رواية عشق احفاد الجوهري الجزء الثاني2) الفصل السابع7 والثامن8 بقلم ايه المهدي
وقفنا لحد ما حور طلبت تتكلم مع سليم
حور : ممكن اتكلم معاك
سليم : اتفضلي
حور : ممكن ندى بعض فرصة نتعرف على بعض وكمان ميبقاش فيه ما بينا حاجز
سليم : نعم وانتي متعرفنيش قبل كده يعني
حور بمرح : يا عم ده انا لما كنت بشوفك كنت بخاف منك ده انت عليك نظرة ترعب واحيانا كنت بحس اني عايزة اضربك من كتر برودك وتناحتك
سليم بصدمة : تناحتي انتي جبتي الكلمة دي منين
حور ببرود: يعني مسكت في الكلمة دي وسيبت الكلام كله
سليم بعصبية : اه طبعا انا مبحبش حد يتجاوز حدوده معايا
حور باستفزاز: وانا مش اي حد انا حور المهدي وكمان مرات سليم الجوهري
سليم بخبث: اه مراتي طب يا تري يا مراتي الحلوة بتحبيني
حور بتوتر : نعم بحبك انت ليه أن شاء الله تكونش توم كروز علشان احبك وبعدين انت مش نوعي المفضل اساسا
سليم بصبر : امال ايه هو فارس أحلامك يا هانم
حور بهيام : يا سلام لو اللي بالي حصل
سليم بغضب : حوررررررر
حور بخوف : مالك يا عم انت هتموتني ناقصة عمر والله ما احنا كنا حلوين اهو قلبت ليه
سليم : روحي نامي يا حور مش تعصبيني
حور : طيب تصبح على خير
وذهبت حور للاستعداد للنوم وتركت سليم يغلي من الغضب بسبب هذه التي وقع اسير لها
وجاء يوما جديد باحداث جديدة للجميع
على سفرة الطعام كان يجلس الجميع يتناولون افطارهم حتى قطع هذه الصمت احمد شقيق حور
احمد : بعد اذنك يا جدي انت وعمي باسل حابب اتكلم معاكوا في موضوع
الجد : اتفضل يا ابني
احمد : انا يسعدني ويشرفني اني اطلب منك ايد زهرة حفيدتك وطبعا بعد اذن بابا مع انه بابا عارف
محمد والد حور : والله لما قولتلي يا ابني قولتلك زهرة أدب وجمال وأخلاق بس لو سمحت يا عمي انا هاعمل اللي يقدرني عليه ربنا علشان عروستنا تكون مبسوطة
الجد : يا ابني احنا بنشتري راجل واحمد حفيدي زي زهرة ومش هلاقي احسن منه بس نشوف موافقة العروسة الأول وباباها
باسل والد سليم : والله يا انا موافق واللي شايفه حضرتك واحمد عندي زي سليم وسيف وزهرة
الجد :: وانتي يا زهرة يا حبيبتي
زهرة بخجل واحمرار شديد : اللي تشوفه يا جدو
الجد بفرح : على بركة الله
احمد بفرح وحب لهذة الجميلة : نقرأ الفاتحة بقا جدي والشبكة بعد يومين انا مجهز كل حاجة
الجد بضحك : مالك يا ابني مستعجل ليه كده اهدا
احمد بخجل لتسرعه : اللي تشوفه حضرتك
الجد : خلاص على بركة الله نقرأ الفاتحة بس الشبكة بعد أسبوع
احمد بفرح : موافق
وتم قرأة الفاتحة والجميع يهنئ زهرة واحمد وذهب سيف لمعانقة شقيقته وقال لها
سيف بهمس : علشان كده كنتي بترفضي اي عريس باين من نظرة عنيكي انك بتحبيه
زهرة بخجل : يا أبيه انا انا
سيف بضحك لخجل شقيقته : خلاص خلاص ده انتي وشك قلب الوان كده ليه الف مليون مبارك يا قلبي وانا يهمني سعادتك وبس
زهرة بحب ': الله يبارك فيك يا آبيه
وكان الجميع فرح بهذه الاخبار السعيدة ومر اليوم سريعا وجاء الليل وكان الجميع يتسامرون بهزار جميعا حتى قالت والدة سليم
والدة سليم : بعد اذنك يا عمي عايزة اطلب منك طلب واتمنى مش تكسفني
