مليكة
بعد ايام من الهدؤء اللي بيسود بيتنا في وقت كنت فيه في قمة حزني لسبب انا مش عارفاه اتفتح الباب ودخلت ايسل وقالت
_ مليييييكة I'm baaaaaack
قولت بزهق
_ لية.. لية رجعتي هي كانت نقصاكي
_ ايه المقابلة النص كم دي ده بدل ما تقومي تفرشي الارض رملة بتقولي لية رجعتي
_ استغفر الله العظيم.. تعالي يا ايسل.. تعالي احببتي والله لانتي جاية
_ مش جايه رايحة لخالته احسن منك
قالت كده وخرجت من الاوضه ف نفخت بزهق وقومت روحت عندهم لقيت انكل احمد هناك سلمت عليه وانا راسمة ابتسامة زائفة علي وشي وبدات ارحب بيه واقول اتفضل وحمدت ربنا انه قال هيمشي وهرجع تاني علشان اقدر ارجع اقعد في اوضتي ولكن سايب ايسل اللي انا مسكت نفسي باعجوبة علشان مطردهاش وخاصة لما استلموني هي وماما علشان يعرفوا مالي
#بجاد
بعد ما فاطمة هديت شوية خدتها ودخلنا غرفة خالي وهناك لقينا ماما ودكتور تاني بيتكلموا عن حالته ويشرحلها وضعه ولما ماما شافتنا جت عندنا وقالت
_ اطلعوا بره دلوقتي
قالت فاطمة
_ اطمن عليه
_ مش وقته يا فاطمة بجاد خدها دلوقتي .. يلا قوام
قالت ببكاء
_ خليني اطمن عليه وهمشي
_ حبيبتي مش وقته دلوقتي... يلا يابجاد خدها وامشي احنا في عرض ثانية واحدة
_ حاضر حاضر.. تعالي هنستنا بره
خدتها وقعدنا في الاستراحة وبعد وقت وانا بحاول اهديها شوفنا الممرضات بيدخلوا عنده بسرير متحرك وبيخرجوا تاني وهما شايلينه عليه ف قالت فاطمة وهي بتمسك في السرير
_ اية دة ماله ، مودينه فين!!
قالت ماما
_ هنعمله العملية.. ابعدي دلوقتي يا فاطمة
قالت ببكاء
_ ادخل معاه
_ يييية... يابني ابعدها دلوقتي
قولت وانا بوقفها
_ سيبيهم كدة خطر عليه... تعالي
قالت ببكاء وهي بتمد ايدها ناحيته أثناء ابتعادهم بيه
_ استنوا ، خلوني اشوفه دقيقة واحدة طيب
_ بعدين هنشوفه ، ادعيله دلوقتي
_ يارب يارب
_ يارب.. تعالي وارجوكي اهدي شويه.. يلا هنقعد
خدتها ورجعنا الاستراحة وهناك استمرت دموعها في السيل وموقفتش دقيقة وبعد وقت بابا جه ومعاه عمي عبيدة وعمي شبل و وقف جنبها وقال
_ ما تستهدي بالله يابتي في ايه نقابك اتبل من كتر البكاء
وطت رأسها وبكت ف قال
_ انتي زعلانه ليه ابوكي شديد مش تعب زي ده هيموته بطلي بكا وامسكي اي مصحف اقري شويه قرآن وادعيله
_ حاضر
بعد دقايق انضمت لينا ماما وعدت ساعه واتنين وتلاته ولسه مفيش جديد ، محدش خرج يعرفنا عملوا اية ف قالت ماما محاولة طمئنت فاطمة
_ هي كده العمليات الدقيق يا فاطمة متقلقيش ، ادعوله بس..
كملت بصوت متحشرج
_ ادعولوا كتير
قال عمي عبيدة
_ ادينا بندعي ، بس انتي لية قلقانه قوي كدة.. خلي املك بربنا كبيرة
بعد توتر من الكل استاذنت منهم وخدت فاطمه وطلعنا نتمشي يمكن تهدي شوية يكون خلصوا وبعد ما طلعنا قولت
_ مش كده يا فاطمة اهدي شويه
_ اهدا ازاي وبابا بيموت.. ده انا حاسة ان انا اللي بموت دلوقتي.. ولو حصله حاجة مش هقدر اعيش والله بجاد
_ متقوليش كده.. واهدي علشان خاطري.. اللي بتعمليه ده مش هيفيده بحاجة ، تعالي هنمشي شويه يكون خلصوا وكلمونا
مشينا واول ما طلعنا من المستشفي شوفنا الراجل اللي جاله في البيت قبل كدة كان داخل ف وقفنا قصاده وقولت
_ انت؟
_ايوه انا.. بجاد عامل اية
_ في العمليات
_ عمليات؟ هو تعبان قوي كده
_ ايوه للاسف
_ هو هيعمل عملية ايه
_ عملية في القلب
_ ياااالله القلب مره واحده
وجه عينه ناحية فاطمة وقال
_ ربنا يطمنك عليه
_ يارب
_ متخافيش ابوكي قوي وهيقوم منها
_ انت تعرفه من امتي
_ من زمان.. من قبل ما ياسافر يجي 26 او 27 سنة دلوقتي
قولت
_ اهلا وسهلا.. اتفضل بابا وعمامي جوه
_اه... اهلا وسهلا بيهم ماشي اتفضلوا انتوا وانا داخل
#بشر
