رواية امل الحياه
الفصل الرابع4
بقلم يارا عبد العزيز
عدا من قدام المطبخ لامحها وقف على الباب و انصدم لما لاقها نايمه على ارضيه المطبخ و منكمشه على نفسها
لاول مره شكلها يصعب عليه كدا بصلها بنظرات شفقه و راح عندها و نزل لمستواها
بص لملامحها عن قرب اد ايه رقيقه و بريئه ، نزل بوشه لمستوى وشها و اتنفس ريحتها الطفوليه و همس قدام شفايفها:- انا اسف يحياة بس انتي كان المفروض تمنعيني انتي جمالك محدش يقدر يقاومه و الله ما كنت ناوي ابدا اعمل كدا بس انا الشيطان و نفسي غلبوني و مقدرتش متزعليش مني يحياة و سامحني
غمض عينيه و لمس بخده خدها
قاطعه ناديه اللي وقفت على باب المطبخ و اتكلمت بسخريه:- مش في المطبخ يعين امك
كملت بحده :- و دي ايه اللي نيمها قبل ما تخلص المطبخ صحيها خليها تكمله و تبقى تنام
كريم بهدوء :- دي تعبانه خالص باين عليها و متنسيش انها حامل بلاش تكتري عليها في الشغل
ناديه بحده :- هي تعبانه عشان طول عمرها مدلعه في بيت اهلها بس هي خلاص اتجوزت و ايام الدلع راحت
اتنهد بضيق و شالها بحنيه و دخل بيها الاوضه تحت نظرات الغضب من ناديه
حاطها برفق على السرير و خلع.. التيشرت بتاعه و قعد جانبها ، بص لبطنها و دموعه خانته
رفع ايديه و حاطها على بطنها بتردد و هو بيتحسسها ابتسم بحب و هو حاسس بمشاعر كتير غريبه عليه بس كانت حلوه جدا بالنسباله
قرب اذنه من بطنها و هو بيحاول يسمع اي حاجه بس ازاي و هو لسه عمره اسبوعين
ضر..ب دماغه بخفه و ابتسم و اتكلم بهمس و هو حاطط ايديه على بطن حياه:- مع انك غلطه بس انا عايزاك يا ريت لو تخرج دلوقتي حالا و اشيلك على ايدي بس لسه تسع شهور
سحب حياة اللي كانت نايمه بعمق من تعبها لحضـ..نه و هو لسه حاضن.. بطنها بين ايديه و هو بيتهيأله انه حاضن.. ابنه
و في لحظه اتحولت نظراته لشـ..هوه و حرك ايديه على بطنها بشـ.هوه ، حاول يتحكم في نفسه و غطاها باللحاف كويس
بس حياة دمرت كل حصونه لما حركت ايديها على صدره بنوم ، قبـ..ل باطن ايديها و بصلها برغبه
قام من على السرير بسرعه و هو بياخد نفسه بسرعه و خرج من الاوضه بغضب و قعد على الركنه في الصاله
......
محمود كان قاعد في اوضته و طافي النور و مشغل نور الاباجوره بص لصوره ابوه اللي كانت متعلقه على حيطه اوضته بحزن و دموع اتكلم بصوت مخـ..نوق:- انا اسف يا بابا مقدرتش احافظ على حياة
قام من مكانه و راح اوضه والدته يطمن عليها ، دخل في قلبه الرعب لما ملاقهاش في الاوضه ، فضل يدور عليها اتنهد براحه لما لاقها قاعدة في اوضه حياة و حاضنه مخدتها و بتعيط
دخل محمود و قعد قدامها على السرير و اتكلم بحزن و هو بيمسك ايديها:- مش كفايه بقى يا ماما كدا هتتعبي
فردوس و هي بتمسح دموعها:- مش قادره يمحمود حاسه ان روحي بتنسحب مني ببعد بنتي عني انا عارفه انها غلطت بس دي بنتي مش عارفه اقسي قلبي عليها و خايفه عليها من مرات عمك مرات عمك مش بتحبها ما بالك بقى بعد اللي حصل اكيد هتحط اللوم عليها و هتعاملها اسوء معامله انا عارفه مرات عمك كويس
محمود بغضب :- متخافيش انا مش هسمح لاي حد يأ..ذيها و كلها كام شهر و هطلقها منه و هجبها هنا تاني تعيش معانا
قال كلامه و حط راسه على رجل فردوس و اتكلم بحزن :- طول ما انا معاكوا متخافيش على حياة
فردوس:- ربنا يباركلنا فيك يحبيبى
.............
