رواية انحراف
الفصل الاخير
بقلم جمانه السعيدي
بعد ماخلصنا اكل اخذنا غزوان للشقه الي أجرها النا
كلش حلوه ومااثثه
بس دخلت وشفت الشقه ارتاحيت
دنكت سجدت الرب العالمين الي وكف وياي وماتركني
وقررت اتوب توبه نصوحه لله تعالى
راح البس حجاب شرعي ومااعوف فرض مااصلي
اريد رب العالمين يرضا عني
غزوان وصلنا وراح كال ارتاحو يومين وارجع عليكم
طلع ورا ساعه دزلنا مسواك
بقينا يومين بلشقه بس ناكل ونام
واني نزلت اشتريت مصحف وقررت اختم القرءان
واشتريت ملابس محتشمات اني وهدى
ثالث يوم اتصلت على غزوان وكتله
وعد الحر دين وين الشغل
كال اني هسه جاي عليكم
شويه ووصل نزل وهو شايل زيد بس شفته عرفته
احس كلبي طار من مكانه
زيد كان لابس بنطرون جينز وقميص ابيض وشعرا كيرلي
عبالك محابس يخبل
بس كان مريض ويكح
غزوان...اليوم زيد مريض ويبجي وراي ماكدرت اعوفه
واطلع بس اوصلكم للشغل ارجعه الامه
ساره...بدون وعي اخذته منه وحضنته حضنته حيل
وشميته ياربي شكد مشتاقتله
وهو عبالك يعرفني سكت كل شويه وغزوان كاله تعال بابا
واني اكووله عوفه عندي الله عليك
اخذنا غزوان بسيارته المجمع كلش جبير ٣ طوابق
منزليات على ورد على تحف على هدايا
هذا المجمع الاخته ام طه اديره هي وبته نور اخته عمرها ٦٠ سنه بس انسانه تنحط على الجرح ايطيب
حاجه بيت الله مرتين
غزوان...هلو ام طه
ام طه...هلو غزوان شلونك
غزوان...الحمد لله جبتلج اللبنات واني اكفلهن
ام طه... اي واحد يجي من جهتك ثقه
جمانه السعيدي
ساره...كلشي ماسمعت بس حاضنه زيد وابوس بي
غزوان.. التفت عليه وكال يله شوفو شنو الشغل حتى تبدووون يله بابا تعال
راسا راح الابووو واني احس نفسي بعد ماشبعت منه
ام طه....انتي وهدى استلمن الطابق الثاني الطابق الثاني كله فرفروري اريد ترتيب ونضافه ومعامله حلوه لزباين
غزوان اخذ ابنه وطلع واني وهدى صعدنا للطابق الثاني
وكمنا نرتب ونلمع وام طه تراقبنا بلكامرات تريد تشوف شغلنا شلونه
الحمد لله عجبه شغلنا حيل واني هم ارتاحيت للشغل والمكان بعد بس اريد اطمن على اهلي
بعد شهر من الشغل كدرت اخذ اجازه يومين وقررت اروح اشوف امي وخواتي اريد امي تسامحني الدنيا لطمت بيه لمن ملت لان اني عصيت امي ومامشيت بااوامرها
وصلت وكفت خايفه ومتردد اباب ببتنا
ردت ادك الباب راسا فتحته منى تريد اطلع الزباله
راسا نشغت حيل وصاحت ساره حضنته وكمت ابجي بصوت عالي هي تبجي واني ابجي على صوتنا طلعت امي
شفته مسحت دموعي كانت تباوع عليه وعيونه مخنزه
حسيته حاقده عليه عفت منى وقربت عليه بس قربت هي ابتعدت رجعت ليوره
ساره...يمه اوكفي مشتاقتلج
ماردت عليه دخلت للغرفه ودخلت وراها دنكت بسته برجليه دفعتني وكالت اطلعي برا اني بنتي ماتت من زمان
ماتت من طلعت من بيتي وخالفت اوامري
اني ماعندي بس بنات ثنيبن ايمان ومنى اطلعي مااربد ادعي عليج اطلعي كامت تعيط عليه
بقيت كاعده وابجي بلكت اكسر خاطره بس ابد ماحنت عليه تعبت من البجي وطلعت من الببت
الي عرفته ايمان مزوجه
وباقيه بس منى وامي بلبيت
طلعت من البيت واني دموعي على خدي ابد ماالوم امي
الي سويته بيه مو قليل اني مااستاهل تسامحني
