رواية انحراف
الفصل الثامن8
بقلم جمانه السعيدي
ساره....استسلمت للوضع غصبا ماعليه
حياتي كانت عباره عن حرام بحرام
بلنهار نوم والاكل عمار يجيبه من اي مكان نسهر بي
طبعا مايجيب مسواك على حسابه ابد
يجيب اكل من الاكل الي يبقى بااي مكان نسهر بي
فواكه ولحم ودجاج من يطلع بلنهار يقفل الشقه عليه
وبليل ياخذني باايده ويرجعني باايده
مجرد روتين وحياة كله روتينيه ومابيه طعم
ولا همه حملي ولا تعبي يريد يحصل فلوس حتلو على حساب صحتي
وهذا الطفل المسكين
مرت الاشهر اني ماعندي بطن جبيره بطني زغيره
بس كمت اتعب ومااكدر وهو مايقبل يرحمني
بشهر السادس عمار جاب بنيه خلاها وياي بلشقه
ازغر مني
هاي مسكينه يتيمه وعايشه بيت خاله
متعرف عليه عمار وضاحك عليه وداك بيه الناقصه
الحد مانهزمت وياااا
وتخاف كلش خاف خاله يعرف مكانه ويذبحه
كلش فقيره وكلشي ماتعرف
لان اني مااكدر مثل قبل بسبب بطني الشغل تحول على هاي المسكينه
كلش جبانه وتخاف من عمار حيل
الحد مايوم رحنا الشقه
واني صارت عندي تشنجات قويه بشهر السابع
صرت زركه ولزمت بطني وكمت ابجي
ماكدر عمار يرجعني للشقه يريد يخلص شغله كعدني على صفحه جمانه السعيدي
اكو واحد عمره بلاربعين بس شكله كلش حلو ومرتب
وملابسه غاليه والتليفون حديث والساعه ماركه
كعدت وهو بقه عينه عليه
اجا كعد مقابيلي
غزوان....مبين تعبانه
ساره....اي كلش تعبانه
غزوان...انتي حامل
ساره...اي
غزوان....وليش تشتغلين هيج شغله
ساره...هاي قصه طويله وتحتاج وقت
غزوان...احجي شعدنا
ساره...انت مبين خوش انسان ليش جاي لهذا المكان
غزوان...الصراحه اني مالي بهاي السوالف بس صديقي صمم
اجي وياااا
ساره....هذا مو خوش صديق
غزوان....لا خوش صديق
ساره...انت مزوج
غزوان....اي مزوج صار ١٧ سنه وماعندي اطفال
كلشي عندي فلوس شغل محترم زوجه طيبه بت ناس
كلشي عندي اله الأطفال ماكووو
شكد حاولت وعالجت بس بدون فايده
ساره...لزمت بطني وكلت هسه هذا الطفل لو رب العالمين منطي الغزوان مو احسن من عمار الجلب يريد يشمره
غزوان...وين صفنتي ماعرفت قصتج
ساره...اني زوجت عمار خطبني وأهلي ماقبلو وانهزمنا
اني وياااا والضروف حكمت نشتغل هنا
غزوان....ولله مامبين عليج تحبين الشغل هنا
ساره...ولله لو يرجع الزمن بس تسع أشهر جان غيرت حالي وعشت مثل البنات
غزوان....الله يتمم عليج بخير
ساره...مااعرف ليش ارتاحيت الحجي ويااا
حسيته انسان محترم
يمكن الفضول جابه الهيج مكان
عمار مابطل ياخذني ويااا اكو جماعه مجرد ماتكعدين وياهم وسوالف وضحك
تحصلين مبلغ وعمار مايفوت هيج فرصه
وهاي المسكينه وكعت بيد عمار بعد مراح يعوفه ابد
تكسر الخاطر
بس مابيدي شي ومااكدر اساعدها
هي اصلا كلش خايفه وماتقبل تنهزم تخاف من خواله
