رواية همس الاسر
الفصل العاشر10
بقلم الكاتبة الصغيرة
كان آدم بيتكلم مع كارما اللي مكنتش مهتمة اصلا باللي بيقوله
آدم : اعرفي ي بنتي الواد يبقي مين ممكن تغيري رايك
كارما : والنبي لو كان رئيس الجمهورية مش موافقة بس من باب الفضول هو يبقي مين
آدم : دا ياسين صاحبي
كارما : نعم مش حرام علي طولك ياض تجوزني لصاحبك دا دا بارد كان كل لما يشوفني يتنمر عليا
آدم : خلاص قلبك ابيض
كارما : والله ابدا انا مش هتحرك من هنا هفضل قاعدة علي قلبك
آدم : ي بت حرام عليكي دا انتي خلاص وهتتخرجي من الجامعة والعرسان كتير مفيش واحد منهم ياخدك ويريحني
كارما : متقلقش انت انا لما الاقيه والله ما انا سايباه ي انا ي هو بس هو ييجي
آدم : امتي دا بس
كارما : معرفش بقي ادعيلي بس لوقتها عاوزاك تعرف اني قاعدالك
آدم : يارب يارب فك عقدة كارما بنت صباح ي قادر ي كريم
كارما : قولت اللي انت عاوزه وسمعت جوابي يلا برة انا عاوزة اكمل الرواية اشوف البطل الجزمة دا عمر اي في البطلة متعطلنيش
آدم : ي بت ارحمي دماغك دا انتي مبتذاكريش قد ما ما بتقرئي روايات
كارما : آدم برة
آدم : طب احترميني دا انا حتي بيقولوا عني ظابط
كارما : وانا مالي
آدم : خلاص خارج خليكي انتي كدة
خرج آدم وهو بيبص بيأس لاخته اللي هتجننه وهي مكنتش هنا لانها بدأت تقرأ في الرواية تاني كان لسة هيخرج من الباب
كارما : اقفل الباب وراك كويس ي حبيبب اختك
آدم : اه ي مستفزة
كارما : بتقول حاجة
آدم : لا بقول حاضر ي حبيبتي
خرج ادم وقفل الباب وراه جامد لدرجة انها اتنفضت وفضلت تضحك عليه وعلي عصبيته هي دايما بتعمل كدة بتعصبه بس بتراضيه بسرعة وهي عارفة ان كل اللي بيقوله دا هزار وانه بيحبها
*********************************
كانت همس قاعدة في بيت لينا ومعاها حور لوحدهم لان لينا راحت شغلها سمعت صوت خبط علي الباب فتحت وانصدمت لما لقته شريف
شريف : همس
همس اول ما شافته خافت ورجعت لورا ومع كل خطوة بيقرب منها كانت هي بترجع لورا اكتر ورعبها بيزيد
همس : انت انت اي اللي جابك هنا
شريف : انا جاي آخد مراتي
همس : شريف اطلع برة يلا بدال ما اصرخ والم عليك الناس كلها
شريف : اعملي اللي تعمليه انا مش همشي من غيرك فاهمة
همس : انت شارب حاجة ي شريف احنا اتطلقنا خلاص جاي هنا تعمل اي
شريف : وحشتيني انا بجد مش هقدر اعيش من غيرك
همس : شريف انت اتجننت اطلع برة بقولك
قصر شريف المسافات بينهم اكتر وشدها ليه وحضنها جامد اوي حاولت هي تبعد بس هو كان اقوي منها ومشدد عليها
همس : ابعد عني انت مجنون اللي بتعمله دا حرام انا مبقتش مراتك مينفعش اللي بتعمله
بعد شريف عنها وعيونه اتملت بالدموع وبصلها بحزن كان باين علي ملامحه
شريف : همس ارجعيلي واوعدك اني مش هلمسك تاني بس متسيبينيش انا مش هقدر من غيرك
انصدمت همس من تغير معاملته وانه بيعيط بس جمدت قلبها
