رواية انحراف
الفصل العاشر
بقلم جمانه السعيدي
ساره...كان سهل عليه اراقبه لان هو مطمن من عندي ولا يشك بيه ابد
كمت من يحجي بلتليفون اجيب موبايلي على اساس اخلي على الشحن واسجل مكالمته
كلش فادتني هاي الطريقه اسمع مكان الاستلام والتسليم
حتى اسماء الأشخاص الي يتعامل وياهم
بلاضافه اني من صرت مطيعه اله
وامشي حسب مايكول
كام ياامن بيه
حتى يخابر كدامي
ويحجي اي شي
اذا احتاج ملابس من السوك يقبل اطلع اشتري وحدي
بحجة اني محتاجه هاي الملابس للشغل
حتى فلوس ينطيني بس قليلات
ومرات اتحجج اروح للصالون
حتى اغير شكلي واعجب الزباين كلش امنلي وصار عنده ثقه بيه
وكمت اجيبله اخبار عن الزباين
ومنو منهم عندا فلوس اكثر
ونتفق اني وياا شلون انصيدهم
جمانه السعيدي
كلش قرب مني بهاي الفتره ومامتوقع مني الغدر ابد
اضافه إلى اني رصيدي بلمصرف صعد
صار عندي مايقارب خمس ملايين
بدون مايعرف هو طبعا
بيوم سمعت عندا صفقه جبيره هو يدفع نص الفلوس
وبعد مايستلم البضاعه ويسلمها
يسلمهم باقي الفلوس
لان صار فتره يشتغل وياهم
بدو ينطونه بضاعه على التصريف
هنا كان لازم اتحرك بسرعه وبحذر مااريده يشك بيه ابد
اني اكدر انهزم منه
بس إلى متى راح انهزم
هذا مجرم ممكن يدور مكاني وينتقم مني ومن أي أحد يساعدني مثل ما ضرب قبل غزوان
اريد اخلص كل وحده ممكن يقشمرها ويضحك عليه ويشمرها بهذا الطريق مثلي
طبعا اني ماكو مني بلدنيا كله كلش فقيره واصدك بكلشي
بس هو من جابني الهذا المكان
شفت العجب بعيني
لو محركه دماغي قبل سنه ونص من جابني هنا ومراقبة تحركاته جان خلصت منه من زمان
بس اني غشيمه وكلشي مااعرف وهو خوفني بااهلي وعمامي
هو يدور البنات الي مثلي كلشي مايعرفن
وايدمر حياتهن
المهم اني بس عرفت تفاصيل الصفقه نزلت بحجة رايحه للصالون احف وجهي واشتري كم قطعة ملابس
طلعت المركز الشرطه
وحجيت كلشي اعرفه عن عمار
من يوم عرفته لليوم شلون قشمرني وضحك عليه
وشلون اخذ القماش بلمعمل
والحارس هو الي لبس القضيه ولي ساعده على بوكت المعمل واحد اسمه رزاق
وحجيت شلون ضرب غزوان وعندا تصوير بلموبايل
وحجبتلهم عن كل الشغلات المشبوه الي يشتغل بيه
وشلون يتاجر بلحشيش
الضابط الله يستر علي كان فعلا انسان نزيه وسمعني للاخير وسجل كل اقوالي
ووعدني مراح يجيب اسمي بلتحقيق لان اني اخاف هذا عندا عصابه ممكن واحد منهم يااذيني اذا الشرطه لزمت عمار
وطلع منه خاف ينهزم من الشرطه
الضابط كال ارجعي مالج شغل حتى الشقق الي يلتقون ببه هو وجماعته بلغت عليه
كافي لازم يصير حل الهذا
الوضع
الضابط كال اني راح اساعدج مثل ماانتي ساعدتيني
واسمج مراح اذكره ابد اطمني
رجعت للبيت وكلشي طبيعي
بليل كان الموعد يوصلنا للشقه اني وهدى
ويطلع يستلم البضاعه الساعه ٣ بليل ومن يامن البضاعه يرجع علينا يرجعنا للبيت
الضابط اخذ رقمي حتى انطي العنوان من نوصل للشقه
دزيت رساله الغزوان
