رواية عمياء في يد الصياد
الفصل السادس عشر عشر والسابع عشر
بقلم اسراء سمير
تلقت جني صدمه موت اخيها الوحيد لقد كان سندها في تلك الحياه،وما ان سمعت ذلك حتي دخلت في بكاء هستيري...
وما ان رآها احمد علي هذا الحال حتي اتجه إليها واخذها في احضانه لكي يهدئها
محمود:اهدي..وخلي ايمانك قوي وادعيله بالرحمة والمغفره
جني بشهقه بكاء:أحمد مات...
مات ومعدش ليا حد اتسند عليه...حد يحميني
مات ومش هشوفه تاني
احمد وقد شعر بنغزه في قلبه:هو مش محتاج دلوقتي غير أنك تدعيله
وبعدين انا روحت فين...هفضل جنبك طول العمر
جني واخذت تردد:ان لله وأن إليه راجعون
وبعدها دخلت الغرفه التي يوجد بها احمد واخذت تتحدث معه وتتوجه الي الله بالدعاء له بالرحمه والمغفره،وودعته وخرجت..
تكفل محمود بكل شيء وتمت إجراءات الدفن وغيره
اوصل محمود جني الي البيت بعدما اطمأن عليها وذهب الي البيت يصاحبه حزنه علي محبوبته..نعم أحبها وأعترف بذلك لنفسه
وبعد قليل وجد جني تتصل عليه فشعر بالخوف ولا يعرف السبب فأجاب بسرعه:
مالك يا جني...انتي كويسه
جني ببكاء:الحقني يا محمود عمي جايب المأذون وعايز يجوزني لابنه
محمود:اهدي يا جني وانا جايلك حالا
انطلق احمد مسرعا الي بيت جني وصعد بخطوات سريعه وعندما دخل سمع المأذون يقول:
احضروا العروس
هنا دخل محمود وقال:تتجوز ازاي يا شيخنا وهي متجوزه اصلا
الكل هنا نظر بصدمه واتجه إليه ذلك الشاب ابن عمها وقال:
متجوزه ازاي يا جدع انت
ابتعد محمود عنه واتجه إلي المأذون وأخرج ورقه الزواج وما ان رأها المأذون حتي قال:
العروسه متجوزه ازاي تتجوز تاني
وقام وذهب،أما جني فعندما سمعت صوت محمود خرجت مسرعه واتجهت الي محمود إلا أن عمها امسكها وكاد ان بضربها إلا أن امسكه محمود وقال:
ايدك متتمدش علي مراتي
عمها:بقا تتجوزي من ورانا..ويا تري الجوازه دي من وري اخوكي وكان نايم علي ودانه
محمود:انا مسمحلكش تتكلم عنها بالشكل دا أحمد الله يرحمه والي انتوا مقدرتوش انه لسه متوفي كان وكيلها واحنا متجوزين علي سنه الله ورسوله،وأظن مفيش داعي لوجودكم دلوقتي
خرجو جميعا وهم يتوعدون لهم،أما هو فقد التفت لها وجدها تبكي فاقترب منها وقال:
خلاص يا جني..اهدي
جني:شكرا
محمود:بتشكريني علي ايه دا انتي مراتي،ويالا علشان تلمي هدومك وتمشي من هنا
جني:هنروح فين؟انا عايزه أفضل هنا
محمود:مش هينفع يا جني،انتي شايفه عمك كان عايز يعمل ايه
استسلمت وذهبت لتحضر اشياؤها وبعدما انتهت أخذها محمود وذهبوا
♡♡♡♡
قرر ادهم الاعتزار من رسيل عما تفوه به من كلمات جارحه وقاسيه...نعم هو أخطأ وأعترف بذلك،وعلم انه لا يجب ان يعاملها بتلك الطريقه في النهايه رسيل ليست نرمين وقد اقتنع بذلك
هي الآن زوجته بالاضافه الي أنها في حالتها تلك تحتاج الي المساعده والدعم فليس سهلا علي اي إنسان ان يفقد نور عيناه،هي تحتاجه الآن لأنها وحيده قد ارغمت علي الزواج منه مثلما ارغم علي الزواج منها
دخل الي الغرفه وكان يعتقد أنها مازالت مستيقظه،ولكنه وجدها نائمه ويبدوا عليها الانزعاج لرؤيتها حلما مزعجا
اقترب منها وجلس بجانبها يتابعها بعيناه كم هي جميله وبريئه كطفل صغير..
