رواية حب غير عادي الفصل الثالث3والرابع4بقلم حنين
ابراهيم بصدمة: بتقول مييين!!!
اسر: اي يا عم بتزعق كدا ليه اه هخطب نانسي
ابراهيم بجنون من كلام صديقه: ازاي دا انت ايام ايام الكلية كنت بتبعدها عنك كل ما تحاول تقرب منك هتخطبها ازاي اقنعني دا غير ان انا وانت والكل عارف اخلاق.ها عاملة ازاي
اسر ناهياً الحديث: مش وقته الكلام دا انا قررت خلاص... انا هقفل دلوقتي عشان مشغول شوية
ابراهيم بيأس واستسلام: اللي تشوفه يا اسر سلام يا صاحبي...
اغلق اسر التليفون بضيق فهو لم يكن يخطط ان يخطب وخصوصا يخطب نانسي هو كان ذاهب لبيت عمه بإخبار من والده ان يدعوهم علي العشاء ولكن ما ان تحدث مع ليلي وجد نفسه يلقي هذه الكلمات ولا يستطيع التراجع بعد ان اخبر والده والجميع.....
وقف اسر وهو يخرج من المنزل قاصدا التحدث مع نانسي وطلبه لخطبتها.... وهي بالطبع لن ترفض....
ذهب اسر لبيت نانسي بعد ان أخبرها في الهاتف انه يريد ان يراها وهي وافقت بالطبع واخبرته انها موجودة في المنزل... ف والديها لم يأتوا من سفرهم بعد....
وصل اسر ورن الجرس وانتظر الرد.... وسرعان ما فتحت نانسي الباب بلهفة فهي تعرف انه هو...
القت نفسها بأحضانه وهي تقول: وحشتني أوي يا اسر
ابعدها اسر عنه بهدوء وهو يقول: عايز اتكلم معاكي
أدخلته البيت واغلقت الباب وهي تقترب منه وتحاوط رقبته...
نانسي بدلع: عايز تقول اي
انزل اسر يدها عن رقبته بضيق محدثاً نفسه...
انا اللي جبته لنفسي منك لله يا ليلي
نانسي بإستغراب من همسه: انت بتكلم نفسك بتقول اي
اسر بجدية: ولا حاجة المهم انا جاي طالب ايدك....
نانسي بفرحة فهو من جاء اليها بالاخير بعد محاولاتها بالتقرب منه
انا مش مصدقة انك بتقول كدا طبعا موافقة... واقتربت منه مجدداً لتق.بله علي شفت.يه ولكنه تراجع
يبقي جهزي نفسك وعرفي أهلك خطوبتنا هتكون الاسبوع الجاي...
نانسي بفرحة: اه طبعا طبعا
وبعد موافقتها غادر اسر متحججاً انه مشغول بعد اصرارها ان يبقي معها اليوم فهي لا تمانع....
ركب سيارته بضيق يقول لنفسه: لازم اثبت لنفسي قبل ما اثبتلك انك مبتأثريش فيا.... تنفس بهدوء ثم غادر متوجهاً للبيت لاستقبال مرات عمه وبناتها... فلا بد ان يكون موجود كما اخبره والده....
.......….........................
اما عند ليان و ليلي كانو قد انتهو من تجهيز انفسهم ليذهبو لبيت العم محمود مع والدتهم....
ليلي: بضيق: انا مش عارفة أيه لازمة العزيمة المفاجأة دي
ليان: يعني انا اللي اعرف منا زي زيكم
ليلي بغيظ: ما تبطلي بقا هو انا قولتلك انتي تعرفي
ليان ببسمة مستفزة: لا مقولتيش
لياان اسكتيي
جاءت والدتهم علي صوتهم العالي.... في اي بتزعقو ليه انتو الاتنين
ليلي بغيظ وهي تنظر لليان: بنتك دي مستفزة
ليان بسرعة: والله ما عملتلها حاجة هي اللي كل ما اكلمها كلمة تزعق بالطريقة دي... ثم ضربت.ها في ذراعيها ...
