رواية حب غير عادي الفصل الخامس5والسادس6بقلم حنين
آدم بصدمة: بتحبني!! لا انت اكيد فاهم غلط
اسر: ما هو اللي انت حكتهولي اي تفسيره معني انه استسلمتك بالطريقة دي يبقي بتحبك وإلا كانت منعتك...
آدم برفض فهي يوماً لم تلمح له انها تحبه ومن هذا الكلام...
لا يا اسر ليان مبتحبنيش والأفضل تكون مبتحبنيش لاني معتبرها بنت عمي وبس...
اسر بتعجب: واي تفسير اللي انت عملته دا...
آدم بحيرة: دي غلطة مني بدون قصد...
اسر بجدية: يبقي لازم تصلح غلطك وتعتزر منها..
آدم بصدق فهو ينوي فعل ذلك عندما يذهب للشركة: انا فعلا ناوي اعمل كدة لما اشوفها بكرة..
ابتسم اسر له وكاد يغادر لولا صوت آدم الذي اوقفه...
انت فعلا ناوي تخطب بنت تانية غير ليلي...
تنهد اسر وهو يقول: ايوا يا آدم
آدم بحيرة: طب ليه أدام بتحب ليلي ليه متتقدملهاش و تخطبها هي....
اسر بجمود: لانها مبتحبنيش انا فعلا كنت ناوي اتقدملها لاني بحبها... بس هي فاجأتني انها بتحب واحد تاني...
آدم بإستغراب: بتحب واحد!! طب ليه دايما بلاحظ انها اا...
اسر بمقاطعة: لا يا آدم ليلي مبتحبنيش بس هي أنانية مش عارفة هي عايزة أيه بتحب واحد تاني بس في نفس الوقت بتحاسبني بنظراتها.... وانا مش لعبة في ايدها..
ادم بحزن عليه: ربنا يقدملك اللي فيه الخير وطالما دا قرارك انا معاك فيه....
اسر ببتسامة وحب: دا اللي انا منتظره منك... انا هروح انام بقا الوقت اتأخر تصبح علي خير....
وانت من اهل الخير... رحل اسر وبقي ادم تسطح علي فراشه وهو ينتوي ان يعتذر من ليان...
اغلق عيونه ونام بعمق بعد يوم مليئ بالأحداث....
.....................................................
في صباح اليوم التالي استيقظ ادم بنشاط اخذ دش وارتدي ملابسه الأنيقة مع ساعته المميزة
واتجه الي شركته....
وصل ادم ودخل الشركة بوجه جامد وخطوات ثابتة... مر امام مكتب مريم ونظر حوله بحثاً عن ليان لكن لم يراها... عرف انها لم تأتي بعد...
ادم: صباح الخير يا مريم ياريت لما ليان توصل تبلغيها اني عايزها... مشي ادم بعض خطوات ولكنه توقف عند منادات مريم له...
استاذ آدم...
ادم برد: نعم خير يا مريم في حاجة...
مريم بتردد: ليان جات النهاردة قدمت استقالتها... ثم ذهبت واعطته طلب الاستقالة...
ادم بصدمة: اييه قدمت استقالتها!!
اومأت له مريم بنعم وحكت له حدث....
فلااااش باك..
استيقظت ليان باكراً وقررت الذهاب لتقديم استقالتها قبل ان يذهب الشركة فهي تعرف موعده....
دخلت الشركة وهي تبحث عن مريم حتي رأتها تجلس علي مكتبها تتابع بعض الايملات....
ليان وهي تناديها: مريم
مريم بإستغراب فهذا ليس موعد حضورها: ليان اللي جابك بدري كدا معادك لسه مجاش
ليان بتصحيح: بس انا مش جاية عشان الشغل انا جاية اقدم استقالتي...
مريم بصدمة: هتسيبي الشركة طب لييه حصل حاجة...
ليان بتوتر: اا لا محصلش حاجة انا بس عايزة انتبه من دراستي انتي عارفة اني في اخر سنة..
مريم بزعل: يعني خلاص كدا مش هشوفك تاني..
ليان بحب فهي تحبها: يا حبيبتي وانا اقدر أستغني عنك هنكون علي تواصل دايما... يلا همشي انا بقي...
مريم وهي توقفها: طب استني استاذ ادم يجي وقدميلوا الاستقالة..
ليان بتوتر فهي اتت باكراً حتي لا تراه: معلش يا مريم إبقي قدمهالو انتي عشان انا مستعجلة... ثم غادرت
بااااااك....
فهم آدم ان ليان لا تريد ان تجتمع به... نظر لمريم...
متشكر يا مريم تقدري ترجعي لشغلك... اومأت له مريم ببتسامة بسيطة ثم تركته وعادت لشغلها.... بينما ادم وقف ينظر لورقة الاستقالة التي بين يديه... وقد قرر الذهاب لمنزلها لرؤيتها للإعتذار وأن ترجع عملها...
كان سيتحرك لكنه وقف يتذكر تحذير ليلي له وان يبتعد عن شقيقتها.... نفخ بضيق وهو يقول...
