رواية وريث الشيطان
الفصل الثالث والرابع
بقلم شيماء محمد
خرجت هي وقد كتبت بخروجها هذا شهادة وفاة لها ولكنها متي ستوقع ومتي وسيحين الاجل خطت خطواتها وف كل خطوة تقترب من وكر الشيطان ام ذاك فأنه ليس أسير كباقي الآسر ف امبراطورية الصياد ولكن هناك من اقسموا ع ان يحرروا اسرهم من ذلك الشيطان
ف سواد ذلك اليوم الكاحل بظلمته قد خطا الجميع للنوم منهم من يسع ليريح قلبه ومنه من ود لو دفن نفسه ف الموت ام ذلك العاشق فهو يود ان يسبح بأحلام لن يجدها ف الواقع
ام ذلك الذئب المتربص خطا بخطوات بسيطه ومتأنيه تجاه غرفة اخته فتك الباب ببطء واغلقه خلفه بهدوء اقترب من فراشها بهدوء قائل :_
جوري اصحي يلا يا جوري فتحت عيناها بصدمة من تواجد اخيه ف ذلك الوقت لتقول بهلع :_
فيه ايه يا حمزة حد حصله حد اتاذي فيه ايه انطقي
حمزة :_
اهدي دلوقتي يا جوري بس ممكن تقومي تحضري شنطتك يا قلبي بسرعه قبل ما حد يصحي
جوري :_
ليه يا حمزة وفيه ايه قلقتني
حمزة بحدة يتكلم بها لاول مرة معها قائلا بحده :_
انجزي يلا يا جوري بسرعه ومن غير اسئلة كتير سامعه
خضعت له لانها لاول مرة تري غضب اخيها بذلك الشكل قامت بالفعل وبدلت ملابسها سريعا وجهزت حقيبتها وتوجهوا للخارج بسرعة ظنا منه انه لا احد يراقبه ولكن كان هناك ثلاثة اشخاص يراقبون
ادهم وسفيان :_
مع السلامة يا صاحبي ووعد هنحميكم بروحنا لو اتطلب وابتسموا ف علي الاقل هناك من ناجٍ
ام ف مكان بعيد كانت تقف ف المطبخ شاهدت خروجهم بسرعه والحقائب معا لتدرك توها انه جاء الوقت لتحيا باقي حياتها بالوحدة لتقول ببكاء :^
كدا يا حمزه انت وجوري تتخلوا عني كدا انتم عارفين اني مليش حد غيركم هنا يحبني ويخاف عليا بس انتم كمان بعدتم وبقيت متعرية عايشة وحيدة من غير سند ولا ضهر وبكت ولكان بماذا يفيد البكاء انه ليس الا لعنه حلت القلوب ليروا فيه الحل ولكنه فيه وجدوا المعاناة
........ ف المطار .......
يقف حمزه وجوري يمسكون بهوايتهم مستعدين للسفر الي النمسا وبعد انتهاء الإجراءات توجهوا للطائرة وجلس كل واحد بمكان حتي تقلع الطائرة
جوري وهي تنظر لاخيها بعيون خائفه ومتسائله :€
ايه اللي حصل يا حمزة عشان كل ده وليه نسافر النمسا ليه نبعد عن اهلنا وعن اللي بيحبونا
حمزة :_
صدقيني يا جوري كدا آمن ليا انا وانت احنا بعدنا عن شياطين كانت مستحيل تسبنا ف حالنا
جوري :^
انا مش فاهمه حاجة يا حمزة وبعدين احنا سبنا ملك عارف يعني ايه
حمزة :_
انا عارف يا جوري بس نستقر وهبعت اجبها تعيش معانا وده وعد مني
جوري:€
طيب احنا سافرنا هتشتغل ايه وهتعمل ايه
حمزه :_
انتي ناسيه اني دكتور وبعدين رصيد ماما اللي من ورث جدي هنفتح بيه مستشفي هتكون بالنص بيني بينك انا عليا الجانب الطبي وانت عليكي الادارة
جوري اومات له براسها واسندته وغرقت ف النوم
اما ذلك القلب الضليل جلس بفكره شريد ع ذلك الملاك الذي تركه ليواجه وحوش لن تراف به يود ان يأخذها بعد ان يستقر به الحال ولكنه لم يعرف ان الهجران من دون اسباب من دون سابق انذار حتي من دون تبرير او ذكر أسباب كفيل ان يهدم أمتن العلاقات ود اغمض عيناه ليتذكر تلك اللحظات المرحة التي كانوا يحيون بها قبل ان تدنس برائتهم غاص ف التفكير وغاص قلبه ف التألم
.... ملكت فؤداي وكان ظني انك ستكوني لي ... ولكن القدر شاء ... وانا لست فعال لما اريد .... فأن لمتني ف حبي ...وف خوفي ... وف حناني عليك... فكن علي يقين بأني لن اغيب ....
