رواية العطر السحري الفصل الخامس5 بقلم منه محمد
رنا : لااااااا و ركضت مسرعه تاركه القاعه بأكملها ، فلاحقت بها "هاجر"
رنا : يا نصيبتي يا نصيبتي
هاجر : ايه يا رنا كان لازمتها ايه الدوشه االي عملتيها فوق دي
رنا : انا خلاص تعبت انا لازم افكر هاخلص من كل دول ازاي
هاجر : انت لسه مصدقه فعلا ان البرفان بتاعك ده سحري يا بنتي بطلي هبل بقى
رنا : ايوه سحري اومال تبرري بايه اللي بيحصل ده
هاجر : عادي حركات مراهقين
رنا : و المستر كمان مراهق زيهم
هاجر : لا ده مراهقه متأخره
رنا : يادي المصيبه اللي انا فيها
هاجر : طب يلا نطلع عشان نلحق الحصه و بعدين نبقى نشوف هانعمل ايه ف حوارك ده
________________________________________________________________________
في منزل "رنا" التي اخذت تجوب الغرفه ذاهباً و اياباً
رنا : هانعمل ايه ف المصيبه دي؟
هاجر : نعمل !!
رنا : ايوه ما انت المفروض تساعديني
هاجر : معرفش الحقيقه
رنا : لا بجد افدتيني
هاجر : اعملك ايه يعني هو انا اللي كنت رشيت البرفان في وش السكرتير بتاع المستر
رنا : خلاص متفكرنيش، احنا لازم نلاقي طريقه نبطل بيها مفعول البرفيوم ده بص ازاي؟
هاجر : سهله انت تاخديلك فص توم ع الريق و اوعدك محدش هايسترجى يقرب منك لا راجل و لا ست
رنا : هي قد تكون من منطقيه بس انا مستحيل اكل ثوم ع الريق ايه القرف ده
هاجر : ايوه يعني هتعكسي مفعوله ازاي دلوقتي ؟
رنا : مش عارفه مش عارفه، يمكن لو غيرت نوع البرفيوم
_______________________________________________________________________
في مدرسه الاولاد كان "زياد" يجلس مع صديقه في حصه احتياطيه ف المدرس غائب لاحظ "زياد " شرود صديقه
زياد : مالك يا طارق مضايق كده ليه؟
طارق : البنت اللي قولتلك عليها رنا عمال ابتعلها بس مبردتش علي اي حاجه
زياد : طب متفكك منها
طارق : لا ازاااي دي دخلت دماغي من ساعه مشوفتها و انا متعلق بيها من ساعه ما شميت ريحه البرفيوم الجميله بتاعتها لما خبطتني
ضحك "زياد" علي سذاجه صديقه
________________________________________________________________________
في اليوم التالي في معمل المدرسه في حصه الكيمياء
كانت الفتيات يشعرن بالملل
هاجر : انا بكره الكيمياء، يا سلام يا بت يا رنا لو تدي مستر الكيمياء رشه من البرفان بتاعك ده عشان يخف علينا و شويه يظبطنا اعمال السنه
رنا : اتصدقي فكره، وهمت بإخراج العطر من الحقيبه
هاجر : ايه يا رنا انت صدقتي و لا ايه لا ده كنت بهزر عيب يا رنا الراجل قرب يطلع ع المعاش
كانت تجلس بجوارهم احد زميلاتهم ف الفصل و رأت زجاجه العطر : انت بتعملي ايه اوعي تستعمليه هنا ده في مواد كيميائيه ف المعمل
هاجر بسخريه : مواد كيميائيه ايه ده، هما مش مخبين الحاجات دي و بيقولوا انها عُهده
لم تكترث "رنا" لحديثهم و همت برش العطر
مروه : لا يا رنا بلاش
لكن فات الاوان بمجرد رشها العطر تفاعل مع المواد الكيميائيه التي ف المعمل و بدأت الانفجارات
هاجر بصراخي : يلهووووووي
و انبحطن تحت الطاوله
مروه : انا مش قولتك بلاش
رنا : و ربنا ما كان اصدقي
هاجر : ده طلع عندهم مواد كيميائيه بجد مش مخبينها عُهده