في الصباح
صحيت ناديه لاقيت كريم نايم في الركنه ، بصتله بغضب و دخلت اوضته بصيت لحياه اللي كانت نايمه بعمق بغضب مفرط جابت كوبايه المياه من على الكمودينو و كبتها عليها بغضب
حياه صحيت برعب و بصتلها بدموع
ناديه بغضب :- بقى انتي يا مقصـ..وفة الرقبه تطردي ابني من الاوضه و تنيميه في الصاله دا. انتي اللي تخرجي من البيت كله يبت و تنامي في الشارع
حياة بدموع :- انا مطردتوش و الله و معرفش اصلا انه هنا هو كان عند روان
ناديه بغضب مفرط :- و كمان بتكدبي ايه اللي يخليه ينام في الصاله لو انتي مطردتيهوش من اوضته
حياه بصتلها بخوف من نظراتها ،
صحي كريم على الصوت ، فرك عينيه بنوم و جري على الاوضه هو و مجدي
كريم :- فيه ايه يا ماما بس بتزعقي ليه
ناديه بغضب :- ايه اللي خلاك تسمع كلامها و تخرج من الاوضه هي هتسيطر عليك من اول يوم
كريم بحده :- ماما انا اللي نمت في الصاله بمزاجي و لو هنتكلم على الموضوع دا فتروحي لبنت اختك احسن و تعرفي منها اصلا انا ايه اللي نزلني تحت
بص لحياه اللي كانت بتبص لناديه بخوف و دموع ، راح عندها و خدها في حض..نه و هو بيحاوط جسـ..مها بايديه
حياه بصيت لعمها و هي بتحاول تبعد كريم عنها
مجدي وقتها فهم انها مش عايزه قرب كريم منها ، اتكلم بحده و هو متابع نظرات حياة
:- ابعد عنها يا كريم
كريم بصدمه:- دي مراتي يا بابا!!!!!!!
مجدي بغضب :- و مراتك مش عايزاك
ايه هتغصبها !!!
مش كفايه كل اللي حصلها بسببك ؟!!!!
كريم كان لسه هيتكلم بس قاطعه مجدي و هو بيتكلم بغضب :- مفيش كلام بعد اللي قولته لو مراتك قبلت قربك دا يبقى تمام غير كدا انا مش هسمحلك تيجي ناحيتها و انا هنا ابو حياة قبل ما اكون ابوك و لو حياة جت اشتكيت منك في يوم مش هخليك تعتب باب البيت دا تاني
ناديه بصدمه:- انت بتقول ايه يا مجدي!!!!!
مجدي بحده :- نااديه قولت مش عايز اسمع صوت و حسك عينك اشوفك بتعاملي بنت اخويا وحش حياة هنا زي رندا بنتك بالظبط و يلا اتفضلوا بقى برا و سيبوا حياة ترتاح يلااا
ناديه بصتله بغضب و هي بتتوعد لحياة و كريم مكنش مصدق انه ممنوع عنها و هي مراته و كان مضايق جدا و غضبان بس كلام ابوه بالنسباله أوامر و لازم ينفذها عشان ميخسرش كل حاجه
خرجوا من الاوضه بغضب ، مجدي راح عند حياة اللي كانت خايفه و حضنها و اتكلم بحنيه :- متخافيش يحبيبتى اهدي
عيطت حياة بقوه في حضنه : متسبنيش يا عمي انا مبقاش ليا غيرك محمود و ماما زعلانين مني و مش بيكلموني ياريتني كنت مـ..وت قبل ما اعمل كدا بس انا انا بحب كريم اوي و مفكرتش في اي حاجه وقتها بس و الله ندمانه اوي و بتمنى لنفسي المـ..وت عشان اريحكوا مني
مجدي بحنيه:- اهدي يحياة انا مش هسيبك يبنتي و زي ما انتي غلطي ابني كمان غلط و غلطه اكبر منك و لو على امك و محمود فمفيش اهل بيهون عليهم يبنتي هم بس مصدومين و كلها كام يوم و هيرجعوا يتكلموا معاكي تاني و اللي انتي عايزاه يحبيبتى هعملهولك
عايزه تطلقي من كريم ؟
هزيت راسها بمعنى اه
اتكلم مجدي بحنيه :- لحد اما تولدي بس و هطلقك منه عشان الناس ميتكلموش عليكي ماشي
حياة و هي بتمسح دموعها:- ما ماشي
.............