الجد : اتفضلي يا بنتي قولي
والدة سليم : ريهام بنت اختي نازلة مصر اليومين دول وعندها شغل هنا لمدة 3 شهور وبصراحة اختي كلمتني ووصتني عليها وقالت انها نازلة في فندق فممكن تيجي تقعد معانا هنا لحد ما شغلها يخلص
الجد : طبعا يا بنتي ده بيتك برضو وبعدين عيب بيتنا يبقى موجود وتنزل في فندق
والدة سليم : ربنا يحفظك لينا يا عمي
وذهب الجميع للنوم ولم يرا احد حور وسليم اليوم فهما قضوا اليوم في الخارج برفقة أطفالهم وانقضي يوم جديد والجميع مشغول بتربيات خطوبة احمد وزهرة ومر الاسبوع سريعا حتى اتي هذا اليوم السعيد والجميع فرح لهذا الثنائي الهادئ وجاء وقت تلبيس الدبل والجميع يلتقطون الصور لهذة اللحظة السعيدة
الجد : يلا يا ابني لبس عروستك شبكتها
احمد : حاضر يا جدي وقبل ان يفعل احمد ذلك
شخص ما : ايه من غيري مش تستنوا
الفصل الثامن
البارت الثامن
شخص ما : من غير مش تستنوا
والدة سليم : ريهام حبيبتي انتي وصلتي حمد الله على سلامتك يا قلبي
ريهام : الله يسلمك يا خالتو اخبارك عاملة ايه
والدة سليم : الحمد لله يا حبيبتي حظك حلو مش لبسنا الشبكة تعالي
وذهبت ريهام مع خالتها والقت التحية على الجميع انصدمت لوجود نسخة أخرى من مليكة ولم تدري انها ابنة العائلة وزوجة سليم لانشغال الجميع بالخطوبة والجميع رحب بها وتمت خطبة احمد
وزهرة بسعادة للجميع حتى قالت ريهام
ريهام : مش تعرفونا مين دي وشبه مليكة كده ازاي كأنهم تؤام
الجد : ما هما فعلا تؤام يا بنتي
ريهام بصدمة : ازاي
والدة سليم : انا افهمك يا بنتي دي حور اخت مليكة التؤام كانت حصلت حاجة غلط زمان وافتكرنا انها راحت مننا لكن ربنا رجعها لينا تاني ودلوقتي هي مرات سليم ابني وكمان عندهم 3ولاد
ريهام بذهول : مراته ازاي هو سليم اتجوز بعد نادين الله يرحمها
سليم بهدوء: ايوة دي مراتي وام ولادي
ريهام بهدوء: مبروك يا ابن خالتي بس كنتوا عرفونا على الاقل احنا قرايب
والدة سليم : معلشي يا بنتي الدنيا كانت ملخبطة هنا ونسيت اقول لوالدتك حاجة
ريهام : ولا يهمك يا خالتو ممكن توصليني اوضتي عايزة ارتاح من السفر تعبانة
الجد : وصليها اوضتها انتي يا مليكة اطلعي ارتاحي يا بنتي وهنجبلك الاكل فوق
ريهام بهدوء ما قبل العاصفة : تمام وذهبت ريهام للاعلي تجاه غرفتها ومر شهر على هذة الاحداث ولا شئ جديد غير تقرب سليم وحور من بعضها حتى جاء ذلك اليوم وكانت العائلة مجتمعة يتحدثون ومعهم زوجات سفيان ومراد وسراج وسيف وسليم ومعهم أولادهم جمعيا حتى قالت والداة سراج لابنها أدهم
والدته : مش ناوي بقا تفرحنا يا أدهم كل اخواتك اتجوزو يا حبيبي
أدهم وعينه على سلمي شقيقة حور : قريبا يا ماما ان شاء الله بس انتي ادعيلي
الجد بخبث لاحظ نظرات أدهم لسلمى : بقولك يا أدهم يا ابني انا عندي عروسة بنت ابن واحد صاحبي البنت أدب وجمال وأخلاق
أدهم بتوتر : لا يا جدي انا في بالي بنت وان شاء الله بس اخلص شوية حاجات كده وهقولكوا عليها
قصي : ربنا يوفقك يا ابني
عز وحسام : واحنا يا جماعة نسيتونا مش هنتجوز يعني
وليد : بس يا حيوان منك ليه مش لما تعرفوا تشتغلوا الأول
