رواية قطتي الشقية
الفصل الخامس والعشرون25
بقلم همس كاتبة
دنيا باستغراب : ماله فراس ؟
غدير بحدة : و انتي ايه الي جابك ؟
رزان : اهدي يا غدير .. دنيا جاية تعتذرلك
غدير : مش عايزة من حد حاجة و لا عايزة حد يعتذرلي
دنيا بدموع : و الله انا اسفة … ما كانش قصدي و الله يحببتي .. و الله ما كنت واعية بقول ايه .. ارجوكي تسامحيني .. انا غلطت و ندمت بس ما استاهلش تعملي بنفسك كدة عشان كلام غبي انا قولته … كنت مدايقة و طلعته كله عليكي .. ارجوكي ما تزعليش .. بصي جبتلك الورد الي انتي بتحبيه
غدير : معملتش كدة بسببك يا دنيا .. انا كنت مدايقة فعلا ما تلوميش نفسك انتي ملكيش دعوة
دنيا : لا ما تكدبيش انا كلامي كان زفت و انتي تاثرتي اوي .. بس والله ما قصدت اجرحك .. منتي عارفاني لساني متبري مني و بقول اي كلام و خلاص
قربت منها و مسكت ايدها و قالت بصوت طفولي حزين : خلاص يا غدير خلي قلبك ابيض و سامحيني بقا
غدير بابتسامة : خلاص يحببتي مش زعلانة منك … انتي طيبة و حنونة و انا عارفة الكلام الي قولتيه مش من قلبك
نظرت الى رزان و قالت بتوتر : شادي كان هنا من شوية
رزان بصدمة : نعم ؟
دنيا : طيب و فيها ايه مهو اخوها و اكيد عرف بالي حصلها و جاي يطمن عليها
رزان بحدة : بعد كل الي عمله اخوها
غدير : جيه يعتذر يا رزان و طلب مني اوصل اعتذاره لمليكة .. يعني معندهوش اي نية وحشة
رزان : ولو .. هو اذى الكل و عمل مصايب .. و انتي كمان كنتي هتروحي فيها بسببه .. لو سمحتي يا حببتي ما تكلميهوش تاني …. لو جدو عرف هيزعل اوي
غدير : مهو مش هيرجع تاني .. هو بس جيه عشان يعتذر و يطمن عليا و راح على طول
رزان : و عشان كدة انفعلتي و عايزة تروحي ؟
غدير بدموع : ايوة يا رزان .. ده مهما كان اخويا و صعب عليا اوي .. قالي مش هيرجع تاني ابدا
رزان : بس ما تنسيش كل الي عمله
دنيا : في ايه يا رزان .. الله .. سيبي البنت بحالها .. ده اخوها و حب يطمن عليها و خلاص … مش هيرجع تاني .. سيبها ترتاح شوية
غدير : انا عايزة اروح .. انا كويسة .. مش بحب المستشفيات
دنيا : طب روحي يا رزان شوفي فراس حصل معاه ايه
رزان : طيب
خرجت رزان بينما دنيا امسكت يد غدير و ابتسمت و قالت : الف سلامة عليكي يحببتي
غدير بابتسامة: الله يسلمك يحبيبتي
**********************
في اوضة اسد
اسد بصدمة : يعني الفكرة كانت فكرتك ؟
مليكة : ايوة
اسد اخذ نفس و قال : انا هتجنن .. ازاي تفكري كدة !!!!!
