رواية نظرة عمياء الفصل التاسع والعشرون29والثلاثون30بقلم زهرة الربيع
مكنتش اعرف انك بتكرهيني كده..ده احنا حتى بنا عيش وملح..واوضه وسرير ولا نسيتي يا ..دكتور
ابتلعت ريقها وقالت
• حازم ارجوك بلاش الكلام ده...انا بعمل كل الي انت عايزه..بلاش بقى كل شويه تهدديني
ضحك بسخريه وقال
ولسه..ولسه هتعملي الي انا عايزه للاخر يا دكتور...علشان احنا نفضل حبايب
❈-❈-❈
في بيت المزرعه تحمم عماد وارتدى بدله قديمه كانت لديه لانه لايذهب للسوق ابدا وركب معها وقال بحرج
• معلش..على الطريق احلق واغير البدله اصل انا مش بطلع كتير
ابتسمت بسخريه وقالت
• ده انت شكلك مخرجتش ابدا من المزرعه دي ..مكنتس اعرف ان الندم بيعمل كل ده
ابتسم بدموع وقال
• وان شاء الله متعرفيش ابدا يا تمار
نظرت امامها وقالت بضيق.
• متخافش انا مستحيل اغلط في حق حد لدرجه تخليني اندم بالشكل ده
وقادت السياره وذهبو الى صالون حلاقه ومنه الى محل ملابس ورجع كما كان انيقا جميلا كالعاده واتجهو الى منزلهم
❈-❈-❈
اما وليد فقد كان يجلس مع رؤى التي كانت تبكي بشده وتنهد بضيق شديد وقال
• ياروؤى حرام عليكي بقى بقالك ساعه بتبكي..مش كده يا حببتي دي العربيه اتخبطت في عامود امال لو كانت خبطت شخص كنتي عملتي ايه
نظرت له بضيق وقالت مسرعه من بين شهقاتها
• لو خبطت شخص مكنتش زعلت كنت هنزل امسح بيه الاسفلت واخليه يدفع تمن العربيه الي باظت علشان ياخد بالو بعد كده بس ازاي همعل كده مع العامود مش هعرف ادفعو تمنها
وعادت للبكاء من جديد بصوت مزعج
تنهد قائلا
• يا قلبي ما انا قولتلك لو على الفلوس هصلحهالك على حسابي وانتي الي مش راضيه
نظرت له بطرف عينها وقالت
• ليه بقى ان شاء الله هتمن عليا اسيادتك..لا طبعا..انا هصلحها وهدفع لها بقى كل الي معايا..علشان اتأدب واعرف اخلي بالي من السواقه..واهو كمان لسه اما عثمان يعرف هينرفزني بقى ويخصم من مصروفي الي مفضلش فيه حاجه من كتر ما خصم منو..بكره اتخرج واشتغل واوريلو كل ده
ضحك وليد وقال
• انتي مش هتبقى محتاجه تشتغلي لانك هتبقى حرم وليد الوزان...انا خلاص بدأت شغل في مشروعي في شركة عمي وان شاء الله ينجح ومش هخليكي ناقصه حاجه ابدا
ابتسمت وقالت
• انت كفايه انك حاولت و اشتغلت انا مكنتش متخيله انك ممكن يجي يوم وتشتغل وتعتمد على نفسك
تبسم قائلا
• كلو علشان عيونك بس
قالت بسعاده...بجد يا وليد يعني بتحبني
توترت ابتسامته وقال بتردد
• احم...طبعا..طبعا بحبك..فيه حد ميحبش القمر ده كلو
ضحكت بسعاده وقبل ان تتكلم جائه اتصال من تمار فقام مسرعا وقال
• يا خبر انا نسيت ده عماد جاي انهارده وانا نسيت على طول
نظرت اليه بزهول وقالت
• عماد ...عماد ابن عمك هيرجع البيت
اتسعت عيناه وقال بتوتر
• عماد انا قولت عماد
قالت
ايوه قولت عماد ده ايه الي هيجيبو عندكو تاني
بقلم...زهرة الربيع
نظر اليها برجاء وقال
• رؤة يا حببتي تمار قالتي مجبش سيره انو جاي خصوصا لعثمان لحد ما هيه تقلو اوعي تغلطي قدامو متبقيش لسانك فالت زيي
