رواية انحراف
الفصل الرابع4
بقلم جمانه السعيدي
ساره...بليل من امي نامت جبت خيط
مال خياط وكلت الإيمان حفيلي وجهي
ايمان...واذا امي شافتج
ساره...مالج شغل شنو اني رجال وجهي كله شعر
حتى الولد هم تحف وترتيب شكله
بدت ايمان تحفلي هي تعرف من الصالون حفت وجهي وعدلت حواجبي
الصبح من كعدنا بقيت مدنكه حتى امي لا تشوفني اكلت لكمتين وكمت بسرعه بلدت وخليت بقايا المكياج
ال جابته ايمان بجنطتي
وطلعت حتى قبل لا يجي الخط
بقيت انتضر شويه صعدت ورحت للشغل
اول ماوصلت رحت للصحيات خليت باودر وحمره وكحله
بس مااعرف ارتبهن على وجهي وحده من البنات ساعدتني
رجعت كعدت على المكينه هلمره اريد اركز على الخياط
لان اصبعي كلش يوجعني من امس
خيطت خمس قطع بس عيني على الباب منتضره عمار يجي حتى اصالحه
للغدا وهو ماكووو
خلص النهار ومااجه
رحت على احلام
ساره.....احلام اليوم ماكو طلبية قماش
احلام... مااعرف بس المخزن متروس قماش ليش تسئلين
ساره...لان عمار مااجه اليوم
احلام...عمار ادروبه هواي تلكينه هسه شافله مصلحه وراح وراها
ساره...هاااا
احلام....باعي ساره ابتعدي عن عمار ترا سوالفه موزينه
وانتي غشيمه ديري بالج منه
ساره...انتي ليش تحجين علي ترا ماشفت منه شي موزين
بالعكس حباب ويساعد البنات
لطيف لا يحجي على احد
احلام....ولج عنده علاقات مشبوها وياا البنات ويشتغل بكلشي
ساره....اني مااصدك اله الشي الي اشوفه بعيني واني ماشفت منه شي موزين ابد
احلام...بكيفج اني نصحتج الوجه الله
خلص الدوام ومااجه عمار
طلعت التليفون واتصلت علي مارد عليه
اكثر من عشر اتصالات ومارد عليه
دزيت رساله
هلو عمار اشتاقيتلك ممكن ترد عليه
اني اسفه تعال واني راح اصالحك
هم مارد عليه
رجعت للبيت وحاولت اتصل علي بس مارد عليه
ثاني يوم جمانه السعيدي كعدت لكيت امي طالعه قبلي تريد تشتري مسواك من العلوه
تمكيجت بلبيت خليت امونه مكيجتني
وطلعت وصلت كعدت على المكينه اخيط
خيطت تقريبا عشر قطع
اجا وقت الاستراحه وهم عمار مابين
من خلصنا ورجعنا للشغل شفته اجا
عدلت نفسي اول مره احف واخلي مكياج منتضرته يشوفني ويفاجى بيه
سوالف على كم وحده بس مااجي عليه ولا باوع بعينه
بقيت منتضرته راسا طلع
كل مره يجي طاير عليه بس يدخل للمشغل يجيني
عفت المكينه وطلعت ورا
بس مالحكت علي صعد السياره ومشى
كلش ضجت معقوله هلكد ضايج مني وزعلان عليه
اني شكد غبيه
ليش صديته هو يحبني ويريد يزوجني
اكيد يزعل من تصرفاتي
حسسته ماعندي ثقه بي
اتصلت علي ماجاوبني
بيومه استلمت فلوس شغلي ٢٥ الف طرت من الفرح
واخيرا استلمت فلوس شغلي
من رجعنا كلت الامي استلمت ٢٥ واريد اشتري ملابس
كالت اني اخذج للسوك واشتري اي شي يعجبج