كنت رايح جاي علي البلكونة براقب عربية عمي وعربية مراته لغيت ما في مره ملقتهمش ف طلعت من البلكونة بسرعة علشان اروح لهاجر وفي طريقي للباب وقفني زيد وقالي
_ براحه ها
_ براحه ايه
قال بخبث
_ امشي براحه لا توقع من علي السلم ولا حاجة
_ اهااا... خبث وكدة .. خليك في خيبتك يا زيد
قال بإبتسامة
_ طيب ما تاخدني معاك اتعلم.. اخوك الصغير مش فاهم حاجه
_ مش فاهم هههههههه، لا هو انت محتاج تفهم تاني بعد الدرس الخصوصي اللي ادتهولك الحالة .. اسكت انا لساني زفر
_ماشي عايرني براحتك بس بردو براحه صحتك
_ خلص يا بارد
قولت كده و روحت خبطت الباب ولما قالت مين مردتش ولما فتحت قالت
_ نعم
قولت بجديه مصطنعة علشان اتاكد انهم مش في البيت
_ عاوز عمي شبل هو فين
_ مش هنا
_ طيب اندهيلي مرات عمي عاوز اقولها حاجة
_ بردو مش مش هنا
دخلت وقفلت الباب وقربت منها ف قالت بخفوت
_ يانهار اسود بتعمل ايه خلود جوه
_ جوه جوه؟
_ ايوه جوه وانت مش عارف يعني
قولت وانا بمسك ايدها واشدها علي المطبخ
_ طيب تعالي المطبخ
_ بشر عيب كده
كملت طريقي لهناك وقولت وانا بحاصرها في زاوية في المطبخ
_ بتعمليلي بلوك
_ احييية احية ، بشر بطل قلت ادب ايه جرالك خلود جوه وماما مش هتتأخر
_ مش هاممني حد خلي اللي يجي يجي.. عملتي بلوك ليه
قولت وانا بزيد في قربي
_ انطقي احسنلك
_ ياعم احترم نفسك دي مش طريقة
قولت بخبث وانا بزيد في قربي
_ امال الطريقة تكون ازاي
_ يخربيت كدة ، انت عايز ايه دلوقتي
قولت وانا بتأمل وشها
_ عاوزك
قالت وهي بتزق وشي
_ عاوزني تعمل بيه ايه.. بشر والمصحف هصوت
_ صوتي مش سايبك غير لما تعتذري عن اللي عملتيه
قالت بتوتر
_ طيب انا اسفة
_ تؤ مش هو ده الاعتذار اللي انا عاوزه
_ امال انت عايز ايه
_ اتصرفي شوفي هترضيني ازاي
_ ماشي هجبلك هدية ، حلو كده
_ إيه هي الهدية دي
_ اللي انت عايزة
قولت وانا بزيد في قربي
_ اللي انا عايزة
قالت بتوهان وانفاس متسارعة
_ علي فكرة كده غلط يا بشر
_ عارف
_ طيب بتعمل كده ليه لما انت عارف
_ علشان بحبك
_...
_ وبعشقك.. ومعنديش صبر لاننا نكون سوا
_ طيب واية مانعك تكلم بابا ولا انت عاجبك دخلتك عليه كل شوية كده لحد ما هنتقفش
_ اعمل ايه كل ما نخلص من حاجة ندخل في حاجة تانية زي مانتي شايفة.. بس هتكلم
_ خلاص لما تتكلم ونتجوز ابقي تعالي.. و وسع عشان بجد اتخنقت
_ اتخنقتي مني
قالت بجديه وهي بتحاول تبعدني
_ اه اتخنقت منك ومن طريقتك وهتقفلني منك والله.. من فضلك كفاية كدة هفهمك غلط
قولت بإبتسامة وانا ببعد عنها
_ لا وعلي إيه.. بس شيلي البلوك ولو عملتيه تاني يا هاجر والله ما تعرفي هعمل فيكي ايه
_ هتعمل فيه ايه
_ لما نتجوز هقولك
#خلود
كنت سامعة صوت بشر وبعدين صوت الاتنين اختفي وكنت حاسه ان في حاجه غلط بتحصل في البيت ف خرجت من غير ما أعمل صوت وصلت المطبخ ف لقيتهم في وضع مش تمام ف رجعت من غير ما يحسوا وكنت متضايقة من هاجر ومستنيه تيجي علشان اعاتبها علي اللي حصل وبعد ما جت وهي مبتسمه وهيمانة قولت
_ شكلك مبسوطه
قالت بإبتسامة
_ عادي
_ عادي.. طيب
_ ايه ده مالك
_ مالي؟
_ زي مايكون زعلان.. هو انتي شوفتي حاجه
_ حاجة إيه
_ بشر
_ اه شوفت والمنظر معجبنيش
ازدردت لعابها وقالت
_ اه بس محصلش حاجه علي فكره
_ لا ياشيخة طيب وزنقته ليكي في المطبخ
_ انا بعدته
_ اه ما انا شوفت بنفسي بعدتية قوي... يجي خمسة سته سنتي كدة
_ اية الطريقة دي.. مالك في ايه يا خلود
هتفهت بنرفزة
_ يعني ايه مالي.. ازاي تسمحيله يقربلك كدة
_ انتي بتزعقيلي ليه ... انا مسمحتلهوش.. وهو قرب عشان بيحبني
_ إيه الهطل ده.. خلاص يعني الحب بقا رخصة للي عاوز يقرب
_...
_ دي قلت ادب ولو ابوكي وامك شافوكي كانت بقت مصيبة
_انا قليلة الادب يا خلود
_...
