رواية ذئاب لا تعرف الحب الجزء الثاني2الفصل السبعون70 بقلم نجمه براقه
خلود
نزلت من البيت في طريقي لمحل قريب مننا ف لمحت حد واقف علي اول الشارع التفت ليه وفوراً توارا عني بشكل يثير الشك، اتجهت ناحته اشوف هو مين ولما وصلت ملقتهوش تقدمت خطوات كمان داخل الشارع بصيت يمين شمال يمكن الاقيه ولكن كان اختفي تماماً بقيت واقفه مكاني ببص حوليه والخوف متملكني بسببه وفجأة صرخت بفزع لما حد لمس كتفي من ورايا وقال بزعيق
_ امسك البنت دي!!!
التفت ليه بهلع وعيون متسعه ولما شفته خدت نفسي وقولت
_ ياخي حرااام عليك انا مخضوضة لوحدي
قال ضاحكاً
_ شايفك بتمشي زي الحرامية قولت اخضك
_ زي الحرامية؟! تشكر
_ بهزر معاكي.. كنتي رايحة فين ومالك بتتسحبي كدة
_ لمحت حد بيبص عليه ولما روحت اشوف هو مين ملقتهوش.. تقريباً تخيلت
_ في حد بيضايقك ولا ايه
_ لا لا مفيش تعاله انا كنت رايحة اشتري بُن وراجعة
رفعلي ايده بكيس وقال
_ انا عامل حسابي
_ ايه ده؟ انت عرفت ازاي اني معنديش بن
_ ما انا شوفتك بتعملي اخرهم المره اللي فاتت، وانا كنت رايح اشتري علشان الشغل جبتلك معايا
وقولت اجي تعلميني القهوة بتاعتك بالمرة علشان اعملها في الناصية
_ متشكرة قوي بس مكنتش تعبت نفسك انا كنت نازله اشتري وكنت هعلمك بردو
_ ولا تعب ولا حاجه دي حاجة بسيطة
_ متشكرة قوي يا باسم تعاله
_ يلا
مشينا مع بعض وفي الطريق قولت
_ بتكسب الناصية دي ولا تضيع وقت وخلاص
_ بتكسب طبعاً انتي متخيلة ان معظم الطلاب بيجوا يشربوا من عندنا شاي وحاجة ساقعة وهما داخلين او خارجين
_ ما شاءلله دماغك شغالة
_ اهو بنحاول نلقط رزقنا بالحلال
_ برافو عليك ، طيب بقولك ، ما تضيف علي الشاي والحاجة الساقعة ساندوتشات و وجبات سريعة
_ احنا اخرنا الشاي مبنعرفش نعمل حاجة تانية
فكرت لثواني وقولت
_ اممم طيب إيه رأيك اساعدك ومش هاخد فلوس .. قولي لا خدي لأني بجامل ومحتاجة شغل
ضحك وقالي
_ والله فكرة طيب اقولك انتي ممكن تعملي ساندوتشات في البيت ونجرب كدة لو الموضوع مشي ممكن تشتغلي معانا بس طبعاً هتعملي من البيت
_ طيب اسمع بس انا هعمل زي ما بتقول ولو نجح الشغل ده انا اقف معاكم واعملكم قهوة اصل القهوة دي نفس مش اي حد يعملها
_ في شباب كتير صيع وانا مش عايز حد يجي يغلس عليكي، جربي الساندوتشات وبس
قولت بإبتسامة
_ تمام نجرب الساندوتشات و وعد هتنجح وهتقول خلود قالـ...
