بشر
بعد صلاة الجمعة رجعنا البيت دخلت اوضتي قبل ما يجهزوا الأكل وكلمت هاجر ف قالتلي بصوت واطي وكأنها مش عاوزة حد يسمعها
_ اتصلت في وقتك
_ ليه.. ومالك بتتكلمي كدة
قالت بوشوشه
_ بكرة ع،....
_ بكرة إيه
_ بكرة عيد ميلاد.....
_ عيد ميلاد مين علي صوتك
_ اييييه... خلود خلود
_ طيب وموطية صوتك ليه
_ اصلها بـ......
_ آيه
_ ايييييه، بره بره
_ واذا بره بتتكلمي كده ليه
_ ياخي بقا اقفل استنا ابعد شويه
سكت ف جاني صوتها بعد دقيقة بتقولي
_ بكرة عيد ميلاد خلود وعاوزه اعملها حفلة صغيرة بس من غير ما تحس.. عاوزاك تاخدني العصر ونروح نجيب تورت وزينة
_ علي اساس مش هتشوفهم يعني
_ لا ما احنا هنخبي.. مش هخليها تشوف حاجه وبكرة هوزعها من البيت يكون خلصنا ترتيب الحفلة
_ طيب ماهي كدة كدة عندك ما تيجي نعملهالها هنا ولما نجهز كل حاجة نندها عشان زيد يكون معانا بالمرة ، أكيد مش هيجي عندكم
_ ماشي فكره خلاص نشتري الحاجات ونخليهم عندكم
_ والله طيبة يابنتي .. انتي اللي محدش عملك حفلة ولا افتكرك
_ مظلومة من يومي نعمل ايه يلا الحمدلله نصيبي
_ ده بدل ما تقولي هديتك ليه احسن من مليون حفلة
_ لا مش أحسن... انا عاوزه حفلة في احسن مطعم.. تاخدني تعشيني بره في يوم وتجبلي تورته وهدية تانية
_ ماشي بس انا هختار الهدية وهتقبليها زي ما تكون
_ وهي ممكن تكون إيه مش مطمنالك
_ لما اشوفك هقولك في بوقك
قولت كده ف قفلت السكة في وشي ضحكت وجه زيد علي صوت ضحكتي يقولي
_ الضحكه دي وراها مصيبة
_ وانت مالك.. مركز معايا ليه
_ يبقي وراها مصيبة
_ مصيبة مصيبة انا حرة.. لو عاوز تعمل مصيبة زيي ف بكرة عيد ميلاد خلود
_ ابوظلها عيد ميلادها يعني ولا ايه
قولت بقرف
_ مالك يابني دي حتي البنت اللي اعتدت عليك حلوة وموزة
_ إيه دخلها في المصيبة
_ ضيقت عينيه ف قال باستفهام
_ ايه البصة دي هو انت عملت مصيبة نوعها إيه يا بشر.. مش مرتحلك
_ ياخي ده ربنا نجدها خلود والله ... والله ربنا بيحبها عشان مش موافق تجوزها
_ يبقا اللي فهمته صح... انت بتتكلم مع البنت في الاعراض يا بشر
_ ليه هو انا بسيح زيك... لا طبعاً ابعد هتفسد اخلاقي
_ اه اخلاقك قولتلي والله شكلي هقول لابوك وابوها وتتكتفوا انتوا الاتنين
_ لو اتكلمت هقول انك سيحت
_ بقا كده يا صايع يا ضايع
_ انا صايع يا دكتور المجانين يا معفن
قولت كده ف لقيت بدر في وشي بيقول
_ مالكم.. انتوا بتتخانقوا
_ لا ده نقاش عادي
_ نقاش ايه انتوا بتشتموا بعض
قال زيد
_ اصل اخوك
_ زييييد اوعا
_ طيب اعتذر
_ اعتذر؟!!!.. ليك انت ماشي.. هقولك يا بدر.... اصل اخوك
شدني من دراعي وقال
_ اقفل بوقك ، هتسيح هسيح
_ اتعودت علي التسييح انت
قال بدر
_ في ايه اتكلموا
قال زيد
_ مفيش يابني.. يلا هنتغدا... يلا يا مصيبة يا بتاع المصايب انت
_ يلا يا سايح... في زمتك مش مكسوف علي دمك بعد ما سيحت...في راجل يسيح
_ امشي يا وسخ
_ امشي يا سايح
طلعنا مع بعض وقعدنا علي السفرة ف قال ابوي موجه كلامه لينا احنا التلاته
_ ايه يا عيالي نفسكم مهفتكمش علي الجواز ولا مستنين العدل
محدش فينا اتكلم ف قال
_ يبقي مستنين العدل صح.. جرا ياد انت وهو محدش بيرد ليه
قال بدر
_ انا يا بابا مش بفكر في الموضوع ده دلوقتي البركة في بشر وزيد هما الكبار يتجوزوا الاول
مرر نظره بينا وقال
_ ساكتين ليه
قولت بحرج
_ اللي تشوفه يابوي
_ يعني موافق
_ اللي تشوفه
_ ده ايه الكسوف دة..مش بعادة.. حاطط عينك علي واحده ولا ايه
قولت بخجل
_ لا مش بالظبط بس كنت بقول يعني...
_ اوووعا تقول اسراء
_ لا لا مش اسراء
_ امال مين اتكلم
بصيت ل زيد بتوتر ف قال
_ هاجر يابوي.. بشر عاوزها
قال باستنكار
_ هاجر مين
قولت
_ بنت عمي شبل
_ هاجر العيلة اللي كُنت تقلها علي كتفك
_...
