رواية ماسة الأركان الفصل السادس6 بقلم ميفو السلطان
كان الجد يجلس يفكر في عائلته وكيف توحشو من اجل المال والشركات وكيف ان فتاه ليست من دمه تخاف عليه وتقطع من قوتها لتحافظ عليه ..وجد اركان يدخل عليه وورائه ماسه وتقوم بينهم مشاجره كان مستمتعا ان هناك فتاه اغضبت ذلك البارد ووقفت له فحفيده شرد بعيدا وكون لنفسه حياه بعيده بلا مشاعر وماسه لا تنفك تصرخ في وجهه وتدعوه بعدم الرجوله ليقوم ويقترب منهم تفاجا باركان يقبلها عنوه .احس ان حفيده قد اصابه شيئا من تلك الفتاه وجدها تصرخ وتستنجد به ضحك الجد بشده هتف.. ايه ايه حريقه قَومتوها حريقه اهدي حبيبتي.
نظرت اليه.... شيل الحلوف ده من عليا قليل الادب وسافل.
نظر اليها.... اركان انا حلوف ماتتلمي بقه بدل ماهبدك علي وشك.
ذهب الجد يبعده عنها لتقوم غاضبه تعدل نفسها هتف.... ايه مالكو داخلين عليا بزاعبيبكو كده.
اندفعت...... الواد ده يا بابا خطفني وقل ادبه.
رفع اركان جبينه..... واد انا واد.
هتفت.... وجابني هنا بالعافيه وعايز ياخدك خده ربنا والله ماهسكتله الحرامي قتال القتله ده.
اندفع اركان.... انت مش ناويه تتلمي.
اندفعت تقف خلف الجد ليهتف..... بس اعقل كده بلاش خنقتك دي.
صرخ اركان.. مش شايف قله ادبها.
صرخت...... انا اللي قليله الادب انا والله لو مش عيب كت قولت لجدو يا قليل الادب.
هتف بتبجح.... ماتقولي ياختي ايه بوستك وحضنتك ايه يعني مانت متاخده من اللي يسوا ومايسواش وبتترمي وتنداسي.
دمعت عينها واجهشت بالبكاء هتفت...... انت واحد حيوان منك لله..
هتف الجد.. اركان احفظ ادبك ماسه ماتكلمهاش كده.
هتف اركان غاضبا...... هيا اللي بتقل ادبها..... كانت تنتحب بقهر علي حالها وقهرها وكيف ابن عمها يشوه سمعتها بتلك الفجاجه...تنهد بغضب ورق قلبه غصبا عنه فلا يريدها ان تبكي رغم غضبه هتف.... بطلي بقي عياط خلاص مش هنطق زفت تاني.
هتف الجد واخذه جانبا.. ماسه هيا اللي انقذتني يا حبيبي دا جزاتها.
تنهد اركان ونظر اليها وهيا منكمشه تبكي احس انها َوحيده صغيره تحتاج لمن يحتضنها اشاح بوجهه وهتف .....طب يا جدي هنديها قرشين وخلاص انت يلا انا هاخدك معايا.
هتف الجد..... لا يا حبيبي اما انفذ اللي في دماغي وساعتها كل واحد هيتلم ويرجع لجحره محمود هلدعه في قلبه عشان يعرف ان الله حق انا ضبطت كل حاجه مع المحامي.
هتف اركان.... يا جدي انت بتقول ايه انا مش هطمن عليك كده لوحدك ..نظر لماسه... انا هقعد معاك.
هتف.. طب قولها انا دا بيتها اقعدك ازاي.
استدار.. اسمعي انا هقعد هنا مع جدي.
هبت تنظر اليه.... نعم ياخويا تقعد فين قعد عليك قطر.
هتف.. شوف شوف قله ادبها اهبدها بحاجه دلوقتي.. ماتقلقيش ياختي هديكي قرشين تفرجي عن نفسك بدل البؤس اللي عايشه فيه ده.
اندفعت تدفعه للخارج.. بره بره بقه عشان انت قليل الادب وطايح.
مسكها ....ماتتلمي بقه هقعد عند السفيره عزيز انت تطولي.
صرخت..... مش عايزه اطول.. جدو مشي البتاع ده.
هتف...... بتاع في عينك انت واحده منخوليا.
هتف الجد .....بطلو بقه َوجعتولي دماغي.. اقترب من ماسه ...معلش حبيبتي هما يومين بس وهمشي.
مسكت يده .....لا والله يا جدو انا مش عايزاك تمشي.