بترت كلمتي لما شوفت الواد اللي شغال مع زيد واللي ساعدني قبل كده واقف بعيد وبيستخبي لما بصتله وقتها شردت للحظات وبقيت افكر ان اكيد زيد باعته يتابعني ولقيت انه لو معرفش ان ده اخويا هيحصل سؤ فهم كبير فكرت اروح اقوله ولكن تراجعت وقولت لو الموضوع يهمه هيجي يسألني قبل ما يسيء الظن بيه وخدت باسم ودخلنا البيت بدات اعمله القهوة ولكن طول الوقت كان زيد شاغلني ومقدرتش استحمل انه يسيء الظن فيه قوي كدة ف قررت اقول لجدتي عن باسم واهو لو جاب سيرة هي ترد عليه وبالفعل بعد ما رجعت حكتلها تفاجئت واتعصبت مني وقالتلي ان محدش عارف انه اخويا وممكن يفهموني غلط مهتمتش بكلامها ودخلت نمت والصبح بدات اجهز الساندوتشات وبعد ساعات جه باسم ادتهمله ومشيت معاه لغيت البحر وبردو شوفت الولد اللي مع زيد لسة بيراقبني وفضل ورايا لغيت ما باسم مشي وسابني
#بدر
فضلت مستنيها داخل الكافية لغيت ما جت ورمت الشنطة علي التربيزة وقالت
_ انتوا أكيد اتجننتوا عاوزني اساعدكم علشان تتهجموا علي بيتنا
_ هو احنا هنسرقكم يابنتي ده احنا هنخطف فاطمة ونمشي، ولو خايفة قوي كدة ابقي بعد ما نمشي شوفي حاجتكم مش هتلاقي حاجة ناقصة
_ مقدررررش ماما لو عرفت هتقتلني
_ وقتها انا هتدخل وانقذك منها ونهرب سوا احنا كمان، وافقي بقا متبقيش باردة
_ وربنا هغلط فيك غلط من الكبير
قولت بضحك
_ قد ايه يعني
_ بدر متعصبنيش انا مبهزرش ، عاوزني احطلهم منوم طيب دي ماما لو عرفت وربنا هتعلقني من رجل واحده في السقف
_ انتي مش كنتي عاوزه بجاد وفاطمة يكونوا مع بعض ساعدينا بقا في ايه متبقيش عيلة وملكيش كلمة
_ يا عم مش عيلة وعلي عيني يكونوا مع بعض بس بطريقة غير دي ابان اني بريئة فيها مش انتوا تخطفوا البنت وهما يعيشوا في تبات ونبات وانا اخسر اهلي
_ اممم صح.. طيب اقولك
_ قول
_ اشربي معاهم
_ نعم ياخويا
_ اسمعي بس انتي شربيهم وبعد ما يناموا وتفتحيلنا اشربي ، كده هتفوقي بعدهم ويعرفوا انك اتخدرتي معاهم
_ طيب ولما يسألوا المنوم جه منين يا فالح
_ ياستي اعزميهم علي بيبس علي حسابي وقولي انه كان بيبسي فاسد او ربنا حل عليكم غضبه علشان شربتوا منتجات مقاطعة اللهي يقطعوكي علي عشروميت حته
_ اللهي تدوسك ترله يا بعيد
_ اهون عليكي
_ اه تهون اشمعنا انا بهون
_ طيب بطلي ثرثرة النسوان دي وقولي موافقة ولا لا
_ لا
_ خلاص اهم 100 جنية هاتي بيهم بيبسي، ازازة ليهم وخلي الباقي عشانك اشربيه لما يناموا
_ انت عبيط
_ الساعة تسعة هنكون عندكم تسعة بالثانية
_ لا والله شكلك عبيط
_ عبيط لو كان داخل يرضيكي، يلا علشان تلحقي تجيبي البيبسي
ضحكت وقالت
_ يابني انت مجنون
قولت بإبتسامة
_ اه ويلا بقا مش عاوزين عطلة
_ ماشي وربنا يستر
_ متخافيش مش هيحصل حاجة وحشة
_ اوكي
قالتها وقامت ف قولت
_ مليكة
_ ها
_ بحبك
احمر وشها خجل وقالت بربكة
_ انت كدة بتعطلني وانا اتاخرت
_ ماشي امشي وانا مسكت فيكي
_ رخم