_ شكرا.. بس انا مش فهماكي... ما ده تقريبا اللي حصل بينك وبين زيد ويمكن حصل اكتر من كدة كمان
نزلت دموعي وانا بقول
_ ما ده اللي مزعلني ان دي طبيعة الرجاله هي الرغبة وبس حتي لو مع واحده بيكرهوها او واحده ميعرفوهاش.. والرغبة دي بتنتهي لما يوصلوا للي عاوزينه وبشر كده لو طال منك اللي عاوزه مش هيتجوزك.. هيتجوزك ليه مبقاش في جديد ياخده
_ كمان... لاااا ده انتي هبت منك خالص.. انا مش هرد عليكي ، باين انك تعبانه ومحتاجة تهدي علشان تعرفي بتقولي ايه
قولت بدموع
_ انتي حرة انا بنبهك ومليش دعوه بيكي تاني.. طالعه لتيته
قولت كده وطلعت فوق رنيت الجرس وانا بمسح دموعي وبعد ثواني بشر فتحلي ولما شافني وجه عينه ناحية الصالون وقال بصوت عالي
_ اهلااا خلود عندنا تعالي
قولت وانا بدخل
_ متشكرة.. فين تيتة
_ في المطبخ .. ادخليلها
دخلت علي طول من غير ما ابص حولية لقيتها بتبطخ ف قولت
_ تيتة
قالت من غير ما ابصلي
_ انتي جيتي
_ ايوة... عاوزة نروح نبات في البيت الليلة دي
_ ليه
_ كدة
_ النهاردة مش هقدر يدوب هخلص شغل وههلك ، نبات هنا النهاردة وبكرة نروح
_ لا لو مش هتيجي انا هروح ابات هناك لوحدي
سابت اللي في ايديها وقالت
_ تباتي هناك فين
_ في البيت
_ لوحدك
_ اه مش هيحصلي حاجة
_ تاني
_ مش هيحصلي حاجة يا تيتة
_ لا مش هتقعدي هناك لوحدك لا نهار ولا ليل
قولت بصوت متحشرج بعد ما نزلت دموعي
_ انا مش عاوزه اقعد هنا
_ ليه يابنتي
_ كدة!! هترجعي معايا ولا لا
_ طيب فهميني في ايه
_ في اللي فيه هترجعي معايا ولا لا
_ طيب طيب بس اخلص شغل البيت
_ طيب هرجعلك تاني بالليل
قولت كده ومشيت علي طول واتجهت في طريقي للبحر ودورت علي اكتر مكان فاضي بعيد عن الناس وقعدت فيه كان وقت عصاري والجو حلو وبعد وقت وانا قاعدة براقب لمعة الشمس علي المية لقيت حد بيقعد جنبي ولما بصيت لقيته زيد قلبي انتفض وكنت هقوم ف قالي وهو بيمسك ايدي ويرجعني
_ اقعدي
رجعت قعدت ف قال بتنهيدة
_ شويه وهمشي
_...
_ إيه الحكاية زعقتي مع جدتك وعاوزة ترجعي البيت ليه
_ انا حره اعمل اللي انا عاوزاه
_ محدش يقدر يقول غير كده بس افتكر ان انا ليه علاقة برغبتك دي
_ لا خالص ملكش علاقة بأي حاجه.. انا عاوزه امشي علشان كبرت وعيب اقعد عند ناس معرفهمش.. لا بس تصدق ليك علاقة صح
كملت بسخرية
_ انااا مقدرشي اقعد في بيت فيه واحد بيعتدي علي البنات .. سمعتي تتبهدل
ابتسم ابتسامة خفيفه وقال
_ دي الدنيا دارت بسرعه اهو.. اللي قولته اتردلي
بهتت ابتسامته وقال
_ بس انا كنت عارف ان انتي الوحيدة اللي هتصدقي اللي اتقال
_ علشان انا الوحيدة اللي عرفاك.. انا الوحيدة اللي قولتلي حقيقتك من غير ما تتجمل
_ وانتي بتصدقيني يعني
_ اه علشان مبتكدبش وصريح قوي لدرجة ان مش بيهمك اللي قدامك هيحس ب أيه
_ يعني لو قولتلك حاجة دلوقتي هتصدقيني بردو ولا هتقولي بكدب المرة دي
_ حاجة ايه تاني.. لو بتفكر تقولي حاجه تضايقني بلاش احسن
_ لا.. مش هتضايق
_ امال ايه
فرك في ايدية وقال بتردد وهو بيتهرب من نظراتي وكأنه حاسس بتقل اللي هيقوله
_ اللي اتقال عليه كدب.. وانا عمري ما تجاوزت حدي مع واحدة...
_...
_ مع واحدة غيرك
_ يعني ايه
_ يعني اللي اتقال عليه كدب
_ بتكدب.. وانا المرة دي مش مصدقاك.. وميهمنيش انا مليش حق اتدخل
_ مش بكدب
_ ميهمنيش
قال وهو بيفتح تليفونه
_ بس انا يهمني.. ها
قالها وهو بيديني التليفون ف قولت
_ ايه ده
_ اللي حصل واللي اتهموني فيه بالكدب.. خدي ولا هتتكسفي
_ وانا مالي
_ شوفي بس
بعد تردد قدرت امسك التليفون واشوف البنت اياها بتقرب منه وبتحاول معاه وهو قاعد مكانه هادي وبقيت مستنية اشوف رد فعله علي اللي بتعمله لغيت ما صدمني لما صدها رغم اسلوبها اللي يجبر اي واحد يتجاوب معاها ويصدق ما يلاقيها ف قولت بدموع وصوت متحشرج
_ اكيد كان في حد بره علشان كده ضربتها..
خد مني التليفون وادهوني تاني ولما بصيت عليه لقيت فيديو من مكتب الاستقبال وهو بيخرجها بره العيادة ومكنش في حد خالص ف سيبت التليفون وبقيت اكتم صوت بكايا بأيدي ف قالي
_ مفيش داعي للبكا ولا الزعل حتي لو كان صح اللي اتقال ف دي حاجه متزعلكش انا بس محبتش تصدقي فيه حاجة انا معملتهاش.. واديكي شوفتي بنفسك
كمل وهو بيقوم
_ وانا كده مشواري انتها ولازم ارجع ورايا شغل
وقفت قصاده وقولت
_ استنا
#زيد
كان كل قلقي انها تفهم تصرفي ده علي انه حب او اهتمام لمشاعرها وحاولت كتير ابين إن اللي يهمني هي صورتي وبس ولكن شكلي مقدرتش ابين بشكل كافي ولما جيت امشي وقفت قصادي وقالت
_ دقيقة لو سمحت
_ نعم
_ ليه وضحتلي.. يعني لو فضلت فاهمه ان اللي اتقال عنك حقيقة ، كان ايه المشكلة
_ محبتش ان صورتي تتشوه في عين اي حد
_ طيب واشمعنا انا
_ اشمعنا انتي إيه
_ اشمعنا انا وضحتلي واشمعنا انا...
