رواية انحراف
الفصل التاسع9
بقلم جمانه السعيدي
ساره...امشي ودموعي تجري وكفت على الشارع انتضر تكسي بقيت واكفه تقريبا عشر دقايق
اجت تكسي اشرتله
وكف من رخصتك للمستشفى
السايق استغرب لان وحدي وابجي
السايق....اختي اكدر اساعدج
ساره....من سمعت كلامه كمت ابجي بلزايد
السايق...استغفر الله اذا محتاجه مساعده اساعدج
ساره...مسحت دموعي شكرا
وصلت للمستشفى نزلت بقيت واكفه برا بلشارع واتصلت بعمار
ساره...الو عمار تعال اخذني اني انهزمت من المستشفى
عمار...والطفل
ساره...عفته جوووا يله بسرعه تعبانه مااكدر اوكف
طبعا هو سهران بشقه صوت الضحك والاغاني كوه اسمع صوته من الهوسه
كعدت بلكاع على الرصيف مااكدر اوكف هم اطلك كل النهار وهم ضايجه على ابني
ربع ساعه وصل عمار صعدت ومشي
لا اعتذر ولا كال الحمد لله على السلامه
وصلني للشقه ورجع الجماعته
السهره بعدها ماخلصت
دخلت سبحت لبست ملابسي وطلعت الغرفتي تغطيت
بس مااكدر انام صورة ابني كدام عيني
اني ليش هيج سويت بنفسي
ضيعت حياتي كله علمود عمار النذل
الساعه بلاربعه يله رجعو عمار وهدى هاي البنيه المكروده
الي الزمن شمرها على عمار
يبيع ويشتري بيه بكيفه
جمانه السعيدي
تغطيت وسويت نفسي نايمه بس اني عندي ألم قوي
الرحم بعدا يتقلص وجاي ينزل عليه دم
بقبت انكلب الصبح كعدت عمار وكتله لو تاخذني للمستشفى لو تروح اجيبلي علاج عندي ألم قوي
عمار....شلون ماانام
ساره...انطيني فلوس واني اروح وحدي
عمار...هسه اروح انتضري
رجعت الغرفتي وهو بدل ونزل جابلي علاج التهابات
وابره مهدء وفلاجين
اخذت العلاج ورجعت تمددت
كعد العصر كتله اريد اضرب الابره
نزلنا اني ويااا الأقرب صيديله ضربت الابره ورجعت للشقه
هدى....هااا شلون صرتي
ساره....احسن
هدى...احضرلج اكل تاكلين البارحه جبنا ويانا دجاج وفواكه
ساره...لا مااشتهي
هدى...اذا تحتاجين شي اني قريبه عليج
ساره....شكرا
يومين ورا ولادتي واجاني عمار
عمار...هاا اطلعين اليله
ساره...هو اني بعدني بوكع عليه دم وعندي الم خل اصير زينه
عمار...شكد يعني
ساره...اقل شي اسبوع لو عشر ايام
عمار...هواي
ساره...تعال اذبحني احسن انت من شنو مخلوق ماكو بكلبك رحمه
ماتعرف الانسانيه
عمار...اش بلا كلام زايد اني ماعندي هنا فندق تاكلين وتشربين وتنامين
اربد فلوس تعرفين شنو فلوس
ساره...عساك لا شبعت فلوس شسوي بلفلوس لا زوجه ولا ولد ولا سكن بي حظ ولا سمعه طيبه باجر يخلون الفلوس وياك بلكبر حتى يحتركن وياك هنا واعمالك الشيطانيه
عمار...شو السانج طولان
ساره...مليت منك انت لا تطاق
عمار...اش مااسمع صوتج الج يومين وترجعين للشغل
ساره...ولله اذا مااصير زينه ماارجع للشغل لو تموت
عمار...خل نشوف كلام منو الي راح يمشي
عافني وطلع
جبت رقم غزوان من صديقه ودزيلته رساله
لان استحي اتصل علي
اني ساره الحمد لله على سلامتك ماتشوف شر
ماتستاهل انت الانسان الطيب يصير وياك هيج
اذا قريت رسالتي طمني عليك
عفت التليفون وتمددت لازم اخلص من عمار هذا مثل السرطان راح ينتشر ويدمر كلشي
الله اعلم ضحايا شكد
الي يلزمها مايرحم حاله
لازم خطه مدروسه ودقيقه هذا شيطان وماتفوت علي شغله
غمضت عيوني واني افكر جمانه السعيدي شنو الحل وشلون راح انتقم منه
سمعت اجتني رساله
فتحت التليفون
غزوان...هلو ساره شلونج الحمد لله صرت احسن
الله نجاني بعجوبه وصلت للموت
بس هسه وضعي احسن الحمد لله