قالتها مشيت وبعد مسافة وقفت وحاولت ترد عليه بس مقدرتش ف شوحت بأيدها ومشيت وانا رجعت اتصل ب بجاد ولما رد قولت
_ مليكة وافقت وهتعمل اللي اتفقنا عليه
_ اوكي، ربنا يستر بس
_ مش مطمن للعملية دي
_ حتي تعبيرك عنها يقلق، ايوة ومش هطمن غير لما ناخد فاطمة ونمشي
_ اية اللي قالقك بالظبط
_ احمد
_ ليه
_في واحد مخلية يراقب البيت علشان لو خرجت لاي سبب اروحلها والواحد ده قالي انه خد باله منه واكتر من مره يحاول يروح عنده ويكلمه
_ وايه يعني؟! ، هيحرص؟، مش هيعرف يعمل حاجه بردو ، هو هيتخدر معاهم واحنا ناخدها ونمشي
#زيد
كلمني بالليل وكلمني تاني الصبح وفي المرتين قالي انه شاف الولد داخل معاها البيت اول مره جابلها كيس فيه حاجه وتاني مره هي ادتله علبة كبيرة مش باين فيها اي ولما سألته هي فين في الوقت ده قالي انها عند البحر، وفوراً طلعت وروحتلها وانا ناوي اواجهها واقولها كل اللي في قلبي من استحقار وكره ليها ولما وصلت لقيتها واقفة هناك وبتبص للبحر بشرود اتقدمت عندها وقفت قصادها بصتلي بتوتر وقالت
_ انت هنا
_اه اصلي لقيتك مبتسأليش قولت اسأل انا يمكن مشغولة ولا حاجه
_ اه ، شكراً
_ العفوا ده واجبي.. بس مشغولة في ايه او مع مين
سكتت واكتفت بمراقبة نظراتي ليها ف قولت باستحقار
_ ايه!.. مش عاوزه تقولي انك مشغولة مع واحد جديد
سكتت شوية وبعدين اتنهدت وقالت
_ ومين الواحد القديم .. إسلام؟
_...
_ إسلام؟!!! ولا في حد تاني
_ لأ المغفل اللي هو انا
_ في حد غيرك
قولت بعصبية
_ اية البرود ده كلميني زي ما بكلمك.. مين ده وبأي حق تدخليه البيت وبتعملوا ايه لوحدكم لساعات
_ رد علي سؤالي الاول.. عرفت مين غيرك علشان تكلمني بطريقة دي
قولت بعصبية
_ انا وهو يا خلود، قليلين عاوزة اكتر من كدة.. خلاص مشاعرك بقت فياضة بتوزعيها للي عايز، بتتكسفي تقولي لا
_ اوكي، وانا مكنتش عاوزه اكتر من كلمة حق لو قولت ان كان في غيركم كنت هزعل
_ لا ازعلي.. المرة دي انا عاوزك تزعلي العمر كله ، والحمدللة انك مرضتيش لما حبيت اصالحك، كنت هاخد مقلب عمري كله فيكي.. انا المرة دي كرهتك ومبقتش طايق ابص في وشك ، وبقيت مقتنع مليون لمية ان واحده زيك متنفعش تصون بيت ولا شرف .. كل اللي حصل قبل كدة لومت نفسي فيه وادتلك عذرك وقولت معلش انت استفزتها ، بس المرة دي ملكيش عذر
احتشدت الدموع في عينيها وقالت
_ انت ازاي بتقدر كل مرة توجعني بكلامك كدة، مع اني بكون حالفة مدلهوش قيمة ولا اسمحله يأثر فيه. بتوجعني بس مبقدرش اكرهك مش عارفه ليه ، مستنيه تقول اية اكتر من كدة.
بكت وقالت
بس عارف؟! يمكن مكرهتكش عشان مديالك العذر في اللي قولته قبل كدة ولغيت دلوقتي عذراك في اللي بتقوله لانك مش فاهم ويمكن اللي اتقالك مخليك تفكر كدة..يعني معذور بردو اي حد غيرك كان هيفكر كدة.
بس المشكلة انك اثبتلي ان طالما مفيش ثقة يبقي هتفترض ان حاجة تشوفها خيانة من غير حتي ما تيجي تسألني ولا تفترض للحظة ان ممكن يكون فهمت غلط.