اخذتني بليل واشتريت ملابس على كد فلوسي
ثاني بوم كاشخه بملابسي الجدد
طبعا كلش عاديات بس المهم جدد
وتمكيجت وتعطرت ورحت للمعمل
وصلت وكعدت على المكينه للضهر خيطت ١٥ قطعه
وقت الاستراحه اجا عمار
وكف وكال هلو بنات شلونكم
اني عيني علي بس هو عبالك اني ماكووو
كمت من الاكل طلعت انتضرا برا جمانه السعيدي
بس طلع لزمته من ايدا
ساره...هذا كله زعل
عمار....انتي ماتحبيني ليش اتعلق بيج
ساره...شلون مااحبك اموت عليك
عمار...اثبتيلي انتي تحبيني
ساره...اني اسفه
عمار...مايكفي
ساره....شتريد اني مستعده بس لا تعوفني فدوه
عمار....اني اكلج شلون تصالحيني انتظريني من يطلعن البنات لا ترحين وياهن
ساره...شلون مااروح وياهن
عمار...كولي اني اريد اروح للسوك اشتري كم حاجه
الكاج منتضرتني ورا المخزن
ساره...بس مو تتأخر خاف ترجع امي وماتلكاني
عمار...لا تخافين نحجي شويه وبس
بعدين شنو هلجمال شطالعه ياربي انتي بدون مكياج مخبلتني
النوب مكيجه طالعه كيكه
ساره...كرصني من خدي وراح
رجعت للشغل من كملنا كتلهن اني مااروح وياجن
اريد اروح للسوك استلمت بوميتي ٢٥ الف
لان صرت محترفه بلخياط ولو هو بسيط خيطت ٢٥ قطعه
استلمت ٢٥ الف
بقيت منتضره عمار ورا المخزن
اسمعه يكول للحرس اني هسه اجيك البضاعه واجيك
راسا اشرلي تعاي دخلني بلمخزن وطبك الباب
راسا حضني قوي وبقه يبوس بيه ويكول مشتاقلج
حاولت ادفعه بس ماكدرت استسلمت
لان خفت لا يزعل عليه ويبقى زعلان
اني ماصدكت لكيت واحد يحبني ومهتم بيه ويريد يزوجني
كعدنا اني وياا وكام يسولف على حياتنا وعلى وضعنا وعلى زواجنا وين راح نسكن وشكد يريد اطفال
الحد ماعقلي راح العالم ثاني
وخيالي كام يصورلي حياتي اني وياا وشلون عايشين بيتنا
وجهالنا شلون أشكالهم
ماحسيت نفسي اله بحضنه ووكع المحضور بينا
انتبهت النفسي راسا كمت كلني ارجف
ارجف وابجي والملم بنفسي
ساره...هاي شسويت بيه دمرتني وين اروح شلون بيه
عمار...ليش مكبره الموضوع اصلا اني راح اخطبج ونزوج
ساره...اهييي اهييي شلون بيه شراح اكول الاهلي
وكف وعدل ملابسه اخذيلي موعد من امج واني اجي اخطبج بس مو باجر
الاسبوع الجاي يله كومي اطلعي لا يجي الحارس
طلعت ورحت كبل للصحيات غسلت وغسلت جزء من ملابسي لان بي دم
وطلعت صعدنا بلسياره ووصلني البيت اهلي
همزين مالكيت امي ولا ايمان بس منى
كبل دخلت سبحت وغسلت ملابسي ورحت اتمددت على
الفراش
منى...اليوم شو ساكته مو من عوايدج
ساره ..بس شويه تعبانه
حتى من اجت امي وايمان ماكدرت اطلع ولا احجي اي كلمه
اعرف نفسي غلطانه ضيعت كلشي بلحظه ضعف
اذا ماازوجني شسوي بروحي
اذا امي عرفت راح تموتني
بقيت اتكلب اكثر من مره امي اجت تطمن عليه
اني شكد حقيره ليش ماسمعت كلام امي