قولت بتوتر
_ فهمتك ، بس مش عارف يمكن لأن محصلش قرب زي ما حصل معاكي.. عادي غلطة وعدت ، وبطلي تفتحي سيرتها تاني لو سمحتي.. والتوضيح ف انا لسة هوضح للكل بس مستني التحقيقات تخلص
لاحت ابتسامة خفيفة علي وشها فهمت منها انها مصدقتنيش ف قولت محاولة مني لاخراج اي افكار في دماغها
_ وانا لما لقيتك زعلانة وعاوزة ترجعي تاني بيتكم قولت افهمك انتي الاول... قصدي يعني مترجعيش علشان بيتكم مبقاش امان مش علشان تفضلي عندنا ..ومهما كان اللي حصل في الفترة الاخيرة ف انتي في حكم اختنا و واحده مننا
قالت بإبتسامة
_ طيب
_ مالك
_ هههههه مفيش
_....
_ هههههههه ايه مالك.. خلاص مصدقة اللي قولته
_ انا مش فاهم قولت ايه يضحك
قالت بسعادة
_ بضحك لوحدي
_ ماشي دائما .. طيب انا همشي
_ استنا عاوزة اقول.... خلاص روح
_ قولي
_ مفيش حاجه
_ طيب ممكن بلاش رجوع البيت
لمعت عيونها وقالت
_ ليه
_ علشان اللي حصل معاكي وانتي لوحدك.. وعلشان انتي لسه تعبانه
قالت بإبتسامة
_ ماشي
_ خليكي مع هاجر
_ ماشي
تابعت بتردد
_ هو...
_ إيه
_ هو احنا ممكن ننسا اللي حصل و....
_ و ايه
_ ونكون صحاب
_...
_ خلاص بلاش
مديت ايدي وقولت بإبتسامة
_ بلاش ليه ، صحاب؟
علقت عينيها للحظات قبل ما تحط ايدها في ايدي وقالت
_ صحاب
حدت من نظرتها وقالت
_ بس تبطل تضايقني ومندخلش في تصرفات بعض.. هتقولي يام فيديوهات هقولك يابو قضية اداب ما احنا خلاص بقينا في الهوا سوا
_ ايه التحول ده...وبعدين انا راجل ميعبنيش حاجة
شدت ايدها مني وقالت
_ كدة مش هينفع.. خلاص مفيش صحبية
قولت ضاحكا
_ انتي مجنونه ، انتي اللي بدأتي.. بس اوكي مفيش معايرة لا تعايريني ولا اعايرك
_ ماشي.. اممم...و ، وسيب المناقرة دي لأسلام .. كفاية هو عليه مبيبطلش مناقرة وجر شكلي علشان اتنرفز
جدت ملامحي وانا بقول
_ إسلام
_ اه إسلام.. خطشيبي
قولت بقرف
_ خطشيبك
قالت بإبتسامة
_ خطشيبي
_...
_ ايه
_ ولا حاجه.. ماشي خطشيبك خطشيبك انتي حرة هو انا هتجوز ولا انتي
_ انا
_ ماشي وانا مالي
_ علي فكره إسلام طيب وانسان وبيحبني.. انا مش عارفه انت مش حابه ليه
_ وانا احبه ليه المهم انتي تحبيه
ركزت نظري لعينيها وقولت
_ بتحبيه يا خلود
_ اااه طبعاً بحبه.. قدر يحببني فيه غصب وبسرعة
_ بجد
_ بجد
_ وحبيتي في ايه بقا
_ جدعنته واهتمامه بيه وحبه اللي باين في عينيه
_ حبه باين في عينيه اه... الاحول ده.. انتي هتصيعي عليه.. حب إيه
قالت بإبتسامة
_ مش بشكل
_ لا بالشكل بلاش رمرمة.. استنضفي شوية
قالت بإبتسامة ولوع في عينيها
_ عممممري ما استنضفت اللي بحبهم.. دائما ذوقي وحش ومقرررف يا دكتور
ضيقت عينيه وقولت
_ اممم.. ماشي يا خلود.. انا اتأخرت ولازم امشي.. وانتي متتأخريش علي البيت
قولت كده ومشيت وانا جوايا احاسيس مختلطة بين الفرحة والخوف والغيرة وقاومت رغبتي لاخر لحظة اني ارجع ارد علي اخر جملة ليها.. قال وحش قال طيب ده انا مفيش اوسم مني في اسكندريه كلها
#خلود
لما كانت اي بنت تبعتلي مشكلتها وتحكيلي عن انها مش قادره تبعد عن الشخص اللي بتحبه رغم بعده هو عنها وبتكون طايرة من الفرحه ولاغيه عقلها تماماً لما يديها ريق حلو او كلمة حلوة افضل اخطب والقي محاضرات عن عزة النفس والكرامة وانها تنسي مشاعرها دي وتحافظ علي كرامتها اللي اتبهدلت لغيت ما ابتليت بنفس تجربتهم.. بقا كلمة هاديه منه تنسيني كل اللي عمله.. بسمة صغيرة تديني امل.. وكلمة قاسيه تهدني وتخليني متمنية الموت.. واخيرا رسم احلام وامال كبيرة لمجرد اني حسيت وصدقت النهاردة كلام هاجر عن انه بيحبني.. وطلبت منه نكون صحاب واستحمل لغيت ما حبه اللي انا مكنتش واثقة منه قوي انه يغلبه وينتصر علي الأفكار اللي في دماغه.. واتمني اني مرجعش موجوعة للمرة اللي مش عارفه عددها كام
_ موجوع قلبي والتعب بيه
دي كانت رنة التليفون بتعلن عن وصول اتصال من إسلام ف قفلت ودخلت الاعدادات غيرت النغمة وبعد ثواني سمعت
_ انت تغنيلي عليها عيون وانا اغنيلك اشهد يا ليل