وتنهد قائلا
• انا بقول لمين اصلا ده انتي كلك فالته مش بس لسانك..بس وانبي المره دي ما تنسي وتوديني في داهيه
ابتسمت قائله
• يا عم عيب عليك متقلقش سرك في بير
قال بقلق
لا ما انا عارف البير بتاعك مخروم...بلاش البير ده ..خليه جوه ...جوه ....مش عارف جوه ايه كلك بتنقطي...بصي خليه جوه بطنك ده المكان الوحيد الي بيحافظ عندك
ضحكت وقالت
• خلاص يا عم سرك في الامعاء من جوه
تنهد بقلق وقال
• ربنا يستر
❈-❈-❈
في منزل الوزان كان عماد بجوار والده الذي كان يبكي من شدة السعاده وقال بدموع
• شكرا يا اتمار شكرا يا بنتي انا مش مصدق انك سامحتيه..ربنا يخلي قلبك الطيب يا بنتي
تنهدت بضيق وقالت بابتسامه
• المهم تكون مبسوط يا عمي
ونظرت لزوجة عمها التي كادت تطير من فرط السعاده وقالت بضيق
• انت اهم عندي من نفسي والي يشوف غير كده غلطان
اخفضت سهر راسها ارضا ولاكنها كانت سعيده جدا بعودته..وظلو يتسامرون سويا حتى رجوع وليد
ركض وليد الى عماد واحتضنه قائلا بسعاده
• وحشتنا يا عمده وحشتني قوي
تبسم عماد يحتضنه بسعاده وقال
• انت اكتر يا وليد والله وجلسو مع محمد الذي كان في قمة السعاده
اما رؤى فقد كادت تخرج من المطعم فجأها اتصال من اخاها واخذت تحادثه وتحكي عن يومهت وكل ما حدث منذ البدايه حتى قال بملل منها
• خلاص يا رؤى اكلتي دماغي يا حببتي عرفت انك مش غلطانه وانو العمود هو الي مكانو غلط ..مش هخصم من مصروفك متخافيش...المهم خلي وليد يوصلك علشان مشغول شويه
قالت سريعا
• لا ارجوك انت لازم تيجي تاخدني انا قولتلو انك هتيجي توصلني كنت هروح معاه بس هو مستعجل تمار اتصلت عليه علشان يجي يسلم على عماد و...
قطعت حديثها بصدمه من غبائها واتسعت عيونها بزهول وابتلعت ريقها بصعوبه
وقف عثمان بزهول وقال
• عماد..عماد ابن عمو....هو ايه الحكايه ..رؤى اتكلمي ردي عليا
بقلم..زهرة الربيع
❈-❈-❈
في منزل الوزان كانو يجلسون سويا حتى قالت تمار
• وليد انت كنت فين كل ده..ده انا رنتلك كتير
قال وليد بارتباك
• كنت في مشوار كده والتليفون كان صامت
قالت سما بضيق
• كان مع رؤى هانم كانت معاها مشكله وهو طبعا حلال المشاكل ديما
قال عماد باستغراب
• هو مين رؤى دي كمان..جو جديد ولا ايه
كاد يرد عليه ولكن تمار وقفت وقالت مسرعه
• كنت مع مين.. مع رؤوى ..اوعى تكون غلطت بلسانك قدامها ياولبد
ابتسم وليد بتوتر وقال
• ايه الكلام ده...عيب عليكي ياتمار هو انا صغر
كادت ترد عليه ولكن جائها اتصال من عثمان وحين رأت اسمه على شاشة الهاتف اغمضت عينها بغضب و نظرت لوليد بغيظ وقالت
• لا ابدا انت صغير انت ده انا الي صغيره الي بقولك اصلا
اخذت الهاتف بغضب ودخلت لتحادثه وحين فتحت المكالمه قالت بتوتر
• ايوه يا حبيبي
اتسعتهيون عماد حبن يمع هذه الجمله وزهل بشده واخذ قلبه يضرب بعنف قائلا لوليد
• ايه تلي انا سمعتو ده ..قالت حبيبي..مين ده يا وليد
