رواية ذئاب لا تعرف الحب الجزء الثاني2الفصل السادس والاربعون46والسابع والاربعون بقلم نجمه براقه
هاجر
في الوقت اللي كان زيد سايق علي اقسي سرعة انا كنت بتصل بيها بشكل متواصل ولكن مفيش رد ولا حتي كانت بتقفل السكة وبعد وقت حسيته طويل جداً بسبب قلقي وخوفي اللي تملكني بعد كلام زيد وصلنا المنطقة بتاعتهم ونزلنا من العربية نجري علي البيت قدام انظار الناس اللي جم ورانا يشوفوا في إيه لقينا الباب مفتوح دخلنا لقيناها واقعه علي الأرض و وشها مليان دم ومش متحركة نهائي وكأنها ميتة وده اللي فهمته.
انها ماتت خلاص وملحقنهاش وده خلاني اتجمد مكاني واعجز عن الحركة وعينيه متعلقة عليها وشايفة زيد بيشيل دماغها علي دراعه ويكلمها وهو بيضرب علي وشها ت
علشان تفوق وبعدين بيشيلها ويمشي من قدامي ويسيبني علي نفس الحالة دي لغيت ما سمعت صوته من ورايا بيزعق ويقولي يلا وست بتشدني من دراعي علشان اتحرك ساعتها فوقت من الحالة دي ولكن كنت حاسه رجليه مش مساعدني امشي ومع كده قدرت بجهد كبيرة اوصل للعربية واركب جمبها وطلعنا علي المستشفي فوراً و هناك دخلوها غرفة الطوارئ وانا بقيت واقفة عند الباب لسة بترعش من الخضة لغيت ما لقيت ماما جاية تجري عليه وتقولي
_ هاجر ؟ مال خلود
قولت بصوت مهزوز
_ مش عارفة ، شكلها ماتت يا ماما
قالت وهي بتحضني حضن سريع
_ طيب هشوفها اهدي انتي
سابتني ودخلت جوه وانا رجعت ابص علي زيد اللي واقف ساند ضهره علي الحيط وساكت من غير اي تعابير علي وشه ف قربت منه وقولت
_ اهي هتموت ، ولا تزعل نفسك ، ارتاح منها طول عمرك علي كدة
قولتها ورجعت وقفت علي بعد مسافة منه ادعي وسط بكايا انها تعدي منها وتكون لسة عايشة لغيت ما لقيت دادة امينة جاية هو وخالتي ورد وبشر وبتقول ل زيد بقلق
_ خلود حصلها إيه
مردش ف قالت ببكاء
_ ردعليه بنتي حصلها إيه
بعد ما طال عدم رده بشر خدها بعيد عنه يهديها ولما خدت بالها مني سابت بشر وجت عندي تقولي ببكاء
_ هاجر! انتي عارفه إيه اللي حصلها
قولت وانا بكتم شهقاتي بأيدي
_ شكل حد حاول يقتلها بس منعرفش مين ولا عمل كدة ليه
شهقت وهي بتضرب علي صدرها وتقول
_ يامصيبتي ، قتل! ، خلود تتقتل ، عملت ايه علشان يعملوا فيها كدة
قالت طنط ورد
_ هي ايه حكاية البت دي حالفة لا تموت مقتولة ليه.. مكنش ينفع تقعد لوحدها يا امينه انا قولتلك
قال بشر
_ خلاص يا خالتي.. خديها هديها شوية يكون طلعوا طمنونا عليها .. روحي يا دادة ارتاحي ومتخافيش هتكون كويسة
قالت ببكاء
_ كان مستخبيلنا فين ده بس ياربي.. انا مخلياها معايا امانه يحصل فيها كدة
_ مفيش حاجه يا دادة هتكون كويسة.. خديها يا خالتي
قالت طنط ورد وهي بتاخدها
_ تعالي يا امينة ، ان شاءلله هتعيش ومفيش حاجة عفشة هتحصل
خدتها وبشر قرب مني وقال
_ إيه اللي حصل
_ معرفش
_ طيب إيه خلاكم تروحوا هناك
حكتله علي اللي حصل من اول ما روحتلها لغيت ما وصلنا عندها وهي سايحة في دمها وبعد ما نهيت كلامي هم انه يروح لزيد اللي لسة علي نفس الوقفة ولكن خرجت ماما هي والممرضة ف جرينا كلنا عليها الا زيد فضل واقف مكانه وبعد ما زاحمناها بأسئلتنا قالت وهي بتحاول تطمن دادة امينة
_ هي بخير محصلهاش حاجة خطيرة اطمني
قالت ببكاء
_ طيب اشوفها
_ لا مش دلوقتي ، دلوقتي هينقلوليها دم وبعد ما ترتاح تقدري تشوفيهـ....
قبل ما تنهي جملتها دخل علينا البوليس ف قال قائدهم بعد ما عرف عن نفسه
_ البنت عامله ايه
قالت ماما
_ تعبانه فقدت دم كتير وتعرضت لضرب بعنف ، ومش هينفع تستجوبوها دلوقتي
_ امتي نقدر نستجوبها
_ لسة هننقلها الدم ونشوف هتقدر ولا لا
مرر بصره بينا وقال بعد ما استقرت عينه علي زيد اللي الدم مالي قميصة
_ انت اللي جبتها المستشفي
قال وهو بيأؤم ايجاباً
_ ايوة انا
_ انت تقربلها إيه
قال بتنهيدة
_ مقربلهاش هي بنت الدادة ومتربية معانا
_ واية خلاك تروح عندها في الوقت ده بذات
سكت ف قولت انا
_ انا كلمتها وانا جمبه لقيناها تعبانه وبتقول الحقوني ف روحنا
استمرت نظراته لزيد بشك وقال
_ طيب مشفتوش اللي عمل كده
قال
_ لا احنا وصلنا لقيناها غرقانة في دمها ف جبناها علي هنا
كمل موجه كلامه لينا كلنا
_ مين امها
قالت دادة امينة
_ انا جدتها هي بنت بنتي
_ اه.. طيب مين ممكن يكون عمل فيها كده
_ معرفش
_ مفيش اي خلافات بينها وبين اي حد
_ لا ياحضرت الظابط مفيش اي خلافات مع اي حد .. انا بنتي في حالها وملهاش دعوة بحد
#بشر
بعد ما استجوبونا كلنا ومشيوا رجع زيد لسكوته ساند ضهره علي الحيط وسارح في دنيا تانية ف وقفت عنده وقولت
_ متقلقش هتخف
_..
_ مرات عمي طمنتنا وقالت ان مفيش حاجه خطيرة
بصلي بتلبد وقال
_ هو في اخطر من كدة .. دي دمها اتصفي ، كله بسبب النت ياما حذرتها منه .. معقول مرتين كانت هتتقتل ، مفيش ضرب.. مفيش خناق.. مفيش شتيمة ، قتل وبس ، ياترا إيه الخطر اللي بتعمله علشان الناس تفكر تقتلها ، انا مش عارف افكر دماغي مش جايبة حاجة ، ودلوقتي مش فاهم غير حاجة واحدة وبس ، النت ، النت هو السبب في كل ده
كمل بنرفزة
_ وكل ما اقولها بلااااش يا خلود ، ده غلط ، ده عيب تقولي بتحبطني... طيب اهو شوف بتموت.. انا مش عارف ليه ابوي قِبل من الأول انها تعيش معانا معشتتش مع ابوها ليه وريحتنا من قرفها
_ اهداو وطي صوتها دادة امينة هتسمعك ، خلاص اللي حصل حصل
_ لسة هيحصل.. الموضوع منتهاش كدة ، ان حد يدخل عندها ويعمل فيها كده ويهرب من غير ما نعرفه يبقي منتهاش ولسة ممكن يحاول تاني
سكت شويه وبعدين كمل باختناق
_ مش عارف هي عايزة توصل لأية اكتر من كدة.. في المرتين لحقناها علي اخر لحظة ، والمرة دي لو متصلناش كانت ماتت .. طيب افرض متصلتش كان مين هيلحقها
قولت وانا بحط ايدي علي كتفه
_ واديك اتصلت وربنا بعتك ليها ولحقتها
كملت وانا بربت علي كتفه
_ ربنا سترها.. متخفش هتخف وهترجع معانا
كملت بإبتسامة
_ وهتقدر تشوفها تاني
شال ايدي عنه وقال وهو بيدير وشه
_ اسكت يابشر.. مش وقتك
_ يابني انت خايف تقول ليه.. وفيها ايه لا عيب ولا حرام
رجع بصلي وقال
_ عيب وحرام ، مش انا اللي اربط حياتي بواحدة متهورة زي دي.. مش انا اللي اقبل ان مراتي تكون فيدوهات علي تليفونات الصيع.. ولا انا اللي أقبل ان صورتها تتحط في مواقع مش تمام.. مفيش حاجه اسمها حب.. انا هتجوز واحده تعيش معايا عمر كامل مش واحده اروق معاها مزاجي ليلة وكل واحد يروح لحاله
_ كلامك قاسي قوي يا زيد.. براحه دي لسة صغيرة مش فاهمه حاجه.. بلاش تقول الكلام ده
_ انا بتكلم معاك انت
_ ايوه اتكلم معايا انا براحتك بس بلاش هي ، البنت فيها اللي مكفيها
#زيد
بعد وقت سمحوا بالدخول ليها والكل دخلوا الا انا فضلت واقف بره مرضتش ادخل خوفت مقدرش اخفي اهتمامي بيها او يبان علي وشي وجعي عشانها ومكنش زي بشر في تصرفة مثلا.
وبعد وقت وانا حاسس اعصابي بتسيب طلعوا كلهم وقعدوا في الاستراحة و جه بشر قعد جمبي وقالي
_ مدخلتش ليه
_ ادخل ليه
_ تطمن عليها
_ اطمنت
_ هو الاطمئنان ده ، روح هي نايمة مش هتحس بيك
_...