***********
صعدت الي غرفتها كالطائر الجريح صعدت لتنام ولكن النوم قرر ان يرهق احلامها وواقعها غابت ف الخيال الذي رسمته ولكنها فاقت ع كابوس وهو فقدانه
..... يامن كان له الود مني ... قل لي من اين ابدأ.... من اين اكتب واسطر احرف ألمي ... هجرتوني وظننت ان الهجر سهل .... ولكنكم لم تعرفوا انه اصعب من الموت .... يا من كان له الود مني دون عن الخلق.... لا تنتظر محبتي ....فانا اعطيت ما يكفي.... فانا لم اعد املك شئ معي اللي بقايا روحي وقلبي ... فانا اكتفيت من كل شئ وكذلك اكتفيت بنفسي رفيقة لدربي ....
******......******.....*******.....********
هكذا مر الليل فوق سماء المتألمين كذلك الشيطان ليحل صباح جديد ع الجميع ف قصر الشيطان استيقظ ادهم وارتدي ملابسه وارتدي قناع البرود ونزل لغرفة المكتب وجد صفوت جالس ع مكتبه ليجلس بكل برود قائلا :_
حمزة وجوري طلعوا من هنا وسافروا النمسا انا عارف انك هتعرف تجبهم من اي حته بس انا حبيت اجي اقولك انا او بمعني تاني احذرك انك تقرب من ضوفر واحد فيهم لانك مع اسفي الشديد هتخسر كتير اووووي وخرج بكل برود
صفوت بغضب مكتوم :^
انا صابر عليكم دلوقتي لاني عايز قوتكم بس وعد من الشيطان ان هيجي اليوم اللي هتندموا فيه
وخرج هو الاخر
.....ع طاولة الافطار .......
تجلس ملك شاردة حزينه ويجلس جانبها ادهم وسفيان واحمد ليقول ادهم بعد ان لاحظ شرودها ليقول بحنان اخ :_
مالك يا ملك
ملك :_
مفيش حاجه يا ابيه
ادهم :_
يعني مش زعلانه ان حمزه وملك سافروا
ملك :_
وهتفرق ف حاجه ان هما سافروا هتفرق ف حاجه اني هفضل بين اربع حيطان بعد ما هما كانوا بيهونوا عليا الغربه اللي انا عايشه فيها ف وسطيكوا
ادهم:_
اوعك تقولي كدا يا ملك احنا كلنا هنا اخواتك وسندك يا حبيبتي اوعي تقولي الكلام ده
ملك :_
لما يبقي اخويا بن امي وابويا سندي هبقي استني انكم تبقوا سندي ورحلت من امامهم
اقترب ادهم من احمد بغضب واضح قائلا:_
عايز اعرف انت بقيت جامد وقاسي عليها كدا ليه يا اخي انت اللي فضلها
احمد بحزن :_
لازم يا ادهم اعمل كدا لازم احنا اتحطينا ف بركة من النار كل واحد بيجيب احبابه معاه عشان يتحرق معاه انا عايز ابعدها عني عايز ابعدها عن شر صفوت لاني متأكد يوم ما اتمرد هيستخدمها عشان يحرقني بيها وهي اللي فضلالي ورحل من امامه
ليتطلع لصديقه الاخر ثم ينظر أمامه بشرود قائلا ف نفسه:_
لولا اني مش مربوط بغيري يا صفوت كنت جبت اجلك دلوقتي بس وربي لاخلص حق الحيين والميتين منك
******....********......*****.....********
مر شهران شهران لم يتغير فيهما الكثير ولكن القلوب والارواح تزداد حزنا والما امام احدي المدارس الدولية تخرج الفتتان بعد ان انتهيا من امتحانات الثانوية العامة