لاحظ أيضا عدم تخليها عن حجابها حتي أثناء نومها...
واثناء تأمله فيها سمعها تنادي علي والدتها ووالدها بصوت خافت...الي أن تحول الي صرخه وقامت مفزوعه من نومها
احتضنها ادهم لكي يهدأ من روعها،بينما هي تمسكت به بخوف وسرعان ما انتبهت لنفسها وابتعدت عنه بخجل..
رسيل بخجل واحمرار وجهها:
انا اسفه مكانش قصدي
أبتسم ادهم علي خجلها وقال:
مفيش أسف وانتي مراتي مفيهاش حاجه
عارف اني غلط معاكي كتير وجرحتك بكلامي
انا بقؤلك اسف...اسف علشان معاملتي ليكي من أول جوازنا
هنا تذكرت رسيل كل ما فعله بها وأرادت أن تسأله لما تلك المعامله وتشجعت وقالت:
هو انا ممكن اعرف ليه بتعاملني كدا مع انه مش ذنبي الي حصل؟
تعجب ادهم منها أهي تعرف لما يعاملها بتلك الطريقه،أتعلم بما فعلته به شبيهتها
ولكنه آفاق علي قولها:
مش زنبي ان بين عليتنا كان في تار وكان لازم ينتهي بالنسب
تار...أي تار؟لقد تناسي تماما ان زواجهم كان بسبب ذلك التار...
وقد قرر في تلك اللحظه ان يخبرها بكل شيء
ادهم بتنهيده:لا انا مش بعاملك كده علشان التار..انا بعاملك كده علشان انتي شبه نرمين
ظهر علي ملامحها الدهشه ولاحظ ذلك ادهم وقال:
هقؤلك مين نرمين...وقد حكي لها كل شيء عن تلك التي تزوج بها وقد خدعته.....
أما هي فكانت تستمع له بقلب حزين وعلمت سر تلك المعامله السيئه،وحزنت بعض الشيء لكونه حب اخري وتزوج بها...
لا تعلم ان تلك الفتاه التي رأها أول مره وأعجب بها كانت هي وتزوج بنرمين لاعتقاده أنها هي،
وادهم أيضا لا يعرف ذلك...
ادهم:دلوقتي انا قولتلك علي كل حاجه هتسامحيني
لم تتحدث رسيل وظن أنها لن تسامحه وانتابه بعض الحزن وهم بالنهوض ولكنه توقف عندما قالت:
مسمحاك علشان مش بإيدك،صعب علي اي حد انه يشوف قصاده الي اتسبب في جرح ليه..
وأنا قدرت دا...
وسمحتك علشان كمان لما اطلب من ربنا انو يسامحني علي حاجه عملتها مكونش واقفه بطلب منه السماح وانا مش قادره اسامح عبد من عباده
سعد ادهم لذلك وسع بالفخر لكونها زوجته وقال:
أوعدك اني مش هعاملك بالشكل دا تاني..بس يا ريت انتي كمان أول متعرفي اني موجود متخافيش مني وكمان الطرحه الي انتي لبساها علطول...اكيد مديقاكي متلبسهاش..وقال بمزاح:
دا أنا برضه زي جوزك
ابتسمت رسيل بخجل واتسعت عيناها بدهشه عندما وجدته اقترب منها وازال حجابها فأنسدل شعرها..
ادهم:كده احلي
♡♡♡♡
كانت مريم جالسه في غرفتها تفكر في شيء تفعله لترد لمالك ما فعله بها...
وبعدها قامت تتمشي في الغرفه ذهابا وايابا
حتي وجدت فكرتها..
أحضرت ما تنوي فعله به وكان عباره عن لون اسود ستقوم هي بوضعه علي وجه مالك وهو نائم،
خرجت من الغرفه واتجهت الي غرفه مالك فتحت الباب برفق وتسللت حتي وقفت امام مالك واخذت تتأمله في أول الامر وهو نائم وقررت أن تفعل ما ارادت...
اقتربت منه وفتحت ما بيدها واخذت تضع ذلك اللون علي وجه برفق،وقد تململ مالك عده مرات ولكنه لم يستيقظ فحمدت ربها وخرجت من الغرفه سريعا...
بعد قليل استيقظ مالك من نومه وذهب الي المرحاض ليغتسل..
