رواية الملاك النائم الفصل الرابع4بقلم نجلاء فتحي
وصل البيت ودخله وأتسعت عيونة من الصدمة حين وجد من الخارج كل شئ مثل ما تركة أو بمعنى آخر كأن أبوة موجود ومن داخل البيت شكلة مودرن وحصرى حرفيا يليق ببيت مهندس مع تاتش خفيف ريفى شعر بغصة بقلبة، وقال أنت غيرت البيت
شريف بأرتباك/ البيت من يوم أبوك م أتجوز أمك مش أتجدد والرطوبة كلتة غيرتة وغيرت لون الخيطة وضبط السباكة وخليت الحمام زى بتوع البندر ومصر وكدة يعنى
آسر بحزن/ ريحة أمك وأبوك فيهم
شريف/ البيت هو هو يا آسر متغيرش يدوب حاجات بسيطة أوضة أمك وأبوك ذى ماهى حتى الدولاب ذى ماهو وأوضك غيرتها برضو
آسر/ لا خلاص مش مشكلة ،،أنا أقعد فى أوضة أمى وأبويا الله يرحمهم لحد ما ألاقى سكن وأضبط نفسى للعيشة هنا تانى
شريف/ لا مفيش سكن برا الدار دى دار أبوك وليك حج [ حق] فيها ولو عايز نصيبك منه خد حقك خير ربنا موجود
آسر/ ريحة أبويا وأمى متتقدرش بمال خلينا ذى ما أحنا خلى بيت أبونا مفتوح وفية حياة بعيالك يا شريف
شريف براحة/ ذى م تحب يا أخويا أطلع أستريح فى أى أوضة فى الدار لحد هنية متجهز الغداء
______
[فى دار العمدة ]
نظر العمدة لسفرة الطعام وغمض عينة نصف عين وقال إللى فى الصحن دى
عايدة/ وزة يا عمدة
عادل/ يا خبر مدوحس يا ولاد و و و و وزة مرة واحدة عايز تموتينى ناجص( ناقص) عمر يا بلوة يا جلوس الطين
شهقت عايدة / هى حصلت تشتمنى ياعمدة كل دة علشان عايزاك تتغذى تتجوى( تتقوى) ها لا لا ملجش [ملقش] حج (حق) يا عمدة الله يسامحك 😭😭
صبحية/ فى أي يا أبويا اما مش غلطت لكل دة بجالنا [بقالنا ] كتير مدجناش (مدقناش) الظفر مش كدة سممت لينا اللجمة (القمة)
عادل بحدة/ أخرسى يا هبابة كان يوم أسود لما شوفتك مش عارف مش بيعشلى صبيان لية ،الموت إللى خد أخواتك لية مش سابهم وخدك أنتى مش كفاية عليا البلوة إللى فوق دى ولا عايزة تفوق ولا تموت
صبيحة ببكاء😩/ياريتنى كنت زيها ،،،، الأسم بت العمدة والفعل أتعس واحدة فى الدنيا ،،مش بتحب خلفة البنات لية هو أنا جيت الدنيا بمزاجى والله ما أنا طفحة،،، وجريت لأعلى لغرفتها
عادل/ عنك ما طفحتى يا مجايب الفجر (الفقر)
عايدة/ منك لله يا ظالم السطح مليان خير ربنا من الطيور خلاص من كثرهم بياكلوا بعض
عادى/ مفيش طفح يا بومة تطبخي وزة ،،وزة مرة واحدة يا جادرة عقاب ليكى مفيش طفح وأدى الوزة ورماها من شباك الدوار فسقطت أمام آسر الذى يسير يتمشى فى البلد
أسر أنخض ونظر لأرض وجد صنية كبيرة وفيها أكل ولحسن الحظ لم يقرب منة التراب ،،نظر يمين شمال مفيش غير دوار العمدة الذى شاور لية أخوة علية وهما راجعين من الغيط للبيت ،،،، ألتقطة وشمة وقال الله الله دى بطة ولا وزة أممم شكلها وزة متحمرة بالسمن البلدى طارت منين دى هههههههه ثم حملها وترجل لبيت العمدة فلا يوجد منازل غيرة فقال/ العمدة موجود
الغفير/عايز أي يا أفندى ،،،قال لذلك( لأن آسر يرتدى قميص وبنطلون )
آسر/ أفندى !! ،،،أنا الدكتور آسر أخو البشمهندس شريف مهندس الزراعية عارفة
الغفير/ أيوة طبعآ أعرفة هو أنت بجا الدكتور بتاع مصر
أسر عدل صنية الأكل / أيوة
الغفير/ يا مرحب بالدكتور يا مرحب بمصر وإللى يجى منها أتفضل يا دكتور أستريح لحد مأدى خبر لجناب العمدة عجبالك [عقبالك] بيتغدى وزة
نظر جاسر لصنية الأكل وقال/ يا عينى متهناش بيها فى عيون راشقة فيها
الغفير/ هاااا مش خابر بتجول (بتقول )أي
أتت صبيحة فهى شافتة من شرفة غرفتها ونزلت جرى وقالت خير يا أفندى ثم ضربت على صدرها وقالت الوزة
آسر بملل/ خدى الصنية دى تقريبآ طارت من عندكم
صبيحة/ أخذت منه الصنية وقالت أنت مين من أهل البلد
الغفير/ دة الدكتور آسر من مصر أخو البشمهندس شريف مهندس الزراعية
صبيحة/ نورت يا أفندى أقصد يا دكتور أتفصل