قال بدر
_ انت عاوز هاجر بجد يا بشر
_ وفيها إيه.. بنت عمي، مين هيتجوز بنات عمامي غيرنا يعني
قال ابوي
_ فيها انها صغيرة عليك وكانت تقولك ياعمي واكيد مش هتقبل
قال زيد
_ صغيرة ليه يابوي.. ما نفس الفرق اللي بينك وبين خالتي هو هو نفس الفرق اللي بينه وبين هاجر.. وبعدين هو عاوزها وهي عاوزاه
_ عاوزها وعاوزاه... لا وهو حصل كلام بينكم في الحكاوي دي ولا ايه ياد
بعثرت نظراتي بريكة ف قال زيد
_ لا محصلش يابوي..هو لما فكر يتجوز قال هاجر اولي.. وخلينا دادة امينة تجس نبضها وقالت موافقة دي كل الحكاية
_ وانت بتتكلم عنه ليه ولا هو اتقطع لسانه
قولت
_ يابوي ايه العيب فيها مدام انا وهي موافقين
_ اطلع منها يعني
_ لا تطلع منها ايه ، انت الخير والبركة مين هيجوزنا غيرك
_ ماشي ياخويا هنشوف عمك علي الموضوع ده
كمل موجه كلامه ل زيد
_ وانت يا دكتور.. محططش عينك علي واحده انت كمان
هز دماغه بنفي وقال
_ لا يابوي
_ امال ايه
_ مش مستعد لجواز دلوقتي
_ امال هتستعد لما يكون عندك كام سنة
_ لما ربنا يأذن يابوي
كمل وهو بيقوم
_ الحمدلله
_ اقعد
_ شبعت
_ اقعد مخلصناش كلامنا
قال بعد ما رجع يقعد مكانه
_ افندم يابوي
_ مالك.. ايه حكايتك
_ حكاية ايه يابوي مش عايز اتجوز فيها ايه دي
_ فيها كتير.. لما انتوا الاتنين توصلوا لسن التلاتين ومحدش فيكم يقول يا جواز يبقي في حاجه غلط
_ يابوي انا ملقيش اللي تناسبني وبشر اهو هيتجوز
_ دور.. معاك شهر كامل تلاقي فيه اللي تناسبك دي .. شهر واحد بس وبعد اكدة لو ملقتش انا هجبلك عروسة
_ هتغصبني يعني يابوي
_ ايوة.. ولا عاجبك الفضايح اللي حصلت
_ فضايح ايه هو انا اللي كنت عملتها
_ معرفش تتصرف تلاقي عروسة وخلاص.. انتوا الاتنين هتجوزوا في يوم واحد
كمل وهو بيقوم
_ اتلموا عاد جبتولنا الكلام زي البت البايرة بسبب سمعتها
قال كدة ودخل اوضته وزيد مشي وهو متعصب دخلت عنده لقيته متنرفز جداً وقفت جنبه وقولت
_ هدي نفسك مش كده
_ يعني مش شايف.. هو الجواز بالعافيه ولا انا بنت هيغصبني
_ انت ممانع ليه
_ يعني ايه ممانع ليه ما انت مانعت 32 سنة يابشر
_ ما اديني لما جت الفرصة اتكلمت وقولت عاوز هاجر انت هتتكلم امتي
_لما تجيني الفرصة انا كمان ، انا مش هتجوز بالطريقة دي ، صالونات لا
_ صالونات ايه يا متخلف.. وخلود
_ يلعن اليوم اللي اتكلمت معاك فيه ، تاني يابشر
_ يابني انت مش بتحبها
_ بشر من فضلك متفحتش السيرة دي تاني .. لو سمحت علي الاقل دلوقتي انا مخنوق لوحدي
_ ماشي نتكلم لما تهدي
#زيد
بعد ساعتين وانا قاعد في اوضتي متعكنن بسبب اللي حصل سمعت صوتها وهنا راحت العكننة واتبدلت بلهفة لأني اشوفها وكمان اعيدها قبل اي حد ف قومت من مكاني وطلعت لقيتها واقفة مع خالتي ودادة امينة وبتقول
_ يا تيتة هقدر اروح لوحدي خليكي انتي تعبانه
_ افرضي تعبتي في الطريق
_ مش هتعب.. وعلشان تطمني انا هطلب اوبر يوصلني ويجيبني لغيت هنا
قولت وانا بتقدم ناحيتهم
_ مالكم
دارت ضهرها ليه واخفت وشها عني ف قالت دادة امينة
_ عاوزة تروح لدكتور يشوفلها دماغها دي ومش عاوزاني اروح معاها
_ ليه
بصتلي وقالت وبسمة خفيفة علي وشها
_ علشان هي تعبت النهاردة .. وانا بقولها هطلب اوبر
_ وتعرفي منين سواق الاوبر.. افرضي خطفك
_ وارد بس انا ممكن اصوت عادي
_ تصوتي..ده علي اساس هتلحقي تصوتي
_ طيب اعمل ايه يعني مضطرة.. ومش عايزة اخد تيتة هي تعبانه
_ انا هوديكي
قالت بخبث
_ لا لا توديني اية ، ملوش لزوم هقدر اروح لوحدي ومتقلقوش اكيد هقدر احمي نفسي من اي حاجة
_ تحمي نفسك.. يعني تستحمي.. انت متتكلميش عن الحماية كل مره بنلحقك وانتي بتلفظي انفاسك الاخيرة
_ طيب والله اقدر
_ عارفينك قوية... وقادرة ومحدش يقدر عليكي بس خليني اوديكي اضمن
_ قادره؟
_ نفس معني قوية يعني
_ ظلمتك ، كنت فكراك بتغلط فيه
_ ودي تيجي في حد يغلط في... اخته
ابتسمت وقالت
_ ايوه اديك بتغلط في.... اختك
قالت خالتي وهي بتمرر نظراتها بينا بإبتسامة
_ طيب هتوديها ولا هتفضلوا تتكلموا كدة كتير
_ اوديها مش بدل ما توقع في مصيبة جديدة زي عاويدها
_ تخيل ان روحتك معايا كمان مصيبة.. لا انا لو لازم اروح مع حد ممكن اروح مع اسلام احسن
قولت بجديه
_ واسلام ده هيوديكي مستوصف ولا دكتور بير سلم... خمسة وجاي
قولتها ودخلت غيرت هدومي ورجعت قولت
_ قدامي
قولت وانا ببص لخالتي
_ سلام يا خالتي
قالت بإبتسامة
_ سلام يا حبيب قلب خالتك.. خلي بالك منها
ركزت للحظات في ابتسامتها اللي مطمنتيش وسريعاً تجاهلت ده ومشيت
#خلود
اللي خططتله نجح وقدرت اخليه يجي معايا بمزاجه وروحنا مع بعض علي المستشفي وبعد رغي ومناقرة في الطريق رن إسلام ورن في وقته ف قولت ببرائه مصطنعة
_ ده إسلام
رمقني بطرف عين ومردش خبيت ابتسامتي ورديت
_ الو
_ ايوة يا خلود.. اخبارك
قولت بنعومة
_ الحمدلله يا إسلام وانت عامل ايه
_ انا تمام.. امال مبترديش ليه
_ غصب عني والله يا إسلام تعبانه شوية.. بس كنت هكلمك لما ارجع
_ ترجعي منين
_ من عند الدكتور
_ انتي عند الدكتور دلوقتي
_ اه
_ طيب ومقولتليش ليه كنت جيت معاكي
_ لا ما انا روحت مع...
