رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

         

رواية احتواء القاسي

 الفصل السادس والخمسون 56 الأخير 

بقلم سوسو تويكس

سامعه صوت بعييد اشبه بالبكاء بقول :لينه اصحى، لينه عليك الله اصحي_بس ما قادره افتح عيوني، تاني سمعت صوت بت بتقول:اهدا مافيها شي ده من البنج بس هي ما قاعده تصحا_ وقت ركزت في الصوت عرفتو ده صوت معتصم وهو بقول :وشكلها لي طيب بالطريقه دي ووو_ردت ليهو البت :هي جسمها ضعيف ودي ما عمليه ولاده صغيره دي ولاده توأم عشان كده فقدت دم وسوائل كتيرة محتاحه اهتمام بس_فتحت عيوني وانا بحاول استوعب او اتذكر اخر شي حصل شنو، طلعت دي الممرضه بتتكلم مع معتصم الكان باين الخوف في ملامحو_عايزه استعدل حسيت بألم شديد في بطني لمستها بيدي حسيت بيها ما كبيره زي الاول، تاني وقت دققت في لي معتصم شايل بيبي ملفوف بشال بمبي، قلت ليهو بصوت مبحوح وانا عايزه ابكي :دي بلسم بتنا _انتبه على صوتي شال نفس طويل واتنفس بارتياح، الممرضه قالت ليهو:مش قلت ليك ما فيها شي ما تخاف ده من البنج وأثر العمليه بس_قرب علي وعيون دي بتلمع بالدموع، وقال:خوفتني عليك يااخ _قلت ليهو وانا بعاين للبيبي الشايلو كان حجمو صغير شديد ولونو محمر،كان بتاكل في يدها وساكته وهي بتفح عيونا وتغمضهم : معتصم د.. دي بتنا بلسم صاح _هز لي راسو وهو بعاين ليها بفرح وبقول:ايي شايفه حجمها صغير كيف من قبيل برجف خايف اوقعها _ ختاها لي كده جات خالتو ساميه بتزغرد وهي شايله بيبي تاني ملفوف بي بشكير بالازرق عرفتو ده الولد الطول فترة الحمل مشاكله مع معتصم عشان اسمي حسام علي الليدر وحفار دفعتنا، يااخ والله مكسرني عديل، و معتصم حلف قسم ما اسمي حسام،كان ببكي بياكل في يدو حبيبي انا شكلو برضو جعان🥺، ختوهو لي بالجهة التانيه قلت لي معتصم :شوف حسام ده بكاي كيف_اداني نظره خلتني ابلع كلامي القلتو ما رده لي عشان كان في ناس، حولوني غرفه عاديه ومرت الايام واتخرجتا من المستشفى وعملو السمايه وماشاء الله كانت كبيره شديد، وطبعا نزلتا هناك عند ناس خالتي ساميه، كان بوديني للنضافة الجرح وبرجعني، لحدي ما تميت الأربعين هناك، اتصل على بالمساء زي كلو يوم مشغلها _معتصم :من الصباح بكره بتلقيني قدامك _لينه:لأ عايزه اقعد زياده _قالي بغيره واضحه:اسمعي بلا قلة أدب معاك ما كفايه الأربعين يوم تاني والله ولا ساعه زياده وريتك بعد تشربي الشاي اجي القاك جاهزه_ضحكت فيهو وانا بقول : البشوف ما بقول الأربعين يوم دي كلها مكالمات ، وبنوم وانت بتقرا لي القرآن، لكن خلاص ما مشكله بفكر يا زول _قالي بجديه، معتصم:تفكري شنو؟ انا ما خيرتك انا وريتك بالحيحصل بس_لينه:خلاص تمام _سكت مسافه وشال نفس وقال:والله مشتاق ياخ، كلو مره بتثبتي لي انو البيت بلاك ولا اي حاجه_لينه:شوقك ده بكمل جايين انا التوأم تاني نوم ما ح تنومو و... _ما كملت كلامي بسلم صحت بتبكي وهي كان بكت يسكتها الجليل انا دي ما بتسكت لي سمعها وقالي ختي التلفون جمها وشغلي الاسبيكر _نفذتا القالو بدا يقرا يقرا ليها قران طوالي سكتت رجعت تنوم وانا زاتي نعستا من صوتو، بعد خلص قرايه سامعه  صوتو من بعيد قالي : ننتي ما تكوني نمتي انتي برضو_لينه :هممم نعستا والله عايزه انوم مع السلامه_ما سمعتا باقي كلامو قفلت الخط _مضى الوقت وجانا من الصباح لانو كان يوم جمعه، بعد اصرار حتى سمع كلام خالتو ساميه وفطرنا هناك بعد الفطور، وقت قمنا ماشين البيت اتقلب بيت بكا ملاذ دي وشها لمن حمر جات ودعت باسل وبلسم البقول هم زاتهم يبكو _بعد وداع طوييل اتحركنا _وصلنا البيت نزلت من العربيه هو كان شايل بلسم وانا شايله باسل _معتصم :نورتو البيت يا كتاكيت_لينه:يعني بقو هم البنورو البيت طيب انا احسن ارجع_قالي بغمزه:ترجعي وين انا ما صدقت انك رجعتي، هم كتاكيت بس انتي #ننتي ياخ_بقيت بتبسم برااي عرفني فصلتا بقا يضحك ويشتغل في بلسم:امك خجلت قال😂_ بقت تضحك ليهو، طبعا استغربتا لانو بلسم دي بالزات نهائي ما بتضحك لي زول حتى انا دي نادر ما تضحك لي لكن على قول ملاذ:دي بت ابوها،_مضت الايام وبقيت مع البيت والتوأم والجامعه، و معتصم ما مقصر معاي وقت يكون قاعد بريحني من بلسم لأنها بكايه اما باسل ما عندو غلبه بنشغل وبمشي لي اي زول وبتولف بسرعه عكس بلسم تماماََ طبعا شايلين ملامحنا نحنا الاتنين