مليكة : و فيها ايه يعني مهما بيحبو بعض
اسد : مليكة حببتي … حتى لو بيحبها مينفعش يتجوزها كدة
مليكة : مهو مش جواز ده كتب كتاب يعني عشان يضمنها ليه
وضع يداه على وجهها و قال : منا عارف يروحي بس برضو ميصحش … حببتي مش كل الناس بريئة زيك .. مش يمكن بعد الجواز يعايرها ؟ دي بنت و كرامتها غالية عليها .. ممكن تفضل مكسورة طول عمرها لانها اتجوزت بالشكل ده … انا عارف انه خالد كويس و كلنا ضامنينه بس افرضي مقدرش يحبها .. افرضي كان ده بس اعجاب البدايات … ممكن يقل باصله معاها .. محدش يضمن البشر .. الموضوع ممكن يتحل بالنقاش و الحوار من غير تسرع و جواز … انتي مش شايفاها ازاي مكسورة و مش لاقية حد يوقف معاها ؟ ما بالك لو اتجوزها .. هتحس انها جوازة شفقة و مفيش بنت بتحب تتجوز كدة .. و بعدين امها هتخاصمها .. يعني كدة امنية الخسرانة .. احنا المفروض نوقف جنبها و نعملها كرامة
مليكة : انت عندك حق .. عارف … انا بجد فخورة اني مراتك … كل مرة بتأكد اني كنت صح لما فكرت فيك و حبيتك
قربها منه و باسها على جبينها و قال : و انا لو لفيت العالم كله مش هلاقي زيك .. ربنا يخليكي ليا يا مليكة قلبي
مليكة بسعادة : بحب الاسم ده اوي
اسد : مليكة قلبي ؟
مليكة: اه
اسد : انتي مش بس مليكة قلبي انتي روحي و حياتي و كل حاجة حلوة بالدنيا دي
مليكة بحب : انا بحبك اوي يا اسد
اسد بعشق : و انا بعشقك يقلب اسد
مليكة : هروح اشوف امنية
اسد : ماشي يحببتي .. بكرا هتيجي انتي و هيا معايا انا و جدي و خالد عشان نكلم مامتها و نحل المشكلة .. انا هروح اشوف لو جدي كلم عمها و لا لا
مليكة : طب ليه تكلموه ما تستنو لبكرا و خلاص
اسد : لا مينفعش تبات عندنا من غير علم اهلها .. عيب
مليكة : انا خايفة يجو ياخدوها بالعافية
اسد : ميقدروش يحببتي
*********************
رضوى : استاذ امير لو سمحت خلي في مسافة بينا … مينفعش كدة
امير بجدية : رضوى انا مش بتحر..ش فيكي بس انا بجد عايزك و بحبك و الله انا غرضي شريف و عايز اتقدملك بس عايز اضمن القبول قبل كده .. و انتي مش فاهمة الكلام ده
رضوى بتوتر : لو سمحت ما تتكلمش خارج اطار الشغل
امير بحدة : رضووووى .. مش هقدر .. انا بشوفك كل يوم قدامي مش قادر ابعد عنك و نفسي اخدك بحضني و اخبيكي عن العالم ده .. افهمي بقا بحبك و عايز اتجوزك
رضوى : يا اخي و انا مش عايزة .. هو الحب و الجواز بقو بالعافية ؟
امير : واضح انك هتتعبيني .. اسمعي انتي دلوقتي حالا هتحبيني و هتوافقي على الجواز
رضوى بضحكة و مصدومة : و الله ؟!
امير : ايوة .. يلا حبيني
رضوى : لا انت اكيد اتجننت
امير : يعني مش عايزة تحبيني ؟
رضوى بضحك : يا ابني انت رجل اعمال مهم …. مش لايق عليك الحركات دي
امير : رضووووى .. بقولك بحبك … و انتي كمان هتحبيني حالا
رضوى : انا رايحة سلام
امير بسرعة : تعالي هنا … مش هتروحي قبل ما تقوليلي بحبك يا امير
رضوى بضحك : اقسم بالله عيل رخم .. ابعد من وشي
امير : كدة ؟ الله يسامحك
دفعته رضوى و ذهبت بينما هو ينظر لاثرها بابتسامة
*******************
مليكة : انا فعلا اقتنعت بكلام اسد .. امنية انتي لازم ترجعي لمامتك و تقعدي عندها معززة مكرمة و بعدين تتخطبي لخالد
امنية : ارجع ازاي دي كانت تدبحني .. و بعدين افرضي جدك معرفش يقنعها .. و بعدين افرضي بعد ما رجعت جوزوني غصب عني
مليكة باستغراب : هو انتي عايزة ايه بالزبط ؟
امنية بضحكة : عايزاكي تجوزيني عمك المز