نظر له وليد بارتباك شديد وقبل ان يتكلم قالت سما مسرعه
• ده دكتور عثمان...حبيب تمار وهيتخطبو قريب ابقى بارك لها
نظر لها وليد بغيظ وقال
• انتي قاعده تقولي الاخبار هنا..اديه نمرة العربيه بالمره يمكن يحتاجها
وقف عماد بغضب وقال
• قوم معايا عايزك.. قوووووم
قال وليد بارتباك وخوف هخلص القهوه
• امي بتقول القهوه بتدعي على الي يسبها
جذبه عماد من يده بغضب قائلا
• يلااااااا
فضطر للذهاب معه الى المكتب بخوف
حين دخلو ابتعد وليد قائلا بقلق
• استهدي بالله انا هفهمك كل حاجه
امسكه عماد من قميصه بغضب وقال
• من امتى وهما على علاقه وكنت ناوي تقولي امتى لما يتجوزو
نظر له وليد بخوف وقال
• اهدى علشان افهمك الي حصل و
اكن قاطعه عماد قائلا بغضب
• تفهمني... تفهمني ايه..ان مراتي على علاقه بواحد وهيتخطبو وانا اخر من يعلم
نظر له بخوف وقال
• اششش وانبي تهدى يا عماد وطي صوتك دي بتتكلم بره لتسمعنا ... متنساش انها متعرفش انها لسه على زمتك دي لو عرفت مش هتسامحنا لا انا ولا عمي وهتخرب الدنيا ابوس ايدك
الفصل الثلاثون30
متعرفش انها لسه على زمتك دي لو عرفت مش هتسامحنا لا انا ولا عمي وهتخرب الدنيا ابوس ايدك وطي صوتك
هدر به بغضب شديد وقال
• اوطي صوتي ازاي انا سمعتها قالتلو يا حبيبي..واختها بتقول بمنتهى البساطه متحبو وهتتجوزو
قال وليد بقلق من صوته وغضبه
• مهو مهو سما متعرفش جاجه بس اكيد مش هنسيبها تتجوز..هتتجوز ازاي وهيه متجوزاك..وبعدين انت عايزنا نقولها ايه يعني..معلش يا تمار مينفعش ترتبطي لاننا ضحكناعليكي وانتي لسه مرات عماد ..ومكنش فيه طلاق واحنا واستغلينا عماكي ومضيتي على ورق فاضي اعقل كده وخد بالك من تصرفاتك
تنهد عماد محاولا تهدأت اعصابه ثم قال
• ليه محدش قلي ليه..كان لازم تدوني خبر و
قال وليد بدهشه من كلامه
• لا والله الفروض نقولك..وده ازاي بقى بعد عملتك الهباب دي...انا وعمي وافقناك لما جيت قولتلنا انا مش عايز اطلقها بس مجبر وساعدوني واترجتنا..رغم انك مقبلتش تقول اسبابك ولا ايه الي جابرك على كده بس وافقنا وقلنا نساعدك لانها هيه كمان مش قابله بالطلاق..وفضلنا مخبين الموضوع وعمك اتفق مع المأذون وكنا معاك في كل خطوه..لكن..لكن في الاخر تطلع انت الي اعتديت عليا يا عماد..انت الي عملت فيها كده..انت عارف انا وعمي حسينا بالذمب قد ايه لما عرفنا..لو كان عندنا خبر مكناش وثقنا فيك وساعدناك
بقلم...زهرة الربيع
نظر له عماد بدموع وقال
• انا..انا مش هقدر افهمك الي حصل و
قال عماد ساخرا..طبعا..طبعا زي العاده معندكش اي تفسير ولا اي تبرير..اسمع يا عماد..انا وعمك تعبنا كل الفتره الي فاتت واحنا مخبين عليها..ومش راضين نقولها حتى اوراقها الشخصيه مش سايبينها معاها..وقلبنا كان هيقف لما عملت العمليه وخفنا لتعرف وكنا هنتكشف اكنر من مره..بس مع ذلك لو هتقدر تصالحها وترجعو زي الاول هفضل معاك رغم كل الي عملتو.. انا حابب انكم تكونو سوا وتحافظو على الباقي من حبكم
