رواية تكميم
الفصل السادس 6
بقلم اميرة سليمان
نشبح في بوي درس السيارة قدام مزرعة طليقي قتله علاش جاي بينا أهنا بوي قالي غير انزلي قتله محبوسه ليه اسبوعين بسبب انسان زي هذا و انت جايبني أهنا
بوي اقعد ايدق في الباب لين افتح باب المزرعة طليقي 💔 اول ما شفته امشيت نجري للسيارة بوي شدني ب القوة و اقعد يجبد فيه و يقولي قتلك خشي بسرعة لين جتني صدمة من ردت فعل بوي امشيت نجري في طريق بوي ايدف فيه لين خلاني نخش داخل المزرعة امتاعه خشينا للحوش لي فيها مش فاهمه شن فيه ..
و طليقي يردد في كلمت شن يا عمي شكلك ما افتحتش معاها الموضوع .
اني اي موضوع؟؟!
بوي........😧
_______________________
___#الكاتبة_أميرة_سليمان__
بوي ...راهو
اني...شن راهو ..
طليقي...راهو اليوم بنقرأ عليك الفاتحه و شيخ اهو يراجي و شهود و كان هذا
اني...كان هذا شن
طليقي...مش راح نتراجع على حقي بكل و بوك راح يدفع و راح نرجعك للحبس و نرفع عليك قضية نصب و هذا حقي انتي سرقتي مني المبلغ 💔 ...
و بوك موقع على عقد راح يرجع المبلغ كان هذا بينحبس ..
اقعدت مصدومة و كنت بنمشي و قعدت نبكي حسيت بكمية تهديد و ابتزاز مش طبيعية و اني كيف بنطلع بوي اقعد ايقولي با الله عليك على خاطري راهو ما عاد عندي جهد صحتي تعبت يا بنتي نبي نعرف مبلغ الكبير هذا وين امشيتي بيه.
اني حق العملية و الأدوية و ادفعت ل الدكتور مش خلاني نديرها و نوقع على نفسي و صاحبتي مصلحيه اخدت منه و الباقي كله تحاليل و أدوية غالية و ادفعت للممرضات مش وقفوا معاي 💔💔💔
هذا كله مش نضعف و همي يدير فيه
بوي با الله عليك...
شبحت دمعت بوي و اسكتت 💔
قتله وين خطيبي قالي اول ما خشيتي للحبس طول اسحب روحه هويت رأسي و اسكتت .
خش بوي هو رأسه لوطة مع أعمامه و هو و اقروا الفاتحه ..
و أمي تبي تحضني اني قتلها باعدي عليه
لين طلع بوي و طلعوا الناس ركبوا سيارتهم .
و طلعوا كلهم روحوا...
و اني واقفه و صدمة
مع حلول ليل
_____________________
__#الكاتبة_أميرة_سليمان__
مع حلول ليل و اني مقعمزة في صالون و دموعي ينزلوا جاي ابديه يقرب منه و كأنه نصار شي هو كان حاطني في سجن اسبوعين و الناس كلها تتكلم بيه و سمعتي ضاعت حط ايديه على كتفي نحيته ب القوة قالي شورك نسيتي .
اني شن نسيت .
قالي راهو بتقعدي هكي بنبهدل كل العيلة بوك موقع على عقد في أي وقت نحبسه
راجل واخدني تحت تهديد بسيف و الغصب و كأني مخطوفه 💔 مع ساعة 2 و اني راقده جنبه نضت و اني حالتي حاله كيف بس قعده مع راجل دار فيه هذا كله اطلعت برا معاش قدرت نتنفس بكل و احلفت في خاطري لما ندير ليه عملة نخليه يندم على كل شيو دمعت بوي غالية و غالية هلبا على قلبي اطلعت برا هي مزرعة فيها استراحة و فيها مسبح قعدت مقعمزة على الكرسي
لين في لحظة خلاص نضت نجري طفيت التاكو مع ضي فصلته نهائي مش نفصل الكاميرات و كل شي يوقف و اني معصبة
في لحظة غضب في لحظة معاش عندي الا الحل هذا راح نخليه طول عمره يبكي دم و دم و يموت بحسرته 💔 في لحظة معاش فرقت معاي حاجة اول ما الدنيا ظلمت و صوت الكلب ينبح اني .....