![](https://blogger.googleusercontent.com/img/b/R29vZ2xl/AVvXsEjEv6qRrWG0MQsFtNOC7IPS_qVbD0WIDNmep8PQ-n402F5-9qNlKZ627CrX3i-jU8bDwCcEICQHqoeLgdotaxUNfGS-VOSiPewk3sKuwlvzWMcyNOsI7s1iusJzooJ6M9jKP0rtapHDDw1ybI9ss1FcV8tK7xUsBVvoXsdNH2gdK1epDfM4APxxLlZewMAi/s320-rw/FB_IMG_1721560892399.jpg)
رواية انت مرادي الجزاء الثاني2حفصه الاسد الفصل التاسع 9 العاشر10 بقلم يارا ابراهيم
عند نهى دخلت الفيلا بسرعه ورنت علي الموبايل ف رد وقال.........
المجهول 1:/في ايه بترني ليه.
نهى:/كلهم مش طايقني بما فيهم مراد أنا لازم أمشي.
المجهول 1:/تمام أنا حجزت تذكره لأمريكا.
نهى:/تمام انا ماشيه اهه... بس هطلقك ازاي.
المجهول 1:/وتطلقي ليه.
نهى:/امال اهرب ازاي.
المجهول 1:/اهدي التذكره معادها بعد يومين.
نهى:/يانهار مش فايت بعد يومين.
المجهول 1:/يابنتي اهدي ايه اللي اعرفك انهم عرفوا.
نهى:/مش عارفة بس بيتكلموا بضيق.
المجهول 1:/ماهما بيعاملوكي كده من يوم ما اتجوزتي مراد.
نهى:/ايوه صح.
المجهول 1:/طيب اهدي علشان اقولك هنتقابل فين.
*********************
عند يارا في المستشفى كان الكل قاعد حوليها بس فجأة قالت هنا...........
هنا:/مراد جاي نامي بسرعه.
وبالفعل عملت يارا نفسها نايمة فدخل مراد وقال.........
مراد بحزن:/هيا لسه نايمه.
هنا بعد ما حطت في عنيها قطره علشان تعرف تعيط قالت.........
هنا بشحتفه:/لا اصلها يا حبيبتي صحيت وانهارت من العياط ف الدكتورة حطتلها ابره مهدئة.
كلهم كتموا ضحكهم بصعوبة ويارا كانت خلاص هتموت وتضحك بس فهد انقذ الموقف وقال..........
فهد بحزن حاول اظهاره:/مراد معلش تعال نروح نجيب اكل علشان يارا وباقي العيلة.
مراد بص علي يارا بحزن كبير وكأنه بيقولها متخافيش انا طول عمري هفضل جنبك وبعدين رجع بص لي فهد وقال............
مراد:/حاضر يا فهد يلا.
مشي مراد وفهد وقامت يارا بعد ما اتأكدت هنا انهم مشيوا فقالت يارا بحزن.........
يارا:/حجزتي التذكره.
هنا:/اه بس خايفة تروحي لوحدك وانتِ محتاجه رعاية علشان البيبي.
يارا بخبث:/هاخد غيث معايا.
غيث بصدمة:/مين.!
كتموا ضحكهم فقالت يارا بخبث............
يارا بخبث:/انت ولا عندك مانع.
غيث:/لا بس... شكلي نسيت اقولكم.
هنا:/اممم تقول ايه.
غيث:/ماهو انا مش همشي معاكم.
نجلاء بخبث:/ليه هتفضل ليه.
غيث:/هزور واحد صاحبي.
نجلاء:/امم انت معندكش صحاب هنا.
يارا:/شكل غيث عجبته الدكتورة ميادة.
هنا بخبث:/بس للاسف متجوزه ومخلفه.
غيث وقف وقال بصدمه.........
غيث:/متجوزه ومخلفه يا صلاه النبي احسن.
كلهم انفجروا في الضحك فقرب غيث من يارا.........
غيث بهمس:/بتقولوا كده وخلاص ولا متجوزه بجد.
يارا بنفس همسه:/تؤ تؤ مش متجوزه.
غيث الفرحة بانت علي وشه وقال وهو بيسحب يارا وبيقول..........
غيث:/طيب يلا قومي علشان ناخد رقم ابوها.
يارا:/يابني حس علي دمك مش شايفني تعبانه.
غيث:/انتِ هتعيشي الدور قومي لروح افضحك انا فتان وانتِ عارفه.
يارا برفعة حاجب:/المفروض انك بتهددني.
غيث بخوف:/لا ياقلبي بس مش نأجلها لما نرجع من السفر.... صحيح احنا هنقعد كام يوم.
يارا بصت لي هنا وقالت بضحك مكتوم.........
يارا:/تؤ مش ايام.