كملت بخبث بعد ما عليت من نبرة صوتي
_ مع واحده صحبتي كدة
التفتلي وقال بعصبية
_ صحبتك
_ اششششش اشش... إسلام بيغير اسكت
قال إسلام
_ إيه ده يا خلود
خطف مني التليفون وقال
_ افندم معاك صحبتها في حاجه.... ايوة انا الدكتور زيد بس هي خافت تزعل قال وتغير.. لما تخلص هتكلمك.. سلام يا إسلام
قال كده وقفل السكة ف قولت
_ انت عملت إسلام هيزعل دلوقتي
رفع ايده عليه وقالي
_ اكتمي
قولت وانا بقاوم ضحكتي
_ إيه ده... إسلام هيزعل بجد وهو زعله وحش قوي مبعرفش اصالحه بسهولة
حد من نظرته وقال
_ طيب اسكتي بقولك لو سمعت نفسك هرميكي من العربية
_ ربنا يسامحك
قولت كده وديرت وشي عنه علشان سعادتي متبنش قدامه ودام السكوت بينا طول الطريق وبعد ماكشفت ورجعنا فجأه ومن غير مقدمات قالي
_ كل سنه وانتي طيبه
_ إيه
_ عيد ميلادك بكرة
_ تصدق صح ده انا نسيت.. احية.. ده عيد ميلاد هاجر عدا ونسيت اعيدها
_ كان في الوقت اللي كنتي فيه في المستشفي
_ صحيح.. راحت من بالي
_ وانتي كنتي فاضيه تعيدي حد انتي كنتي بتموتي
_ صح... متشكرة.. مع انك قولتها حاف من غير هدايا وحاجة اخر بخل
_ عاوزة إيه
_ مبحبش اختار هديتي وخلاص انت مجبتش يبقي برود لما اطلب بنفسي
_ اخلصي عاوزة ايه
_ اخلص؟ متشكرين كتر خيرك
_ معلش.. قولي عاوزة إيه
_ مش هختار
قال بزهق
_ قولي ايه اللي محتجاه يا خلود
_ إيه السؤال ده هتجبلي المحتاجاة احطه في جهازي يعني ولا ايه مش عايزة ارجع علي البيت بقا
_ لا مش هرجع وهحاول اظبطلك حاجة حلوة ويارب يتمر فيكي.. دقيقة هعمل اتصال وارجعلك
طلع من العربية وقف علي بعد مسافة صغيرة يتكلم في التليفون وبعدين رجع وقالي
_ وراكي حاجة النهاردة
_ ليه
_ وراكي ولا لا
_ لا بس ليه
_ علشان تاخدي هديتك
_ هي ايه الهدية دي
_ هوريهالك حاجة حاجة
_ هههههههه حاجة حاجة ازاي
_ قولتلك هوريهالك حاجه حاجة افصلي بقا
خدني علي محل هداية وقالي
_ اتفرجي يكون جيت
_ رايح فين
_ انتي ليه بتسألي كتير.. شوية وجاي
_ ماشي بس متتاخرش
_ اوكي
سابني وانا وقفت ابص علي الدباديب والقلوب لغيت ما عيني وقعت علي دبدوب أصغر من كف الأيد لونه ابيض وناعم جداً وشكله حلو قوووي قربت منه ومسكته في ايدي بقيت اتأمل شكله اللي يخطف القلب وبعدين سيبته واتجهت ناحية هدايا البلورات ، وكان في بلورة جواها وردة الجميلة والوحش كان شكلها حلو قوي بقيت واقفة قدامها شوية قبل ما اتنقل واروح مكان تاني.. وبعد وقت وانا بتفرج علي الكروت واشكالها سمعت صوته ورايا بيقولي
_ حاجة عجبتك
استدرت ليه وقولت
_ كلهم حلوين
كملت بتساؤل بعد ما شوفت شنطة هدايا في ايده
_ إيه ده
_ دي ليه
_ طيب فين هديتي
_ مش هنا
_ امال جايبني هنا ليه لما مجبتش هديه
_ هديتك في مكان تاني دي ليه.. يلا علشان نلحق نجيبها
خدنا وراح بينا علي محل هدوم ف قولت
_ إيه ده.. جيبنا هنا ليه
_ علشان تختاري هديتك
_ هههههههه جديده دي
_ خلود معانا ربع ساعة اتنططي واختاري اي حاجه تعجبك ومن غير رغي كتير
_ ايه الطريقة دي ، خلاص مش عاوزه
_ اخلصي مش فضيلك.. استني كده
اتجه ناحية فستان ابيض ناعم بكمام وبتنوره واسعه شوية وقالي
_ خدي ده
_ اشمعنا ده
_ حسيته حلو
_ هو حلو بجد بس حسيته فرايحي شوية
_ صحيح بس هيكون حلو عليكي
قولت بإبتسامة وانا ببص لشكل الفستان
_ مش ناقصله غير شوية فرشات يتعلقوا علي الشعر وهيكون حاجة خياليه
_ صحيح.. يلا بقا مش عاوزين نتأخر
_ ماشي خلاص هاخده
_ طيب ممكن تدخلي تلبسيه وتيجي.. نشوف هيناسبك ولا لا
قولت بإبتسامة
_ طيب
خدته ودخلت البروفة لبسته وطلعت ولما شافني وقف للحظات يبصلي وعينه بتتأمل شكلي وبعدين قالي بعد ما خد نفس
_ لفي كدة
قولت بإبتسامة وانا براقب نظراته ليه
_ ليه
_ لفي بس
_ طيب
لفيت شوية والفستان بقا يلف معايا لغيت ما دوخت من الف وقولت وانا بسند علي الحيطة
_ هههههههه دوخت
بصتله لقيته مبتسم وعينه شاردة فيه لملمت نفسي وقولت
_ كدة تمام
تحمحم وقال
_ تمام
_ طيب هدخل اغير
_ لا خليكي بيه
_ ليه
_ اسمعي الكلام ليه بتحبي تناهدي.. يلا
_ طيب اجيب اللبس بتاعي
_ ماشي وانا هحاسب يكون جيتي
دخلت جيبت اللبس في كيس ورجعت ومشينا في طريق مش عارفاه ف قولت
_ رايح فين
_ عندي مقابلة مع ناس هخلصها علي السريع ونمشي
_ طيب
كملنا طريقنا لغيت البحر وهناك وقف بالعربية وقالي انزلي نزلنا واتجهنا ناحية مركب واقف قريب ف قولت
_ المقابلة في اليخت
_ ايوة ياستي ناس دماغها رايقة
_ ههههه ناس عندها ذوق
_ مبسوطه انك هتركبي مركب شكلك
_ جداً.. بقولك ايه انت تخليك مع زباينك وانا هعوم شوية بس ونبي خليهم يبعدوا شوية في نص البحر
_ افرضي غرقتي
_ مين دي اللي تغرق عيب عليك تقول كده .. ده انا سباحة نمرة واحد
قولت كده وجريت قدامه وقفت علي سطح المركب وقفت هناك اتفرج علي شكل وجمال البحر اللي عمره ما فشل انه يريح نفسيتي
_ بتحبي البحر قوي انتي
قالهالي زيد وهو بيوقف جنبي ف قولت بإبتسامة حالمه
