رواية الجميله والشعر الابيض الفصل الثلاثون30 بقلم رحاب القاضي
_ ستتشكل النهايه بذكرياتنا سوياً.. فإن كانت سعيده ستكون النهايه سعيده، وإن كانت غير ذلك فليس هناك بدايه لنا من الأساس🌺
ـــــــــــــــــــــــــــ
_ في بيت المنشاوي خلص زكريا لبسه وساب جهاد نايمه وطلع لقي الفطار متجهز والمنشاوي قاعد علي الكنبه وفارد رجله المصابه قدامه ولما شافه قال..
المنشاوي
البنت امنيه اللي شغاله تحت جات جهزت الفطار، فين جهاد ما قامتش ليه عشان تفطر؟..
زكريا بغيظ
كانت سهرانه بالليل قدام التركي اللي لحس دماغها وما رضيتش اصحيها..
المنشاوي
خلاص افطر انت وانا هستنااه وما تاكلوش من الفول عشان هي مش بتحب تاكل بعد حد..
زكريا
منشاوي انا اللي ابنك هاا..
المنشاوي
خلفه تسد النفس انت واخوك، انا بنتي جهاد وبس ..
زكريا
طيب خليها معقوله شويه وقول جهاد وجميله..
المنشاوي
هي جميله بنتي برضو ومرات ابني وبحب طيبتها وعفويتها بس جهاد حاجه تانيه عندي..
زكريا بضيق
اممم بغير انا علي فكره وخصوصاً من الاهتمام الزياده لمراتي..
المنشاوي بخبث
تيجي نخليها تختار بينا وانا متأكد ان بنتي حبيبتي هتختارني انا..
زكريا
اعملي شاي يا منشاوي خليني اطفح واروح اشوف اللي ورايا..
المنشاوي
هو انت اعمي يالا مش شايف حالتي ولا اتشليت قوم اعمل لنفسك واعملي معاك شاي بلبن..
_ في الوقت ده قامت جهاد من نومها جوه الاوضه وكانت ماسكه بطنها بألم وفجأه لقيت نفسها بتنذف كتير فصرخت برعب..
جهاد
زكريااااااااا الحقنييييييييي...
_قام زكريا بسرعه من علي السفره وجري علي الاضوه ولما شافها بالمنظر اتنفض قلبه برعب وقال..
زكريا
في ايه اللي حصل..
جهاد بألم وبكااء
مش عارفه بموت مش قادره والله..
زكريا بخوف
طيب اهدي معلش اتحملي شويه وهنروح المستشفي بسرعه..
ــــــــــ #بقلم_الكاتبه_رحاب_القاضي ــــــــ
_ وفي الاوتيل عند جميله وعمار، كانت نايمه جنبيه وبتبصله بهدوء وفجأه رفعت ايدها وضربته بالقلم..
قام عمار مفزوع وقال
في ايه؟..
جميله بقلق
كنت بتأكد اني مش بحلم وانك موجود معايا بجد...
عمار بحده
ماشاله عن ابوكي ما اتأكدتي انتي عبيطه يا جميله حد يصحي حد كده؟..
ضحكت جميله وقالت
خلاص انا اسفه والله مش هعمل كده تاني..
عمار بهدوء
براحتك يا ستي انتي ومعايا اعملي اللي عايزااه وعلي قلبي زي العسل..
جميله ابتسمت وقالت
طيب هننزل نفطر تحت صح؟..
عمار
لا هنا معاكي لبعد بكره مش هنخرج من هنا..
جميله
ليه علينا تار يا عموري، هغير هدومي وننزل وبعدين ماما كانت بتكلمني دلوقتي وقالتلي انها جايه..
عمار
وايه اللي هيجيبها دلوقتي ست الحجه..
جميله
مم ما هو انا كانت وحشااني اووي وكلمتها وقولتلها لو ما جاتش انا هروحلها..
عمار
يا بنتي احنا عرسان جداد يعني جو العيله وماما واختي وصحابي ده نركنه علي جنب شويه ونفضي لبعض..
جميله
حاضر هشوف ماما شويه واخليها تمشي وبعد كده هقفل موبيلي خالص..
عمار
اما نشوف، هاتي موبيلي من جنبك قبل ما تقومي..
جميله بفضول
ليه هتكلم مين؟..
عمار بسخريه
هكلم ابويا اصله وحشني اووي..
ضحكت بخدوء وقالت
ما تتريقش عليا انت متعود تسيب باباك وابنك واخوك عادي، انا لا وبعدين انا متعوده ماما هي اللي تصحيني وتفطرني ونتخانق انا وهي وايتن الصبح..
اتملت عيونها دموع وقالت
مش عارفه ازاي هعيش من غيرهم...
مسك ايدها وباسها ورد عليها بهدوء
ما فيش الكلام ده انتي هتفضلي ديماً تروحيلهم ويجولك، بس خلاص بقالك 27 سنه عايشه مع امك اللي جاي بقي بتاع عموري وبس..
جميله
بطل توترني وانت اصلا من امبارح مش مظبوط..
عمار
ده النظام الجديد اتعودي عليه بقي
جميله بتوتر
لا لا لا انت عارف اني بتكسف ولما بتكسف برد بحاجات غريبه وبيبقي شكلي وحش فخلينا زي الاول احسن..
عمار
طيب والله اللي حببني فيكي شكلك لما بتتكسفي وخدودك تحمر كده..
جميله ابتسمت وقالت
ده بس اللي حبيته فيا..
اتعدل عمار في قعدته وقال
لا طبعا حبيت حاجات كتير وامبارح حبيت حاجات اكتر..
ضربته علي كتفه وقاله بكسوف
اتلم بقي وسيبني بقي عايزه اقوم عشان اجهز قبل ما تيجي ماما..
عمار بخبث
ما تيجي نكلمها نقولها ما تجيش ونطلب فطارنا هنا وبلاش نزول لنتحسد...
بعدت عنه جميله وقالت
انا عايزه اتحسد وجو انك تفضل مقعدني في وشك ده ليل نهار بيزهقني انا عايزه اخرج معاك بقي واقولهم اتجوزت صاحب الخصله البيضه يا ناااس وابقي ماسكه فيك كده ومتبته..
ضحك عمار بهدوء وقال
ماشي يا حبيبتي اللي عايزااه غيري هدومك واجهزي وننزل...
_ اخدت هي هدومها ودخلت الحمام بسرعه وهو لقي في مكالمات فائته كتير في موبيله من باباه ومن مروان، فكلم باباه بسرعه اللي رد. عليه وقال..
المنشاوي
انت فين يا ابني بقالي ساعه بكلمك..
عمار
هكون فين يعني يا منشاوي وانا عريس والنهارده صبحيتي..
المنشاوي بقلق
لا افضي دلوقتي ضروري وروح لاخوك المستشفي اللي جنب الشركه بتاعتك مراته تعبت اووي وشكلها بتسقط وهو لوحده وانا بسبب رجلي مش عارف اروحلهم..
عمار بقلق
طيب اهدي انت يا بابا وانا هروحله حالا حاضر..