ودي كانت الرنة الجديدة بتعلن عن وصول اتصال تاني من إسلام قبل ما ارجع اقفل عليه واطلع اجري علي شط البحر زي المجنونة من السعادة
#إسلام
كل اللي عملته راح علي مفيش وزيد طلع من السجن وكمان باين عليهم هو وخلود بقوا زي السمن علي العسل بعد ما راح وراها عند البحر وسبل لها بعنيه لا وكمان شكلها هتنهي الحوار اللي بينا عشانه وبعد ما قفلت عليه مرتين مشيت وسيبتها تجري مكنتش عايز اقرب منها وهي في الحاله دي علشان كانت هتقولي ببساطة ابعد وقولت استنا شوية يكون راحت سعادتها شويه
#فاطمة
كنت ماشيه انا وبجاد قلقانة وخايفة ومستنيه حد يتصل من المستشفي يقولنا العملية نجحت وفي نفس الوقت كنت مرعوبة انهم يقولو العكس وبابا يموت ومشفهوش تاني.. كان الخوف بياكل في جسمي وروحي وبعد ما طال سكوتي وقفني وقال
_ بتفكري في ايه
اومات بنفي ف قال
_ خايفة
_ مرعوبة
_ فاهمك ومقدر احساسك.. بس ايا ان كان اللي هيحصل ف ربنا هو اللي كاتبه احنا مش بأدينا حاجة غير اننا ندعيله
_ مبطلتش دعاء.. بس لو حصله حاجه مش هستحمل والله انا مليش حد في الدنيا غيره
_ هيعيش خلي املك في ربنا كبير ده...
قاطع كلامه رنة تليفونه وقتها وقفت بصاله بترقب وانا حاسه نفسي هقع من شدة التوتر ف مسك ايدي وقال
_ دي ماما
قال بعد ما رد عليه
_ ايوه يا ماما
وسعت عينيه وابتهج وشه وهو بيقول
_ بجد
نزلت دموعي اكتر من الاول وانا بقول
_ في ايه يا بجاد.. نجحت
قال بسعادة
_ ايوة ... يلا هنرجع
قولت وانا بصرخ بسعادة
_ بالله عليك نجحت
_ ايوة ماما قالتلي
كتمت شهقتي بايدة ورجعت ابكي ف قال
_ بطلي عياط نشفتي دمي من وقت ما تعب .. يلا هنرجع
رجعنا علي هناك وكنت هدخل ف وقفتني عمتي وقالت وهي بتحضني
_ لا مش هينفع دلوقتي ممنوعه عنه الزيارة..
قولت ببكاء وانا بحضنها
_ نجحت بجد ولا بتكدبوا عليه
_ بجد يا حبيبتي بجد... الحمدلله يارب.. ادعي بس الفترة دي تعدي علي خير لانها فترة صعبة جدا
_ يارب يارب
تحررت من حضنها في استقبال عمي بدر وهو بيقولي
_ حمدالله علي سلامته.. اهي عدت انتي اللي كنتي خايفة علي الفاضي
_ الله يسلمك ياعمي متشكرة قوي
قال عمي شبل
_ حمدالله علي سلامته يا فاطمة
_ الله يسلمك
كان الكل مبسوط وفي نفس الوقت كان في خوف عليه علشان العملية مش سهلة و وقت التعافي منها كمان خطر بس علي الاقل المرض راح ومسألة تعافية من العمليه مسألة وقت وبس
وبعد وقت مر في تمني الكل شفائه جه بجاد عندي وقال
_ بقولك ايه.. انا شايف انك ترجعي البيت تخدي دش وترتاحي شويه
_ مش هرتاح غير لما اطمن علي بابا.. بس انا فعلاً عاوزه اغير
_ اسمعي الكلام هتروحي البيت تغيري وتيجي البيت عندنا ترتاحي ونيجي الصبح.. ومتخافيش انا مش هبات في البيت علشان تاخدي راحتك
_ لا مش كدة ، بس انا مش هرتاح غير لما اطمن علي بابا.. انا هروح اغير وارجع تاني
_ يابنتي انتي تعبانه
_ مش تعبانه.. بليز
_ ماشي.. يلا اوصلك
خدني وروحنا علي البيت وقالي اطلعي وانا هتمشي شوية ولما تخلصي رنيلي
ف طلعت دخلت البيت استحميت وغيرت هدومي ومنستش البس السلسلة بتاعت بجاد وبعدين فردت المصلية وصليت وبعدها لمدة ربع ساعة تقريباً وانا بدعي وبحمد ربنا وبعد ما خلصت اتصلت ب بجاد وانا حاسه انه وحشني قوي ف قالي شوية وجاي بقيت مستنياه بلهفة لغيت ما جه ف فتحتله وقولت
_ تعالي
قال بإبتسامة
_ لا يلا نمشي
_ ادخل دقيقة وهنمشي
_ ما بلاااش
_ ادخل لو سمحت
_ في حاجه
_ عاوزاك دقيقة
_ اوكي
دخل وقف قصادي وقال
_ في ايه يا فاطمة
قولت وانا مش قادره اشيل عيني عن عينيه
_كنت عايزة اشكرك ، متشكرة قوي لوجودك في حياتي.. انا مش عارفه لو مكنتش معايا الفترة دي كنت هقدر استحمل ازاي.. انا صليت ودعيت لبابا وشكرت ربنا انك موجود
قال ببسمة خفيفة ونظرات بتفيض بالحب
_ انا اللي مفروض اشكر واحمد ربنا علي وجودك في حياتي .. واااالله بحبك فاطمة
قولت ودموعي معلقة في طرف عيني
_ وانا كمان بحبك، بحبك قوي قوي