_ بعشقه
_ واخد بالي.. كل ما تزعلي تجري عليه
_ صح.. بحس براحه وانا جنبه
كملت وانا حاسه بالسعادة لوجوده جمبي
_ بس النهارده اكتر مره احس اني مبسوطة بوجودي عند البحر
لاحت ابتسامة خفيفة علي وشه وقال
_ اشمعنا
_ يعني
_ يعني ايه
_ علشان دي اول مره اركب مركب كبير كدة
قال بإبتسامة خفيفه
_ اهاااا.. اوكي امبسطي النهارده يومك
سرحت في عينيه للحظات قبل ما ابعثر نظراتي واقول
_ امال فين الناس
_ مفيش ناس
_ يعني ايه
_ يعني ده جزء من هدية عيد ميلادك
_ بجد
_ بجد .. مش اختي
زادت ابتسامتي وسعادتي وانا بقول
_ اختك.. يلا خليهم يمشوا طيب
_ ماشي.. اطلع يا ريس
مشينا شوية وبعدين سيبته وجريت علي اعلي حتة ف قالي
_ انزلي هتوقعي
قولت بسعادة
_ واية يعني بعرف اعوم
_ علي فكره هنا في حيتان
_ مبخفش
_ لو كلك مش هحوشه
_ هعرف اتصرف معاه
_ وهتتصرفي ازاي
_ ولا هعمل حاجه هو هيلاقيني طيبة ف هيسيبني
قال ضاحكا
_ لا كدة ضمنا انه مش هيقرقشك
_ طيب هيرسا امتي بقي عاوزه اعوم
_ استني شويه... وتعالي انزلي
_ ليه
_ في حاجه لسة مشوفتهاش
_ حاجة ايه
_ انزلي بس
_ طيب
نزلت وهو دخل جوه ولما وصلت مكانه لقيته راجع وفي ايده تورته حمرة عليها عروسه وفستانها مالي التورتة كلها و شمعة بسنين عمري حطها علي تربيزة ورجعلي تاني يقولي بإبتسامة ولمعة في عينه
_ كل سنه وانتي طيبة يا خلود.. عقبال مليون سنة
وقفت قدامه ابصله وانا حاسه بخفقات قلبي بتزيد قدام نظرات عينيه.. كنت حاسه بحاجة بتشدني ليه اكتر واكتر ومتمنية اني احضنه واقوله ان النهاردة اسعد انسان بسببه ولاول مرة ولكن قوامت احساسي ده وقولت ولسة عيني عليه
_ متشكرة
قال بنبرة هادية وهو بيطالع عينيه
_ اتمنالك سنة جديدة وسعيد عليكي وتكون بداية لحياة حلوة وبسمة متفارقش عينيكي ...
كمل بسخرية
_ مع خطشيبك إسلام فجلة
_ متغلطش في خطشيبي من فضلك
_ خطشييييبي.. قبر يلمك انتي وهو تعالي نطفي الشمعة
_ هههههه اوكي يلا
رجعنا لتورتة و ولع الشمعة وبعدين طلع تليفونة وشغل اغنية Happy birthday to you وقال
_ هوفي يلا
_ دقيقة اخد نفسي متوترة جداً... دقيقة... ممكن تصور اللحظة دي لو سمحت
_ متقوليش هتنزليها علي النت
_ لا نفسي احتفظ بيها
_ ماشي هاتي تليفونك
_ ولا اقولك استنا
_ إيه
_ دقيقة... يا ريس
_ هتعملي ايه
_ اصبر شوية.. لو سمحت
جه وقال
_ ايوة يا انسه
_ ممكن تصورنا فيديو
_ ايوة ممكن
قال زيد بخفوت
_ بتعملي اية
_ خليه يصورنا
قال بزهق
_ عيب كده
_ عديها المره دي
_ ماشي يا خلود.. يلا اديله
قولت بسعادة
_ اوكي
جريت اديت التليفون لراجل ورجعت لزيد وقولت
_ يلا.... ايه مش انت عامل الحفلة دي يبقي تتصور معايا.. عاوزة احتفظ بيها
قال بجديه
_ مش مشكله .. يلا طفي
_ طيب تعاله هنا ضهرك للكاميرا ليه.. تعاله
طالت نظرته ليه بصمت وانزعاج ف اتقدمت ناحيته ومسكت ايده وقولت
_ يلا
هديت ملامحه شويه ولكن مردش ولا اتحرك ف قولت
_ مش احنا صحاب واخواتك يلا بقا
_ صحاب واخواتك
حسيت بأيده بتضم ايدي وقال
_ يلا تعالي
اتجهنا لناحية التانية ف ساب ايدي وقال
_ ابدئي
قولت بإبتسامة وانا متوجهه ليه بكل جسمي
_ مش هتغنيلي
_ ما التليفون بيغني اهو
_ ماشي انا مش هزودها عشان شكلك زهقت مني
_ لا مزهقتش ولا حاجة.. يلا اطفي... بس اتمني امنية الاول
_ وهتتحقق يعني
_ مش عارف هما بيعملوا كدة
_ ههههههه ماشي
خدت نفس وغمضت عنيه واتمنيت امنية وبعدين فتحت وقولت
_ اتمنيت
_ اتمنيتي ايه
_ خليها بيني وبين ربنا عشان تتحقق
_ يستحسن
_ طيب ايه مش هتتمنالي امنية
_ ما اتمنتلك حياة سعيدة
_ بس
_ هو في احلي من حياة سعيدة
_ لا
_ امال عاوز ايه تاني
_ولا حاجة
_ طيب يلا انفوخي الراجل زهق
_ انت اللي زهقت مش هو
قولت موجه كلامي لراجل
_ قال زهقت يا ريس
_ لا خدوا راحتكم انا رسيت خلاص
بصتله وقولت
_ اهو رسي
_ عقبال ما ترسي زيه... يلا انا بكره التصوير اصلا
قولت بإبتسامة
_ طيب ممكن تهوف معايا
_ هو عيد ميلادك ولا عيد ميلادي
_ ياخي حرام عليك نفسي في يوم تكون لطيف لاخر لحظة... ما تهوف
_ لو الهوف هيخليني لطيف ف اهو يا خلود اهو
قالها وطفا الشمعة لوحده وقال
_ هفيت
_ هههههههههههه. طيب وانا ههوف ايه دلوقتي
_ خلاص بقا... شكرا يا ريس تعبناك معانا
_ مفيش تعب ولا حاجه.. اتفضلي
قالها واداني التليفون ومشي ف قال زيد بجدية
_ خلود والله انا ما اكره في حياتي قد اللي ينشروا اي حاجة تحصلهم علي النت
_ مش هنشرها قولتلك.. انا هحتفظ بيها بس
_ بردو مكنش ينفع تخلي الراجل يسجل.. ليه مبتحبيش تفرحي لوحدك مع اللي يهمهم فرحك وخلاص
_ بقولك هحتفظ بيهم مكنش في طريقة تانيه غير انه هو يصور.. بس خلاص لو زعلان قوي كدة هحذفه اهو
خد مني التليفون وقال
_ لأ مش هيتحذف.. خليه وابقي ابعتهولي
_ اديك عايز تاخده لازمته إيه النكد والفصلان ده
قولتها وبعدت عنه ف جه ورايا وقال
_ انا اسف
_...