_ روح دقيقة شوفها وتعاله
_ مش عايز
_ ياعم قوم بلا مش عايز.. قوم ادخل دقيقة شوفها وارجع.. مش هتكون راضي لو مدخلتش.. ياسيدي اعتبرها اختك مش غلط تشوف اختك.. يلا روح
قولت متدعي الانزعاج من تكرار طلبه
_ ياخي انت دوشة.. قايم اهو اسكت بقا
_ هههههه اسفين علي الصداع ، يلا روح
_ ماشي
قولت كدة وقومت ومشيت من جمبهم وانا خايف انهم يعرفوا اني رايحلها وكأني عامل عمله مع ان دخولي عندها حاجة عادية ومفهاش اي حاجة وروحت هناك فتحت الباب براحه ودخلت بخطوات تقيلة جداً ومترددة مابين خوفي انها تكون صاحيه وارجع احط عيني في عينيها تاني بعد اللي حصل في العيادة وبين حاجتي الملحة للاطمئنان عليها وشوفتها وللأسف رضخت لرغبة قلبي ولما دخلت شوفتها وهي نايمه وشها متبهدل ومتعلقلها المحاليل وجسمها ضعيف متضائل عن اخر مره شوفتها فيها وكأن مر سنين مش يومين.
تقدمت ناحية وانا حاسس بغصة في قلبي بسبب منظرها ده ، ف قعدت جمبها بوجه عابس وعينيه بتتفحص وشها ومقدرتش امنع نفسي من مسك ايدها واحتضانها ما بين كفوفي واستمرت عيني في التدقيق في شكلها وشكل الكدمات اللي فيه اللي مقدرتش اتحكم في تعابير وشي عن انها تحس بالالم بسببهم.
مديت ايدي لامس جبهتها بلطف ك محاولة لتخفيف الالم اللي أكيد حاسة بيه رغم نومها.
نومها اللي انا كنت متخيلة ومخليني اتصرف براحه تجاهها قبل ما احس بحركة في ايديها بتحضن ايدي وجفونها بتترفع وسيل دموع بيخرج منها
#خلود
رغم كل اللي حصل ، ورغم كلامه واهانته ليه واحساسي بجرح قلبي علي ايده بس مقدرتش اخفي شوقي ليه لما لقيته جمبي بيحضن ايدي وايده التاني علي جبهتي بتحسسني بالدفا..
فتحت عيني وبصتله وانا جوايا رغبة جامحة اني اترمي في حضنه واتخبي فيه وكنت هعمل كده متناسية كل اللي حصل وكل اللي اتقال ولكن فجاة الباب اتفتح وشوفت إسلام داخل وبيوقف عند الباب يبصلنا من غير ما يتحرك خطوة في الوقت اللي زيد مكنش شايفه ولا حاسس بيه لسة ماسك ايدي وحاطط ايده التانية علي جبهتي وعينه عليه والغريبة إن إسلام فضل واقف مكانه مبيتكلمش ولا بيصدر اي صوت يعرفه انه واقف ف سحبت ايدي وقولت بارتباك شديد وانا بحاول اقوم
_ تيتة فين
قال وهو بيقوم وبيثبتني علي المخدة بوضع ايديه علي اكتافي
_ متقوميش ، خليكي
ازدردت لعابي بتوتر وانا بوزع نظراتي بينه وبين إسلام وهو لسه واقف جمبي حاطط ايده عليه لغيت ما لاحظ نظراتي ناحية الباب ف بص وراه وشافه ف اعتدل وتوجه ليه بكل جسمه وقال
_ اية الوقفة دي ، مش تخبط
مرر عينه من اسفله لاعلاه وقال
وهو بيتقدم وبيعدل الجاكت بتاعه
_ كنت فاكرها نايمة محبتش اصحيها
كمل وهو بيوقف جمبي
_ الف سلامة عليكي يا حبيبتي
قولت بتوتر وانا ببص لزيد اللي بدء يضم قبضته ونظراته تحد
_ الله يسلمك
_ مين اللي عمل فيكي كدة قوليلي وانا اجيب رقبته
قال زيد
_ انت عرفت منين انها اتضربت وانها في المستشفي
_ هتصدق لو قولتلك حسيت.. قلبي قالي انها فيها حاجه ولما اتصلت واحده ردت عليه قالتلي اللي حصل ف جيت
قالها ببرود وكمل موجه نظره ليه
_الف سلامة عليكي يا حبيبتي
رجعت ابصله وهو بيقول بحده
_ نخف كلمة حبيبتي دي.. احنا لسه مدنكش الموافقة
رد بنفس النبرة
_ لا ما خلود موافقة
وجه نظره ليه وقال
_ اه... موافقه.. قال موافقة عليه؟
ازدادت لعابي وقولت بعد ما استجمعت نفسي
_ اه
_ امال بعتهولنا ليه لما هتوافقي لوحدك
_ علشان انتوا في مقام اهلي.. وحضرتك اخويا
سكت وعينه لسة متعلقة عليه ولحظات وانا بصاله مر قدامي اللي حصل في العيادة وكأن هو كمان افتكر ف رمش بربكة وقال
_ طيب انت حرة ، هنده دادة امينة
اتجه ناحية الباب وقبل ما يفتح دخل اتنين شكلهم ظباط ف قال وهو بيرحب بيهم
_ اتفضل يافندم
قال الظابط وهو بيتقدم ناحيتي
_ ازيك يا خلود
قولت بتوتر
_ الحمدلله
_ فوقتي اهو ونقدر نتكلم
استقر نظري علي زيد من غير رد ف قال
_ اه اظن تقدر
قال الظابط مشير علي إسلام
_ مين ده
قال
_ انا خطيبها
_ اه ، طيب اتفضلوا انتوا دلوقتي
_ حاضر ياباشا
مشي من جمبي بسرعه في الوقت اللي زيد فضل واقف للحظات قبل ما الظابط يطلب منه يطلع ف مشي ورجع الظابط يكلمني ويقولي
_ ها يا خلود ايه اللي حصل ، مين اللي عمل فيكي كدة
_ معرفهمش
_ طيب احكيلي حصل ايه بالظبط
زاد توتري ف قالي
_ متخافيش انتي المجني عليكي مش المتهمه ، اهدي وقولي اللي حصل
_ كنت في البيت...
_ ايوة اتكلمي علي طول
_ ف ، ف جم اتنين بنات... ضربوني بس معرفش هما مين اول مره اشوفهم
_ مقالولكش ضربوكي ليه.. يعني مقلولكش تعالي ده انتي غلطتي في كذا
_ لأ مقالوش حاجه
_ خالص ، يعني اتهجموا عليكي وكانوا هيقتلوكي من غير اسباب
_ ايوه والله يافندم وانا هكدب ليه ، انا اول مره اشوفهم
_ طيب تتهمي حد بأنه يكون بعتهملك علشان يعملوا فيكي كدة
فكرت شويه ملقتش ولكن خاني لساني وقولت
_ مفيش حد غير نيرة بس هي محبوسة...
_ نيرة مين
_ واحده حاولت تأذيني قبل كده بس اتحبست
_ اتحبست علشان حاولت تأذيكي
_ ايوه اتقبض عليها هي واللي معاها
_ يعني بتتهميها هي
_ لا لا مبتهمش حد انا معرفش مين دول ولا ليـ....
بترت كلمتي وشردت شويه لما افتكرت كلمة البنت التخينة وهي بتقولي
_ فاكرة هتاخديه مني واسيبك
ف قالي مقاطع شرودي
_ سرحتي في ايه
_ افتكرت حاجه قالتها البنت دي..
_ قالتلك إيه
_ معرفش هي بتتكلم عن ايه بس قالتلي فاكرة هتاخديه مني واسيبك
_ تاخدي مين
_ معرفش
_ اه... طيب تعرفي دول
قال وهو بيوريني صور علي التليفون كانت صوره مشوشة متاخده من كاميرا في نفس الشارع بتاعنا كانوا هما البنتين بيجروا ف قولت
_ ايوه هما دول اللي ضربوني
_ متأكدة
_ اه متأكدة هما دول
_ شوفتيهم قبل كدة
_ لا دي اول مرة
اتنهد بعمق وقال
_ تمام
كمل وهو بيقوم
_ هرجعلك تاني
قال كده ومشي وبعد شويه جم كلهم بما فيهم إسلام وسألوني عن اللي عملوا فيه كده ف قولتلهم اللي حصل
#زيد
إي راجل طبيعي يشوف حد غيره قريب من البنت اللي تخصه زي ما كنت انا قريب من خلود وقت دخلت إسلام علينا كان اتعصب او علي الأقل بين عدم رضاه ولكن محستش للحظة انه متضايق وكان الموضوع عادي وده شغلني اكتر من توتره لما سمع كلام خلود لما حكت عن البنتين اللي ضربوها.