ثاني يوم مارحت للمعمل
محتاره بهاي المصيبه شلون احله
اليوم الي بعدا داومت لان امي تلح عليه شببج ليش ماترحين للشغل
وهم اريد اشوف عمار وافتهم منه شلون راح نحل هاي اامصببه
بيومها مااجا عمار
ولا اليوم الي بعدا
ثالث يوم سمعت بي اجا بس ماشفته طلعت بس مالحكت علي
اسبوع كامل واني اركض ورا
وكل شويه يطلع عذر شكل
الحد مالزمته
ساره...عمار اني خايفه شلون
عمار...ليش خايفه مو كتلج اني راح اتفدملج
ساره...اي فدوه اني وضعي مو تمام
عمار...حددي موعد وياا امج واني اجي اتقدملج
كان متاكد امي مستحيل تقبل بي لان سمعته سابقته
الناس كله تعرف مصايبه واني الغبيه الوحيده الي صدكت بي وسلمته نفسي بكل سهوله
بعد اسبوعين من هاي المصيبه اجا يخطبني من امي
اجا وحدا وايد ورا وايد كدام
دخل سلم على امي
عمار...اني جاي اخطب ساره
امي...وليش جاي وحدك
عمار...اني عندي مشاكل وياا اهلي وعايش وحدي
امي... وشلون انطيك بنتي وانت وياا اهلك ماتحجي ايجوز متبرين منك
عمار...بكيفج ايسلي عني ورجعيلي خبر
فعلا امي ثاني يوم بدت تسئل عنه
ولا واحد حمد اخلاقه كل الناس ذمته وحذرته منه
انسان ساقط بمعنى الكلمه
امي دزتله خير بيد السايق الي يوصلنا
كالت وصل العمار خبر طلبك مرفوض
جمانه السعيدي
من وصله الخبر كلش عادي عنده
ساره...شلون
عمار...واني شكوووامج ماقبلت
ساره...بس امي ماتعرف المصيبه الي بينا
عمار...قنعيه واني اجي اتقدملج مره ثانيه
من رجعت البيت
ساره...يمه ليش رفضتي عمار
امي...لو تسمعين الناس شتحجي عنه ولج ساقط تعرفين شنو ساقط
ولا عندا حسنه وحده شنو زايده عليه بعدج زغيره والف واحد يتمناج سدي هذا الموضوع وبعد لا تحجين بي ابد
حتلو تعوفين الشغل المهم مااريدج تحجين وياااا
ساره.. حرت بلزايد ياربي اني ورطت نفسي ورطه
شلون بيه
رجعت حجيت وياا كال خليه تهدء وارجع اطلبج منه
كان متاكد مستحيل امي تقبل بي
الحد مافات شهر ونص على هاي المصيبه
واكتشفت اني حامل
كمت اللطم ملخت نفسي
شلون بيه ياربي
رحت علي وكتله الحكلي اني حامل
عمار....واني شبيدي عليج
ساره...جيب ناس تقنع امي حتى نزوج
عمار...منيبن اجيب ناس حتى اهلي مايردوني
ساره...حاول مره وحده علمودي
عمار.. امج مستحيل تقبل
ساره....شلون اكتل نفسي
عمار...خلاص اني راح احجي ويا امج
فعلا راح الامي بلسوك وطلب ايدي بطريقه بارده
وكانما مغصوب
امي رفضت هلمره رفض قطعي
وكان ردها لو تبقى اخر واحد بلدنيا ماازوجك بنتي
اجا للمعمل وكال امج رفضتني
ساره.. اذا بطني كبرت شلون
عمار... بعد اني ماعندي اي حل
ساره...شلون انت ورطتني شلون ماكو حل
عمار...ماكو غير حل واحد
ساره...شنووو احجي بسرعه
عمار...ننهزم ونزوج عوفي امج وخواتج وتعاي وياي