المنشاوي بدموع
روح لاخوك يا عمار اوعي تسيبه لوحده، زكريا بيزعل بزياده علي اللي بيحبهم، وخد مراتك معاك البنت لوحدها هناك ومش معاها حد يساعدها..
عمار
حاضر يا بابا اهدي انت وانا هبعتلك مروان وهطمنك علي زكريا ومراته ان شاء الله..
المنشاوي وهو بيمسح دموعه
ماشي يا ابني ربنا قادر يعدي اليوم ده علي خير، هستناك تطمني..
عمار
حاضر..
_وقفل معاه وطلعت جميله من الحمام وهي لابسه بجامعه شكلها جميل وبتنشف في شعرها وسألته..
جميله
انت كنت بتكلم مين وشكلك قلقان كده..
قام عمار بسرعه وقالها بقلق
مش نبرتي فيها وجيبالنا امك من وش الصبح، اهو زكريا مراته شكلها بتسقط او هتولد ولازم نكون معاهم انا وانتي..
جميله بقلق
ايه اللي حصل طيب ما كانت كويسه امبارح في الفرح
عمار
مش عارف والله خلينا نروح ونشوف في ايه..
ــــــــــ #بقلم_الكاتبه_رحاب_القاضي ــــــــ
_وفي بيت دارين كانت قااعده بتفطر هي ويوسف اللي كان ماسك موبيله وبيحاول يكلم بطه بس مش بترد عليه..
دارين
ما ردتش برضو؟..
يوسف
لا هروحلها قبل ما اروح الشغل..
دارين
ماشي انا هقوم اجهز عشان رايحه شغلي انا كمان..
يوسف
لا ما فيش شغل دلوقتي يا دارين معلش..
دارين
ده ليه بقي ان شاء الله؟..
يوسف
كده وبعدين احنا كملنااش شهر متجوزين عشان تنزلي الشغل ومش عايزين حد يقول حاجه علينا..
دارين
ماشي يا يوسف انا كده كده كنت واخده اجازه شهر..
قام يوسف وقال
كويس همشي انا بقي ولو احتاجتي حاجه كلميني..
وقفت بسرعه ومسكت ايده وقالت
هتيجي بكره صح؟..
ابتسم بهدوء ورد عليها
ايوه طبعا، يلا باي...
_ مشي يوسف وراح شقته هو وبطه وفضل يدور عليها بس مالقهاش موجوده، فحاول يكلمها تاني والمره دي ردت عليه وقالت..
بطه
ايوه يا حبيبي والله ما اخدت بالي من الموبيل
يوسف بجمود
فينك؟..
بطه
عند شهد متخانقه هي ويونس وعايزه تطلق وشكله الموضوع مش هيعدي علي خير..
يوسف بحده
ماشي كنتي كلميني قوليلي ولا هي بقيت وكاله من غير بواب داخله طالعه من غير ما اعرف بتروحي فين وبتيجي منين..
بطه
في ايه يا يوسف الموضوع مش مستاهل العصبيه دي كلها..
يوسف بحده
والله بقي مش مستاهل لما اكلمك ما ترديش واجي البيت ومالقكيش وما اعرفش مراتي فين ده عادي، ممكن تيجي دلوقتي يا بطه..
بطه بهدوء
حاضر جايه ساعه وهكون عندك...
_ قفلت معاه ودخلت من البلكونه وقعدت مع شهد اللي كانت قاعده جنب يزن وهو بيلون في رسومات بسيطه..
بطه
عجبك كده اهو اتهزأت من سي يوسف،اهدي بقي عشان خاطري وارجعيله هو محتاجلك اوي دلوقتي..
شهد
معاه طنط هناء يا بطه ومش هيصعب عليا بس..
بطه
طيب عشان الولاد يا شهد ده يوسف اهو مش مبطل عياط من لما جيت حتي يزن زعلان صح يا يزن..
يزن
لا عادي يا بطوطه..
ضحكت بطه وقالت
اهو زعلان، وبعدين ايه بطوطه دي جيبتها منين؟..
يزن
عمو يوسف بيقولك كده ولايق عليكي اكتر الاسم ده..
بطه بصوت واطي
بزمتك يزن ما بقاش احسن الفتره اللي رجعتو فيها دي، ده ما كانش بيتكلم كلمتين علي بعض كويس..
شهد بضيق
هيتعودو يا بطه ورجوع للبني ادم ده تاني مش هيحصل، انا خلاص اتحملت كل حاجه والله ما حد يتحمل اللي اتحملته معاه ده بس خلاص كده بجد..
بطه
يعني يا شهد عديتي الخيانه ومش قادره تعدي دي..
شهد بدموع
عشان فكرته اتغير وعشان بحبه حتي لو اطلقت منه هفضل احبه ومش هعرف ولا هقدر احب حد زيه ، بس انا بس اللي حبيته هو اتعود علي وجودي وحبي ليه ووالله ولا مره حبني..
بطه
للدرجه دي ما شوفتيش منه حاجه حلوه تثبتلك انه بيحبك..
شهد
لا ما شوفتش حتي لو كنت شوفت حلو انا نسيته من كتر الوحش اللي شوفته معاه، ما سابش حاجه ما عملهااش ولما خلاص رجعت اثق فيه تاني راح اتفق مع واحده كانت هتوقع بينا عشان تدمرني هو في حد بيحب حد يعمل فيه كده؟..
دخلت عندهم زهره وهي ماسكه صنية العصير وقالت بحده..
كفايه بيحترمك يا شهد اسمعي كلامه وترضي بنصيبك عشان ولادك، طيب ما انا اهو متحمله اخوكي بعصبيته وعلي ايدك كان بيديني العلقه من هنا واقوم اجهزله العشا من هنا عشان ما اخربش بيتي..
ضحكت بطه وقالت
ههههههه انا اسفه بس هو كان بياكل من ايدك عادي بعد ما بيديكي العلقه ما كانش بيخاف تحطيله سم..
زهره
هو انا كنت اقدر اعمل كده هو انا ليا غيره ابو ابني...
شهد بسخريه
زهره ماشيه مع اخويا بمبدأ ضرب الحبيب زي اكل الذبيب..
بطه اتنهدت وقالت
والله الدنيا دي داين تداين يعني اللي بيعملو فيكي صبري يا زهره جه يونس ورده في اخته واللي بيعمله يونس في شهد جه يوسف يرده فيا..
زهره
ايوه صح هو قال يوسف جوزك اتجوز عليكي بنت ناس اكابر وكده؟..
ادايقت بطه وشهد قالت بسرعه وهي بتبص لزهره بلوم
خلاص يا بطه نقفل موضوع يونس ده خالص لو سمحتي ولو عنده حاجه يقولها يجي انا مش ههرب منه بالعكس انا صاحبة حق ومستعده اكلمه بدل المره مليون بس مش هغير قراري برضو..
قامت بطه وقالت
ماشي يا شهد بس وحياة ولادك فكري كويس في الموضوع تاني، الطلاق مش ساهل يا وخصوصا انتي معاكي ولادك..
شهد
ان شاء الله يا بطه..
_ مشيت بطه من عندها ورجعت بيتها ولقيت يوسف قاعد مدايق فراحت قعدت جنبيه وقالت..