وأثناء ذلك خرجت مريم ووضعت زيت أمام الحمام وبعدما انتهت وهمت بالانصراف سمعت مالك يقول بصوت عالي:
مرييييم
ففرت هاربه الي غرفتها
خرج مالك من المرحاض ولم ينتبه لذلك الزيت الملقي علي الارض فتزحلق ووقع وتوعد لها
مالك بصوت عالي:الحقيني يا مريم...بموت،اتعورت ودمي اتصفي تعالي شوفي..اه
سمعت مريم ذلك ودب الخوف في قلبها وخرجت من الغرفه التي سبق وان اغلقتها عليها واتجهت إليه بسرعه وخوف وقالت وهي تتفحصه..
مريم بفزع:فين..فين الدم؟!!
لكنها تفاجأت به يحيطها بيده ويقول:
بقي انتي تعملي فيا كده
كانت مريم تحاول الإفلات منه ولكن هيهات فقد كان ممسكا بها بإحكام
مريم:سيبني يا مالك
مالك:أبدأ...لازم تتعاقبي
وأخذ يحدث نفسه ويقول:تعاقبها ازاي يا مالك
تعاقبها ازاي...اه..عرفت
وأخذ يقترب بوجه منها...وهي تشعر بالخجل منه واغمضت عيناها..
أما هو عندما اقترب منها مسح وجه في وجهها فأصبح ووجهها ملطخا بالسواد
فتحت عيناها عندما شعرت بابتعاده عنها فوجدته يضحك ويقول:
كده يا حبيبتي بقيتي شبه الاسطا حسونه،هههه
تحسست وجهها بيدها ونظرت الي يداها فوجدت ذلك اللون الاسود فأشتعلت غيظا منه واخذت يده وقامت بعضها وفرت هاربه الي الغرفه
أما مالك فقال:يا عضاضه...طيب لما تطلعي
وحاول النهوض من مكانه وقام وهو يسند بيده علي ظهره ويقول:
اه ياني يا ظهري الي باظ...يا عيني عليك يا مالك في حظك وبختك متجوز طفله
أما هي فعندما سمعت ذلك خرجت وقالت بعصبيه:
انا مش طفله
عندما وجدته يقترب دخلت واغلقت الباب في وجهه بسرعه
مالك بضحك:جبانه
♡♡♡♡
بعدما ذهبت ريتال مع رامي صعد عمر غاضبا الي بيته وعندما دخل لم يجد سالي فاتجه الي الشرفه ولكنه سمع ما صدمه...
سالي:أيوه يا حبيبي...كلها ايام واتجوز عمر وفلوسه كلها تبقي ملكنا
المتصل:....
سالي:أحب مين...انا عايزه اتجوزه علشان فلوسه وتبقي لينا بعدين،انا بحبك انت يا بيبي
هنا دخل عليها عمر وامسكها من شعرها
أما هي فانتفضت ودب الرعب في قلبها
وقال بغضب:
بقي انا تستغفليني وتضحكي عليا وتمثلي أنك بتحبيني
الخطوبه الي حصلت ما بينا انا نهيتها،
ثم اضاف بصوت عالي:أمشي اطلعي بره مش عايز اشوفك...بررره
فرت هاربه وهي خائفه،بينما اقتربت منه والدته وربطت علي كتفه وقالت:
اهدي يا حبيبي هيا متستهلش غضبك دا كله،واحمد ربنا كويس أنك عرفت قبل متتجوزها
بينما هو كان غضبه ليس من تلك الخرقاء فهو اكتشف انه لا يحبها بل كان مجرد إعجاب بالمظهر ليس اكثر،
بل كان غضبه من ريتال فهو اكتشف الآن أنه يحبها ويغار عليها من ابن عمها
ويغلي الدم في عروقه عندما يأتي في خاطره أنها تحب ابن عمها او أنها ستتزوجه يوما ما...
فأخرج هاتفه واتصل علي ادهم لأنه يحتاج إليه فهو أعز اصدقاءه،واتفقا علي ان يتقابلوا في الكافيه
دخل عمر إلي الكافيه وتوجه الي ادهم الذي ينتظره،وجلس وعلي وجه علامات الغضب
ادهم:مالك...ايه الي حصل مخليك بالشكل دا؟!!
عمر:مش قادر يا ادهم...مش قادر اشوفها مع حد تاني
ادهم بأستغراب:هي مين؟..قصدك سالي
عمر:لا سالي اصلا انا فسخت خطوبتي منها
ادهم:ليه؟!
