رواية الملاك النائم الفصل السادس6 بقلم نجلاء فتحي
دخل آسر غرفة ملك وتسمر عيونة من منظرها هل هذة الفتاة ملك معقول يريد آن يسرب عايدة مرات عمها من الغرفة وما زاد البلى طين ،أقتحام صبحية للغرفة سعيدة ومدت إيدها تسلم علية ،،،فقال هو مش بسلم على حريم ،،نظرت عايدة لبنتها بفرحة ،وقالت:- ونعمة الأصل ،،ونعمة التربية
هرش هو فى رأسة وقال :- سمعت أنتى بتعملى قهوة حلوة يا حاجة عايز فنجان لو سمحتى وعلى نار هادية ممكن
عايدة بفرحة وفخر / بجد طبعا جهوتى( قهوتى) لفة البلد كلها ،،،،،عقدت حاجبها وقالت :- العمدة جالى( قالى) مش أسيبك مع ملك لوحدكم
صبحية/ روحى أعملى الجهوة (القهوة) أنتى ،وأنا جار الدكتور أهو
آسر/ لا ،،أقصد وجودك يحسسنى حرامى جاى أسرقكم
عايدة/ ياندامة دة أنت يا دكتور خلاص واحد منينا يمين بالله لتكون فى الأوضة لواحدك
آسر بمكر/ وكلمة العمدة
عايدة/ هو تحت وأحنا فوج( فوق ) المهم رضاك يا دكتور الهنا. ثم وشدت بنتها للخارج
****
صبحية/ لية كدة كنت عايزة ابجا( ابقى )معاة
عايدة/ أبوكى خايف يستغل الموقف ويجرب (يقرب ) لملك ، ولما مش سلم عليكى جلبى (قلبى )أطمن ،أسمعى. تعالى أعملك الجهوة( القهوة ) إللى طلبها على نار هادية وجدميها (قدميها) كأنك إللى عملاها
صبحية/ ياسلام يا ختى لو سأل عملتها أزاى أجول (أقول )أي!!!!!
عايدة / جدامى على المطبخ يا زطلة، ، يا فاشلة
________
داخل غرفة ملك لم يركز آسر فى محتواها كل إللى شاغل باله تلك الجسد الهزيل الشديد الجفاف المكرمش أبعد الغطاء الخفيف الذى عليها برفق حتى لا تكون عا*رية وأحترم خصوصيتها فجسد المريض أو المريضة أمانة للطبيب أمام الله، ،،،،،
كانت ترتدى عباية بيتى بكم لا يظهر منها غير كف إيدها، ووجهها وشعرها فقط ظاهر فقال:- أزيك يا ملك أنا آسر فاكرانى ،،، إللى كتير لعبتى معاة أنا الوحيد كنت بقولك ملاك ،،،،ثم فتح الشباك وبصعوبة حرك سريرها أمام مركز الضوء وأغلق نور اللمبة وسمى الله وعدلها على جنبها بدل ظهرها الذى وجد فية تقرحات فراش وبدأ يمارس عملة ويعمل ليها علاج طبيعى لرجليها وزراعها وقال ،خمس سنين عايشة على المحلول ينفع يا ملاك ههههههه ،على فكرة قلبك نبضة كويس وضغطك يعنى أنتى نايمة بمزاجك ،،هربانه من أي فى النوم ،ولا صدمتك كانت اي لتكونى كدة كل هذا وهو يحرك زراعها ،رجليها وفصل ليها المحلول ،،،
____
دخلت علية صبحية بدون أذن وهى تحمل القهوة ،،نفخ آسر بضيق ،ولم يرد
صبحية/ حركت السرير ،،،فتحت عليها الشباك لية، المشايخ جالوا [قالوا ] غلط
آسر/ لو فاقت وفتحت عنيها وشافت الظلمة بيساعدوها على النوم تانى لازم تفصل بين النهار والليل لازم تتقلب،،،،، فى كرح فراش فى ظهرها
صبحية/ مش فاهمة
أسر/ وأحنا نايمين ربنا سبحانة وتعالى بيخلى الجسم بحركة غير أرادية ،،بقلم نجلاءفتحى عاشقةالكلمات، ،يتقلب يمين وشمال لية حكمة فى كدة علشان جسمنا مش يتيبس حتى بتوع العناية التمريض بيحركوهم على جنبهم يمين شمال ،لازم الظهر يتهوى بالبلدي كدة ،،،،٥ سنين مش شوية تلاقى جسمها خشب
واتهرى
صبحية/ والله ما أنا فاهمة حاجة
آسر بضيق/ كدة خلصت بكرة أجى ليها ممنوع الشباك يتقفل غير بالليل لازم الهوا يجدد هوا الأوضة