بطه
اكيد فطرت وانا كمان فطرت قبل ما انزل فجيبتلنا ايسكريم وانا جايه من اللي بنحبه...
يوسف
اول واخر مره تطلعي من البيت وانا ما اعرفش مفهوم..
بطه
مفهوم طبعا، وكويس انك قسمت الايام بيني وبين دارين عشان ابقي عارفه راسي من رجليا وما تكدبش عليا..
يوسف بحده
ايه الطريقه دي هو انا امتي كدبت عليكي..
بطه
ما علينا المهم تعالي ناكل الايسكريم وانزل علي شغلك عشان انا مش فضيالك عندي مذاكره..
يوسف
مدايق منك بجد وطريقتك بقيت مستفزه اووي..
بطه
لا حوش الواد اللي بلسم وبينقط سكر...
يوسف ابتسم وقال
طيب يا ستي قولي بزعلك في ايه وانا هبطل اعمله علي طول، هو انا عندي اغلي منك يا بطوطه..
ضحكت بطه وقالت
ههههه يزن ابن يونس قالي الاسم ده النهارده وقالي لايق عليا اكتر..
يوسف
اممم لما اشوفه ابن يونس ده، المهم بس ما تزعليش مني ولا تزعلي من اي حاجه اصلا اتفقنا..
بطه بهدوء
هنتفق لما توفي بوعدك ليا..
يوسف
قصدك ايه مش فاهم؟..
بطه بجديه
قصدي انك اول ما دارين تبقي حامل هتطلقها يا يوسف والا هتطلقني انا، بص ما اكدبش عليك انا كنت ناويه اسيبك اصلا وقولت كده ليونس بس مش هقدر اخد الخطوه دي، بس انت اللي هتجبرني اخدها لو دارين فضلت في حياتك..
يوسف بضيق
لازمته ايه الكلام ده دلوقتي ولا انتي بتهدديني يعني..
بطه
لا لا ما تلفش الكلام انا مش بجبرك علي حاجه، بس انا من حقي اقبل او ارفض ولو عايز تكمل معاها والله مش هلومك ده حقك زي ما هو من حقي ابعد عنك وقتها..
يوسف حضنها وقال
وانا مستحيل اسيبك ودارين دخلت حياتي اصلاً عشان اريحك انتي، ومستحيل برضو واحده تاخد ربع حبي ليكي..
ابتسمت بطه برضا وبعدت عنه وقالت
خلاص يا اسطا كده. نقول عوده حميده، استني بقي اجيبلك الايسكريم واشتكيلك من صاحبك اللي بيخرب في بيته عشان تروح تكلمه وتخليه يتصرف ويصالح شهد..
_قالت كلامها ودخلت المطبخ، وهو اتنهد بضيق من فكرة انه في يوم هيسيب دارين...
ــــــــــ #بقلم_الكاتبه_رحاب_القاضي ــــــــ
_ وفي المستشفي اللي فيها جهاد، وصل عمار ومعاه جميله هناك وكان زكريا واقف قدام اوضة العمليات ومعالم الخوف باينه عليه جداً..
عمار
في ايه يا زكريا مالها جهاد؟..
زكريا بجمود
مش عارف بجد مش عارف ايه اللي حصل، بس انا السبب..
جميله
انت السبب ازاي انت عملتلها حاجه يعني ولا ايه؟..
زكريا بدموع
ايوه خليتها في حياتي وانا حياتي كلها ذنوب وطبيعي اتعاقب في الحاجات اللي بحبها وزي ما عملت في الناس بيترد فيا، بس ما كنتش اتمني ابداً اني اتعاقب فيها هي..
_ سكت عمار وجميله وهما مش عارفين يردو عليه بأيه ولا يقولو ايه يواسوه بيه، لانه عمل اخطاء كتيره في حياته وما. حدش يقدر ينكرها...
قربت جميله من عمار وقالت بصوت واطي
انت هتقف تتفرج عليه خد اخوك في حضنك كده وهون عليه..
عمار بقلق
تفتكري هيقبل مني حاجه زي دي، انا اصلا مستني يقولي ان انا السبب وانا اللي وصلته للحاله دي..
جميله
واهو ما قالش وشكله محتاج حد يحسسه انه جنبه وخايف عليه بجد، بقولك ايه هتحضنه ولا احضنه انا..
ضربها عمار علي راسها بخفه وقال
لمي. نفسك. قال تحضنيه انتي قال...
_ وقرب عمار من زكريا ومن غير مقدمات اخده. في حضنه بطريقه. لطيفه زي ما بيعمل مع مروان ابنه لما بيكون مدايق بالظبط، وعلي عكس ما توقع انهار زكريا وهو بيعيط وقال بنبره حزينه..
زكريا
انا خايف اووي عليها يا عمار انا مش هقدر اعيش من غيرها لو حصلتلها حاجه، هي اللي ردت روحي فيا هي رجعتني عن كل حاجه وحشه بعملها..
عمار بهدوء
اهدي واصبر هو لو كان عقاب من ربنا او ابتلاء فأصبر عشان يعدي عليك ساهل، بلاش كلامك اللي مالوش لازمه ده اصبر وادعيلها والدكتور هيطلع ويطمنك عليها دلوقتي...
_ قبل ما يرد. عليه اخد باله من جميله اللي واقفه مبتسمه وبتصورهم بموبيلها، فبعد عن عمار بسرعه وقال..
زكريا
انتي بتعملي ايه يا جميله؟..
جميله
بصوركم عشان انزلها استوري واحط عليها اغنية لو ايدي في ايد اخويا ابن امي وابويا..
زكريا بغيظ
عمار عشان ما اغلطش فيها في وجودك خليها تسكت خالص..
عمار
اسكتي ياللي جيبالي الكلام اسكتي..
جميله
اااه انا اسفه بجد انتو زعلتو عشان الاغنيه فيها ابن امي وابويا وانتو اخوات من الاب بس..
عمار بنفاذ صبر
لا نبيهه اووي يا اختي، اسكتي يا جميله ما بتعمليش موقف حلو للاخر..
_ وطلع في الوقت ده الدكتور ومعاه الممرضه اللي بتساعده وسأله زكريا بسرعه وقال...
زكريا
طمني دكتور مراتي عامله ايه هي كويسه؟..
الدكتور
الحمد لله المدام كويسه والطفل كمان كويس بس هيدخل حضانه كام يوم عشان نزل قبل معاده..
جميله
طيب هو ايه اللي حصلها اصلا؟..
الدكتور
هو الحمل كان طبيعي اللي حصل ان الرحم حصله صدمه او زي ما بنقول انتكاسه وده اللي سبب النزيف ودي حاجه بتاعت ربنا مش اهمال منها ولا حاجه..
زكريا
طيب انا عايز اشوفها..
جميله
وانا عايزه اشوف النونو هو فين ما طلعتوش ليه بيه زي ما بيخصل في الافلام؟..
الدكتور
تقدرو تطمنو علي المدام بس هي تحت تأثير البينج دلوقتي، والبيبي هتيجي الممرضه تاخدكم عنده بس يتعمله اللازم الاول..