بس بلسم دي شالت عيون أبوها الناعسه ونظراتو البارده صفاتو كلها بتتجسد في بلسم عشان كده صعبه، وعكس باسل الشايل صفاتي وجزو كبير من ملامحي -لحدي ما خلصت سنه رابعه ونزلت سنه خامس كنا مطغوطين شديد لانو خريجين  وفي الوقت داك التوأم كانو بسننو، غير البكا ما عندهم شي، وطبعا باسل سمينا دراكولا لانو قوم الانياب قبل السنون خالتو ساميه قالت زي معتصم قوم الانياب بالأول، عشان كده عرفت لي انيابو طوال زي ده🐸 بالزات لمن يضحك ، التوأم كانو بكايين شديد في الفتره دي اخر شي ختيتهم الاتنين في الأرض وبقيت ابكي معاهم والشيتات مجدعه في الأرض _معتصم جا شاف حالتنا لاعرف يهدي التوأم ولا عرف يسكتني انا، بلسم دي من شافتو سكتت ورفعت ليهو يدينها عشان يشيلها شالها بيد وباسل باليد التانيه قال لي:تمي قرايتك شكلهم نعسانين بنومهم وبجي_مرق بيهم على غرفتهم وفعلا تاني ما سمعتا ليهم حس عندو طريقه بعرف يتعامل بيها معاهم بالزات بلسم دي متعلقه بيهو شديد ووقت يكون قاعد انا نهائي ما بتجي لي🐸😂_بعد نومهم جاني لقاني بديت اقرا، لينه:ما عارفه لو ما يت كان ح اعمل شنو _قعد جمبي واحتوا يديني وهو بقول وهو مركز مع عيوني:مش قلنا ح نعيش دايما مع بعض ونتشايل كلو شي مع بعض، ده معنى الاحتواء _ابتسمت ليهو، قرب وطبعها على خدي وقال:يلا اخليك تكملي قرايه_ودخل يستحما، يااخ والله كلو ما اشوفو بحمد ربي على النعمه الرزقني بيها، وكلو ما اتذكر انو كان عايزه اخلي واسافر بلعن نفسي، بالجد كان ح اتحرك من نعمه مستحيل تتعوض_ومضت الايام على كده لحدي ما جا وقت التخريج، كنت مع البنات في الغرفه لسه بجهزو فيني اتصل علي استئذنتا منهم رديت جاني صوتو وهو بقول:ننتي زي ما اتفقنا صاح _لينه:ايي لبست الفستان الاخترتو لي وماف ميكب كتير وح البس بالطرحه وماف ولا سبيبه ح تطلع _معتصم:واهم شي... _لينه:ما استعمل برفاني لانو عطرو قوي ولا ح ارقص في التخريج عشان ما تجي تهد الصاله كلها فوق راسي_معتصم:ما نسيتي حاجه🙂، حسام الجنه بيهو ده وكان عايزه تمسي باسل عليهو لو لمحتك قريبه منو والله اتحملي البحصل ليك _لينه :خلاص تمام تاني في أوامر تاني عشان اقفل البنات حارسني_معتصم:في شوق بس لو عايزه، التوأم من الصباح ما شافوك وابوهم زاتو ما شافك _لينه:التوأم كيفهم والله، والله اليله فقدتهم_معتصم:التوأم براهم ما مشكله يا ننتي الجافيه بلقاك بعدين _قعدتا اضحك قفلت الخط ورجعتا، مضى الوقت وجا وقت تسليم الشهاده زاعو اسمي وطلع معتصم وهو شايل التوأم استلمها معاي ياخ كانت لحظات حلو شديد، معتصم قالي لي بلسم:شوفي ماما خلاص اتخرجت وشالت الشهاده بتي الأولى اتخرجت عبالك انتي_وفي عز الجوطه والانوار والضجه بلسم قالت لي:ماما _اخدتا لي صننه عشان اسمعها قالت شنو والله دمعتي نزلت وقتي من الفرح،فرحة طفت فرحة التخريج والحاصل ده كلو معتصم شافني عيوني مرفرغه سالني مالك_قلت ليهو بفرح:بسلم قالت لي ماما_ضحك فيني وقال :حمدالله علي السلامه يادوب😂_طبعا هو عشان اول شي قالو بابا، ضربتو في كتفو بخفه وانا بقول :ويعني شنو لو قالو ليك انت اول _ضحك زياده، التخريج انتها وانا لخنس في بلسم عشان تاني تقولي ماما بس حلفت بت اللذينه🐸ديك شكلها جات عفواََ بس 😂__بعد ما طلعت من الحمام جا ناداني وقال بجديه :جا وقت التسميع أنشأ الله حفظتي _اتوترت لاني انشغلت وما حفظت معتصم في موضوع الحفظ ده ولا بلعب طبعا خلصنا حفظ صوره البقره ومشينا لي ال عمران حسي نحنا في الجزو الخامس _وقت شافني سكتا قالي:ما حفظتي صاح كنت عارفك اليله خليتك بس بكره ما بخليك _جيت قعدتا جمبو في السرير وانا بقول:أنشأ الله _طلع لي تذاكر من جمبو سألتو ده شنو _معتصم:دي عمره بتذكر كان قلتي نفسك تمشي تعمري _ياخ والله من الفرح حضنت وانا بقول:يااخ بحبك يا ود الناس _بعد استوعبت طوالي زحييت بسرعه وانا بتمتم ، قعد يضحك فيني، شغل فليم في اللابتوب وطفا النور وانا الفليم ما عجبني حق سياسه وما عايزه تنوم اخلي تكلت راسي على كتفو وشبكت يدينا مع بعض وانا بقول :معتصم الجو ده زكرك بشنو _ما رده على لانو كان مندمج مع الفليم سرحتا فيهو ومشيت يدي على لحيتو وانا قاصده اشتت انتباه الفليم ما عاجبني اعمل شنو🐸_حركتي دي جهجهتو قالي:اقعدي ساي ما تهبشي_رجعتا تاني بمشي يدي على لحيتو عصاني الخفيف في اصبعي وهو