مكنتش مرتحله نهائي وعلشان كده طلعت واتصلت بواحد وطلبت منه يجي بسرعة علي المستشفي علشان يمشي وراه ويجيبلي اخباره وبعدها قعدت معاه وعطلته علشان ميمشيش قبل ما يجي
#إسلام
بعد ما سمعت وصفها للبنات علي طول عرفت ان شيماء هي اللي عملت كده هي وصحبتها ومش هو ده اللي خوفني انا اللي خوفني انها تقول حاجة عن نيرة اكيد ساعتها هيعرفوا اني من طرفها
ف طلعت من هناك علي طول علي بيتهم وفضلت واقف لساعات مستنيها ومشوفتهاش
#مليكة
بعد عشر رنات من بدر في اوقات متفرقة مرضتش ارد عليهم ، أخيراً داب جليدي ورديت عليه وقولت
_ افندم عايز إيه
_عارف انك زعلانه بس ده مش وقته.. في حاجه حصلت عاوز اقولك عليها
_ ايه اللي حصل
_ بنت كلمتني وقالتلي انها شافت ريان بس بعدين قفلت وعملتلي بلوك ومش راضيه ترد علي اي رقم برن عليها منه وبتعمل بلوك عليهم
_ بتتكلم جد
_ ايوه
_ طيب وبعدين
_ معرفش مش عارف ممكن اوصلها ازاي
_ طيب اديني رقمها
_ هتعملي ايه
_ اديهوني بس
_ ماشي هبعتهولك واتس
بعتلي الرقم ورجع يقولي
_ ابقي بلغيني وصلتي ل أيه
_ ماشي
قفلت معاه ودخلت اشوف لو عندها واتس او اي حسابات بالرقم ده وبالفعل لقيت مجموعة حسابات علي كذا موقع بنفس الرقم واسمها خديجة ف بعتلها رسالة قولتلها فيها
_ السلام عليكم لو سمحتي من غير ما تعملي بلوك انا محتاجة اتكلم معاكي ضروري عن ريان السبع اللي قولتي انك تعرفيه.. اهله تعبانين جدا وابوه بين الحياه والموت لو صحيح تعرفيه كلميني ولو متعرفهوش قولي احنا اعصابنا متدمرة لوحدها مش ناقصين نتعلق بأمل كداب
بعتها واستنيت عشان تستلمها وفي الوقت ده بعتلي ريان رسالة بيقولي فيها
_ عملتي ايه
صورتله سكرين وبعتهاله ف قالي
_ يا نهار ابيض والله ما جه علي بالي اعمل كده برافو عليكي بتعرفي تفكري
_ وانا اجي جنبك ايه ، انت ابو الافكار كلها
_ هههههه انتي لسة زعلانة
_ ايوه والموضوع مش هزار.. بعد ما نشوف ريان هعملك بلوك ومش عاوزه اعرفك تاني
_ لما نشوف مش يمكن ميظهرش
مردتش عليه تاني ورجعت اشوف الرسالة لقيت البنت استلمتها ومردتش ف رجعتابعتلها كتير وبردو مفيش رد ف رجعت ابعت تاني لبدر وانا في طريقي ل جويرية واقوله علي اللي حصل
#ريان
جه عاصم يقولي وهو بيوريني سكرين في التليفون
_ ريان، شوف خديجة باعتة إيه وبتقولي اوريهولك
دققت شويه في الاسكرين وقولت قبل ما انتبه لصورة
_ بابا تعبان! ، اية الكلام دة ، مين دي
_ يمكن اختك
_ لا لو اختي كانت قالت
رجعت ابص علي الصورة وبعد ما دققت النظر فيها كويس لقيتها مليكة ف قولت باندهاش
_ مليكة وبدر ، ايه مخليهم يدوروا عليه.. ايه اللي بيحصل.. وبابا تعبان بجد ولا ده كلام
_ اكيد طبعاً تعبان هو وامك واختك وكل اللي يعرفوك
_ وهو ايه اللي يتعبه
_ يمكن علشان هو ابوك
_ يمكن
كملت بحيرة
_ طيب اعمل ايه ، اسكت ولا اعمل ايه ، انا مش عاوز ارجع تاني
_ اقولك تعمل ايه .. حل يريحك ويريحهم
_ هو إيه
_ هقولك
#جويرية
كنت بجهز علشان اروح مع بجاد وفاطمة نجيب لبس للمدرسة وقبل ما اخلص دخلت عليه مليكة وقالتلي
_ علي فين يا هدهد الجناين
قولت بإبتسامة وانا بتقدم ليها واحضنها
_ مليكة وحشتيني
_ وانتي كمان وحشاني قوي
قولت وانا بتحرر من بين ايديها
_ بتصل بيكي مبترديش ليه
_ اسألي الطويل الأهبل ابن عمك
_ بدر
_ هو في غيره
_ عمل ايه
_ قطع خلفي يا جويرية ..الحيووووووان مثل انه بيتقتل في نص الطريق و..... و.... اسكوتي مش هكمل بس انا لغيت دلوقتي كل ما افتكر اقعد اعيط
قالتها وهي بتجهش بالبكاء ف قولت
_ متزعليش واحكيلي عمل ايه
رجعت لطبيعتها وقالت
_ مليش نفس احكي.. رايحة فين كده
_ احكيلي بس عمل ايه
_ عمله اسود ومهبب علي دماغه.. اسكتي متجبليش سيرته.. ها رايحة فين بقا
قولت بإبتسامة
_ رايحة مع بجاد اشتري لبس للمدرسة
_ بجددد... والله فرحتلك
_ ربنا يخليكي ليا
كملت بإبتسامة
_ كان في حاجه عاوزه اقولك عليها
_ شكلها حاجة حلوة احكيلي
هزيت دماغي وسعادتي كاسية ملامحي ف قالت
_ طيب ايه قولي
_ ريان
_ ماله
_ هيرجع
تلاشت ابتسامتها وقالت
_ انتي إيه اللي عرفك
_ حلمت بيه
_ إيه
_ اه حلمت بيه حلم من اللي بيتحققوا
_ إيه بردو
_ ايوه انا في احلام بشوفها وبتتحقق.. انا بعرف افرق
_ وده ازاي
حكتلها بعض الاحلام اللي اتحققت ف ضحكت وقالت
_ والله ممكن ليه لأ.. طيب في حاجة حصلت مكنتش حابه اقولك عليها قبل ما نتاكد
قولت بترقب
_ إيه.. في اخبار عنه
_ مش متأكدة.. في واحده كلمت بدر وقالتله انها تعرف طريقه
قولت بسعادة
_ يعني هيرجع بجد
_ مششش عارفه.. هي قالتله كدة وبقت تعمل بلوك لأي رقم يتصل بيها منه وانا بعتلها رسالة قولتلها فيها ان اهله قلقانين عليه وابوه عيان وبقيت ابعتلها تاني وتالت ومردتش.. ف مش عارفه صح ولا نصابة
_ طيب وهي مبتردش ليه لو صح تعرف طريقه... ايه ده بتقولي اتصلت ب بدر
_ اه اصل بدر عمل ملصقات عن ريان وبنوزعها وكاتب عليها رقمه
_ ايوووة ، طيب وهي اتصلت وبتعمل بلوك ليه يكون نصابة
_ ممكن بس غريبة لأن اصلا فيه مكافأة وهي مدورتش عليها.. ممكن تكون بتستهبل
_ ودي حاجه يستهبلوا فيها بردو
_ ناس فاضية وابن عمك افضي منها ده كاتب انه متخلف عقلياً
_ متخلف؟
_ تصوري
_ يكون عاوز يعمل حاجه تاني
_ لا هو عاوز يلاقي صاحبه وبس شكله اقتنع انه مكنش قاصد يخونه
#فاطمة
بعد ما جهزت وقعدت في انتظار بجاد لقيت بابا بيقعد قدامي وبيقولي
_ مبسوطه بالمشوار ده
قولت بإبتسامة
_ عادي
_ اها... بس دي اول مره هتروحي تشتري هدوم من غيري
ارتبكتب بسبب كلامه وقولت
_ انا اسفة قوي بس انا بقول انك تعبان ولازم ترتاح.. أكيد مستغناش عنك
_ انا مش تعبان وحابب اروح معاكي
_ طبعاً حبيبي روح معانا.. بس حضرتك كويس
_ كويس
_ مفيش حاجه يعني
_ مفيش غير ان محدش ضامن ممكن مشوار زي ده يتكرر تاني ولا لا
_ أكيد هيتكرر كتير واحنا هنبطل نجيب هدوم.. ولا خايف اني استغني عنك واستبدلك ب بجاد ههههه
_ خايف ميكونش في العمر باقي.. انا دلوقتي بقيت مش عايز غير اني اعيش اللي باقيلي جنبك
قولت وانا بقعد جمبه وابوس ايده
_ بعد الشر عنك العمر الطويل ليك
_ ربنا يخليكي ليا.. ومتزعليش اني هضايقكم وهعيش معاكم.. ما انا مقدرش اعيش من غيرك
قولت وانا بحضنه
_ متقولش كده انا مكنتش هسيبك لوحدك ربنا يباركلي فيك وما يحرمني منك ابدا
قال وهو بيضمني بجد لأول مره في حياته
_ ويحفظك
طال عناقنا وبعدين بعدني عنه وقال بتنهيدة
_ عارف ان الفترة الاخيرة زعلتك كتير.. بس يعلم ربنا يابنتي ان أي حاجة خبيتها عنك كان خوف عليكي وخوف من تشوية صورتي قدامك
_ عارفة ومش زعلانه منك
سكت شويه وعينه متشالتش عني لحظة وبعدين قال
_ بتحبيني يا فاطمة
_ إيه السؤال ده مالك النهاردة
_ بتأكد ان اللي حصل مكرهكش فيه
_ لا طبعاً مستحيل اكرهك مستحيل انا ليه مين غيرك
قال بإبتسامة باهته
_ ريحتي قلبك
_ مالك يابابا في ايه قلقتني.. حضرتك كويس
_ كويس
_ بابا في ايه
_ مفيش حبيبتي كنت بطمن انك هتفضلي تحبيني بس
_انت ازاي تفكر في كدة ، كل اللي حصل زعلني بس مقللش من غلاوتك في قلبي ، عمري ما اكرهك يا بابا.. مهما يحصل ومهما اكتشف اسرار وانا متوقعة اني هكتشف اسرار بس بردو عمري ما اكرهك.. انت كنت اب وام وصديق ومقصرتش في تربيتي لا بحب ولا بمال ازاي ممكن محبتك تقل في قلبي
قال بإبتسامة باهته
_ الحمدلله انا كدة اطمنت
_ بابااا في ايه
_ بختبر غلاوتي عندك ولا خلاص علشان لقيتي بجاد غيري مش حملالي كلمة
_ هههههههه اااه.. لا ولا الف بجاد يملوا مكانك هو بجاد واحد وبس
_ ايوه بأمارة الودودة طول الوقت وسيباني اهش لوحدي
_ هههههههه اسفة مش هسيبك تاني ولو عاوز انا هسيبه