عز ببكاء مصطنطع: ليه كده يا عمي جرحت مشاعري والله
وليد بضحك : من انهي ناحية بالظبط حرجتها
الجد : ليك عليا يا عز لو بقيت مسئول انت والحيوان اللي جمبك هاخطبلكوا بس فرحوني واعملوا زي اخوتكوا يا فشلة مش عارف طالعين لمين
عز وحسام بغمزة : هيكون مين يعني يا جدي دور كده يمكن في حد من ولادك ولا اخواتك كان فاشل
الجد : يلا يا قليل الادب انت وهو من هنا انتوا متربتوش اساسا
عز بمرح : كنت فين طيب يا جدي واحنا بنتربا
حسام : كانوا بيربوا الباقي واحنا جينا هدية عليهم فمكانش لينا لازمة يربونا
الجميع : 😂😂😂😂😂😂
الجد بصوت عالي : يلا يا حيوان منك ليه بره
عز وحسام : الحقونا اجري يا مجدي 🏃♂️
وظل الجميع يضحك عليهم حتى جاء اتصال لريهام من رقم غريب فاستئذنت الجميع للتحدث
ريهام : الو مين معايا
المجهول : مش مهم تعرفي انا عايزاك بكرة تقابليني الساعة 10 في كافيه..............
ريهام برفع حاجب : وانا اقابلك ليه هو انا كنت اعرفك احنا هنهزر ولا ايه
المجهول بسخرية : ولا تعرفيني ولا اعرفك بس المصلحة واحدة
ريهام : وانا مصلحتي مش معاك اكيد مش هاثق في واحد زيك
المجهول بخبث: حتى لو قولتلك انه ممكن اخلي حور تطلع من حياة سليم اظن انتي عايزة كده صح
ريهام بصدمة : انت عرفت ازاي انت مين وعايز ايه
المجهول : عرفت ازاي دي مش مهم وانا مين مش مهم برضو وعايز ايه عايز ادمر سليم وعيلته عايز اخليهم يندموا كلهم واللي هاعمله مش هينسوه
ريهام : طيب تمام هاقابلك
وقفلت ريهام مع المجهول وذهبت للعائلة حتى لا أحد يشك بها ومر اليوم سريعا وجاء يوما جديدا
افاقت ريهام سريعا وبدأت تجهز نفسها للخروج وذهبت بسيارتها وبعد مرور بعض الوقت وصلت ريهام للكافيه وظلت منتظرة وصول هذا المجهول وبعد مرور بعض الدقائق جاء هذا الشخص ووقف امام ريهام
المجهول : ازيك يا ريهام
ريهام بصدمة : انت طب ازاي وليه كده
المجهول بابتسامة : لو فضلتي مصدومة كده مش هعرف احكيلك حاجة اتفضلي اقعدي
ريهام : اتفضل اتكلم انا سامعك
المجهول :........ ونسيبهم بقا يتكلموا براحتهم ونسيب ريهام بصدمتها
عند حور وسليم
افاقت حور من نومها واحست بغثيان وثقل شديد واسرعت للحمام تستفرغ ما في جوفها
حور بهمس : معقول اللي في بالي لازم اتأكد وذهبت حور وجلبت اختبار حمل وذهبت للحمام واغلقت الباب وبعد مرور بضع دقائق خرجت والفرحة على وجهها بشدة
حور : بس لازم اتأكد وبعدين اقول لسليم اكيد هيفرح قوي لانه مكانش معايا في حملي الأول
وذهبت وجهزت نفسها وذهبت للاسفل ولم ترى احد بالأسفل يا تري راحو فين دول ومعقول جدو خرج اما اشوف بابا ولا ماما وذهبت حور تبحث عن الجميع
وانا كمان عايزة اعرف الكل راح فين🤔
وجاء الليل سريعا واتي الجميع من الخارج وحور تاخد غرفة الجلوس ذهابا وايابا والقلق ينهش قلبها على أولادها وزوجها وعائلتها جميعا وفسوف تجن هل حدث لهم شئ وعند هذه النقطة كانت ستبكي من الخوف وعندما رأو حور بهذه الحالة ذهب الجميع بقلق لها
والدة حور بقلق : مالك يا حور يا حبيبتي انتي كويسة
حور ببكاء : انتوا كنتوا فين كلكوا انا كنت خايفة قوي
