رواية ليلة زفافي
الفصل الرابع4
بقلم جمانه السعيدي
احب ااكدلكم القصه حقيقه
علا...تريكنا وكعد يحجيلي على ايام زمان وياا اهله وشلون من امه ماتت ابو حيل تعلق بي
وكان يحبه وينفذله كل طلباته
الساعه ثنيين اجت مها جايبه غده
دولمه ومركة باميه وتمن برياني وكيكه
بس شنو ريحة الاكل تجوع الشبعان
اكلنا اني ويااا اتصلت على امي
امي...هاا حبيبتي مبروك الف مبروك
علا...الله يبارك بيج
امي...اريد اتصل واكول عيب من واثق
علا...احنا الضهريله كعدنا من النوم
هاج واثق يريد يسلم عليج
واثق....هلو خاله شلونج
ام علا....الحمد لله انت شلونك مبروك انشاء الله زواجت العمر كله
واثق....الله يحفظج
علا....اخذت التليفون ماما يمته تجون اني اشتاقيتلكم
امي....اكعدي واسكتي كابلي رجلج هاي الايام ماتتعوض ابد
علا...هو اني مكابلته وكاعده ووين رايحه
امي... انتي زينه خو ما متاذيه
علا...لا مابيه شي كلشي تمام
امي....ديري بالج على نفسج وعلى واثق
باجر ادنزلكم اكل
علا...اي عفيه امي لان اني خبصت واثق اكل امي ماكو منه ابد
امي...باجر انشاء الله
جمانه السعيدي
بليل ماكدرنا نتعشى لان الغدا كان دسم ومتاخر
الساعه بلعشره دخلت سبحت وغسلت ملابسنا
طلعت لكيت واثق نايم بلغرفه الثانيه
الغرفه الثانيه بيه سرير نفر واحد وكنتور بابين وكرويته
ومرابه جبيره على الحايط
يعني غرفة عزاب
علا....واثق واثق شنو نمت
واثق...اي عوفيني كلش تعبان
علا...صح جنت حيل مستغربه ليش ينام هنا مو بغرفتنا
بعدين عفته ايجوز متعود ينام بهاي الغرفه
ألبوم تعبان خلي ينام ومن باجر اخلي يتعود ينام بغرفتنا
بقيت شويه اكلب بلموبايل وبعدين نمت
هاي اليله الثانيه واحنا كل واحد ينام بمكان
نايمه وحسيته حضني
فتحت عيوني
واثق...صباح الخير
علا...صباح الخير اكو واحد يعوف عروسته تنام وحدها
واثق...كلش تعبان انتي ماشفتيني شلون اركض وحدي بلفتره الاخيره
يمكن لو انام شهر مااعوض التعب
علا....يله سماح المشكله احبك ومااكدر اله اسامحك
واثق...مو بكدي ابد اني الي مااستغني عنج ابد
بهذا اليوم اهلي دزولنا غده وبليل طلعنا نفتر بغداد
اني وواثق
رحنا الاحلى الاماكن وتونسنا بشكل مو طبيعي
بس رجعنا للبيت واثق دخل للحمام
واني عزلت البيت وحضرت عصير خليته بلثلاجه يبرد
وبعدين دخلت سبحت وحضرت نفسي
لبست سيت احمر قصير ومكياج وعطر
ورحت للغرفه الثانيه
لكيته نايم
علا....يااا واثق نمت
فتح عيونه لا حبيبتي كاعد
بقيت واكفه
كعد نزل رجلي من الجربايه دنك وكام يمسح بعيونه
علا...انت بيك شي
واثق...لا بس تعبان
جمانه السعيدي
من شفته هيج انكسر واهسي
علا....ارجع نام حبيبي اذا تعبان
هاي اليله الثالثه ينام بغرفه واني بغرفه لو السرير ابو نفرين جان نمت بصفه
رحت للغرفه مسحت المكياج وتمددت بس كلش ضايجه
احسه مامتفاعل وياي
ولا كأني عروسه جديده
الصبح هو كعدني وهو يبوس بيه وراضاني
بقه يعتذر مني
بعدين قرب عليه حسيته شويه متوتر
بس احسن من اول ليله
اليله الي بعدها لبست برمودا وكيمونه وتمكيجت ورحت كعدت بصفه
هو يلعب بلتليفون
علا...باجر ترجع للشغل
واثق...اي ولله طولت هواي واني مااعرف اعتمد على احد
علا...اذا اخذتني النومه كعدني الصبح احضرلك الريوك
واثق...لا حبيبتي ابقي نايمه اني اتريك بلشركه
بعدين دنك يلعب بلتليفون
علا....باجر تعوفني
واثق...تجين وياي للشركه
علا...ولله ياريت اي شغله احسن مااكعد كل النهار بلبيت
واثق...خل اشوف اذا اكو مكان شاغر
ولو اني اغار لان كل الي يشتغلون وياي زلم
علا...واني شنو علاقتي بيهم
اني اشتغل بشركة حبيبي وزوجي
واثق...يمكن الشغل مايعجبج
علا....حتلو اخدر جاي يعجبني
واثق....افه تخدرين جاي اصلا انتي تعاي بمكاني
بعدين وكف واخذني من ايدي وهو حاضني ويحجي وياي منا لمن دخلنا للغرفه الثانيه
اقصد غرفة نومنا
حسيته انسحاب تكتيكي حتى يطلعني من غرفته
كعدني على الجربايه وكال يله نامي حبيبتي
علا...اني ماانعس
واثق...بس اني لازم انام لان عندي دوام الصبح
علا...تمددت وكتله يله انام