كدا هتضر استني لحد خطوبة اسر عشان اعرف اكلمها... كلو من أختها انا مش عارف اسر حبها ازاي دي... ثم ذهب ليباشر عمله...
.......................................................
اما عند ليان فهي منذ اتت واخبرت أختها انها استقالت وهي في غرفتها تشعر بالضيق لانها لم تعد ستراه كل يوم كالعادة.... فهي ذهبت باكراً قصدا لانها تخاف لو كان أمامها ان تتراجع في كلمتها مع ليلي ف ان تبتعد عنه فهو له تأثيراً كبيرا عليها....
تنهدت ببطئ وهي مغمضة عيناها تقول: يارب ريح بالي وقلبي واكتبلي الخير في حياتي...
...................................................
مر اسبوع وها هو اتي يوم خطبة اسر ونانسي فهي اليوم...
في منزل محمود عبد الجليل كان المنزل يُزين بطريقة جميلة مع حديقة المنزل المزينة ايضا بشكل مُبهر فهذا يوم خطبة ولده ولو لم يكن راضياً ولكن هو فعل ما يليق به فهم من عائلة كبيرة....
نزل اسر الدرج بعدما جهز نفسه لكي يذهب لنانسي وعائتلها ويأتي بهم... فقد كان يرتدي قميص من اللون الابيض و بنطال من اللون الرصاصي...
قابل اسر والده وآدم ليبتسم لهم...
ادم بمباركة: الف مبروك يا عريس سبقتني وعملتها...
اسر بضحك: ملحقوقة اعملها انت في الجواز وأتجوز قبلي...
ادم بضحك: لا كفاية انت هتودع حياة العزوبية...
ضحك اسر علي كلامه ثم ذهب لوالده يحضتضنه بحب...
محمود ببتسامة: الف مبروك يابني رغم ان الموضوع جه بسرعة وانت فاجأتنا بس المهم تكون مبسوط وربنا يسعدك...
اسر: الله يبارك فيك يا حاج ربنا يخليك لينا....
آدم بتذكر وهو يقول لأسر: مالحق اتصلت با إبراهيم تأكد عليه...
اسر بتذكر وهو يضرب جبهته: تصدق نسيت اعرفه متقلقش هتصل بيه وانا في الطريق عشان متأخرش.... يلا سلام
اما آدم مجرد ما غادر اسر المنزل كان يتحرك لتجهيز نفسه قبل وصول المدعويين لكنه وقف فجأة علي جملة والده...
جهز نفسك يا آدم وروح هات مرات عمك وبناتها مش حلوة يجيو لوحدهم....
لا يعلم لما سُعد بكلام والده فهو واخيرا سيراها ويستطيع التحدث معها فهو منذ اسبوع وهو يحاول ان يتواصل معها عبر الهاتف ولكنها لم تكن تجيب عليه بسبب ليلي التي كانت تمنعها....
آدم ببتسامة: حاضر هجهز واروح اجيبهم...
تركه والده وذهب كي يجهز نفسه هو الآخر
.....................................................
في المساء عند ليان وليلي... كانوا قد انتهوا من تجهيز انفسهم حيث كانت ليان ترتدي فستان من اللون السماوي اكمامه من الشيفون ضيق من الخصر وينزل بإبتساع قليلا مع شعرها الحرير الذي صففته ليصبح مموج قليلاً وايضا مع ميكب رقيق فكانت تبدو كالملاك بهيئتها.....
اما ليلي فكانت ترتدي فستان ستان من اللون الاسود بحاملات مرسوم عليها لحد اقدامها وله فتحة من الجانب وتركت شعرها مفرود ولكنها وضعته علي جانب واحد مع اكسسوار بسيط وميكب رقيق ف كانت تبدو مُهلكة بهيئتها فهي تنافس ليان في الجمال.....
ليلي بإنبهار من مظهر ليان: اي الجمال دا كله راعي شعور السناجل حرام كدا
ليان بضحك: علي اساس ان انتي اللي بتراعي
ليلي ببتسامة: ولا يهمنا واكملت بغمزة... مش ذنبنا ان احنا اللي حلوين..
ضحكت ليان بصوت عالي ثم توقفت عندما سمعت جرس الباب....
ليان وهي تذهب لفتح الباب: خليكي انا هفتح
فتحت ليان الباب لتراه أمامها بمظهره الجذاب الانيق ف قد كان يرتدي قميص باللون الاسود تاركا اول ذورارين مفتوحين رافعا اكمامه قليلا مع بنطال باللون الاسود مع وضع عطره المميز وشعره المصفف بعناية....
شردت ليان بوسامته وكم علمت الان كم تشتاقه فهي منذ اسبوع لم تراه....
اما آدم مجرد ما فُتح الباب و ظهرت بهيئتها المُهلكة تلك حتي نظر لها بإنبهار من اسفل قدمها حتي رأسها فهذه اول مرة يراها بهذه الهيئة ابتلع ريقه ببطء وهو ينظر لملامحها ونظر لشفتيها وتذكر المرة التي قبلها بها وكم تمني ان يعيدها الان!!