قولتها واترميت في حضنه زي الغريق .. لدقايق عدت وانا دافنه نفسي بين ايديه واتمنيت مبعدش عنه ولكن مش عارفه ايه اللي حصل خلا قلبي يتقبض فجأه ومن غير سبب وده بان علي رجفت جسمي ف قال وهو لسة قافل عليه درعاته
_ مالك
زيدت في ضمه ومردتش وتجاهلت احساسي ده وبعد دقايق واحنا علي نفس الحاله بعدت عنه وقولت
_ كنت محتاجة قوي الحضن ده
قال بمكر
_ وانا مش هقولك محتاج ايه.. امشي قدامي علشان ماسك نفسي بالعافية
_ ههههههه يلا
#مليكة
بعد ساعات رجع عمي أحمد وجهزنا العشا وبدانا ناكل مع بعض ف بص ل ايسل وقال
_ هترجعي معايا
_ لا خليني كام يوم انا لسة مقعدتش معاهم
_ طيب ومحضراتك.. انتي لحقتي تزهقي من الكلية وتزوغي
_ ما انا قولتلك هنقلهم من زميلتي يا بابا انت بتتلكك علشان ترجعني معاك
_ ماشي خليكي بس هجيلك بعد يومين
_ ه يومين ايه النهارده الخميس وبكرة الجمعة .. محاضرات ايه اللي هحتاج انقلهم بقا خليني اسبوع
_ كتير اسبوع
_ يا بابا ما انا متضايقة لوحدي انتوا مش مخليني اروح اي مكان هو بيت خالتي وعمتي بس
_ خلاص خلاص خليكي شهر لو عايزة بس ارحمني من الموشح ده
قالت ماما
_ كان يجرا ايه لو قدمتلها هنا وكانت راحت مع مليكة
_ يعني هتقعد في محافظة واحنا في محافظة يا مها
_ طيب ما كنت جبت مريم وقعدتوا هنا واهي شقتك موجودة
_ شغلي كله في القاهرة مانتي عارفه
_ عارفه ربنا معاك
_ يارب
بصلي وقال بعد ما لاحظ سكوتي
_ مالك ساكته ليه من الصبح
_مفيش حاجه سلامتك
_ مزعلاها ولا ايه يا مها
_ دي هي اللي مزعلاني
_ ليه بس يا ماما وانا اتكلمت دلوقتي
قال
_ في ايه مالكم
_ علي صحبتها يا سيدي.. بس انا مش عارفه مالك مش انا قولتلك روحي ايه مزعلك تاني
_ يا ماما مش زعلانه انا بس مدوشة من المذاكره
قال
_ مين صحبتها دي ومالها
_ البنت اللي قولتلك عليها.. بنت الناس الصعايدة
_ مالها
_ انا مش عاوزاها تكلمها ولا تروح عندهم ف زعلت وقفلت علي نفسها بس بعدين قولتلها روحي ومش عارفه ايه مزعلها تاني
_ يا ماما مش زعلانه انتي هتزعليني غصب
قال
_ ماما خايفه عليكي يا مليكة الناس دي اطباعهم وحشة قوي والبعد عنهم غنيمة
_ هو انت تعرفهم
_ لا معرفهمش
_ غريبه
_ غريبه ازاي
_ اصل خال البنت يعرفك واديك بتقول عنهم وحشين ف متعرفهمش ازاي
_ مش عارف مين خال البنت ده ، يمكن اتعاملت معاه في قضية زمان بس مليش معرفة شخصية بيه .. والناس دي انا اسمع عنهم كتير..اطباعهم صعبة ومش بيتعاملوا غير بالدم ، اكيد سمعتي مسلسل عنهم وعرفتي بيفكروا ازاي
_ معقول حكمت انهم وحشين عشان مسلسل.. انا اتعاملت معاهم شخصيا ناس قمة في الاحترام وخاصة امها وابوها انتوا لو اتعرفتوا عليهم هتعرفوا انهم احسن من ناس كتير هنا
_ ولا نتعرف ولا منتعرفش.. كل واحد وحياته.. انا شبعت هقوم اغسل ايدي وامشي
قال كده وقام وبعد ما مشي دخلت الأوضة وايسل معايا عشان ننام ولما مسكت التليفون لقيت اكتر من اتصال من جويرية ولما فتحت النت لقيت رسايل من صحابي ورسايل منها هي بدر ف فتحت رسالة بدر لقيته بيقولي
_ طيب احلف بالله انك زعلانة .. يابنتي انا كنت متعصب شويه ، انا عارف انك زعلان بس انا مكنش قصدي ارد عليكي كده
تجاهلت رسالته ورجعت افتح رسالة جويرية لقيتها بتقولي فيها
_ مالك يا مليكة انتي زعلانة مني
_ لا حبيبتي مش زعلانه منك ولا حاجة.. انا بس مشغوله شوية في المذاكرة
_ بس انا حاسه انك زعلانه.. يمكن زعلتك في حاجة ومخدتش بالي
_ لا والله حبيبتي مزعلتنيش.. معلش انا بس محتاجة شوية افصل وارجع اكلمك
_ طيب ابقي كلميني لما تهدي
_ حاضر .. تصبحي علي خير
قفلت معاها وبقيت اقلب في التليفون وانا حاسه بحزن مش عارفه إيه سببه ف قالت ايسل
_ مالك يا مليكه
هزيت دماغي بنفي وسيبت التليفون ونمت مديالها ضهري عشان متشوفش دموعي اللي نزلت
#بدر
مكنتش اعرف انها ممكن تزعل قوي كدة من عصبيتي عليها دي عدت كلامي عن اهلها والمقلب اللي نشف دمها وغيره وغيره إيه اللي حصل خلاها متعديش دي مع اني اعتذرتلها ، كنت حاسس ان في حاجة مش قادر افهمها حاجة اكبر من استيعابي ف دخلت عند دكتورنا النفسي وحكيتله اللي حصل بصلي شوية من غير كلام ف قولت