كانت ليلي سترد لكن قاطعها صوت والدتها...
بس بقا انتي وهي اي اللي انتو بتعملوه دا حاسة ان انا قاعدة مع اطفال دا كمان هما اعقل منكو... يلا عشان منتأخرش عمك اتصل ومنتظرنا
بصو لبعض هما الاتنين وفي نفس واحد: حاضر ياماما جايين وراكي...
خرجت الام وليان بعدها وكانت ليلي بعدها ولكن اوقفها صوت تليفونها معلناً مكالمة من عصام....
ليان: ما يلا يا بنتي مسمعتيش ماما بتقول اي
ليلي: معلش يا ليان اسبقيني انتي وانا هقفل مع عصام واجيلك علطول
ماشي بس متتأخريش...
أجابت ليلي بعدما تركتها ليان: الو ايوا يا عصام ... أيه مسافر!! مسافر رايح فين... طب وهتعقد قد اي.... شهر..
عصام بجدية: اه شهر انا قولت ابلغلك عشان لو لقيتي الفترة الجاية تليفوني مقفول...
ليلي بسرعة: انت كمان هتقفل تليفونك...
عصام بسرعة حتي لا تشك به: غصب عني يا حبيبتي انتي عارفة اني لازم اكون مع والدي ... بس متقلقيش اول ما الاقي فرصة هكلمك...
أجابت ليلي بعد تنهيدة: ماشي يا عصام تروح وترجع بالسلامة...
اغلقت ليلي المكالمة وللعلم هي لم تشعر بشئ.... لم تشعر كأي حبيبة ان حبيبها الذي تحبه سيغيب عنها شهر كاملا.... ف هي حتي لم تطلب منه ان يبقي ولو بالكلام.... لماذا يا ترا هي تشعر ب حيرة ورعب.... لماذا لم تشعر انها ستفتقده!!!
....................................
وصلت ليلي وعائلتها وما ان وقفو امام الباب وجدو اسر وصل بسيارته امام المنزل.... نزل اسر ووقف أمامهم وهو يرحب بهم.... وأثناء ما كان يقف أمامهم اشتمت ليلي عطر نسائي يفوح منه.... فهي تعرف جيدا ذلك العطر ....
ليلي بصتله بإستغراب بس مرضتش تتكلم عشان مامتها وأختها واقفين....
ليلي في نفسها... تلاقيه كان بيشوف واحدة... اي اللي انا بقوله دا طب وانا مالي ميخصنيش....
اسر بإستغراب وخبث فهو قد سمع ما قالته: بتقولي حاجة يا ليلي
ليلي بحدة: لا مقولتش... هنفضل واقفين كدا كتير
الام بصرامة: ليلي
اسر بمقاطعة: محصلش حاجة يا مرات عمي.... يلا اتفضلو
دخلت ليلي سلمت علي عمها ومن بعدها دخل اسر ثم ليان وبعدها والدتها....
اما ليان اول ما دخلت نظرت في كل الاتجاهات لكنها لم تري ادم... يا ترا هو فين معقولة يكون مش هنا...
محمود بابتسامة وترحيب: نورتو اتفضلو واقفين ليه البيت بيتكم
يا هدي...
هدي... تعمل في البيت...
هدي باحترام: نعم يا استاذ
محمود وهو ينظر لهم: شوفي الجماعة يشربو اي
كانت والدة ليان سترد لكن قاطعها اسر وهو يقول....
هاتي عصير وحاجة حلوة لحد العشا ما يجهز ... واستأذنكم يا جماعة هروح اعمل فنجان قهوة لاني محدش بيظبطه غيري... نظر لليلي نظرة عابرة بس اتفاجأ ان هي بصاله...
اسر لنفسه: بتبصلي كدا ليه كأني وآكل حقها... ثم اكمل طريقه بلا مبالاة...
ذهب اسر للمطبخ ليطلب من هدي ان تحضر العشا وان تذهب لآدم لتيقظه....
هدي بتوتر فهي ترتعب من آدم ولا تحب التعامل: حاضر
احضر ادم قهوته وخرج من المطبخ....