غيث بقلق:/مش مشكله اسبوع.
يارا:/تؤ مش اسبوع.
مسكها غيث من هدومها وقال بتحذير........
غيث:/كام.
يارا وهي بتراقبه:/تلت شهور.
غيث ابتدا يضحك بهستريه وبعدين استوعب وقال........
غيث:/يانهار مش معدي تلت شهور دي هرجع القيها اتجوزت.
لسه يارا هترد دخل فهد ومراد ف يارا عملت نفسها نايمه ده كله وغيث لسه ماسكها شافه مراد وفهد فقال مراد بعصبية وهو بيزقه.........
مراد:/غيث انت اتهبلت ازاي تمسكها كده.
لسه غيث يا كبد امه هيرد لقي قوميه علي وشه ومسك مراد يارا وقعد جنبها وحط راسها علي رجله...
غيث:/ازاي تمد ايدك عليا.
مراد:/واكسرها كمان لو قربت بالشكل ده تاني شوف هعمل ايه.
غيث بصلهم بغيظ وطلع يارا حست قد ايه مراد بيحبها وانه اتجوز نهى لسبب بس كمان بعملته دي هو جرح كبريائها وهيا هتسامحه بس مش دلوقتي لما ترضي كبريائها الاول...........
*******************
في قصر الباشا كان يوسف و الداده قاعدين فقال يوسف وهو بيحضن الداده.........
يوسف بفرحه:/بجد يا داده يعني انا عندي اهل.
الداده بفرح لفرحه:/اه يابني الحمدلله.
يوسف:/طيب عايز اشوفهم.
الداده:/بس يابني خليك مكانهم هيصدقوك ازاي لازم تلاقي دليل.
يوسف:/طيب اعمل ايه.
الداده:/منصور كان بيحتفظ بكل حاجه دور واكيد هتلاقي اوراق تثبت انك ابنهم.
يوسف:/حاضر... حاضر.
يوسف قام فقالت الداده.............
الداده:/انت شوفت كتير اوي يابني... ربنا يسعدك ويفرح قلبك يارب.
******************"
في لندن.............
كانت قاعده ليلي وجنبها نريمن اللي قالت.........
نريمن:/هههههه افرحي يا ليلو انهارده كتب كتابك.
ليلي:/اه يا مراري الواد طلع مجنون.
نريمن:/هههههه احسن علشان تستهبلي عليه تاني.
ليلي:/انتِ معايا ولا معاه.
نريمن:/ده سؤال معاه طبعا.
ليلي:/اه يا واطيه.
كانت لسه هترد دخل جورج وهو بيقول بالانجليزي.......
جورج:/كيف حالك يا زوجتي.
ليلي:/زي ما انت شايف كده وبعدين قولي احنا مش اتفقنا هنعمل الفرح بعد ولادة يارا علشان تحضر هيا وهنا.
جورج:/اه طيب ايه اللي اتغير.
ليلي:/احنا اتجوزنا ولا انت مش شايف..... وبعدين هتشوف ازاي انت معذور جمالي الفتاك خلاك تستعجل.
جورج:/احنا كتبنا الكتاب علشان لما نطلع سوا ميكنش حرام.
كمل بمشاكسه:/وبعدين هو أنتِ تطولي تتجوزي واحد زي.
ليلي:/ده أنت عامل زي الصفيحه المصديه مش تتفرد عليا قولي.
جورج بص لنرمين اللي عيطت بسبب كتم الضحك فقال......
جورج:/انا بعرف اتكلم مصري بس مش بعرف في المعاني فقوليلي انت هيا بتقول ايه.
نرمين:/المسامح كريم متاخدش في بالك.
جورج بص لي ليلي وقال بشك..........
ليلي:/بشكر متخفش بس نريمن مش مصدقه اني بقول كلام حلو.
نريمن انفجرت في الضحك فقال جورج........
جورج:/مش مصدق بس ماشي.
سابهم وطلع فقالت ليلي لي نريمن.........
ليلي:/كده يا ندله ده لو عرفت كان عمل مني شاورما.
نريمن:/ماقدرتش صراحه 😂.
ليلي:/غوري انا هطلع اكل.
نريمن بصدمه:/انت لسه طافحه لحقتي.
ليلي:/انتو هتحسدوني علي اللقمه كمان خلاص مش واكله.
نريمن:/طيب راحه فين.
ليلي بدلع:/رايحه اشوف جوجو.
نريمن:/جوجو مين.
بعد شويه بصتلها نريمن بصدمه وهي بتقول.........
نريمن:/اوعي يكون اللي في بالي.
ليلي:/لا هو..... زوجي العزيز.
نريمن:/شكلك مش هتجيبي علي البر يا بنت حسناء.
ليلي:/فكرتيني صح هروح اشوف هما فين.