عمر:وقد حكي له ما حدث....
ادهم:يعني انت كده زعلان ومدايق علشان هي عملت كده
عمر:لا...انا اكتشفت أنها ولا تهمني،لكن الي تهمني ريتال انا بحبها
ادهم:ريتال مين؟!
عمر وكاد يتحدث إلا انه لاحظ ريتال جالسه مع رامي وهو يربط علي يدها فأستشاط غضبا وقام وترك ادهم وتوجه اليهم...
عمر:ممكن افهم ايه الي بيحصل هنا
انتفضت ريتال بينما اجاب رامي:ايه يعني الي بيحصل واحد وواحده قاعدين مع بعض فيها ايه؟!
عمر بحده:فيها ايه...فيها أنها بنت خالتي وبخاف عليها وهي مينفعش تقعد معاك..وشكلك اصلا بتضحك عليها ومفهمها أنك بتحبها
رامي:والله دي حاجه تخصنا خليك انت مع خطيبتك
عمر وقد نظر لريتال المندهشة من تصرفه:
انا وسالي سيبنا بعض
ظهر علي وجهها السعاده ولكن سرعان ما تبدلت بغضب عندما وجدته يقترب منها ويمسك بيدها ويأخذها ويخرج بها خارج الكافيه
ريتال بعدما أبعدت يديها بغضب:
أنت ازاي تمسك أيدي كده... حرام وعيب الي انت عملته
عمر:يعني مش حرام رامي وهو ماسك اديكي وكمان بيحضنك
ريتال:لا مش حرام وسيبني في حالي لو سمحت،وخليك مع خطيبتك
واتجهت الي رامي واخبرته أنها تريد الذهاب وخرجوا من الكافيه
أما هو فكان واقفا مصدوما هي لا تحبه وتحب ابن عمها...نعم هو من تركها تذهب من يده
ثم اتجه حيث يجلس ادهم وعلي وجه علامات الحزن
الفصل 17
استقل كلا من محمود وجني سياره أجره وأثناء سيرها بهم تذكرت جني حين تقدم لها محمود...
فلاش باك
بعدما أخبر محمود رسيل بأنه سيتقدم للزواج بأحدهم...سعدت كثيرا وبعدها تحدث مع مالك الذي فرح لاخيه وذهب معه لكي يتقدم لها..
بعدما جلسوا يتناقشون في بعض الامور والتعارف علي بعضهم...
محمود:أنا جاي انهارضه علشان اطلب ايد الانسه جني
احمد:طيب ممكن تدينا فرصه نفكر وبعد كده نبلغك بالرد
محمود:وهو كذلك بس أنا طالب انه يبقي كتب الكتاب مع الخطوبه
واستأذنوا وخرجوا بينما دخل احمد علي جني وأخبرها بأن دكتورها في الجامعه تقدم لها
كانت في أول الأمر رافضه ولكن مع إسرار أخيها علي ذلك خوفا عليها ولشعوره بشيء غريب وافقت
اخبر احمد محمود بالموافقه وتم عقد القران بأسرع وقت في جو عائلي...
ولقد أخبرت جني محمود برغبتها بعدم التصريح بخطبتهم لأحد في الجامعه
فاقت علي توقف السياره ونزلت هي ومحمود متجهين الي شقتهم بعدما أبلغ محمود مالك ما حدث
وقد ترك مالك ومريم للبيت وذهبا لشقتهم المجاوره بعدما تم تجهيزها
دخلت جني وجلست علي اول مقعد وعلي وجهها علامات الحزن،وكان محمود ينظر لها بين الحين والاخر وطال الصمت بينهم الي ان وجدها تقول:
شكرا جدا يا دكتور علي أنك اضطريت تتجوزني علشان تحميني من ابن عمي،
ثم قامت ووقفت وقالت:
ممكن اعرف انا هنام فين؟
أراد محمود ان يعترف بحبه لها ولكن ليس الوقت المناسب...لذلك تركها علي اعتقادها
هو لا ينكر انه تزوجها بتلك السرعه ليحميها من عمها وابن عمها ولانه علم من احمد أنهم تم طردهم من بيتهم واستيلاء عمهم علي بيتهم وورثهم
بالاضافه الي أنهم يريدون تزويج جني من ابن عمها الطائش لضمان ورثهم وأخذ اموالهم
لكن في نهايه الأمر هو يحبها ويخاف عليها
آفاق بعد ذلك من دوامه تفكيره وارشدها الي الغرفه التي ستنام فيها
دخلت جني والقت بنفسها علي الفراش وتركت لدموعها العنان...