اما في الصالون كانت والدة ليلي تتحدث مع والد آدم في عدة امور.... زفرت ليان بضيق من عدم وجود آدم واستأذنت منهم ان تذهب الي الحمام فهي قد ملت.....
كانت ليان تمشي فالطرقة لتجد العاملة تقابلها لتجدها متوترة وخائفة....
ليان بإستغراب: مالك في اي
هدي بفرحة انها لقت ليان... ف قد قررت في نفسها ان تجعل ليان تذهب لغرفة ادم لتيقظه...
هدي بحزن حتي تقنع ليان: اصل استاذ اسر قالي احضر العشا عالسفرة واروح اصحي استاذ ادم وقالي بسرعة وانا ذي ما انتي شايفة لوحدي مش عارفة الاحق علي اي ولا اي وخايفة أتأخر استاذ اسر يتعصب ويزعقلي....
ليان بتأثر من حديثها: طب انا اقدر اساعدك في توضيب السفرة
ردت هدي بسرعة: لا ...قصدي انو يعني بوضبها بطريقة معينة ... ثم طلبت منها في رجاء حقيقي ان تذهب هيا لتيقظ آدم....
ليان بتوتر: انا لا اا
كانت هدي سترد لولا انها سمعت اسر يستعجلها.... تركتها هدي وهي تقول....
اوضة استاذ ادم فوق علي ايدك الشمال...
ثم تركتها و ذهبت....
ظلت ليان واقفة تقول لنفسها بتوتر... اروح ولا مروحش بس لو مروحتش اسر هيزعق للبنت ويبقي حرام عليا .... اخذت نفس ثم قالت....
هروح وامري لله..
..................................
ذهبت ليان لغرفة آدم التي وصفتها لها العاملة... دقت الباب بتوتر لكن لم يأتيها اي رد....
فتحت الباب بهدوء ودخلت لتنبهر من شكل الغرفة فهذه اول مرة تري غرفته....
ظلت تنظر في كل مكان حتي وقع نظرها عليه.... اقتربت بهدوء وتوتر حتي اصبحت أمامه .... جلست أمامه علي طرف الفراش... وهي تنظر له وهو نائم.... يبدو كالملاك عكس استيقاظه....
ابتسمت بدون وعي ثم نادت عليه... لكنه مازال نائم...
رفعت يدها بتوتر تمررها علي وجهه وشعره وهي تنظر له بشردود....
تعرف انا بحبك أوي رغم انك بارد بس حبيتك... واكملت وهي تمرر اصابعها بلطف علي دقنه....
تعرف انك حلو أوي وانت نايم... وو.... وكانت ستكمل كلامها لكنها تفاجأت انه فتح عينيه ينظر لها.... لم يعطيها فرصة التفاجأ والصدمة... بل سحبها يلقيها علي الفراش لتصبح هي تحته وهو يعتليها....
ادم بخبث فهو سمع جملتها الاخيرة: اممم يعني انا طلعت حلو و انا نايم
ليان بخجل: انا انا مقصدش... وكانت ستقوم لكنه اقترب بوجهه منه فجأة جعلها تشهق وهي تنظر له بوجه محمر خجل... تلعن نفسها انها استمعت للعاملة واتت....
ادم وهو ينظر لعينيها ببرود: ايه اللي دخلك اوضتي
ليان وهي تأخذ نفسها بتوتر: اللي بتشتغل هنا هي اللي طلبت مني عش..عشان اصحيك...
ادم وهو يضع يده علي خصرها لتصبح في احضانه...
وهي كمان اللي قالتلك اتغزلي فيه وهو نايم...
ليان بتوتر من قربه ويده الموجودة علي خصرها... حاولت إبعاد يده ولكنه شدد يده اكثر علي خصرها...جعلها تتأ.وه بوجع...
ليان بوجع: اادم انت بتوجعني
خفف ادم مسكته علي خصرها قليلا... وهو ما زال ينظر لعيناها الخضرواتين ثم انزل نظره ببطئ يمررها علي ملامحها حتي استقر نظره علي شفتيها الممتلئة قليلا بلونها الوردي.....