مليكة : امنية ما تهزريش .. الموضوع سهل .. و سهل اوي كمان و انا الي اقترحت الفكرة .. بس انتي فكري فيها منطقيا كدة .. انتي هتتجوزي بسرعة و مش هتلحقي تفرحي بحاجة .. غير كدة هتكون الجوازة دي قدام كل الناس جوازة شفقة .. و هتثبتي للكل انك فعلا كنتي على علاقة بالزفت حاتم و خالد الي ستر عليكي و مامتك هتقاطعك و هي ملهاش غيرك … و ما تقوليش تخلف عشان ده مجتمعنا و الناس بتفكر كدة .. بس لما جدي يتكلم مع مامتك و يفهمها الي حصل و تتصالحي هنروح كلنا نطلبك و نخطبك لخالد و تفرحي بكل لحظة بتمر قدام عنيكي و كدة تصوني كرامتك و ترفعي قيمتك عند الكل خصوصا خالد .. ما تستعجليش يحببتي اكيد ربنا شايلك حاجة حلوة
امنية : اول مرة تقنعيني يا مليكة هو في ايه ؟؟ الجواز خلاكي تعقلي و تتكلمي زي الستات
مليكة بضحك : البركة في قرة عيني
امنية : ربنا يحرقه قطع في نصيبي ابن الكلب
مليكة : يحرقك لوحدك .. ربنا يحميه و يحفظهولي .. انتي يا بنتي معندكيش كرامة ؟
امنية بضحك : لا
مليكة : الراجل عايز مصلحتك و انتي بتشتميه .. بجد معندكيش دم .. و بعدين يا زفته كرامتك خط احمر
امنية : ولو خط اصفر هيحصل ايه
مليكة : مبلاش ظرافة اقسم بالله اضربك على وشك
*******************
بعد وقت
صباح بشهقة : يا بنتي ايه الي رجعك دلوقتي .. انتي المفروض تفضلي تحت المراقبة
غدير : انا مش تعبانة .. بقيت كويسة يا تيتة ما تقلقيش
صباح : طب تعالي يحببتي ارتاحي
رزان : انا هساعدها تطلع لاوضتها
صباح : ايوة يا بنتي ساعديها .. و انتي يا دنيا وضبي اوضة الضيوف للضيفة
دنيا بأستغراب : انهي ضيفة
صباح : امنية .. هتنام هنا الليلة
رزان بصدمة : ليه في ايه ؟
صباح : خلي ايمان تفهمكو انا عندي شغل .. بقولوكو ايه اهتمو كويس بالبنت عايزاها تحس انها في بيتها
رزان بقلق : طيب طيب هروح اشوفها .. تعالي يا غدير اوصلك الاول
دلفت رزان الاوضة
مليكة : ايه ده غدير .. تعالي ارتاحي يا حببتي
رزان : مالك يا امنية .. في ايه
امنية : يووه حكاية طويلة
رزان بقلق : انطقي قولي في ايه
شرحت لها امنية كل ما حدث بالتفصيل
رزان : طب مامتك مش عارفة تربيتها مثلا ؟!!! انا مش فاهمة التخلف ده هيفضل في المجتمع ده لامته
امنية : تخلف بعينك ما تلقحيش كلام
رزان : اخررسي .. و بعدين مليكة عندها حق .. ازاي موافقة تتجوزي خالد بالطريقة دي … ايه الروايات لحستلك مخك ؟؟ اين الكرامة ؟؟
امنية : اسكتي يا ولية البنات قاعدين
دنيا بضحك : لا خلاص محنا عرفنا انك مهزقة و بتتدلقي على الراجل
امنية لرزان : عاجبك كدة اهو سمعتنا بقت في الحضيض
دنيا : طب بقولوكو ايه طالما امنية مشرفانا و غدير رجعت بالسلامة من المستشفى.. يبقى نعمل سهرة بنات و نتبسط بقا
مليكة : و الله فكرة اهو نفك شوية و نغير جو
دلفت ايمان و قالت : تعالو اتعشو يلا
رزان : يلا انا هموت من الجوع .. هجبلك تتعشي هنا يغدير
غدير : لا انا زهقت لوحدي هنزل اكل معاكو
مليكة : طب تعالي معايا .. يلا انتو كمان
*******************
ابراهيم : مالك يا رضوى يا بنتي .. مش على بعضك ليه .. اوعي يكون هشام مزعلك في الشغل
هشام بضحك : هو ده كلام برضو .. لا طبعا هي مدايقة بس عشان اسد قالها انه هيبدا يحضر لفرحه و هي هتشيل عنه
ابراهيم بضحك : لا ملكيش حق لو ما وقفتيش معاه في فرحه اومال مين هيوقف معاه
رضوى بضحك : يا بابا و الله ما قولت حاجة و بعدين انا مش تعبانة من الشغل انا بس اتخانقت مع صاحبتي
ابراهيم : بالناقص منها .. الي تزعلك ما تصاحبيهاش تاني
رضوى بضحك : حاضر يا بابا
ابراهيم : و انت يا خالد ما تحملش نفسك فوق طاقتك اوعدك البنت هتكون ليك
خالد بسرحان : ان شاء الله
مهران : يا خالد الموضوع مش مستاهل كل القلق و الزعل ده .. اكيد بكرا كل حاجة هتتحل و هتكون البنت دي ليك
خالد بزفير : ان شاء الله يمهران من بوقك لباب السما
زينب : طب بس عشان البنات نزلو
ابراهيم : تعالي يا غدير ارتاحي انتي لسا تعبانة
غدير بابتسامة : و الله بقيت كويسة