وانا كمان الحمدلله انك فهمتني غلط المرة دي علشان اجمد أكتر ومفكرش ارضا.. راجعة البيت علشان باسم هيجيلي تاني مش عاوزاه يجي ميقلنيش
كانت بتتكلم بطريقة حسستني اني اتغابيت المرة دي وفهمت غلط ف قولت باختناق
_ خلود استني.. يعني انا غلطانه ، طيب ما انا شوفت صوره معاكي بعيني..وده مش خالك ومفتكرش ليكي عمام في السن ده.. فهميني هو مين
قالت ببكاء
_ اعتبره العوض.. اعتبره زي ما تعتبره مبقتش فارق معايا افهم اللي تفهمه
قالتها ومشيت ف قولت وانا بوقفها
_ يابنتي استني ، انا مش عارف هو مين ده وطبيعي افهم غلط لما اشوف اللي شوفته انا مش بنجم علشان افهم لوحدي ، خلود لو سمحتي.. انا اسف لو جرحتك للمرة المش عارف كام عددها .. بس انا كنت هعمل ايه وانا بسمع انه قعد معاكي في البيت لوحدكم
حاولت ترد بس صوتها ماسعفهاش ف بعدتني ومشيت وهي بتبكي وقفت مكاني اتابعها بعيني لغيت ما اختفت عنها وبعدين رجعت البيت وفي طريقي افتكرت دادة امينة وناويت اسالها يمكن تكون عارفة هو مين ف دخلت عندها المطبخ وقولت
_ دادة
التفتت ليه وقالت
_ نعم يا حبيبي
_ هو حد من ولادك رجع من السفر
_ لا يابني ليه
_ محدش منهم رجع خالص
_ لا بتسأل ليه
_ اصل حد قالي انه شاف واحد داخل بيتكم ف بسأل يمكن يكون حد منهم
بصتلها بترقب وهي بتتنهد وتقول بحنق
_ لا يابني مش واحد منهم ده اخو خلود من ابوها راحتلهم من كام يوم ورجعت بيه، بقا يدخل ويخرج معاها ومحدش يعرف انه اخوها لما هتبوظ سمعتنا وسط الناس عن ماهي بايظة
قولت بتفاجيء
_ اخوها ازاي ده شاب وانا اعرف ان اخواتها صغيرين
_ انا مشفتهوش بس هو يجيله 19 18 سنه دلوقتي يعني بقا راجل
ديرت ليها ضهري ودخلت الأوضة بعد ما عجزت عن الرد وحتي التفكير في كلام ممكن يصلح اللي قولته
#جويرية
كنت مبسوطة ل بجاد ان بابا وافق انه يتجوز فاطمة، كنت سعيدة جداً لسعادته وحماسه انه يرجعها.. كنت حاسة بشوقه ليها ومتمنيه انه يقدر يرجعها في اسرع وقت ولكن!
منستش ان محدش اهتم باحساسي زي ما اهتموا بيه هو ، منستش ان ماما مجبتش سالتني مره تانية عن الاجندة ولا عن الكلام المكتوب فيه وكأن اللي بمر بيه فترة مراهقة او ان الكلام ده مش هيخرج بره صفحات الاجندة لغيت ما يتنسي.
اول مرة اكره كوني بنت مش مسموحلها حتي تحكي اللي واجعها طالما يكون بخصوص المشاعر في الوقت اللي اخوها مصتصعبش ولا مرة انه يعبر عن زعله انهم حرموه من البنت اللي بيحبها حتي لو كانت البنت دي بنت الراجل اللي تعدا علي شرف مامته.. ويمكن اللي كان وجعني أكتر هو ريان، انا طلبت منه يتجوز ويبعد عني بس متخيلتش ينسا بسرعة دي وميحاولش يمر مره بالغلط قدام المدرسة يشوفني من بعيد
_ جويرية
قالهالي بجاد اثناء شرودي انتبهت ليه ف قال وهو بيقعد جنبي
_ بنده عليكي من بدري
_ كنت مشغولة في المذاكرة ومسمعتش.. في حاجة؟
_ بطمن عليكي
_ انا بخير
_ طيب مالك.. شرودك ده مش علشان مذاكرة بتفكري في ايه
اومأت نافية ف قالي بلطف وهو بيحيط كتفي بدراعه
_ احكيلي في ايه
_ مفيش حاجه
_ جويرية
_ نعم
_ قولي مالك
_ مفيش حاجه .. عملت ايه مع فاطمة