_ ماشي سيبيه
_ اسيبه
_ اه
_ طيب لما يجي قوله
_ اقوله فكراني هخاف
#بجاد
كنت فاكر ان هي بس اللي هتروح ولكن تفاجأت ان خالي كمان رايح معانا ودي كانت غريبة شويه ولكن معلقتش وروحنا كلنا ، انا وهو ركبنا قدام وهي وجويرية ورا ومقدرتش اتكلم معاها نهائي لغيت ما وصلنا وكنت متصور ان انا اللي هختار معاها هدومها وهقولها رأيي لكن لقيت انها مطلبتهوش اصلا ولا اهتمت بوجودي وكان كل كلامها وعرض الهدوم علي ابوها وبس ف مكنش قدامي غير اني اساعد جويرية في اختيار لبسها وانا متوقع انها تيجي تقولي حتي ايه رأيك في اللي اخترته او حتي ادفع بس مقلتش وبعد ما خلصنا قالت ل ابوها يدفع ف قولت وانا بقف بينه وبين الراجل
_ لا انا هدفع
كملت وانا بديلة الكارد
_ اتفضل
قالت
_ طيب ليه بابا كان هيدفع
قولت بجدية
_ من دلوقتي لبسك مسؤليتي انا.. البركة فيك طبعاً ياخالي
_ عادي ياحبيبي انا وانت واحد
رجعت ابصلها وانا متضايق من تجاهلها ليه وهي بردو مهتمتش ومسكت في دراع ابوها وبقت تتكلم معاه ومع جويرية ولا عبرتني بنظرة حتي وبعد ما خلصنا وروحت اوصلهم ودخلنا قعدنا شويه خدت الهدوم وجويرية ودخلت ومطلعتش تاني غير لما ندهت علي جويرية علشان نمشي وقتها بس ودعتنا ورجعنا البيت وانا بحلف ما هكلمها غير لما تكلمني واول ما دخلت الاوض وفتحت الداتا وصلني رساله منها بتقولي فيها
_ عارفة انك زعلت بس انا زعلانه منك علشان زعلت من غير ما تفهم
_ كويس انك عارفه.. بس افهم إيه مش شايف ان في سبب لتجاهل ده
_ لا فيه
_ وفي ايه بقا
_حسيت ان بابا حاسس بالوحدة بسبب بعدي عنه الفترة الاخيره.. هو متخيل اني بعدي عنه كره ليه بسبب اللي عرفته مؤخراً.. كنت حابه احسسه انه لسة بحبه
_ وايه دخل ده بتجاهلك ليه
_ حسيته بيغير عليه
بيغير عليه ، مكنتش كلمة ساهله زي ماهي متصورة ، كانت كلمة قادرة تلخبط كياني وتعيشني في شك وقلق من وجودها معاه ، في النهاية هي مش بنته وعايشين لوحدهم
_ روحت فين
قالتهالي بعد ما اتأخرت في الرد عليها ف قولت
_ معاكي.. ممكن مانتي بنته وطبيعي يغير عليكي
_ طيب إيه مش زعلان
_ لا تمام مفيش حاجه
_طيب وحشتني قووووي قوي
رديت بإبتسامة
_ وانتي وحشاني قوووووي قووووووي قووووي.. كنت متأمل اني هقدر اقعد معاكي شويه.. وكنت عاوز احضنك
_ هههههههه اتعودت انت علي الاحضان
_ حضن بريء.. حاسك وحشاني قوي
_ وانت كمان واحشني قوي
_ اقولك حاجه
_ قول
_ انا مبقاش عندي صبر علشان نكون مع بعض.. مش حزن ولا احساس بالوحدة بس انا حاسس اني محتاجك قووووي جمبي
_ وانا.. بس اقولك حاجه ومتقولش عليه نكدية
_ ربنا يستر
_ انا مش مستنيه ونفسي نتجمع بسرعه علشان خايفه حاجة تحصل وتمنع
_ انا قولتلك ايه.. مفيش حاجه هتمنع غير الموت.. المووت وبس
_ مش عاوزه اموت قبل ما اعيش معاك
_ مش هتموتي وهنعيش مع بعض بس ابوس ايدك بلاش الكلام ده ، انا بقلق من قلقك وبتأثر بخوفك.. ممكن تتفائلي خير
_ حاضر
_ ايوة كده مش عاوزك تقلقي من حاجة
_ انا قلقانه اني مكنش معاك اي حاجة بعد كده ساهله هنعديها مع بعض
_ مش هتحصل اي حاجة وهنكون مع بعض... بس ايه المناسبة ايه اللي خلاكي تقلقي
_ بصراحه انا قلقانه من الاول.. مفيش حاجة جدت
_ عادي يا فاطمة دائماً الخوف مرتبط بالمستقبل الكل بيخاف من اللي جاي.. بس انا بقولك مفيش اي حاجة وحشة هتحصل
_ يارب
#بدر
كنت مع أهلي في المستشفي بطمن علي خلود لما وصلني اتصال من رقم البنت اياها ف سيبتهم وطلعت بسرعه من الاوضه ورديت وانا بكمل طريقي لشارع
_ الو
_ انت بدر
_ ايوة انا.. انتي ايه حكايتك قولتي كلمتين لخبطتيني بيهم وعملتي بلوك ومبترديش علي اي اتصال .. تعرفي طريق ريان بجد ولا بتنصبي
_ اعرفه هو معايا دلوقتي بس اضمن منين متكونش انت اللي حاولت تقتله وكنت السبب في حالته
قولت باستفهام
_ يعني ايه تضمني منين.. ريان فين
_ اول حاجه هو مسمهوش ريان هو اسمه ادم
_ ادم ولا ريان.. ايه حكايتك انتي بالظبط
_ ريان هو ادم قبل ما نلاقيه فاقد الذاكرة ومش فاكر اي حاجة
_ فاقد إيه
_ الذااااكرة
الفصل السابع والاربعون
ريان
كنت متوتر جداً ومش قادر اهدا وانا بسمعها بتتفق معاه نتقابل وكنت هخطف منها التليفون واقفل قبل ما تديلوه العنوان ولكن عاصم منعني وبعد ما خلصت بصتلي وقالت
_ انت متوتر ليه هو هياكلك
_ يا جماعة انا قولتلكم مش عايز ارجع ، وبعدين هو بيدور عليه ليه تاني
_ يابني لازم تقابله علشان تعرف الدنيا ماشية ازاي ، وكمان هو شكله قلقان عليك ومفتكرش انه بيفكر يغدر بيك علشان التوتر اللي انت فيه ده
_ انا مش خايف من غدر ياحجة انتي ، انا مش عايز اشوفه ولا عايز ارجع للعيشة دي تاني .. ومش حاسس اني هقدر امثل قدامه اني مش فاكر ، اكيد هيعرف كل حاجة مجرد ما اتكلم
قال عاصم
_ لازم تقدر
_ هو ايه اللي لازم ، ايه اللي لزمه ، انا مش هعرف اصلا يا جماعة
قالت خديجة بنرفزة
_ ياغم مثل متعرفش تمثل ، اعتبر نفسك في رواية من بتوعك.. او ممكن تسكت في اول لقاء كدة كدة احنا عاوزين نوصله انك مش فاكره وبتتوتر ف بالتالي هيكون مبرر لانك تقعد بعيد عنهم
خدت نفس عميق وقولت بحيرة
_ مش عارف
غمضت عيني ومسحت علي وشي بأيدي قبل ما اتفزع لما لقيتها بتمسك ايدي التانيه وتقولي وهي بتضمها
_ اهدا هتعدي بس انت اهدا بلاش تتوتر قوي كدة
ابتسمت بمجاملة وقولت بتوتر وانا بشيل ايدي منها
_ هحاول
_ هتحاول وهتقدر ، اسد يلا في ايه اجمد كدة
_ ما اديني جامد اهو
ضحك عاصم وقال
_ جامد قوي هههههههه دي ديجا اجمد منك
_ هتلبخ ولا ايه
قالت خديجة
_ عنده حق انت مرهف الاحساس وبتتأثر بسرعة
_ ما خلاص انتي وهو ناقصكم انا ، اسكتوا وسيبوني في اللي انا فيه
ضحكت وقالت
_ ايه اللي انت فيه ، يابني احنا معاك ولا مش مطمنلنا
_ لا طبعاً مطمن كتر خيركم وقفتوا معايا ، متشكر يا جماعة
قالت وهي بترزع ايدها علي كتفي
_ شكرا ايه احنا صحاب
_ الصبر يارب...يا ماما ايدك تقيلة اتقل من ايد بدر
قال عاصم اثناء ضحكه
_ هههههههه والله بقولها كدة وهي مش بتصدق
_ خلاص يا خفة انت وهو يلا اخرتوني
رجعت بصتلي وقالت
_ الصبح هكون عندك ، اهددددددا خالص احنا جنبك ومش هنسيبك
قولت بإبتسامة
_ متشكر قوي يا خديجة ربنا يخليكي
قالت بإبتسامة خفيفه
_ اوكي باي
مشيت وانا تبعتها بعنيه وانا مستعجب ازاي دي بنت لا شعر ولا حتي جسمها فيه شكل الانوثه ولا تعاملها كمان
_ بتفكر في ايه
قالهالي عاصم بنبرة فيها مكر وهو بيضرب علي كتفي ف بصتله وقولت
_ بفكر ازاي دي بنت ، تحسها واحد صاحبك شوف كده امانه حد يصدق ان اللي ماشي دي بنت
_ هههههههه لا
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
#مليكة
كنت قاعدة علي سريري بلعب في التليفون وفجأه ظهرلي اتصال من بدر ولما رديت قالي
_ فينك
قولت برخامة
_ ليه
_ البنت كلمتني تاني وقالتلي ريان معاها وهنتقابل بكرة
قولت بذهول وانا بعتدل
_ بتتكلم جد
_ ايوه بس في حاجه غريبه قالتها
_ قالت ايه
_ قالت انه فاقد الذاكرة
_ نعم! فاقد الذاكرة! ، هو في حد بيفقد الذاكرة ولا ده كلام أفلام
_ مش عارف هي اللي بتقول
_ اممم طيب اسمع انت متروحش لوحدك ومتاخدش فلوس معاك غير لما تتأكد
_ هي قالتلي مش عاوزه حاجه اصلا
_ غريبة دي ، يكون عاوزه تقتلك
_ تقتلنننننني؟ وانا هتقتل معاها عادي كده
_ ممكن تكون جايبة ناس معاها اكيد مش هتقتلك لوحدها
_ اه ، هو هبل البنات انا اعرفه من وسط مليون هبل روحي نامي انا قولت اعرفك
_ استنا
_ إيه
_ هاجي معاك
_ تيجي معايا فين
_ للبنت
_ وتيجي معايا تعملي ايه
_ هقابله لو كان كلامها صح ، انا دورت معاك علي فكره ومن حقي اشوف بنفسي
_ كسر حقك ، لا مش جايه
_ بدر!