سليم بتهدئة لحور : اهدي يا حبيبتي ايه اللي حصل
حور بتهتهة: كنتوا فين انا كنت قلقانة
قصي بهدوء: كنا بنعمل مفاجأة
حور باستغراب : مفاجأة ايه دي
قصي بمرح : انتي ناسية عيد ميلادك انتي ومليكة يا حضرة المحامية
والدة سراج: كده يا قصي حرقت المفاجأة
قصي : انتي مش شايفة بنتك عاملة ازاي
أمال والدة سراج : طيب خلاص اكيد مناسبة حلوة زي دي مش عايزة كلام يلا بينا بقا خلي الاميرات تجهز علشان منتاخرش
حور : نتأخر على ايه
آمال : يلا بس يا حبيبتي اطلعي اجهزي مافيش وقت
حور : حاضر وذهبت حور لتحضير نفسها والعائلة تنتظرها ونزلت حور ومليكة للاسفل وانبهر الجميع بجمالهم وذهب الجميع بسيارتهم
عند سليم وحور في السيارة
سليم : طالعة قمر يا قلبي انهاردة
حور بخجل : شكرا
سليم بضحك : خلاص خلاص قلبتي طماطم
حور : بس بقا يا سليم
سليم بضحك : حاضر يا قلب سليم قوليلي عجبك الفستان
حور بفرح : اه ذوقك حلو قوي
سليم : طيب مافيش حاجة كده ولا كده
حور بكسوف : لاء
سليم بزعل : طيب ماشي خلاص
حور بحب: انا بحبك خلاص متزعلش
سليم بحب : وانا بعشقك
وذهب الجميع للنادي الذي تم حجزه من قبل سليم وسيف لاميرتهم ومر اليوم على خير وسط فرحة الجميع
وجاء يوما جديدا باحداث ستقلب العائلة رأسا
استيقظت حور وجهزت نفسها للاستعداد للخروج فنظر لها سليم وهو يجهز نفسه للذهاب للشركة
سليم : انتي خارجة يا حبيبتي
حور : ما انا قولتلك امبارح
سليم :، طيب مين خارج معاكي
حور : لاء لوحدي
سليم بهدوء: لا يا حور لوحدك لاء مش هامن عليكي
حور : طيب ابعت معايا الحرس وانت كده هتطمن
سليم بعد اطمئنان قليلا: طيب بس تكلميني كل شوية ولو حصل حاجة معاكي تعرفيني
حور بحب : حاضر اي أوامر تانية يا فندم
سليم بضحك : لا بس حبيبتي تسمع الكلام علشان بخاف عليها
حور : طيب تمام انا خارجة بقا هاكلمك لما اوصل
سليم بتنيه: حور خليكي قريبه من الحرس وخليهم معاكي في كل حته
حور : بذمتك يا استاذ انت ادخلهم معايا محل لبس حريمي ما يقفوا على البروفة بالمرة
سليم : حور اسمعي الكلام هما هيبقوا برة المحل ويستنوكي
حور : تمام ماشي وذهبت حور للاسفل واوصت امها على أطفالها وذهبت سريعا ومر وقت وتوقفت السيارة عند المول ونزلت حور ودخلت المول وذهبت للاعلي وطلبت من الحرس ان يظلوا هنا ولكن رفضوا حتى وقفت امام محل ملابس نسائي وطلبت من البائعة ان تشغل هؤلاء الحرس حتى تخرج دون أن يراها احد واعطتها المال ونفذت البائعة الأمر وخرجت حور دون أن يراها احد من الحراس وطلبت تاكسي وذهبت لمستشفى عائلتها عائلة الجوهري وذهبت للطبيبة وقالت لها الأمر
الطبيبة : طب اتفضلي نعمل سونار ذهبت حور لتلبية طلب الطبية كشفت الطبية بالسونار وظلت تحركه فترة قليلة وقالت
الطبيبة بابتسامة : مبروك انتي حامل ومش في واحد لا اتنين انا باين عندي حنينين
حور بفرح شديد : اتنين طب انا في الكام اسبوع
الطبيبة : بقالك 3اسابيع وياريت الحركة متبقاش كتير وتهتمي بنفسك اكتر دول اتنين مش واحد
حور : حاضر شكرا ليكي جدا
الطبيبة : العفو والف مبروك يتربوا في عزكوا
