رواية ترند باربي
الفصل الخامس 5
بقلم اميرة سليمان
كنت نحساب موت أول ما أوصلنا الصدمة
القيتها واقفه تبكي و حالتها حاله و اهلها يضربوا فيها وين هي تعيط تقول كنت في المستشفى مش أنزل العيل مانبيش نجيب ولد من واحد باعت صوري لي أصحابه
💔
قعدت شاده بطنها و تعيط و حالتها توجع القلب ما كنتش تعرف أنه ابعت صورها و كان قاصد من الاول
بوها ما باش ايخليها تخش الحوش من عملتها روحت اني و إياها لي حوشنا و قعدت راقده في الدار و مريضة 💔 و ترجع وضعها صحي تعبان
لي جاي هو بعد ما طلعوه من الحبس و يا حليلي اول ما افتح باب الحوش الكارثه 😧
________________________
____#الكاتبة_أميرة_سليمان__
خش طول يجري و يعيط يقولي وينها وينها لين جاي بيفتح عليها باب الدار ألقاه مصكر خبط الباب ب القوة لين جابه مكسر شدها من شعرها و اقعد يضرب فيها و يعيط كيف تمشي تنزل طفلك كيف ديري هكي كيف ديري شي حرام من قالك اني نبي هكي شدها من رقبتها و ابديه يخنق فيها و اني ندف فيه معاش قدرت و هي أبدت تكح و أبدت تزرق لين دفيته بكل جهدي من خوفي جاني إغماء و ابديت نبكي و نرعش لين قامني حطني في فراشي ابديه يبخ فيه ب الميه و يبكي و يشهق و يقولي ياريت بس قدرت نصونك مش عارف علاش درت هكي اني متلفته للجانب الأخرى و دمعتي تنزل بروحها ...
أبدت تمضي الايام و ابديه يعامل فيها كأنه مش موجودة امداير ليها تجاهل مش قادر يطلقها خايف من أهلها يهزب و يكشخ عليها و يجيب ليه في الهدايا و مش مخلي شي بس اني لي امدايرة تجاهل ليه 💔
و الكارثه😧💔 كلها أبدت منين
___________________________
____#الكاتبة_أميرة_سليمان_____
في يوم قال خلي نرفعك للبحر اصريت عليه يطلعها من الدار و يرفعها معانا لي اني بنت اصل و نحس 💔
رفعها بسيف هما زوز أبدوا يكرهوا بعض هلبا امشينا و قعمزنا قدامه و هي تبكي و دموعها على عيونها 💔 و اني نشبح ليها و هاذي نهاية اي وحده تأخد حاجة مش ليها و احنا مقعمزين جاب لينا بيتزا و قعمزت نأكل هي ماتبيش تمس شي لين جاي واحد ينادي في راجلي قالي هذا صاحبي بسرعة خليها تغطي وجهها
اني علاش تغطيه
اشبحلها و قال ليها حطي وشحك علي على وجهك هي ماتبيش تسمع الكلام و الصدمة 😧😰
اول ما اوقف الولد عليه قعد يشبح لينا و اقعد يشبح ليها هي هلبا لين قاليه مش هاذي نفسها زمان باعت لينا صورها لابسه زهري شن دير معاك أهنا راجلي اقعد يقوليه اسكت و برا هي بسرعة هاذي مرتي ياراجل و هي سمعت طول الكلام زي ما اني سمعته اول ما قعمز راجلي أبدت تسب فيه أخديه ايديه ضربها كف قاللها كان ما تصكريش فمك توا قدام الناس تشبحي شن ندير فيك يا مهبوله
و امشي يدخن بعيد علينا
أبدت تشد على ايديها و حابسه أنفاسها و دموعها لين قاتلي اني بنمشي على صخره
شويه نتمشي أمشت و اني قعمزت نشرب في ميه و هو يدخن و فجأة 😰😧 الصدمة كان .....