رواية انتقام انثي الفصل الخامس والثلاثون35والسادس والثلاثون36 بقلم رشا منصور
عبدالرحمن. …
عمي عثمان كان قاعد جنب ابويا وبيتكلموا ايه اللى هيتم والمفروض هيروحوا فين لحد ما البيت ما يتعقم. ومين اللى هيقعد مع الولاد بعد ما جيلان تسافر الكل دلوقتي بقي مشكو'ك فيه ان عنده كورونا.
قولت لهم من بكره الصبح كلنا لازم نعمل التحاليل اللازمه وأنا هروح مع جيلان واجيب معاها مواد التطهير. علشان نبقي نعقم بها اى حد يخرج او يدخل البيت والفترة دى لازم نعيش ع أكل مسلوق. لحد ما نتيجه التحاليل ما تظهر ونشوف مين فينا السليم هو اللى هيقعد مع الأولاد
جيلان. …
نزلت من أوضتي لقيت عبدالرحمن بيقولى أنا جاى معاكي قولت له كويس ع الأقل تساعدنى …
أنا عارفه وواثقه ان عبدالرحمن مش مطمن ليا وممكن يكون شا'كك ان أنا اللى ببعت الرسائل علشان كدا رحبت بوجودة معايا ع الأقل علشان اكسب ثقته فى الوقت الحالي
وروحنا شركه مستلزمات. طبيه واشتريت كحول ومواد تطهير وتعقيم و علب كمامات وعلب جوانتيات
وروحنا ع الصيدليه وجبنا علب ادويه فيتامين C
وطلعنا ع محل منظفات وجبت ديتول مركز
وركبنا العربيه والسواق وصلنا للشقه لقيت الغفير هناك قولت له شوفلي جردل وحط فيه نصه ميه ولما جابلي الجردل حطيت الديتول وابتديت امسح الأرض الغفير خد منى المساحه وبدء يمسح هو
وانا طلعت مواد التطهير ولبست الكمامه والجوانتي وعبدالرحمن كمان وبدء يعمل زيي ياخد بالقماشة ويمسح كل الخشب واوكر الباب والشبابيك وكل حاجه ملموسه
علشان الاولاد لو ايدهم جت ع حاجه محدش فيهم يحصلوا تلوث. ولا عدوي.
وفضلنا ساعتين وتعبنا جدا وقررنا نروح ع البيت
ولقيت عبدالرحمن بيقولى اتغيرتي يا جيلان عن زمان
أول ما جيتي من السفر كان اهم حاجه مصلحتك. والفلوس وبس ايه اللى غيرك فجأة وبقيتي تساعدى الكل
قولت له انا لما سافرت مع بابا كنت يا دوب عندى 18 سنة وكانت أمي ما'تت عشت مع بابا أصعب أيام حياتي من غير أم ولا أصحاب وفى بلد غريبه والمطلوب منى أتعلم واشتغل فى نفس الوقت وبابا كان لسه بيشتغل دكتور فى مستشفي ب عدد ساعات قليلة وأنا اشتغلت فى كافتريا مكنش عندى الرفاهية إنى اخد إجازة ولو يوم من الشغل حتى لو تعبانه كان اهم حاجه ازاى نجيب فلوس علشان نعيش وابتدى بابا يشوف شغل تانى ويعتبر بقيت اشوفه بالصدفه
تخيل انت واحدة فى السن ده مسؤوله أنها تدرس وتشتغل وتأكل نفسها ومش معاها حد حتى أبوها مش بيكون جنبها
فى الوقت اللى كل البنات بتعيش فترة المراهقه وتتخيل فتي الأحلام ويبقي كل تفكيرها فى الحب واللبس والخروجات
أنا كان اقصي طموحى اخد يوم اجازة علشان أنام
منتظر منى اطلع ازاى وإذا كان ع التغيير أنا من بعد مو'ت ابني حسيت ان مافيش حاجه تسوي صحيح مكنتش مهتمه به وجايبه له مربيه بس لانى كنت بشتغل صبح وليل
مكنتش عوزاه يطلع زيي ويعيش معاناتي كنت عاوزة اعمله قرش يتسند عليه لما يكبر كنت عاوزة اضمن أنه عمره ما يحتاج لحد
حتى لما عرفت ان مروان هيتجوز أختك سكت علشان خاطر الفلوس علشان ابني يكبر يلاقي امه عندها معمل وأبوه عنده مستشفي ميحتاجش يفضل يلف ويدور علشان يلاقي حد يرضي يشغله وبعد ما مات. خلاص مبقاش للفلوس لازمه ودلوقتي بقيت اشتغل علشان اقدر اعيش ولما أكبر ألاقي حاجه اتسند عليها محتاجش امد أيدي للناس😔😓
أنا ماليش حد حتى بابا علاقتي به بقت شغل وبس لو تعبت ولا كبرت فى السن مش هلاقي اللى يهتم بيا ويصرف عليا
عبدالرحمن. …
كلام جيلان أثر فيا اتحرمت من حنان امها وأبوها فى نفس الوقت اعتذرت لها وقولتلها ان شاء الله ربنا هيعوضك عن أحمد ويبقي معاكي فلوس تقدري تبني له مستقبله
قالتلي أنا واثقه من كدا لانى اتظلمت. كتير فى حياتي وأكيد ربنا هيعوضني
سعديه….