تنهد.... عارف يا حبيبتي بس اركان حفيدي وخايف عليا.
هتفت.... يعني مش هيقتلك.
انفعل اركان...... برضه برضه البتنحان شغال.
نظرت اليه ساخطه وهتفت...... تمام بس يعتذر .
نظر اليها ساخطا ....نعم ياختي اركان مابيعتذرش لحد .
هتفت ..يبقي بره يلا كل حالك عالسلم اجبلك شلته تنام عليها بره .
صرخ اتلني ماتخلتيش اخلص عليكي .
ذهبت لاجد ..اخبط راسك في الحيطه مش هتقعد غير لما تعتذر .واستدارت وتركته ودخلت المطبخ .
تنهد الجد ...خلاص يا حبيبي اعتذرلها بقه انا تعبان .
هتف اركان ..جدو انا مابعتذرش لحد ..نظر اليه الجد ووضع يده علي قلبه ..كده يابني انا تعبت .
تنهد اركان ...خلاص خلاص واستدار يذهب اليها كانت تقف ضهرها للحوض تبلل رقبتها وتدلكها وتتاوه من التعب كان جسدها يؤلمها من كثره العمل انتفضت عندما احست بيديه علي رقبتها حاولت ان تبتعد شدها اجلسها عنوه وبدا في تدليك رقبتها وكتفها هتفت .،اوعي انت مجنون .
هتف ..اترزي عضلاتك متشنجه ههببهالك .
هتفت .،مش عايزه مالك اوعي بقولك .
خبطها في راسها ،،يا بت هرزعك في الحيطه انت حره وكلبش في كتفها تنهدت بغلب واغمضت عيونها استسلمت له فهيا ستموت من التعب .ظل يغوص بيديه في كتفها حتي ارتخت تماما واحست بعيونها ستغلق انتفضت عندما همس وشفتيه علي رقبتها بجوار اذنها .،،ماكنتش اعرف ان دماغك خفيفه كده ..
هبت مبتعده ترنحت اندفع واحتضنها هتفت غاضبه اوعي انت مش طبيعي يلا بره من بيتي .
هتف ...بس جدي عايزني .
دفعته ووقفت بعيده .،يبقي تعتذر اتفضل عن كل حاجه .
تنهد ..رغم اني مابعملهاش بس اسف علي اني خطفتك وزعقتلك وبس .
قطبت جبينها ..هو ايه اللي وبس ماتقول اسف وخلصنا انت هتقسمهالي .
اقترب وهيا تتراجع وضع يده حولها ونظر اليها وغمز ماهو فيه حاجات مش اسف عليها يا قطه ..
ارتبكت ودفعته واتجهت للخارج ..اوعي بلا قله ادب كده خلاص اترزي في جنب ايه ده.
نظر اليها.. اترزي منك لله دانت عيله منخوليا.
ذهبت الي جلال.. خدت الدوا يا حبيبي انا جبتلك بقيت الدوا اهوه واخرجت من حقيبتها الدواء.
تنهد الجد..... وجبتي الفلوس منين انت كتي خلصتي فلوس.
ابتسمت.... مالكش دعوه ويلا هحضرلك تاكل لتقوم تعود للمطبخ ويجلس اركان بجوار جده يتكلم معه في امور الشغل .
مر الوقت لتدخل عليه بصينيه اكل كانت عباره عن شوربه خضار وفيها قطعه من اللحم و ثمره تفاحه وثمرتين من الموز الفاخر لتضعها علي قدمه وتهتف.... تاكل بقه الطبق كله عشان تاخد الدوا.
جلس وهتف..... ايه مش هتاكلي انت من الصبح مابتاكليش بتخرجي من غير اكل.
ابتسمت ....هاكل كمان شويه..
هتف ....طب قومي كلي وانا هتكلم مع اركان شويه.
لتقوم وتذهب المطبخ كانت تعمل له اصناف طعام غير الذي تاكله فهيا ليس معها المال فكانت تاتي علي نفسها حتي تطعمه فهو يحتاج الي الغذاء .احضرت بعض العيش وطبقا من الفول والجبن وتجلس تسمي الله وتاكل.
كان الجد يجلس مع اركان ليهتف...... معلش حبيبي هاتلي ميه اخد الدوا ليقوم ويذهب للمطبخ قطب جبينه عندما وجدها تجلس علي احد المقاعد .دخل لتنظر اليه بطرف عينها ولم تنطق .ظل يراقبها ولاحظ ماذا تاكل هتف.. جدي عايز كوبايه ميه.