هلو غزوان اريد احجيلك شغله اني تعبت حيل ورحت حجيت كلشي للشرطه عن شغل عمار لان عمار يشتغل بلحشيش وجاي يستدرج البنات ويشغلهن بلدعاره
واكو بنات يروجن للمخدرات ويااا
اليله اتم العمليه
اخاف ادخل سجن أريدك تجيني
اطمني عليك وخاف احتاج شي اني مااعرف احد غيرك هنا
بس انت اعرفك واثق بيك
منا الباجر الصبح اذا اتصلت عليه ومارديت عليك يعني اخذوني للسجن لا تخاف حتى لو يحكموني راح يكون حكم مخفف لان اني ساعدت الشرطه الضابط اكدلي
هاي المعلومه
بليل بدلنا وطلعنا اني وهدى وعمار
عمار ماكان عقله ويانه كان كل همه شلون يستلم البضاعه
صح هاي مو اول مره بس هلمره البضاعه هواي
وراح يبقى علي من فلوسه
اكبر كميه من اشتغل لليوم اليوم يستلمه
وصلنا للشقه وطلع ووصاني على هدى وكال اني ساعه وارجع عليجن
اني بس دخلت للشقه رمشت للضابط رغم هو راصد كل تحركاتنا
من طلعنا من الشقه
جمانه السعيدي
ضلو ورا عمار بدون مايحس بيهم
الحد مالزمو متلبس كمية الحشيش الي استلمه مو طبيعيه
هو جماعته
بعدين رجعو على الشقه وداهموها
ولزمو كل الي بيه
من ضمنهم اني وهدى
بس وصلنا هناك دخلونا للسجن
النسوان وحد والزلم وحد
الله لا يراويكم المنضر الزلم كله بس بلشورتات
والنسوان حالهن انكس من حالهم
بس اني بقيت بملابسي لان اعرف بلمداهمه
حتى هدى المسكينه ماتعرف
هذا الحجي الساعه ٣ ونص بليل
ماحققو ويانا للصبح لمن اجا العقيد
طبعا عمار مو ويانه اخذو مكافحة المخدرات حتى يحققون ويااااا
واحنا لا اخذونا شرطة الاداب
الصبح دز عليه الضابط الي اني متفقه ويااا
بس وصلت لكيت غزوان منتضرني وجايب وياا محامي
كال لا تخافين
هذا المحامي راح يدافع عنج
واني مراح اعوفج ابد
دخلت لكيت الضابط هو ووياا عقيد كاعدين بلمكتب
رجعو حققو وياي من يوم عرفت عمار لليوم
طبعا المحامي دخل وياي
الضابط كال لا تخافين راح يكون الحكم مخفف
لان انتي الي بلغتي عليهم
اما عمار من الكتل اعترف بكلشي طلع عندا مصايب يابو مصايب
اكثر من الي اني اعرفهن الف مره
الضابط جان يحجيلي عنه ويكول ليش ما بلغتي من زمان عنه
اما اني حجيت قصة هدى للضابط وكتله مسكينه
ماله دخل
بقينا بلسجن ٣ ايام بعدين حولونا للمحكمه
اني وهدى انحكمنا ٣ اشهر مع وقف التنفيذ
لان ساعدنا الشرطه يقبضون على العصابه
اما عمار انحكم موبد ٢٥ سنه هلكد ما مسوي مصايب
طلعنا من السجن اني وهدى
بس مانعرف وين نروح
قررت اتصل على غزوان حتى يدبرلنا سكن
اني مااثق باي أحد غيره
راسا بس اتصلت علي دزلنا سايق ياخذنا المكان عمل غزوان
بس دخلنا فرح بينا ودزلنا على ريوك
علما تريكنا اجرلنا شقه بمجمع سكني
وكال اني راح ادفع ست اشهر ليكدام
ساره...بس اني عندي فلوس
غزوان...ولو اني ادفع بلبدايه وبعدين من تشتغلين انتي ادفعي
غزوان...وعندي شغل الجن ثنيينجن
اني مااكدر اشغلجن وياي لان الشغل هنا يريد شهاده
وانتن ماعدجن شهاده
بس راح اشغلجن شغله بسيطه وتعرفنها ثنيينجن