_ سيبك من فاطمة وقوليلي في ايه.. انا مش هسيبك غير لما تقولي مالك
سكت للحظات وقولت بخيبة
_ بفكر اني لازم انجح واتخرج بس حاسة ان لسة المشوار طويل ، لسة باقي سنة في اعدادي وتلاته ثانوي واربعة ويمكن سبعة في جامعة يعني 11 سنة تقريباً يعني هيكون سني 31 او 28 وانا كان المفروض باقيلي سنتين بس علشان ابدء حياتي زيكم
_ كل الشرود ده عشان الحكاية دي.. ده انتي هبلة ، دول هيعدوا في لمح البصر
_ 11 سنه هيعدوا بالضغط علي اعصابي ويهلكوني ، انا مش قادرة اصبر عشان اخلص ويكون ليه حياة غير حياتي دي
_ ومالها حياتك ومين فهمك انك بعد ما تخلصي هتستقلي بحياتك عننا
_ مش هستقل طبعاً لا هسافر ولا هعيش لوحدي بس هلاقي نفسي هيكون في حاجه متخصصه فيها مش جماد وسط اربع حيطان محدش بيهمه هو بيفكر في ايه وكأنه مش بيحس
_ اية الكلام ده.. في ايه يا جويرية بتتكلمي كدة ليه
قومت من جنبه وقولت باختناق
_ علشان محدش بيفكر فيه محدش بيسأل مالي ومليش اي لازمة في حيات اي حد حتي اللي حبني وقضا سنين يكتب قصة عني انا وهو من اول مره طلبت منه ينساني نسي، كنت متخيلة انه علي الاقل هيحاول يشوفني من بعيد بس ده سافر بره مصر وعاش حياته .. وماما شافت كلامي عنه في الاجندة ومفتحتش الموضوع معايا تاني وانشغلت بس بأن ابنها حبيبها موجوع ، انا مش حاقدة عليك وفرحنالك بس انا زعلانه انه محدش اهتم بانا حاسة بيه وسيبيني
وقف قدامي وقال وهو بيحطني بأيديه
_ كلنا حاسين بيكي ومش بنتجاهلك بس يا جويرية انتي اللي اختارتي ان كل اللي بيحصل معاكي وكل احاسيسك تكون في الخفا من اول حبك لريان زمان لغيت اللي عمله معاكي لغيت ما رجعتي تكلميه من ورانا.. انا بحكي كل حاجه لماما مهما كانت تافهة عشان اتعودت علي كده من زمان دائما بشاركها اللي بيحصل معايا واللي بحسه وعلشان كده بتهتم بس انتي لا احنا بنكتشف بالصدفة اللي بيحصل معاكي انتي اللي اخترتي اللي انتي فيه
_ طيب والاكتشاف ده ميستحقش يتاخد في عين الاعتبار ولا بيكون تافه لدرجة محدش يفتكره
_ لا بس في مواضيع مينفعش نتكلم فيها اكتر من مرة مستحيل هتلاقي اب واخ بيتكلموا براحه في ان بنتهم بتحب ومع كده بتكلم معاكي اهو
_ انا دلوقتي مبتكلمش عن اني بحب انا بتكلم علي عدم الاهتمام والاستهانه باللي حاسة بيه مع انه واخدني لطريق اخرته وحشة.. انا حاسة نفسي هتجنن كمان شوية
ضمني لحضنه وقال
_ مفيش استهانه ولا اهمال كل الحكاية ان دلوقتي في حاجات أكبر من اللي انتي بتتكلمي فيه.. اوعدك افوق من اللي بيحصل وهنتكلم ونشوف إيه اللي مزعلك واية اللي يرضيكي ونعمله "
قولت ماشي وسكت بس كنت عارفة ان في مشكلة حتي لو كلهم اتكلموا معايا واهتموا بيه مش هتتحل
#مليكة
جهزنا العشا علي الساعة 8 وده بدري عن كل يوم بس انا اقنعتهم اني هموت من الجوع ومش هقدر اتعشا لوحدي ولازم كلهم يتعشوا معايا وبالفعل الكل قعد علي السفرة بما فيهم عمي احمد اللي كان بيقلب في الأكل من غير ما ياكل ولا لقمة وعينه بتتنقل بينا كلنا ف قولت
_ إيه ياعمي مبتكولش ليه
_ مليش نفس
قالت ماما
_ ليه كدة مين سد نفسك
قال بزهق
