رواية تكميم
الفصل الخامس
بقلم اميرة سليمان
فجأة و اني لابسه و العشاء إمتاع الفضانية واتي و الناس كيف وصلوا للحوش و جو تصفيق و جو دربوكة و جو بخور و جو اغاني و جو فرحه جو سعادة لين فجأة بوي كان يصكر في الباب و يدخل في الناس للمربوعة فجأة الباب انفتح و خشوا جماعة الأمن و رفعوني و رفعوا فرحتي 💔 لين الكل أنصدم منين جايه ورقه أمر قبض عليه اقعدت نرعش و نبكي هلبا و الخوف كان مسيطر عليه و قعدت في موقف قدام الناس و قدام الراجل لي اختارني نكون مرته و حلاله موقف قدام اهلي و ناسي و جيراني بنت رفعوها و علاش يا حليلي بس الطريق كلها منهاره مش فاهمه شي ياربي شن قاعد ايصير
اول ما انزلت للمركز ..
قالولي طليقك مبلغ عليك سارقه منه مبلغ كبير قعدت نبكي و نقوللهم درت بيهم عملية حرام عليكم هو اصلا السبب 💔
معقولة درت تكميم بسببه مش يرضى عليه توا مبلغ عليه اقعدت في موقف يشهد الله اول مره نحس بكمية الرعب هاذي ...
و الصدمة
___________________
اهلي طول امشوا يجروا يترجى فيه بوي ب شيب امتاعه يترجى في فرخ امس قاليه غير تنازل راهو توا الفلوس في اسبوع تكون عندك بنبيع قطعة أرض طول نعطيك ..
طليقي اشبح على جنب و بصوت عالي اني لا نبي فلوس لا شي نبي البنت ترجع ل حوشها
بوي تي شن ترجع هي اعطيتها خلاص
طليقي هذا شرطي نمشي طول نتنازل و نطلعها توا بسرعة
بوي روح و اقعدت بروحي بين بنات كل وحده عندها قضية و موقف ليلة هاذي كانت ليلة صعبة على قلبي 💔💔💔
نشبح مش مصدقه اني مش في حوشي في مكاني مش في فراشي نشبح لي بنات الشر في عيونهم و كنت بينهم و لا حاجه
النفس انقطع عليه في ليل و جتني حمى قوية و قعددت أمراة تعاني فيه و تقولي توا تتعودي الكلمة هاذي تقتل فيه شن بنتعود 💔💔💔
لين من يوم لي اسبوع و اني قعده مش قادرة نوصل في اهلي في ناسي في لحظة فكرت ندير حاجه في روحي نشبح يمين و يسار 💔🥺 و نردد في كلمت نستاهل لين صكرت اسبوعين و اني بين أربعة حيوط أضعفت نزلت سته كليوا مش قادرة نأكل او نشرب لين 😧😧
_______________________
لين في لحظة انفتح الباب إمتاع الحديد و قالولي هي افراج اول ما اطلعت اشبحت بوي قعدت نبكي هلبا و قتله علاش خليتني أهنا بروحي.
بوي قالي اسبوعين و اني نجري حتى النوم معاش ارقدت طريق كلها كنت ساكته و نفسيتي صفر و الغصة في قلبي و نشبح لي بوي و أمي و دموعي ينزلوا 💔 موقف صعب و صعب هلبا حسيت روحي زي الطفلة الضايعة نحساب روحي بنروح للحوش بنروح لي عيلتي 💔 نحسابهم بيديروا ليه حفلة و غذاء و الناس تراجي فيه و خطيبي راح ايجي للحوش نحساب
روحي بنرقد على فراشي بعد غياب بنرجع لي حضن عيلتي و لي الامان و نحساب روحي بنروح و بنكمل فرحتي و خطوبتي و حاجات عرسي لي جاي من راجل الله يبارك عليه لاكن 😧😧😧💔
لاكن الصدمة💔💔
الصدمة أبدت نشبح في السيارة ماشيه لي مكان ثاني مش شارعنا و ساكتين مافيش حد يبي يتكلم و يقولي حاجة أمي ملتزمة الصمت و بوي معصب و ساكت لين فجأة نشبح في بوي درس السيارة قدام 😧.