كنا قاعدين كلنا تحت ميعادا لمياء فى اوضتها معزوله. لوحدها وأول ما دخلت جيلان وعبدالرحمن لقيت معاهم اكياس كتير قولت لهم طمنونى الشقه جاهزة للعيال قالولى آة مافيش حته الا واتعقمت. ولقيت جيلان قالت
الأكياس دى فيها كحول ومواد تطهير. لازم الاولاد الصبح كلهم ياخدوا شاور بالصابون وبعد كدا يترش. ع ايدهم بالكحل. ويتمسح ع جسمهم بالديتول. علشان اخدهم الشقه
قولتلها بسيطه من الفجر هعمل كدا بس آدم ابن مروان هيفضل هنا ده لسه بيرضع. لو حطينا فى ايه كحل ده مش هيأثر عليه
لقيتها قالتلي مينفعشي يفضل هنا لو اى حد فيكم تعبان الولد هيتعدى. منه وممكن لقدر الله يجري له حاجه ده أول واحد لازم يتنقل لمكان معقم. وانجي كمان لازم تتنقل معاهم وأنا هعقم. الببرونه بتاعته واجيب له لبن بودرة وكل حاجه مناسبه له اطمنوا وخلوا مع الأولاد موبايل ممكن تطمنوا عليهم منه
قولتلها كتر خيرك يابتي تعبتي معانا والله جميلك ده ع راسنا من فوق ربنا يسعدك يارب
جيلان …
استأذنت منهم علشان تعبانه وطلعت علشان ارتاح
وبعد ما طلعت فتحت اللاب توب وابتديت أتفرج ع فيديو هحتاج له بعدين وزودت عليه كلمتى الاخيرة ونسخت الفلاشه وخليتها معايا وبعدها نمت
وتاني يوم لبست الكمامه والجوانتى وروحت ل لمياء وايديتها كحل وكمامات وقولتلها كل ما تلمسي حاجه اغسلي إيدك وحطي كحل ع طول لقيتها قالتلي
بس أنا حاسه انى بقيت كويسه وكمان أنا قادرة أتنفس وباكل وبشرب عادي يعني معنديش كورونا
قولتلها اللى ظهر من فير'وس كورونا خمس أنواع لحد دلوقتي وكل نوع بأعراض مختلفه وفى نوع منهم الفير'وس بيبدء يعمل زى بيات شتوى كدا لحد ما المناعه الجسم ما تتأقلم ع وجوده وبعدها ع طول بيقضي. ع المنا'عه وبتحصل انتكا'سه وللأسف النوع ده لسه ملوش علاج
علشان كدا أهم حاجه دلوقتي تقوى المناعه بتاعتك وتاخدى فيتامين C وتاكلي خضار وفاكهه
وقولتلها أنا هاخد منك عينه دم' اوديها المعمل يحللها وان شاء الله ميطعلش عندك حاجه وفعلا اخدت العينه وخرجت من عندها ونزلت تحت
واخدت الأولاد ومن ضمنهم ابن لمياء وانجي رفضت تيجي معانا علشان تتابع أخبار مامتها وكمان الحمل تاعبها ومش هتتحمل دوشه الأولاد وقابلت مروان وأنا ماشيه …
وطبعا كنت واخده شنطتي اللى فيها هدومى وحاجتى واللاب توب علشان أول ما تظهر نتيجة تحاليل فحص كورونا حد يبقي يقعد بالأولاد وأنا اسافر علشان احلل عينه عمتو
وخرجنا كلنا وأنا واثقه ان لمياء حرارتها هتزيد من بعد ما شكتها ب سن. السرنجه اللى سحبت بها عينه الد'م لكن الحقيقية السن كان فيه سم' التعبا'ن مخلوط ب سم. العناكب.