عمار
شكرا يا دكتور تعبنااك معانا...
الدكتور
العفو ده واجبنا يا عمار بيه...
جميله
ايه ده هو انت كمان تعرف عموري..
ابتسم الدكتور ومشي وعمار قالها
اخرسي يا حبيبتي عموري واحنا مع بعض مش قدام الناس كده..
زكريا
انا هدخل اطمن عليها امشو انتو بقي..
جميله
ايه قلة الذوق دي. انا هدخل معاك. للبت اطمن عليها..
عمار
خلي بالك منها يا زكريا لحد. ما اكلم ابوك اطمنه واشوف الحساب تحت والحاجات دي..
زكريا
حاضر، اتفضلي يا جميله ادخلي..
جميله بثقه
جميله هانم لو سمحت..
ودخلت جوه وهو قال بغيظ
ايه اللي جابك انتي ما كنت هخلص منك. ومن لسانك. ده كام يوم..
_ واول ما دخل الاوضه اللي فيها جهاد اللي كانت نايمه علي السرير الطبي وباين علي وشها التعب اووي، سحب الكرسي اللي كان علي جب وقعد. جنب سريرها ومسك ايدها وباسها بدموع وقال..
زكريا
ينفع اللي عملتيه فيا ده، بس تقومي بس وانا هطلع القديم والجديد. فيكي..
جميله
زيكو هي نايمه يا حبيبي مش هتسمعك فخف نحنحه..
زكريا وعيونه لسه علي مراته
عارف واسكتي وملكيش دعوه بيا..
جميله
براحتك ده العقل زينه فعلا..
زكريا بغيظ
شوف مين بيتكلم عن العقل، واخرسي خالص..
جميله
انا اتكلم براحتي انت اللي تخرس..
_ ما ردش عليها زكريا وفضل ماسك ايد جهاد وبيبصلها ومستني تفوق وتكلمه بأي شكل، وكالعاده طلعته من المود جميله لما قالت..
جميله
انت بتبصلها كده ليه علي فكره لو صحيت ممكن تتخض..
زكريا
يا بنتي اسكتي لله بتفصليني والله...
جميله
هو انا قولت حاجه ايه ده..
_ جه عمار بره وخبط علي الباب وما رضيش يدخل احتراماً لمشاعر اخوه وخصوصاً انه عارفه بيغير عليها جداً، فطلعت عنده جميله وقالت..
جميله
نعمين؟..
عمار
مالك في ايه؟..
جميله
هو اخوك ازاي بيحب مراته كده وليه انت مش زيه..
عمار
اممم بقي بعد كل ده. شايفه حبي قليل
جميله
يعني هو انا لما احمل واولد هتفضل تحبني ولا هتكرهني..
عمار
احملي انتي بس ووقتها هتعرفي الرد. بنفسك، المهم تعالي نشوف البيبي اندهي لزكريا..
جميله
لا لا مش هيقوم وهيشفوه مع بعض اجمل تعالي نشوفوه احنا دلوقتي وهما بعدين....
عمار
ماشي يلا بينا..
_ وراحت هي وعمار للمكان اللي فيه أوآب ابن زكريا والممرضه وقفت قدامهم وقالت..
الممرضه
اهو من الشباك ده هتشوفوه في الحضانه رقم 22 اللي هناك..
جميله
مش عارفه اشوفه ممكن اشوفه من جوه..
الممرضه
طيب انتي لوحدك تعالي بس اعقمك كويس..
_ وراحت معاها جميله ولبست زي طبي ودخلت عند الطفل والممرضه خلتها شالته علي ايديها، وهي قربت من الشبااك بسرعه عشان توريه لعمار اللي ابتسم علي شكلها وهي شايله البيبي وبصاله بكل حب وحنان، وبسرعه من غير ما تاخد بالها طلع موبيله وصورها صوره جميله اووي، وجات الممرضه واخدت منها الولد ورجعته مكانه وطلعت هي وقالت لعمار..
جميله
شكله حلو اووي وفتح عيونه مره واحده، لونها زي عيون مامته اخضر علي بني كده..
عمار
انتي جميله اووي يا جميله..
ابتسمت بخجل وقالت
ما قولتش يعني رئيك في البيبي..
عمار بهدوء
ما ذنبُ من رأىٰ بعيّنيك بِلاد
إن غِبت عنهُ اغتربَ؟!
جميله بعدم فهم
ايه ده انا بسألك عن رئيك في البيبي شكله كان حلو اووي..
طلع عمار موبيله ووراها الصوره وقال
ما اخدتش بالي منه، ما حدش بيشعلني غيرك..
حصنتن جميله وقالت
يا ابني بقي انا عديت مرحلة الحب معاك انا بقيت بعسقك..
عمار بهدوء
اطمنا. بقي عليهم. يلا بينا نكمل. صبحيتنا..
جميله بتوتر
طيب استني نطمن علي جهاد..
عمار
اطمنا وواسينا وعملنا الواجب، يلا بينا بقي..
_ واخدها فعلا ومشي ورجعو الاوتيل عشان يكملو ايام فرحهم..
ــــــــــ #بقلم_الكاتبه_رحاب_القاضي ــــــــ
_وبالليل في بيت يونس كان عنده يوسف وقعده في الجنينه وقعد قدامه وقال..
يوسف
يا عم خليك في اوضتك لحد ما تخف بدل المرمطه دي ونزلوني وطلعوني..
يونس بضيق
مخنوق مش طايق اقعد فوق ولا في البيت ولا عايز اقعد كده..
يوسف
عشان ما تبقاش تعمل فيها جدع بعد كده. اهو عمار المنشاوي واخوه وعيلته كلها كويسين وانت اللي كنت هتروح فيها، احنا ايوه كبرنا يا صاحبي بمجهودنا بس مش زي الناس دي..
يونس بجمود
وعشان كده هكبر اكتر وهوصل للاعلي منهم، بس مالكش دعوه بعمار المنشاوي الراجل ده كويس بجد وانا بحترمه بس عمره ما هيبقي صاحبي زيك انت اخويا يالا ومستحيل حد.ياخد ربع مكانتك عندي ده مسمي ابني علي اسمك يا يوسف ده شهد مسميااك مراتي الاولي من كتر ما بتغير منك...
ابتسم يوسف وقال
ما علينا المهم مالها شهد؟..
اتنهد يونس تنهيده طويله ورد عليه
تعبت مني وحقها انا نفسي ما بقتش طايقني..
يوسف
طيب ايه اللي حصل عشان موضوع الشغل بتاعها؟..
يونس
لا شافت صورة نور علي موبيلي وكمان عرفت بالاتفاق اللي كان بيني وبين ماجي..
يوسف
فضلت اقولك بلاش وقتها ما سمعتش كلامي، والبيه برضو محتفظ ليه بصورة نور؟..
يونس
والله مش عشان حاجه بس اوقات بكون عايز اشوفها فبطلع الصوره وافتكرها، ولو كنت افتكر شهد هتشوفها وهيحصل اللي حصل والله كنت حرقت ام الموبيل كله..
ضحك يوسف بهدوء وقاله
وكان عليك ايه من الاول بس، طيب قولى هي لو كانت نور لسه يعني عايشه وهي مطلقه انت ممكن كنت تتجوزها علي شهد؟..