همس : احنا مبقناش لبعض ي شريف انت اذتني كتير وانا مستحيل اسامحك
شريف : طب اديلي فرصة تانية
همس : فرصة اي ما تفوق بقي احنا اتطلقنا ودا مش هزار وانا خلاص بدأت حياتي الجديدة وانت مش موجود فيها فابعد احسنلك
شريف : همس متقوليش كدة انتي بتحبيني وانا بحبك
بصتله همس من كلامه اللي يدل علي جنونه ومش مصدقة اللي بتسمعه منه
همس : انت مجنون صح بحبك هو انت عملت حاجة عشان احبك انت كل اللي كنت بتعمله كان بيزيد كرهي ليك بس انما الحب انت الوحيد اللي متتكلمش عنه انت فاهم
شريف : انا عارف كل اللي بتقوليه دا بس مع بعض هنصلح كل حاجة
همس : انت مبتفهمش قولتلك اطلع برة مبقاش في حاجة بينا نرجعها ولو مبقاش غيرك في الدنيا مستحيل ارجعلك بردوا
شريف : انا همشي دلوقتي وانتي اهدي كدة عشان هرجع تاني وهنتكلم وهترجعي معايا
قرب شريف منها وباس راسها وهي انصدمت من دا وبعدها خرج علي طول دخلت هي الحمام بسرعة وغسلت وشها وخصوصا مكان البوسة وهي بتعيط
خرجت همس من الحمام وراحت ل حور واشتلتها وهي دموعها بتنزل ومش قادرة خلاص من كل اللي بيحصلها دا
همس : استغفر الله العظيم يارب سامحني بس والله غصب عني يارب خليك معايا انا وكلت ليك كل امور حياتي الجاية ومؤمنة انك مش هتخيب رجائي
********************************
عدي الوقت وراحت لينا ليحيي المستشفي بعد ما خلصت شغلها وخبطت علي الباب ودخلت جوة كان يحيي صاحي اول ما شافها ابتسم بفرحة
لينا : السلام عليكم
يحيي : وعليكم السلام
لينا : اخبارك اي ي استاذ يحيي دلوقتي
يحيي : بقيت احسن دلوقتي
اتحرجت لينا من كلامه وقالت : انا جيت اتكلم مع حضرتك عن همس
اول ما سمع يحيي اسمها اتعدل بسرعة وبصلها بمعني في اي
لينا : انا جيت اطمنك عليها
يحيي : طب هي فين دلوقتي وعاملة اي
لينا : هي قاعدة معايا دلوقتي
يحيي : شكرا ليكي بجد انك جمبها
لينا : همس من اول ما اتكلمت معاها حسيت انها اختي وانا كدة كدة عايشة لوحدي
يحيي : طب متعرفيش هي قررت تعمل اي في حياتها
لينا : انا جيت اكلمك في الموضوع دا انا هخليها تشتغل زي ما هي عاوزه هي قالت انها عاوزة تشتغل ومتعتمدش علي حد
يحيي : وهي هتشتغل اي وفين
لينا : هتشتغل في شركة هندسة صاحبها يبقي قريبي فانا كلمته ولما روحنا وشاف الcv بتاعها وافق علي طول وهتبدأ تشتغل من بكره باذن الله
يحيي : طب ومين صاحب الشركة دي
لينا : آسر العامري
يحيي : بتهزري صح دا صاحب شريف
لينا : وفيها اي هو وافق انها تشتغل وهي فرحانة بدا وباذن الله هتحقق ذاتها
كان لسة يحيي هيرد عليها بس قاطعه اتصال فونها ردت بسرعة لانها كانت همس وهي بتعيط
لينا : في لي ي حبيبتي....بتعيطي ليه.....اي.....طب انا جايالك دلوقتي....اهدي انتي
قفلت المكالمة وبصت ليحيي اللي كان قلقان اوي
يحيي : في اي ايه اللي حصل
لينا : .........