اتمنى اشوفج واطمن عليج اشتاقيت السوالفنا اني وياج
بس عندي اللج خبر حلووو
اني صار عندي ولد يخبل رب العالمين مايكطع
كل عمري احلم يصير عندي طفل
ورب العالمين جبر خاطري
هسه ادزلج صورته شوفي شكد حلووو
سميته زيد شنو رائيج اسمه حلوووو
اعذريني اذا ماارد عليج مرات زوجتي تكون موجوده
واني مااريدها تزعل مني
لو تشوفين شلون فرحانه بزيد طايره من الفرح
بس يبجي تركض تشيله
حايره شنو تشتري وشنو اجيب
ادعيلي اكوم بلسلامه وارجع الشغلي
واجي اشوفج اشتاقيت السوالفج الحلوه
نسيت اسئلج جبتي لو بعدج اعذريني التهيت احجي عن نفسي ونسيت اسئلج
فرحتي بزيد نستني كلشي مامصدك رب العالمين اخيرا جبر خاطري
اكتبلي اخبارج حتى اطمن عليج
دزلي صورة ابني ملبسينه تلبيسه بيضه
نايم وخدوده حمر يخبل
ساره....يمكن قريت هاي الرساله خمسين مره
شكد فرحانه الفرح غزوان
الحمد لله ابني بلمكان الصحيح
بقيت ابوس بلصوره
رديت علي برساله
اني زينه الحمد لله لو تعرف شكد دعيتلك حتى تطلع من هاي الشده الله ينتقم من كل واحد اذاك
اني ولدت الحمد لله بس الطفل مات
اني ماضايجه علي اذا يبقى وياي ويعيش بهاي البيئه
راح بطلع انسان موزين
الله يحبه واخذا المكان احسن من مكاني
شكد فرحتلك تستاهل كل خير
انت الي تستاهل رب العالمين يجبر خاطرك
يتربى بعزك انشاء الله
تحياتي
ساره...هسه يله اكدر انام واني مطمئنه
نمت بعمق بحيث ماحسيت بعمار وهدى من طلعو ومن اجوووو
ثاني يوم كعدت اتربكت وسبحت حسيت نفسي احسن
يمكن لان سمعت اخبار حلوه من غزوان
بعد اسبوع رجعت للشغل بس مقرره لازم اخلص من عمار
محد راح يكدر يخلص الناس من شره غيري
بس لازم اكون حيل حذره
كمت اجمع فلوس بدون مايعرف عمار
اي واحد انجمع بي اطلب منه فلوس واضمهن بدون مايعرف عمار
الحد ماجمعت ٥٠٠ الف وخليت وحده من البنات تفتحي حساب بلمصرف
اي خطوه اخطيه احسب حسابه كلشي بهاي الدنيا يريد فلوس
بعدين بديت اتقرب العمار اكثر واكثر
اطيعه وماارادده وكلشي يكول علي حاضر
اريده يطمنلي
حتى هو مستغرب يكول قبل الحمل مخبلج عليه
هسه رجعتي حبيبتي ساره القديمه
غزوان من صار عنده طفل بطل يجي الهيج اماكن
بس اني على طول عندي تواصل ويااا
ساره...هلو غزوان لو تحب ابو زيد
غزوان ...بكيفج
ساره...ليش مانشوفك
غزوان....حلفت بعد هاي الهديه من رب العالمين مااوصل الهيج اماكن ابد
ساره...ولله زين تسوي
غزوان...انتي شلونج
ساره...الحمد لله تمام ابنك شلونه
غزوان...تعرفين اول كلمه كاله بابا وامه زعلانه تكول ليش مايكول ماما غير اني تعبانه علي
ساره....تحسرت وغزلان سمعني
غزوان...اني اسف يمكن ذكرتج باببنج
ساره...لا عادي ماعندي مشكله
غزوان...اذا تحتاجين شي اتصلي عليه
ساره...مااريد بس تكون سالم ولله يبعد عنك الشر انت وابنك
ماادزلي صوره اشوفه مشتاقتله
غزوان....هسه ادزلج صوره اليوم اخذناها اله
شويه واجتني صوره يخبل صاير ضاحك وطالعات ثنيين
سنون جوه بحلكه
عبالك تمنات بحلكه يخبلن
شكد تمنيته يمي احضنه وابوسه مشتاقتله
بديت بهاي الفتره حيل اركز وؤاا عمار واحاول اسمع مكالماته
ومن يطلع المكان اسئل وين راح وين اجه
احاول اسجل اي مكالمه اله بتليفوني
اريد ارصد حركاته
عرفت منيين يجيب الحشيش
ووين يصرفه وشكد يشتري وشكد يبيع
كلشي يخص شغله عرفته
بعد الضربه القاضيه هذا محد يرتاح منه اله يموت ونخلص منه
بس لازم هو يكتل نفسه بنفسه