يونس بجديه
مستحيل عشان هي سابتني وعمري حتي بعد ما ماتت ما هنسي وجعي منها، وعشان شهد ما تستاهلش اني اتجوز عليها..
يوسف بسخريه
بس تستاهل اخونها، انت متناقد يا يونس..
يونس بعدم فهم
انا ايه؟..
يوسف بضحكه هادئه
قصدي تصرفاتك عكس بعضها وانت مش عارف انت عايز ايه؟..
يونس
خاينتي ليها كانت غلطه وندمت عليها ندم عمري..
يوسف
بس هي قالت لبطه انها مش ناسيه، وقافله خالص من. ناحية الرجوع..
يونس بجمود
هترجع انا لا هقدر اعيش من غيرها هي والولاد ولا هي ينفع تكمل من غيري...
_ في الوقت ده في بيت شهد كانت قاعده جنب ولادها اللي نايمين وبتقلب في موبيلها، وفجأه بقي يوسف بيعيط وهو نايم..
قربت منه بسرعه وقالت بخوف
مالك يا يوسف، قوم يا حبيبي مالك؟..
قال يوسف وهز بين اليقظه والنوم
بابا فين، انا عايز اقعد معاك يا بابا..
_ مسحتله دموعه ونامت جنبيه واخدته في حضنها وفضلت تقرأله قرآن لحد ما ناام تاني، وبعدين قامت وقعدت في البلكونه وبصت للبلكونه بتاعت بيت جميله اللي كانت مضلمه وابتسمت بدموع وقالت..
شهد
وحشتيني يا مجنونه وده اكتر وقت محتجالك فيه..
ــــــــــ #بقلم_الكاتبه_رحاب_القاضي ــــــــ
_ وفي المستشفي اللي فيها جهاد كانت قاعده علي السرير وزكريا قاعد قدامها وبينهم الاكل..
جهاد
خلاص بقي مش اكل تاني خليني اقوم اشوف أوآب..
زكريا
مش هينفع تقومي الممرضه شويه وهتجيبهولك..
جهاد بغيظ
اومال عمال تقولي لازم تاكلي عشان اخليكي تروحي تشوفيه ليه وخليتني اكل كتير..
زكريا
عشان تاكلي انتي نزفتي كتير وتعبتي اووي في الولاده ولازم تعوضي كل ده..
جهاد بدموع
عايزه اشوف ابني يا زكريا..
زكريا
لا لا ما متعيطيش هيجبوه والله دلوقتي..
جهاد مسحت دموعها وقالت
طيب انت شوفته؟..
زكريا
لا مستنيكي عشان نشوفه سوا، بس جميله وعمار شافوه لما كانو هنا وبعتتلي جميله رساله بعد ما مشيت بتقولي ان عيونه خضرا علي بني زي عيونك..
جهاد بحماس
طيب يلا نروح نشوفه انا بقيت كويسه اهو..
زكريا
لا مش هتقومي واهدي هيجبوه لحد عندك وهيقعد اسبوع ويمكن اكتر كمان في الحضانه..
جهاد بدموع
ليه طيب انت مش بتقول انه كويس؟..
زكريا
ايوه والله كويس بس اتولد قبل معاده وده سبب انه هيقعد في الحضانه فبلاش نتلكم علي النكد...
_ الباب خبط في الوقت ده وزكريا سمح للي بيخبط يدخل لان جهاد من لما فاقت لابسه حجابها، بس كانت صدمته الكبيره لما طلع اللي بيخبط الدكتور سليم اللي كانت بتكشف عنده جهاد في بداية حملها..
سليم
ازيك يا جهاد عامله ايه، لما عرفت انك هنا طلبت انا اللي ابقي مشرف علي حالتك عشان اعرف اخد بالي منك كويس، عامله ايه دلوقتي..
بصت لزكريا اللي بان عليه غضبه وردت بتوتر
كك كويسه الحمدلله، هنتعب حضرتك معانا..
سليم
لا ما تقوليش كده انتي غاليه عندي اوي كفايه انك من طرف مدام نورا الله يرحمها..
جهاد بقلق
الله يرحمها..
سليم
طيب بعد. اذنك يا استاذ اا عشان اكشف واطمن عليها..
وقف زكريا قدامه وقال بجمود
خفت مش تعبانه ومتشكرين لخدماتك..
سليم
ازاي يعني خفت دي والده علي السابع ومحتاجه متابعه..
زكريا بحده
وانا بقولك خفت مش هتقرب منها اصلا وتطلع بره وتيجي دكتورة نسا تكشف عليها وما شوفش خلقة اهلك هنا..
_لطمت جهاد علي وشها بخوف من تصرفااته المتهوره، والدكتور سليم سمع كلامه وطلع من الاوضه بسرعه..
جهاد
ايه اللي انت عملته ده يا زكريا يقول علينا ايه دلوقتي..
زكريا بغبظ
ما يقول اللي يقولو عيل سمج ومش بطيقه وما اسمعش صوتك اصلا بمعارفك اللي زي الزفت دي..
وراح قعد علي الكنبه اللي في الاوضه وبقي يهز رجله بعصبيه وقال بنبره غاضبه..
زكريا
قال مش عايزين نتعب حضرتك قال اللي جابك علي اللي جاب ابو حضرته..
جهاد بغيظ
طيب عايزه اشوف ابني يا زكريا دلوقتي...
زكريا بحده
فكري تطلعي بره الاوضه دي والله اكسرلك رجلك،هتترزعي هنا لحد ما نمشي فاهمه..
_ نامت جهاد بهدوء وكانت مدايقه جداً، وبعد شويه دخلت الممرضه وهي شايله أوآب علي ايديها، واول ما جهاد شافتها قامت بسرعه فأتلمت جامد...
زكريا بقلق
يا بنتي بالراحه علي نفسك...
جهاد للممرضه
هاتيه لو سمحتي...
_ قربت منها الممرضه واديتها ابنها، اتملت عيون جهاد دموع وقالت بتوتر..
جهاد
انا مش عارفه ازاي هشيله..
الممرضه
انتي عندك كام سنه اصلا شكلك صغير؟..
جهاد وهي بتبص لابنها بدموع
عندي 18 سنه وكام شهر..
الممرضه
اصغر ماما بصراحه اشوفها هسيبكم شويه وارجع اخده عشان يرجع الحضانه..
طلعت الممرضه وجهاد بصت لزكريا وقالت
تعالي شوفه يا زكريا قاعد. عندك ليه؟..
قام زكريا وقعد جنبيها وقال وهو مبتسم
ايه ده معقوله بتحبيتي للدرجه دي جايبه ابننا شبهي بالظبط؟..
جهاد
علي فكره مش واخد. منك ولا حاجه هو واخد. عيوني انا وفيه ملامح بسيطه من جدو المنشاوي..
زكريا
ما راحش بعيد برضو...
جهاد بدموع
انا مش متخيله ازاي شايله ابني خلاص وبقيت ماما..