_ مكنتش قصدي اضايقك بس انا قولتلك مبحبش اشارك حد حاجة هو ملهوش صلة بيها
قولت وانا عيني معلقة علي غروب الشمس
_ وانا قولتلك مكنتش بشاركه انا كنت عايزة احتفظ باللحظة دي قبل ما ترجع تعاملني زي الاول
ضحك وقال
_ مش عارف في ايه بس مهما يحصل مبنقدرش نتفق يوم كامل.. بس صدقيني مبكنش عايز ازعلك
_ طيب ممكن نعدي الموقف ده علشان مش حابه ننهيها بزعل.. وحشني قوي اكمل يومين من غير زعل.. ممكن
قال بإبتسامة
_ ممكن
_ متشكرة يا دكتور.. الدنيا كمان شوية وهتضلم
_ يعني ايه
_ يعني
كملت وانا بطلع علي محيط السفينه
_ يعني اغرق شوية
قال وهو بيمسك ايدي
_ خلود اعقلي وانزل بلاش جنان
_ جرب النهاردة تجنن زيي وانا بعد كده هجرب اعقل زيك..
_ ولما حوت ياكولنا
_ هتبقي جربت احساسي بسبب كلامك كل ما تشوفني
_ بتحسي ان حوت بياكلك
_ بحس اني بموت
_ بتموتي مره واحده ليه هو انا بقول ايه
_ بتقول اللي تقوله.. هتعوم ولا لا
_ طيب استني
_ هتعمل ايه
_ دقيقة وراجعلك
_ ماشي
دخل جوه ورجع بعد شويه مغير هدومه ولابس شورت وفانلة حملات وجه عندي وقال
_ نروح للحوت بقا
_ هههههههه يلا للحوت
قال وهو بيركب
_ ونبي لو قطع نصي خدي الباقي سلمية لاهلي ذكره... نطي يا خلود ابو اللي يمشي ورا البنات
قالها ونط في المية سبح شوية وبعدين بصلي وقال
_ دي خيانه دي ولا ايه
_ هههههههه مستنيه اتاكد ان مفيش حيتان تحت
_ هتعمليني طعم يا خلود ، هطلع عينك بس اطلعلك
وقفت وقولت
_ متقدرش
نطيت في المية ونزلت لتحت بقيت هناك لاقل من دقيقة لغيت ما سمعت صوته بينده ف طلعت خدت نفسي وقولت
_ مكلنيييييش يا الكسفة اللي انت فيها يا حازم
خد نفس وقال وهو متابع تحريك ايديه والعوم
_ والله افتكرته كلك بجد.. ما تبطلي تخلف بقا انتي كده دايما متهـو...
رشيت عليه المية وقولت
_ اااخرس شوية واقسم بالله اغرقك.. مش عاوزه نكد في قلب المية
_ هههههههه ماشي يا خلود حسابي معاكي فوق
_ لما نطلع بقا
سيبته وسبحت مسافة بعيد عنه وبقيت اعوم علي ضهري وانا مغمضة عنيه ومستمتع باللي انا فيه وفجأه حسيته بيقرب ولما فتحت لقيته جنبي وبيقولي
_ يابنتي بتبعدي ليه افرض غرقتي
اعتدلت قدامه وقولت
_ وانت شغلتك ايه لما انا اغرق
_ وانا المنقذ اللي عينهولك.. مانتي اللي هبله وبتعملي اللي في دما....
حطيت ايدي علي بوقه وقولت
_ ارحم امي الميتة حرام عليك ياخي انت ايه مفيش احساس .. اغرقك دلوقتي يعني وارتاح منك
ازدرد لعابة وحط ايده علي ايدي بعدها بلطف وقال وهو بيتنقل بين عينيه
_ حاسس انك هتغرقيني بجد
قولت بعد ما حسيت بمعني تاني لكلامه
_ خايف مني
_ لابعد ما تتصوري
_ لدرجة دي شايفني مفترية
_ اه
كمل وهو بيحط ايده علي نص وشي ويزقني بخفة
_ انتي مفترية
قولت بإبتسامة
_ اول مره اعرف اني مخوفاك مني
_ واديكي عرفتي
_ طيب والحل اختفي يعني ولا اعمل ايه
خد نفس وقال
_ انا اللي هختفي
قال كده وخد نفس عميق ونزل تحت نزلت وراه ولما فتح ولقاني قدامه زقني بأيده في وشي ف ردتله الحركة بسرعه ودفعته بأيديه اتشقلب في المية بوقه اتفتح وبقا يبقلل وبسرعة طلع طلعت وراه لقيته بياخد نفسه ف قولت بشماته
_ حاول تحترمني علشان احنا في المية والاقوي هو اللي بيعرف يعوم اكتر
اتقدم ناحيتي وقال وهو متابع تحريك ايديه
_ حابه تدخلي صراع جديد ولا ايه
_ ده لو كنت مستعد للموت النهاردة يعني
_ هههههههه والله.. ازاي بقا
_ ممكن اغرقك
_ هتقدري
_ اقدر
_ طيب اللي يغرق التاني بقا
قالها وفجأه مسكني ضمني ليه من ضهري حاوط وسطي بدراعه ودراعه التاني بيحركها علي المية ساعتها حسيت انفاسي بتتسارع ف لفيت بدماغي بصتله والتقت عيني بعينه ف قالي بخفوت
_ خد نفسي
كنت تايهه حتي مش محركة جسمي وكان هو اللي حاملني عن المية ف عاد كلمته وقال بنفس النبرة وكأنه قاصد يدوخني بنظراته
_ خدي نفسي عميق هتموتي
غمضت عيني وخدت نفس وفجأه لقيت نفسي تحت المية وهناك سابني وكنت فعلاً هغرق ولكن لحقت نفسي بسرعه ورجعت اسبح وطلعت تاني فوق المية لقيته مبتسم وبيقولي بسخرية
_ الاقوي هو اللي بيعرف يسبح ااااكتر
قولت بتوتر
_ انت خمتني
_ مليش فيه المهم اني فوزت. يلا الحقيني الدنيا خلاص ضلمت
قالها وبعد عني وسابني مش عارفه افوق من اللي حصل وبعد ما طلعنا وقفت علي المركب فستاني وشعري بينقطوا مية
ف دخل ورجع بعد لحظات بفوطة كبيرة وادهاني
خدتها منه وبدأت امسح وشي وشعري بس الفستان كان لازم يتغير ف دخلت جوه غيرته بالهدوم اللي كانت معايا ورجعت في ايدي كيس فيه الفستان المبلول ولما شافني قال باستنكار
_ انتي غيرتي هدومك فين
_ جوه
_ جوووه!!
