رواية انحراف الفصل الاول1بقلم جمانه السعيدي
اني ساره من عائله متوسطة الدخل ملامحي عاديه بس شكلي حلووو
يعني ماعندي مفاتن جمال بارزه بس شكلي حلو
حنطاوبه جسمي متناسق رشيقه عيوني سود
شعري سرح طويل طولي ١٦٥
احنا بلبيت ٣ بنات
ابوي رجال كاسب يطلع من الصبح اي شغله تصادفه يشتغله
تحميل سياره
تفريغ حموله ترتيب مخرن كلشي يشتغل
رجال بسيط ومن أهل الله
يروح بطريقه ويرجع بطريقه
بعمره مااذه احد حتلو يتعدى علي يكول رحمله والديك
امي انسانه شاطره وذكيه وشخصيته كلش قويه
هي الي دايره البيت كله
كلشي باايده اي شي تكول علي لو تامر بي يصير
امي كلش قاسيه
يعني الأمور عدها لو اسود لو ابيض ماكو وسط
كلش تخاف علينا وتعتقد اذا عاملتنا بحنيه راح نتمرد
وتفلت الأمور واحتمال ننحرف
بعمري ماشفته اخذتني بحضنه
او سمعتني كلمة حبيبتي كل كلامه أوامر وياويله الي
ماتنفذ راسا تنضرب
قاسيه بشكل مو معقول حتى بابا يخاف منه
بعد سقوط النضام اتاخرت حالتنا اكثر
ووضعنا المادي صار كلش ضعيف
بحيث بابا يطلع ماكو شغل
امي قررت تطلع تبيع مخضر وياا شغل ابوي القليل
حتى تساعده على العيشه
مشت امورنا
سنة ٢٠٠٩ توفا بابا تخربط نقلنا للمستشفى ومات
سكته دماغيه
شكد جنت احس امي قويه وحتى أقوى من ابوي بس
شفته ضعيفه
كلش ضعيفه وهي منهاره وتبجي علي
جنت اتوقع بابا ياخذ قوته منه
من قوته من صلابته من شخصيته جنت اكول امي شكد قويه شلون قبلت بابوي
ابوي كلش مسالم وبسيط
شفت امي تبجي بحركه علي تصرخ وتصيح
راحت عزوتي راحت قوتي راح حيلي
جنت عاليه بعلو الثريه وصرت كاع لليسحك عليه
هنا حسيت امي كلش ضعيفه وخايفه من الزمن
بعد ماا مات ابوي وبقت العيشه كله بركبته
حمل اتلث بنات مو قليل جمانه السعيدي
بهاي السنه اني جنت توني مخلصه متوسطه
واختي ايمان الجبيره خامس اعدادي
وازغر وحده منى مخلصه سادس ابتدائي
أصعب ضروف مرينا بيه بعد وفاة ابوي
امي كاعده عده وماتطلع
ماكو اي دخل نصرف منه
كوه مدبرين امورنا بس اهل المنطقه كانو يفتقدونا
ويسئلون عنا
ومرات يذكرنا بمسواك
واكو واحد صديق بابا كان يجيبلنا مخضر
طماطه خيار
لو بيذنجان وبتيته
أصعب ايام كل يوم يمر علينا بسنه
منا لمن امي خلصت العده ورجعت تبيع مخضر كانت علينا شده
بعد ماكو مدارس لان الحاله ماتساعد على مصاريف المدرسه
يله مطلعين قوت يومنا
احنا عايشين بقضاء والشغل صعب وحتى الي يلكه شغل
الفلوس قليله
بدت نسوان الجوارين يقترحرن على امي تنتقل المركز المحافضه
اكيد الشغل هناك احسن
وتكدر تشغلنا احنا البنات
منطقتنا عيب البنات تشتغل
وماعدنا اي صنعه بادينا جمانه السعيدي لانعرف نخيط ولا نشتغل اي شي
وهم الناس تنقد وتحجي على كلشي
عيب البنات تطلع
وامي كلش تخاف من هاي النقطه
ماتريد اي احد يحجي علينا
بس الضروف صعبه ولا زم نشتغل حتى نكدر نعيش مثل الناس بوسطية المخضر الي امي تشتغل بيه
مااجيب ذاك الوارد الزين
قررت امي بعد وفاة ابوي بسنه وحده ننتقل المركز المحافظه
بس مانبيع الببت
راح نااجر ببتنا وناجر بمركز اامحافظه
ونحاول نشتغل اذا لكينا شغل زبن
وامورنا مشت تمام نستقر هناك
واذا الوضع ماعجبنا نرجع البيتنا
عرضنا ببتنا للايجار ولكينا موجر بس بعد لازم امي تروح ادور مكان نسكن بي هناك بس مو الإيجار غالي
حتى الإيجار مال ببتنا ندفعه هناك
امي كلش جانت خايفه من هاي الخطوه تخاف تفشل
وهي ماعدها تجارب سابقه بلسفر والعمل بس الضروف تحكم علينا
بنات اتلاثه مو شويه ماتريد عمامي لو خوالي يتشمتون بينا
رغم همه ابد مالهم دخل ولا يسئلون عنا
ولا يذكرونا بشي
بس مستعدين يحجون علينا
مرات اكعد الكه امي كاعده بليل هاكد ماتفكر شلون ادير
امورنا صح تهم بينا وتخاف علينا
اني هنا يله ١٦ سنه عمري
كنت حاسه فكرة السفر والسكن بمكان ثاني معتبرته مغامره
مو مسوليه جديده
اريد اطلع واشوف الناس اشوف العيشه هناك شلون هلكد ماامي حابستنا بلبيت
وماتقبل نطلع تخاف من كلام الناس
راحت امي المركز المحافظه ادور سكن
اول مره كلشي مالكت وثاني مره لكت مكان بس صاحب المكان ماموجود ثالث مره لكت شقه بعماره تعبانه حيل
واجرت بيه شقه بسيطه
ايجاره على كد ايجار بيتنا
رجعت النا حسيته خايفه من هاي التجربه اكثر مافرحانه بيه جمعنا غراضنا ونتقلنا للسكن الجديد
وصلنا العماره حيل تعبانه
والشقه قديمه رتبنا غراصنا وكعدنا
ثاني يوم امي طلعت ادور شغل واكدت علينا مانفنح الباب الاي احد اين كان مانفتح الباب ابد
رجعت مالكت شغل زين وهي هم ماكو بيدها حرفه او صنعه اسبوع كامل تطلع وترجع
الحد مآ يئست تماما وتندمت لان عافت ولايتنا وعافت بيتنا واجت
بعدها طلعت ولكت مكان تبيع بي بلسوك وهي عدها كم فلس راح تفتح بوسطيه مخضر هلمره مو بس خضره
لا وياها طماطه وبتيته وتمشي امورنا
رجعت فرحانه لان لكت شغل
بس هذا الشغل هم مايكفي عيشتنا
بدت تسئل عن شغل أأمن حتى تشغلنا
بس مو اي شغل ومو بااي مكان
تريد شغل خاص بلبنات وكون مكان عام مو مكان خاص
بقت تسئل هووواي
الحد مالكت شغل عامله بصالون نسائي الاختي الجبيره ابمان
وكانت تحصل يوميه زينه
وام الصالون سمعته كلش زينه
بقيت اني هم اريد اشتغل حتى اساعد بلعيشه