_ مش جايه بقولك
_ طيب والله لو ما خدتني لا البسك مصيبة دلوقتي
_ مصيبة اما تاخدك خلاص بكرة لاقيني عند الكافيه بتاع المره اللي فاتت
_ ناااااعم
_ مش هعمل حاجه يختي هو انا غبي علشان اكرر نفس المقلب
_ اممم صح
خلاص جايه بس خليك عارف اي تصرف كده ولا كده هوديك في ستيييييين داهيه
_ هههههههه ماشي
_ لا اقدر علي فكره بلاش الضحكة دي علشان انت متعرفنيش
_ هههههههه اوكي يلا نامي
_ انا بحذرك
_خلاص بقا اتخمدي عايز انام
#خلود
فتحت عيني لقيت الليل دخل وتيتة نايمة علي الكنبة ف حاولت اقوم علشان اروح الحمام وبعد جهد كبير قدرت اقف واتسند علي الحيط وانا حاسه بدوخة شديدة وجسمي كله واجعني ومشيت بخطوات تقيلة لغيت ما خرجت من الاوضه ومشيت كام خطوة وساعتها مقدرتش اكمل و وقعت جنب الحيط سانده ضهري عليها وانا مغمضه بتعب بس كنت فايقة وحاسة بكل حاجه وفجأه حد شالني رفعت جفوني بصعوبة ف لقيته زيد كان ماشي بيه ولما شافني فتحت وقف وقالي بتوتر
_ فايقة
قولت وانا بنزل
_ اه نزلني
لمست رجليه الارض بس مكنتش قادره اتزن ف مسكت ايده وحاوط ضهري بأيده التانيه وللحظات اسودت الدنيا في عيني ومبقتش قادره اسند نفسي وبقيت محمله عليه وسانده دماغي علي صدره وانا لسه مغمضة ومحستش غير وهو بيرفعني تاني ويمشي بيه لغيت الاوضه وريحيني علي السرير ف قولت بتعب
_ كنت قادرة امشي لوحدي مكنتش شيلتني
_ اه واضح .. ايه خرجك من الاوضه
_ كدة
_ مفيش حاجه اسمها كدة انتي تعبانه واللي ضربوكي محدش لقاهم ف خلي بالك
_....
_ مكلتيش؟
_...
_ أكيد مكلتيش
كمل وهو بيستدير
_ اهو في اكل مكنتيش هتتعبي لو مديتي ايدك
رجعلي وقال وهو بيفتح علبة منهم
_ خدي
علقت عيني بالعلبة ومحركتش ايدي ف قال وهو بيغرف الشربة بالمعلقة
_ شكلك تعبانه قوي؟
_...
_ لما تاكلي هتفوقي.. خدي
قالهالي وهو بيقرب مني المعلقة ف رفعت جفوني وبصتله ف قال وهو بيقعد جمبي ويقربها ليه اكتر
_ كلي علشان تخفي ، انتي خسرتي دم كتير ، ها ، افتحي بوقك
استمرت نظراتي ليه من غير رد ف قال
_ يلا.. كلي.. ها
قربها لغيت ما لمست بوقي ف استجبت ليه وشربت وكررها لخمس مرات لغيت ما الشربه وقعت علي ثغري وقبل ما ارفع ايدي علشان امسح لقيته ماسك منديل وبيمسحلي بلطف زي ما يكون عيلة قدامه ويقولي
_ كويس انها مش سخنة
قولت وانا ببعد ايده
_ بعرف امسح لوحدي ابعد
_ عارفك شاطره وبتعرف تعملي كل حاجة
قطبت حواجبي بتذمر من سخريته ف قال بإبتسامة
_ متتحمقيش قوي كدة بهزر معاكي يلا نكمل الشربه
_ مش عاوزه
_ علشان تفوقي
ديرت وشي عنه وقولت
_ مش عاوزه افوق
_ لازم تفوقي وتخفي بسرعة علشان تخرجي من هنا
كمل وهو بيقدملي المعلقة
_ يلا كلي
بصتله وقولت
_ مش عا.....
قاطعني وهو بيقرب مني المعلقة
_ اشرررربي
_ مش....
_ بقولك اشربي... يلا بدل ما اتعصب عليكي.. يلا افتحي بوقك
_ ...
_ وبعدين!!! يلا.. هم يا جمل
_....
_ الطيارة دي رايحه فين؟!!!!.. يلا هم النم ، يلا بقا عاملك دادة اهو
_...
_ يلاااا نفتح بوقنا قبل ما القطة تشربها قبلك.. ها
فتحت بوقي واستجبت ليه وانا بصاله ومش قادره اشيل عيني عنه وهو استمر في طريقته لغيت ما خلصت وبعدين ساب العلبة وقالي
_ برافو ، دلوقتي جه وقت الدوا
كمل وهو بيديني البرشامة وكباية الميه
_ خدي
خدتها منه وشربتها وبعدها اداني التانيه لغيت ما خلصت كل الدوا ف قالي
_ حاولي تنامي شوية وانا هرجع الاستراحة
قولت بتردد
_ انت ليه قاعد هنا ، مروحتش ليه معاهم
قال وهو بيتهرب من النظر ليه
_اااا... اصل ابوي قالي اقعد معاكم ، علشان انتي عارفه اخواتي بيروحوا الشغل الصبح ومش هيقدروا يسهروا
_ اه.. طيب تقدر تروح احنا مش هنحتاج حاجة
_ ولو اللي حاولوا يقتلوكي جم ، ولو وقعتي تاني مين هيجيبك ، ولو احتجتوا حاجة مين هيجبهالكم
_ اي حد غيرك
_ متمرش فيكي تعبي معاكي ، يا خسارة تربيتي .. انا في الاستراحة لو عوزتي حاجة اندهي
قالها واستدار علشان يمشي ف قولت
_ إيه خلاك تتصل بيه ، كنت عاوز إيه تاني؟
_ ولا أي حاجة ، هاجر قالتلي اكلمك واقنعك تبعدي عن إسلام
_ أنت تقنعني أبعد عن إسلام ، ملقتش غيرك تقنعني
_ تصوري ملقتش غيري ينفع يقنعك ، بس هي هبلة كانت عاوزاني الطف معاكي واقولك بلاش ف انتي تصدقي ما تلاقيها وتسيبيه عشاني وكدة
_ والله؟
_ اه والله
_ وانت كنت متصل تلطف
_ ههههه الطف! ، لا طبعاً ، انا كنت متصل اقولك ابعدي بصفتي دكتور نفساني وهقدر اقنعك
_ طيب إيه رأيك بقا انك لو كلمتني بأي صفة مش هغير رأيي وهتجوزه، ومش هتقدر تقنعني لو عملت ايه
ابتسم بجنب شفتيه وقال بشيء من السخرية
_ ما انا عارف ، امال هتداوي كرامتك ازاي عاوزه تفهميني ان الف واحد يتمناكي واني مش مهم عندك والكلام العبيط ده اللي مش شاغلني اصلا ، بس انت استعجلتي ورضيتي بأزبل واحد.. بس انا بجد ميفرقش معايا علشان تعملي كده عشاني انا ايه هيضرني في جوازك ، عاادي جداً
_ ولما هو عادي متضايق منه ليه ، بتعامله بطريقة وحشه ليه لما جالكم ولما جالي هنا
_ دي الطريقه اللي تنفع مع واحد سرسجي زيه ضارب شعره اكسجين ، انتي بره الموضوع وحتي لو زعلان انك هتجوزيه ف انا زعلان علشان هتجوزي واحد زي ده صايع مش شخص محترم يناسبك ، انا اعتراضي علي الشخص مش علي جوازك انتي مش هتضايقني أبداً بحاجة زي دي .