_ مش عارف.. انا هقوم اشرب سجارة قالها وطلع في البلكونة بقيت مركزة معاه وخايفة ان بجاد وبدر يجوا ويشوفهم ف قومت دخلت المطبخ وصبيت البيبسي في الكبايات وحطيت المنوم وطلعت عشان اديله هو اول واحد ولكن المرة دي لقيته في الصالون قربت منه وقولت بإبتسامة
_ اتفضل
مد ايده وخد كباية وقال
_ متشكر حبيبتي
_ بالهنا
فضلت واقفة بصاله ف قال
_ واقفة ليه ما تقعدي تشربي معايا
_ اه طبعاً حاضر
قعدت ومسكت الكباية بتاعتي وبدات اشرب وانا بصاله واستنيته يشرب بس اتلهي في التليفون وساب الكباية ف قولت
_ إيه ياعمي مبتشربش ليه هو انت حالف انك لا تاكل ولا تشرب عندنا
قال وهو ملتهي بالتليفون
_ هشرب حاضر بس ثانية واحده براسل حد
_ اوكي
بدأت اشرب وانا مرقباه وبعد دقيقة انضموا لينا الباقين وكلهم بدؤ يشربوا الا هو وكنت قلقانة قوي انهم يناموا وهو لسة فايق وقتها هيعرف ان البيبسي في حاجة وهتبقي مصيبة وحطت علي دماغي
وفي وقت ما انا معلقة عيني عليه وقلقي باين عليه قالت ماما
_ اعملي قهوة ل عمك يا مليكة باين البيبسي مش عاجبه
_ لا ازاي ده انا عزماكم لو مشربتوش كلكم هزعل
قالت ايسل وهي بتسمك كبايته
_ اشربها انا
قولت بفزع
_ لاااا لااا
كلهم بصولي ف قولت بارتباك
_ كتر البيبسي غلط عليها هيعملها هشاشة عظام ولا ايه
خد منها الكباية وقال
_ كفاية طمع، هيتعبك ، ودي كبايتي انا محدش هيشربها غيري قايم دوشتوني"
خد الكباية واتجه ناحية البلكونة الكباية ف ايد والتليفون في ايد وبعد دقيقة بالكتير بدؤا يدوخوا وجفونهم تتقل مطيت بوقي بعبس وبصتله تاني لقيته شرب نصها خدت نفس وبقيت ادعي ان مفعول المنوم يأثر عليه قبل ما يلاحظ نومهم هما وبقيت ابصلهم مره وابصله مره لغيت ما لقيته شرب الكباية كلها وبعد ثواني دماغه لفت وكان هيقع جريت عليه وقولت وانا بمسك ايده
_ تعاله ارتاح
قال بدوخة
_ مش عارف ليه دوخت فجأة كدة
_ قلت نوم حضرتك مبتنمش ، تعاله
خدته وصلته الاوضه اللي بينام فيها اترما علي السرير ونام قولت وانا بستعرض عضلاتي
_ قدها يابت يا مليكة ، والله انا مكاني في هيلوود.. سوري ياعموا شوية وهتفوقوا
قولتها وطلعت اجري فتحت الباب وبصيت يمين شمال لغيت ما سمعت حد بيبسبس بصتله لقيته بجاد ف شاورتله علشان يدخل بسرعه جه يجري ويقولي بخفوت
_ ناموا
_ اه بس محطتش مخدر لفاطمة
قال وهو بيطلع منديل من جيبه
_ عامل حسابي هي فين
_ جوه.. امال فين بدر
_ مستنيني بره تعالي وريني مكانها
استرقت نظرة ناحية الشارع علشان اشوف بدر وفجأة بجاد شدني من قفايا وقالي
_ امشي قدامي
_ ااااي براحه هقع
خدته ودخلنا جوه ولما شافها بطئت خطواته وهو بيقربلها لغيت ما قعد جنبها وهي نايمة بقا باصصلها شوية بلهفة وشوق ومسك ايدها وقتها حست بيه وفتحت واتسعت عينيها فجأة لما شافته قدامها وبعد ما استوعبت وجوده قامت وكانت هتزعق ولكن لحقها وحط المنديل علي وشها وايده التانية خلف دماغها وهي قاومت شوية وبعدين نامت وهو لسة ساند دماغها بأيده وبيبصلها بشوق وناسي نفسه ف قولت
_ مش وقت تسبيل دلوقتي هيصحوا
_ انا منمتش اصلا يا مليكة
