رواية انحراف
الفصل الثاني2
بقلم جمانه السعيدي
ساره...بعد شهر من شغل ايمان اختي وامي
واني ابقه بلبيت اني ومنى حتى الباب ممنوع نفتحه
امي منعتنا من فتحت الباب اونحجي واي اي احد غريب
تبقى الباب مطبوكه من الصبح للمغرب لمن ترجع امي وايمان من الشغل
بيوم اجت امي وكالت
امي...اليوم ام احمد اجتني تكول اكو معمل خياط مو بعيد
بلمنطقه الي بعد منطقتنا ويردون بنات تخيط
باجر اروح اشوفه اذا اكو بنات يشتغلن اسجل ساره
ساره...بس اني مااعرف اخيط
امي...مو عبالج تخيطين ثياب وفساتين لا خياط بسيط
ووجه مندر ومخاد وشغلات بسيطه همه يعلمونج
بت اخو ام احمد تشتغل هناك وتكول يردون خياطات
ولأن اني وصيته البارحه كالت تعاي اخذج وشوفي البنات تشتغل هناك
ساره.... ميخالف
بيني وبينكم فرحت لان راح اطلع من هذا السجن
اذا المكان بي هواي بنات اكيد راح اتونس على الاقل
اسولف واضحك وياا البنات
وهم احصل فلوس اشتري ملابس جديده حالي حال البنات
ثاني يوم امي طلعت هي وام احمد راحت تتأكد من المعمل
وتطمن اذا المكان أأمن تاخذني اله اشتغل هناك
بقيت منتضرتها على نار وادعي يارب يعجبه المكان
وتقبل اشتغل بي
لان روحي طلعت من البيت
طبعا هي مارجعت للبيت راحت فتحت البسطيه
وبقت بلسوك للمغرب يله رجعت
بس دكت الباب عرفته هي ركضت فتحت الباب وكتله
ساره...هااا يمه رحتي
امي..على كيفج خل ارتاح
دخلت وجبتلها ماي
شويه ارتاحت وكلنا التمينا عليه
امي....رحت للمعمل ربع ساعه بلسياره معمل جبير
وبي اكثر من ٦٠ بنيه تشتغل كبار وزغار
اكو بنيه مسؤله على البنات اسمه مديحه
وواحد مسول يوصل القماش ويجيك على شغل البنات
اسمه عمار
وسايق يجيب البنات ويرجعهن
بس الاكل على البنات كل وحده اجيب وياها اكله من البيت
الدوام من ثمانيه الصبح للاربعه العصر
والفلوس حسب الشغل
يعني يحسبون على القطعه
شكد تخلصين حسب العدد تاخذين فلوس
لان الخياط بسيط ومابي تفاصيل هووواي ينطون على القطعه ١٠٠٠ دينار
ساره....زين
امي...قبل كلشي مااريد حجي زايد ترحين بطريقه وترجعين بطريقج
سوالف وضحك وشغلات منا منا مااريد
اني كل أسبوع اروح اسئل عنج فهمتي لو لا
بس تاخذ ايدج على المكينه وتتعلمين ابطلج اجيبلج مكينه وتخيطين بلبيت
ساره...خل اتعلم بلبدايه
امي...ولله اكسر ركبتج اذا شفت عندج شغله منا لو منا
حلكج ماتفتحي فهمتي لو لا
ساره...صار اروح بطريقي وارجع بطريقي
بليل هلكد مافرحانه ماصدكت نفسي جمانه السعيدي الله شغل وبنات هواي
اتخيلت شغلات حلوه وونسه وتغير جووو
ماادري اني رايحه برجليه الاسوء ايام
ماادري جاي تنتضرني ايام سوده
ماادري راح ادمر نفسي بنفسي
ماسمعت كلام امي وحفظته
لا جنت اريد اتمرد على وضعي هذا
احس نفسي جبيره واكدر اتصرف وحدي مامحتاجه نصيحة امي
كعدنا الصبح تريكنا لبست بنطرون وبدي كلش عاديات
وحذاء فلات وفواكه رداء اسود وحجاب
طبعا قانون امي بلبيت ممنوع مكياج ممنوع حفافه
ممنوع اضافر طوال
ممنوع اي مضهر من مضاهر التزين
البنيه تتزين من تزوج
ممنوع النقاش بهيج مواضيع ابد
احنا اصلا بيتنا كله مابي قلم حمره لو كحله بس عدنا معطر كلنا نخلي منه
ومن يخلص امي اجيب واحد وهيج وضعنا متعودين علي
طلعنا صعدنا بلخط مرتين ووصلنا للمعمل
المعمل كان بمنطقه مابيه بيوت هواي
اكو بيوت قليله منطقه مفتوحه
بس وصلنا للمعمل اني فرحت وخفت بنفس الوقت
خفت ماانجح بلاختبار
ويطردوني من هذا المكان
دخلنا وامي اخذتني المكتب كاعده علي وحده عمرها بلاربعين
امي...صباح الخير
مديحه...اهلا وسهلا صباح الخير
امي.. هاي بنتي البارحه اجيت علمودها
مديحه...اهلا وسهلا اريد الأوراق الخاصه بيه حتى اسويله سجل بلمعمل
امي...اي اني جايبه كل الأوراق الي كلتي عليهن
مديحه...تمام هسه ادخل اسمه وياا العاملات
ساره...كعدنا شويه ومديحه اخذت كل البيانات بعدين كالت تعاي وياي
اخذتني للمعمل صوت المكاين عالي والبنات كله كاعده وتخيط
اخذتني الوحده عمرها ٣٠ سنه اسمه احلام
مديحه...احلام اريدج تعلمين ساره على المكينه وعلى شغلنا
احلام...اي ميخالف