_ اه جوه في ايه
_....
_ بتبصلي كدة لية
_ جوه فين.. مش شايفه الشباك مفتوح والباب بزقة بيتفتح .. طيب افرضي الراجل نزل وشافك.. انتي متخلفة
_ بتزعق ليه...ما انا اتخبيت
_واتخبيتي فين ان شاءلله
_ في ايه بقولك اتخبيت واديني غيرت ومحدش شافني
قال بنرفزة
_ ده من ستر ربنا ، يلا نمشي يا خلود
قالها واستدار عشان يمشي ف مسكت دراعه وقولت بعصبية
_ استنا عندك .. انت ايه مبتحسش.. ياخي يلعن ام الهداية علي الفسحة اللي هتخليني تزلني في كل مره
كملت وانا بتجه ناحية التورتة واقلبها
_ اهي التورته بتاعتك مدوقتهاش
رميت الشنطة بالفستان في البحر وقولت بعصبية
_ وادي ام الفستان مش عاوزاه
_ وطي صوتك الراجل سامعك
_ الله يقطعك ويقطع كل الرجاله في يوم واحد مش هوطي صوتي وهعمل اللي انا عاوزاه.. انا حره انت ليه محسسني انك مسؤول عني... انا كرهتك ومش عاوزه اشوف وشك تاني.. هترجعني ولا اخدها عوم... اخدها عوم؟!! ... طيب هاخدها عوم
قولت كده وروحت علشان انط ف مسك دراعي ورجعني ف قولت بعصبية
_ طيب واقسم بربي لو ما بعدت عن خلقتي لا ارمي نفسي بجد واجبلك مصيبة.. ابعد عن خلقتي بقولك
ابتسم ف قولت بعصبية
_ بتضحك ليه!!
_ اهدي يا خلود.. انا بتكلم عادي
قولت وانا بذوق ايده
_ متقوليش اهدي.. انت ملقتنيش في حضن واحد علشان كل شوية تكلمني بشكل ده انا مش رخـ.....
بتر كلمتي بضغط ايده علي بوقي وقال
_ اشششش ، اخرسي الراجل سامعك ... هتهلفطي في الكلام... انا عارف انك مستحيل توصلي لكدة.. بس انا كنت خايف انه يشوفك وانتي بتغيري.. او حتي انا اشوفك الشبابيك مفتوحة.. و انا لو شايف انك غلطتي ف حاجة بس ده مش معناه اني اقصد انك ساهله قوي كدة ، انا اسف.. مش عارف ليه مش بقدر اتمالك اعصابي معاكي.. والله مش عارف بجد.. متزعليش انا بكون خايف عليكي بس تعبيري بيخوني وبلاقي نفسي بقول كلام مفهمش معناه غير بعدين
بعدت ايده وبعدت عنه وقولت
_ وانا بقولك اتخبيت ليه مش مصدق وبتزعق وبتقصد تجرحني
_ يا ماما انا صدقتك والمصحف ، بس تخيلت ان كان ممكن الراجل ينزل ويشوفك
_ بردو عكننت عليه، ياخي يرزقك باللي يعكنن عليك
_ انا اسف يا فنانة.. وبعدين انتي زعلانة لية ، مانتي كمان رميتي الفستان اللي بشيء الفلاني
_ هدفعلك تمنه لو ده هيخليك تزلني وتطول لسانك عليه كل شوية
_ امتي؟
_ امتي إيه
_ امتي هتدفعي تمن الفستان
_ انت عاوز تمن الفستان بجد
_ مش انتي اللي بتقولي
_ نعم.. هتحاسبني علي الهدية
_ ودي تيجي خلاص مسامحك اعتبرية بتمن اليومين اللي اشتغلتيهم عندي
_ بتتكلم جد
_ مانتي اللي هبله بتقولي هدفع.. بس والله كان حلو قوي عليكي
_ مانت اللي ضايقتني
_ خلاص بقا متزعليش في واحده تزعل من اخوها
قولت بتمتمه
_ جك خوتة ... يلا بقا اكيد اسلام بيتصل والاتصال مش بيوصل
_اسلام مين
_خطشيبي
_ خلود انا لو رميتك في البحر محدش هيلحقك والسمك هيتعشا بيكي
_ ليه وانا عملت ايه
_ عملك اسود ، متجبيش سيرة إسلام قدامي
قولت بإبتسامة
_ ليه
_ واد بارد ولبسه ضيق زي الحريم وحاطط اكسجين في شعره وطريقة كلامه مستفزة زي بتوع التيك توك.. انا مبحبش الناس دي
_ مش مهم ، المهم ان انا بحبه
_ حبيه براحتك واتغزلي في جمال اهله بس متجبيش سيرته قدامي
قولت بإبتسامة
_ ماشي وصلني بقا عشان اكلمه واحب فيه شويه
اتقدم خطوة كمان وقال
_ خلود هزعلك
قولت بإبتسامة وانا مقابلة عصبيته ببرود
_ إيه.. وحشني مش خطشيبي.. نفسي اسمع صوته
_ سمعتي الرعد في ودانك... ارجع بينا يا ريس اتأخرنا
قولت بإبتسامة
_ مالك
_ مالي
_ شيفاك مضايق
_ مضايق منك.. مش عجباني
_ تاني
_ تاني وتالت لغيت ما تتعظي وتعقلي وتعرفي بتعملي اية
_ اه...طيب هو انا ممكن اسالك سؤال
_ اسالي
_ ليه مركز مع تصرفاتي ومتضايق منها.. هو احنا نكون ايه لبعض علشان يكون ده رد فعلك علي تصرف ما يخصكش
_ عندك شك انك تهميني
_ اهمك ازاي
_ يعني ، اتربيتي معانا من صغرك وبقالك مكان بينا..وبقيتي جزء من حياتنا
_ ايوة فعلاً
_ طيب ايه الغريب اني اتضايق من تصرف شايفه غلط
_ طيب والباقين محدش اهتم زيك ليه
_ مش عارف بس يمكن علشان انا شغلتي اركز في التفاصيل والتصرفات.. وانتي بقا ايه مضايقك في تعليقي علي تصرفاتك
_ لا خالص مش مضايقني تعليقك وكمان ممكن اسمعه بصدر رحب وانا مبسوطه جداً ان في حد خايف عليه ومهتم لامري.. لعلمك انا في حياتي ما شوفت حد مهتم لامري غيرك
_...