اتسعت عيني لاخرهم لما جاتني الجملة دي بصوت عمي احمد استدرت ليه ف لقيته ماسك مسدس مصوبه ناحية بجاد وبيقول
_ من ألاول وانا عارفك بتكلمها تسأل علي فاطمة وكمان عرفت لما ابوك حن عليك و وافق تيجي تاخدها اقصد تخطفها زي ما خالك خطفها زمان
قال
_ مسمهاش بخطفها انت اللي خطفتها وانا دلوقتي بنقذها ، بنقذ مراتي منك.. سيب المسدس وعديني
_ بتنقذهاااا ، لا اوكي اذا كان كده ماشي اتفضل عطلتك
حد من نظرته وقال وهو بيشد احزاء المسدس
_ هو بدر باعتلي ابنه العب معاه ولا ايه.. انت فاكر لما تقولي عديني ودي مراتي هسيبك تاخدها عادي.. طيب ايه رايك بقا انك هتتحبس النهاردة واهو مسكتك متلبس وانت جاي تخطفها... كتفوه يابني
قالها وفجأة دخل اتنين جري ناحية بجاد ف قال وهو بيلكم واحد منهم
_ يكتفوا مين.. وديني لو هقتلك دلوقتي ما انا ماشي من غيرها
اتلموا عليه الاتنين وقال عمي احمد
_ هنشوف خلص يابني
جريت عليه وقولت
_ عمي ارجوك سيبع دي مراته
صفعني بكف علي وشي بكل قوته وقعني علي الارض وقال بغضب
_ متفقه معاه علي بنت خالتك ، ماشي حسابك مع امك لما تفوق
حطيت ايدي علي وشي وانا ببكي استدرت ليه وفجأة دخل بدر وتلاته معاه هو مسك عمي احمد حط منديل متخدر علي وشه والتلاته اللي معاه عملوا نفس الحركة لتانين وبعد ما داخوا و وقعوا جري بجاد علي فاطمة شالها وهو بيقول
_ عاش يلا بسرعة
خدها ومشي وبدر جه ناحيتي شد ايدي وقفني وقال بعبس وهو بيلامس مكان الضرب
_ انا اسف مكنتش اعرف ان ده ممكن يحصل
قولت ببكاء
_ اسف إيه.. دي عكت خالص ماما هتعرف وهتبقي مصيبة
_خلاص تعالي معايا هنمشي مع بعض
_ اجي فين
_ هتمشي معانا يكون الموضوع برد شوية
_ لا طبعاً كدة هنعقدها اكتر.. روح انت
_ طيب وانتي
_ هتهزق شوية وخلاص اكيد مش هيحبسوني ولا هيقتلوني.. روح الحقهم
تنقل بنظراته بين عينيه وقال وانامله بتلاطف وشي
_ انا اسف مره تانيه.. ممكن تخبي التليفون في اوضتك متخليش حد يوصله وقولي ضاع او اتكسر
_ ليه
_ اكيد اول حاجه هيعملوها هياخدوه منك وانا عايز اطمن عليكي
_ حاضر... امشي بس زمانهم بعدوا
طالت نظراته ليه وفجأة طبع قبلة علي خدي ومشي بسرعة وقفت مكاني اتحسس اثر شفايفه بإبتسامة وهيام وبعدين فوقت لما عيني وقعت علي الجثث المرماية في الاوضة وبسرعة جريت جيبت التليفون قفلته وخبيته في جيب فستان من بتوعي داخل الدولاب وقعدت استنا اللي هيجرالي
#فاطمة
فوقت لقيت نفسي علي سرير بداخل اوضه مزينه زينة عرايس مررت بصري حولية ملقتش حد ف قومت من مكاني بفزع جريت علي الباب حاولت افتحه مفتحش بقيت انادي واضرب علي الباب علشان اطلع وفجأة جاني صوت بجاد من عند الحمام بيقولي
_ انا هنا
التفت ليه لقيته لابس لبس نوم اتجهت ناحيته وقولت بانفعال وانا بضرب فيه
_ اخرجني من هنا فوراً
_ اهدي يا فاطمة
قولت بانفعال وانا بضرب فيه
_ مش ههدا ، بقولك خررررجني
مسك معصم ايديه الاتنين دار بيه وثبتني بالحيط وقال
_مفيش عروسة بتخرج ليلة دخلتها.. انتي خلاص بقيتي مراتي
قولت بعصبية
_ انا مش عايزاك ، انا مش مراتك.. ابعد عني عاوزة امشي
قال وهو بيزيد في قربه
_ مش هتمشي وانتي مراتي ومش هبعد!!!