ابتلع ادم ريقه ولم يسيطر علي نفسه.... فأطبق علي شفت.يها بين شفت.به يقبل.ها بعن.ف....
حاولت ليان ابعاده ف قد وضعت يديها علي صدره ولكنه لا يبتعد بل اخذ يقبل.ها بنهم....
اما هي ف أنزلت يدها ببطئ تستسلم له ف مشاعرها اقوي منهاا...
واخيرا ابتعد عنها وهو يتنفس بسرعة اثر قبلت.ه التي طالت وضع جبهته علي جبهتها يستشعر انفاسها فهي تتنفس بعنف وهي مغمضة عينايها...
كان سيتحدث لكن....
لي.... اي اللي بيحصل هنا!!..
الفصل الرابع
✨4✨
لي.... اي اللي بيحصل هنا!!..
انتفض آدم علي اثر الصوت يلعن نفسه علي فعلته... اما ليان ما ان سمعت صوت ليلي حتي انتفضت هي الاخري تنظر لها بصدمة وكأنها كانت مغيبة عن العالم وللتو فاقت....
ادم بغضب من فعلته...
ليلي اسمعيني انا م..
ليلي بغضب عندما نظرت لاختها وجدتها تبكي...
اسمع اي انك بتحاول تستغل اختي عشان عارف و متأكد انها ب...
ليلي..
قالتها ليان بتحذير بعدما انتبهت لما تقوله ليلي... فهي تعتقد ان آدم يعلم انها تحبه...
نظرت لها ليلي بغضب من استسلامها له بهذه الطريقة..
صُدم ادم من هذه الاتهامات عن استغلال شيقيقتها...
انتي بتقولي اي انا عمري ما فكرت استغل ليان... متنسيش انها بنت عمي.... ابتلع ريقه ثم قال بتوتر ملحوظ... انا انا مش عارف انا عملت كدا ازاي...
وأكمل بإستغراب: و قصدك بإيه اني عارف عارف اي بالظبط....
نظرت ليان بسرعة لليلي تحذرها من قول شئ وبالفعل فهمت ليلي وقررت عدم التحدث اكتفت بالصمت....
انتقل آدم بنظراته صوب ليان يحاول فهم ما قصدته ليلي بكلامها...
ليان!!..
لكن ليان لم تنظر له حتي بل خرجت من الغرفة بسرعة كبيرة... فلم تستطع النظر له بعد استسلامها...
اقتربت ليلي منه وهي تحذره فهي تخشي عليها كثيرا تخاف ان يجرح مشاعرها....
إياك إياك اشوفك قريب من ليان بالطريقة دي تاني لو اتأذت بسببك او اتجرحت صدقني هتشوف مني حاجة مش هتعجبك.... ثم تركته وغادرت هي الاخري...
اسودت عيون ادم بغضب... هو غاضب من فعلته ولكن لما كل هذا التهديد... لماذا قد يُأذي ليان او يجرحها...
في الأسفل كانت العاملة قد انتهت من وضع الطعام علي الطاولة وبعدها اخبرتهم ليقول والد آدم....
تسلم ايدك يا بنتي يلا يا ام ليام... البنات مجوش ليه لحد دلوقتي.... ف ليلي عندما لاحظت ان ليان تأخرت استأذنت منهم انها تروح تشوفها ف أخبرتها العاملة انها ذهبت لغرفة ادم.....
روح يا اسر شوفهم وقول لآدم ينزل...
كان اسر سيتحرك ينفذ رغبة والده ولكنه وقف أمامه عندما رأي ليان تنزل الدرج بسرعة وعلي وجهها اثر البكاء.... ولم يكن يستفسر عن شئ حتي وجد ليلي هي الاخري تنزل ورائها بوجه غاضب.....
اسر ف نفسه: يا ترا في اي مالهم
الاب محمود بابتسامة موجهاً حديثه لوالدة ليان: اهم جم اهم يلا يا اتفضلو...