جلس عماد بدموع وقال..حب ايه بقى...تمار حبت غيري..خلاص نسيتني انا مش قادر اصدق
تنهد وليد ووضع يده على كتفه وقال
• لا يا عماد..تمار بتحاول تنساك لحد دلوقتي عثمان بيتحايل عليها على اي خطوه رسميه بنهم بس مش راضيه...ده معناه ان قلبها لسه معاك
تنهد بحزن وقال
• تفتكر
قال وليد بابتسامه
• افتكر ونص ..انت بس حاول ..حاول تفكرها بالي بنكم..حاول ترجعها تمار الي قبل الليله الهباب دي
تبسم عماد ونهض قائلا
• هحاول يا وليد..تمار تستاهل مليون محاوله
❈-❈-❈
اما تمار فقد كانت تتحدث على الهاتف وقالت
• يا عثمان يا حبيبي انا جبتو علشان عمي اهدى بقى
قال بغضب شديد
• اهدى ازاي البني ادم ده مش هقدر ابقى مرتاح وهو معاكي في بيت واحد مش هقدر بعد الي عرفتو
قالت تمار بدموع وصوتها يرتجف الما
• يا عثمان..بقولك انا كمان مضطره على وجدو
حاول ان يهدأ قليلا حين سمع صوتها المرتجف وقال متنهدا
• تمام..تمام يا تمار انا هاجيلك كمان ساعه...ونتفاهم
• قالت تمار بابتسامه..تمام..وانا عايزه اشوفك.. ولله يا حبيبي انا مضطره انت عارف انت ايه بالنسبالي ومبحبش ازعلك ابدا
في هذه الاثناء خرج عماد وسمع ما قالت شعر بقلبه يحترق ضم يديه بغضب شديد وذهب اليها غاضبا وجذبها من يدها بقوه
زهلت تمار ونظرت اليه بتعجب وقبل ان ينطق سمعو صوت وليد يقول بصراخ
• اااااه...اه يا امااااااا ا اه الحقونييييي الحقونيييييي
نظر له هماد بزهول وانهت تمار مكالمتها مع عثمان سريعا وذهبو له ركضا
وجائت سما مسرعه وقالت
• فيه ايه بتصرخ كده ليه يا وليد
كان وليد يجلس على الارض ممسكا قدمه وقال بارتباك
• انا..انا بصرخ ليه..اه اه افتكرت رجلي رجلي اتلوت وجاني صداع
نظرت له تمار بعدم فهم وقالت
رجلك...وصداع... ايه دخل لويت الرجل بالصداع
وقف وليد وقال سريعا
• انا كده لما بتوجع بصدع..ولما بصدع برجع..يعني كلي متوصل على بعضي على العموم انا بقيت تمام هاخد ابن عمي حبيبي علشان وحشني وعايز اتكلم معاه
وجذبه من ذراعه قائلا وهو يضغط على اسنانه
• يلا يلا ياعمده ده انت واحشني اوي
نظرت سما لتمار بشك وقالت
• ايه المحبه دي كلها دول بقالهم ساعه بيتكلمو سوا
قالت تمار بلامبالاه
• مش ابن عمو
قالت سما بضيق
• اه..ابن عمو.. والله انتي طيبه..دول اقطع دراعي ان مكانو مخبيين كرسه ...قال ابن عمو ..عما في قلبو
نظرت لها تمار وقالت مسرعه
• بعيد الشر يا سما ايه ده
قالت سما
• يا قلبي انا قصدي على عماد مش على وليد
قالت كلماتها وذهبت وتنهدت تمار بحزن قائله
• انا كمان قصدي على عماد
❈-❈-❈
اما وليد دفع عماد في غرفته وقال بغضب
• البعيد جحش مبيفهمش..انا مش لسه متفق معاك وهديتك ..برضو لولا اني لحقتك رايحلها تاني انت ليه مش عايز تفهم انها حاليا مش هتقبل كلامك..ولا هتقبل فكرة انكم متجوزين
وتنهد محاولا السيطره على اعصابه وقال
• عماد ..عماد يا حبيبي ابوك تعبان ومش حمل انفعال حاول تتمالك نفسك شويه امال لما يجي هنا ويقعدو سوا هتعمل ايه
