رواية ترند باربي
الفصل الثالث 3
بقلم اميرة سليمان
جاني خوي قاللي ربي أخديه حقك اهو صار الدم بينهم اهو بان كل شي
اني شن تقول شن صار ..
خوي هو يضحك قالي راهو هناء عرفت كل شي في حد من أصحابه شوره قاللها راهو هو يبعت في صورك لينا مش مرته و البنت شورها عصبت أخدت سلاحه من السيارة و ضربت عليه 💔
و البنت توا شادينها ..
اني ابتسمت لاكن في نفس الوقت مش شماته بس مافيش حاجة اضيع عند ربي 💔
اقعدت نتأمل في كل شي لين بعد اسبوع من هاذي الكارثه جتني أمه تقولي ولدي مريض و ملوح مافيش من يعانيه قعدت تبكي و تترجى فيه نرجع لي ولدها و أنه نادم هلبا هو تعبان كان هذا راح ايجي يرجعني بنفسه و أنه مرته راح يطلقه أرجعت بس مش قلت كرامة لاكن كان في بالي موال أرجعت عنده اقعدت نضم و نطيب و نغسل ليه هو مش قادر ينوض من الفراش من الجرح امتاعه اني كان في بالي حاجات نبي نديرهم كنت نقعمز في جنبه نشبح ليه ب نظرت الشفقة اشبح باربي شن دارت فيك كنت انجيه نداوي ليه في الجرح نعفس عليه ب القوة مأكله نطيب فيها حارة شوية نعفس عليه و نقوليه مش قصدي معاش متقبله شكله بكل لين يدق الباب نفتح نلقاها هيا و خوها خش خوها لوح الشنطة داخل اشبح لي راجلي قاليه مرتك حامل لازم تقعد في حوشها لي صار تم افتحوا صفحة جديدة هي واقفة تبكي مش قادرة تحط عينها في عيني لوحت الشنطة امتاعها في دار الجلسة و قولتلها الدار نوم امتاعي و اني ست البيت و الحوش كل شي فيه اني اخترته خشت لي الدار صكرت على روحها نسمع فيها تبكي 💔 جاي ليل كنت مقعمزة نشبح ليه و عارفه روحي مش عارفه شن بندير فيه و فيها راقد على جنبه و يشبح لي الحيط و مش قادر يشوف ليه نحيت كل حاجاتها من الدار لوحت حاجاتها في دار الجلسة و هي مقعمزة ساكته و خايفة مني متحشمه مني صكرت الدار و دوشت و ارقدت و كأنه مافيش شي بس 💔 و اني على المخده شديتها ب فمي و بكيت يعني البنت لي كنت نحكيلها على راجلي و تنصح فيه اليوم هي مرته و حامل منه 💔💔
البنت لي كانت تقولي ردي بالك تخلي حد يأخد منك اهو هي لي دارتها
البنت لي كانت معاي في عرسي مصوره معاي اني عروسة و عرسي كله هي ترقص فيه و تغني فيه و تعول فيه اليوم اهيا
أبدت مكتوب ليه
______________________
مع اذان الفجر كنت راقده فاتحه الرقية الشرعية فجأة هكي ابديت نسمع في اصوات و حسيت روحي نتوهم لين سمعت عيطة قوية انخلعت و ابديت نرعش مع بعضي لين جيت طايحة من على السرير 💔
ما صدقت كيف افتحت الباب إمتاع الدار و الصدمة