رواية طفلة القيصر
الفصل السابع 7 والاخير
بقلم سعيدة عكاشة
عمر وصلو خبر انو سيف م داير قمر(طبعا دي الفكرة اللي وصلها ليهم الحاج مصطفى)
عمر:وانا اللي كنت على وشك اني اخسر صديق سنيني عشان خاطرو فعلا طلعت اهبل
قمر:تخسر منو عشان منو؟!
عمر:لا ولا شي بس كنت ببرطم ساي
قمر:متأكد؟!
عمر:اكيد
قمر:طيب وين امنيتي
عمر:اعتقد انها مع رغد
قمر مشت غرفة رغد وفعلا لقت امنية ورغد قاعدين مع بعض
امنية:قمورتي عندي ليك خبر حلو
قمر:اها يا بتاعة الشمارات
امنية:دي موهبة😌+طبعا آدم جا السودان
قمر:انتي جادة؟!
امنية:ايوة حتى انو فطرنا سوا الليلة
قمر:طيب ليه م سلم علي
امنية:اكيد هيجي
قمر:طيب+رغودة الخبر شنو
رغد:الحمدلله وانتي
قمر:الحمدلله
رغد:قمر شوفتي اخو امنية حلو كيف(انبرشت بتنا🤣🤣)
قمر:انتي كمان شوفتيهو🤣
رغد:ايوة كلنا فطرنا مع بعض(طبعا رغد معجبة بأدم)
قمر:شكلك شركتي لادومي☻️
رغد:م كدة بس علقت انو هو سمح وكدة
قمر:ي شيخة☻️
رغد:ايوة😅
بعد شوية كلهم نزلو عشان يتغدو
ف السفرة:
الحاج مصطفى:عندنا موضوع بعد الغدا ما ف زول يمشي غرفتو
كلهم:حاضر
اتغدو وكلهم اتلموا
الحاج مصطفى:قمر اتقدم ليها عريس وانا وافقت(كدة مرة واحدة بدون مقدمات اين الدراما🤣🤣💔)
سيف:كيف؟!
الحاج مصطفى:يعني جا بالباب وطالب يد البت على سنة الله ورسوله
سيف:بس يا جدو قمر لسه صغيرة
عمر:اعتقد انها في عمر مناسب يا سيف
سيف معصب بس قاعد بالعافية سكوتهم د بيدل انهم راضيين وفوق د كلو عمر صديق عمرو العارف كل شي كمان موافق
سيف:م انت البتقرر هي البتقرر و دي حياتها سيبوها في حالها
الحاج مصطفى:انا البقرر هنا مفهوم؟!
سيف خلى ليهم المكان وطلع رغد جات وراهو ووقفتو
رغد:سيف م تخاف اكيد قمر م هتوافق
سيف بنبرة حزن:وانا شنو البيضمن لي ي رغد
رغد:لانها بتحبك بس هي زاتا م قادرة تفهم
سيف:طيب اسوي شنو انا
رغد:اعترف ليها امكن مشاعرها تتحرك وتستوعب انها بتحبك
سيف قعد يفكر كيف هيعترف ليها
ف القصر:
قمر:كيف يقررو عني قرار مصيري زي د بدون م يسألوني
امنية:قمر حبيبتي م تبكي امكن يكون شخص كويس انتي شوفيهو واحكمي
قمر:م عايزة اشوفو انا م هتزوج زول م بحبو
عند سيف ورغد
رغد:خلينا ناخد رأي نادين
سيف:لا انا عرفت انا هسوي شنو
بليل الساعة تمانية ف رسالة جات لقمر فتحت الرسالة ولقت انو من سيف:تعالي الملاهي عازمك و د العنوان......
رواية طفلة القيصر
باقي الجزء السابع والاخير
بقلم:سعيدة عكاشة
ولقت انو من سيف:تعالي الملاهي عازمك و د العنوان......
قمر مخنوقة وحبت تغير جو فطوالي لبست و مشت على الملاهي الجو كان ظلام وكأنو مكان مهجور قمر حست بالخوف وقررت ترجع بس اتذكرت انو سيف منتظرها
قمر:سيف سيف
اول م نادت اسمو المكان نور وكان المنظر يهبل كلو ورود وانوار وهدايا قمر فرحت شديد وبقت تضحك فجأة طلع ليها سيف
قمر:واو انت عملت د كلو
سيف:اكيد
قمر:المنظر حلو شديد
سيف:تعالي نلعب
قمر:يلا
لعبوا كلو الالعاب و م خلو لعبة وبعد لعبو قطعو الكيكة وقمر بدت تفتح الهدايا وكل الهدايا عجبتها
قمر:شكرا ي سيف لانك حسيت بي اني مخنوقة
سيف:قمر تعالي(ساقها ووداها جنب لعبة)
اول م قمر مشت الانوار ولعت وكان احلى منظر شافتو ف حياتها شافت الالعاب النارية وهي بتشعل كلمةI LOVE YOU وحولها ورود حمرا وسيف كان جالس على ركبتو و في ايدو وردة
سيف:قمر انا عارف انك عمرك م اعتبرتني شي غير اخ وصديق بس انا من اول يوم شوفتك حبيتك انا عشقتك بقيت متملكك لابعد حد انا بعشق اسمك واي تفصيل فيك فعشان كدة عايز اقول ليك انا بحبك ي قمر
قمر لحظتها حست انو هي اسعد واحدة ف الكون عرفت انو هي فعلا كانت بتحب سيف وانو شوقها ليهو م كان اي شوق
قمر:انا م مصدقة
سيف:على فكرة انا جالس على ركبتي ورجولي نملت اتكلمي سرعة🤣
قمر:الزول م يتدلع كمان😒
سيف:قمر اتكلمي قبل م ااكلك الوردة دي🤣(الزول د م بيتغير نهائي🤣💔)
قمر:🤣🤣طيب وانا كمان بحبك
سيف طلع خاتم من جيبو:تقبلي تتزوجيني؟!
قمر:اكيد(م هذه الخفة يا فتاة🤣💔)
سيف:كنت بسمع انو البنات بيخجلو😂
قمر:سيف جيب الخاتم د قبل م الحكاية تتقلب لشكلة😂(غايتو الله يعينكم على بعض😂)
قمر وسيف رجعو البيت وكلمو اهلهم باللي حصل كلهم فرحو الا الحاج
الحاج مصطفى:انت مش رفضت لمن سألتك
سيف:انا م كنت متأكد من حب قمر لي
الحاج مصطفى:انا هسي اقول شنو للولد وانا اديتو كلمتي
عمر:انا هتصرف
عمر مشى عند ادم وحكى ليهو الوضع ادم م زعل كتير لان هو م كان بيحب قمر بس كان معجب بيها
مرت الايام وجا يوم عرس قمر وسيف والدنيا جايطة من شهر تقريبا للتجهيزات وكدة و ف الطقوس وكدة ادم ورغد شبه بقو بيحبو بعض وادهم ومرتو جابو ليهم بنوتة وسموها شهد اما نادين جابت ولد وسمتو قاسم وعمر وامنية اتخطبو
ودي هي النهاية السعيدة
لو ملاحظين ما في اي واحد من ابطال الرواية كان مرتبط كلهم اتزوجو على طول او خطبو فاللي عايزك بيختار الطريق الصح عشان يصل ليكي اما اللي اختار غير كدة خليكي عارفة انو بس بيقضي وقت صوني نفسك واهتمي بيها و م تكوني حاجة سهلة خليكي زي الجوهرة النادرة م ف زول يقدر يصل ليكي الا اللي يستاهلك💜
تمت بحمد الله تعالى