قالها والتهم شفايفي في قبلة قوية وهو مثبت ايديه فوق دماغي بأيد وبيقطع هدومي بالايد التانية وبعد ما حس بانفاسي اتخنقت بعد شويه وهو مستمر بتقيد حركتي وتقطيع هدومي
ف قولت وانا بقاوم
_ انا مش عاوزاك هتغصبني عليك يعني
_ اه الليلة دي بس
قالها ورجع يقبلني بعدت وشي عنه وقولت بانفاس متسارعة
_ لا الليلة ولا غيرها.. بجاد ابعد عني انا مش عايزاك
قال وهي بيلامس وشي بشفايفه
_ بس انا عايزك
دفن وشه برقبتي واستمر بملامستي بقبلات حارة وهو بيهمس
_ انتي مراتي ومش هسيب حقي فيكي.. مفيش داعي تقاوميني كتير علشان متتعبيش نفسك
قولت وانا حاسه نفسي بدوب من لمساته
_ بجاد بليز
كتف ايديه ورا ضهري وتراجع بيه لغيت السرير وهو مستمر بتقبيل وشي شفايفي رقبتي وبيضمني ليه اكتر لغيت ما وصلنا لسرير واعتلاني وزاد في تقربه وملامساته اللي بتثير الرغبة وجردني من هدومي وبعد ما كنت بقاوم مبقتش قادره امنعه عني ولا اتمنع عنه اكتر من كدة وسلمت نفسي ليه بالكامل وقدر يتمكن مني وعيشت معاه لحظات من المتعة مكنتش عارفه ولا قادره افوق منها وبعد وقت انفصلت شفايفه عني وعينيه تقابلت بعنيه وقال بإبتسامة خفيفة
_ معقول متكونيش ليه ده انا كنت موت فيها
قولت وانا بستجمع انفاسي
_ بس ده غلط انا مش مراتك
_ لا مراتي انا اتجوزتك انتي مليش دعوة باسامي.. انا اتجوزتك علي سنة الله ورسولة وانتي قبلتي بية ، انتي مراتي حلالي وحبيبتي ومفيش كلام تاني يتقال
_ طيب اوعا بقا
_ تؤ
حاولت ابعده قيد حركتي ورجع يتقرب مني تاني لوقت كبير وبعد وقت سابني وقال بإبتسامة
قمرررر وانا امي دعيالي
قالها واتجه ناحية الحمام.
غطيت نفسي بالملاية وانا متبعاه بعيني وابتسامتي علي وشي لغيت ما وصل الباب وبصلي وقال بخبث
_ المفتاح في الدرج عندك لو فكرتي تهربي ، ولو غيرتي رايك تعالي ادعكيلي ضهري وبعدين جهزي التشت علشان تغسليلي رجلي وبعدها ترقصيلي
#بدر
وصلنا بجاد لشقة كان متأجرها بعيد محدش يعرف مكانها ورجعت البيت وانا بالي مشغول علي مليكة ومش عارف ممكن يكون حصل معاها إيه وفي الوقت ده الباب بقا يخبط بشدة طلعت لقيت الكل خرج من اوضه يشوفوا في ايه ولما بشر فتح دخل ظابط وشوية عساكر وراه وقال
_ مين فيكم بدر
الكل التفت ليه ف قولت
_ انا
قال بابا
_ مالكم بيه.. في ايه يا بدر
قال الظابط
_ هاتوه
قال زيد
_ عملت إيه يخربيتك!!
قولت بعبس وانا شايفهم بيهجموا عليه
_ صدق اللي قال العروسة للعريس والسجن للمتعيس بس انا استاهل تف عليه يا زيد وربنا لا انت تافف
كملت وهما بيشدوني
_ انا من صغري مبحبهوش ومبنستلطفش بعض ليه استلطفته دلووووقتي ... ما براحه ياعم دراعي اتخلع.. سيبوني وانا هديكم عنوانه كسرو عليه الشقة هتلاقوها معاه ، ما انا مروحش في داهية وهو متهني في العسل