وده هيسبب لها إرتفاع فى درجه الحرارة والشعور بالغثيان. والإرهاق الشد'يد وطبعا ده هيأكد للكل أنها مصابه بالكورونا😄 وبالتالي محدش هيقرب منها وهتفضل محجو'زة فى اوضتها
مروان ….
أول ما شوفت جيلان خرجت من عند لمياء شكرتها ع وقوفها معانا واعتذرت لها ع تقصيري فى حقها وخصوصا من بعد مو'ت ابني لقيتها قالتلي مافيش داعي للاعتذار وبالنسبه ل حقي ربنا هيجيبوا ليا وخدت الأولاد وشالت ابني وقالتلي اطمن أبنك فى عنيا يا مروان ومشيت
مكنتش متخيل فى يوم ان جيلان تكون بالشها'مه دى
جيلان. …
عم عثمان خلي الغفير جاب اقفاص فاكهه وخضار وشاى وقهوة وقالي التلاجه هتلاقي فيها لحوم وأى حاجه هتحتاجي لها اتصلي وهتجيلك ع طول
قولت له كتر خيرك يا عمو أهم حاجة اول ما تظهر النتيجه طمني علشان الحق اخد عينه من عمتو واسافر ع طول
وبعد ما وصلت الشقه وخليت الأولاد تستريح دخلت اوضه وكلمت المساعد بتاعي اشوفه وصل لحد فين فى اللى كنت مكلفاه به وطمنى ان كل حاجه تمت زى ما انا عاوزة بالظبط
وبعد ما رتبت كل حاجه ابتديت أتخيل رد فعلهم لما يعرفوا اللى أنا عملته وخصوصا …..؟؟
الفصل السادس والعشرون
سناء……
كنت قاعدة زعلانه ع ولادى أول مرة يبعدوا عني وبعت رساله ل لمياء كتبت فيها استعدي إلا بالفلوس او بالمو'ت بكره اخر ميعاد لتجهيز الفلوس
وشيلت الخط بسرعه وقومت لبست جوانتي وكمامه وروحت خبطت ع لمياء كنت سامعه صوت همهمه مش واضح فتحت لقيت لمياء واقعة ع الأرض وعرقانه أوى وجسمها بيترعش وبتفتح عينها بالعافيه وبتقول كلام مش متفسر جريت ع تحت قولتلهم الحقوا لمياء بسرعه مروان وعبدالرحمن جريوا والباقي طلع بعدهم
أول ما شافوها كدا شلوها من الأرض وزعقوا. للكل علشان يخرجوا بره ورشوا. كحول فى كل حته وخرجوا من الأوضة وعبدالرحمن قالنا أنا هروح المستشفى أعرف ايه العلاج المناسب لها
وهدان.. ..
لقيت ابني بيقول أنه هيروح المستشفي خو'فت ع بنتي قولت له أنت عاوزهم يعزلوا أختك ومنعرفش عنها حاجه مش كفايه عمتك واللى جري لها
قالي لا أنا هجيب علاج وحد من التمريض يكون معاها هنا
ولقيت حمديه مراتي بتصو'ت وبتبكي ع حالها
وسعديه تقول كان مستخبي لنا فين بس ياربي وعثمان أخوي قال الحمد لله أننا نقلنا الأولاد بعيد عننا هما اهم مننا
قولت له عندك حق الحمد لله
مروان …
اتصلت ع الشركه الطبيه علشان التعقيم. قالولى فريق التعقيم. فى الطريق فى خلال ساعه هيكونوا موجودين
بلغتهم كلهم علشان يرتبوا حالهم يروحوا يعملوا الفحوصات اللازمة وأنا هفضل هنا مع فريق التعقيم وبعد ما ترجعوا انتوا يبقي نروح أنا وعبدالرحمن نحلل
أنجي. …
بقيت قاعدة فى الاوضه ع طول مش عارفه ايه اللى بيحصل ل أمي ولا عند لمياء بقيت كأنى معزولة. عن كل الناس كنت بمو'ت بالبطئ اتصلت ب عبدالرحمن لقيته بيقولى أنه فى الطريق للمستشفي لمياء جالها كورونا وحالتها صعبه. وأكد عليا أفضل فى أوضتي أحسن العدوى منتشرة ولازم اشرب ليمون واكل فاكهه كتير بس أنا اجيب نفس منين
سناء..
