رواية طفلة القيصر
الفصل السادس 6
بقلم سعيدة عكاشة
اليوم التالي:
قمر صحت بدري عشان تمشي مع سيف ف الشركة وعمر وامنية ورغد ونادين قررو يعملو سياحة🤣وادهم ومرتو كمان معاهم
قمر:امنية كيف طالعة؟!
امنية:عسل تهبلي(دايما جبر خواطر ي امنية انتي☻️)
قمر:تسلمي حبيبتي
امنية:اها وانا
قمر:عاملة زي الجايين تهريب من باكستان🤣
امنية:حقارة دي انا مش مدحتك
قمر:انتي قلتي الحق وانا كمان قلت الحق😏
امنية:قمر انا بنتهي منك طيري من هنا
قمر جرت نزلت تحت عند سيف
سيف:طالعة اسم ع مسمى
قمر:تسلم ي قلبي(هي قالتها لان بتقولها دايما بس الكلمة دي حركت مشاعر سيف)
سيف:يلا جاهزة؟!
قمر:ايوة يلا
قمر وسيف طلعو ومشو الشركة
اول م دخلو الشركة قمر لاحظت انو كلهم خايفين من سيف
قمر:سيف انت ملاحظ انو الناس دي خايفة منك؟(سيف ارتبك لان م عايز قمر تعرف شي وصورتو تتخرب ف عين قمر)
سيف(طالما نادتني سيف معناها هي جادة اسي اقول شنو انا):م قصة خوف بس هم بيحترموني بزيادة
قمر:كويس يلا وريني مكتبك
سيف:تعالي
مشو مكتب سيف
قمر:مكتبك حلو بس كئيب حبتين
سيف(زي حياتي بدونك):لو عايزة غيري الديكور
قمر:حلو
سيف:تعالي تعملي جولة ف الشركة
قمر وسيف عملو جولة ف الشركة وعلاقتهم بقت زي زمان وقررو يمشو المول
قمر:سيوفي تعال ناكل
سيف:زاتو جعت
قمر:يلا
ف مكان تاني عمر وامنية والشباب جاهم ادم اللي هو اخو امنية طبعا كلهم اتفاجئوا بما فيهم امنية لان هو كلن رافض يجي(ادم عمرو ٢٨ سنة كان شغال مع عمر وبسببو قمر وامنية اتلاقو هو بيعتبر عمر زي اخوه وهو كمان نفس الشي) نرجع لناس قمر:
مشو ف مطعم واكلو وجو راجعين للقصر ولقوهم كمان جو كلهم قضو يوم حلو
الحاج مصطفى:سيف عايزك ف موضوع
سيف:اتفضل ي جدو
الحاج مصطفى:سيف انت لسه داير قمر؟!
سيف سكت
الحاج مصطفى:افهم انك م دايرها؟!
سيف عايز يتكلم بس خايف قمر ترفض لان هو م صارحها لسه
الحاج مصطفى:تمام اتفضل اطلع
سيف قام طلع برا
عند الحاج مصطفى:شكلو سيف م دايرها خلينا نوافق على ادم
(ادم د اخو امنية كان معاهم هناك وهو صاحب عمر طلب قمر من عمر بس كان عايز يعرف لو سيف دايرها)
محمد:حاضر ي ابوي
مجاهد:انا متأكد انو بيحبها براكم شوفتو التغيير الحصل ليهو اكيد ف شي احنا م عارفنو
الحاج مصطفى:لو كان عايز كان اتكلم
مجاهد:بس ي ابوي......
الحاج مصطفى:الموضوع مفروغ منو الاسبوع الجاي خطوبة قمر
ثم ان الصمت احيانا لا يورث سوى الوجع😪💔