كانت ليلي وليان سيرفضو ويستأذنو بالرحيل ولكن والدتهم قطعت كل هذا وهي توجههم نحو الطاولة....
يلا يا ولاد مستنينكم من بدري كنتو فين كل دا...
ليلي بإقتضاب: معلش يا ماما ليان كانت حاسة بوجع في بطنها شوية ف كنت معاها لحد ما لقيتها كويسة....
محمود بخوف وهو ينظر تجاه ليان فهم مثل ابناءه: مالك يا بنتي شكلك مش كويس تحبي نطلبك دكتور
ليان ببتسامة بسيطة: لا يا عمي انا كويسة كان شوية مغص بس مفيش حاجة مستاهلة
محمود بحنان ابوي: متأكدة انك بقيتي كويسة
ايوا يا عمي بقيت كويسة الحمدلله...
الام بابتسامة: الحمدلله يا بنتي... ثم تذكرت آدم وقالت...
امال فين آدم مجاش ليه لحد دلوقتي
محمود بإحراج فهو نبه علي اسر ان يستدعيه للنزول: معلش يا ام ليان هو انت عارفة بقي الشغل واخد كل وقته وجه طلع ينام شوية والظاهر اسر نسي يصحيه
نظر محمود لأسر ثم همس له بصوت لم يصل لأحد فهو يجلس بجانبه...
اطلع صحي اخوك قوله ينزل
اومأ اسر برأسه ولكنه قبل ان يقوم وجد آدم ينزل الدرج بوجه جامد...
أهو جه اهو
نظر الجميع ناحية آدم... ما عدا ليان اما ليلي ف نظرت له بجمود وهو نظر لها ايضا بعدما نظر اتجاه ليان لكن لم تنظر له من الاساس....
لاحظ اسر نظراتهم بإستغراب... لكن قطع هذه النظرات والدة ليان وهي تقول بابتسامة فهي لم تراه منذ ان اتت....
اخيرا شفتك من ساعت ما جيت وانت مختفي طمني عليك يابني اخبارك واخبار شغلك
رد آدم بإحترام وابتسامة بسيطة بعدما ذهب وقبل يدها: الحمدلله يا ست الكل كلو تمام
الحمدلله ربنا يحميك ويحفظك يارب...
آدم: اللهم آمين
محمود وهو ينظر لهم: يلا يا جماعة الاكل هيبرد...
جلس ادم امام مقعد ليان يتناولون الطعام بصمت او لنقول يتظاهرون....
انتهت العزيمة وأثناء ذهابهم طلب محمود من اسر ان يوصلهم وبالفعل فعل اما آدم ف صعد الي غرفته مجدداً بضيق.... ف ليان لم تنظر له أبداً.....
وبدأ يفكر في كلام ليلي ماذا يعني ان تأذت او جُورحت بسببك!! وماذا كانت ستقول لولا ان ليان اوقفتها... لكنه لم يجد اجوبة لكل هذا....
نفخ بضيق وهو يستلقي علي الاريكة الموجودة ف غرفته وهو يضع يده اسفل رأسه ينظر لأعلي.....
....………………......................
كان إبراهيم يقود سيارته في طريقه للمنزل ولكن اثناء مروره بالسيارة حتي لفت انتباهه فتاة تركض بسرعة كبيرة وخوف ف أوقف سيارته بسرعة.... ونزل منها...
الفتاة برعب بعدما اصدمت به: ساعدني.... ولم تكن تقول كلمة اخري حتي سمعت الذين يلاحقونها...
أهي هناك هاتوها...
انتفضت البنت برعب تبكي وهي تتمسك في ذراع إبراهيم بقوة..
ابراهيم للشباب: انتو عايزين منها اي
واحد من الشباب: وانت مالك انت خليك في حالك وابعد عن طريقنا خلينا ناخد البنت ونمشي بهدوء...
نظرت الفتاة لابراهيم بتوسل الأ يتركها ويذهب....
نظر لها يطمئنها انه لن يتركها...
متخافيش اهدي مش هسيبهم يؤذوكي خليكي ورايا...