ورحلت الطبيبة للخارج وعدلت حور ملابسها وذهبت للخارج أيضا وهي فرحة وتستعد للذهاب للبيت ومفاجاة الجميع وذهبت خارج المستشفى وابتعدت قليلا تنتظر تاكسي للذهاب فهي تعلم الان ان الحرس علموا بغيابها وبالطبع سيخبرون سليم وسوف يغضب كثيرا
حور بخوف : لا اكيد هينسا اول ما يسمع الخبر الحلو ده وقبل ان تشاور لاي تاكسي جاء احد من ورأها وخدرها واخد في سيارته سريعا قبل أن يراها احد وبعد مرور بضع ساعات فاقت حور ورات سليم وجميع العائلة ومنهم من ينظر بغضب ومن ينظر بصدمة وبكاء
حور باستغراب : مالكوا واقفين كده ليه ورات حور نفسها في فراش غريب وبجانبها شخص غريب لا تعرفه وبدون حجابها
حور بصدمة : اي ده ومين ده فين حجابي ايه اللي حصل
سليم بتقرب منها : اللي حصل كتير قوي بقا انا تخونيني ليه قصرت معاكي في حاجة ومد يده لينزل كف شديد على وجهها
حور ببكاء: سليم صدقني انا مش فاهمة حاجة ولا عملت حاجة جدو بابا ماما انا معملتش حاجة
قصي بخجل من فعل ابنته : ليه كده
حور بصدمة : انتوا مصدقين انه انا اعمل كده معقول مش واثقين فيا
والدة آسيل بسخرية : واثقين امال لو مش شايفينك
حور : بابا انت ساكت ليه ده انت اللي مربيني
ذهب سليم وكان في شدة غضبه امسكها من شعرها وكاد ان يقتلعه من جذوره وظل يضربها كف تلو الاخر حتى ابعده سيف وسراج وذهب احمد لاحتضان شقيقته
سليم : الزبالة دي انا مش عايزة اعرفها تاني وتنسي انك ليكي ولاد عندي
حور ببكاء: حرام عليك يا سليم انا معملتش حاجة متحرمنيش من ولادي لم يدافع عنها احد ووقف بجانبها احمد وعز والداها محمد وشقيقتها ولأول مرة يقف معها شقيقها أدهم فلما رأي دموعها احس بصدق كلامها وحاوطها احمد وعز وجلبوا لها حجاب لتستر نفسها من نظرات الجميع ووقفت بجمود امام سليم والعائلة
حور : هتندموا كلكوا على اللي عملتوه معايا ووقتها الأوان هيكون فات ومش هاسامح كل واحد ظلمني مش هاسامح وافتكروا كلامي ذهبت حور للخارج وهي تركض وتبكي بهستيرية وطلب عز وادهم من أحمد ان يركض ورائها ولا يتركها وحدها وذهبت العائلة للقصر محملة بالحزن والكره والغضب والعتاب
وذهب احمد ليراها تركض سريعا وكانت سوف تتعثر في خطواتها فامسكها
احمد : حور حاسبي
حور بدموع : سيبني انت كمان مصدق زيهم
احمد بحزن : لا يا حور انا مش مصدق انا واثق فيكي هما هيروقوا ويتكلموا معاكي وهيتاسفوا ليكي لما يعرفوا غلطهم
حور ببكاء: مش عايزة حد انا عايزة ولادي احمد ممكن تجبلي ولادي عايزاهم ارجوك يا احمد هاتهم
احمد بتوتر : حاضر يا حور هاجبهملك بس انتي خدي مفتاح شقتنا اهو تعالي هوصلك وهرجع اجبلك الولاد ماشي
حور : ماشي وذهب احمد سريعا بعد ما اوصل حور للمنزل وطلب منها إغلاق الباب جيدأ
ذهبت حور لغرفتها القديمة وظلت تفكر كثيرا
حور : انا مش فاكرة حاجة انا فاكرة انه حد جه من ورايا وحط حاجة على وشي وبعدها مش فاكرة انا لازم ادور ورا الموضوع مين ليه المصلحة من كده يعمل معايا بس افكر في حل ميخليش سليم يدور علينا اكيد مش هيسيب ولادي وظلت تفكر كثيرا حتى اتت ببالها فكرة
حور بتصميم : ده اللي لازم يحصل ومحدش هيعرف خالص