هو الذي يحاول التواصل معها منذ اسبوع ليعتذر منها ويقول لها انا نادم... هو الان يتمني ان يعيدها كأنه يقول انا لست نادماً....
قطع هذه النظرات صوت ليلي وهي تقول: لياان بتعملي اي عندك تعالي هنا
ليان بإنتفاضة فهي كانت شاردة به ذهبت تجاه أختها وهي تنظر له بين الحين والآخر بتوتر من نظراته المثبتة عليها...
اما آدم بمجرد سماع صوت ليلي حتي ابعد نظره عن ليان نافضاً تلك الافكار التي اتت لرأسه...
آدم بضيق من هذه الليلي فهو كان يريد ان يتحدث مع ليان...
قال ادم لنفسه: وبعدين بقا في عفريت العلبة اللي كل شوية تنطلي دي...
ليلي بعدم استماع: انت بتقول اي وجاي ليه
ادم بتصنع الابتسامة فهو يشعر انه يريد ان يتخلص منها: مفيش والدي طلب مني اجي اوصلكم بعربيتي ... وأكمل وهو يغيظها....
عشان اسر راح يجيب خطيبته متعرفيش هو فرحان قد اي...
ليلي بغضب لا تعرف سببه: اه الف مبروك ربنا يهنيهم تقدر تتفضل تستنانا في العربية واحنا هنيجي وراك ....
اومأ ادم برأسه وهو ينظر لليان التي خجلت منه وادارت وجهها عنه....
بمجرد ما رأت ليلي ان آدم ينظر لأختها حتي ذهبت واغلقت الباب في وجهه بعنف جعلت ليان تشهق بصدمة من فعلتها....
ضم ادم يده بعنف وهو يضغط علي اسنانه...
اهدي يا آدم اهدي و متتهورش
تنفس بعنف ثم ركب سيارته ينتظرهما..... بعد دقائق اتجهو له مع والدتهم... ف والدتهم ركبت بجانبهم وهم في الخلف...
طوال الطريق كان ادم ينظر بين الحين والآخر لليان التي لم تنتبه له او تظهر له هذا الشيء...
بينما ليلي كانت تنظر له بغضب وهو يقابل نظراتها الغاضبة ببسمة مستفزة....
أوقف ادم السيارة امام المنزل ف نزلو جميعهم تزامناً مع وصول اسر ونانسي وعائلتها...
نظرت له لهم ليلي لتبصر نانسي تضحك وهي تتعلق بذراعه وهو ينظر لها ويبتسم....
ليلي بغيظ: شكله فعلا مبسوط مش مبطل ضحك معاها...
ادم بستفزار من خلفها فهو يشعر ان ليلي تكن لأسر مشاعر من تصرفاتها ولكنها تعاند...
بتقولي حاجة ياليلي
ليلي ببرود: لا مبقولش..
ابتسم ادم ببرود ثم ذهب لأسر الذي ما ان وقع نظره عليها حتي احس ان احدهم القي عليه تعويذة لتسحره بها ف جمالها ليس له حدود....
نانسي بإستغراب: اسر اسر
اسر بانتباه: هاا في حاجة
نانسي: وقفت فجأة ليه يلا ندخل الناس مستنينا
اسر: اه يلا
ابتسم ادم عليه فهو يعرف انه كان ينظره له... مال عليه قائلاً بصوت لم يصل لنانسي وعائلتها:
هتموت من الغيظ علي فكرة
اسر بنظرات استغراب ولكن نانسي لم تعطيه فرصة وجذبته للداخل....
دخل الجميع ورائهم بعد الترحيب بالعروسين...
.................................................
كانت الموسيقي ساطعة في المكان والجميع يقفون يهنئوهم بفرحة
كانت نانسي قد جذبت اسر ليرقص معها علي موسيقي هادئة وهي تقترب منه وتحاوط رقبته بيدها وتبتسم....
اما ليلي كانت تنظر لهم وهي تشعر لأول مرة انها تريد ان علي وشك ان ترتك.ب جر.يمة من هذا المنظر....
اما اسر كان يرقص مع نانسي وعيونه مثبته مع ليلي وقد رأي في عيونها اشتعال لم يراه من قبل....
لم تحتمل ليلي اكثر وخصوصا ان نظرات اسر مثبته عليها حتي قامت من مكانها تخرج للبراندة لاستنشاق الهواء...
أستأذن اسر من نانسي بعض الوقت متحججاً ان لديه مكالمة مهمة وذهب اليها...
اسر من ورائها: بتعملي اي هنا
ليلي وهي ما زالت تنظر أمامها: هكون بعمل اي بشم شوية هوا انت اللي جاي ورايا تعمل اي وسايب خطيبتك....
اسر: عادي جيت اشوفك واشوف اتضايقتي ليه انك شايفاني هخطب نانسي مع اني قولتلك قبل كدا انك بحبك وانتي رفضتيني زعلانة ليه دلوقتي....