♡♡♡♡
قبل وصول محمود وجني قام كلا من مريم ومالك بتحضير اغراضهم وتوجهوا الي شقتهم
التي تم تجهيزها من قبل...
دخلت مريم ومالك الي الشقه وجلست علي أول مقعد وقالت:
جني صعبانه عليا قوي،ربنا معاها
اقترب منها مالك وجلس بجوارها وقال مدعيا الحزن:
يعني هيا صعبانه عليكي وانا ايه؟...مش صعبان عليكي انا كمان
مريم بأستغراب:وتصعب عليا ليه،أنت كويس مفيكش حاجه
أخذ مالك يقترب منها وهو يقول:يعني مش صعبان عليكي ضهري الي كان هيتكسر
مريم بهزار:لا...مش صعبان عليا
مالك متصنعا الحزن:شكرا ليكي انا عارف أنك مش بتحبيني
وهم بالذهاب إلا انه تفاجأ بها وهي تمسك بيده وتقول:
انا بهزر متزعلش مني،انا...انا بحبك يا مالك
هنا تهللت اساريره وقال:بجد بتحبيني يا مريم
اجابت بإماءه من رأسها،فقام مالك وحملها وأخذ يدور بها ويقول بصوت عالي:
بحببببك
مريم بسعاده وهي تتشبس به:خلاص يا مالك نزلني هقع
مالك:متخافيش طول ما انا معاكي مش هسيبك تقعي ابدا
واخذها وسار بها حتي وصل الي غرفه نومهم وانزلها واخبرها بأن تذهب لتتوضأ لكي يصلي بها،
وبالفعل ذهبت وتوضأت وارتدت اسدالها وصلي مالك بها وبعدها قرأ الدعاء وذهبوا لعالمهم الخاص......
♡♡♡♡
بعد مرور عده ايام
كان ادهم يعامل رسيل معامله جيده ولقد اعتادت رسيل علي تواجده بجانبها وأصبح لديها مشاعر تجاهه،وأصبحت تشعر بالامان معه..
كان ادهم ذاهب الي اسطبل الخيل فكان لديهم مجموعه من الخيل لأن ادهم يحب ركوبها ولكنه عندما وصل تفاجأ بوجود رسيل واقفه هناك
فأتجه اليها...
بينما هي واقفه تتذكر هذا المشهد....
كانت رسيل جالسه مع الدادا كوثر أمامها اسكتش رسم وفي يدها قلم ترسم به
كانت الدادا توصف لها شخص وهي بكل سعاده ترسمه وعندما انتهت قالت:
دادا ها ايه رأيك؟!شبه ادهم صح...
لم تتلقي أي رد...
رسيل:دادا انتي سيبتيني وروحتي فين؟!
ادهم:أنا الي قولتلها تروح،
وأخذ ينظر إلي الرسمه بإنبهار لقد رسمته فعلا أنها موهوبه بحق...
خجلت رسيل لأنها تعلم انه رأي رسمتها..
ادهم:حلوه اوي،هو انا بالجمال دا
رسيل بخجل:بجد عجبتك
ادهم:جدا...بس قوليلي انتي عندك موهبه الرسم
رسيل:بحب الرسم جدا،بحسه بيخرج كل إلي جوايا،كمان انا خريجه فنون جميله
ادهم:ما شاء الله
افاقت من تخيلاتها علي صوت ادهم...
ادهم:رسيل...بتعملي ايه هنا؟!
تفاجأت رسيل بصوت ادهم وابتسمت وقالت:
انا كنت بتمشي في الجنينه وسمعت صوت صهيل حصان فجيت هنا بس مش عارفه اعمل ايه ولا أرجع ازاي فوقفت استني حد ييجي يعرفني
حزن ادهم لها فهي لا تقدر علي الاعتماد الكامل علي نفسها فقرر أن يأخذها الي الطبيب لكي يعرف حالتها وهل هناك أمل برجوع نظرها إليها
ام لا؟
آفاق ادهم واقترب منها مبتسما وقال:
تعالي معايا أعرفك علي مهره
رسيل بأستغراب:مين مهره؟!