هب واقفا وقال بغضب اعمى
• ايه يجي..يجي فين..هو بيجي هنا كمان
ابتسم ساخرا وجلس بيأس وقال
• هو بيجي ومراد كمان بيجي ..شويه ويخلصو شغلهم وتلاقيهم فوق دماغنا
نظر له عماد وقال بتساؤل مراد
هو مراد لسه بيفكر في سما
ضحك وليد بالم وقال
• بيفكر..لا ابدا هو بطل يفكر خلاص .. هو حاليا خطيب سما وهيتحدد فرحهم
بقلم...زهرة الربيع
نظر له عماد بزهول وجلس مقابله وقال
• ايه..انت بتقول ايه..سما هتتجوزو..طب وانت ..هتسكت
نظر له وليد بابتسامه مصتنعه وقال
• احم..فيها ايه ده نصيب انا كمان بحب رؤى..احم..اخت عثمان..وقريب هنتخطب كمان
اتسعت مقلتيه ورد قائلا بزهول
• هو ايه الي بيحصل بالظبط..انا هتجنن..بقى انت هتتجوز واحده غير سما
قال وليد متنهدا
• عادي يا عماد..انا مليت من المحاوله معاها..وهيه بتحب خطيبها واكيد هو هيسعدها اكتر مني ده مهندس وعندو مستقبل.احم..وانا يادوب بشق طريقي يا فشلت يا نجحت..ايه الي يخليها توافق عليا..وبعدين رؤى بنت طيبه وجميله وبتحبني.
نظر اليه بتعجب وقال
• وانت هتتجوزها علشان هيه بتحبك..طب وانت..انت بتحبها..قدرت تنسى سما
تنهد قليلا وقال
• احم...اه انا كمان بحبها بنت طيبه جدا وبتعشقني عكس سما..انا بحس نفسي مسأول عنها
وتجمعت دموعه وقال
• هيه الي جات قالتلي انها بتحبني ومقدرتش ارفض حبها..مكانش ينفع اعمل فيها الي سما عملتو فيا..مكانش ينفع اكسرها بنفس الطريقه..انا اكتر واحد عارف يعني ايه حب من طرف
تبسم عماد متأثرا بحديثه وقال
متعرفش الخير فين يا ابن عمي..ربنا يكتبلك السعاده الي بتتمنها..سواء معاها او مع غيرها
❈-❈-❈
على الغداء كانو مجتمعين سويا يتوسطهم محمد الذي كان سعيدا للغايه ودخل مراد قائلا بابتسامه
• الله..ده انا حمايا بيحبني بقى
ابتسم محمد وقال
• بحبك جدا كمان..اتفضل يا ابني
حياهم جميعا وقبل رأس سما قائلا
• ايه الاخبار يا حببتي الصبح كان مزاجك مش تمام
ابتسمت وقبل ان ترد قال وليد
• اه فعلا في الصبح كانت زعلانه...بس ده في الصبح يعني ايه الي فكرك بيه دلوقتي
نظر له مراد ساخرا وقال
• معلش يا وليد انا عارف اني مقصر معاها..بس ده علشانها وعلشان مستقبلها..كنت مشغول طبعا دي حاجه انت متسمعش عنها
تبسم وليد ساخرا وقال
• بكره نسمع..او نركب سماعه
حاول عماد كتم ضحكته وجلس مراد بضيق وفي هذه الاثناء دخل عثمان ورؤى ورد عليهم عثمان التحيه بضيق شديد
بلع وليد الطعام بصعوبه وقال في نفسه
• هو انا من ساعت ما عرفت ان الغدا خفيف وانا قلبي واكلني وحاسس مش هتعدي على خير
ارتبك محمد وتظاهر بالابتسام وقال
• كده الغدا كمل بالحبايب تعالى اتغدى يا دكتور
وقغت تمار واقتربت تسلم عليه بقلق وهو رد على محمد قائلا
معلش سبقتكم يا عمي ونظر لعماد بضيق وقال
• الحبايب اصلا كاملين انهارده
وقف عماد ونظر اليه بغضب مكبوت وقالت
• شرفتنا يا دكتور
كانو ينظرون لبعضهم بنظرات شرسه