اتعلمت منه ان اللي بيتكلم ويشرح من غير مايكون مضطر لكدة بيكون قاصد يوصل فكرة للي قدامه هو اصلا مش مقتنع بيها ، هو لو سكت انا كنت هفهم اللي بيحاول يقوله من غير ما يتكلم عكس اللي فهمته بعد ماتكلم ، ف كان ردي هادي من غير نرفزة وانا بقوله
_ اها وصلت
_ هي ايه دي
_ الفكرة اللي بتشرحهالي ، مع اني مطلبتش منك شرح انا بسالك بتضايقه ليه وبس
ازدرد لعابه وقال
_ ايوه فاهم وكلامي ده علشان متفكريش ان بلي بتعمليه ده هتضايقيني ، انتي هتتعبي نفسك بس وانا بصفتي اخ بنبهك
_ اخ
_ ايوه
_ هههه ماشي ياخويا
بعثر نظراته وقال
_ انا بره لو احتاجتي حاجة
#مليكة
جه تاني يوم وروحتله وانا واخده بخاخ الشطة والمون والخل معايا في ايدي تحسب لأي غدر منه وقبل ما ادخل الكافيه بصيت جوه كويس وملقتهوش ف قولت بصوت مسموع
_ مش موجود ايووة زي ما توقعت مجهزلي مصيبه
كملت وانا برفع البخاخ في وضع الاستعداد للبخ
_ بس علي مين، انا معي سلاح صغير مفعوله كبير وجهزاله
قولت كده وفجاه حد لمسني في كتفي صرخت واستدرت بسرعه وانا برش بالبخاخ ف جه في عينه غمض وبقا يوحوح وهو بيفرك في عينيه ويقولي
_ هتعميني يابت المجنونة ، عييييني
قولت بتوتر
_ انا اسفة والله ما قصدي تعاله
مسكت ايده وخدته علي اقرب طربيزه وهو لسه بيفرك في عينيه قعدته وقولت وانا بخرج منديل
_ انا اسفة جداً جداً.. خد امسح
كملت وانا بمسك كباية مية كانت قدام اتنين جمبنا
_ خد اغسل
ممسكش مني الكباية ف رشيت نصها في وشها ف زعق بعصبية وقال وهو لسه مغمض
_ بتعملي ايييييه
_ بغسلك عينيك هتتعمي
فتح بصعوبة وبقا يبص حوليه ويقول
_ اااه حرقان فظيع.. انتي رشيتي ايه
_ خل وشطة ولمون
_ خل وشطة ولمون ايه هو انتي هتبلي بطاطس.. يخربيتك اللي خلفوكي اااه يا عيني هعما
قولت بعبس
_ اسفة جداً ، خد امسح
شد مني المنديل وقال
_ منك لله هعما
_ اسفة
_ اسفة ايه بقا الله ياخدك اااه
بقا يمسح في عينيه بشده ويضغط عليهم بالمنديل ف طلعت منديل مبلل وقولت وانا بقف جمبه واشيل ايده
_ براحه هتعمي نفسك، شيل ايدك دي
_ ملكيش دعوة وابعدي عني
قولت وانا بشدها بقوة
_ افصل شويه ، وريني
_ مش عاوز منك حاجه
_ اخرس بقولك
كملت وانا بمسح بلطف علي عينيه
_ دقيقة وهتهدي بس بلاش الشدة علشان متلتهبش خليك مغمض شويه
_ طيب ياست الدكتوره هاتي واحد تاني
طلعت منديل تاني وحطيته علي عينه التانيه وقولت
_ كده تمام دقيقة والالم هيروح
قولتها ورجعت مكاني وقعدت لغيت ما شال المنديل وقدر يفتح شويه بس عينيه كان لونهم احمر زي الدم ف قولت
_ يا نهار ابيض عينك شبه الطماطم ، لازم قطرة.. دقيقة جايه
_ لا مش عايز
_ مش عايز ايه هو انا بعزم عليك بلب ، هتتعمي ان شاءلله ، اتبط شويه الصيدليه اهي
قولت كده وقومت متجاهله كلامه وجبت قطرة ورجعت وقولت وانا بدهاله
_ خد
_ قولتلك مش عايز جبتي ليه
_ ياعم خد صدعتني
خدها مني وقال
_ ماشي شكرا
_ شكرا علي واجب ياخويا يارب يتمر
_بتقوليلي انا يتمر ، طيب وبنسبة لتتبيلة اللي رشيتيها في عنيه دي
_ انت اللي خضتني ومتنساش ان ليه عندك تار
_ ايوه هنقضيها رد علي بعض ، انتي مش هتستحملي خضة جديدة
_ انت هتهددني ولا خايفه منك واي حركه تاني هوديك في داهيه
_ هههههههه يابنتي اهمدي بتضحكيني
_ مبهزرش انت متعرفنيش بجد
_ هههههههه اوكي.. المهم دلوقتي انتي جايه معايا ليه
خدت نفس وقولت
_ كده
تلاشت ابتسامته وقال
_ اه ، قولي عاوزه تطمني عليه عادي
_ اه عاوزه اطمن عليه اكيد
_ اوكي
_ ومالك كده.. زعلان ولا ايه
' وانا ازعل ليه.. اكيد يعني مش بغير عليكي
_ ومين قال انك بتغير عليه ، سؤالي عادي ، ولا يكون فكرتك باللي فات
_ اديكي قولتي فات وانا نسيت بدليل بدور عليه اهو
_ يعني اقتنعت انه مغلطش
_ انتي شايفة انه مغلطش
_ ايوه
_ اوكي
_ بجد مغلطش هو مكنش بوعية
طالت نظرته ليه في صمت ف قولت
_ ايوووة مكنش بوعيه
_ في الليلة دي بس مكنش بوعية بس قبلها كان بوعية وبعدها كان بوعية لما دخل وراها الحمام وهي خطيبتي كان بوعية
_ دي غلطه الوحيد بس ده كان من خوفه انه يخسرك
_ كان قادر يجي يقولي لو واثق انه معملش حاجه وانا هقدر ده
_ الواحد مبيعرفش بيعمل ايه لما يكون خايف.. الموضوع مش بالبساطة دي
_ اه
_ طيب لما انت شايل في نفسك قوي كدة بتدور عليه ليه
_ علشان غبي
_ ممكن
_ نعم
_ انت اللي بتقول
_ اها
_عينك هديت
_ ملكيش دعوة
#بدر
كان كل اللي شاغلني هو مواجهته تاني بعد الضرب اللي ضربتهوله مكنتش عارف مقابلته هتكون ازاي وهل هيتقبل ولا لا ، وعلي قد زعلي اني مش هعرف اعاتبه بعد ما فقد الذاكرة كانت راحتي اننا هنتخطي الجزء ده بذات .
وقريب المعاد اللي ادتهوني البنت اتصلت بيها قالتلي اروحلها وهما سابقيني علي هناك ف روحنا والظاهر ان توتري كان باين ومليكة لاحظته ف قالتلي
_ مفيش داعي لتوتر ده هو ناسي اللي حصل
خدت نفس وكملت طريقي لداخل الحديقة العامة اللي مستنينا فيها وبقيت ابحث عنهم بعيني لغيت ما شوفته قاعد علي بعد مسافة و ولدين معاه بس بعد ما قربت اتضح انه ولد وبنت ، والاتنين شافوني وشكلهم بلغوه بس الغريب انه مبصليش وفضل موجه وشه الجهه التانيه وكان في حركة في جسمه حسستني انه متوتر وخايف يبص وبعد ما كملت طريقي ليهم وعرفتهم عن نفسي وقفت قدامه وانا بحاول استجمع نفسي واتكلم ف بصلي بصه سريعة بتوتر قبل ما يبص للولد اللي جمبه ويتهرب من نظراتي ليه وبعد لحظات من الصمت قالت مليكة
_ ازيك يا ريان .. حمدالله علي سلامتك
مردش ف قالت البنت اللي معاه
_ احنا اسفين بس هو مش فاكر حاجه وميعرفش غير اسم ادم
كملت وهي بتمسك دراعه وتربت علي ايده
_ اهدا خايف من ايه دول صحابك ، سوري يا جماعة بس هو دائماً متوتر كده من وقت اللي حصل
قالت مليكة في الوقت اللي انا مشيلتش عيني من عليه
_ هو ايه اللي حصله
قال الولد وهو بيحك في حاجبه ويبص للبنت اللي معاه
_ من فترة لقيناه ماشي في الشارع دراعه مكسور ومتجبس ودماغه مربوطة كلها ، وجسمه كله جروح ولما سألناه رايح فين قال مش عارف واكتشفنا انه مش فاكر حاجه
كان باين قوي انه بيكدب ف قولت وانا مش مصدق كلمة من اللي قالوه ولا مصدق انه ريان ناسي اصلا ولا صدقت حكاية ان دراعي متجبس دي علشان الجبس بياخد فترة اكبر من الفترة اللي هو غابها اساسا
_ يعني ناسي كل حاجه
رجع بصلي بصه سريعة وهو بيزدرد لعابة بتوتر ف قالت البنت
_ مش فاكر اي حاجة
قولت وانا بتفحص شكله بعيني
_ ايوه باين عليه ، علي العموم انا صاحبه وجاره وزي الاخوات
كملت مشير علي مليكة
_ ودي خطيبته كانت هتتجنن عليك يا ريان
برقت مليكة بعينها وقالت
_ إيه
وزع نظراته بينا وقال بتوتر
_ لا انا مش خطيب حد ، انا مش خطيب دي.. انا خطيب خديجة.. انا وخديجة هنتجوز.. معرفش دي انا
ارتبكت البنت شويه بس قدرت بسرعه تخفي ربكتها وقالت
_ ايوه انا وادم مخطوبين
قولت باندهاش مصطنع
_ معقول ، بس ازاي دي مليكة خطيبته وبيحبوا بعض من زمان
مالت عليه وقالت بهمس
_ انت بتقول ايه
_ اششش
قال بنرفزة
_ انا مش خطيب حد ، انا معرفهاش .. انا همشي
هم انه يمشي ف مسكت فيه وقولت
_ لا استني تمشي إيه خلاص مش خطيبتك متزعلش تعاله
بصلي بتوتر وقال وهو بيشيل ايدي عنه
_ انا عايز امشي
_ لا تمشي فين ده انا ما صدقت لقيتك ، و ابوك تعبان قوي واختك كل يوم لف في الشوارع عشانك ، مش هسيبك تمشي
كملت بإبتسامة خفيفه
_ وحشتني يا صاحبي
مردش وفضلت عينيه عليه بتوتر كان باين عليه انه قلقان مني لأنه مش فاهم ايه اللي بيحصل ازاي بعد اللي عملته فيه بدور عليه وجايله عادي وكأن شئ لم يكن بس هو الغلطان هو اللي عامل ناسي لو جه معايا دوغري كنت فهمته في إيه
#ريان
مصدقنيش ولا انا قدرت امثل قدامه وبان عليه ومع كده لا انا قولت اني مش ناسي ولا هو قال انت بتكدب بالعكس ده عمل مصدق وطلب مني اروح معاه عشان بابا تعبان.