ريتاج بصريخ :_
يالهوووي يا ناس ياهو خلصنا امتحانات وهندخل الجامعه وننام ونأكل براحتنا ومفيش مذاكرة
رغد وهي تركب بجانبها وينطلق بهما السائق قائلة ببسمه غابت عنها :_
اهدي يا ريتاج فيه اهيه وبعدين انت مش قولتي هتيجي معايا تدريب الكارتيه عشان هنقدم شرطه
ريتاج :_
انت ليه بتفكريني بالهم يا اوختي حرام عليكي وبعدين انت ناسيه اننا لازم ندخل كليه الاول قبل شرطه
رغد ببسمه :_
انت شكلك ناسيه مين اللواء ارسلان العشري يا قلبي
ريناج :_
عارفه ياختي عارفه لتخرج من جوا المرح وتقول انت لسه ناوية ع اللي ف دماغك يا رغد
نظرت لها بعين مطفيه لتكمل ريتاج عمرك يا رغد اللي عايزه تضيعه وابتسامتك الصافيه اللي نسيت شكلها وروحك المرحة كل ده راح فين يا رغد عايزة تضيعي الباقي منك
رغد بانكسار :_
اولا يا ريري لازم اكون قويه عشان خاطر نفسي عشان ابقي سند وقوة لنفسي اما اللي باقي مني احب اقولك لو لوح ازاز نزل مثلا من الدور العاشر مش هينزل حتيتين لا هينزل زي الرمل كدا بيلمع وسط الشمس ولكن لو عديتي عليه هيوجعك رغم انه مكسور اهو انا كدا يا ريتاج كنت ف السما ونزلت للارض وبعدين ده السبب اللي انا عايشه عشانه
لم تتحدث لان حديثها جعلها عاجزه عن الرد
اسندت راسها ع الزجاج واغمضت عيناها لتسرح داخل ذلك الظلام الذي يسكنها لعلها تجد بصيص نور ولكن بعد ثواني وجدت سيارة تتخبط بهم وما هي الا ثواني وقد انقلبت بهم
*****......******.....*****.......*********
ف جهاز القوات الخاصه
كان بجلس علي مكتبه يعمل ف اوراق امامه ولكن قطع تركيزه رنين الهاتف من رقم غريب بالحاح انقبض قلبه فتح الهاتف ليعلم بذلك الحادث توجه خارج المبني بسرعة البرق حتي وصل للمستشفي بوقت قياسي سأل ف الاستعلامات عن الحادث وصعد امام غرفة العمليات وجد الطبيب كان ع وشك دخول غرفة العمليات
ارسلان :
استني يا دكتور البنتين اللي جم هنا بحادثه اخبارهم ايه
الطبيب بأسف :_
للاسف حالة جات ف حالة خطيرة والوش متشوه والبنت التانيه ماتت للاسف
ارسلان بصدمه :_
ممكن اشوف البنت اللي ماتت
الطبيب اخذه وتوجه الي الغرفة التي كانت بها فهي وجد الاطباء يغطون وجهها اقترب منها قبل جبينها وخرج
قبل جبينها وخرج بجمود قائلا :_
اللي جوا دي بنتي ريتاج اعمل ايه حاجه عشان تطلع عايشه من هنا واعطاه صورة لها وتوجه الطبيب لغرفة العمليات
ارسلان :_
وغلوتك عندي يا رغد لاجيب حقك وحق ابوكي يا قلب خالك ده مش وقت الضعف ابدا
خلص الفصل
هي رغد بجد ماتت ولا لا ؟؟ طيب مين هيكمل بدل عنها عشان ينهي ع الشيطان ؟؟؟ هل للقدر خفايا ؟؟؟؟