واثق....بس اني متعود انام وحدي لان احجي واطلع أصوات
من انام واتحرك هواي
علا...ميخالف اني قابله
واثق...بس اني عيني ماتاخذ نوم
علا...لازم تتعود ماكو عرسان ينامون كل واحد بمكان
واثق...حبيبتي افهمي اني وضعي غير
ممكن تقدرين وضعي
جمانه السعيدي
باسني بخدي وبايدي وبجتفي وغطاني وطلع
ماكدرت انام معقوله هذا الوضع طبيعي اني احس بي يحبني ومامقصر وياي
بس ليش مصمم ينام بغرفه واني بغرفه
بلبدايه كلت تعبان
بس شغلته تحير ماادري لازم اراقبه واشوف الوضع شنووو
خاف عنده وحده يريد يحجي وياها بليل
انتضرت شويه ورحت امشي على أطراف اصابعي
باب الغرفه مسدود
فتحته على كيف مطفي الضوه ونايم
لو عنده وحده جان لكيته يحجي وياها مو نايم
اخذت التليفون بي رمز ماكدرت افتحه
ولله عجيبه ليش هيج وضعه
رجعت بس بلكوه نمت تصرفاته محيرتني حيل
ثاني يوم كعدت الساعه بلعشره لكيته ماكووو
اتصلت علي
علا...صباح الخير
واثق...ياصباح الخير اليوم مااعرف شنو ناقصني لان ماشفتج الصبح
علا...اني مالي واهس اكوم من الفراش لان انت ماموجود بلبيت
واثق.... افكر اجيبج هنا تكعدين كبالي واني استغل واصرفلج راتب
راتب تحفيز على العمل
لان اني بس اشوفج يجيني واهس للشغل
علا...تمام
واثق...بس ماعندي موضفه تكعد الساعه عشره الصبح
علا...لا اذا الراتب يسوه اكعد من الصبح
واثق...اليوم اجيب سمج مسكوف لا تحضرين اكل
علا..تمام
اشتغل بلبيت وعقلي يجيب ويودي
ليش هيج يتصرف وياي
يحبني ويريد خاطري بس ليش ينام بغرفه واني بغرفه
اكو واحد عريس جديد ويحب زوجته ينام بغرفه وهي بغرفه
حتى استحي اسئل بهيج موضوع
ليش ماافتش موبايله من يجي
خاف اكو شي اني مااعرف عنه
قبل لايجي للبيت لبست ثوب اسود قصير ساده ربع ردن
ولبست زنادي وحجل ورفعت شعري كبايه
وخليت مكياج وعطر
بقيت كاعده انتضره اليوم لازم اشوف موبايله
منا لمن رجع للبيت بس دخل وشافني كبل ابتسم
واثق...الله الله ياربي مو مره حوريه
حضني وبقه يبوس بيه
بعدين كال حضري الاكل لان اني جوعان ولسه مااكلت
دخل سبح وطلع
لكاني محضره الاكل كعدنا ناكل وهو يسولفلي على تفاصيل
يومه
وشلون يذكرني بلشغل
واثق....خاف اخذج وياي للشغل واهلج يكولون طماعان بيه يريدها تشتغل ويااا
بس اني اريدج كبالي ٢٤ ساعه
علا....مالك شغل بااهلي اني وياك
واثق...اليوم بليل يجن البنات ماتعزمين اهلج يجون يمنا نتعلل سوا
علا....اوكي
غسلت ونضفت المطبخ
علا...اريد تليفونك اتصل على ماما تليفوني مابي شحن
واثق...اي حبيبتي فتح الرمز كدامي وراح للغرفه اتمدد
فتشت الموبايل نكته نكت كلشي مابي
بس اسماء العملاء وخواته
حتى محادثات الوتساب كله عن العمل
يصير عنده تليفون ثاني ياربي الشك راح يكتلني
ليش مبتعد عني
رحت انطي التليفون لكيته نايم
طبعا هو متاكد مراح الزم علي شي انطاني التليفون هو مطمن
وهسه شلون راح ابقى هيج مو التفكير راح يجلطني
رحت الغرفتي واتصلت على اختي الجبيره
جمانه السعيدي
علا...هلو سجى شلونج
سجى...هلو عروستنا الحلوه انتي شلونج اعذريني ولله مشغوله المديره دزت علينا علمود امتحانات الدور الثاني والجهال مخبليني حتى ابوهم هليام يشكي يكول مالج شغل بيه
علا...معذوره حبيبتي بس اربد اسئلج سوال
سجى...اي كولي
علا...عادي الرجال من اول ايام عرسه بنام بغرفه وزوجته بغرفه
سجى....يااا بسلا واثق
علا...اي فدوه راح اتخبل
سجى...وين اكو هيج اصلا الرجال اول ايام العرس يتخبل على مرته
يلزكله فد لزكه
علا...لعد شبي
سجى....هم تغيرت معملته وياج
علا....اصلا اهلي مامعامليني هيج اليوم يكول اريد اخذج للشغل وياي
طاير بيه
سجى...لعد شكووو خاف معموله عمل
علا...يعني العمل هيج يسوي
سجى...اي يسوي نفور بين الرجال وزوجته
هم شفتي تليفونه
علا.. اي مابي شي
سجى...زين سئلتي ليش
علا...يكول احجي من انام واحوس خاف ازعجج وماتنامين
سجى...شوفي اذا ماكو مشاكل بينكم يعني مو سحر
بس ولله شغلته تحير
علا...اني كلش ضجت عبالك مو عروسه
اتوقعت بعد العرس مايعوفني ابد هسه المشكله
ماتغيرت معاملته الي
بس بنام بغرفه واني بغرفه