زكريا
عارفه سعات بحس ان انا في حلم وهفوق الاقي نفسي زي ما انا وانتي مش موجوده، لان عمري ما كنت اتخيل ابداً اني احب بالشكل ده لا وكمان ابقي اب بالسرعه دي..
باسته من خده وقالت
انا بحبك اووي يا زكريا، ربنا عوضني بيك عن حاجات كتير..
_ حضنها بهدوء وفضلو يتكلمو مع ابنهم اللي ما كانش اصلا فاهم اي حاجه من كلامهم..
ــــــــــ #بقلم_الكاتبه_رحاب_القاضي ــــــــ
_ وعدي اسبوع كامل واتجوزت فيروز عزالدين من يوم واحد وفي تاني يوم فرحهم الباب بتاع شقتهم خبط جامد..
قامت فيروز وقالتله
عز قووم بسرعه افتح..
عزالدين بقلق
مين هيجي دلوقتي؟..
فيروز
مش عارفه قووم شوف انا كنت عارفه ان الخازوق هيجي بدري..
عز بغيظ
خازوق برضو وفي وشي كده من وش الصبح..
فيروز
قوم افتح يا عز بقي..
قام عز وراح فتح الباب واتفاجئ بجمال ومها واقفين قداامه..
في ايه وايه اللي جابكم..
دخل جمال وقال
بنتي فين؟..
عزالدين
اتخطفت..
جمال
نعمم انت هتهزر بنتي فين؟..
عزالدين
لا والله انتو اللي بتهزرو انا النهارده صبحيتي جايين من الساعه سته في وشي ليه؟..
مها
معلش يا عز حماك من لما خلص الفرح لدلوقتي ما نامش وما فيش علي لسانه غير فيروز..
عزالدين
طيب هي نايمه اتفضلو بقي ولما تبقي تصحي هخليها تكلمكم..
طلعت فيروز في الوقت ده من اوضتها وقالت
لا لا انا صاحيه نورتو البيت تعالي يا بابا اتفضل اقعد..
جمال
لا يا حبيبتي مش فاضين انا بس جاي اطمن عليكي..
فيروز
انا كويسه يا بابا وزي الفل، بس لا اقعدو افطرو معانا مش هينفع تمشو علي طول كده ولا ايه يا عز..
عزالدين
براحتهم بقي يا فيروز يمكن مش فاضيين بجد..
جمال بخبث
لا بقي انا فاضي وهقعد افطر مع بنتي، ها يا حبيبتي هتعملي ايه فطار؟..
عز بغيظ
ما عندنااش فطار كنا هننزل نفطر في مكان حلو كده....
مها
انا اعرف مطعم. حلو اووي تيجو كلنا نروح نفطر هناك..
عز
يا جماااعه احنا عرسان جداد وانتو اطمنتو علي بنتكم اهو بس كده بجد ما ينفعش..
فيروز بحده
في ايه يا عز الله، انا هطلب فطار لينا كلنا تعالي يا ماما اقعدي ليه واقفه انتي كمان..
عز بغيظ
اممم اقعدي يا طنط هي جوازه باينه من اولها اصلاً..
_ وبعد شويه مشيو اهل فيروز وقبل ما تقفل الباب جمال رجع تاني وقالها بقلق وحزن..
جمال
ما تزعليش من تصرفاتي بس انا خايف عليكي منه ومش عارف ارتاحلو خالص..
فيروز
انا عمري ما ازعل منك يا بابا، ومسيرك تتأكد مع الوقت ان عز طيب اووي ومش زي ما كنا فاكرين خالص....
جمال
انا اتمني ده يحصل، ربنا يسعدك يا فيروز وابقي كلميني كل شويه طمنيني عليكي...
فيروز
حاضر يا بابا من عينيا..
_ ومشي جمال وهي قفلت الباب وجات تدخل بس لقيت عز واقف جنبيها..
فيروز
في ايه يا عز خضيتني..
عز
هو انا كنت جاي وناوي اتخانق معاكي علي اللي بيعملوه اهلك ده وخصوصا ابوكي اللي هيشلني قريب، بس بعد. ما دافعتي عني قدامه مش هنكد عليكي..
فيروز
ما تقدرش تنكد عليا اصلا..
عزالدين
طبعا هو حد يشوف الحلويات دي كلها ويقول يا نكد، المهم يلا نجهز بقي عشان نبدأ شهر عسلنا..
فيروز
هو انت لسه مصمم اننا هنسافر شهر كامل برضو..
عزالدين
ايوه وكمان كل فتره كده هنروح نجدد شهر عسلنا، ووالله هخليكي اسعد واحده في الدنيا...
حضنته فيروز وقالت
انا اسعد واحده في الدنيا عشان معاك يا حبيبي..
بعد عنها عز وقال بحماس
ايوه بقي اخيراً يا ابو الهول نطقت بس ايه الحلاوه دي...
فيروز بكسوف
طيب عشان طريقتك دي انا مش هقولك حاحه تاني حلوه بس...
مشيت من قدامه وهو قال وهو بيضحك
استني بهزر معاكي والله..
ــــــــــ #بقلم_الكاتبه_رحاب_القاضي ــــــــ
وفي بيت عمار المنشاوي كانت جميله قاعده مع مروان بيفطرو وقالتله..
جميله
اسمع الكلام وصحيها يللا..
مروان
لا مش هصحيها سبيها تنام براحتها..
جميله
يا ابني خايفه علي مصلحتك خليها تقوم تجهز الفطلر تعملها حاجه كده بدل ما هي متدلعه..
مروان وهو بياكل
انا عايزها متدلعه علي طول مالكيش دعوه..
جميله
ده كلام انما بعد الجواز مش هتاكل وتشرب دلع انت، وبعدين هي مش كانت مصحيااك طول الليل بترغي معاك ما تصحيها زيك بدري..
مروان
بس هي ما قالتليش اسهر معاها انا اللي كلمتها عشان ما اسيبهاش صاحيه لوحدها، ومش هخليها تصحي بدري لانها مش بتحب تصحي بدري كده..
جميله
هو ليه ابوك مش زيك ده مصحيني من النجمه يقولي انزلي اعمليلي فطار..
مروان
احسن عشان مشيتي الشغالات كلهم..
جميله
يعني يرضيك اخلي شغالات في البيت احلي مني قدام ابوك..
ضحك مروان وقالها
لا طبعا ما ينفعش اتنفخي انتي بقي في البيت..
جميله
ما انا اتفقت مع شغاله كبيره كده عندها بتاع 45 سنه هتيجي وكمان طنط عايده هتيجي تعيش معانا هنا وهتعلم منها الاكل...
مروان
بجد هي وافقت انها تيجي تعيش هنا..
جميله
ايوه باباك طلب مني اقنعها وانا اقنعتها...
مروان
طيب العشا النهارده هيكون ايه وما تجبيش اكل من بره مش بحبه..
جميله
ياربي لسه بيفطر وبيفكرلي في العشا، اطمن ماما جايه بعد شويه وهتعملنا اكل حلو..
مروان بخبث
ايه ده يعني ايتن هتبقي لوحدها النهارده في البيت..
جميله بحده
ااه يا قليل الادب عارف لو روحت للبت وهي لوحدها..