وقفت الفتاة خلف ابراهيم تحتمي به....
واحد من الشباب: هي عجبتك ولا اي لو كدا ممكن نتقاس... ولم يستطيع اكمال كلمته بسبب ابراهيم الذي أنقض عليه يلكمه عدة لكمات بغضب.....
نتقاسم اي يا ابن ال...
وظل يضربه حتي سمع الفتاة تصرخ برعب....
حاااسب
فنظر ورائه رأي واحد آخر يحمل عصا ليضربه به كادت الضربة تصيبه لولا انه تفادي الضربة بمسكه العصا....
ترك الرجل الذي كان يضربه لا حول له ولا قوة وذهب للآخر الذي ممسك بالعصا.... اخذ العصا منه رماها علي الارض بوجه غاضب....
تقدم منه ببطئ وكاد يهجم عليه لكنه ارتعب من رؤيته وهو يض.رب الذي كان معه ف فر هارباً بسرعة كبيرة.....
اما الاخر قام بصعوبة يركض هو الآخر مبتعداً عنه...
عندما تأكد ابراهيم انهم ابتعدوا ذهب للفتاة يقول بجمود: خلاص راحوا
نظرت الفتاة حولها بخوف تتأكد انهم رحلو.... اخذت انفاسها وهي تنظر لإبراهيم بشكر وامتنان لمساعدتها...تشكر ربها انه وضعه في طريقها ليساعدها....
الفتاة بشكر: شكرا جدا ليك مش عارفة كان هيحصلي أيه لو مكنتش موجود...
ابراهيم: مفيش داعي اي حد مكاني كان هيعمل كدا.... وبعدين انتي بتعملي اي لوحدك في الشارع الفاضي دا متعرفيش ان الشارع دا مينفعش تمشي فيه لوحدك....
الفتاة بحزن بعدما تجمعت الدموع بعينايها: انا انا معنديش مكان اروحه صاحبة الملجأ اللي كنت فيه طردتني ف لقيت نفسي في الشارع دا وانت عارف الباقي...
اشفق ابراهيم عليها وهو يقول: طب فين اهلك
الفتاة بحزن: ماتوا وانا عندي عشر سنين وقتها محدش من قرايبي رضي ياخدني عندو ف عمي وداني الملجأ...
تأثر إبراهيم بحديثها وحزن عليها.... صمت يفكر لثواني ثم قال...
تعالي اركبي العربية
الفتاة بتعجب: اركب العربية!! ليه
ابراهيم بجدية: مش قولتي معندكيش مكان تروحيه هاخدك علي بيتي...
الفتاة بصوت عالي: نعمممم بيت مين يا ابو بيت ايوا انا دلوقتي فهمت تفكيرك لقيت واحدة شباب بتجري وراها قولت أنقذها منهم واعمل نفسي جدع عشان تتطمنلي واجرجرها انا بقا...
ابراهيم بصدمة وغضب من تفكيرها: بتقولي اي يا غبية انتي هو دا كل اللي فهمتيه من كلامي وانا لو عايز استغلك كنت هبقي واقف كدا ولا كنت خدتك ركبتك غصب عنك....
الفتاة بإستغباء: ما انت بتعمل اي دلوقتي
ابراهيم بغضب من غبائها: عملت اي يا بنتي وانا جيت جمبك انا طلبت منك بكل هدوء تركبي العربية
الفتاة وهي تنظر له: اركب العربية ليه عايز مني اي
إبراهيم بنفاء صبر فهو يكره الاغبياء ويكره تكرار الكلام: يا صبر ايوب
نظرت له الفتاة بتعجب ولم تكن تقول كلمة اضافية حتي قاطعها هو يصرخ بها:
قسماً بالله لو ما ركبتي دلوقتي لأكون منفذ كلامك و مجرجرك زي ما بتقولي اررركبيي....
صرخت الفتاة برعب وهي تتجه بسرعة الي السيارة ف شكله وهو غاضب مرعب بحق بعيونه العسلية التي اغمقت اثر غضبه....
