رواية ترند باربي
الفصل الثاني 2
بقلم اميرة سليمان
بعد ما ألقيت صورت صاحبتي في هاتفه و كيف باعت صورها لي أصحابه خليته امشيه لي صالة العرس عنده غذاء و كلمت خوت البنت و حرشت فيه و بعت ليهم كل شي كنت نحساب هكي راح نأخد حقي نار ركبت فيه منين القيته سارق صور صاحبتي من عندي و يوري فيهم لي أصحابه و يقول ليهم اشبحوا محلاها
نحساب لما كلمت خوتها بنتقم منه لاكن بعد ما أعطوه طريقه و خلوه ازرق و احمر و الوان و كسور قاللهم نبي بنتكم و اليوم نقرأ عليها الفاتحه أمته ماتبوا نروح بيها و نستر عليها و نعيشها احلا عيشة لي صار كله من حقد مرتي هي لي بعتت صور لي اصحابي و تكذب و دير في مشاكل لأنه قلت ليها على الموضوع و بنتكم تأخد شن تبي ..
روح للحوش اضربني و قالي لمي ملابسك و حوش اهلك لما نجيبها أميرة للحوش هذا و تخش ملكة ليه ياربي بس طريق كلها دموعي ينزلوا و نتحسب عليه روحت كلمتها نبي نشبح رأيها ألقيت هاتفها مصكر و صدمة😧🙏
خوتي صغار و اني بنت وحده و أمي و بوي مش ما يحبوش المشاكل بوي عنده سكر مانبيش نحمله شي فوق طاقته نوض نلقى فيه هو و أمي يبكوا عليه 💔 و سيبتها على الله على قد ما حولت نتصل بيها و نتواصل معاها ماتبيش تكلمني بكل صاحبتي قلت لي بوي ارفعني عندهم امشيت اقعدت ندق اني و بوي اطلع خوها صغير قالي اختي مهناش 💔 روحت دمعتي على عيني و اني نعرفها قعده حاولت نوصل في اختها توام مافيش اي امل قعدت حكم شهر كامل اني مش طلقة معلقه هكي و خلاص مش عارفه مصيري لين كنت مقعمزة نقري في خوي صغير
جتني رسالة منه اني غدوا دخلتي على صاحبتك و رفيقت عمرك لي احلا منك و ترند باربي عليها احلا منك اقعدت نضحك و نضحك لين نلقى روحي على سرير في مستشفى جتني زي حالة اهبال هكي 💔 بوي وين امشي لي أهلها قالوله بنتك هي لي بعتت صور لي أصحابه و دارت هذا كله لأنه قاللها بيأخدها و كلام زي هذا يعني صدقوا الوهم و الكذب امتاعه و اطلعت اني لي في أخرى الحلقة لي مش كويسة
قعدت ساكته نصلي و ندعي في ربي ساعتها كان شهر 1 و المطر صبت يوم دخلته لين خلاص و اني ندعي عليهم ليلة كانت صعبه هلبا على قلبي كيف شعور راجلك يتزوج عليك و يأخد صاحبت عمرك 💔💔 قعمزت على سريري مع ساعة 12 و اني دموعي ينزلوا بشدة و نحاول نشد في فمي و نمسك في روحي مش ميطلعش صوت و بوي ايزيد يتغشش عليه 🥺 فاتت ليلة فات اسبوع فات شهر كل يوم ايفوت و اني على ذمته لا سأل عليه لا حاجة حتى قرايتي سيبتها على خاطره و اخديته على حب 💔 فاتوا شهرين من بعد عرسه اني منطلعش بكل من حوشنا معاش نفتح في النت بكل 💔 لين كنت مقعمزة قلت هي خلي ندير طله نشبح شن صاير 🥺💔
خاصة اني حتى هاتفي و اصحابي اقطعتهم من صدمتي و من ل صار معاي افتحت هاتفي قلت خلي نشبح ايميلها اول ما افتحته القيتها مغيره الاسم ل باربي
ضربت الهاتف في الحيط لين في يوم كنت مقعمزة جنب بوي كانت ساعة 1 واحد في ليل جاني خوي يجري يقولي ربي هذا عدالة ربي كان تعرفي شن صار يا تسنيم كان تعرفي بس 💔 تابع ديري متابعة أهنا يوصلك الباقي مطعم النجع للوجبات الشعبية