صبحية/ الجهوة(القهوة)
آسر/ منى ليكى يا أنسة ،،ثم رحل
صبحية تنهدت / أكتبة ليا يارب
بقلم نجلاءفتحى عاشقةالكلمات
_______
((فى نفس الوقت فى القاهرة ،،
النادى ))
بعد منة م ضربت سو بالقلم على وشها ،،وضعت سو إيدها مكان الصفعة وبكل غل ردت ليها الصفعة على وشها بكل قوة مما جعل فم منه يسيل منه خط الدم ،،،
منه / يا حيوااااانة ،بتضربنى أناااااااا عمرى ما حد ضربنى قبل كدة عاااااااا
سو/ أنتى إللى بدأتى، ،،وهنا أقام أشتباك داخل النادى وحدث تلفيات للمكان مما قررت أدارة النادى قرار الذهاب لقسم الشرطة فهم رفضوا يدفعوا فلوس الخسارة
________
[فى بيت شريف ]
على طبلية الطعام عليها أصناف من الحمام والبط ،،والطبيخ فصوليا بيضا و سلطة بلدى ومخلل بيتى ،، عيش مخبوز طازج ،،،كوبين كبار من الأستلس بية مياة ساقعة و الأرز المدسوس[دة أرز يوضع فى طاجن فخار ويتعمل باللبن والقشطة و السمن البلدى والملح والفلفل ،،مشهور فى الأرياف ويا سلااام بقا يطيب فى فرن من الطين الله الله] للعلم دوقتة كذا مرة أدمنتة، ،
هنية/ جلبية البشمهندس تاكل منك حتة
آسر/ مش متعود عليها
شريف/ حلوة عليك ،،الأكل دة عايز رحرحة،، أتأخرت برا كدة لية
آسر / بعد الأكل أحكيلك ،،،،جلس فى مكانة ورفع كوم الجلبية وسمى الله وأخذ معلقة أرز وتذوقها وقال بتلذذ الله يرحمك يا ياما تسلم إيدك يا مرات أخويا
هنية أمسكت البطة وقسمتها نصفين ووضعت فى طبق آسر أمامة نصف بطة بلدى وقالت/ يمين بالله لتاكل وتتجوى (تتقوى)
آسر/ ههههههه،لية هتجوز ههههه٠
هنية نظرت لفرودس أختها الواقفة وقالت بتمنى/ متتجوزش لية دة أنت صلات النبى عليك طول بعرض وحلاِوة ودكتور وعارف ربنا شاور بس وأى بنت تكون تحت رجليك
آسر/ تحت رجلى لا رفقآ بالأنثى ،،،دى هتكون مراتى مش جارية،، دى تشاركنى حياتى ،،،،، مقامها من مقامى
هنية بفرحة/ حاسة يا دكتور نصيبك من البلد هنا
تنهد آسر ولم يرد فحب منه مازال معلم فى قلبة وقال كتير الأكل دة
هنية/ حلفت تاكل طبجك (طبقك ) كلة
شريف/ واجفة (واقفة) لية أجعدى (أقعدى)كُولى
فردوس أنتبهت لحالها فكلام آسر عجبها لأنها تربت على مفاهيم أن الست جارية وخدامه لجوزها وأهلة ،،، وليس ليها حق فى أى حاجة حتى ورث ربنا محرومة منة،،وقالت:- حاضر ،،،،،،،،،وجلست تاكل بهدوء ونظرها فى طبقها فقط
هنية/ ناولى حمامة من إللى عملتيهم للدكتور
آسر/ لا مش أقدر كفاية البط أودى فين ،،،،،،،
شوية وفردوس تنجلط من أفعال أختها
هنية بحزم/ قولت ناولى الدكتور
أخذت فردوس حمامة وأعطتها لأسر بدون كلام
، فقال هو :- شكرا ،،،،،، وقطم قطعة عجبتة جدا مطبوخ بالطريقة البلدى الفلاحى طعمة قريب من طريقة أمة الله يرحمها،فقال :- تسلم إيدك يا فردوس كبرتى وطبيخك حلو ومفهوش زفارة
أرتعشت حدقة عين فردوس من كلامة فهذا أول حديث بينهم حين وصل البلد فقالت دون النظر لة وبنبرة صوت هادية :- ألف هنا
وبعد الأكل غسل إيدة قال لفردوس ممكن فنجان قهوة خرمان من ساعة مجيت مش شربت عايزها على نار هادية ومضبوط، ،،هزت رأسها بأطاعة ودخلت المطبخ تجهزة
بقلم نجلاءفتحى عاشقةالكلمات
_________
[فى القاهرة ]
قسم الشرطة