_ مفيش اي حاجة من اللي في دماغك لا حب ولا بطيخ
_ انا علي لسانك اللي عاوز قصه.. ازاي يعني بعد ما تقولك ابوها ميت وملهاش اخوات تقولها ملكيش حد يقول رايحة فين وجاية منين انت عبيط ولا شكلك كدة
_ انا كنت بهزر.. وهي مزعلتش
_ انت قولت زعلت بس حاولت متبينش
_ ايوه صح بس عدتها وعدت المقلب اللي عملته فيها.. ايه الاصعب عصبيتي ولا اللي عدتهم دول قولي علشان البنات دول ملهمش كتلوج ومش مفهومين
_ تسمع عن حاجه اسمها تركمات
_ ايوة.. مالها
_ اهي هي دي.. باين قوي يا فهيم ان البنت متضايقة من حياتها وبخروجها الكتير وحتي باتصلاها بيك عشان توضحلك حاجه تافهه انت ملكش دخل بيها اصلا انها بتحاول تتواصل مع الناس وتعوض فقدناها للمة في بيتهم وعشان ده يحصل ف هي اكيد عدت مواقف كتير بايخة زي مقلبك التافه وكلامك الغبي عن اهلها.. بس عصبيتك عليها بعد اهتمامها انها توضحلك حاجة متخصكش علشان متفهمهاش غلط وتزعل طبيعي هتكسر قلبها
_ اعمل ايه يعني يا زيد ، ما انا كنت واقف مع بابا وبشر وبنقاوح مع الظابط الزفت وعلي اخري مش حامل الهوا.. ف لقيتها تن تن تن وفي الاخر تقولي انا مكدبتش ومعرفش ايه ف اتعصبت شويه ، مكنش قصدي ازعلها
_ واهي زعلت
_ طيب اعمل اية
_ قدام حاجة من الاتنين لا تبعد عنها طالما غبي ومبتعرفش غير تجرحها بكلامك لاما تـ...
سكت فجأه وكأنه افتكر حاجه ف قولت
_ لاما ايه
ضحك وقال
_ولا حاجه... روح شوف هتتنيل تبعد عنها ولا تجيبلها هدية تصالحها
_ بتضحك ليه فهمني
_ مفيش حاجه يابني يلا ورايا شغل
#ريان
الحالة تحت الصفر علشان الجمعة والسبت اجازة ومحروم يومين من شوفت جويرية ومراسالتها وكأني متعود علي شوفتها ومراسالتها كل يوم ولكن شاء القدر أن اليومين دول ميعدوش وانا قاعد جنب البوابة وهقضيهم مع خديجة اللي ابوها طلب بنفسه اني اكون مرافق ليها ايام تعبها مش فاهم ليه واشمعنا انا بذات بس وافقت وكنت مبسوط اني هكون جنبها في الوقت ده واساعدها تخرج من الحالة اللي هي فيها وبالفعل روحت الصبح وفي طريقي دخلت علي محل ادوات تجميل جبت شوية حاجات وروحت علي هناك لقيت وشها ازرق وتعبان بشكل ملحوظ دخلت عندها حطيت الشنطة علي السرير وقولت
_ صباح الخير.. اية الوش ده مالك
ابتسمت بتعب وقالت
_ بالليل عملولي جلسة كيماويّ.. ياااالهوي علي العذاب يا ريان ربنا ما يكتبه علي حد
بهتت ملامحي وانا بقول باستياء
_ معلش فترة وتعدي يا خديجة ، وبالشفا ان شاءلله.. يلا اتعدلي وشوفي جايبلك ايه
مدتلي ايدها وقالت
_ شدني طيب مفيش احساس.. ارفع
قولت وانا برفعها
_ ههههه طيب يختي.. اديني رفعت
_ جايبلي ايه بقا
قولت وانا بطلع باروكه ومكياج
_ جيبلك دول
بهتت ملامحها بحزن وقال
_ ليه جايبهم
_ مش احنا اتفقنا انك هتلبسي بروكة
_...
_ فترة مؤقته لغيت ما تخفي وبعدين هنحرقها بجاز سريع الاشتعال
_ شكلي وحش قوي صح
_ يابنتي وربنا أبداً انا بس لقيت ان حلق شعرك مضايقك قولت اجيبها .. انتي جميله قوي بجد يا خديجة
_ طيب وريني كدة
_ اهو خدي
مسكتها مني وبدات تلبسها بشكل غير مرتب ف قعدت جنبها وقولت وانا بعدلهالها
_ استني مش عارفه تلبسيها...ايوة كدة تمام.. محدش يصدق انها مش حقيقية.. شوفي كده انا عملت حسابي وجبت مراية
قولتها وانا بمسك المراية وادهالها ف خدتها مني وبصت لنفسها وقالت
_ حلوة
_ ومالك بتقوليها من غير نفس كده.. يلا نكمل الطلة.. خدي حطي العك ده انا مش عارف بيحطوه ازاي
_ هههههههه ولا انا بس وريني هنحاول
_ خدي
خدتهم مني وبدات تعمل مكياج بطريقة غبيه وغلط ف قولت بقرف
_ إيه القرف دة.. بقيتي بلياتشو
_ علي قد ما عرفت ما انا مبحطش مكياج
_اه ما انا كنت واخد بالي ، استني دقيقة جايلك
روحت ندهت اول بنت لقيتها في وشي وقولت
_ انتي ممرضة
_ لا
_ مش مهم ممكن تيجي شوية معايا في الاوضه ، محتاجك
_ افندم
_محتاجك ، تعالي مش هخطفك تعالي
_ انت مجنون ولا ايه
_ ليه الغلط.. انا شايفك حاطة مكياج ف...