بقيت حاسه ان كل اللى بيحصل لنا ده ذ'نب أحمد بس إحنا معملناش له حاجه وعيالي أنا خا'يفه أوى عليهم اتصلت ع جيلان اطمن ع ولادى قالتلي أنهم بيفطروا وبيتفرجوا ع التليفزيون حكيت لها ع حالة لمياء قالتلي كويس أنها نقلت الأولاد بعيد علشان العدوي.
وصيتها ع عيالي قالتلي متخا'فيش عليهم المهم انتوا دلوقتي محدش يقرب من لمياء خالص وأنها باعتت عينة الد'م بتاعتها للمعمل وفى خلال أيام هظهر النتيجه
قفلت معاها وجهزت علشان نروح كلنا المعمل
عبدالرحمن…
وصلت المستشفي وعرفت الدكتور الحاله اللى عليها لمياء ولقيته قالي لازم تتعزل والأفضل لها المستشفي بس مدام انت مصمم أنها تفضل فى البيت كتبلي ع ادويه كتير وكلم اتنين من التمريض أنهم يباشروا حالتها ويعرفوه لاى مرحلة وصلت لها وروحت البيت لقيت فريق. التعقيم. وخليتهم يطلعوا أوضة لمياء يعقموها الاول ولقيتها نايمه
وبعد ما خلصوا الممرضين دخلوا شلوها ع الحمام وقعدوها فى البانيو وبعد الشاورعقموها. ولبست ملابس متعقمه. من المستشفي وعلقوا لها محاليل ومنعونا. من دخول الغرفه تانى حتى الأكل هما اللى هيحدودوا لها وفى اطباق فويل علشان تترمي. بعد الاستخدام ع طول
صعبان عليا أختى آوى عمري ما كنت أتخيل أنها تتعب وأنا اقف عاجز بالشكل ده 😔
جيلان….
بعد ما الأولاد ما خلصوا الفطار واكلت آدم ابن لمياء قولت لهم أنا داخله الاوضه علشان انيم آدم وانتوا حاولوا تناموا شويه علشان بعد كدا نلعب سوى
ودخلت الاوضه وثبت الموبيل وابتديت اصور الفيديو بتاعي وبعد ما خلصت نمت حسيت إنى لازم ارتاح شويه خصوصا بعد ما تدهو'رت حالة لمياء والكل أعتقد أنها كورونا وطبعا هتاخد ادويه حتى لو فيتامينات كلها هتتفاعل مع السم. اللى فى د'مها وهتدخل فى سرعة ضربات. القلب لكن مع الأيام هتتعالج لكن هكون أنا خلاص نفذت اللى أنا عوزاه
ونمت فعلا لأول مرة من وقت وصولي للصعيد
عبدالله ….
سمعت مكالمة ابله جيلان مع ابله سناء وخو'فت آوى ع أختى خبطت. ع باب ابله جيلان ولما دخلت عندها قولتلها عاوز اطمن ع أختى قلقان. عليها لقيتها قالت
أختك بخير كويسه اطمن يا حبيبي وقريب أوى ماما هتخرج من المستشفي يلا روح نام واطمن
قولتلها شكرا يا أبله وخرجت وأنا مبسوط ان ماما ترجع تانى ليا أنا ماليش غيرها هى وابله أنجي
جيلان. ..
بعد ما خرج عبدالله كان نفسي أخده فى حضني واقوله سامحنى لكن امك هى السبب
وبصيت ع آدم وهو نايم وافتكرت أحمد لما كان فى عمره كنت ببقي نفسي أفضل جنبه واخده فى حضني ومبعدش عنه ابدا لكن كان لازم اشتغل وكل ما أتعب أفكر فى مستقبله أرجع اشتغل أكتر بدرجه إنى مكنتش باخد إجازات عملت كل حاجه علشانه إلا إنى اخده فى حضني😔
وبعد شويه قومت عملت الأكل وصحيت الأولاد ولعبنا سوي نسيت كل قساوة..وعذاب" الدنيا وسطهم
عبدالرحمن….