الدكتور/ بقولك بنتى دكتورة أزاى تعملها محضر سمعتها ،،وضعها الأجتماعي
الضابط بسخرية/ وهى معملتش أعتبار لدة كلة لية بنتك الدكتورة كسرت طاولات وكراسي وكوبيات و أدارة النادي طلبتها بالفلوس كرست الكوباية الأزاز فوق رأس مدير النادى عايزهم يعملوة أي ليها يطبطبوا عليها ،،،،،
نظر الدكتور لبنتة التى نظرت فى اللاشئ وهذا يدل أنها فعلت ذلك. تنفس بهدوء وحاول يلم الموضوع ودفع فلوس التلفيات ذى الباشا وأعتذر لمدير النادى وأخذ بنتة وروح بيتة بعد ما العاملين شهدوا أن منه بدأت فى ضرب سو ،،وهى ضربتها دفاع عن النفس ،،لم يعاقبها أبيها أو يعاتبها ،،،أما سو قررت تندم منه على ضربها بطريقتها الخاصة
ياترى تعمل أي!!!!!🤔🤔
_______
ثار شريف وقال أتجننت أزاى تروح لملك ،،،،،، البلد تقول أي وفى أوضة نومها بصفتك أي
آسر/ بصفتى دكتور
شريف/ هنا مفيش الكلام دة
آسر/ بينى وبين إللى يتكلم عليا نصف كلمة ربنا
شريف/ هنا أرياف إللى بتعملة غلط. أهل مراتى كانوا يطلقوا مراتى منى لما خليت دكتور يولدها وأهى مراتى وبصعوبة الموضوع عدى
نفخ آسر/ دى مريضة ولازم أساعدها ومليش دعوة بالجهل،،،،،،، دى روح وقفل على الموضوع علشان منتهى ، وهو بيلوح بأيدة خبط بدون قصد إيد فردوس فوقعت صنية القهوة على رجل آسر غمض عيونة وتحمل سخونة القهوة
فردوس بعويل / يا نصبتى يانى على حظك يا فردوس حجك( حقك) عليا وخلعت طرحتها تنظف قدم رجلة بعد ما جلست فى الأرض
تعصب آسر وأتنفض فى جلوسة وبعد عنها وقال بغضب مكتوم وهو يتلاشى النظر ليها ،،،لأنها عندما خلعت طرحتها ترتدى تحتها طرحة مربعة لكن ضفائر شعرها تتدلى منهم فهو تجنب النظر مش علشان شعرها ،،،،كدة كدة البنوتة ضفايرها باينة أنما هو شاف نقاء رقبتها وحوض العباية واسع فظهر جزء من مقدمة جزعها العلوى ظاهر بسيط للغاية ،،،،،فقال / لفى طرحتك على رقبتك ذى ما كنتى عملاها وقومي من الأرض
فردوس ببكاء/ الجقوة (القهوة) ساخنة سلخت رجولك ،،،أجفف رجلك
آسر/ يا بنت الحلال قومى بقا مقبلش أى واحدة تقعد على الأرض وكمان تمسح رجلى ،،،،،يا مرات أخويا لو سمحتى خلى أختك تقوم ،،،، وتركهم وصعد غرفتة يغير ملابسة التى عبارة عن جلباب أبيض على التراث الفلاحى العتيق ملك لأخوة،،،،
شريف/ خلاص بجا ( بقا) يا دوسة خير،،،، وجفى (وقفى) مناحة
فردوس 😔😔/ مجصدش( مقصدش)
شريف/ أنتبة لحال فردوس وفهم دماغ أخوة فشد فردوس تقف فهو يعتبرها أختة الصغرى ،،شد حجابها ثم وضعة على رقبتها يدارى تفاصيلها وقال ،مهما كان حجابك تاج على راسك بلاش توسخية فى الجرف( القرف)،،،،،،ورفض يعلن ما شافة عيونة، فهو يعلم آلتزامها ،وهذا الفعل دون قصد منها
ملحوظة
البنات يعملوا شعرهم ضفارتين ويتركوهم متدلين على ظهرهم أو صدرهم ثم يضعون،طرحة مزينة تدارى الرأس من فوق، وأكيد خصلات شعرهم الامامية ظهرها،،،ثم يلبسون طرحة خفيفة بدون دبابيس مجرد زينة وظاهر منها الضفاير. الخصلات الأمامية للشعر أما المتزوجة تلف حجاب يغطى كامل شعرها وآذا ظهر خصلة لشخص غريب عنها عار ،،والبنات ممنوع الضفاير تنفك أمام شخص غريب وسوف اتحدث عنها بالتفصيل ،،،محدش يقول مش موجود لا فى وقت كان موجود العادة دى وفى أماكن لسة محافظة عليها