رواية تكميم
الفصل التاسع 9
بقلم اميرة سليمان
امشيت لي السطبل إمتاع الخيول امتاعهم إمتاع العيلة قلت هي خلي نفتح الباب إمتاع المزرعة و نفتح عليهم خلي يهربوا منها ينصدم منها يطلقني و نرتاح منه مش عارفه علاش اخطر على بالي فكرة زي هاذي ممكن صغر سني ممكن من الكيد لي قلبي 💔
امشيت افتحت الباب و افتحت عليهم كانت الساعة 4 الفجر من الفتحة هاذي
صارت مش كارثه ستين الف كارثه منين طلعوا الخيول يجروا واحد ضرب جارنا ماشي للجامع للصلاة الفجر واحد أخديه طريق و امشيه واحد اقعد داخل لاكن الأخرى 😧😧😧💔💔 الخيل الأخرى صدمني صدمت عمري
_____________________
منين خش في ولد هو مقعمز في قعماز جاي ملوح في المسبح و اقعدت نعيط و العاملة تجري و تعيط و راجلي اطلع يجري لين ألقيه الدنيا خشت بعضها مع حلول نسمات يوم مخيف 💔 يوم كله فاجعة
ولدي في المستشفى راجل مكسور في المستشفى راجلي يقولي علاش درتي فيه هكي علاش 💔💔 علاش درتي في ولدك هكي غير علاش بس راني نحبك هذا علاش جبتك بسيف عندي
ولدي اقعد في العناية
و الخيول ...
القوهم رجعوهم للمزرعة الا واحد راح معاش القوه 💔
اني واقفه برا نبكي هو يقولي اقلبي وجهك من المستشفى معاش نبيك و ارتاحي هي انتي طالق اقلبي من أهنا روحت عند اهلي بوي ما خلى شن دار فيه يقولي اهو طلقك اهو اقعدتي قدام وجهي هاذي عملة ديرها هاذي عملة إمتاع بنت ..
مشهد ولدي كيف طاح في المسبح من رفست الخيل كله كسور ايديه أنفه رأسه انجرح تقطعت حرفيا أشعلت النار لاكن طفلي لي انحرق 💔 كنت نبي ننتقم من عيلة كاملة بس انتقمت من نفسي 💔
بعد مرور شهر من هذا الحدث ولدي يتعذب و يعيط من الوجع صغير طفل بيبي كله ألم كله جروح يهدد فيه راجلي يقولي العملة هاذي لما نحاسبك عليها و بوه يقولي لما نحبسوك ثاني بس اني معدلتش عليهم و كنت قوية و درت العدة و صكرت وذني
و هما يبوا الحرب و اني قدها هما لي أبدوا و اني قدها خمسة شهور فاتوا ولدي شاف الويل و اني شفت الويل من اهلي كان حاط عمه وسيط بيني بين كان يجيب في الأدوية لي طفلي و فلوس و كل شي ينقصه و عندي رقمه نتواصل اني وإياه
لين في لحظة 💔💔😧
_______________________
__
لين في يوم كلمني عمه قالي خلوا باب حوشكم مفتوح راهو جايب بضاعة لي في صابر و فلوس و دواء إمتاعه امشي افتحت الباب إمتاع حوشنا و خشيت
قعمزت لين بوي ناض يعيط يقولي مش كنت حطيتي عقلك في رأسك و اقعدتي مع راجلك مستوره الولد هذا من راح يربيه تربية الأولاد صعبه و اني راجل كبير مش مازال بيجي بيطلبك و انتي مروحه ب عيل
من كلمة لي كلمة اقعدت نعيط ب توا نأجر توا ندبر انت علاش قالق مني كرهتني في حياتي لين فجأة كبرت العركة و ابديه يضرب فيه و يقولي علاش درتي هكي علاش حليتي على الخيول و قعدت نعيط لين فجأة نسمعوا في صوت راجل ينادي اطلع القى عم طليقي جايب الحاجات و ينادي عليه قبل ما بوي ما يبيش يخليني نطلع لاكن عمه قاليه بنفهمه كيف تعطي العيل الدواء البست عبايتي و وشاحي و خشيت للمربوعة بوي ناض بيجيب القهوة وجهي كان احمر و منفخ و دموع في عيوني لين غصيت قدام الراجل و اطلع روح
من هذا اليوم ابديه يتكلم معاي على الواتس اب من و كثر الكلام بينا لين 😧💔
لين قالي رآهو انتي عارفه اني اكيد مطلق قداش ليه و عندي بنات
قتله ايه و يعني
قالي نبيك
لين انصدمت
قالي أسمعت عياطك أسمعت كل شي كنت واقف في الباب نعرف ولد خوي ماشي بكلام أصحابه نعرفه شن دار فيك و نعرفه شن هو
قتله ما نقدريش ولد خوك راح يقتلنا كيف بنأخد عمه
قالي انحطه تحت رجلي و نردم عليه التراب ما يقدرش يتنفس معاي
اقعدت فترة مصكره هاتفي ما قدرتش نستوعب فكرة كيف نأخد عم راجلي رغم هو مطلقني و نقدر نتزوج ب الحلال لاكن حسيتها رزينه و خاصة عندي ولد صكرت على الموضوع حسيت مستحيل 💔💔 و راح تصير مشاكل هلباااا و الخوف سيطر عليه لين اقعد يقنع فيه و اعجبني الحنيه ل فيه حسيت بيه شخص مهتم هلبا و قالي غير واقفي و راح نتصرف اني مع العيلة و معاه ما تخافيش
جاي لي بوي افتح معاه الموضوع و تكتم على الموضوع و قاليه نقرأ عليها الفاتحه و نأخدها و نستر عليها و على الولد و مافيش حد توا راح يعرف .
فعلا تزوجني كل شي تم بحضور اعمامي و خوالي هو ما قالش لي حد من عيلته
طليقي 💔 كان يعطي فيه في الحاجات مش عارف هذا الإنسان ابديه راجلي و حلالي و الصدمة 😧
طول الفترة لي معاه كان حنون و كويس و مشاء الله عليه بس كنت مش مرتاحه و خايفه و متوتره أنه طليقي يعرف او عيلته
كنت في حالة رعب شديدة ربي عالم بيه لين في يوم في ليل ولدي اقعد يبكي هلبا و ما باش يسكت امرض قالي نرفعه اني للمستشفى قتله لا اني نمشي معاك قالي بلكي حد يشبحنا اصريت نمشي ولدي قريب يموت البست و اطلعنا كان ساعتها قريب اذان العشاء و الصدمة 😧