_حط مروان ايده علي بوقها لما شاف ابوه نازل وقالها بخوف وصوت واطي..
مروان
ابوس ايدك. اسكتي بابا نازل وانا. مش قصدي اللي فهمتيه يا وليه...
زقت ايده بعيد عنها وعمار نزل قعد علي الكرسي بتاعه وقال
صباح الخير... مالكم في ايه؟..
جميله
بقولك ايه انت ما تصحنيش تاني وانا نايمه فاهم..
عمار
اومال مين يفطرني وبعدين ايه ده طعميه وفول..
مروان وهو بياكل
وبيض مقلي وسلطه كتر خيرها والله كان نفسي في الاكل ده من زمان..
عمار
يا جميله انا مش متعود. افطر الحاجات دي، وقولتلك علي الفطار اللي عايزه...
جميله بأحراج
مم. ما انا ما عرفتش اعمله..
عمار
هو ايه اللي صعب انا طلبت منك باكون وبيض وفري آب..
جميله بغيظ
والله اول حاجه قولتها انا مش عارفه انطقها اصلا، وبعدين ما انا خليت السواق راح جابلنا طعميه وفول بعشرين جينيه اهو والدنيا زي الفل..
عمار
كنتي قولتي مش هتعرفي تعمليهم انا كنت طلبت فطاري بنفسي، وفين الشاي..
جميله
مضر بالصحه الصبح عماتلكم لبن..
مروان بسخريه
دي فاكرانا قطط يا بابا هتفطرنا لبن،ولبن مع طعميه ازاي..
جميله بعصبيه
في ايه منك ليه بدل ما تقدرو اني قايمه صاحيه بدري وبحضرلكم الفطار..
عمار
هبقي افطر في الشغل واجهزي النهارده بالليل عشان سبوع ابن زكريا وانت قول لايتن عشان تيجي معانا، ومن بكره يا جميله الشغاله الجديده هتيجي ومالكيش دعوه بشغل البيت وترجعي شغلك...
جميله
لا انا لسه اجازه
عمار
الاجازه خلصت وشغلك محتاجلك..
جميله بضيق
قول بقي انك زهقت مني..
قام مروان وقال
امشي انا بقي واسيبكم مع مشاكلكم الزوجيه دي..
شدته جميله وقالت
لا اقعد اشرب اللبن الاول، و عشان تبقي شاهد عليه..
عمار
سيبي الواد يروح شغله مش هتبقو انتو الاتنين..
جميله
مالكش دعوه بينا ومش نازله الشغل علي فكره بس..
عمار بحده
هو انتي عبيطه ايه اللي مش نازله الشغل دي، اومال مين هيمسك الشركه وفلوسكم..
جميله
زكريا انا هخليه هو اللي يدير الشركه وتبقي ايتن تساعده انما انا عايزه ارتاح وانام..
عمار بجديه
لا طبعا انتي هتنزلي الشغل غصب عنك وما حدش هيمسك املاكك غيرك يا جميله...
جميله بحزن
امم هو في ايه يا عمار انا مش عايزه اشتغل، وبعدبن انا لسه عروسه ومش هعمل زيك وبعد يومين من جوازي انزل شغلي عادي وكأني بقول للناس انا مش مبسوطه اهوو...
عمار
قصدك انا عملت كده عشان اقول للناس اني مش مبسوط معاكي...
جميله قامت وقالت
مالهاش تفسير معايا غير كده، وانا طالعه انام جاتكم البلاوي.
قالت كلامها ومشيت ومروان قال
الله وانا مالي...
وبص لعمار وقال
معاها حق يا بابا المفروض تقدر انها اول جوازه ليها ومن حقها تفرح وتتبسط...
عمار بهدوء
ما هي تعتبر اول جوازه ليا انا كمان هي جوازتي من امك دي كانت جوازه مثلا دي كانت تصليح غلطه..
مروان
طيب ما تزعلهاش هي مجنونه ودماغها لاسعه بس بتحبك اووي يا بابا وما تستاهلش تزعل بجد..
عمار بسخريه
الله يرحم ده انت ما كنتش بتكره قدها..
مروان
ده. كان زمان بس حبك ليها خلاني اشوفها بطريقه تانيه وبجد بقيت بعتبرها اختي الكبيره واكتر كمان..
عمار
طيب يلا روح شغلك وانا مش هاجي النهارده..
مروان
لا ثواني كده انت اجازه وعزالدين كمان..
عمار
وانت صغير يعني كنت قدك وكنت ماسك الشركه مع ابويا وكنت مخلفك..
مروان بضيق
حاضر يا بابا وربنا يستر...
_ وقام مروان مشي وعمار طلع فوق عند. جميله اللي كانت قاعده بتعيط ولما شافته نامت بسرعه..
عمار
قومي يا جميله يلا عشان نفطر سوا..
جميله
مش جعانه..
عمار
بس انا جعان يلاا..
جميله
هو انا ماسكه ايدك ما تطفح..
عمار ابتسم وقال
ما بعرفش اطفح لوحدي، وعايز مراتي تنزل تطفح معايا..
جميله بحزن
مش نازله يا عمار وسيبني دلوقتي لوحدي..
قرب منها وقال
ما ينفعش اسيبك وانتي زعلانه مني لوحدك...
جميله بتوتر
انت عايز ايه يعني؟..
عمار
انزلي معايا نفطر سوا ونتكلم ونخلص الموضوع ده بالهداوه..
جميله بحده
قولتلك. مش جعانه وما فيش حاجه هتخلص بالهداوه..
شالها عمار بسرعه وقال
احلي حاجه انك. مشيتي الشغالين عشان ناخد راحتنا في بيتنا...
جميله بكسوف
نزلني يا عمار ما تهزرش بقي...
عمار بخبث
لا ده احنا هننزل وهنفطر وهتفطري وانتي قاعده علي رجلي كمان مش عرسان جداد..
ضحكت بهدوء وردت عليه
لا لا بجد. خلاص نزلني وخلاص هنزل انا..
_ ما ردش عليها عمار واخدها ونزلو تحت ونزلها قدام السفره وقال...
عمار
اقعدي يلاا..
قعدت جميله علي الكرسي اللي قدامها وهو قعد. جنبيها وقال
يلا بقي اكليني ودي تضحيه عشان انا لا بحب الطعميه ولا الفول ولا البيض بالطريقه دي...
جميله
دي شكشوكه في حد بيحبهاش..
ضحك عمار وقالها
ههههههه هي اسمها كده بجد.؟..
جميله بغيظ
ايوه اسمها كده وانت هتاكله دلوقتي يعني هتاكله الفطار كله..
عمار
اوكي بس من ايدك انتي بقي، عريس جديد. بقي وعايز ادلع..
جميله
ايه العلاقه هأكلك في. حاله واحده لو اتشليت..
ضربها علي راسها بخفه وقال
لسانك. ده يتلم بقي، ويلا اسمعي الكلام...
جميله بحزن
لا انا اصلا زعلانه منك وقاعد. مستني ايه ما تروح شغلك وسيبني قااعده لوحدي وانا يدوب ليا اسبوع متجوزه يلاا..