مديحه...حجيه تكدرين ترحين
امي..اي
ساره..امي لزمتني من ايدي وكالت بعد مااوصيج افتحي عقلي وافتهمي زين ومالج شغل بااي احد
فهمتي لو لا
اني راح اوصي مديحه من يطلعن البنات توصي السايق يوصلج ويااا
ساره...فهمت
راحت امي واني بقيت واكفه بمكاني
احلام...تعاي قربي اوكفي جمانه السعيدي وشوفي الشغل ركزي
ترا انتي بهذا الاسبوع اختبار اذا ماتعرفين تعوفين الشغل
ساره....وكفت وفتحت عيوني وعقلي اريد اتعلم
مااربد ارجع للبيت وانحبس مره ثانيه
الخياط كان سهل ومابي تفاصيل هواي
بس خفت من صوت المكينه المكينه صناعيه صوته عالي خفت منه حيل
اول يوم خلص بس اباوع بعيوني كلشي ماسويت
الساعه ١٢ استراحه كعدنا مجموعات وكلمن طلعت اكله وكامت تاكل
اني كعدت وياا احلام ويانا اربع بنات
كامن يسولفن ويضحكن
راسا دخل واحد عمرا بلتلاثين اسمه عمار
سلم على البنات وكال جبت الطلبيه دخلته للمخزن
التفت شافني بقه يحجي وعينه عليه
اني انتبهت علي كلما ارفع عيني الكا يباوع عليه
هاي النضره كانت أول خطوات الانحراف
تقدم علينا
عمار...شلونكم
احلام...هلو عمار تعال تفضل ويانا
عمار...شكرا اني اكلت
رفع ايده يحك لحيته وكال ويانا بنيه جديده اليوم
احلام...اي ساره
ساره..نضرلي نضره كل عمري مراح انساها مااعرف افسرها شلون اني فسرته نضرة اعجاب
رغم اني اعرف نفسي مو كلش جميله بحيث ينعجب بيه من اول نضره
بس ماكدرت اقاوم نضرته عبالك انطبعت ابالي
بس هاي النضره بلنسبه العمار كانت تعني لكيت فريسه جديده كانت نضرة تحديد الهدف
طبعا اني بلنسبه اله اسهل هدف لان زغيره وبسيطه وماعندي خبره
عمار.. هلو ساره شلونج
ساره.. الحمد لله
عمار...شكد عمرج
ساره...بعد شهر واصير ١٧ سنه
عمار...ممتاز
ساره اني الغشيمه عبالي انعجب بيه فرحت بي لان سئل عني
اول مره احد يحجي وياي هيج ونضراته اليه كلش حلوه
عمار...اني اروح عندي شغل والطلبيه وصلت
راح واني بقيت عيني علي شكله كلش حلو
طوله تقريبا ١٧٥ ابيض شعرا حلو عيونه كبار
انيق ومرتب كلش والعطر يهف
بقيت عيني علي منا لمن طلع
احلام...هييي ساره وين عينج ديري بالج من عمار لا تقربين علي ابد
ساره...واني شنو علاقتي بي
احلام....عبالي ردت احذرج منه
رجعنا للشغل واني كلت بنفسي ليش احلام منعتني منه
اكيد غارت مني
لان شافته عينه عليه ايجوز تحبه وماتريدني أقرب علي
هسه اني وين وهو وين ايجوز لان جديده سئل عني
كمل النهار واني بس اباوع على احلام شلون تخيط ولا كعدت على مكينه ولا خيطت
من خلصنا مديحه وصت السايق يوصلني بطريقه للبيت
فعلا نزلني ورجعت للبيت
وصلت العصر قبل لا ترجع امي بس منى بلبيت
سبحت وبدلت وكعدت واني صورة عمار ماتروح من بالي ابد
لليل رجعت امي وايمان وكلمن حجا تفاصيل يومه شلون مرت
بس اني امي حيل دققت وياي تخاف عليه لان زغيره
صدكوني امي لو ماجابرته العيشه فلا تخليني اطلع من البيت بس الضروف حكمت علينا
رجعت امي توصيني على تصرفاتي وحركاتي
وتأكد عليه ابتعد عن البنات ومااخذ وانطي وياهن بلكلام
ثاني يوم مر عليه الخط حالي حال البنات
وصلت ورحت يم احلام وكفت حتى تعلمني شلون اخيط
للضهر وقت الغدا بين عمار
اول مادخل وكانما عيونه ادور عليه
بس شافني اجا عليه
عمار...هلو بنات شلونكم
احلام...هلو عمار
ساره...هلو
عمار...شلونج ساره
ساره...الحمد لله
عمار...هااا شتعلمتي خوما صعب عليج الخياط
ساره...لا بس اخاف من المكينه
عمار...لا ترا ماتخوف ومبين عليج شاطره وراح تتعلمين بسرعه
اني بس اشوف البنيه اعرف هي شاطره لو لا
وانتي مبين عليج ذكيه وشاطره
ساره ابتسمت لان كلامه حلو
عمار...يله اني اترخص
راح واني عيني ورا
احلام....هييي ساره وين عينج ديري بالج من عمار
ترا يعرف بنات بكد شعر راسه
وانت زغيره ومبين ماعندج اي خبره
ساره...واني شنو علاقتي بي
ماكنت اعرف احلام ليش جاي تحذرني منه
لان صحيح هو موزين وهي تعرفه من زمان
لو هي تحبه وتغار علي مني
اني مااعرف هو ليش من دون هاي البنات يعاملني هيج
لان جديده بلشغل لو لان زغيره
لو هو هذا طبعه
القادم راح يكشفلنا حقيقة عمار