# الفصل_الرابع
# وريث_الشيطان
*****.....******......********......*******
المصائب هي ضيف يأتي فجأة لا يستأذن ابدا ولكن الاوجب أن نقول انها الاقدار التي ترسم لنا ونحن ف بطون امهاتنا فكلا من كتاب يفعل ما به حرفيا ولكل منا أجل لا نتأخر عنه ابدا
خرج من الحمام لتوه وارتدي ملابسه ليقطع عليه صوت هاتفه وهو يرن لينقبض قلبه من دون وعي قبضه تشبه قبضة الموت امسك هاتفه ليجد صوت غاضب اوشك ع البكاء ليقول :_
مبروك يا سفيان قول للشيطان مبرررروك
سفيان بجهل وخوف لا يعرف مصدره ليقول بتهته :_
اقول مبروك ع ايه فيه ايه يا خالوا
ارسلان بلوم وعتاب يلقيه فوق قلبه المرهق :^
اقولك مبروك ع ابوك اللي مات قدامك ومبروك ع اختك اللي اتقلت قول مبرررروك لجدك ان ارسلان مكنش قد الامانه ومقدرش يحافظ عليها قول مبررررروووك انكم نهيتوها قبل هي ما تبدأ قول مبروك انكم سرقتوا احلامها قول مبروك انها عاشت بألم وماتت بألم العن منه ميت مرة قول مبرررروك ع حاجات كتير يا سفيان قول وقول بس وصل رسالتي للشيطان قوله رغد ماتت صح بس وغلاوة الميتين وبنتي اللي ق أوضة العمليات بين الحيا والموت هقتله بس كله بالقانون هقوله هجيبه راكع يتمني الموت وميلقهوش واغلق الهاتف ف وجهه دون ان يستمع الي رد منه
..... يامن القيتي لي رماح تصيب الفؤاد .... فلما لم ترسل سمها لينهي الحياة .... يا رماح انعي معي فقيدة قلبي ورحي .... يا من كانت الدنيا لي.... فأين انت من بين أيامي ... ياروح حملت نفس دمي وحملت دمها ... أين انت وانا ابحث عنك بين الطرقات ....
صدمة القها سهام اصابت نصف القلب دون رأفه ورحمه منها اليه أين يذهب وأين يتحرك ولكنه بقي ساكنا لا حراك ولا حياة ع وجهه مجرد جماد تيبس داخل الارض
انفتح الباب وكان ادهم ليجد سفيان واقف جماد اقترب منه ذلك الادهم بقلق قائلا :_
فيه ايه يا سفيان واقف كدا ليه ولكنه للاسف لا رد وكأنه كالارض الصماء
ادهم بصوت اعلي ويضرب كتفه ليرد عليه قائلا كلمه واحدة :_
ماتت
ادهم :_
هي مين اللي ماتت
سفيان :_
رغد
صدمة حلت به هو الاخر دقات تتقفاز بين اضلعه تود الخروج تود ان تتحرر لا ان تبقي اسيرة ليقول بعدم تصديق _
انت بتهزر يا سفيان انت عارف ان الكلام ده مش هزار
سفيان بغضب:^
اهزر ايه قولي اهزر ان أختي ماتت ومقدرتش اني احميها اهزر ف ايه
تحرك ادهم بغضب خارج الغرفه وخلفه ادهم فهما ذاهبان معاف نفس المكان ونفس الهدف
*************
ف غرفة المكتب الخاصه بالشيطان يجلس يتحدث ع الهاتف ليقول بتساؤل فرح :_
خلاص قتلتها واتاكدت انها ماتت
الطرف الاخر :_
ايوا يا باشا ماتت والبنت واللي معاها بنت اللواء ارسلان الازاز دخل ف وشها واتشوهت وحاليا بغرفة العمليات
صفوت بضحك وشر :_
والله كويس ليكمل بغضب عشان يعرفوا ويتعملوا أنه محدش يقدر يقف ف وش الشيطان واي حد يقرب ناحيته هينهي ع حياته