_ وانا بحب ده بس بكره الطريقة اللي بتجرح.. لو قولت اللي عاوز تقوله بطريقة كويسة مش هعترض ولا هزعل
_ اممم.. طيب ولو قولتلك مش عاجبني ظهورك علي الانترنت عشان خايف عليكي وعشان النت ميناسبكش.. هتعملي ايه
_ هقفلة
_ طيب انا مضايقني وجودك علي الانترنت
_...
_ إيه
_ مش حاسة بأن ده خوف انت عاوز اثبات لكلامي وبس
_ ممكن
_ والمعني
_ المعني اني بحاول اسيبلك الحرية.. بحاول متدخلش ايوة مش بقدر بس بحاول
_ انت عارف اني مش هتضايق من تدخلك.. عارف ان اعتراضي علي الطريقة مش علي اي حاجة تاني.. وانا مستعدة ابعد عن الانترنت نهائي بس طريقة نصيحتك تتغير الاول.. انا مش هقفله علشان اغير طريقتك فاهمني
_ انتي ليه مخلياني سبب للي بتعملية.. خدي بالك انتي كل حاجه غلط بتعمليها بتكون علشان تضايقيني.. ليه حطاني في دماغك
_ مش هنكر ده بس مش عارفه ليه.. يمكن يكون نفس السبب اللي مخليك مركز معايا
_ انا قولتلك السبب وهو انك تهميني لانك واحده مننا
_ ماشي.. وانا افتكر اني بعند علشان طريقتك مبتعجبنيش
_ طيب واخرها
_ اخرها ، لو انت غيرت طريقتك المشكلة هتنتهي.. انا اصلا مش راضيه عن حاجات كتيره بعملها ويمكن لو مخدتهاش عِند معاك مش هفكر اعملها ف حاول متستفزنيش
_ اوكي.. إيه رأيك انا مش هعلق علي اي تصرف ليكي وانتي تبطلي تعندي وكدة المشكلة هتتحل
_ تمام جرب انت بس تبطل تضايقني ومش هتشوف اي حاجة غلط
_ هنشوف
_ هتشوف وهتتأكد
فكر شوية وقال
_ اممم.. طيب بقول ايه
_ قول
_ انا مش عارف الاقي سكرتيره دلوقتي وكمان كام يوم مسافر إيه رأيك ترجعي
_....
_ هننتظم بالمواعيد انا هاجي في معادي وهمشي في معادي
_ ماشي ممكن.. انا اصلا كنت هنزل ادور علي شغل
_ حلو.. خلاص من بكرة تروحي في نفس المعاد اللي كنتي تروحي فيه
_ تمام... بس انت هتسافر فين
_ دبي في مؤتمر هناك هروح احضره
_ هتقعد كام يوم
_ لسة مش عارف بس يمكن اسبوع ،
عاوز الف شوية هناك واجيب شوية حاجات محتاجهم
_ اسبوع
_ قليل صح
_ لا.. عمرك ما غيبت يوم عن البيت ازاي هتغيب اسبوع
لمعت عينيه وهو بيقول
_ صح بس ده اسبوع.. هيخلص في غضمت عين
_ لو معايا باسبور كنت قولت اسافر معاك.. نفسي اشوف دبي
قال بإبتسامة
_ تسافري معايا انا.. ومين هيسمح بكدة
_ مكنتش هتوافق
_ لا انا عادي بس مين هيرضا بكدة
_ كنت هسافر بصفتي سكرتيرة
_ ممكن سبب مقنع ، نبقي نشوف الموضوع ده بعدين
_ طيب هتسافر امتي
_ الاسبوع الجاي
_ تروح وترجع بالسلامة
_ الله يسلمك... يارب يكون اليوم عجبك
_ قوي.. اجمل يوم عيشته في حياتي.. مع انك عكننتني
_ لا بقولك ايه مش هننهي اليوم بزعل
_ وانا بقول كدة
_ طيب دقيقة بقا
_ إيه
_ جايبلك حاجة كدة
قالها ودخل جوه ورجع بشنطة الهدايا ادهاني وقالي
_ كل سنه وانتي طيبة مره تانية
_ إيه ده
_ شوفي بنفسك
فتحتها ف لقيت الدبدوب اللي عجبني في المحل والبلورة وكمان طقم اكسسوارات بقيت بصالها ودموعي معلقة في طرف عيني ف قال
_ حسيتهم عجبوكي
بصتله وقولت بتوتر
_ انت عرفت ازاي.. كنت شايفني
قال بإبتسامة
_ ايوة انا قولتلك تتفرجي علشان اشوف ايه اللي هيعجبك
طالت نظرتي لعنيه بتلهف ف قال بإبتسامة باهته
_ اتمنالك حياة سعيدة مع اسلام خطشيبك.. دلوقتي تقدري تكلمية وتحبي فيه
قولت وانا بحاول حبس دموعي
_ هكلمه وهحب فيه لصبح
_ طيب ومالك زعلانه ليه
_ زعلانه علشان مش عارفه هقول ايه لتيته اكيد قلقانة قوي عليه
ضحك وقال
_ والله انتي مجنونة ، سيبي الموضوع ده عليه ، انتي روحي ل هاجر وانا هقولها
_ هتقولها ايه
_ هقولها ان كان عندي مشوار شغل مستعجل وخدتك معايا
_ تمام..
لغيت ما رجعنا وسيبته وانا بمنع نفسي اني اتهور واعمل اي حاجه اندم عليها ويمكن لو هو اللي بادر بأي تصرف كنت ضيعت معاه.. بحبه وزاد حبي ليه اضعاف النهارده وفي نفس الوقت زيدت حيرة مبقتش عارفه اذا بيحبني ولا لا .. تصرفاته النهارده وكل اللي عمله بتثبت انه بيحبني بس ايه مانعه يقول وهو اصلا مش من النوع اللي ممكن يتكسف يعبر عن حبه.. معقول فكرته عني قوية لدرجة انه يسيبني اتجوز حد غيره وميحاولش يقول في يوم
#زيد
انا النهارده كنت في امتحان لقوة صبري ومقاومتي لرغباتي مقدرش اقول نجحت بس ممكن نقول عدت سليمة.. وفي نفس الوقت اكتر حاجة ندمت عليها انها عدت سليمة و كنت حاسس بندم شديد وضيقة لأني متكلمتش.