رجعت التقيت بغزوان مثل مااني ارتاحيتله
هو ارتاحلي وكام يحجيلي كلشي عن حياته
حتى عنوان ببته عرفته
دائما يوصيني على ابني ديري بالج علي
حافظي علي الأطفال نعمه محد يقدرها
ضجت على وضع غزوان وتمنيت انطي ابني يستاهله
هلكد ماحجيتله عن نفسي اتأثر بوضعي
وبيوم عرض عليه عرض
جمانه السعيدي
غزوان....اذا ماعاجبتج هاي الشغله ليش ماتعوفيه
ساره ...وين اروح
غزوان...اني ممكن اامنلج سكن وشغل حرامات ابنج
ينولد بهيج بيئه
شكد مركز وياا ابني يمكن لان محروم
ساره...تحجي صدك لو اجاملني
غزوان....ليش اجاملج اني اريد اطلعج من هيج مكان
مبين هذا المكان مو مكانج
ساره....ولله لو اطلعني تكسب ببه ثواب
اني اريد اعيش نضيفه كارهه هاي الحياة
غزوان...خلص شوفي وضعج ورجعيلي خبر
ساره...كلش فرحت بهذا العرض اذا احصل سكن وشغل
واطلع من عمار
واعيش حياة طبيعيه حالي حال البنات
واربي ابني يمكن رب العالمين دزلي غزوان رحمه
بنهاية شهر الثامن
كمت مااطلع للشغل حتى مااكدر اكعد واحجي وياا الزلم
وهنا عمار شد وياي شده كافره
كل النهار يحجي عليه ويغلط
كاعده واصرف عليج
مو كتلج هذا الطفل نزلي
جنا نشتغل وخير من الله وهسه خوش لكيتي حجه
خل يكون بعلمج هذا الطفل بس ينولد تشمري بلشارع
مااريده فهمتي لولا
ساره..ماكدرت اتحمل كلامه كمت اعيط علي
كافي اني مو عبده عندك قشمرتني وضحكت عليه
شغلتني بلحرام الله لايوفقك
شتريد مني عوفني
اني رب العالمين دزلي انسان ينقذني منك
راح ياااامنلي سكن واخلص منك
بعد لا تشوفني ولا اشوفك اريد اربي ابني اريد اعيش
انت مو بشر انت مجرم وين تروح من رب العالمين
غزوان عرض عليه سكن وشغل لوجه الله
احسن منك ماكو اي رحمه بكلبك
عمار...هااا لكيتي واحد غزوان مو اني راح اخليج تسمعين خبر غزوان اذا مااخلي النعي مالته ينتشر بلعراق كله مااتسمى بااسمي
طفر عليه ضربني راشدي ودفرني وطلع
كامت بطني توجعني حيل
دموعي تنزل وادعي علي من كل كلبي مجرم مو بشر
لليل ممدده وحدي بلشقه وهو اخذ هاي المسكينه وطلع
ماكدرت انام بطني توجعني حيل من الضربه
نمت الساعه بلثنتين بلاربعه رجعو للشقه
راسا دخل للغرفه فتح الاضويه
عمار...اكعدي هاج شوفي غزوان شصار بي من وراج
فتح فديو بتليفونه يتابع غزوان ويضربه طلقتين
وينهزم
ساره.....يايمه لطمت على وجهي ياامسكين
يااغزوان ليش هيج انت شنو من بشر
عمار...حتى تحرمين مره ثانيه اي واحد يدخل بينا راح يكون هذا مصيره
اذا تردين اي احد يدخل بينا لو تفكرين ترحين وياا اي احد من هسه اقري علي الفاتحه
طلع وطبك الباب واني بقيت ابجي للصبح
ياربي اني ماعندي حوبه لان اذيت امي
غزوان ماعندا حوبه
هاي المسكينه الي يتاجر بيه من واحد الواحد ماعدها حوبه