كانت لسه هتطلع فقالت نريمن.......
نريمن:/مش تلعبي في عداد عمرك هو بيحبك بس مش هيسكت.
ليلي:/عيب عليكي تعرفي عني كده.
نريمن يإندفاع:/وابو كده كمان.
الفصل العاشر
عند يارا في المستشفى قال مراد.........
مراد:/ جاهزين علشان نمشي.
غيث:/لا مش دلوقتي خلينا شويه كمان.
مراد:/هو ايه اللي خلينا شويه كمان هو احنا في الملاهي دي مستشفي.
كلهم بصوا لي غيث فقال.......
غيث:/قصدي علشان نطمن علي يارا يعني.
هنا بهمس:/يارا بردو.
غيث بنفس همسها:/اسكتي يا مصبية هتفضحيني.
هنا:/ساعدني نرجع الهبل دول لبعض واوعدك اشقطلك المزه.
غيث:/بجد بحيث كده هنعمل ايه.
هنا بخبث:/هقولك.
مراد سابهم كلهم بره ودخل يشوف يارا لبست ولا لسه... كانت يارا في الحمام بتلبس دخل مراد وقعد علي الكنبه......
مراد بحزن لنفسه:/مضايق ليه... أنت السبب الرئيس في اللي حصل ودلوقتي حبيبتك بتتجوع بسببك ومش هتسامحك بسهولة.
قطع تفكيره صوت رن الموبايل فرد وقال.......
مراد:/الو يا حاتم فيه ايه.
حاتم:/استاذه نهى طلعت و راحت كافيه وشكلها مستنية حد.
مراد:/طيب خليك مراقبها كويس وانا شويه وجاي.
حاتم:/البقاء لله يا باشا وان شاءلله ربنا يرزقكم غيره ان شاءلله.
مراد بإبتسامة باهته:/بجد انت مخلص اوي يا حاتم وربنا يخليك.
حاتم:/تمام هقفل علشان اكمل شغلي.
مراد:/تمام.
قفل مراد مع حاتم واتنهد بحزن وبعد شويه خرجت يارا واتفاجئت بمراد بس حاولت تفضل ثابته فقال.....
مراد:/أنتِ كويسه.
يارا أكتفت بهز راسها فقال مراد..........
مراد:/أنا عارف ان اللي عملته مش قليل بس انا عندي اسباب.
يارا:/مافيش داعي للكلام ده احنا اصلا هنطلق اول ما ارجع من السفر.
مراد بعصبية:/طلاق ايه وزفت ايه أنا مش هطلق.
دخلوا علي صوت مراد فقال فهد.......
فهد:/فيه ايه صوتك عالي ليه.
مراد بعصبية:/اسألها.
فهد:/فيه ايه يا يارا.
يا مردتش فقال فهد.......
فهد:/حد فيكم يتكلم في ايه.
مراد:/الاستاذه عايزه تطلق.
كلهم بصوا يارا بصدمه لانهم متفقوش علي كده فقالت هنا.........
هنا:/تلاقيه من الصدمه بس.
يارا:/لا هتطلق.
مراد بعصبية:/كله يطلع بره.
محدش فيهم اتحرك فقال......
مراد بصوت جهوري:/كله برررررره.
كلهم طلعوا فقرب مراد من يارا اللي حست بالخوف بس بينت الجمود وقال.........
مراد:/عايزة تطلقي ليه ها.
يارا ببرود:/علشان أشوف حياتي مع حد أحسن وانت تكمل حياتك مع العروسة براحتك.
مراد بعصبية:/اممم هو في حد في حياتك.
يارا:/اكيد طبعا... ماهو مش هفضل عايشه علي ذكراك فوق انت مابقتش تعنيلي حاجه.
مراد:/ومين بقي عريس الغفله.
يارا:/غيث.
مراد:/اه قولي كده وانا اقول ماله مهتم بيكي كده ليه.
يارا:/بالضبط وخليك بعيد عني.
مراد قرب من يارا وهمس........
مراد:/أنتِ ليا أنا وبس أنتِ ملكي ومراد الالفي محدش يقدر يقرب من ممتلكاته.
وبعدين سابها وطلع بعصبية واول ما شاف غيث بصه وقال.........
مراد:/أتقي شر الحليم إذا غضب.
وبعدين مشي من المستشفى فدخلوا وهما مش فاهمين في ايه فقال غيث..........
غيث:/عملتي ايه الله يخربيتك الواد طالع شايط ومش طايقني قولتيله ايه.
يارا:/ماقولتش حاجه.
غيث:/اخلصي قولتي ايه.
يارا حكتلهم فقال غيث بصوت مرتجف..........
غيث:/يالهوييي شكلك مش هتلحقي تفرحي بيا يما الله يخربيتك يا يارا ويخربيت مراد وتولعوا في ساعة واحده.