آسر/ شكرا بعد كدة خلى بالكم من أكلكم ولا العمدة شاكر أبوكى بيوزع على الغلابة فى الشارع ،،،،، ثم رحل
صبيحة جريت وراة وقالت / أستنى عمى شاكر الله يرحمة دلوجتى (دلوقتى ) العمدة أبويا عادل وأنا صبيحة بنتة
أسر أنصدم وقال ملك فين دلوقتى
صبيحة ببراءة تنهدت / دى فى دنيا غير الدنيا من يوم أبوها م مات
آسر/ تعبانة
صبيحة/ نظرت يمين شمال وشاورت لة فنحنى
لها آسر فقالت فى أذنة" ملك بنت عمى ممسوسة، ،ثم بعدت وشهقت وعملت حركة فوق رأسها وبثقت فى صدرها وقالت اللهم أحفظنا
آسر بعدم فهم/ أي التخاريف دى ممكن فى صدمة
صبيحة/ هاااا،،يعنى أي
أسر/ يعنى بكرة الصبح بلغى العمدة أقصد أبوكى أشوف ملك بعد الظهر سلام يا٠٠
صبيحة بفرحة / صبيحة يا دكتور
ثم نظرت فى أثرة بهيام وأنتبهت لماذا قالت موضوع ملك ،هو سأل عليها لية ،،يعرفها منين ،،،يالهوووى ممكن يعجب بيها وأنا لااااا ،،أكيد لا دى ذى الجثة صح كدة ممكن بيعمل خير علشان دكتور صح كدة ،،،ثم دخلت البيت
بقلم نجلاءفتحى عاشقةالكلمات
رجع جاسر البيت ودخل غرفة أبوة وأفتكر ملك
【【فلااااااش بااااااك 】】
يجلس آسر على رأس الأرض الزراعية يذاكر وأتت فتاة ذو الخمس سنوات وقالت جاعد [قاعد] فى أرضنا لية
أسر/ بذاكر
ملك/ يعنى أي وجلست بجوارة
أسر/ بدأ يشرح ليها ،،،نفسى لما أكبر أكون دكتور
ملك/ رفعت إيدها الصغيرة فى وضع الدعاء ونظرت للسماء وقالت يارب خلية دكتور،، أنت أسمك أي ،،،فقال آ سر أسمة،،،،فقالت هى ،،يارب خلى آسر دكتور كبير
أسر/ أنتى مين
ملك/ ملك شاكر
أسر/ بنت العمدة
ملك/ أيوة، ،عندك كام سنة
أسر/ أكبر منك اكيد انا فى أولى اعدادى
ملك/ ماشى وهزت كتفها بلامبالاة،،،
أسر/ ضحكتك حلوة جوى[ قوى] عينك حلوة وشعرك جميل بدر منور يا ملك لا أنتى شبة الملايكة ينفع أقولك ملاك
ملك/ حلو عجبنى بس برضو بحب أسمى ملك هههههههههههه
أسر / هههههههههه
【【عودة للحااااضر】】
تنهد آسر وقال معقول ربنا أستجاب دعائك وبقيت دكتور ياترى عندك كام سنة دلوقتى وحالتك إي دلوقتى ياترى لسة جميلة ذى ما أنتى ولا لا أكيد بقيتى ملاك ،،،أبتسم هذا لقبة حين يراها
عزيزى القارئ هنا آسر فكر مجرد تفكير عابر وليس فى ضميرة شئ آخر 😉
______
[فى غرفة مجاورة لبيت أسر ]
هنية/ ذى مبجولك[ مبقولك] كدة،، أخو البشمهندس شريف جوزى وصل بالسلامة من مصر
فردوس/ الدكتور آسر!!!!
هنية/ أيوة
فردوس / وأنا مالى مشيعالى [جيبانى ]على ملا وشى علشان كدة
هنية ضربتها فى كتفها وقالت:- ياغبية عايزة مصلحتك بقيتى ٢١ سنة محدش عبرك وأتقدملك
فردوس بحزن/ وأنا ذنبى أي ربنا عايز كدة
ربعت هنية إيدها على صدرها وقالت:- الناس هنا مبيفكروش كدة إللى جدك( قدك) عيالة فى طولة
فردوس بحزن/ عايزانى أقولة تعالى يا دكتور أتجوزنى ،ولا أسحرلة ،،فى حاجة ياختى غايبة عنك دة دكتوووور وأنا كبيرة وجاهلة
هنية/ الدكتور دة أكيد عقلة متفتح وسنك ميفرجش[ ميفرقش ] معاة صدقينى مستخسراة حد يأخدة غيرك جوزى أخوة ومعاة دايجة[ دايقة] الشهد كلة ها موافقة،، وبعدين دة هو أكبر منك
فردوس/ لا لا يمكن أجبل[ أقبل] على نفسى كدة الجواز قسمة ونصيب ورزج [رزق] وإللى ربنا عايزة يكون وحيات عيالك شلينى من رأسك وسبينى فى حالى كفاية نظرات البلد وأمك وأبويا بسبب متجوزتش
هنية / الحل فى إيدك يا غبية
فردوس/ جايز موضوع الجواز دة شر ليا وربنا بيحبنى وشايل ليا شخص مناسب ،،جايز الدكتور دة قدامنا حلو ومن ورانا وحش الله أعلم أقولك أنا ماشية ورحلت ومتجاهلة كلام أختها
هنية/ يا خايبة خليكى كدة لما تعنسى وحيات عيالى ميحصل ولازم تتهنى بالدكتور بس كدة
_______
مر اليوم الأول لآسر بسلام وللأسف الليل صعب علية من صوت الضفادع والناموس إللى أحتفل بية والحر فهو متعود على التكيف
والأن المروحة لا تأتى إلا بالهواء الساخن فأطفآها وتحمل الحر والناموس وحاول ينام