ولكن عشان كدب في ان مليكة خطيبتي مكنتش مصدقه انه صح تعبان ورفضت ف قالت مليكة
_ ليه يا ريان مش نفسك تشوف اهلك ، طيب مش نفسك تشوف نجاحك
قالت خديجة واللي كانت متماسكه بشكل طبيعي
_ نجاح ايه ده
قال بدر وعينه لسه عليه
_ اصل اللي متعرفهوش ان ريان روائي واتنشرله رواية من فترة ومكسرة الدنيا
كمل موجه كلامه ليه
_ انا قريتها وقريت القصة التانيه كانوا تحفه خلصتهم في ساعات
مكنتش فاهم قصده ايه بالقصة التانية ومعلقتش ف قال موجه كلامه لخديجة
_ هو كان كاتب كتير علي فكره ، بس حصلت حاجه ضيعت كل القصص مفضلش غير القصة اللي اتنشرت وقصة تانيه كان مخبيها مع
سكت شويه وبعدين رجع يبصلي ويقولي
_ اسراء اخته
حسيت دمي تجمد بعد كلمته دي وخاصه بعد ما كمل وقال
_ بيتكلم فيها عن نفسه اظن هتفكره بشوية حاجات ناسيها
بعثرت نظراتي بارتباك شديد لما عرفت انه بيتكلم عن قصة جويرية اللي انا كنت فاكرها اتحرقت مع باقي القصص
_ اول مره نعرف معلومة زي دي بس دي حاجه حلوه قوي طلعت كاتب يا ادم ، انت عارف انا بعشق الروايات
قالتها خديجة وهي بتمسك في دراعي وبتضغط عليه علشان اهدا بعد ما بان عليه ف خدت نفس عميق وقولت بعد ما هديت شويه
_و القصة دي معاك
_ كانت معايا بس رجعتها لاختك هتلاقيها معاها ابقي خدها واقراها واهو تكون عارف عيشت ازاي
قالت مليكة وهي بتمسك دراعه وتاخده بعيد
_ دقيقة يا جماعة
خدته وبعدت ف قال عاصم
_ باين عليه مش مصدق
قالت خديجة
_ وهيصدق ازاي وريان وشه بيضرب الوان.. انا بقول تواجهه وخلاص
_ لأ ده دوره هو في المواجهة ، هو دلوقتي عارف كل حاجه وعارف اني مش ناسي
بصيت لخديجة وقولت
_ اسف علي اللي قولته بس كنت هطر اعيش دور خطيبها بالكدب
قالت بإبتسامة ظاهرية
_ فهمت من غير ما تقول.. المهم دلوقتي هتروح معاهم
_ هروح اما اشوف ناوي علي ايه
#بدر
خدتني بعيد وقالتلي
_ انت ايه اللي هببته ده ازاي تقوله قريت القصة
_ انا بقوله علشان اعرفه ان في قصة مكتوبه عنه وهتساعده يفتكر
_ طيب افرض قراها وعرف اللي حصل
_ ايه اللي حصل ، قصته مع جويرية قبل ما يرجع من السفر وقبل ما كل ده يحصل
_ بردو مكنش لازم تقول
_ انتي هتحاسبيني
_ اه احاسبك هو مأمن اخته عليها
_ ملكيش دعوة مش كل شويه هقولك ملكيش دعوة
_ ايه الرخامة دي انت ناسي انك لبخت وقولتله اني خطيبته
_ اه انا قولتله كده علشان لما يلاقي ان عروسته حلوة زيك وقمر كدة ترجعله الذاكره
بعدت خطوة وقالت
_ إيه
_ اه
_ انت عبيط
_ انتي اللي هبله يلا نرجع
قولت كده ورجعتلهم لقيته اهدا من الاول ف قولت
_ هتروح معايا
_ هروح
#جويرية
كنت في الصاله قاعدة لوحدي في وقت غياب الكل عن البيت وساعتها جه بجاد في ايده شنطتين هدايا كبار وقال اول ما شافني
_ معقول ، جوووويرية خرجت من جحرها... ايه المناسبه عندنا فرح ولا ايه
_ مليت من الاوضه
_ قصدك القبر انا بكره اوضتك دي حاولي متدخلهاش غير وقت النوم ، وتعالي بقي شوفي جايبلك ايه
قعدنا مع بعض ف خرج من الشنطة كراريس واقلام جاف ورصاص وسكتش رسم والوان ولانش بوكس وزمزمية وقالي
_ ايه رايك
_ هههههههه لانش بوكس
_ اه لانش بوكس مانتي هتاخدي اكل من البيت مش هتجيبي من بره ودول بقا كراسات عربي وانجليزي وخط ودول لرسم ودي الوان... اوعااا
_ إيه
_ نسيت الشنطة
_ ههههههه ماما جابتها
_ امتي ده
_امبارح وجابتلي كراسات واقلام
_ دائما جاي متاخر بس مش مشكله خليهم معاكي هتحتجيهم لسة قدامك 8 او 10 سنين تعليم
_ ههههه ماشي ، متشكرة
_ ياما مؤدبه يابنتي.. بلاش الادب ده وحيات ابوكي ، خدي شيليهم في اوضتك وانا هدخل اجهز علشان جعان تاكلي معايا
_ اه... بس ايه اللي في الشنطة التانيه دي
_ اممم بقينا حشريين وبنتدخل في اللي ميخصناش
_ ههههه ل فاطمة صح
_ اديكي عارفه بتسألي لية
_ طيب ما توريني
_ لا
_ هشوف ومش هاخد حاجة
قال وهو مضيق عينيه وبيحك حاجيه
_ اممم طيب واهو بالمره تقوليلي رايك فيهم
بدا يطلع شويه دفاتر شكلهم افخم واغلي من بتوعي وقبل ما يطلع الباقي قالي
_ هي في كلية مش في مدرسة انا مسترخصتش معاكي جبتلك اللي يناسبك
_ هههه فاهمة من غير ما تقول
_ الحمدلله لا تقولي اخويا مفضل خطيبته عني
_ لا مش هقول، وريني الباقي
_ اوكي
طلع مجموعة اقلام مدهبة وشكلها غالي وقالي
_ ومش محتاج اقولك ان هي في جامعة ولازم الاقلام تكون قوية وتعيش
_ هههههههه
_ يابنتي انا مش بفرق بينكم انا جيبت اللي يناسبكم
_ انا فاهمه كل حاجه وريني الباقين بس
_ اوكي
قالها وطلع تليفون بعلبته وقالي بإبتسامة عابسة
_ الحقيقه انا المره دي مفرق بينكم انا مجبتلهاش هديه قبل كده يا جويرية ومنظري هيكون وحش وانتي فاهمه بقا
_ انا معايا تليفون ، كمل كمل وريني جايب إيه تاني
_ اوكي
قالها وطلع صورة مودرن معمولة من الخشب ليها هي وهو وبعدين طلع سلسلة قلب وقالي وهو بيفتحها
_ ودي وبس كدة
خدتها منه لقيت صوره ليه وصورة ليها من غير نقاب كان شكلها حلو قوي ف ادتهاله وقولت
_ جميلة قوي مبروكة عليها
_ اوعي تكوني زعلتي اني معبرتكش بهديه
_ مش زعلانه وانت جايبلي كتير اهو
_ ان شاءلله ليكي هديه حلوة علي عيد ميلادك الجاي ، واهو قرب
_ ان شاءلله
_ طيب يلا خدي حاجتك دخليها جوه وانا هجهز اكل
_ هدخلهم واجي اجهز معاك
_ اوكي
خدت الشنطة بتاعتي ودخلتها الاوضه وقبل ما اطلع مسكت التليفون اشوف لو مليكة اتصلت ولما فتحته ملقتش حاجة ف سيبته وطلعت اجهز مع بجاد وبعد ما خلصنا قالي
_ إيه رأيك تيجي معايا عند فاطمة
_ مش عاوزه اضايقكم
_ لا عادي كده كده خالك مش هيسيبنا نقعد لوحدنا
_ طيب ما تطلب منه انك تاخدها تفسحها وتسيب الحاجات في العربيه وبعدين تدهملها
_ تصدقي مخك شغال فكرة حلوة ، ف خلاص خليكي متجيش
_ هههههههه ماشي مش جايه
_ بس انتي هتعملي ايه لوحدك ، ما تكلمي مليكة وتخليها تيجي تقعد معاكي
_ اكيد مش فاضيه الدراسة باقيلها يومين ومش عاوزه اشغلها
_ طيب وانتي هتعملي ايه
_ يعني هعمل ايه هقعد زي كل يوم ممكن اكتب اسمي علي الكراسات واجهز الشنطة
_ اوكي
#فاطمة
بقيت كل ما اقعد شويه في الاوضه ينده عليه ويقولي قاعدة لوحدك ليه مكنش قادر يقولها صح وهي سيباني لوحدي ليه او ليه نسياني وملتهيه مع بجاد وبعد ما الموضوع ده اتكرر خمس مرات في نفس اليوم قعدت جمبه وقولت
_ بابا حبيبي انا هنا والله ما هروح مكان
_ ومين قال انك رايحه مكان كل الحكاية اني مش عاوزك تقعدي لوحدك كتير علشان متضايقيش
_ ايوه يعني مش خايف اكون بكلم بجاد ومنفضالك
_ طول عمرك ذكية
_ ياحبيبي لا بجاد ولا غيره يشغلوني عنك
_ محدش قالك متنشغليش بس انتي بعد ما تجوزي مش هتفضيلي خليكي معايا شوية
_ حاضر اوعدك مش هسيبك عشانه
_ انا مقولتش كده كلميه بس متفضليش قاعدة في اوضتك طول الوقت
_ حاضر مش هدخل اوضتي غير لنوم واقعد اتونس بيك وانت معايا هههههه بحبك انا يابابا
#بجاد
وانا في طريقي ليهم بعتلها كذا رساله واتصلت مليون اتصال ومفيش اي رد ولما وصلت فتحتلي وقالتلي برسمية
_ اتفضل
قولت بخفوت
_ مبترديش ليه
قالت متجاهله كلمتي
_ ده بجاد يا بابا.. اتفضل بابا جوه
_ اهااا اوكي مفهوم
دخلنا وبعد ما قعدت قالت وهي واقفة
_ هعمل شاي
_ لا مش عايز لسة شارب اقعدي
قعدت وكان كل كلامها موجه لخالي وكانت بترد عليه بكلمة واحده ف فهمت انها بتعمل كده علشان بيغير عليها وده ضايقني جداً مش علشان هي مقدرة شعوره ، علشان هو مش ابوها علشان يغير عليها لدرجة دي وده زود رغبتي في اني اعجل بالفرح
_سرحان في ايه
قالهالي خالي اثناء شرودي ف قولت
_ ولا حاجه.. ممكن استأذن حضرتك نروح مشوار انا وفاطمة
_ اه....
