رواية العطر السحري الفصل السادس6 بقلم منه محمد
في مكتب المديره كانت "رنا" تجلس متوتره تنظر في الارض خجلاً مما فعلته
المديره : انت عارفه انك تسببتي في تدمير اغلب الادوات اللي ف المعمل بسبب فعلتك المتهوره دي و الحمد لله ان محدش اتصاب و الخساير كلها ف الادوات بس
رنا بأسف : انا اسفه والله بس فعلا مكنش اصدقي اي حاجه انا كنت بس بجرب لو رشيت البرفيوم هايحصل ايه
المديره : بتجربي تدمرتي معمل المدرسه و بتجري و البرفيوم بيعمل معاكي ايه ف المدرسه انت جايه تتعلمي و لا جايه تتعايقي
رنا : نسيته ف الشنطه بالغلط
المديره : انت عارفه اني لازم ابلغ والدك و هاقوفك عن الدراسه لمده اسبوع
رنا : لااااا بابا لا ارجوكي يا ميس بلاش تقوليله
المديره : يعني ايه مقولهوش طبعا لازم يعرف
رنا : ارجوكي بلاش انت مش عارفه ممكن يعمل فيا ايه ، و انا مستعده ادفع تكاليف المعمل
المديره : تدفعيهم ازاي و هو انت بتشتغلي يا بنتي !!
رنا : انا هتصرف بس ارجوكي متقوليش لبابا
___________________________________________________________________________
هاجر : انت اتجننتي !!
كان هذا رد فعل "هاجر" عندما حكت لها "رنا" ما حدث
رنا : اعمل ايه كانت هتقول لبابا و تديني رفد اسبوع
هاجر : و تقدري تقوليلي هاتجيبي فلوس منين يا فالحه
رنا : متقلقيش انا عندي فكره
_____________________________________________________________________________
رنا ببكاء مصتنع : و عشان كده انا محتاجه الفلوس و ده غصب عني و الله يا مستر اهئ اهئ
عمرو : طيب خلاص خلاص هديكي اللي انت عايزه ، بسسسس ايه مقابل
نظرت له بدهشه و خوف معا : مقابل مقابل ايه !!
عمرو بخبث : يعني اصلك هتردي الفلوس ازاي يعني؟
اتت في رأسها افكار سوادء : معلش يا مستر انا مش فاهمه حضرتك
عمرو : يعني تشتغلي عندي سيكرتيره
تنفست الصعداء : اه طبعا بسسس
عمرو : متقلقيش انت هتشتغلي شهر واحد بس و المبلغ اللي هديهولك هو المرتب بتاعك بس هتشتغلي مضاعف لان المبلغ اللي انت عايزه ده مرتب شهرين ف هتشتغلي شهر ف شهرين
كان العرض يبدو غريب و غير منطقي لكنها وافقت
____________________________________________________________
_________________
في منزل "هاجر" حيث اتت "رنا" لتذاكر و لكي تستطيع التحدث دون قلل من اهلها
هاجر : انت عايزه تشليني
رنا : اعمل ايه مفيش حل تاني غير كده
هاجر : ده انت كنتي تاخدي رفد اسبوع في البيت ارحم انت رايحه للاسد برجليكي
رنا : متكبريش الموضوع يا هاجر كلها شهر
هاجر : و يا ترى بقى هتقعني اهلك ازاي بموضوع الشغل ده
رنا : هابقى اتصرف متقلقيش
هاجر : ما هو ده اللي مقلقني اكتر
اضاء هاتف "رنا" بإشعار
هاجر : ايه ده ، ده طارق تاني بعتلك منين المره ده انستنا
رنا : لا ده زياد بعتلي ادد ع الفيس
هاجر : ايه زياد !!
اخذت تصرخ وتقفظ من الفرحه
هاجر : بس ياوليه امي نايمه
رنا : انا اسفه اتحمست ، استني استني ده بعتلي رساله
هاجر بحماس : ايه !!
رنا : ازيك يا رنا ، انا زياد ينفع اتكلم معاكي ف موضوع