قامت تصب له وتذهب تعطيها له في يده َوتجلس من سكات.
هتف.. متهيالي الناس الكريمه تعزم اكل والا مفيش ذوق خالص.
نظرت اليه غاضبه.. لو جعان تعالي كل انا ما قولتلكش اقعد من اساسه.
ذهب يعطي الجد الكوب ويعود اليها وقف يراقبها هتفت.... ايه هتاخدلي صوره.
تنهد واقترب وجلس امامها لتقوم وتحضر عيشا .....اتفضل بالهنا والشفا احنا بنأكل الغلابه مش هناكلك.
ضحك ....والله.. بتأكلي الغلابه هو فيه اغلب من كده.
نظرت اليه غاضبه.. مش عاجبك ماتطفحش ده نعمه ربنا ودا الموجود احمد ربنا بدل النعمه ماتزول من وشك.
رفع حاجبيه .....وانت كتي ماحمدتيش ربنا لما النعمه زالت من وشك.
اغمضت عينها بوجع كان لا يعلم لماذا يفعل معها هكذا لماذا يجرحها هتفت.... لا دا ابتلاء من ربنا وانا رضيت واظن مالكش فيه كل من سكات ظلت تاكل ولا تنظر اليه .
هتف.. هو جدي عارف انت بتاكلي ايه.
نظرت اليه قاطبه.... وانت مالك.
هتف.... اظن هيزعل لو لقي نفسه بياكل لحَمه وانت قاعده بتحرقي قلبك بالفول.
صرخت..... انت مالك احرق قلبي وزفتي كت اشتكيتلك.
هتف.... وانا مارضاش ان واحده غريبه تصرف عليه .اخرج مالا وحدفه عالطربيزه فهيا تتعالي عليه هتف.... خدي خدي انبسطي بلاش غلب وانزحه فاضيه.
ظلت تنظر اليه ليتصاعد غضبها وتنفعل وتهتف .....تصدق انك وقح.
هتف.. علي فكره الحبتين دول ما يخيلوش عليا والبراءه والنحنحه دول مايمشوش معايا جدي طيب فاكره انك هتضحكي عليه عيب اعرفي حجمك هنديكي قرشين وتبعدي عن الراجل بس انا الي هديكي مش هتكبشي منه وتاخدي..
ظلت تنظر اليه وتراقبه وهيا تغلي من الداخل لتقوم وبهدوء لتملا كوبا من الماء وتقترب وهو جالس ينظر اليها ...هتفت..... تصدق انت عايز حاجه واحده تنضف من جوا لترفع يدها وتكب علي راسه الكوب .
شهق واستدارت ليلحقها علي المطبخ .....انت يا زباله والله لاوريكي.
هتفت...... الزباله اللي تفكيره كله زباله فلوس ايه يابو فلوس جدك شايلاه في نن عيني ولو عايز يقعد يقعد انا ما هكلش بيه انما انت تيجي تقولي كده تقف عندك وتلم نفسك انا ساكته عشان الراجل اللي بره خليك بني ادم بقه ايه القرف ده انت طايق نفسك ازاي.
اشتعل فهيا تقلل منه هتف.... انا قرف وطايق نفسي دانت اللي زيك بيترمو عليا.
هتفت.... مالرخيص بيلم الرخيص.
اشتعل بقي كده اقترب من وجهها لترتعب هتف.... بقي انا رخيص اوريكي الرخص بقه وماله تصدقي انا مبسوط بقله ادبك قوي دا حتي اخد حاجه تطري علي قلبي الا القاعده ناشفه وانت بصراحه عليكي جوز شفايف يهبلو لينقض عليها وهيا تضربه خبطته علي قدمه واستدارت اندفع واحتضنها من الخلف ويضع راسه في رقبتها وهيا تدفعه وتبكي بشده وهو لا يفعل شئ الا ياخذها باحضانه ويتلمسها وهيا تحاول ان تبتعد ليدور بها ويركنها عالحائط بعنف من هول عنفوانه فهيا قربها بثيره وتتعالي رغبته بلا سبب مع غضبه من تعاليها كل ذلك تجمع في عنفوان مهلك حتي احس بها تتاوه من الالم ابتعد يحتضنها لتنفجر في البكاء شدد عليها دفعته مره اخري شدها اليه فصرخت .... ماتبس بقه انت ايه يا اخي ماعندكش قلب..
تنهد وهتف بعنفوان مما كان فيه.. انت اللي بتعصبيني.
