رواية مهمه سريه الفصل الاول1 بقلم اسيل
**مصر (سنة 1966)**
عمر: هنعمل إيه دلوقتي يا سيادة العقيد؟
عبد الله: هنقبض على "يحيى" ومش هنسمح له يدخل الشحنة...
محمد: بس يا سيادة العقيد... المهمة دي ممكن تكلفنا حياة ناس كتير...
عبد الله: هنخاطر... عشان نحافظ على أمان بلدنا...
فريدة: ماشي... أنا موافقة...
عبد الله: معادنا بكرة إن شاء الله...
عمر: إن شاء الله...
بعد يوم، جه المعاد المنتظر... دخل الضباط في اشتباكات عنيفة مع المافيا... لكن القدر كان كاتب إن العقيد عبد الله يفقد حياته... وباقي الأفراد ينسحبوا... وتفشل المهمة... ويعتزل عمر ومحمد الشغل مع الشرطة... وفريدة تكمل شغلها في الخفاء...
تعريف الأبطال:
- **عمر الشهاوي**: شاب وسيم، شغال مع الشرطة المصرية، متجوز فريدة وعنده ولدين.
- **محمد الألفي**: صديق عمر المقرب وأخو فريدة، شغال في المخابرات المصرية.
- **فريدة الألفي**: مرات عمر وأخت محمد، عنيدة وما بتستسلمش أبداً لحد ما تخلص اللي بدأته.
---
**بعد 58 سنة...**
**مصر (4/2/2024)**
خرجت الجميلة اللي عندها 21 سنة من البيت رايحة الكلية...
آيريس (بملل): أوف، كل يوم محاضرات ودروس... زهقت بقى... إمتى الدراسة تخلص؟
تالا (بمرح): متوقعة إيه يا عزيزتي؟ فاكرة نفسك هتعيشي الحب والرومانسية؟ ده في الأفلام والمسلسلات بس...
آيريس: نفسي أجرب حاجة جديدة، حاجة محدش جربها قبل كده...
يدخل إدريس يقول...
إدريس: قلتي حاجة جديدة؟
اتفاجئوا البنات من تدخله المفاجئ... ردت آيريس بفزع...
آيريس: خوفتنا...
ضحكوا التلاتة ودخلوا قاعة المحاضرات...
**في مكان تاني...**
بيصحى الشاب الوسيم اللي عنده 33 سنة، يصلي ويعمل شوية تمارين رياضية ويلبس بدلته ويجهز لروحه للشغل... هو أكبر جراح أعصاب في مصر الدكتور "مهاب الشهاوي"...
راح المستشفى وقابل زميلته "أميرة"...
مهاب (بابتسامة): صباح الخير...
أميرة (بخجل وابتسامة): صباح النور يا مهاب...
تعريف الأبطال:
1. **آيريس الشهاوي**: بطلة الرواية، بشرتها بيضاء وعيونها فيروزية، شعرها أسود، عندها 21 سنة، بتحب المرح والضحك والابتسامة ما بتفارقش وشها.
2. **نيار الشهاوي**: أخو آيريس الكبير، وسيم وعضلاته مفتولة، رياضي، شبه آيريس في الشكل والصفات، ضابط شرطة عنده 25 سنة.
3. **مهاب الشهاوي**: أخو آيريس ونيار، دكتور وجراح أعصاب، لكن ضابط شرطة، جاد جداً، بيشتغل لمصلحة وسعادة أخواته، شبه آيريس ونيار في الشكل، ولي عهد أبوه، عنده 33 سنة.
4. **رائف الأنصاري**: صديق نيار المقرب، شريكه في المرح والتفاهة، بيتحول لشخص تاني في اللحظات الجادة، شعره أشقر وعيونه عسلية، عنده 26 سنة.
5. **تاليا الألفي**: صديقة آيريس المقربة، لكنها حقودة جداً، عندها 21 سنة.
6. **أميرة سامح**: بنت يتيمة وزميلة مهاب في المستشفى، هادية جداً، عندها 29 سنة.
7. **فتحي الراوي**: راجل حقود استغلالي، عنده شخصية قاسية انتهازية، عنده 60 سنة، هنشوف دوره بعدين.
---
مهاب: يلا نبدأ الشغل...
أميرة: حاضر...
**في الجيم في الإسكندرية...**
نيار (بتذمر): يا رب ارحموني... تعبت اوي...
قال الجملة دي الوسيم اللي عنده 25 سنة، رغم إنه في الشرطة إلا إنه كسول جداً...
رد عليه صاحبه بمرح...
رائف: جريت كام مرة عشان تتعب كده؟
نيار (بتذمر): نكدي...
**في مكان تاني لأول مرة...**
فريدة: جه الوقت المناسب...
عمر: آه... هيكملوا مسيرتنا ويحققوا اللي ما قدرناش نحققه...
يتبع