ليقطع صوت هاتفه صوت غاضب قائلا بكل غضب الارض :_
والله ما ف حد حياته هتنتهي غيرك يا صفوت
لينظر امامه بغضب ليجد ان البراكين الثائرة ربما قد حان الوقت لتنفجر
**************
ف المستشفي مرت ساعات وساعات طوال وهو ينتظر خارج غرفة العمليات بقلب منفطر تماما وانتظره فاق انتظار الموت نعم هي عدة سويعات قليلة ولكن مرت كدهور عليه ولكن شاء رب العزه ان يرفق بقلب ذلك الرجل ليخرج الطبيب اقترب منه ارسلان بخطوات بطيئه بعد تعب والم انهكه قائلا :^
ايه اخبار ريتاج يا دكتور
الطبيب :_
الحمد لله يا سيادة اللواء كلها شهر وهتعرف نتيجه العملية ان شاء الله واذا كانت هتحتاج عمليه تانيه ولا لا وان شاء الله خير
ارسلان بألم :_
طيب ورغد نقدر نأخدها عشان الدفن
الطبيب :_
ايوا يا سيادة اللواء حضرتك خلصت الاجراءت تقدر تأخدها واستأذن ورحل من امامه
اما هو هوي ع مقعده
*****......******......******.......********
ف قصر الشيطان وخصوصا ف مكتبه وقف بفزع من ذلك البركان الذي دخل عليه ... يالله شكله مرعب جدا ..عيناه حمراء كجمرات من اللهب المشتعل... وقف امامه ينظر له بغضب لو خرج يكاد يفتك بالجميع فتكاً اما هو يطالعه بخوف شديد وقلب يرتجف بين اضلعه قائلا بغضب ليداري ع ضعفه :_
انت ازاي تتدخل كدا وازاي تعمل كدا انت نسيت نفسك ولا ايه يا أدهم
ادهم :_
للاسف انا منستش نفسي عشان انا لو نسيت نفسي كان زمانك بتلعن ف اليوم اللي فكرت تيجي عليه فيه بس خد وعد مني اني النهاردة دفنت نفسي مع اللي هتندفن دي بس حاجه واحده انا قولتلك قبل كدا اياك تقرب من رغد يا صفوت
صفوت وهو يجلس ع مقعده بكل برود
وجبروت قائلا:_
اولا انا مبتهددش يا ادهم اما قتلتها ليها انت عارف اني مبسامحش حد يقف ف طريقي حتي بالكلام حتي لو انت الشخص ده يا أدهم الامبراطورية اللي تعبت فيها سنين والمكان اللي انا فيه دلوقتي صدقني مستحيل اسمح لمخلوق مش يخلعه من جذره لا بس يحركه حتي الريح لو حاولت تحركه صدقني غضبي هيطولها
وقف ادهم بكل شموخ وقوة وببرود ثلجي كاد أن يصيب ذلك الشيطان بصقيع لينهي عليه قائلا:^
كدا تمام اوووي يا صفوت بس خد وعد مني ياصفوت ان من النهاردة هيكون ده اليوم اللي هينكتب فيه اول سطر من نهايتك حتي لو غاب سنين برضو نهايتك هتكون ع ايدي انا هكونلك زي العفريت هيطلع بس مش هتشوفه وهكون انا عزرائيل اللي هيشيل كفنك ع ايده هخليك عايش ف رعب
صفوت بغضب :_
متقدرش تعمل حاجه عارف ليه يا ادهم عشان انا الشيطان محدش يقدر يقف ف وشي ابدا انا بحمل الموت للي يفكر يقرب مني
ادهم ببسمه مرعبه :_
للاسف من النهاردة مش الشيطان انا هكون الشيطان انا هكون القوة والجبروت اللي هينهي عليك يلا ابدأ عد دلوقتي ف نهايتك