ليلي بتوتر وصوت حاولت ان تظهره متجامد لكن داخلها تسأل نفسها نفس السؤال لماذا هي متضايقة وتشعر ان شيء لها ذهب لاخري...
انا مش متضايقة زي ما بتقول انا جيت اشم شوية هوا لاني صدعت من الدوشة و هدخل تاني.... وتركته وذهبت وهو ذهب ورائها.....
ولكن لم ينتبهوا لهذه الواقفة واستمعت لحديثهم وتتوعد لليلي ف اسر لها وحدها!!
نانسي بغضب: مستحيل اخلي حد ياخد اسر مني...
.......................................................
اما عند ادم استغل لحظة عدم وجود ليلي وقرر التحدث مع ليان...
ذهب لها وما كان يتحدث حتي ابصر رجل يبتسم لها وهو يمد يده يطلب منها ان ترقص معه...
لم يعطيها ادم فرصة الرد ف رد نيابة عنها وهو ينزل يد الرجل ينظر له بجمود...
طلبك مرفوض اتفضل امشي
ثم امسك يد ليان يسحبها خلفه للحديقة الخارجية للمنزل حيث لم يكن بها احد...
اوقفها أمامه وهو يقول: بقالي اسبوع بحاول أكلمك مبتروديش عليا ليه وسيبتي الشغل ليه
ليان بتوتر بعدما سحبت يدها: انا هي ليلي منعتني أكلمك بعد اللي حصل وسبت الشركة عشان اهتم بدراستي واا...
ادم بمقاطعة: لا انتي سيبتي الشركة من بعد اللي حصل....
انا حاولت أكلمك عشان اعتذر عن اللي عملته...
وأكمل بسؤال رافضاً اجابة اسر انها تحبه من استسلامها...
اقترب بوجهه قليلا منها يقول: لما قربت منك يومها ليه ممنعتنيش...
توترت ليان وخجلت ولم تجاوب ليكمل ادم بكلام جعلها تنظر له بصدمة...
ولا انتي عادي ان اي حد يقرب منك كدا من غير ما تمنعيه...
صفعته ليان علي وجهه بقوة وهي تصرخ به بعدما نزلت دموعها بصدمة من كلامه...
دفعته ليان وهي تقول : انا بكرهك يا آدم بكرهك مش عايزة اشوف وشك تاني....
تركته وهي تركض للداخل ببكاء من هذا الكلام الجارح هو جرحها وبشدة وهي لن تسامحه...
اما آدم بمجرد ان رحلت ليان حتي تنفس بعنف وغضب وعيناه قد اسودت...
قال ادم بغضب وتوعد: انا هدفعك تمن القلم دا غالي يا ليان
اما في الداخل قرر الاب محمود ان يتحدث بشئ هام ف قال: بشكركم لتلبيتكم دعوة حضور خطوبة ابني ف عايز أخلي الفرحة فرحتين...
بعلن قدام الكل كتب كتاب وفرح ابني آدم علي بنت اخويا ليان محمد قدام الكل....
اسفة يا عمي انا مش موافقة....
الفصل السادس
✨6✨
اسفة يا عمي انا مش موافقة...
قالتها ليان بعدما دخلت وسمعت الحديث....
دخل آدم وقد سمع حديث والده هو الآخر ليُصدم منه...
كان سيرفض هو الاخر ولكن اسر منعه عندما امسك يده...
اسر بتوتر: ادم عشان خاطري بلاش تقول حاجة دلوقتي قدام الموجودين...
ادم بغضب: مش سامع هو قال اي ازاي يعلن جوازي من نفسه من غير حتي ما ياخد رأيي ومين قاله اني عايز اتجوز ليان...
اسر بهدوء وهو يلاحظ نظرات الموجودين موجهة لهم: مش وقته الكلام دا يا آدم خلاص هو أعلن وكل الموجودين عرفوا مش هيبقي حلو ف حقنا اننا نتراجع اهدي ونتناقش فيه بعد الموجودين ما يمشوا....
ادم بغضب وهو يزيح يده من يد اسر: يعني اي مينفعش نتراجع ي... ثم تذكر صفعة ليان له وأكمل....
ادم ببتسامة مرعبة: معاك حق يا اسر مينفعش نتراجع بعد ما ادينا كلمة قدام الحضور والصحافة.... انا موافق اتجوز ليان....
اسر بصدمة: موافق!! بسهولة كدا وانت مبتحبهاش زي ما قولت وكنت هتهد الدنيا دلوقتي لولا اني وقفتك...
آدم بلا مبالاة: اه بسهولة كدا ومش معني اني مبحبهاش اني بكرها.... وأكمل بتصنع... وانا اتفاجأت مش اكتر... متشغلش بالك انت النهاردة خطوبتك مش عايزين حاجة تبوظ اليوم....
تركه ادم وذهب بأتجاه والده وهو ينظر لليان بغضب يتوعد لهاا....