بعد ما الفريق خلص تعقيم. البيت روحت أنا ومروان علشان نعمل التحاليل وفى الطريق بقوله مين كان يصدق ان جيلان مراتك ممكن نعتمد عليها وتعمل تحاليل عمتك وهو صحيح موضوع تسمم. الد'م ده ممكن يكون هو سبب الكورونا اللى عند عمتك لقيته بصلي بأستغراب وقالي
ايه علاقه تسمم. الد'م بعمتك هى مش اللى عندها ده نتيجه حساسية. من الادويه وتفاعل. مع جسمها أدي إلى دخولها فى جلطه. وطبيعي الجلطه. بتسيب أثر. فى الجسم
قولت له لآ الدكتور قالى ان عمتك لما عملوا لها التحاليل والاشعه أول ما وصلت المستشفي لقوا ان سبب حالتها دى هو تسمم" فى الد'م هى ازاى جيلان مقالتش لك ولا تلاقي لما لمياء تعبت مجاتش مناسبه تحكيلك لقيته بصلي وسكت
مروان….
طول ما عبدالرحمن بيحكي وأنا بتأكد من حاجه واحدة بس جيلان وراء كل ده أيوة هى
لمياء كانت صحتها اتحسنت وبعد خروج جيلان من عندها بأقل من ساعه لمياء صحتها تد'هورت بس كل ده سببه ايه دى معملتش كدا أول ما اتجوزت لآ لآ أكيد اللى بيحصل ده له سبب تانى
جيلان عاقله عمرها ما تو'رط نفسها فى كا'رثه زى دى
هى حاجه واحدة اللى هتأكد المعلومه دى لو لمياء وعمتى مطلعش عندهم كورونا يبقي جيلان هى اللى وراء كل ده
جيلان….
خلصت لعب مع الولاد وقعدنا نأكل قدام التليفزيون ولقيت مروان بيتصل عليا وأول ما أتكلم لقيته قالي
أخبار العناكب. ايه يا جيلان هو صحيح لو ضيفنا معاهم العقارب. النتيجه تبقي ايه
قولت له مش فاهمه حاجه قصدك ايه قالي قصدى الأعراض. اللى عند عمتي
قولت له جايز بس لو كلامك صح ليه عمتك معزوله بسبب الكورونا وليه عقمتوا نفسكم والبيت بسبب الفيروس
قالي كلها يومين ونتيجه عمتى هتبان ولو الموضوع مش كورونا أعتقد إنى هحتاج تفسير ويكون مقنع
قولت له ولو طلعت كورونا مجيش احسن العدوي منتشرة يا حبيبي وساعتها ابنك هيتعدي.
سلام وقفلت السكه وفضلت اضحك
كنت واثقه أنك هتفهم اللعبه يا مروان ع العموم أنا هخلص الحكايه كلها بكره الصبح خلينا نخلص
عثمان….
كنا قاعدين أنا ووهدان والستات فى الغيط لحد ما الفريق يخلص تعقيم. البيت ولقيت وهدان بيقولى هو ليه كله جه مع بعضه إحسان وبعده لمياء وكله ده يحصل من أول يوم وصلت فيه جيلان هو مش غريبه ده
قولتله أنت قصدك ايه ده بدل ما نقول كتر خيرها أنها واقفه معانا واحدة غيرها كانت قالت انا مالي
قالي ما ده اللى قصدى عليه من امتى جيلان قلبها علينا ولا امتى كانت خدت بالها من ابنها لما دلوقتي قاعدة مع عيالنا وبتاخد بالها منهم ولا نسيت لما حبستها. أسبوع فى الزريبه
بصيت له واتصلت ع عبدالله إبن إحسان أنا مخلي معاه موبايل وسألته ع أخبارهم وفتحت مكبر الصوت قالي يا خالوا كنا بنلعب مع ابله جيلان ودلوقتي بناكل وبنتفرج ع الكرتون وابله جيلان بتأكل آدم قولتله طيب يا حبيبي لو فى اى حاجه كلمني وقفلت معاه وبصيت ل وهدان قولت له إيه رأيك اطمنت خلينا دلوقتي فى كورونا ونشوف هنعمل ايه
عبدالرحمن. ..
أسلوب مروان معايا خلاني رجعت اشك" فى جيلان تانى اتصلت ع صاحبي اللى كنت اديته رقم جيلان يعمل بحث. عليه يشوفلي كانت بتكلم مين
ولقيته قالي أنها. … .