قالت بمقاطعة
_ لا مش هقدر اخرج
وجهت نظري ليها من غير كلام ف قال خالي
_ ليه ما تخرجي شويه
_ كلها بكرة وهنخرج كل يوم ، هو اللي هيوصلني للكلية
بصتلي وقالت
_ خليها يوم تاني
_ اه ، ماشي زي ما تحبي
كملت وانا بقوم
_ خمسة وجاي
قال خالي
_ رايح فين
_ هجيب حاجه وجاي
طلعت جبت الشنطة وادتهالها وانا بقول
_ اتفضلي
خدتها من غير ما تسأل ايه ده ولا تهتم تفتحها وقالت
_ متشكرة
_ طيب مش هتشوفي فيها ايه
_ اهي موجوده بعدين اشوف.. اعملك عصير يا بابا
قال وهو بيقوم
_ لا انا داخل الحمام وجاي اقعدي
_ ماشي حبيبي
دخل وسابنا وانا فضلت واقف ببصلها وبعد ما دخل وقفل الباب اتنهدت بعمق وقالت
_ انا اسفة قوي قوي قوي يا بجاد
_ بتتأسفي علي ايه ، عادي
_ عارفة انك زعلت
_ عادي مش زعلان.. ابقي شوفيهم وانا ماشي
استدرت علشان امشي وفجأه مسكت فيه وجت قدامي وارتفعت علي صوابع رجليها وباستني بوسة رقيقة وسريعة ورغم سرعتها بس بخرت زعلي منها وقبل ما تبعد شدتها ليه وحضنتها من غير كلام ف قالت بهمس
_ I'm Sorry , I love you
حررتها من بين ايديه وقولت وانا بداعب خدها
_ I love you to
قالت بإبتسامة
_ يعني مش زعلانه
_ كنت زعلانه بس انتي لحقتي نفسك..ابقي كل مره صالحيني بشكل ده
زادت ابتسامتها وقالت
_ لا متتعودش علي كده
_ لو كان الصلح كده هتعود وكل يوم هزعل
_ هههههه
قولت وانا بتأمل جمالها
_ بحبك قوي يا فاطمة ، ولو مش بحبك مش هيهمني تجاهلك ولا اهتمامك ده انا مبقاش عندي صبر علشان نكون سوا
_ ولا انا بس هنضطر نستنا لغيت ما بابا يطمن
_ هو مش من حقه يقلق اصلا انا كاتب كتابي عليكي وشوية وهنعمل فرح
_ هو مبيقولش حاجة عليك ولا بيعترض علي اي كلام ، ده هو دخل علشان يسيبنا علي راحتنا ، بس كتير بلاقيه خايف ابعد عنه ، هو ملهوش غيري يا بجاد
_ ما احنا قولنا هنعيش مع بعض مش هاخدك منه يعني ، وبصراحه كده انا مش هقدر استنا انا هكلم بابا ونعمل الفرح قريب مش هنستنا تخلصي السنه اللي فاضله ولا هنستنا ترم
_ هههههه ياحبيبي مينفعش مش عشان بابا بس وكمان مش هعرف اركز في الدراسة
_ انا هخليكي تركزي مش هعطلك
_ بس انا مش عاوزه انشغل عنك في اي حاجة ، لما نتجوز هقاطع تعليم وشغل اول سنة دي مش هتواصل مع حد غيرك.. ينفع اسيبك واروح اذاكر او اروح محاضره
لمعت عيوني وانا بقول
_ لا
_ طيب خلاص نأجلها.. ولا انت هتقدر تستغنا عني كذا ساعه في اليوم
_ ولا ثانيه واحده
زادت ابتسامتها وهي بتقول
_ كده مقدمناش غير نستنا
_ ماشي بس مش كل شوية تتجاهليني
_ للأسف هتجاهلك بس احنا نقدر نزوغ ساعة قبل المحاضرات ونخرج في اي حته ، وهراسلك كل شويه
_ اممم
_ بلييييز
_ ماشي موافق بس بشرط
_ إيه
_ كل ما ازعل تصالحيني بشكل ده
_ هههههههه مش هزعلك تاني
_ تبقي بتحلمي انا هتلككلك وهقفلك علي الواحدة
#هاجر
كنت بجهز علشان اروح لخلود المستشفي
وساعتها سمعت رنة الجرس ف فتحت وبصيت يمين شمال ملقتش حد وقبل ما اقفل لمحت حاجة بتلمع في الأرض ولما بصيت لقيت علبة هداية مغلفة مسكتها و دخلت تاني ولقيت جواها عروسة داخل بلورة قزاز بفستان ابيض ولما ضغطت علي الزرار اشتغلت الموسيقي وبقت تلف والتلج يتساقط حواليها كان شكلها يسحر ويجنن بقيت بصالها وانا حاسه نفسي هعيط من كتر جمالها وبعدين سيبتها علي التربيزة ودورت في العلبة لقيت خاتم فضي لما لبسته لقيته علي مقاسي بالظبط ف قومت بسرعه علشان اجيب التليفون من الاوضه واكلم بشر ولكن قبل ما ادخل الجرس ضرب روحت بسرعه حطيت العروسه في العلبة ودخلتها الاوضه ورجعت تاني افتح ف لقيته قدامي زادت ابتسامتي وانا بقول
_ انت جبتهم
قال بإبتسامة ولمعة في عينيه
_ كل سنه وانتي طيبة ، وعيد ميلاد سعيد
قولت باندهاش
_ صحيح ، عيد ميلادي ، ده انا والله نسيت.. انت ازاي افتكرت
_ مش ممكن انسا.. في حد ينسا نفسه
تأملت عينيه وخفقات قلبي زادت اكتر وانا بقول
_ طيب ممكن تدخل دقيقة
من غير كلام دخل ف قفلت الباب ورجعت وقفت قدامه وقولت وانا حاسه انفاسي بتتسارع
_ بصراحه انا ،... انا نفسي احضنكـ....
قبل ما انهي كلمتي بالكامل كان ساحبني من ايدي وغامرني في حضنه بكل قوته وبيقولي
_ من غير ما تسألي انا كنت جاي ومش ناوي امشي من غيره... وحشتيني قوي كنت حاسس اني في غربة وانتي بعيدة عني
قولت بعد ما نزلت دموعي
_ وانت كمان وحشتني قوي قوي.. اوعي تبعد عني تاني
بعدت عنه وقولت بدموع
_ بشر انا طالبه ايدك لجواز ومبهزرش
_ هههههههه ده بجد انت فاجئتيني ، اديني فرصه افكر
_ لا بجد والله انا طالبه ايدك
قال بإبتسامة
_ موافق هتجبيلي شبكة كام كيلو دهب بقا
_ هههههههه مش هشبكك هتجوزك علي كدة
_ اوكي انا هعتبر الحضن ده شبكة ومهر ومؤخر
_ هههههههه ماشي... بس حلوة قوي العروسه حسيت قلبي بيرقص معاها.. انت ازاي جميل قوي كده.. بتعملها ازاي
_ مش هقولك عشان متبقيش جميلة زيي
#زيد
كنت قاعد في العيادة قبل ما يبدء معاد الشغل بدقايق قليلة ف وصلتني رسالة من بهاء ،الولد اللي ممشيه ورا إسلام ولما فتحتها لقيت صورة لإسلام مع بنت بنفس المواصفات اللي قالت عنها خلود يعني كدة اللي ضربوها من طرفة
وبسرعة اتصلت بالولد وقولت
_ إيه الصورة دي يا بهاء
_ انا عملت اللي جنابك امرتني بيه بالظبط ، فضلت مراقبة ف لقيته مستني البت دي ولما شافها شدها من ايدها وخدها بعيد وهناك شوفتهم بيتخانقوا وبعدين بدأت تعتدي عليه
_ يعني ايه تعتدي عليه ، تضربه
_ تبوسه يا دكتور باسته وشدته ليها و وقعوا علي الارض في وضع مخزي
_ تبوسه؟ و وضع مخزي
_ اه
ابتهج وشي لأن كده مفيش إسلام تاني وممكن يكون هو اللي بعتها ويروحوا في داهيه هما الاتنين ولكن سريعا تلاتشت ابتسامتي وقولت
_ معاك صور ليهم وهما في الوضع المخزي ده
_ لا اتكسفت اصور اصلهم دخلوا في الجد وكمان لقيت الواد شافني ف عملت اني معدي صدفه
_ دخلوا في الجد بجد
_ اه بس مش في الشارع كان في مكان مهدود ومهجور ف اول ما لقيت الواد بدء يلين معاها وشافني مشيت علشان عيب
_ عيب؟ طيب اعمل فيك ايه.. ليه مصورتهمش
_ مقدرش يا دكتور اصور ايه ، حرام
_ حراااام!!!؟ اقفل يا بهاء اقفل
_ طيب تأمرني بحاجة تانية
_ خليك متابعه يا بهاء و وحيات الحجة عيشة اللي مربياك بضمير لما تلاقيهم دخلوا في الجد غمض عينيك وصور
_ حاضر يا دوك وعلي فكره الحجة بعتالك سلام وبتقولك هتبعتلك المحشي اللي انت بتحبه
_ سلملي عليها وقولها يدوم العز
_ يوصل
قفلت معاه وقومت بسرعه وروحت لخلود علشان اوريها الصورة واقولها عن الوضع المخزي ونخلص منه بقا