صباح : تعالي يا حبة عيني اقعدي جنبي … و انتي يا امنية في بيتك يبنتي ما تتكسفيش
امنية بابتسامة: ربنا يخليكي لينا يحببتي
هشام : ايه رايك يابا اخر الشهر ده نعمل فرح اسد على مليكة
ابراهيم : انا شايف انه مناسب .. انت ايه رايك يا مهران ؟
مهران : برضو انا بقول كويس .. و منها تكون مليكة ارتاحت شوية قبل الفرح
اسد : طيب على كدة هنبدا نجهز من النهاردة .. و لازم نتفق على التجهيزات مع بعض
ابراهيم : خلاص كمان شوية بعد ما نشرب الشاي نروح اوضة المكتب و نتكلم بكل حاجة
ساد الصمت لبعض الوقت
سليم ببرود : انا ان شاء الله بعد الفرح هسافر الامارات
هشام باستغراب : ليه اشمعنا
سليم بهدوء: هشتغل بالفرع بتاعنا الي هناك
ابراهيم بصدمة : و ماله الفرع الي هنا ؟ يعني عايز تستقر هناك ؟
سليم : مش عايز افضل هنا … يعني لو سافرت سنتين زمان هيبقى كويس ليا
تجمعت الدموع بعيون غدير بس مسكت نفسها و اظهرت عدم اكتراثها
ضغطت يد مليكة على يدها تحاول تهدئتها
رزان : و انت فلحت هنا يا سليم عشان تفلح هناك ؟
سليم : و انتي مالك ؟ حاشرة نفسك ليه ؟
فراس بحدة : سليم
سليم : و انت مالك انت التاني ؟؟ انا حر اعمل الي انا عايزه
فراس : طيب اعمل الي انت عايزه من غير وقاحة
سليم كان هيتكلم بس صباح قاطعته و قالت : اضربو بعض .. يلا مستنين ايه ؟؟ احترمو الكبار على الاقل
ابراهيم : كفاية خناق و كل واحد يركز في طبقه .. و بعدين يا سليم نتكلم بموضوع سفرك
نهال بهمس : انتي مش هتعرفي تتلمي .. انتي ايش حشرك
رزان : مهو انسان قليل ادب و سافل
نهال : رزان مش عايزة مشاكل مع العيلة خليكي عاقلة اصلا انتي السبب
رزان : هففف طيب
********************
بعد وقت
رضوى بابتسامة: قالي بيحبني .. و هو على طول بيحاول يتقرب مني
ايمان : الله .. ايه الرومانسية دي يا بت .. عنيكي بقت تلمع زي المراهقات .. شوية و هتطلعي فراشات حب من كل مكان
رضوى : انتي مش عارفة انا برتاح معاه قد ايه .. عمري ما حسيت الاحساس ده …ايمان احساسي ناحيته مختلف تماما عن احساسي الي كان تجاه هاني .. حاسة نفسي مبسوطة و عايزاه يفضل يتحايل عليا احبه
دلفت مليكة و قالت : انا اسفة قطعت حديثكم .. بس عايزة شاحن موبايلي
ايمان : خودي يختي
مليكة بخبث : هو في ايه
رضوى بتوتر : مفيش
ايمان : لا في .. عمتك يا بت عشقانة و مش راضية تعترف
رضوى : اخرسي
مليكة : ايمان اتلمي .. حتى يا رضوى لو الكلام ده صح .. انتي من حقك تحبي و تتحبي و باين عليكي فعلا غرقانة بالغرام .. نصيحتي اعترفي ليه بحبك و عيشي حياتك
رضوى : ايوة ده الكلام الي يتسمع مش زي المتخلفة دي
ايمان ؛ انا الحق عليا سايبة خطيبي و قاعدة اسمع كلامك التافه … هروح اكلم حمودة احسن
مليكة : يختي النحنوحة .. طب بقولوكو ايه الليلة هنسهر و نعمل قعدة بنات .. هتسهرو معانا ؟
رضوى : طب ليه بنات بس ما نسهر مع الاولاد .. عشان خالد و امنية يقعدو مع بعض يعني
مليكة : لا يختي رزان و سليم هيتخانقو زي الضراير و بعدين بصراحة مش عايزة غدير تقعد معاه و لا تشوفه .. و اسد مشغول مع جدو و فراس تعبان ما نامش كويس .. نبقى نسهر بنات و بس
رضوى : طب يلا انزلي حضري حجات حلوة نتسلى بيها
ايمان : اه و حضري فيلم رعب كمان
رضوى : اه و ما تنسيش الدونات الي بتعمليها كل مرة
مليكة : ليه هو انا الخدامة الفلبينية الي جايبينها .. قومو معايا يلا
*******************
في اوضة المكتب
ابراهيم: ممتاز كدة كل حاجة تمام و ان شاء الله هتمشي زي محنا عايزين
اسد : ان شاء الله
نظر ابراهيم الي مهران السرحان و كانه بعالم اخر
ابراهيم : مالك يمهران .. حاسس انك عايز تقول حاجة
مهران : ايوة … انا مش موافق على فراس .. مش حاسس انه مناسب لبنتي …