اسر لنفسه بصدمة: تبوظ اليوم!! دا اليوم بايظ من اوله
وصل ابراهيم ليجد جميع الموجودين ينظرون لبعضهم بإستغراب والجو هادئ....
ابراهيم بإستغراب لأسر: اسر الف مبروك معلش اتأخرت...
اسر بسخرية: الله يبارك فيك يا حبيبي انت فعلا اتأخرت...
ابراهيم بعدم فهم: ليه لبستوا الدبل خلاص وبعدين مال الجو هادي كدا والناس متفاجأين دا كأنو عزا مش خطوبة هو في اي بالظبط...
اسر بابتسامة: ابدا اصل ادم هيتجوز عقبالك...
ابراهيم بصدمة: نعمم ها اييه ازاي وامتا اي السرعة اللي انتو فيها دي انا خايف اجي كماان يومين الاقيكم معاكم عيال... هو انا اخر من يعلم في كل حاجة كدا....
اسر بضحك علي مظهره: هيتجوز ليان بنت عمي والموضوع لسه معلون عنه دلوقتي انت اللي جيت متأخر... بس ملحوقة احضر الباقي...
ابراهيم بصدمة: احضر الباقي!! اي الصحاب دي
ضحك اسر عليه ثم اتت له نانسي...
نانسي بضيق: اي اللي بيحصل دا يا اسر ازاي والدك يعلن جواز اخوك ف يوم خطوبتنا...
اسر بعدما أستأذن من ابراهيم وهبوا بعيدا عنه....
اسر بهدوء: انا زي زيك وزي الموجودين اتفاجأت
نانسي: طب ممكن تقولي هنلبس الدبل امتا بابي ومامي قاعدين مدايقين من اللي بيحصل وعايزين يمشوا...
اسر بهدوء: متقلقيش هنلبس الدبل كمان شوية نخلص بس من موضوع ادم عشان الصحافة الموجودة دي روحي انتي دلوقتي عند أهلك عشان ميدايقوش اكتر.....
نفخت نانسي بضيق ثم نظرت تجاه ليلي بغضب عندما رأتها تنظر لها ولآسر استغلت الموقف واقتربت من اسر تضع يدها في ذراعه تأخده معها.... كأنها تثبت لليلي انه ملكها !!
نانسي: طب تعالي معايا...
نظر اسر ليديها ولم يستطع ازاحتها حتي لا ينتبه احد من الموجودين ف ابتسم لها ثم تحرك معها عند والديهاا....
ليلي بغضب: إلهي تتكسر ايدك يا بعيدة...
ثم نظرت لليان الواقفة بصدمة بعدما استمعت عن خبر زواجها من آدم فهي منذ رفضت ذهبت ليلي لها وكانت تنظر لها وتنظر تجاه آسر....
اما والد آدم عندما رفضت ليان حتي فسر الامر امام الحضور بانها خجلت قليلا واستأذن منهم ليتحدث معها....
محمود بابتسامة: ممكن تيجي معايا يا بنتي عايز اتكلم معاكي شوية...
نظرت ليان له بتردد ثم نظرت لليلي التي هزت رأسها لها بمعني إذهبي....
دخل والد آدم غرفة المكتب الخاصة بآدم ودخلت ليان وراءه....
محمود بحنان: تعالي اقعدي يا ليان...
جلست ليان أمامه تنتظر ما سيقوله....
محمود: ممكن اعرف سبب رفضك من جوازك من آدم
ليان بحزن بعدما تذكرت كلامه فهو لو لم يكن قال لها هذا الكلام لكانت الأن اسعد إنسانة علي وجه الارض....
ابدا يا عمي مفيش سبب معين انا بس مش عايزة اتجوز دلوقتي...
محمود: ليه يا بنتي انتي في السنة الاخيرة من دراستك وبتشتغلي في شركة..( هو لا يعلم انها استقالت ادم لم يخبره)
انتي تعرفي ان دي كانت أمنية والدك الله يرحمه انك تتجوزي ادم..
نظرت له ليان بصدمة ودموع: ايه!!
-ايوا يا ليان دي الحقيقة مش ناوية تحققي امنية والدك...
ليان بتردد: بس يا عمي ااد..
-ادم موافق
ليان بصدمة فهي توقعت انه سيرفض هو الآخر لانه لا يحبها: ايه وافق!!
محمود: ايوا هو بذات نفسه قالي كدا برا...
فهو عندما ذهب الي والده كذب عليه وأخبره انه كان سيفاتحه في هذا الموضوع لانه يحب ليان... وبالطبع والده فرح بذلك انه يحبها فهو كان متوقع ان يغضب ويرفض زواجه منها....
اكمل محمود بإطمنان: اسمعي يا بنتي انتي عارفة انك انتي واختك بالنسبالي زي آدم و اسر... وعمري ما اقول او اعمل حاجة تضركم ابدا وانا مش هلاقي لأدم احسن منك ف لو انتي واثقة فيا ومعتبراني ف زي والدك وافقي....