دخلت بنت البيت و اتكلمت بصوت عالي و مرح :- يا اهل المنزل انا جيت
ناديه خرجت بفرحه :- رندا وحشتني اوي
جريت رندا عليها و حضنتها بحب :- و انتي كمان يا ماما الواحد بقاله شهر عدوا كأنهم سنه بجد انا ما صدقت خلصنا المشروع اللي في شرم و جيت جري عشان ابارك لكريم و روان
ناديه بحزن :- كريم و روان!!!!
ادخلي استريحي و هحكيلك كل اللي حصل
.............
بعد الضهر
نزلت روان وقفت قدام شقه خالتها و هي بتفكر بشـ..ر
خبطت على الباب ، فتحت لها رندا
رندا :- روان وحشتني
روان بضيق :- و انتي كمان انا قولت انزل اقعد مع خالتي شويه لاني زهقت من قعدت البيت لوحدي
ناديه و هي خارجه من المطبخ:- تنوري يحبيبتى تعالي
دخلت روان و اتكلمت بتفكير:- بتعملي حاجه اساعدك
ناديه :- كنت بحضر الغدا
روان:- طب هاجي اساعدك استني هحط الاسوره دي هنا عشان واسعة عليا و بتفضل تقع مني
قالت كلامها و بصيت لحياه اللي خرجت من الاوضه بشـ..ر و حطيت الاسوره على التربيزه و دخلت المطبخ
حياة بصتلها بحزن بس ما باليد حيله مش هتقدر تغير حاجه من اللي حصلت و لا هتقدر تغير حقيقة انها خانـ..تها
وقفت روان على الحوض ، بصتلها ناديه و اتكلمت بحرج
:- روان انتي عارفه ان كريم بيحبك بدليل انه لما قرر يتجوز اتجوزك أنتي متسمحليهاش تاخده منك كريم ابني ليكي انتي و بس
بقلمي يارا عبدالعزيز
روان بسخريه:- و انتي بقى يخالتي لو جوزك كان عمل فيكي اللي ابنك عامله فيا كنتي هتسامحيه
بصتلها ناديه و سكتت
كملت روان و هي بتضحك بسخريه
:- سكتي ليه مش لاقيه رد و لا الجمله وجعتك على العموم يخالتي انا مبسبش حاجه تخصني لحد و مش روان اللي تخسر و قدام مين حياة حياة متتقارنش بيا اصلا حياة دي واحدة رخـ..يصه استخدمت اسلوب رخـ..يص زيها عشان توقع ابنك و انا هعرفها كويس مين روان هي لحد دلوقتي مشفتش مني غير الحلو و بس و بعدين مش هتشوف غير الوحش
.......
حياة كانت رايحه الحمام ، سمعت روان و هي بتتكلم بصتلها بالم.. و دموع و دخلت الحمام
روان بصيت لطفيها و ابتسمت بشـ..ر و خرجت برا المطبخ
بصيت على الاسوره بتاعتها اللي على التربيزه جريت خدتها و دخلت اوضه حياة و هي بتبص وراها تشوف فيه اي حد شايفها و لا لأ
دخلت الاوضه و حطيت الاسوره في وسط هدوم حياة و خرجت من الاوضه
............
حياه كانت واقفه على الحوض بتستفرغ بتعب ، خلصت و غسلت وشها و خرجت و هي ماسكه معدتها بارهاق
روان بصتلها بشـ..ر
ظهرت على ملامحها القلق و اتكلمت بصوت عالي نسبيا :- خالتي انا مش لاقيه الاسوره بتاعتي مشفتيهاش
خرجت ناديه من المطبخ و اتكلمت بهدوء :- لا مشفتهاش دوري عليها كدا يمكن وقعت تحت اي كرسي
روان :- دورت عليها ملاقتهاش خالص
خرجت رندا من اوضتها
اتكلمت روان بتساؤل: مشفتيش الاسوره بتاعتي
رندا :- لا و الله
روان بغضب :- ما هي كانت هنا يعني الارض انشقت و بلعتها يعني
ناديه :- اهدي يا روان اكيد هنلاقيها ادام محدش خدها
روان و هي بتبص لحياه اللي كانت بتبص لارضيه الصاله و هي بدور على الاسوره:- و انتي يست حياة مشفتيهاش
حياة :- لا متخافيش هدورلك عليها و هلاقيها
روان :- ياريت فعلا تجبيها هاتي الاسورة بتاعتي يحياه
حياة :- بس هي مش معايا عشان اديهالك و أنا قولتلك هدور عليها ...