وبعد ما قعدت شويه مش مرتاح في مكان وعمال اتنقل من هنا لهنا طلعت اخد نفسي في البلكونة ف لقيت بشر جاي عندي وبيقولي
_ كنت فين مش متعود تخرج يوم اجازتك
_ كنت في مشوار كده
_ مشوار إيه
قولت بسخرية من نفسي
_ مشوااار في عرض البحر .. انا وخلود كنا لوحدنا في حفلة صغيرة لعيد ميلادها علي مقاسنا انا وهي بس .. وعومنا مع بعض.. اتكلمنا مع بعض.. كنا قريبين جداً من بعض
_ يعني ايه.. قولتلها
ضخكت بخيبة وقولت
_ تصور ولا لمحتلها حتي.. ده انا اتمنتلها حياة سعيدة مع اسلام خطشيبها
_ يافقري ليه
_ مش عارف يابشر.. عقلي اللي كان متحكم وقدرت اتغلب علي شعوري .. بس انا مش عارف اوصفلك احساسي دلوقتي ، حاسس اني.. لا مش عارف اوصف .. بس عارف المفلس وحياته ضنك اللي لقا شنطة مليانه فلوس كتير في الشارع واستحرم ياخدها ف رجع البيت لقا الديانة مستنينه وعياله بتصرخ علشان جعانين.. اهو ده نفس احساسي دلوقتي
قال بضحك
_ انا اتوجعت من مجرد التفكير في العبرة دي
_ بتضحك
قال ضاحكاً
_ مانت حالتك صعبة بس ملحوقة.. كلمها وقولها
_ اقولها إيه.. يابني مينفعش.. انا معنديش ثقة في خلود.. مش شايف انها ممكن تكون زوجة ومتاكد ان لو حصل وزعلنا ممكن تتغابا وتعمل اي حاجة غبية عشان تضايقني ده غير البلاوي اللي عملاها قبل كدة
_ طيب ولما انت شايفها وحشه قوي كده حبيتها ازاي.. ايه اللي عجبك فيها نفسي افهم
_ معرفش تصدق
_ يكون عجباك
_ يعني ايه
_ عجباك وعندك رغبة جنسية تجاها
_....
_ يبقي صح.. هي عجباك ونفسك فيها
_ لا انت فاهم غلط.. كلامك صح هي عجباني وعندي رغبة فيها فعلاً ، وده العادي ،طبيعي يكون عندي رغبه فيها دي حاجه اساسية في الحب وكداب اللي يقولك حب نضيف وعذري ، اي حد بيحب حد بيكون عنده رغبة في اللي بيحبه .. بس انا حبيتها الاول ، حبيت الطفولة اللي عندها.. طول لسانها.. حركة عينيها لما تخاف مني.. ذكائها.. اسلوبها في الكلام ورقتها.. حبها ليه.. احساسي بأني مسؤل عنها.. ضعفها قدامي.. للاسف خلود وتصرفاتها معايا وشكلها يجبروا اي حد مكاني يحبها بس مشكلتها التهور ودي مصيبة تلغي كل ده.. تخيل تجوز واحدة انت مش عارفلها كتلوج ممكن تصحي تلاقيها عملت مصيبة عشان زعلانه منك
_ فاهمك بس بردو هي صغيرة يا زيد ولسة مش فاهمة الدنيا كويس بكرة تكبر وتفهم
_ وتهورها هيكبر معاها لأنه ده طبع فيها .. عندك هاجر هبلة بس عارفة حدودها مفتكرش لو زعلت منك هتعمل حاجة من اللي خلود بتعملها
_ ياحبيبي انت مكبر الموضوع كل ده مسألة وقت وهينتهي
_ ولغيت ما ينتهي يكون عملتلها كام فضيحة دي مجنونة
_ طيب ولما انت مقتنع قوي بكلامك ايه مخليك تفسحها.. خد بالك انت كده بتتسلي وبتلعب بيها.. طالما مش ناوي تجوزها وشايفها كده إيه مخليك تقربلها
_ حاولت كتير ولما بلاقيها قدامي بنسا اللي كنت ناوية
_ لا ياحبيبي اظبط نفسك وارسي علي حل لاما عاوزها وهتجوزها.. لاما مش هتجوزها وتبعد عنها.. ومتنساش انها في حكم المخطوبة
_...
_ اتقي ربنا شوية البنت تبقي حفيدة دادة امينة اللي ربتنا
اليوم التالي
#بدر
كنت طالع من اوضتي بعد ما جهزت علشان اروح الشغل ف لقيت هاجر بتلف في المكان وبتتفحصه بشكل غريب ف قربت منها وقولت
_ بتعملي ايه
بصتلي وقالت
_ بشوف المكان
_ وبتشوفيه ليه
_ النهارده عيد ميلاد خلود وعاوزة اظبطلها حفلة هنا ف بشوف الدنيا
_ ده بجد... وانتي عيد ميلاد عدا صحيح
_ ومحدش افتكرني
_ محدش كان فيه دماغ كل سنه وانتي وهي طيبين... واستنوني انا عايز احضر
_ كده كده هنعملها متأخر
_ اوكي وانا هحاول اخلص بدري وارجع
_ اوكي
_ يلا باي
_ باي
مشيت ناحية الباب وقتها افتكرت انها تعرف مليكة ف رجعت عندها وقولت
_ بقولك ايه يا هاجر
_ إيه
_ مليكة صحبتك
_ مليكة؟ وانت تعرفها منين
_ ازاي يعني اعرفها منين انتي ناسية انها الفترة الاخيره دخلت حياتنا بشكل غريب
_ ايوه مالها
قولت بتردد
_ ما تعزميها
_ اااااعزمهاااا... ليه بقا اعزمها
_ ااااعزمهاااا.. هبلة انتي.. مش صحبتك.. اعزميها
قالت بخبث
_ هي ايه الحكاية بالظبط
_ لا في حكاية ولا رواية.. زعلتها ف عايز اصالحها
_....
_ مفيش حاجه من اللي في دماغك.. قولت كلمتين بغباء ف زعلت عادي.. هتعزميها ولا لا
_تبعا تبعا ، هعزمها وهتفرج هتصالحها ازاي
_ انا اصالح
_ ما انت اللي بتقول
_ ايوه بس مش هصالح بالمعني الحرفي.. انا هضايقها
_ هههههههه ياخي سيبها تتفلق
_ طيب هتعزميها ولا لا
_ هعزمها
_ متسيبهاش غير لما توافق
_ اوكي مش هسكت غير لما اخليها تيجي