عمار بهدوء
مش هروح يا جميله وهفضل قااعد. معاكي لحد ما انتي تزهقي وتقوليلي روح شوف شغلك..
حضنته جميله بهدوء وقالت
يبقي اطمن يا حبيبي هتبقي اكبر عواطلي في البلد عشان انا عمري ما ازهق منك يا عموري..
مسك ايدها وباسها وقال
والله الدنيا كلها تهون قدام زعلك، يلا بقي دوقيني الشكشوكه دي..
_ ابتسمت جميله وفضلت فعلا تأكله وهو ساب كل حاجه وراااه وقعد. معاها، وليه لا وسعادته اكتملت بوجودها من البدايه ❤🌹
ــــــــــ #بقلم_الكاتبه_رحاب_القاضي ــــــــ
_ وفي بيت صبري اخو شهد كانت قاعده مع واحده اكبر منها بشويه في العمر وشكلها راقي جداً وقالت لشهد..
_ ها يا مدام. شهد قولتي ايه، انا جيت لحضرتك بنفسي وده ما بيحصلش مع اي حد بس اما مقدره موهبتك كويس..
شهد
ده. شرف ليا يا استاذه لميس، بس حضرتك شوفتي شغلي فين؟..
لميس
ااا هو مش شغلك اللي اتعرض في المسابقه اللي فاز بيها زيد، وهو اخده ونسبه لنفسه لانك سيبتي الشغل..
شهد
لا حضرتك فاهمه غلط الشغل ده بتاع مستر زيد وهو اللي صمم كل حاجه انا كنت مساعده مش اكتر..
لميس
بس الكلام اللي وصلني غير كده..
شهد
انا صاحبة الشأن وانا بقولك كل الشغل اللي كان في المسابقه انا ما حطيتش فيه قلم واحده وكله لزيد بيه..
لميس
امم تمام بس ده برضو ما يخلينيش اغير رأيي فيكي..
شهد
لحظه بس هو حضرتك عرفتي عنواني منين، ومين ده اللي سمعتي منه موضوع ان التصميمات بتاعتي..
لميس
يونس بيه جوزك انا كلمته قبل ما اجي يعني عشان اعرف اوصلك...
شهد بغيظ
اممم يونس بيه وياتارا اداكي ايه مقابل ان. حضرتك تيجي وتعرضي عليا العرض ده، عربيه جديده ولا فلوس قولي ما تتكسفيش..
لميس
ايه قلة الذوق اللي حضرتك بتكلميني بيها دي، لما جيالك في شغل عادي يعني..
شهد بحده
قلة الذوق دي لما تبقي جايه بنفسك لبيت واحده انتي ما تعرفيش شغلها كويس، وقلة الذوق انك تقللي من نفسك عشان عربيه او شوية فلوس، اصل انا مش التوب يعني عشان واحده زي حضرتك تيجي بنفسها عشاني لحد. هنا لا وكمان تؤوحي الاول ليونس الصاوي اللي انا ما كنتش معرفه حد انه. جوزي اصلا..
لميس بأحراج
شكراً جداً اظن رغبتك بقيت واضحه بالنسبالي، فمالوش لزوم وجودي هنا..
شهد بحده
مع الف سلامه..
مشيت لميس وزهره طلعت من المطبخ وقالت
معقوله يونس هو اللي باعتها، طيب والله بيحبك واهو بيدور علي طريقه عشان يرجعك تشتغلي..
شهد بدموع
بيعمل كده عشان انا اضعف وارجعله زي كل مره، بس خلاص. انا توبت منه ومن عمايله بجد..
_ ودخلت اوضتها ومسكت موبيلها وكلمته وهو رد عليها بعد شويه وقال بهدوء..
يونس
نعم يا شهد؟..
شهد بحده
مالكش دعوه بيا تاني اشتغل ما اشتغلش اعيش اموت طلع نفسك. من حياتي بقي..
يونس
مش هينفع ولو كنت اقدر اعمل كده كنت عملتها من زمان..
شهد بدموع وغضب
يعني انت عايزني افضل ديما عايشه معاك واتوجع وبس، ما كفايه انانيه بقي..
يونس
لا مش كفايه يا شهد انا لحد دلوقتي ساكت وسامع كل الهري بتاعك ده وحاطط جزمه في بوقي وكمان فوق ده كله بحاول ارضيكي وانتي مكلماني وتقوليلي ابعد، طيب مش هبعد يا شهد ولا هسيبك. تبعدي عني واعلي ما في خيلك اركبيه..
دموعها نزلت وردت عليه وقالت
وانا ما بقتش عايزااك عادي مش اول مره احنا اتطلقنا قبل كده..
يونس بحده
قولت مش هطلق يا شهد، انا المره دي ما غلطتش انا كنت بحافظ عليكي حتي لو كانت الطريقه غلط انا ما كنتش عايزك تبعدي عني..
شهد بنفس حدته
وانا مش لعبه في ايدك هتحركها علي مزاجك، ولو ما طلقتنيش هخلعك...
يونس بحده
لو خلف فيكي ابوكي اعمليها عشان اوريكي الوش التاني واخليكي تكرهيني كويس يا شهد..
_ قفلت في وشه وقعدت علي السرير وفضلت تعيط ودخل عندها يوسف اللي كان في البلكونه وسامع كلامها مع باباه وراح قعد جنبيها وقال..
يوسف
انا مش. هتجوز عائشه..
بصتله شهد بعدم فهم وقالت
ايه اللي بتقوله ده يا يوسف، وليه مش عايز تتجوزها هو انت مش بتحبها؟..
يوسف
ايوه بحبها بس مش عايز اتخانق معاها زيك انتي وبابا لما بتتخانقو..
شهد بحزن
لا ما تقلقش ابوك ده ما فيش زيه وانت اكيد مش هتزعلها وهي مش هتتخانق معاك، وبعدين لسه هتكبرو سوا وهتفهمو بعض..
يوسف
طيب هو احنا مش هنرجع تاني عند. بابا؟..
شهد بدموع
لا يا حبيبي هنقعد. هنا مع زهره واسر وخالو صبري..
قام يوسف من جنبيها وقال بدموع
لا انا مش عايز اقعد هنا ده مش بيتنا، احنا بيتنا عند بابا....
شهد
عيب الكلام ده يا يوسف هيزعلو لو سمعوك، وبعدين ما هو يزن مبسوط هنا اهو ما تبقي شاطر زيه..
يوسف ببكاء
لا هو مش مبسوط هو خايف نرجع تاني تتخانقي مع بابا، هو قاعد هنا وعامل مبسوط عشان خايف، بس انا بحب بابا ومش عايز ابقي ما عنديش بابا..
شهد بهدوء
بعد الشر يا حبيبي، حاضر ان شاء الله هنرجع تاني يا حبيبي عند. بابا..
يوسف
انتي مش بتكدبي عليا صح، لو كدبتي عليا هزعل منك اوي..
شهد بحزن
لا مش بكدب هنرجع لبابا حاضر..
_ واخدت ابنها في حضنها وبدأت تفكر تاني للرجوع ليه وانها تتنازل عشان ولادها وتتحمل زي ما زهره قالتلها...