وخرج امام سفيان كان يقف ينظر لغضب الادهم فهو بالفعل يشبه الخيل ف غضبه ويحمل نفس شموخه وفتكه عندما يغضب ليقترب سفيان منه وملامح غامضه تماما قائلا:_
ادهم قال كل حاجه بس حسابك زاد اوووي يا صفوت اختي اللي ماتت دي لاوجعك ع كل كلمه آه طلعت منها وكل وجع قلب عاشت فيه هخليك تعيش وجع اكبر منه سلام بس اللقاء قريب وقريب اوووي كمان سلام
ورحل من أمامه وكأنه جبل شامخ لا يخضع ولا ينكسر ابدا
ليخرجا تاركين خلفهما رجل يتوعد لهما بالعذاب ولكنهم لم يعرفوا انهما سيكون الجحيم له
تحركا معا للمستشفي لدفن مفقودة القلب والروح
*****.....*****.....*****.....*****....*****
ف المستشفي وصلا معا ودخل بكل قوة وهيبه لا مثيل لها رغم انكسارهما من الداخل سأل ف الاستعلام عن مكان خاله وصعدوا له وقف سفيان امام خاله وسقط قناع الجمود ليحل محله الضعف والانكسار قائلا :_
هي فين يا خالوا انا عايز اشوفها
ارسلان بغضب :_
انت جاي ليه ها قولي جاي ليه ويا ترا صفوت سمح لكم تيجي خطتكم ايه والدور ف الموت ع مين
ادهم :_
خلاص كدا يا خالوا ده مش وقت ينفع فيه عتاب احنا عايزين نشوفها وذهبا تجاه الثلاجه التي توجد فيها اقتربا بخطواتهما ناحية ذلك المكان الموحش الذي يحتوي ع أجساد أحبابنا هناك نسلمهم ونستلهم ليدفنوا تحت التراب ذلك المكان المكان البارد الذي يشعرك بالبرد ولكن البرد الذي اصابهما ليس برد الجسد ابدا ولكن هناك قلوب بردت وجفت وانقطعت الامطار لترويها لتبقي جافه قاحله وباردة اخرجوها من الثلاجه وركع ع قدمه امامها وهي يحتضنها لتهوي مع ارضا اخر ذرة من تلك القوة الزائفه ليقول :_
كنت مفكرك قويه يا رغدي بس للاسف طلعتي اضعف مما يتخيل كسرتي كلامك بابا عليكي وهو بيقول ان رغد عندها قوة مستحيل تكون غند اقوي الرجال انا مش عارف انعيكي ولا انعي نفسي بس انت اخدتي قلبي معاكي انت هسيبك أمانه عند ربنا متأكد أن هناك هيكون احسن ليكي ع الأقل مش هتكوني عايشه وسط الشياطين سلام يا قلب اخوكي
تطلع لها ادهم وهي ملفوفه بذلك الكفن الابيض شديد البياض كروحها وقلبها ليترك معها روحه لتدفن معها ليقول بجمود سينهار قريبا :^
يلا يا سفيان عشان ندفن يلا يا سفيان هي تعبت دنيا مش نتعبها هنا كمان يلا
وخرجا ليتم تجهيزها لتنقل للدفن وجد خاله جالس ف الخارج ليقول :€
يلا يا خالوا عشان ندفنها ولا نسيت ان اكرامها ف دفنها اوما له لقد فقد القدرة ع المناقشه والجدال
وصلوا بعد ساعه الي المقابر ودفنت داخل قبرها وبدلا من ان تزين الحياة بأسمها وحلمها ..طموحها.. وعدها .. اصبح اسمها يزين قبرها انتهي الدفن ورحل ارسلان بعد ان بقي مدة جالس دون حراك ينظر لها يحفر ملامحها بداخل عقله قبل ان ترتاح ف مرقدها الاخير