تنفس إبراهيم بعنف بعدها ذهب لسيارته يقودها بسرعة وهي تنظر له من حين لآخر....
........................................
وصلت ليان هي وعائلتها المنزل دخلت غرفتها بسرعة تتذكر قبل.ة ادم لها التي سلبتها عقلها وهي تعنف نفسها....
غبية مكانش لازم اسمع من العاملة وادخل اوضته ابص في وشو ازاي دلوقتي زمانو بيقول عليا اي....
ولا ليلي اقولها اي....وضعت ليان يدها علي وجهها وهي تتنفس بعنف....
اما في الخارج بعد ان دخلت ليان غرفتها حتي لم تستمع سؤال والدتها هل هي بخير!!...
والدة ليلي بتعجب: هي ليان مالها من ساعة ما كنا عالعشا في بيت عمك وهي ساكتة مبتتكلمش ووشها ميتفسرش
ليلي بابتسامة مصطنعة: معلش يا ماما تلاقيها عايزة ترتاح شوية
الام بخوف: لا انا مش مطمنة انا هدخل اطمن عليها...
ليلي وهي توقفها: يا ماما مفيش حاجة انتي قلقانة عالفاضي ويا ستي عشان تطمني انا هدخل بنفسي اطمن عليها...
الام بعدما هدأت: ماشي يا بنتي ادخليلها انتي وانا هعملكو حاجة تشربوها... وتركتها وذهبت
اما ليلي بمجرد ذهاب والدتها ذهبت لغرفت ليان وفتحت الباب بسرعة واغلقته....
اما ليان بمجرد ما دخلت ليلي ابتلعت ريقها وهي تقول: ليلي انا عارفة اني غلطت لما اا..
انتي لو غلطانة ف انتي غلطانة انك بتحبي واحد مش شايفك ومش ضامنة حتي هو هيحبك ولا لا...
ليان بدموع و غصة: متقوليش كدا انتي اختي بلاش توجعيني بالطريقة دي...
تألمت ليلي من دموعها ونبرتها...ذهبت لها واحتضنت وجهها وهي تقول: ولاني اختك لازم اوفقك لازم تتوجعي وتفوقي بدل ما تعيشي في الوهم ..
انا اختك يا ليان اختك اللي بتحبك اكتر حاجة في حياتها مستحيل اقدر اشوفك موجوعة بالطريقة دي....
ليان ببكاء وهي تحتضن أختها: انا تعبت يا ليلي بقالي سنين بحبه وهو مش شايفني انا كبرت وحبي ليه بيكبر جوايا
ليلي بوجع وهي تضمها لها: انسيه يا ليان انسيه و شوفي حياتك انتي تستحقي واحد يحبك...
سابت ليان حضن أختها وهي بتمسح دموعها: ازاي بس انا انا حاولت كتير كتير أوي وبردو معرفتش....
ليلي بتصميم: ابعدي علي قد ما تقدري سيبي الشغل في الشركة واهتمي بدراستك... اسمعي مني المرة دي بس يا ليان عشان خاطري....نظرت لها برجاء حقيقي حتي توافق
نظرت لها ليان لثواني بتردد ثم قالت: وانا موافقة كفاية أوي لحد كدا انا هسمع منك المرادي وابعد...
حضنتها ليلي بفرحة: ايوا كدا بلا وجع قلب انا مش عارفة بتحبيه علي ايه دا حتي هو ابرد من التلاجة ودمه تقيل....
ضحكت ليان بخفة وهي تضربها علي ذراعيها: بس متقوليش عليه كدا
ليلي بضحك هي الاخري: ايوا كدا اضحكي خلي الشمس تطلع
ضحكت ليان بصوت عالي وهي تستلقي علي الفراش: شمس اي دي اللي تطلع احنا بالليل يا هبل.ة
ليلي بتصنع الغباء وهي تنظر من شباك الغرفة بعدما استلقت بجانت ليان: اي دا بجد تصدقي مخدتش بالي...
ظلوا يضحكو الاختين حتي دخلت والدتهم باكواب عصير...