صرخت.... وانت بقله ادبك اللي بيعصبك بتبوسه.
ضحك ...اه انا كده بستفاد واقعدي عشان تكملي اكلك انت ماكلتيش من الصبح..
دفعت يده.. ونظرت اليه بقرف.. نفسي انسدت من القرف ودفعته وتركته وذهبت الي جلال نظر اليها هتف ....عمل فيكي ايه الطور ده..
تنهدت... دا مش طبيعي هو انت جده ازاي.
سمعا صوته.. زي الناس صحيت لقيت نفسي ابنهم تكونش يا جدي لاقيني علي باب الجامع..
هتفت..... طب انا هقوم ارتاح شويه معلش تعبت انهارده يا جدي..وقامت وتركتهم ليتابعها اركان وهيا تدخل .
ابتسم الجد وهتف... ايه عجباك.
قطب اركان... انت بتقول ايه يا جدي عجباني ايه وزفت ايه..
تنهد الجد... طب اسمعني بقه عشان اللي هقوله هتنفذه.
هتف... تحت امرك يا جدي.
هتف ....اسمع بقه عشان انا عملت وسجلت وانت ماتخالفنيش.. انا كتبت ليك بقيت المجموعه بقيت خمسين في الميه متسجله في الشهر العقاري مش بيع ابتدائي..
هتف اركان ....يا جدي انت بتخلي محمود يزيد عداوه.
هتف... مانا كتبت لبهاء ابنه الربع بس شركات منفصله عشان لو حب يتفصل انا عايز اعرف هو عايز ايه مانا هديله مقابل ورثهم فلوس انما شركاتي هتفضل شركات السويفي محمود عايز يفكها ومراته شرابه خرج وليلي اختها هتقلب عقربه بعد اللي هعمله.
هتف اركان... هتعمل ايه تاني هتكتب لعمي سالم الربع الباقي.
هتف ....لا كتبته لماسه..
انصدم اركان.. بتقول مين يا جدي مين.
هتف ....ماسه يا اركان ماسه.
هب اركان .....انت اتجَننت يا جدي.
هتف جلال ....اركان احفظ ادبك.
هتف. ادب ايه هتدي فلوسنا للجربوعه.... دي البت اتسهوكت لحد ما ضحكت عليك.
هتف...... ماهو هيا هترجعهَ بعد سنه.
قطب اركان...... ترجعهَ وتاخده ليه من اساسه.
هتف..... عشان هتتجوزها بكده الحاجه ماخرجتش بره.
هب اركان..... اتجوز مين انت بتقول ايه.
هتف... الطريقه الوحيد عشان ترجع الربع بتاع المجموعه انك تتجوزها.
صرخ اركات.. انت بتعمل كده ليه انت بتبيع وتشتري فينا.
نظراليه الجد.. كده يا اركان بدل ماتساعد جدك يابني.. افهم....دلوقتي لو الربع ده فضل َمعايا هيسموني والا يموتونت عايز محمود يخلص عليا انما لما يلاقو حد غريب خد الربع هيبعدو عني ويسيبوني خلاص هيدورو يمسكو في الغريبه اللي انت هتدافع عنها وتبقي.انا مش هنولهم حاجه من الشركات هديهم فلوس حقهم عشان الحرمانيه .يابني محمود هيخربها انا عارف جاحد وقادر ولو عمل كده هيخشلك الشركه َماهتعرف تخرجه دا نابه ازرق انا مديله ملاين مايعمل شركات وانا هساعده وبهاء قال كمان وموافق ليه يقف كده بحس ان لابسه شيطان وعمتك ليلي مش هتسكت عايزه تجوزك بنتها يبقي كده انت فلت من الجوازه ونجدت جدك واخرتها الفلوس ماسه هترجعها. لازم الربع ده يبقي بره العيله عشان الهيجان انه مايبقاش ليك وتثبت اقدامك وبعد سنه هتطلقها الربع كده يرجع وبهاء الربع وحق التاني لعمتك ليلي هيبقي فلوس بزياده وهيا موافقه مش عايزه شركات عايزه تبقي لوحدها .كده محمود ما طالش حاجه وبهاء نسبته ماتخليهوش انه يتحكم وليلي هتتراضي ببقيه الورث وانت خلال السنه تكون اتمكنت انما دلوقتي لو مت هيكوش محمود عالربع اللي معاك ويحط ليلي تحت باطه ويقفولك زي العقله في الزور انا مش عايز محمود يعتب الشركات وواثق في بهاء بهاء نضيف مش زي ابوه ...خايف ما الحقش اوزع عشان كده كتبت مش هيسيبوني اسمع مني اخاف عليك يا حبيبي انا كت جنبك انما خايف ماقدرش.. يبقي ماسه تاخدهم لحد سنه تثبت اقدامك ومحمود يعرف ان خلاص معاه فلوس يتكل علي الله والقصه كده خلصت وبعدين الربع يرجع ويتوزع عليك انت وبهاء.