ام سفيان فقد اكتفي الما وخرج خرج لعله يريح قلبه ولكنه وجد وكأن حبال الارض التفت حول رقبته لتضيق الباقي من بقاياه
************
اما ذلك الادهم لم يرحل كما رحلوا ولكن جلس ع الارض وامسك حفنه من ذلك التراب المبلل الذي يغطيها انا لا هعتب ولا الوم لان الموت مش ف ايد حد مش هقولك غير انك هتوحشيني يا رغد كان نفسي قبل ما تموتي تشوفي ادهم انه مش شيطان ولا عمره كان شيطان ابدا بس وعد مني دلوقتي ان ادهم هيكون الشيطان عشان يجيب حقك دي رسالتي وده وداعي وده قلبي اللي هسيبه معاكي للابد
... جف الحبر من الاقلام ... وبقيت دموعي حبري ... لتدون اصعب معاني ف الفراق ف موتك مولاتي ... مولاتي وسيدة الروح والقلب .... وودت ان اسكنها ع عرش القلب ليوم العرض .... ولكن شاءت الاقدار بالافتراق قبل اللقاء ... سأتركك امانه بين يدي الله ... وسأترك قلبي ف رعايتك ...فقد دفن معك ..وهو يحمل رسالة حبي ووداعك الاخير..... سأظل اذكر اسمك مهما حييت ...مات الاجساد ... وتوقفت القلوب عن الخفقان ....ولكن حنيني لروياكي ..
واشتياقي لن يموت.... فانا كنت الملكة وانا الامير .... وهذا وقت ان اكون وريث من اجل حقك مولاتي ... فكل الأحرف والكلمات لن تكفي لان اكتب ف وداعك .... لان القلب ف ذكراكي يميل ....
ليقف قائلا :_
مع السلامه وآخر مرة هقول فيها السلام
وخرج وجد سفيان يقف ويكاد يختنق لم يتحدث ولكن قاد سيارته ورحل ولكن ليس للقصر لاحظ سفيان الطريق ليقول بألم :_
احنا رايحين فين
ادهم :_
المطار
سفيان :_
ليه يا ادهم
ادهم:_
عشان نبدأ بداية النهاية للشيطان
*****.....******.....*******........*******
دخل احمد الغرفه بعد ان طرق الباب وجدها جالسه ع سريرها ليقول لها :_
جهزي شنطتك يا ملك
ملك :_
ليه يا ابيه
احمد بجمود :_
عشان تسافري النمسا
ملك بخذلان :_
وانا كنت متوقعه منك ايه غير كدا بس صدقني انت اضعف مما يكون انا هسافر بس مش هروح عند حد هسافر عشان ارجع ملك القوية اللي يهمها قرب حد ولا بعد حد
وتوجهت لحقيبتها جهزتها وبعد وقت انتهت تحركت خلفه دون كلمه اوصلها للمطار دون ان يتفوه بكلمه واحدة واركبها الطائرة واطمئن انها اقلعت وخرج من المطار وهي خرجت خلفه الي مكان آخر بعيد مكان ربما ستجد فيه السكن والامان والمأوي لها
**************
دخل احمد قصر الشيطان وجده جالس بانتظاره قال له :_
كنت فين يا أحمد
احمد :_
عادي كنت سهران زي كل يون
صفوت وهو يرحل :_
تمام بس ياريت متنساش نفسك وتشغل دماغك عشان هتكون انت الوريث الوحيد لامبراطوريتي
ادهم هيحارب صفوت ازاي ؟؟ ياترا هياخد نفس طريق الشيطان ؟؟؟هيحارب عدوه بنفس سلاحه ولا بملائكيته ؟؟؟؟ هل ستتحد الملائكه والشياطين ف طريق واحد ؟؟؟؟؟