ليان بتأثر: طبعا يا عمي عارفة انك عمرك ما تضرني ابدا... انا انا موافقة يا عمي... بس ماما
فرح محمود جدا واخيرا ستتحق امنيته هو واخيه ثم قال: متقلقيش يا بنتي انا اتكلمت مع والدتك من اول ما جيتو وهي كمان موافقة....
قال محمود بمرح: يعني بكرا هتبقي مرات ابني رسمي...
اهتز جسد ليان بخجل وتوتر اثر هذه الجملة....
ليان بتهرب: انا انا هروح اشوف ماما وليلي...
ابتسم محمود عليها وتنهد براحة لان كل شيء يسير كما خطط له...
خرجت ليان وهي تفكر لماذا وافق آدم..
.......................................................
واخيرا انتهت الخطبة بسلام وذهب الجميع الي منازلهم ليستعدوا للغد فهو حفل زفاف ادم عبد الجليل....
..................................................
في الليل كانت الفتاة التي أنقذها ابراهيم منذ اسبوع واخذها الي بيته لكنه ذهب الي بيته الاخر فهو له بيتين....
تقي بقلق: هو مجاش النهاردة ليه دا حتي متصلش..
فهو كل يوم يأتي اليها ليري ان كان ينقصها شئ وان لم يأتي فكان يقوم بإتصال بها....
قامت بالإتصال به لكنه لم يجيب...
تقي بضيق: اوف يا تقي اكيد نايم الوقت اتأخر اما اروح انام انا كمان....
استلقت تقي علي الفراش شردت في معاملته لها طوال الاسبوع وهي تبتسم... فهي اعجبت به ولاول مرة تشعر ان هناك احد بجانبها ليساعدها ويحميها...
تنهدت بإبتسامة ثم غطت في نوم عميق....
.....................................................
في الصباح استيقظ ابراهيم وهو يأخذ هاتفه لكن لفت انتباهه مكالمة فائتة من تقي ليلة امس ليقلق ابراهيم ويعاود الاتصال بها لكن لم يجد رد.... لا يعلم حقا لماذا يشعر بالمسؤلية تجااها...
فهو تذكر عندما طلبت منه المغادرة حتي لا تكون ثقيلة عليه لكنه رفض...
فلااااش باااك....
اوصلها ابراهيم للمنزل بعدما اشتري لها ملابس وعدة طلبات للمنزل...
ابراهيم: اتفضلي وشوفي لو عايزة حاجة تاني قوليلي عليها عشان اجيبها
تقي بخجل: بس دا كتير أوي انت ساعدتني بما فيه الكفاية كفاية عليك لحد كدا...
ابراهيم: يعني اي
تقي: يعني بشوف اني لازم امشي م ااا
ابراهيم بمقاطعة: تمشي تروحي فين انتي مش هتمشي من هنا
تقي بتردد: بس انا كدا بتقل عليك
ابراهيم ببتسامة: يا ستي وانا اشتكيتلك اما إبقي اشتكيلك إبقي اتكلمي...
ابتسمت تقي بخجل فهو حقا مختلف لم تري احد يساعد انسان بدون مقابل لكنه اتي لكي يثبت لها العكس....
وأكمل وهو يعطيها هاتف مسجل عليه رقمه...
واه خدي التليفون دا معاكي عشان لو احتاجتي حاجة تكلميلي او لو حصل حاجة مش متسجل عليه غير رقمي مكتوب بأسمي....
اخذته تقي منه وهي تشكره بإمتنان ثم اخذت الأشياء منه واغلقت الباب....
بااااااك.......
قرر ان يذهب لها....
وصل ابراهيم امام المنزل ودق الجرس وسرعان ما انفتح الباب...
تقي بلهفة فلا احد يأتي لها الا هو: انت كنت فين امبارح مجتش ليه ولا حتي اتصلت...
ابراهيم بإستغراب: معلش مكنتش فاضي امبارح كنت في خطوبة واحد صاحبي وروحت متأخر نمت ولقيتك متصلة بيا في حاجة محتاجة حاجة...
تقي بتوتر: اا لا ممفيش انا بس لقيتك مجتش قولت اتصل اشوف مالك...
ابراهيم بخبث: اممم يعني قلقتي عليا
تقي بخجل: اه لا قصدي يعني اا
ابراهيم بضحك علي خجلها: خلاص خلاص مفيش داعي تحمري كدا وتبقي شبه الاطفال...
تقي بغضب ووجه محمر: انا مش طفلة علي فكرا انا عندي 19 سنة
ابراهيم: طفلة بردو انتي مش شايفة اللي انتي لابساه...
نظرت تقي علي ملابسها فهي كانت ترتدي سلوبت مرسوم عليها احدي رسمات الكرتون ورافعة شعرها الطويل ديل حصان ولكنها أنزلت خصلتين من الامام ف مظهرها كان طفولي جدا....
نظرت له تقي: ومالو لبسي ان شاء الله انت ناسي ان انت اللي جايبه...
ابراهيم بضحك: لا ولا حاجة انا جبت اللي لقيته هيليق عليكي...وأكمل ابراهيم...