يارا بغيظ:/وتقولي هعمل واسوي واول ما اتحطيت في موقف جد خسعت.
غيث:/انا دلوقتي فهمت من الاول مش رضيتي نقوله انا مين اتاريكي مخططه.
يارا:/ماخلاص بقي هو مش هيعمل حاجه.
غيث:/مش هيعمل ايه ده كان بيبصلي كأنه بيقولي اصبر علي رزقك انا راجعلك.
هنا اتفجرت في الضحك فبصولها بغيظ.......
هنا:/معلش مش قادره والله انتوا مسخره.
يارا:/يلا نمشي علي انا عندي مرارة واحده وعايزاها.
مشيوا كلهم وراحت يارا للفيلا بتاعتها الاولي بعد رفضها ترجع من نجلاء وخالد وقالت انها هتكون كويسة.........
*******************
عند نهى في الكافية..........
كانت قاعده وهي مضايقه وفجأة دخل حد فقالت بإنفعال......
نهى:/اهلا اهلا أستاذة ريماس لسه بدري والله.
ريماس:/معلش اتأخرت غصب عني.
نهى:/طيب شوفي عايزه ايه بسرعه.
ريماس بغل:/عايزة مراد.
نهى:/ده ماكنش كلامك في الأول.
ريماس:/لا ماهو انا اكتشفت إني بعمل ده كله علشان مراد.
نهى:/والمفروض اعمل ايه.
كانت ليه بس دخل حد وقال...........
الشخص:/متجمعين عند النبي.
********************
في لندن كانت ليلي بتتكلم في الموبايل وقالت..........
ليلي:/لا انتِ ندله اوي يا يارا وانا زعلانه.
يارا:/هو أنتِ بتزعلي بعد الشر.
ليلي:/ليه مش بني ادمه ولا ايه.
يارا:/مالك يا بت ده كله علشان مش عرفت أجي.
ليلي بزعل حقيقي:/يارا انا ماليش غير ابويا وامي وأنتِ انهم عمرهم ما اهتموا ليا ماكنش معايا غير نريمن بس كنت حاسه إني وحيدة في أهم يوم في حياتي.
يارا:/خلاص مش تزعلي علشان خاطري أنا مريت بظروف ما يعلم بيها غير رب العباد بس مش تقلقي علي بكره هكون وصلت.
ليلي بفرحه:/قولي والله.
يارا بضحك:/ههههه والله.
ليلي قامت تزغرط وهيا بتتنطط من الفرحه فدخل جورج وهو بيقول بإستغراب من تصرفاتها.........
جورج:/بتعملي ايه.
ليلي:/بعمل محشي يا حبيبي ماتخدش بالك.
جورج طلع وسابها فقالت يارا بضحك.........
يارا:/ههههه اول مره اشوف حد بيعمل محشي بليل.
ليلي:/ده علي اساس اننا بنعمله هنا اصلا.
يارا:/ممم وجهت نظر تحترم.
يارا:/اله قوليلي يا ليلي.
ليلي:/امم.
يارا:/ضربتي حسام بالجزمة ليه.
ليلي بتوتر:/نريمن الفتانه هيا اللي قالتلك صح.
يارا:/مش تجاوبي علي سؤالي بسؤال.
ليلي:/لو بيقولي بعد اذنك يا آنسة ليلي ممكن تراجعي الملف ده ف أنا بقوله انا مدام مش آنسه بيقولي مش فارقه أنا مش هناسبك يعني يرضيكي يقولي كده وبعدين هو يطول يناسب ناس زينا.
يارا:/تقومي ضرباه بالجزمه.
ليلي:/لا اسيبه يمرمط بكرامتي.
يارا:/طب سيبك من ده شديتي ضربتي لمار ليه.
ليلي:/لا دي بقي كان المفروض اضربها بالنار.
يارا:/ليه ياختي.
ليلي:/جورج كان جاي يصالحني وجايبلي بوكيه ورد لقيتها بتقول هيا دي يناسبها ورد سكت وقولت معلش خليكي انتِ العاقلة وبعدين لقتيها قاعده ومركزه معاه اوي فرحت جيباها من طرحتها وسففتها تراب الشركه كله.
يارا:/طب والأستاذ صابر.
ليلي:/كان بيبصلي.
يارا:/يعني هو هيكلك وبعدين صابر ماكنش بيبصلك هو اللي عنيك كده خلقت ربنا.
ليلي:/ماشي اما وريتك يا نريمن.
يارا:/مافيش فايده فيكي ربنا يكون في عونك يا جورج.
ليلي:/طب اقفلي بقي.
ليلي قفلت السكة وهيا بتقول......
ليلي:/أنا مش عارفه انا عملت ايه طب ده انا حتي نسمه.