رجعت البغداد جمانه السعيدي رجعت الشغلي من الببت للشغل ومن الشغل للبيت ابد ماافوت فرض وكل وقتي استغفر بلكت رب العالمين يغفرلي
علاقتي بغزوان علاقة صداقه احبه واحترمه كل فتره احلفه يجيب زيد حتى اشوفه
ابد مايكسر خاطري بس اتصل علي يجيبه
سنة ٢٠١٨ امي ماتت ماكدرت احضر عزاها بس رحت الكبرها وتوسلت بيه تسامحني
اريدها تسامحني حتى ارتاح كل مره اكعد وابجي يم كبرها كلشي مااريد بس تسامحني
منى خطبه حما ايمان وزوجت
هي وايمان عايشات بنفس البيت عندي تليفوناتهن
كل يوم اتصل اطمن عليهن
سنة ٢٠١٩ هدى ازوجت ولد سايق كان يوصل للمجمع بضاعه منفصل وعندا ولد وبنيه
ازوجته وراحت تعيش ويااا اطمن عليه بلتليفون دائما
وهو من يجي اسئله عنها بس ماصار عدها اطفال
لمن اجت كورونا زوجت غزوان انصابت
كان محتار منو يداريه ويدير باله عليه الناس كله خايفه
من هذا المرض الناس كامت تتبرى من اقرب الناس اله
بهاي السنه زيد عمرا تسع سنوات
جمانه السعيدي
طبعا ام طه قفلت المجمع كل المجمعات والمحلات انسدت بسبب الوباء وزارة الصحه سدته تخاف من العدوا
لمن اتصل عليه غزوان وهو يشكي حال زوجته ومجاي يلكه احد يدير باله عليه
اني تبرعت اروح اداريه وهم اريد ابقى قريبه من ابني
تسع سنوات واني اتمنى نعيش اني وزيد بيت واحد
واشوفه كل الوقت
طبعا غزوان ماقبل يكول خاف تنعدين
بس اني ابد ماخفت اخذت ملابسي ورحت عشت وياهم بنفس البيت
احلى شي كان عندي زيد كل الوقت كبال عيني صرنا اني وياا اصدقاء نلعب ونحجي سوا
كل شويه وكال اني احبج بعد لا ترحين ابقي عايشه ويانا
كل شويه اغلط واصيحله ماما لا مااغلط اني اتعمد
اريد اسمع هاي الكلمه واشبع منه
بلبدايه زوجت غزوان حيل انتكست حالته بعدين صارت
زبنه اسبوع واحد بعدها انتكست حيل
رغم غزوان شكد صرف فلوس وجاب علاج بس بدون فايده
ماتت زوجته شكد بجه عليه بقه حاضنه ويجي ولا خاف ينعدي منه ابد
بعد ماماتت زوجت غزوان ماكدرت اعوفهم ثنيينهم
مقهورين ويبجون عليه
بقيت وياهم عايشه انضف وارتب واطبخ وادير بالي على
زيد واقري دروسه
زيد بعد مافقد امه اتعلق بيه حيل وخصوصا اني كنت دائما اشوفه قبل ويشوفني لان ابو يجيبه اليه
سنة ٢٣ عرض عليه غزوان نزوج هلكد مايشوف زيد متعلق بيه
غزوان....اني اريد اقدملج عرض وبكيفج تقبلين اوترفضين
ساره.. اسمعك
غزوان .. تقبلين نزوج اني مراح الكه وحده حنينه على زيد مثلج
ساره.. راح اقبل بس حتى اكون قريبه من زيد لان مااكدر افاركه ابد
غزوان....حبيت كلشي بيج وخاصه تمسكج بلدين والصلا
انتي فعلا صرتي انسانه ثانيه
طبعا هنا اني عمري ٣٠سنه وغزوان عمرا ٥٢ سنه
ازوجنا اني وغزوان شكد انسان وكلبه طيب
رغم يعرف الماضي مالتي بعمره ماا حسسني بنقص
لو جاب طاري الماضي ابد
اني اليوم انسانه جديده اتمنى البنات الي قرن القصه
يتعضن من قصتي كلام الاهل دائما صحيح
هم أكبر منه واعرف بمصلحتنا
اني لو سامعه كلام امي ابد ماصار وياي هيج
الحد هاي اللحظه زيد مايعرف اني امه ولا غزوان يعرف
زيد يصيحلي كله ماما
مااريد احجيله عن غلطتي مااريده يعرف هو لقيط
اريده دوم يبقى رافع راسه وهو يتبهى بابو
ابو غزوان الي ربى وتعب علي
اني راضيه بحياتي
والحمد لله والشكر رب العالمين نقذني من الدمار الي جنت عايشه بي
تمت