هتف ....وانت ضامن انها ترجعها.
هتف ....ايوه ضامن وواثق كمان .
جلس اركان يفكر كان هو بعيدا عن الجواز تماما ولكنه خاف علي جده فان ظل يمتلك شيئا سيقضي عليه محمود تنهد...طب ليه جواز .
هتف الجد ..ماسه لوحدها وابن عمها مرقدلها واد مش كويس .
هتف ساخرا ..وانت مصدقها .
هتف الجد ..انت عايز تعصي جدك ..
تنهد اركان ... ماشي يا جدي بس ماليش دعوه بالبت دي ماتعتبرنيش جوزها اعيش براحتي.
تنهد الجد..... اعمل ما بدالك بس قدام محمود وليلي وامك انت متجوز ماسه وهيا سنه بالطول والعرض تقضيها هتطلقو وترجع الحاجه ساعتها هيبقي محمود خد فلوس وياس وبدا يشوف حاله وماسه هتبقي مراتك وانت قدام عشان تطلقها لازم ترجعلك الحاجه.
هتف اركان..... طب ماهما مش هيفهمو ليه تديها الشركه هتقولهم ايه انتو كتو هتموتوني.
هتف.. لا انا هقول اللي هقوله بقه ان من خناقكو انا اديتلها الشركه وهيا ممكن تتبرع بيها وماحدش هيطول حاجه يبقي ربع الشركه طار حتي لو اتخانقو والا عملو حاجه حتي لو موتوني وموتوها مش هيطولو حاجه يبقي كده برضه بحافظ عليها ان الربع خلاص بخ طار لازم تمضيلهم وماسه استحاله تعمل كده بس لو جرالها حاجه هتروح منهم فخلاص الخناق هيروح.
هتف اركان..... ماشي يا جدي انت بتقلب علينا جهنم انا عارف.
هتف.. انت قدها يا اركان انت اللي هتحافظ عالسويفي جروب ظلا يتكلمان حتي خرجت ماسه ...هتفت.... جدوخدت الدوا.
ابتسم الجد ....شوف والنبي قمر ازاي ..هتف.... اه يا حبيبتي تعالي عايزك اقعدي..
جلست ليبدا في الكلام.. شوفي يا ماسه انا يا بنتي عايزك تعرفي اني بعمل عشان مصلحتك ولازمن توافقي .
هتفت ....خير يا جدي.
هتف ....انا كتبتلك ربع الشركه..
نظرت اليه ببلاهه مين مين اللي كتب مين.. انت كتبت ايه.
ابتسم.. انا كتبتلك ربع شركه السويفي جروب.
هبت مرتعبه... ليه ليه ليه عملت كده.
كل ذلك و كان اركان يراقبها ولكنه كان حانقا ليهتف.. مالك زعلانه كده انت هتعمليهم علينا.
صرخت..... اعمل ايه يا بتاع انت فيه ايه.
هتف الجد..... بس يا اركان اقعدي بس.. انت عارفه ان فيه خطر علي حياتي وطول مالشركات معايا هيموتوني.
هتفت..... وانا مالي.
هتف ....ماهو مافيش حد قدامي.
لتشير اليه... ما تدهمله هو عايز.
هتف..... ماهو هياخدهم بعدين دي امانه عندك ترجعيها وانا واثق انك اد الامانه انا مش عايز اهيج الدنيا عليه هما هيهيجو الاول عليا انا بس مفيش في ايديهم حاجه ولا هيقدرو يعملولي حاجه.
هتفت.... لا انا ماعرفش اعيش وسط الناس دي لتشير الي اركان.. دول دول.. دول متوحشين.
هتف اركان.....ماتحترمي نفسك يا بت انت.
تنهد الجد..... لا َما تخافيش انت هتعيشي بامان لمده سنه تستفادي مننا َنستفيد من وجودك.
هتفت.... استفاد ايه.
هتف.... هتتجوزي اركان..
نظرت اليه ببلاهه وتعود تنظر الي اركان وتظل تنقل عيونها لتنفجر في الضحك و..