رواية همس الاسر
الفصل الحادي عشر11
بقلم الكاتبة الصغيرة
قفلت المكالمة وبصت ليحيي اللي كان قلقان اوي
يحيي : في اي ايه اللي حصل
لينا : همس اتصلت وهي بتعيط وبتقول حور تعبانة جدا انا لازم اروحلها
يحيي : تمام وابقي طمنيني باللي هيحصل
لينا : حاضر
خرجت لينا بسرعة من المستشفي وركبت عربيتها وراحت البيت بسرعة وهي خايفة عليهم وصلت وطلعت بسرعة للشقة فتحت بمفتاحها ودخلت وكانت همس قاعدة وشايلة وهي بتعيط
لينا وهي بتجري عليهم : في اي ي حبيبتي مالها حور
همس : تعبانة اوي حرارتها عالية جدا وبتعيط وانا مش عارفة اعمل اي
لينا : طيب اهدي وباذن الله هتبقي كويسة قومي معايا يلا البسي وانا عارفة دكتور اطفال هنروحله بسرعة
اخدت لينا حور من همس وهي دخلت لبست وطلعت وهي مستعجلة وخرجت مع لينا اللي اخدتها بعربيتها
بعدها بدقايق وصلوا للعيادة ونزلوا وكانت لسة دموع همس بتنزل علي خدها دخلوا لجوة وقعدوا مستنيين دورهم دخلوا الدكتور
بعد فترة كانوا مروحين وهمس كانت حاسة بالراحة لانها اتطمنت من الدكتور
لينا : ها ارتحتي
همس : ايوة انا كنت خايفة اوي بجد
لينا : قلقتي وقلقتيني علي العموم هي باذن الله هتبقي كويسة بس انتي اول ما نروح تعملي زي ما الدكتور قالك وتدخلي تنامي لانك بكرة هتبدئي شغلك
همس : مش هقدر من بكرة لاني مستحيل اسيبها وهي لسة تعبانة
لينا : بصي انتي هتروحي بكرة شغلك دا اول يوم لو انتي مروحتهوش هتعملي اي بعدها سيبي الموضوع عليا انا هاخد اجازة بكرة وهفضل معاها
همس : بس شغلك
لينا : قولتلك متقلقيش انا هاخد اجازة عادي هيوافقوا انما انتي مينفعش انك متروحيش اول يوم
همس : شكرا ليكي بجد
لينا : هو انتي كل ما هعمل حاجة معاكي هتفضلي تشكريني كدة يبقي انتي معتبرتنيش من العيلة
همس : لا والله ابدا ربنا عالم اني فعلا بعتبرك اختي الصغيرة
لينا : يبقي تسمعي كلامي سيبي حور ليا وروحي شغلك
همس : حاضر
لينا : يلا احنا وصلنا انزلي انتي بحور وغطيها كويس وانا هركن وهجيلك
اخدت همس حور ونزلت من العربية ولينا ركنت العربية وطلعت فتحت الباب لان المفتاح معاها دخلوا لجوة وساعدت لينا همس في الاعتناء بحور وخلتها تدخل تنام عشان ترتاح
*********************************
تاني يوم صحيت همس وجهزت نفسها للشغل واتطمنت علي لينا وحور وانهم مش هيحتاجوا حاجة وبعدها خرجت وراحت للشركة
طلعت همس للدور اللي فيه آسر لانها عرفت الدور من لينا وصلت لمكتبه وطلبت من السكرتيرة تبلغه انها موجودة دخلت لمكتبه بعد ما طلب منها الدخول
همس : السلام عليكم
آسر : وعليكم السلام
همس : انا جيت لحضرتك النهاردة حسب اتفاقنا امبارح ان هبدأ شغلي من النهاردة
آسر : ايوة اتفضلي اقعدي
قعدت همس علي كرسي مقابل له وبصتله واستغربت من اللمعة اللي بتكون في عيونه في كل بتشوفه
همس : انا جيت لحضرتك ع اعرف هشتغل اي لاني لسة معرفش
آسر : انتي هتشتغلي هنا مهندسة انتي حسب الcv بتاعك مش محتاجة لتدريب وعشان كدة هتبدئي شغل علي طول انا هبعت معاكي واحد يعرفك مكان المكتب اللي هتشتغلي فيه
همس : تمام
طلب آسر من السكرتيرة تنادي لشخص لانه محتاجه وفعلا كلها دقايق ودخل عليه
آسر : سليم انا عاوزك تكون مع الآنسة همس ووريها مكتبها وعرفها علي الشركة
سليم وهو بيبص لهمس : كدة بس دا انا عيني ليك
قامت همس معاه وخرجوا من المكتب وهو كان بيعرفها كل حاجة في الشركة وهي كانت مركزة معاه بس سمعت صوت وحدة من وراها
البنت : اي القمر اللي دخل علينا فجأة دا
سليم : اي دا بجد شكرا
البنت : مش انت ي عم انا بتكلم عن القمر اللي جمبك
سليم : اه ي جزمة انتي لسانك دا مش هتربطيه دايما طالقاه علينا
قربت البنت من همس وحضنتها ودا كله كان تحت استغراب همس منها ومن تصرفاتها بعدت البنت عنها
البنت : اقدملك نفسي انا ابقي مني معاكي في الشغل
سليم : دي بقي تبقي ام لسان طويل بتاعت الشركة يعني ميهمكيش شكلها وطولها دا لسانها ييجي ضعف حجمها
مني : نصيحة خديها مني متسمعيش اي كلمة من الحيطة اللي جمبك دا وتعالي معايا انا هعرفك علي الكل هنا
انصدم سليم من كلمة حيطة اللي قالتها المجنونة دي عنه وبصلها وهي بتضحك اول ما شافها كدة ضحك هو كمان
مني : بصي ي ستي دا الحيطة سليم طبعا عرفتيه ودي ابتسام
مني بهمس : متتكلميش معاها لانها مغرورة وعاملة نفسها بنت بارم ديله
ضحكت همس علي كلامها وهي لسة مستغربة من طريقتها في الكلام
مني : ودي تبقي سهير لا دي طيبة ومحترمة كلميها عادي
همس : هو انا ممكن اسالك سؤال
مني : وهو انتي لسة بتسالي
همس : هو انتي كدة ازاي يعني انتي اول مرة تشوفيني وبتتكلمي كدة
سليم : متستغربيش من كدة اومال انتي مفكرة اسم ام لسان ونص دا جالها ازاي ما هو بسبب كترة كلامها دي مبتفصلش
مني : طب وانت مالك انت دي بقت صاحبتي خلاص وانا بتكلم معاها انت شوفتها اشتكت واللا انتي زعلتي
همس : لا طبعا انا حبيتك اوي وحبيت طريقتك
مني وهي بتطلع لسانها لسليم : شوفت امشي يلا بقي شوف شغلك
مشي سليم ومني بدأت تعرفها هلي الباقي وهي مبسوطة وحاسة انها اندمجت معاهم وحبت الشغل فعلا
*********************************
في بيت لينا كانت قاعدة وبتلاعب حور لحد ما سمعت صوت خبط علي الباب شالت حور بين ايديها وفتحت الباب وانصدمت ........