يمته نخلص من عمار
يمتى نعيش حياتنا هذا لعنه مو بشر
ثاني يوم بس طلع عمار اتصلت على كم وحده تشتغل ويانه
بلكت تعرف اخبار عن غزوان
محد يعرف عنه أي شي
بعدين جبت رقم صديقه واتصلت علي
كال حالته خطره بلمستشفى ادعيلي تعدي على خير
اجيت اكوله عمار الي سوا بي هيج كلش الكلمه وكفت على الساني
بس خفت يصير تحقيق ويستدعوني وواكع نفسي بمصيبه
مااطلع منه
ضليت ادعيله طول النهار الله يطلعه من هاي الشده
مسكين راح يخسر حياته بسببي
اني غبيه ليش حجيت العمار
لو ساكته احسن جمانه السعيدي دائما اوكع نفسي بمصايب واني الي ادفع الثمن
مسكين غزوان طيبته سببتله الاذيه
يمكن اني نحس بس حاول يساعدني اتائذه
اربع ايام واني اتصل بصديقه كل يوم مرتين
الحد مااطمنت عبر مرحلة الخطر
بس شنو شألو جزء من الكبد
خضع العمليتين اسبوع وهو حالته حرجه
منا لمن اتحسن
دخلت بشهري ١٥ يوم يله اجاني الطلوك
عمار اخذني للمستشفى وحذرني اجيب الطفل للبيت
ساره....اشتغل وياك بس ابني اريده
عمار.. اذا وصل هذا الطفل للبيت اني اخنكه بايدي واموته
خلاص فهمتي لو لا
عوفي بلمستشفى وتعاي
اصلا محد راح يطلعله بيان لان ماعندج عقد
عوفي وتعاي
من تكملين ولاده اتصلي عليه
بقيت اطلك نهار كامل وحدي بلمستشفى ومحد وياي
اصرخ ولج يمه تعاليلي
راح اموت ولج يمه سامحيني راح اموت
عذبت نفسي وعذبتج وياي
هاي حوبتج طلعت بيه
يمه ادعيلي تعدي هاي الشده على خير
الممرضات كل شويه وسئلني ليش جايه وحدج
وين زوجج وين اهلج
ساره. اني غريبه واهلي بعيدين عني
كل النهار اطلك أصعب نهار مر عليه
وعمار كل شويه يتصل ماكملتي
الله لا يوفقك عمار الله ياخذك عمار
للمغرب يله جبت جبت ولد يخبل
الممرضه.. اريد مستمسكات نطلع بيان
ساره.. اتصلت على ابو هسه يجي ويجيب المستمسكات
بقيت نايمه بلمستشفى وكلما يتصل عمار اكول بعدني
ماجبت
افكر بهذا الطفل المسكين شنو ذنبه اعوفه واطلع
منو راح يهتم بي ووين راح يخلووو
شلون راح يعيش
الساعه ثنتين جابو حتى ارضعه
بقيت ارضع بي منا لمن طلعت الممرضه
اخذته وطلعت من باب المستشفى الخلفي
امشي واتختل خايفه
ضامته جوه عباتي
شفت نكسي نزل وحده بلباب
صعدت ونطيته عنوان غزوان
هذا الطفل محد يربي غير غزوان هو أولى بي
وصلت نزلت بابهم شفت سيارته واكفه تأكدت من العنوات
لفيت الشال على وجهي حتى محد يشوفني خاف الكامرات اجيب وجهي جنت لابسه عباية راس نزلته على وجهي
خليت الطفل ودكيت الجرس حيل
وركضت كل قوتي وكفت بعيد مكان اضلم
اتاخرو يله فتحو الباب
يمكن زوجته فتحت الباب
قبل لا تشيل الطفل باوعت منا منا ماكو احد
اخذته ودخلت جوووا
بقيت امشي وامسح بدموعي
ولله اله اندمك ياعمار واخلص الناس من شرك
انت قتلك حلال