_ وعلشان حاطة مكياج تتصور اني هسمحلك تطلب مني اجي معاك
_تيجي معايا فين.. دي مستشفي.. اكيد مش هطلب طلب منحط كدة في مستشفي.. انا بس عاوزك تيجي تزيني واحده عندها السرطان و...
_ سرطان ايه.. اسمه كانسر.. بتقول كده في وشها
_ مبقولش حاجة هتيجي ولا لا
_ جايه اتفضل قدامي
_ شكرا تعالي
جت ورايا لغيت الأوضة ف قولت
_ اهي ممكن تزوقيها هي خايبة مبتعرفش تعمل حاجة في حياتها
قالت خديجة
_ انت بتعمل ايه
_ لقيتها حاطه مكياج ف جبتها
قالت باستنكار
_ افندم
_ اسف ممكن تحطيلها بس.. اصلها زي ما قولتلك مريضة وعاوزين نغير شكلها .. ياريت تخليها حلوة شوية.. وده مش شعرها حقيقي علشان تخلي بالك لربما يوقع ولا حاجه
قالت
_ انت تخرس خالص.. كلامك عك.. وريني يابنتي... وانت اطلع بره مشوفش وشك هنا لغيت ما اخرج
قالتها بنرفزة وقربت منها علشان تزينها وانا سيبتهم وطلعت وبعد وقت طلعت وقالتلي
_ بلاش الكلام ده قدامها هي محتاجة الدعم النفسي والمعنوي انت كدة هتكون سبب في موتها.. حرام عليك اتقي ربنا فيها لو مش عاوزها طلقها
_ اطلقها
_ اه طلقها مش بدل ما تحرق دمها عن اذنك
قالت كده ومشيت ف قولت
_ اطلقها ازاي.. اي الست المجنونة دي
قولتها ودخلت عند خديجة لقيتها متزينة وشكلها ست عادية ف قولت
_ اهو بقيتي ست
تلاشت ابتسامتها وقالت
_ نعم
_ هههههه بعك صح.. البنت طلعت متعصبة تقولي اتكلم معاكي كويس لاما اطلقك
_ تطلقني
_ اه هههههه شكلها مجنونه
_ اكيد مجنونه انااااا اتجوزك انت
_ انتي تطولي
قالت بإبتسامة
_ ومطولش ليه هو البعيد كام متر
_ خمسة يا خفيفة
قولت وانا بقعد جنبها
_ بس بجد شكلك بقي احلي
_ ريان انت بترمي دبش واقسم بالله.. يابني ارحمني
_ دبش ليه بقولك بقيتي حلوه
_ وانا كنت وحشه يعني
_ لا كنتي جميله بردو بس ولد جميل
_ ما كفايه بقا كفااااية ياخي ده بيقولك الدعم النفسي اهم من العلاج
_ ما انا دعمتك اهو وجبتلك مكياج وباروكة علشان تصلحي شكلك ونفسيتك تتظبط بدل ما كان شكلك مش عاجبك
_ هههههههه ابوس ايدك كفاية ... مش كده الدعم مش كده يا بابا
_ اعمل ايه متعاملتش مع حد عنده سر..... عنده كانسر قبل كده
_....
_ واضح اني لازم أفضل ساكت
_ لا اتكلم بس متحاولش تدعمني انا مدعومة كفاية لو كان كده الدعم
_ بهزر معاكي علي فكره.. اي كلام وفلسفة مكنوش هيخرجوكي من الحالة اللي انتي فيها هو الدبش بس اللي كان هيخرجك
قالت بإبتسامة
_ بس مش قوي كدة
عدا الوقت في الهزار والضحك والتريقة علي بعض لغيت ما جه عاصم وقال
_ انا فاتني كتير باين عليه
عاصم
دخلت عندهم لقيتهم بيهزروا ويضحكوا ف قعدت وشاركتهم وبعد شوية من الهزار والضحك ريان قام وقال
_ راجعلكم تاني
وبعد ما مشي عينيها تتبعته لغيت ما قفل وراه وبعدين شردت بإبتسامة وللحظات نسيت وجودي ف قولت
_ وصلتي لفين
_ إيه... هنا.. إيه الاخبار عامل اية
_ تمام.. عاملة اية دلوقتي
قالت بإبتسامة
_ تمام
_ حلو الشغل ده
قالت وهي بتمشي ايدها علي شعرها
_ ريان فاجئني وجابهم
_ بيفهم
قالت بضحك
_ ده عبيط وبيرمي دبش تصور كل شوية يقول كلمة اغبي من اللي قبلها ويجي في الاخر يقولي بدعمك وبخرجك من الحالة اللي انتي فيها.. ده عصب الحيطان من دبشه
بقت تحكي عنه بشكل متواصل لغيت ما رجع بالاكل وقعد يحكي معاها ويخليها تاكل.. كانت مبسوطه قوي وعينيها كانت بتلمع وهي بتبصله ، بس انا كنت زعلان عليها ، هي متعرفش ان سبب ضحكه وهزاره هو ظهور البنت اللي بيحبها في حياته مره تانيه وانه تعامله معاها بشكل ده شفقة ومساعدة ليها مش اكتر