مرتاحه مع راجلي و متفاهمه معاه حتى فرق العمر خلاني نحس بقيمة الوعي لي عنده و نضج و كيف يقدر فيه و محترم كوني انثى ضعيفة لو مهما كان الانثى ديما خصم ضعيف امام ادم ..
اقعدت اسبوع روحت لي حوشي حتى في طريق خايفة نشبح يمين و يسار نقول بلكي ايجينا فجأة أو حاجة و استغربت هلبا أنه مافيش شي قلت بلكي خايف من قوة عمه و عارف عمه مافيش حد يقدر عليه إلا ربي هذا علاش لاكن 😧😧😧
___________________________
___#الكاتبة_أميرة_سليمان_______
لاكن كنت خلاص أمشت الحياة و قلت كان يبي يدير حاجة كان دار الا في يوم ظهر راجلي يخدم يخدم من الصبح يروح العصر كان جو نو هلبا و قايله حاطه ولدي يلعب في السرير امتاعه و فاتحه المكيفات و طفيت الضي و مصكرة الحوش رقدت شوية على سريري حسيت في خبط و صوت نضت طول اقعدت نشبح ما ألقيت شي امشيت للمطبخ درت حليب لي ولدي
و كيف خشيت بنجيب حاجة من دار النوم فجأة و اني خاشه اخنقي طول من رقبتي اطلع ليه من وراء الباب و من دون حتى نشبح عرفته هو طول اقعدت نعيط لين دفني جيت طايحة لوطة طلع موس من جيب امتاعه و صاحبه معاه جاي بيرشقني اقعدت نعيط و نترجى فيه و نقاوم فيه نبكي بعبرتي نقوليه ما تخليش الشيطان يغرك راهو على خاطر ولدك راني أمه با الله عليك على خاطر العشره
هو شاد الموس و يرجف و يقولي كان تعرفي العشرة شن هي كان ما تأخديش عمي 💔💔 و الصدمة قوية لما 😧
الصدمة لما اني نترجى فيه صاحبه اصدمني لما قاليه ارشقها هي بسرعة خلي نمشوا الكلمة هاذي خلتني اتجيني لحظة إدراك شن الوحشية هاذي لين انخصني لما عيطت لين حسيت روحي تقطعت 💔 الم تقولي حديده إمتاع نار خشت جسدي جيت طايحة و الدم يطلع مني و نعيط يا حليلي با الله عليك 💔 و اخديه هاتفي من على السرير مش ما نتصليش ب عمه 💔
لما اخديه الهاتف و اوقف في أول الباب
قعدت نقوليه لا على خاطر ولدك اسعفني لين صوت ابديه يتقطع قتله بنموت راني
قالي موتي زي ما اخديتي عمي موتي قعدت نرفع في ايدي نقوليه لا با الله عليك 💔 صكر عليه الدار و امشيه الدم ابديه يطلع بشدة نزيف راجلي مايروحش الا بعد العصر و الساعة قعده 2 امشيت نزحف بنادي الجيران ما قدرتش نوض نفتح باب الدار نشبح في الدنيا بيضه و صوت ولدي يعيط لين انفتح الباب ازحفت بنوصل لي باب الحوش 💔💔 في لحظة هاذي تم كل شي معاش ندري على شي كنت خلاص فقدت الامل لين نوض نلقى روحي في العناية تحت الأجهزة
ساعتي كانت بيد ربي مش بيديه روح و النفس كانوا بيد الخالق مش في يد صاحبه .
كانت ضربه في البطن خلتني نعاني ضربه قوية بس الأثر النفسي اقوى
جاي راجلي يشد في ايدي و يقولي هو و إياه في الحبس اطمني راهو حقك عندي انتي غير ولي كويسه و شدي روحك على خاطر ولدك
بعد أربعة شهور من كل هاذي الأحداث 💔
_________________________
عشت مع راجل حتى كان كبير بس 💔 معاه كنت اسعد و اقوى كل شي تحسن في حياتي حتى الالم لي شبحته نسيته منين ابديت نخدم و نسافر كان في كل وقت يفوت كنت اندير في إنجاز هو قاعد في الحبس ه هو و صاحبه في المرة الأولى اختيار غلظ في الزواج بس المرة الثانية كان اختيار موفق مش نادمه نهائي اني اخديت عمه هذا كان مكتوب
و اخديت أملاكه لي ترجع اصلا لي ولدي
هو محبوس راجل لي اخديته ماشي هو ب كلمته مش ب كلمت أصحابه أو فلان و فلانه 💔💔 خودي لي يمشي ب رأي نفسه و عنده ثقه في اختياره الماضي كان سلبي لأنه شريكي كان فاقد الثقة فيه في نفسه في اختياره اخديت راجل شافني اني بس مش هامه اي حد ثاني و لي زاد قوى حبي ليه لما قالي الكل يتكلموا على سمني و شيب امتاعي و اني كبير عليك قالي لما ندير عملية تكميم زيك و نضعف و نولي زيك و فعلا امشيه دار تكميم و ضعف و تقولي اصغر مني و عمره الدنيا ما توقف على حد بس هو وقفت عنده منين الشيطان خلاه يسلك طريق ثانيه و يمشي في جرت المفرخ و الحياة ماشيه و جميلة لو انتي تبسطي كل شي و هذا تكميم كان بداية قصتي تمت راهو كل شي نصيب في النهاية ......
ديري لايك و تعليق مش تطلع ليك المقدمة ..
تمت بحمد الله
بكل ما هوه جديد من اللينك الظاهر امامك
🌹🌹🌹🌹 🌹🌹🌹🌹🌹🌹🌹🌹🌹🌹🌹