ادهم وقد امسك بيدها وقال:
تعالي معايا وانا هعرفك عليها
ساعدها علي الدخول وذهب أمام فرسه بيضاء جميله وأخذ يدها ووضعها علي الفرسه لكي تتحسسها...
ادهم:اقدملك مهره الفرسه بتاعتي
حينها ابتسمت رسيل بسعاده واخذت تتحسسها وقالت:الله...شكلها اكيد جميله
ادهم بدون وعي:مش أجمل منك
خجلت رسيل منه وتلون وجهها بالاحمرار،بينما انتبه ادهم لنفسه وقال:
احم...تحبي نخرج في أي مكان تحبيه
رسيل بسعاده:بجد هتخرجني!
ادهم:اكيد...قولي بس انتي نفسك تروحي فين
رسيل:نفسي أروح الدار الي كنت بروحه قبل الحادثه
ادهم وقد أراد أن يعرف ما سبب اصابتها بالعمي:
هو انا ممكن اعرف الحادثه دي حصلت ازاي
رسيل وقد بدي عليها الحزن:من اربع سنين كنت انا ومامه وبابا رايحين نشتري حاجات فرحي
وسبحان الله كنت مصره أنهم ييجوا معايا لكن يشاء القدر انهم يموتوا ويسبوني وانا اتعمي
كنا راكبين ساعتها عربيتنا وعملنا بيها حادثه..
قالت هذا وكانت عيناها تفيض بالدموع فأقترب منها ادهم وازال دموعها واخذها في احضانه
قائلا:
قل لن يصيبنا إلا ما كتب الله لنا
رسيل بعدما ابتعدت عنه:ونعم بالله
ادهم:هو انتي كنتي مخطوبه
رسيل:ايوه،وسيبنا بعض علشان الي حصلي
تضايق ادهم لما جاء في تفكيره بأنها كانت ستتزوج بأحد غيره
ثم أكملت رسيل:هو انت مش هتوديني الدار
ادهم:لا هنروح...
واخذها ادهم وذهبوا حيث ذلك الدار...
♡♡♡♡
أراد عمر ان يري ريتال فهو لم يرها منذ آخر مره رآها فيها تجلس مع رامي في الكافيه،
فقرر أن يذهب الي خالته بحجه انه يريد أن يراها لكي يري ريتال...
دق جرس الباب وفتحت والده ريتال وسلم عليها عمر ودعته ليدخل واستجاب ودخل وعيناه تبحث في كل مكان عنها...
أثناء ذهاب والده ريتال سمع عمر صوت ضحكات ريتال فقام من مكانه واتجه ناحيه الصوت
فوجدها وابن عمها يمازحان بعضهما فأستشاط غضبا وبدون سابق انزار توجه الي رامي وضربه بوكس في وجهه مما ادي الي حدوث نزيف
كل هذا في لحظه لم تستوعب ريتال ما حدث ولكنها توجهت سريعا الي رامي وقالت له:
رامي..أنت كويس
نظر عمر إليها والي لهفتها علي ابن عمها وحزن بشده لاعتقاده أنها لا تحبه وتحب ابن عمها
عمر:يااه للدرجه دي بتحبيه،ثم أضاف بنبره تحدي وهو ينظر إلي رامي:
اعملي حسابك اني هطلب اديكي وهتكوني ليا مش لحد تاني...انتي فاهمه،والمره الجايه الي هشوفك فيها مع البني آدم ده انا هيكون ليا تصرف تاني
وخرج من الغرفه يستشيط غضبا..
أما هي فلم تتحرك من مكانها وتبدوا علي ملامحها الصدمه...
ولكنها افاقت علي ضحكات رامي،فالتفتت اليه وقالت:
أنت بتضحك علي ايه؟!
رامي:أصل حبيبك وقع في المصيده،لا وكمان بيغير مني،هههه
ريتال بسعاده:بجد بيحبني،ولكن سرعات ما تبدلت ملامحها وقالت:
بس مش بالسهوله دي
رامي:ايوه دي ريري الي انا اعرفها
♡♡♡♡
في قصر حاتم نعمان
كان جالسا يفكر بعقل شيطاني الي ان نادي بصوت عالي:
نرمين
فجاءت اليه مسرعه وقالت:
نعم يا باشا
حاتم بنظره شيطانيه:حضري نفسك للي جاي علشان جات الفرصه علشان ادمر ولاد شريف وولاد عصام والي بخطتله جيه بفايده
ثم ضحك ضحته الشريره:
ههههههههه