وانا مش هجيلك تاني انهاردة لاني عندي فرح واحد صاحبي عشان متقلقيش... يلا همشي انا بقا لو احتاجتي حاجة كلمني...
كاد ان يغادر لكن يد تقي منعته وهي تتمسك بذراعه...
ابراهيم استني..
ادار ابراهيم وجهه ينظر ليدها الممسكة به وقد شعر برجفة في أنحاء جسده اثر لمستها...
ابراهيم بتوتر: في حاجة يا تقي...
تقي بخجل بعدما ادركت انها أمسكت يده سحبتها بهدوء ثم قالت: اسفة بس انا ممكن اجي معاك الفرح عشان انا زهقت من القعدة في البيت... عشان خاطري
نظرت له برجاء ف صمت ابراهيم ثواني وهو ينتوي التحدث مع آدم ليخبره ان يخبر ليان وعائلتها ان ضيفة ستذهب لهم لحين انتهاء الزفاف....
وبالفعل غاب عنها عدة دقائق ليخبر آدم... ثم ذهب لها
ابراهيم: ماشي روحي البسي هوديك البيت عند العروسة لحد معاد الفرح...
فرحت تقي وذهبت لتجهز نفسها علي السريع بينما ابراهيم ينتظرها امام الباب....
...........................................................
في البيت عند ليان استيقظت علي صوت والدتها او لنقل انها لم تنم من الأساس بسبب التوتر والخوف ف اليوم زفافها علي اكثر شخص احبته واكثر شخص جرحها ايضا جزء منها سعيد وجزء اخر حزين....
والدتها بحب: صحيتي يا حبيبتي يلا عشان تفطري اليوم طويل ولسه عايزة تجهزي...
ليان: حاضر يا ماما قايمة أهو...
دخلت ليلي عليهم وهي تقول: صباح الخير يا عروسة مالحق ادم اتصل عليكي وانتي كنتي نايمة بس انا رديت بيقول في بنت من معارف واحد صاحبه ملهاش حد يعني ف هتيجي هنا لحد بالليل...
الام: يا حبيبتي يا بنتي تأنس وتنور في اي وقت...
ليان: ماشي يا ليلي واهو بردو نتعرف عليها بدل ما انا وشي في وشك كدا علطول..
ليلي: واطية يا بت اه ما انتي هيبقي عندك ادم بقا هتنسينا...
الام بسعادة: ربنا يسعدها ويخليهم لبعض وتبطلو مناقرة انتو الاتنين... انا هروح اشوف اللي ورايا...
ليلي بهمس بعد ذهاب والدتها: بس طلع مش بس انتي اللي بتحبيه... غمزت لها وهي تكمل:
دا طلع هو كمان واقع
ليان بخجل وخوف: بس يا بت انا متوترة لوحدي....
ليلي بجرأة: لا اجمدي كدا لسه التوتر جاي بالليل....
خجلت ليلي من تصريحها ثم طردتها من غرفتها وهي تغلق الباب....
..........................................................
جاء الليل وجاء وقت الزفاف...
كان ادم انتهي من تجهيز نفسه فقد كان يرتدي بدلة باللون الاسود....
اسر بتصفير: لا عريس عريس يعني مفيش كلام..
ابتسم ادم: شكلك زي شكلي اللي يشوفك يقول عريس...
اسر بضحك وهو يعدل جاكيتة البدلة: بجد تشكر يا اخويا..
دخل والدهم وهو ينظر لهم بسعادة واتجه ناحية آدم يحتضنه: الف مبروك يا بني
ادم بإبتسامة: الله يبارك فيك يا حاج...
محمود بحب وفرحة: عيشت وشوفت اليوم اللي هتتجوز فيه وكمان هتتجوز زينة البنات حافظ عليها يابني متنساش انها بنت عمك قبل ما هتكون مراتك...
ادم بغموض اخفاه: اه طبعا مش ناسي متقلقش...
قاطعهم اسر...
اسر: وانا اي مليش من الحب دا جانب ولا عشان هو العريس..
ضحك ادم عليه وهو يغيظه: اه بالظبط زي ما قولت عشان انا العريس
نظر له اسر بغيظ ليذهب له والده ويحتضنه هو الآخر...
وانا اقدر برضو انتو الاتنين أحلي حاجة في حياتي ربنا يخليكم ليا...
اسر وأدم: ويخليك لينا وتبقي سندنا طول العمر...
ابتسم الاب لهم ثم قال: طب يلا انت وهو عشان منتأخرش علي الناس وعشان ادم يجيب عروسته... انا هنزل استناكم تحت متتأخروش...
آدم و آسر في نفس واحد:حاضر جايبن وراك...
........................................................
عند البنات في البيوتي سنتر كانو قد انتهو من تجهيز انفسهم
ف ليان كانت تلبس فستان ابيض ضيق بالكامل علي جسدها شفاف من الاكمام مع طرحة طويلة بيضاء مزخرفة وميكب يليق بها... فكانت ساحرة كالاميرات...