قاطعتها روان و هي بتتكلم بغضب :- لا يا حياة انتي خدتيها لانك بتحبي الاسوره دي و ديما بتقولي شكلها حلو
حياة :- هي عاجبني اه بس مش لدرجه اني اسرقـ..ها
في الوقت دا دخل كريم :- فيه ايه
روان بثقه و هي بتربع ايديها:- فيه ان مراتك اللي انت اتجوزتها عليا سر..قت الاسورة الدهب بتاعتي
كريم بحمقه:- مستحيل حياة تعمل كدا دوري عليها هتلاقيها واقعه هنا و لا هنا
روان بغضب :- لا انا دورت و ملاقتش حاجه و بعدين انت مالك محموق اوي كدا ليه ما اللي تز..ني ممكن جدا تسر..ق
حياة بصتلها بدموع و الجمله كسـ..رت قلبها
اتكلم كريم بغضب مفرط: روان الزمي حدودك
روان بسخريه:- ايه يحبيبى دوستلك على الجـ..رح هي مش دي الحقيقه و لا ايه و لا الاستاذ كريم نسي اللي عامله على العموم دا مش موضوعنا انا دلوقتي عايزه الاسوره بتاعتي
حياة بصتلها بغضب و مقدرتش تسيطر على غضبها و خصوصاً بعد اللي روان قالته
حياة بدموع و غضب :- و انا قولتلك مش معايا روحي شوفي انتي كنتي حاطها فين
روان بثقه:- تمام المياه تكدب الغطاس انا دلوقتي هدور في اوضتك و نشوف انتي فعلا خدتيها و لا لأ
كريم بغضب :- رواااااان
حياة:- تمام تعالي دوري
دخلت روان الاوضه و كلهم دخلوا وراها بدأت تدور في الاوضه كلها قبل الدولاب ، بصيت للدولاب ببأبتسامه و فتحته و فتشت في وسط الهدوم و طلعت الاسوره
بصتلها حياة و كل الموجودين بصدمه
روان بسخريه : و ايه اللي جابها في هدومك بقى لو انتي مخدتيهاش
حياة بدموع :- معرفش و الله أنا فعلا مخدتهاش
روان بسخريه :- حرا..ميه و كد..ابه لدرجة دي اهلك معرفوش يربوكي
كملت و هي بتبص لكريم و بتتكلم بسخريه:- ايه يكيمو مش دي اللي كنت محموق اوي و انت بتقول مستحيل تسـ..رق اهي سرقت... يحبيبى
كريم بصلها و سكت و مش عارف يقول ايه
راحت روان عند حياة و ضـ..ربتها قلم.. قوي جدا على وشها
بصولها الجميع بصدمه كبيره ، حياه حطيت ايديها على وشها و قبل ما تتكلم قاطعتها روان و هي بتتكلم بحده
:- دا عشان متسـ..رقيش تاني و لو اهلك معرفوش يربوكي انا اللي هربيكي
قالت كلامها و طلعت من الاوضه ، حياة بصيت للجميع و بصيت لنظرات الاتهام و الاحتقار... اللي في عيونهم
خرجوا كلهم من الاوضه ، حسيت انها ملهاش اي حد و انها يتيمه ، قعدت على الارض و فضلت تعيط و اتكلمت بألم... و توسل:- يااا رب ارحمني
.............
في المساء
كانوا كلهم قاعدين و بيتعشوا
مجدي بتساؤل:- اومال حياة فين مش هتتعشى
ناديه بصتله بخوف شديد من انه يعرف باللي حصل و باللي عملته روان في حياة :- قالت انها تعبانه و هتنام
مجدي و هو بيبص لكريم :- هو مش الدكتور قال تتابع مع دكتورة نسا مخدتش مراتك ليه توديها و تطمن عليها و على ابنك
كريم بهدوء:- حاضر يا بابا هوديها
روان بصيت لكريم بغضب و الم... من ان فيه واحدة تانيه شايله حته منه غيرها
قامت من على كرسي السفره و الدموع في عينيها:- عن اذنكوا انا طالعه شقتي
كانت لسه هتمشي بس وقفتها حياه اللي خرجت و هي ماسكه اللاب بتاعها و بتتكلم بثقه:- على فين يا روان استني السهره لسه هتبتدي معايا ليكوا حته فيلم هيعجبكوا اوي
ناديه بحده :- فيلم ايه هو ايه شغل العيال دا
حياه بثقه:- مش هتندمي يا مرات عمي هنشوفه كلنا يلا
راحت حياة عند الشاشه بسرعه و وصلت الشاشه باللاب بتاعها و فتحت الفيديو و وقفت قدام الشاشه و هي بتابع معاهم
انصدم الجميع بشده لما شافوا روان و هي داخله اوضه حياة و بتحط الاسوره في الهدوم و