الام بابتسامة لرؤيتهم يضحكون: اي اللي انا شايفاه دا اي اللي لمي الشامي علي المغربي...
ليلي: ابدا يا ماما حسيت اني محتاجة انام في حضن ليان النهاردة...
ليان وهي تحضن ليلي بحب: وانا كمان
الام بسعادة لرؤية حبهم الشديد لبعضهم رغم مشاجرتهم الدائمة: ربنا يديمكم لبعض يا حبايبي وتفضلو سند لبعض كدا دايما....
انا جبتلكم العصير اللي بتحبوه اشربوه ونامو الوقت اتاخر...
كانت الام ذاهبة لولا صوت ليان الذي ناداها...
ماما
التفتت لها والدتها لتقول ليان بحب ورجاء: ممكن ننام في حضنك انهاردة زي زمان عشان خاطري وحشني حضنك أوي..
ليلي برجاء هي الاخري: ايوا يا ماما عشان خاطري انا كمان...
ابتسمت الام لهم بحب وهي تنفذ طلبهم فهم أغلي حاجة في حياتها...
وسعي كدا انتي وهي...
ابتسمو بسعادة وافرغوا لها مكان ف اصحبت هي بالنصف وليان علي يمينها وليلي علي شمالها.... احتضنوها بحب وهم يغمضو اعينهم بإطمنان لوجود والدتهم....
احتضنتهم والدتهم وهي تدعي الله ان يحميهم ويحفظهم ثم غفت هي الاخري
........................................
عادي اسر الي المنزل وهي يبحث عن آدم يريد معرفة ما جري فهو ما ان أوصل مرات عمه وبناتها حتي دخلوا المنزل ما عادا ليلي التي كانت تذهب ورائهم لولا انه امسك يدها يوقفها.....
فلااااش باااك...
اسر بإستفسار: هو في اي يا ليلي مالك انتي وليان وكنتي بتبصي لأدم بعصبية كدا ليه
ليلي وهي تبعد يدها عن يده بعصبية: ما تروح تسأل اخوك عمل اي جاي تسألني انا ليه..
اسر بجمود: صوتك ميعلاش وادام سألتك يبقي تجاوبيني وبلاش تلفي وتدوري
ليلي بتعجب وسخرية: صوتي ميعلاش وانت بقا هتعمل لو عليت صوتي
اسر بتماسك فقد اقترب ان ينفذ صبره منها: ليلي لآخر مرة هقولك اتكلمي عدل وقولي اي اللي حصل عشان تبقي متعصبة بالطريقة دي وليان مالها كانت نازلة من فوق بتعيط ليه
كاد يكمل كلامه لكنه اوقفه رنين هاتفه المرة التي يعلم عددها اخرجه من جيبه...
نظرت ليلي للهاتف نظرة عابرة ليلفت نظرها اسم نانسي!!!
فصل اسر المكالمة يعود يستجوبها لكنها قالت بعصبية لا تدري ابسبب الذي حدث مع ليان او بسبب ذلك الاسم الذي رأيته يزين شاشة هاتفه.... ايعقل ان هذه الفتاة التي يريد ان يخطبها...
بالطبع اكيد فهو لم يكن هناك علاقات سابقة له في حياته ف هو أخبرها انه لم يحب غيرها...
بنبرة لا تحتمل النقاش: امشي يا اسر معنديش حاجة اقولها
تركته وذهبت ولم تجاوبه ليقرر العودة للمنزل واستجاوب اخيه إن أجاب...
بااااك...
صعد اسر غرفة ادم وفتح الغرفة دون استئذان....
ادم ببرود: مش في باب تخبط عليه
اسر بنفس البرود: والله لما اعرف اي اللي حصل النهاردة دا إبقي المرة الجاية اخبط عالباب حاضر من عنيا...
ادم بتهرب: محصلش حاجة
ادم بنفاذ صبر:لا حصل انا ملاحظ كل حاجة من البداية ف قولي في اي
حكي ادم له ما حصل بضيق ليتفاجأ اسر من حديثه ليقول...
معقول ليان تكون بتحبك!!!
ادم بصدمة....