اما ليلي فكانت تلبس فستان قصير بدون اكمام من اللون الاحمر فهي تعشق هذا اللون... وعقدت شعرها كحكة مع إنزال خصلتين من الامام وميكب خفيف.....
اما تقي فقد جاءت لهم البيت منذ الصباح وتعرفت عليهم فهي احبتهم جدا فهي حكتلهم حكايتها وهم احبوها جدا وحزنوا من أجلها...
كانت تقي تلبس فستان من اللون الازرق قد أشتراه لها ابراهيم واعطاه لها... كان مرسوم عليها وطويل وبه بعض اللولي من الرقبة والاكمام.... وقد صففت شعرها الطويل مع ميكب سيمبل...
ليلي وتقي بإنبهار من مظهر ليان: واو اي القمر دا يا بنتي
تقي بتأكيد: فعلا عندك حق دا العريس هيحصله حاجة لما يشوف جمالك دا...
ليان بخجل وتوتر: بجد تسلمولي وانتو طالعين قمرات...
تقي بمرح: لا ازاي واحنا نيجي جمبك حاجة دا اليوم يومك يا عروسة...
ليلي بخبث فهي من كلامها عن ابراهيم علمت انها تحبه: اه دا انتي ابراهيم هيتصدم من جمالك دا وقال بيقول عليكي طفلة يجي يشوفك بس ملحوقة كلها شوية وقت ويشوفك....
تقي بخجل شيديد: بس بقا اسكتي انتي هتستلميني..
ضحكت ليلي وليان عليها وهي تنظر لهم بغضب ثم ذهبت لها ليلي لتحضنتها بحب ابتسمت تقي وهي تشاور لليان الواقفة ان تتجه لهم تشاركهم الحضن... فأصبحوا الثلاثة يحتضنون بعضهم....
جاءت العاملة تخبرهم ان العريس قد وصل...
توترت ليان بشدة وتسارعت نبضات قلبها... لتقول لها تقي...
خليكي هادية متتوتريش...
دخل آدم ليُصدم من مظهر لليان فكانت تبدو في فستانها الابيض كالاميرات....توترت ليان من نظراته ليفيق علي صوت ليلي...
ليلي: احم احم نحن هنا..
ابتسم ادم بتصنع ثم نظر لليان بجمود وهو يأخدها للخارج....
في الخارج كان يقف ابراهيم وأسر امام السيارات...
ثواني حتي خرج لهم ادم وهو يمسك يد ليان ليركبوا سيارتهم الخاصة...
مال ابراهيم علي اسر يقول بأستغراب من نظرات ادم: انت متأكد انو مش مغصوب علي الجوازة دي
اسر: لا ليه
ابراهيم: امال مالو مش فرحان كدا ليه كأن حد قاتيلوا قتيل
اسر : ما انت عارف ادم مبيعرفش يعبر عن مشاعره هو علطول كدا...
كاد ان يرد عليه لكن ما رأه جعله يفقد النطق فهو يري امامه مظهر جعله يُصدم وأول كلمة نطق بقا عندما رأها... فاتنة..
خرجت تقي بعد ليان وادم لتبصر ابراهيم يحدق بها... ذهب اليها وهو مازال ينظر ليها من اعلي لأسفل يقول لنفسه....
وانا اللي قولت عليها طفلة دا انا اللي طفل... احم طالعة زي القمر
تقي بابتسامة وخجل: شكرا
ابتسم لها ابراهيم وهو يقول: اا نمشي
تقي: نمشي..
اما ليلي ما ان خرجت هي الاخري ليذهب اسر لها بغضب..
اسر بغضب وغيرة: اللي انتي لابساه دا
ليلي ببرود: والله انا حرة البس اللي انا عاوزاه ... ثم نظرت ناحية سيارته لتبصر نانسي تقف امامها لتقول...
روح شوف خطيبتك لابسة اي الاول وابقي احكم عليها هي مش عليا انا...
اسر بغضب وهو يجز علي اسنانه: ليلييي اا
نانسي بمقاطعة وهي تنظر لليلي بتوعد:في حاجة يا حبيبي
ليلي في نفسها: حبك عقرب يا شيخة... ثم نظرت لها بقرف وتركتهم وذهبت لتركب في مع ابراهيم وتقي...
..................................................................
في افخم القاعات وصل العروسين ليهنئهم الجميع.... ثم اتم كتب الكتاب... تحت نظرات ادم الباردة و نظرات التوتر من ليان..
واخيرا انتهي الزفاف علي خير ...وصل ادم وليان المنزل بعدما ودعت والدتها واختها... فهم سيسكونوا مع والد آدم ف المنزل كبير جدا...
دخل آدم وليان المنزل تحت توتر وخوف ليان...
اما آدم ف بمجرد ان دخلت حتي دخل هو الاخر وأغلق الباب بقوة جعلها انتفضت وهي تنظر له برعب من مظهره المخيف...
ادم بغضب وهو ينظر لها: جه الوقت اللي ادفعك فيه التمن...