بقول :قلنا ما تهبش خلي نتم الفليم بعدين بفضي ليك _قفلت ليهو اللابتوب وانا برجع راسي لكتفو وشبكتنا يدينا مع بعض :اشرح لي الاحتواء زي اليوم داك_نزل اللابتوب منو ورقد ورقدني على حضنو وماسك يدي وبرسم فيها اشكال وهميه وهو بقول بنبره حنينه وشابك يدينا مع بعض:زي ما قلت ليك يا ننتي الاحتواء ده حاجه عميقه..... _كان بشرح لي بدون ملل وبحنيه زي اول مره وبتكلم بلهفة عن شعورو في مواقف كان مرينا بيها، دي كان نهاية رحلتي مع معتصم وسميتها ''' لانو الاحتواء لا بنتهي ولا بنقص وعلى قول معتصم :الحب مهم بس #الاحتواء اهم منو..النهايـــــة✨

رزقت به،وكأني دعوت الله أن يرزقني بحسنه ،فرزقني الله بعشره أمثالها‌❤️⁩🌏

الخربشه دي اقروها🐸🔪🔪

#خربشه🐸 : البسي طرحتك عديل، ما بتمشي باللبسه دي، ما تقيفي وتضحكي بصوت عالي في الشارع، ما القاك واقفه مع الزول ده تاني وووو، أوامر غيرها كتيييره، نحنا بنشوفا سيطره وتملك وتحكم وما بتعجبنا ابداََ، يمكن تطلع ليك التصرفات دي من اب انتي شايفه صعب ، او اخ شايفه متحكم ، ود عم او ود عمه ود خال او ود خاله وما تستغربو لو التصرفات دي طلعت من ود جيرانكم، في النهايه ده كلو عباره عن إحتواء نحنا فاهمنو وبنفسرو غلط، بس ده إحتواء واي زول وطريقتو البعرف يعبر بيها، نحن كل المحتاجين انو نفهم المشاعر دي ونعرف نقيمها✨

وشخصية معتصم من الواقع حاولت قدر المكان ابيين ليكم طباعو لانو في ناس كتيره للأسف نحنا بنترجم تصرفاتهم غلط وزي ما قلت يمكن على هيئة اب او اخ ود عم/ة  او ود خال/ة او حتى ود جيرانكم، والعكس كمان البت البتقول عليها نكديه وكلامها كتير شايفه حشوره واسالتها كتيره وبتدخل في حاجه بتخصك دي ما اسمها لصقه 🐸 ده إحتواء نحنا ما فاهمنو، نحاول نغيير نظرتنا وطريقة فهمنا التصرفات يا جماعه🙏✨ 

                    تمت بحمد الله 

لقراءة باقي الفصول من هنا

تعديل المقال